|
اختي الحبيبة خليني اقولك على نقطة مهمة عن شخصية الرجل والي هي انه اذا كثرت مراضاته زعل زيادة نصيحة وانا حاسة بشعورك وياما وياما مرت علي اوقات مثلك بس لقيت الحل انسي الموضوع وحاولي يكون شكلك دائما حلو وسولفي عادي ولاتجيبين طاري الموضوع وخلي ريحة البيت حلوه واخدميه من بعيد لبعيد وتكلمي معه ببراءة الاطفال ترى الرجل تاثر فيه البراءة اكثر من اي شي ثاني طبقي كلامي بحذافيره وصدقيني راح تدعين لي طبعا هذا بالاضافه لدعاء الله بان يصلح مابينكم وان شاء الله نشوف موضوعك في قسم المشاكل المحلولة وتعطينا من اخبارك الحلوة والله يرزقك الذرية الصالحة وكل مسلم
|
زعل زوجك ليس من مشكلة واحدة بل هي تراكمات لعدة مشاكل ,اهمل حلها , أو لخلق أو طبع فيك أراد زوجك تغييره
فرفضت أو لم يستطيع تغييره , مما أدى الى إحباط في شخنفسه تجاهك وحب أنه يجعلها قوية , فمهما فعلت مع زوجك فلن يأثر فيك ما لم تظهري له أن قد غيرت فيك ما يريده زوجك , وليس ما تريده أنتِ .. |
أخت جوري 1427
جزاك الله خيرا إن شاء الله ساعمل بما قلتي والله يعيني ... وبصراحة شكله راكب راسه لآني لما أكلمه ما يعطيني وجه و مكشر و يصرف وجهه عني وإذا كلمني فهو رد سريع بسيط بينما تسمع القهقهات لما يكلم زملاءه ... والمشكلة اني اليوم كتبت له رسالة صغيرة على الباب قبل ما يروح العمل وقلت له ( ليش الزعل .. أعمالنا لن ترفع بخصامنا هذا .. وشهر رمضان شهر تسامح ..وكلام اخر نسيته )... بعدين صحيت ولقيت الورقة مشققة أنا غلطانة اني فتحت معه الموضوع ... عارفة بس وش أسوي ما تحملت يزعل مني لكن شكلي بخلي الأمر عادي و أنسى الموضوع وأقوم بواجباتي وكان نفسي اسوي فطور محترم بس الله يهديه رفض انه يشتري المقاضي ..على قولته ما يبغى مني شيء .. والله اني فكرت اروح عند خالتي 5 أيام عله يحن علي و يرجع لي مع اني لا احتمل البعد عنه كثيرا لكن إن كان فيه مصلحة لنا فسأفعله و أريحه من رؤيتي قليلا أخي رادع .. أنا دائما اضحي و احاول ألبي كل اللي هو يتمناه ولما جت على هذه المسآلة زعل .. ليييش؟؟ بعدين هو احيانا يتأخر علي بس ما أزعل زيه و يا ما قلت له عن أشياء ضرورية لي و للبيت و يتعذر وبصراحة هو كسول شوي ... على العموم بحاول اغير نفسي والله من وراء القصد |
حبيبتي
لن أجاملك فأنت تتحملين نصف ماصار أنت تعلمين أن طبيعة زوجك (حار) وفي الحرم لامجال لبرودة الأعصاب موقفك أنك تركتي زوجك عشان غيره صعبة شويه المفروض استأذنتي من أختك اللي تسألك ورحت بسرعة لزوجك حبيبتي الرجال تثقلهم مسؤلية المرأة خصوصا في العمرة والحج والعمرة في رمضان صعبة ولو لم تكن صعبة لما اصبحت تعادل حجة مع الرسول صلى الله عليه وسلم حبيبتي انا أخالف من قال لك بأن زوجك عنيد.. اسمحي لي أن اقول لك أنك أيضا ربما تحملين نفس الصفة حبيبتي صدقيني مستحيل تحملين وتنجبين ونفسيتك كذا الحمل يريد تهيئة للجسم .. انت لاتحتاجين لأدوية طبية ولا لغيره تحتاجين إلى راحة أعصاب وتآخذين الأمور ببساطة (يعني طنش تعش) أيضا لابد من تقدير الزوج مهما كان وثقي بأنه لاجزاء للإحسان إلا الإحسان حبيبتي الرجل مرآة للمرأة صدقيني وأن كنت كما قلت تهتمين فيه ولايحس فهو أيضا يهتم فيك بدون أن تحسين حبيبتي أخزي الشيطان وتذكري انه زوجك حبيبك وقرة عيونك تذكري انه الرجل اللي طول عمرك وانتي تحلمين فيه وتنتظرينه أنا دائما لما أزعل من زوجي وأتضايق منه أقو ل اللي يسويه فيني أهون من فرقاه ..بس اتخيل بيوم أنه راح أفارقه لقبري أو يفارقني (بعد عمر طويل يارب) فتهون علي الدينا كلها وأخليه بعيوني وفقك الله ياحبيبة |
