|
هنا تجي فائدة حراس الفضيلة النشامى ربي يحفظهم
اعطيهم رقم جواله و هم راح يادبونه |
اقتباس:
مين حراس الفضيلة اخي؟؟؟ |
اقتباس:
أقول......... لا يرتاح قلبك ثم تنسين الموضوع بلغي عليه بأسرع وقت الله يحفضك |
كل ما يهددك قوليلة جرب وتشوف الي بيصير فيك ..
عندي أخوان وخوال وعمام أسود قبل لا يأدبوني بيأدبونك وبيمسحون فيك الشارع انت والي جابك .. وفضيحتك بتصير عند أهلك بجلاجل قبل فضيحتي .. وبتندم على الساعه الي عرفتني فيها .. وخليج واثقه وأنتي تقولين له .. وصدقيني بيخاف .. وحتى لو تقولين له أنا علمت أخواني وطلبو رقمك وأسمك بس خفت أقولهم لأنهم راعين مشاكل وبيرتكبون فيك جريمه .. وهم مصرين شسوي .. حطي الرعب في قلبه .. بيقول وش لي أنا في هالورطه وبيبتعد من نفسه .. وسألي حد من الشباب اذا كلامي فيه شي غلط لأن هم أخبر في هالامور .... والله يعينج .. |
اقتباس:
:) :) :) :) :) نعم والعبد يقرع بالعصا الخسيس دائما جبان |
يعني حيرحمك لوقابلتيه000ماهو الجواب باين من عنوانه!!! انتبهي لنفسك وعودي الى الله00
|
صدقيني يا أختي إنه يكذ ب عليك
إنه ما وراه شي بس يبغى يستدرجك 00 ولو صار صادق ورحتي قابلتيه راح يصير إلي أفضع من تسجيل الصوت وهنا راح تصير الفضيحه بجلاجل 00ولكن إنتبهي أن تخصعي له مهما حدث ولكن مثل ما يهددك هدديه بأن إلي راح يصيرله أفضع من إلي راح يصيرلك (الكلب يضل يحلق بك وأنتي تركضين خائفه وإذا واجهتيه ولى هاربا) وتوبي إلى الله وأقلعي عن مثل هذه الأمور الله يوفقك ويستر عليك في الدنيا والأخره |
الهيــــــــــــــــــــــــــــــــــــــــــــــ ــــــــــــــــــــــــــــــــئة ثم الهيئة ثم الهيئة!!!!!!!!!!!!!!!!!!!!!
اخوي بالهيئة و دايم يتكلم ان فيه بنات خبلات مايعرفن يتصرفن اذا هددهن شباب !!! والله اخوي وخوياه يابهدلو بشباب بهدلة يما صاروا يبكون عند رجلينهم زي الحريم من الخوف........ اقسم برب العزة ماعرفت من اخوي اسم بنت وحدة ولا حتى يأشر على مكانها.......... وجتهم حالات باقي على زفافها اسبوع واحد وكان معه فضايح الدنيا صور والخ........... ومثل الشعرة من العجين طلعت..........وتم زفافها...........مو وحدة مجموعة بنات,,,,,,,, وكلهن الحين صارن يعرفن هالطريقة ويخبرنهم........لانهن يتعالمن فيما بينهن............. السجن وترك الوظيفة .........كلام صحيح يسوونه الهيئة والشرطة معهم يدا بيد......... بسرعة خبريهم وتووووووووووووووبي...........ولا تنسين تعلمينا اول بأول............... |
الهيئة الهيئة الهيئة هم الحل لمثل هذه الأشكال الخسيسة
|
مالج شغل فيه يهدد على الفاضي... قوليله سو الي بتسويه .. هالاشكال جبناء اصلا لا تحاتين شي.. لو شو ماعنده لو عنده تسجيلات لو عنده صور هو يدري بان انتي بيدج كل شي ويدري ان لوصلت عند اهلج راح يبهدلونه .. لا تحاتين ..