الان انتي سويتي كل شيء خلاااااااااااااااااااااااص كفايه , الحين دورك أزعلي ايه ازعلي و لا تكلمينه و خليك عادي من ناحية الواجبات معاه
يعني بالعربي انسيه ما ربي خلق غلا لاجله , لا حبيبتي ربي خلقك لعبادته و الرجل مو محور الحياة عارفه ان كلامي صح لكن صعب نتحمله و انا والله عارفه و مجربه , لكن عادة اصبر نفسي بهالكلام اللي هو فعلا صح وش رايك تشتكينه للي يقدر عليه ربنا خليك زعلانه , و لا تتكلمين معاه ابد غير اذا هو كلمك و كلمه و رد غطاها طبعا حاليا و أشغلي نفسك عنه و سويلك زيارات لاهلك و اهله و اذا لك صديقات او جارات ابعدي عنه , و الافضل لو فعلا غيرتي جو يومين و اياك في هاليومين تتصلين فيه و اذا لابد ارسليله رسائل مو اعتذار لا والله الله بالدعاء و قراءة القرأن و لا تنسين قبل الفجر بساعه قومي و صليلك ركعتين و أشكي همك لله و خليك واثقة من اجابة الدعوة و ان لو تأخرت الاجابه فلغرض عند الله اكيد لك فيه خير وخلي عنك الادويه الجئي لله و ادعيه من قلبك والله مالهم غير القوي وهو ربنا وثقي ان زوجك شافك تدورين الرضا قام يكابر , مادرى ان فيه اللي يقدر عليه وطمني حالك والله كل الرجال كذا و طمنينا عليك |
ماهي نور : جزيت الجنة ..أ عرف اني اتحمل نصف ما صار .. ولكن ما يستاهل الزعل هذا كله لنا اليوم أربع أيام تقريبا
اختي الكريمة انا صح أزعل و زمان كان زعلي جامد يعني ما ارضى بسهوولة بس الحين تعدلت شوي .. وبعدين من زمان ما زعلت عليه مثل هالمرة لآنه أهانني قدامن الناس .. بالنسبة للحمل : فأنا لا أشغل نفسي كثيرا بالرغم من اني طولت كثيييييييييييييير والكل صار يسأل و يبغى يتقصى أخباري وأنا ما أحزن على قصة الحمل إلا لما أتذكر أني كم لي سنة متزوجة والمفروض عيالي يدرسون وحزنت كثيرا عند بداية المدرسة لآني تمنيت اني عندي اطفال أصحيهم وأفطرهم وأذاكر لهم زي الناس .. أنا ما احزن على قصة الحمل إلا لما أتذكر اني أنا لحاااااااااااااالي من احمل هم العلاااااااج والحمل .. زوجي يقول عادي ما لازم نجيب أطفال .. لسنا الوحيدون بحاول اتغير والله يقدرني ويعيني على نفسي والشيطان.. وبصراحة اكتشفت سر وهو ليس بسر ( إذا كان اهل البيت طائعين لله تمام الطاعة وكان بيتهم قائم على التقوى فقليل الخلافات التي تؤثر عليه وبصراحة قل التزامنا وخاصة زوجي وأنا أيضا اعترف بالتقصير وللفضائيات السبب الأول في التأثير على التزامنا .. وأنا اجاهد نفسي والهوى والشيطان و الله هو المعين الأول لي ) حبيبتي الأميرة فيونا..ارتحت لكلامك بس مشلكتي اني ما أستطيع الابتعاد عنه يعني دائما لزقة فيه ...فاضية .. وبحاول اخلي أخوي يوديني عند خالتي كم يوم عل الأمور تتحسن .. بس والله راحمته من يسوي له الفطور ويصحيه للسحور .. بصراحة متأكدة ان قلبي رح يتقطع هنااااك والله المستعان أنا الحين كنت راجعة من عند وحدة من جاراتي القديمات وجا أخذني وسولفنا في السيارة كلمة ورد غطااااااااها وباقي التكشيرة .. ورجعنا البيت و سولفت له شوي وهو باقي على نظراته .. بصراحة أحسه كرهنيييييييي ولما أسأله بالغصب يجاوب .. ولما سألت وش أسوي السحور .. قال بكيفك اللي تبغي سويه ... وما يناظر فيني ولا يتبسم .. يعني رجع لعادة الاكتئات اللي جاته قبل خمس شهور واللي حكيت لكم عنها الله المستعان وعليه التكلان |
يااختي..انا حاسة فيك ومعاك حق....لكن ويش تسوي هو يظل زوجك....وياما نسوان يذوقوا المر ويصبروا...ان الله
مع الصابرين....شوفي ..حاولي تخلي الامور عادية الى ان زوجك يهدأ ...يعني كوني دايما مرتبة واعملي الاكل والشرب. وتكلمي معاه عادي...واذا مارد عليك...معليشششش...هدئي اعصابك ولاتنفعلي...ولاتبكي قدامه....خليكي كده معاه وتوددي له بشكل غير مباشر....عشان مايعصب عليكي...واشغلي نفسك هذي الايام بالقرآن الكريم والدعاء... وتفادي الجدال معاه....خاصة اذا كان معصب....الله يهديه ويريح بالك ان شاء الله.... |
عندي لك حل........
يوم روحي وقضي انتي اغراض عشان تسوينله حفله ايوه سويله حفله وخلي بيتك كله شموووووووووووووووووع والبسي احلى لبس عندك او جددي روحي لشتريلك لبس راااااااااااائع يعني لما يجي مااااااااااااااايقدر ينكد عليكي وعليه جيبي ورد إرميه في كل مكان وجيبي احلى عطر وانتي غيري شكلك عن دايم جربيها لاتيأسين يارب يبعد الشيطان عنكم اقري سورة البقره في بيتك كل يوم |
حبيباتي وجه الملاك و عطر الليل
أشكركم على إضافتكم الرائعة أخواتي أنا أمس رحت عند وحدة و لما جا علشان ياخذني ... لقيته كان مقضي بعض المقاضي اللي طلبتها واللي هي أهم شيء في الطبخ .. والمشكلة ان اخوي عندي يعني ما أقدر ألبس لبس ضيق وحركات وعموما شكله رجع للاكتئات اللي جاه قبل خمس شهور .. لآنه صار ما يتبسم أبدا هو الحمد لله صار يتكلم معي إذا انا اتكلمت معاه ولما يسألني عن شيء أفرح كثييييير .. و أجي جنبه أنا احس انه رضى عني بدليل أني اليوم بعد المغرب سويت لهم فطور محترم و كنت اصلا تعباانة من الانفلونزا و بعد المغرب نمت... طبعا نمت والتلفاز شغال على قناة المجد ..و كنت حاطة شيء على يعوني علشان تمنع الضوء عنها .. دخل هو الغرفة و لبس الثوب والغترة ...و بعدين جاء عندي وسالني وقال ( غلا انتي نايمة) وهو شكله كان يبغى يطفي التلفاز لآن ماله داعي دامني نايمة طبعا بعد ما نزل راسه واتقرب مني وسألني هالسؤال .. خفت و صحيت بسرعة وقمت جالسة فهو قالي.. بسم الله عليك أثاريك نمت .. أحسبك تسمعي للشيخ... طبعا صح اني اخترعت ودق قلبي... بس والله فرحت ولا عاد قدرت انام بعدها من الفرحة ...واللي زاد فرحتي انه صحاني وهو كان لابس غترة وثوب .. يا زينه بسم الله عليه بس رجع من التراويح ... وهو لسة حزين وليس مكشر .. يعني يطالع في الأرض .. و شكله أعرفه إذا كان قلقان .. عنده حركة ما يسويها إلا لما يكون مضطرب أو قلقان .. بعدين جهزت له العشا و سويت له شاي الأعشاب ... يعني الخلاصة الحمد لله صار يتكلم بس بشوييش و ما يتبسم زي أول ولا يضحك معي ولا يحضني أم يلمسني زي عوايده .. أنا أبغاه يرجع يفرفش معي و يضحك و يسوي مع اللي كان يسويه وهو راضي ومبسوط أنا نفسي أسوي له حركات وأشتري الورود والشموع هذه بس هو ما