|
أهم شي إياك تخرجي وتلبي طلبه اياااااااااك
هذه خسارة الدنيا والاخرة والعياذ بالله لا وكمان فضيحة اكبر وسواد وجه الوالد والاخوان انتي يا قلبي على البر محد له شي عندك قوليله والله لادعي عليك دعوة والجبار والله لينتقم منك في نفسك واهلك اللهم استرنا والمسلمات فوق الارض وتحت الارض ويوم العرض اااامين |
شوفي إذا أنتي من السعودية اتصلي على الهيئة وعطيهم رقمه واسمه وهم يتصرفون معه بسرية تاااااااااااااااامة وبدون حتى لايسألون عن اسمك ولا أهلك ..
|
أختي العزيزة ..
لا يخفى عليك مدى تقدم التقنيات والتكنولوجيا في العصر الحالي لقد اصبح بامكان اي شاب أن يهدد أي فتاة بمكالمة مسجلة مفتراة عليها فلا تخشي من تهديداته وطالما أنك ندمت فاستغفري الله وقومي ليلك وادعي ربك أنت في كربة ولا يفرج الهموم والكربات الا الله توجهي اليه بتوبة صادقة ونية سليمة في التخلي عن المحرمات ولن يخذلك ابدا واذا كان هذا الشاب يهددك بمكالمات مسجلة افلا يستطيع بعد مقابلتك ان يصورك في غفلة منك ويستخدم هذه الصور بحيث يبديك في اوضاع مخلة ومزرية ؟؟ توكلي على الله وتجاهلي تهديداته واود ان اخبرك أنني سمعت قصة منذ فترة عن فتاة مثلك زلت وتعرفت على شاب ولم تتجاوز علاقتها به حدود المكالمات واعطائه صورا ثم تابت وتزوجت رجلا صالحا فظهر لها مجددا وهو يهددها بارسال الصور والمكالمات المسجلة لزوجها فوقعت في نفس الحيرة وباتت لياليها في هم وكرب توجهت الى الله ودعته بكل صدق ان يصرفه عنها ثم هداها الله الى الاتصال باحد الشيوخ الافاضل في هيئة الامر بالمعروف والنهي عن المنكر وحكت له سرها فقدم لها ذلك الشيخ يد المساعدة بأن اتصل بالشاب وهدده بأن يسلمه للقضاء لو استمر في ابتزازها بتهمة قذف محصنة وتشويه سمعتها بدون بينة فابتعد عنها كليا وهاهي تعيش بسلام بعد ان من الله عليها بتوبة صادقة واخلاص في حفظ بيتها وعرض زوجها فرج الله كربتك و أعانك وسدد خطاك |
اختي الكريمه ان طاوعتيه هي مو مره راح تطاوعينه طول عمرك يعني طريق له اول ما له تالي ويمكن ما يكون لحاله
بس لما يسوي تهديده هي مشكله وحده وصدقيني اهلك بيخافون عليك من الفضيحه لاكن هو لا بيتمادى والله يستر عليك |
الاخت اجياد حراس الفضيلة هم :
نعمة من نعم المولى خص بها اهل السعودية و هم رجال الامر بالمعروف و النهي عن المنكر www.hesbah.gov.sa |
اولا الجأي لله قبل ما تلجئين لنا
استغفري الله على ما حدث وعاهديه انها ما تتكرر وبعدها شدي حيلك وشرشحيه واطرديه من المسن وخربي بطاقة تلفونك وقولي لاهلج يجيبولج رقم ثاني وما اعرف اذا ينفع هالشي قوليله انه اهلج اكتشفوا الموضوع و انج عاهدتيهم انج ما تخونينهم مره ثانيه عشان يحس انه الورقه اللي في ايده احترقت |
التهديد عادة من أساليب الضعفاء توبي إلى الله توبة صادقه واخبري واحد من اقاربك يكون صاحب حكمه وعقل راجح وصدقيني ما دام هذا أسلوبه مايقدر يسوي شي .... أتمنى ربنا يساعدك ويرد كيده في نحره
|
الله يهديك ويصلحك أختي
مالك في هذا الطريق وين عقلك وين أيمانك بالله وين خوفك على نفسك وعلى سمعة أهلك أخذري اختي هداك الله ان تطلعي معه ترا سوف يغدر فيك ويضيع مستقبلك أقطعي علاقتك فيه ولا تدخلي على المسناجر ابد ابد طنيشيه راح يتعب ولا يقدر يفضح نفسه بنفسه وراح تشوفي النتائج باذن الله تعالى {{ملاحظة }} اختي اذا ابتعد عنك ارجوكي ثم أرجوكي ان تبتعدي عن هذا الطريق طريق الحرام اختك في الله {{أم شاهين }} انتظر النتائج المبشرة منك |
اقتباس:
إذا الله افرجها إن شاااء الله تبتعدين عن هالطريق لانك لو رديتي لها فانت لم تخلصي التوبه.. اللهم استر بنات المسلمين ... عشقي للجنة |
اذا انتي في السعوديه بلغي الهيئه وهم يتصرفون معه ويأدبونه ...