يعترف فيها .. يقول خسارة على فاضي .. شريت له قبل ما نروح العمرة هدية عبارة عن عطر وقدمتها له بعد ان وريته عرض بوربويت عن الهدية ... الحمد لله أحسه فرح بس مو كثير .. قال من وين جبتي الفلوس وما لها داعي خساير .. يعني استقبال بارد .. لكن عادي اهم شيء انه يتطر منه يوميا... وأنا ناوية بكرة أسوي حركات في البيت وفي شكلي والله يقدرني .. بس تأيدون اني اروح عند خالتي يومين او ثلاثة علشان يرتاح مني شوي .. وعلشان تتجدد الحياة بينا .. وش رايكم ربي يجزيكم عني الجنة.. لا تنسوا الدعاء لي بالذرية الصالحة المصلحة واللي أربيها على منهج الإسلام تكفووووون طالبتكم |
ماشاء الله عليك غلا ربي يصلح لك زوجك
كل اللي سويتيه عين العقل وفكرة انك تروحين بيت خالتك............ما أشجعك انتي ممكن تتغلين على زوجك شوي وتثقلين وانتي في بيتك لا تعودينه على بعادك .............. أنا انصحك اخيتي تلبسين وتتعدلين طول ما هو موجود في البيت وريحتك فايحة والبيت نظيف ومرتب وتجهزين له طعامه .............بس اذا دخل البيت تروحين تسلمين عليه بخفة وتقولين له تبي مني شي وانتي مبتسمة حتى لو كان مبوز من بعيد لا تتلصقين فيه اذا متعودة تساعدينه بتغيير ملابسه ساعديه وانتي ساكته قللي الكلام لا تتكلمين الا لضرورة مع ابتسامة جميلة ثم اتركيه وانشغلي اجلسي عالنت .................( بغيت اسألك ليكون زوجك زعلان انك تدخلين انت وااااااايد وما تقعدين معاه ترى بعض الرجاجيل يزعلون من هالشي ولا يقولون بس تشوفينه متغير ومبوز ) . اذا انتي ما تنشغلين عنه عادة ...............الحين انشغلي اقري كتاب اجلسي هالنت شوفي التلفزيون اقري قرءآن اذا رحتي تنامين قبليه قبلة قبل النوم و لا تلاحقينه ولا تحسسينه انك تبينه ..........بس خلي ريحتك الحلوة فايحة وخليك قريبة منه لا تكثرين من الضم ...........بس خليه يحس فيك تلامسي معاه ونامي ولا تهتمين واذا طلب منك شيء على طول اتركي اللي في يدك وسوي له اللي يبي ما تتأخرين ثانية بابتسامة لا تكثرين كلام اذا حسيتي انه يناظرك ناظريه وخلي لغة العيون هي اللي تتكلم احتويه بنظراتك وادخلي في اعماقه خليه يفتقدك شوي ويعيد حساباته مع نفسه ..............يمكن يرد لك ويحاول انك تتفاعلين معاه مثل أول ويفتح لك قلبه شوي شوي . مادري ان شاء الله اكون قدرت اوصل المعلومة .............ويارب يصلح بينكم ويسعدكم ويهنيكم . |
نووووووووووووووووووووووووووووووووووووووووووووووووو ووووووور
ربي ينور عليك حياتك بصرااااااااااحة كلامك رااااااااااااااااااااااااااائع و جميييييييييييييييييييل والله ارتحت له 100% وجربت أغلبه وفعلا له مفعول السحر أنا اليوم أتكلم معاه عاااااااااادي بس انقهرت ما قدرت اتبسم في وجهه لآني كنت مرهقة و عيوني وراسي رايح فيها ( انفلونزا ) و الصوت بعد رايح و الأنف زي الصنبور ... الحمد لله كفارة للذنوب إن شاء الله بس حسيت كأنه راحمني على اني تعبانة وأسوي لهم فطور و أرتب البيت .. الحمد لله حسيت الأمور تتحسن .. وكله بفضل الله وبفضل توجيهاتكم ونصائحكم... بإذن الله يا نوور سأحفظ كلامك وأطبقه وإن كنت اطبق بعضه ولكن كلامك شجعني على المزيد.. ربي يسعدك وأنا صح أدخل على النت كثيرا .. بس لما أكون خلصت شغلي معاه .. بعدين هو من النوع اللي يحب يعقد لحاله خاصة لما يكون طفشان ما يبغاني اقعد بجنبه ... بس اللي مؤنبني ضميري عليه.. أني أغلب الأحيان اسهر وهو ينام بدري علشان العمل فأخليه ينام لحاله و أنا على النت مثلا والله هالشيء مضايقني بس كل يوم اقول بتعدل و ما ادري ما أصدق وأتعدل .. ونفسي في هالوقت أتفضى له وأنام معه بس.. ما يجيني نوم... وأنا أسوي له اشغاله قبل النوم .. يعني أساعده في دهن شعره ووجهه بالكريم و أسوي له أحيانا مساج .. وأحيانا أسولف معه إذا كان رايق.. نفسي أسعده بكل ما أستطيع .. الله يقدرني و يعيني على نفسي الأمارة بالسوء و الهوى أشكرك من كل قلبي وأنا أبغى النصائح زي نصيحتك .. يعني حركات و وابتسامات وأقوال.. ربي يجزيك الجنة |
بكل صراحه وبدون زعل الله يعينا عليكم هذا طبعكم لحوحات ودوخ ودائم تاخرونا في اي مشوار وماتقدرون الضروف
|
اللهم أرزق اختي غلا الذرية الصالحة ياااااااااااااااااارب..
حبيبتي سالفج ضايقتني.. الله يفرج كربج يارب.. |
الله يهون عليك ويفرج كربك ويرزقك الذريه الصالحة عاجلا غير آجل... ــــــــــــــــــــــــــــــــــــــــــــــــــ ـــــــ (ربي لاتذرني فردا وانت خير الوارثين) |
المسئله بسيطه ولو ان زوجك ضيق عليك ما كان له ان يفعل هذا ولكن زوجك من النوع الروتيني الانطواي والجادوالشغيل عفوا اي كثير الشغل ولا يحب الاختلاط فتلاقيه تضايق من الزحام وليس المقصد من العمره بل من الزحمه وهذا شئ طبعي على الناس الانطوائيه وايضا ربما يكون حريص قليل ولكن لا تقصري معه وسوفا يندم اكيد ولا تكثر معه الحديث حتي يتحدث معك والله يهدي بالكم ولا تجعلو للشيطان فرجه والله الموفق والله يرزقك الذريه الصالحه التي تملا لكي البيت بهجه :14:
|
اخي /اختي ممكن بدون احراج
سبحان الله وصفت زوجي بالضبببببببببط كأنك تعرفه من سنين (روتيني +جاد+شغيل+انطوائي) ما شاء الله عليك .. أشكركم اخواني .. بس بغيت اقولكم ان مشكلتي أني ما أمر من عنده إلا لازم اطبطب عليه أو أضربه بخفيف على سبيل المداعبة واليوم ما حسيت بنفسي وسويتها بس والله لسه احسه سرحان ويفكر يعني كأنه رجع لحالة الاكتئات اللي جاته قبل خمس شهور ماصار يضحك معي او يتكلم زي أول بحاول اغير الروتين شوي والله يقدرني آميييييييييين أشكركم ولا تنسوني من دعائكم بالذرية اللي إن شاء الله تغير الروتين الممل اللي نعيشه يارب لا تحرمني وزوجي من الأطفال ياااااارب |
أسأل الله العظيم رب العرش العظيم أن يصلح حالكما
ويؤلف بين قلبيكما وأن يرزقك الذرية الصالحة عاجلاً غير آجل أخيتي لاتيأيسي من رحمة الله إدعي الله وكلك ثقة بأنه سيستجيب لك الله الذي يسمعك وأنت قرب الكعبة هو الذي يسمعك وأنتي في ساجدة في مصلاك في قعر بيتك ألحي عليه بالدعاء ولاتطلبي العلاج إرضاء لزوجك وإحتساباً للأجر فلعل نفحة من رحمات الله تغمرك في هذا الشهر الكريم وفيه إقتراح ممكن يكون شوي صعب لكن فيه خير وأجر عظيم طبعاً يحتاج منك إقناع لزوجك وهو إنك تتبنين يتيم أو يتيمه من إحدى دور الأيتام وتجعلين أحد من أقربائك وأحد من أقرباء زوجك يرضعه ويكون لكما كالأبن وتكسبون أجر كفالة يتيم مدى الحياة أعر ف وحدة كفلت بنت وبعد كم سنه كفلت ثانية وألحين ماشاء الله يدرسون وتموت عليهم ويسمونها ماما والله يكتب لك الخير |