والحل بشكل عام .. لاتنفذين طلبه لانك خسرانه في الحالتين وفي الحاله الاولى ( انك تقابلينه ) خسارتك بتكون اكبر ولاتعوض .. وانا اؤيد احد الاعضاء باني اشك في انه جاد في كلامه .. |
الله يصلحك ويهديك
ياليت البنات يعتبروا بس اتصلي على 905 واسألي عن رقم الهيئة اللي بنفس المدينة واعطيهم رقم هذا الشاب وهم راح يحلوا المشكلة |
نصييييييييييييييييييييحة لوجه الله تعالى
لا تصدقين كلامه .. هذا بس تخويف لك وبعدين لو طاوعتيه مره بيقول لك اريدك مرة ثانية واذا رفضتي بيكون سهل تهديدك باللي قد حصل وهنا الطامة .. لا تطاوعينه |
بضحك عليكي هدفه يوقع فيكي لا تردي على وهددي بأهلك أنتي وليس هو
|
|
هلا حبيبتي اول شيء الللللله يفكك من المشكلة في القريب العاجل ........ ويفرج همك .......... بس انا لو منك اقولة اعلى مافي خيلك اركبة ياحقيييييييييييييييييييير .... وريني وش بتسوي!!! ونفس الشيء هددية وقولي بقولهم عنك وعن مكان شغلك وبيت اهله وكل شيء علشان يخربون حياته ......... لان انتي وضعك خربانه خربانه ..... فخربيهاااااااااااااااااااااا وعلميهم كل شيء عنه ......... واعتذري انو الوضع ماراح يتكرر واحلفي وقولي بالعكس انا وصلت لمرحلة عرفت اني غلطانه ... احسن من غيري يستمر في الغلط ولاهو حااااسسسسسسسسس ......... هذا في حالة سوا الي يقول عليييييييييييه
بس انا في اعتقادي هالانواع هاذي يطلق عليها رخمة يعني يخاف من ظلة ......... وما اتوقع يسويهااا اهم شي لا تبيعين نفسك واهلك على احد ما يسسسسسوا ... واحفظي نفسك .. ولا ترخصين من نفسك ابد ... لان الانسان ثمين بأخلاقة وافعاله .... وكل انسان ماراح يجيه الا نصيبة ... لا يغريك لا زواج ولا جمااال ... في النهاية النصيب ورزق ربي ... ارجعي الى ربك واطلبي المغفره والرحمة وحافظي على صلواتك والسنن وعسى ربي يفرجها لك بقرب وقت .... وبقولك على شي حلو الانسان يعرف انو غلطان ... لان اهو من نفسه بيترك الخطأ ... |
اعوذ بالله من هؤلاء الذئاب.....حسبنا الله ونعم الوكيل
|
| الساعة الآن 04:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