اختي الألمعية جزاك الله خيرا
أشكرك على اقتراحك بكفالة يتيم اولا المشكلة في اقناع زوجي واذكر اننا زمان تكلمنا في موضوع الكفالة فقال انه يبغى يكفل طفل فلسطيني بس و يتمنى انها تكون بنت و نخلي اخواته يرضعونها و يصير هو خال لها بس نربيها نحن وبعدين نسى الفكرة أو ما صار متحمس لها ... وفعلا اعرف ناس تكفلوا بأيتام بعدها الله رزقهم والله كريم |
أختي بإمكانك تقنعيه إنكم تروحون تزورونهم وتقولين له مراح ناخذ وحده ونكفلها إلا إذا حسيت إنها دخلت قلبك
لأني سمعت إن إللي يكفلون إذا سألوا على أي أساس أخترتوا هالولد أو البنت يقولون لما زرناهم حسينا هالطفل دخل قلوبنا مباشرة وبعضهم يقول حسيت كأنه يستنجد فيني ويقول خذني الله يخليك عموماً أنتي إطرحي هالفكرة والله يحنن قلب زوجك لها وبالنسبة للرضاعة لازم تكون من طرفين عشان أبوك وأخوانك يصيرون محارم لها والله يكتب لك التوفيق من عنده |
بس عندي سؤال
يراودني اني خايفةاننا بعدين وخاصة زوجي يتعب من الصراخ والعويل حق الطفلة أو الطفل اليتيم وخايفة نظلمه لاني سمعت في قصص تصير زي كذا وحرام نكسر خاطره بعد ما ربيناه قريب زميلتي ربى بنت حتى وصل عمرها فوق العشر و صارت مشاكل ورجعها وهي كاسرة خاطرة بس الظروف اجبرته بأطرح الفكرة عليه ولكن من اين نلقى هالطفل اللي نرتاح له زوجي ما يبغى غير واحد فلسطيني هذا كان زمان لما تناقشنا والحين ما ادري بشوف مرة ثانية والله يهدينا سواء السبيل بس أنا الحين اهم شيء عندي نرجع لوضعنا الاول و نسولف عادي و ترجع الفرحةوالوناسة ترفرف علينا من جديد |
السلام عليكم
أخواني أنا أمس كتبت رد طوييييييييل و حاولت إرساله لكن المنتدى أو كمبويتري صار فيه مشكلة والحمد لله اني نسخت الرد احتياطا وردي البارح هو (((((( السلام عليكم يااااااااااناااااااااااااااااس في بشرى الحمد لله زوجي تعدل شوي ... أقولكم قبل ما ينام رحت عنده علشان توديعة اللي قبل النوم .. ولما رحت قلت له تبغى شيء ... قال لأ وأصلا هو كان منشغل ببرنامج في قناة الناس و بعدين تفرجت معاه شوي .... طبعا لما كنت واقفة بجنبه وهو يناظر للتلفاز بدون اي شعور .. منه هو لآنه كان منهمك بالبرنامج .. أخذ يدي و شبك أصابيعه في أصابيعي .. وأنا ما تكلمت سويت نفسي اتفرج معاه بس والله العظيم قلبي من جووووة يرقص من الفرح و أنا كنت اصغط على ييده ولم ألمسه لآنه معودني .. دايم يقولي انتي ما تسوين شيء بس تدغدغين ضغط على يده وقلت بأترك يده أشوف بيتمسك فيني ولا لآ ارخيت يدي و بعدها بشوي بعد أيده و كمل البرنامج شوي ونااااام طبعا قبل ما أخرج من الغرفة .. قبلته و صكرت الباب أما اليوم فأنا فرحاااااااااانة كثييييير لآنه جا من العمل و ابتسم ابتسامة خفيييييييييييفة وهو يقووووووووول آآآآآآآآآآخ من التعب و كمان كنت ماشية بجنبه فضربني ضربة دلع وحب أحنا متعودين عليها وكمان اليوم صاااااااااار موقف جدا اسعدني وهو ان أخوه وقال يبغى فلووس المهم على طووووووووول قاله كم تبي ... بأرسل لك حااااااااااااااااااااااااااااااااااااااااااااااااا لا طبعا انا كنت وقتها على الكمبوير .. فهو جاء علشان يحول الفلوس وكنت مولعة .. قال اش فيك ... قلت ولا شيء صكرت الدرج بقوووووووة وقمت عن الكرسي علشان يقعد يحول فلوس لآخوووه المهم يوم قمت قال إش فيك مرة ثانية فانفجرت قلت له : أخوك بس حاااااااااااااضر اللي تبي و على طووووول وأنا اللي اطلبك ما تعطييييييييييني المهم هو أخذني وحضني وقال بس هو مسكين قلت حتى انا مسكييييييييينة كم مرة طلبتك فلوس علشان أتعالج ( أنا أطلبه كل شهر مبلغ من المال علشان اتعالج في مستوصف خاص علشان الإنجاب ) إيوووووووة ..طبعا بعد ما قمت من عالكرسي .. رحت على طووووول مسرعة لغرفة ثانية فهو مشى وراااااااي وحضني ووداني غرفة النوم و طلع من جيبه مبلغ ما احلم فيه وأعطاني بس ما فرحت بالفلوس بقدر ما فرحت انه ضمني و حسيت منه بالحنان والاهتمام طبعا هو بعدين حسيته متضايق : وقال لي .. انتي .. ( كلام معناه ما اتفهم الظروف ) قلت له أنا ما طلبتك فلوووس .. انا زعلت لآنك تعتبر مساعدة الناس واجب عليك و علاجي من تأخر الإنجاب ليس بواجب عليك .. يعني هو ما يهتم يعالجني و ما يهتم أجيب اطفال اصلا .. انك تعطيني فلوس علشان أتعالج وأجيب عيال اهم من إخوانك اللي لهم من يساعدهم ... وبعدها بسته وقلت له طيب خذ الفلوس .. طبعا هو للامانة مصروف الشهر قرب يخلص قال لا خذيها انتي .. وش رايكم في حركاتي غلطانة ولا عادي ... لا تحرموني من توجيهاتكم بعدين احب أقول شغلة ... تكفوووووون لا تغفلو الابتسامة والوناسة والفرفشة في بيوتكم والله من صار زوجي يضحك ويتكلم معي و يبتسم .. احس اني اسعد وحدة بالكون ... وأحسه أجمل وأحب إنسان على وجه الأرض .. وهو ما يزال احب إنسان لي حتى لو تزاعلنا والله يعين )))))) |
الله يكتب لك السعادة دوووووووووووووووووووووووووووووم يارب
خلي بالك عليه ولاتعطين للشيطان فرصة يدخل عليكم مرة ثانية والله يحقق لك ماتتمنين |
اللـــــــــــــــــــــــــــه..
يا عيني عليك ياغلا.. ماشاء الله تبارك الرحمن.. رومانسية ولا أحلى.. الله يديم المحبة بينكم ويجمعكم في الآخرة.. |
ماشاء الله .... تبارك الله ..... لاقوة الابالله
ماشاء الله .... تبارك الله ... الله يديم المحبة بينكم ويرزقكم الذرية الصالحة ....... يارب ومن جد يالغالية - غلا - اني متابعة للمشكلة من البداية وكل ماوجدت الموضوع في الصفحة الاولى ادخل واقول ان شاء الله تكون انحلت الازمة والحمد لله طمنتينا عليك الله يسعدك بزوجك ويسعده بك ويصلح اموركم وصدقيني زوجك طيب وحنون لكنة زعوووول - عندنا وعندك خير:23: - وترى الي مثل زوجك الطيبة تاثر فية بسرعة فلا تزعلينة وخلية يتغلى عليك هو كم غلا عنده . |
الحمد لله على هذه النهاية السعيدة للأخت الكريمة 2005
مبروك لك أختي الكريمة ما حصلتي عليه مؤخرا ونسأل الله الكريم من فضله في هذا الشهر الكريم أن يديم عليم وعلى زوجك الكريم السعادة إن شاء الله. نشكر جميع الأخوة والأخوات الذين اسهموا مع الأخت الكريمة في حل مشكلتها ، وندعو الله جل علاه أن يجزيهم خير الجزاء ، وان يكتب ما قدموه في موازين اعمالهم . وبما أن المشكلة باتت محلولة بإذن الله فينسخ من الموضوع نسخة إلى عالم المشكلات المحلولة ويغلق الموضوع في قسم المتزوجين لانتهاء المشكلة بفضل الله. تحياتي،،، |
| الساعة الآن 09:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©