|
ارجعي لزوجك واعطيه فرصة
لكن الاكيد انك تحبينه وهو يقول لك انه يحبك في النهايه هو اقرب الناس لك وانتبهي من امك واخوك شكلهم ماعندهم سالفة اهم شيئ عندهم عدم تحمل مسؤليتك لو حصل شيئ وبعدين انتي ماراح تفرق معك ان تتطلقتي الان او صبرت على زوجك وماتعدل راح تتطلقين يعني مافيه فرق لكن لو عدتي له قد ينجح ويتعدل وهنا يكمن الفرق وانتبهي ليس كل من احبنا كان رايه صحيحا فالاراء الخاطئة لاتصلحها النيات الصالحة اسال الله ان يصلح امرك ويفرج همك |
اقتباس:
ارجوك لا تنساني من دعائك .. فيوم غد سيكون يوم قاتل |
اقتباس:
مشكورة او مشكور عالمرور نعم احبه كثير.. امي واخوي خلاص يكرهونه .. مايطيقونه .. ويشوفونه مو رجل.. للاسف.. انا هذا الي اشوفه مابتفرق لو تطلقت الحين .. او بعدين .. هذي بتكون اول مرة اجرب فيها العيشة مع زوجي في سكن مستقل... واهلي مستعجلين على الطلاق.. عندي احساس كبير باني لو رجعت له .. راح تتغير حياتنا.. بنكون لوحدنا.. سنة من المشاكل كبرتني وكبرته .. انا غلطت بعد مو بس زوجي.. لكن عند اهلي انا ملاك ما اغلط!! لا تنسونا من الدعاء.. |
أختي أم وداد هذه أرقام بعض الرقاة عندكم في الإمارات نقلتها لك للفائدة @صلاح الصيعري أبو ظبي هاتف رقم 0506111706@أبو عبد الرحمن0097126212369@أبو أسامة في الشارقة بجوار مستشفى الذيد الجديد وإليك هواتفه :منزل0097168829195 ،أيضا نقال 00971509653111 أيضا نقال 00971502067620 أيضا نقال 6664364 هذه الارقام لابي أسامة نسأل أن يعافيك ويرد إليك زوجك في أسرع وقت ممكن
|
اقتباس:
مشكورة حبيبتي مشكورة حيل يالغالية يارب اسمعكم اخبار طيبة يارب يارب يارب.. |
مشكور يالكيسائي... خزنتهم بتلفوني.. ان شاء الله بكرة .. الضحى .. بتصل عشان يكون الوقت مناسب.. وبشوف متى اقدر اشوفه .. وبحاول اتفق مع زوجي بيني وبينه بان انروح ..
بس ان شاء الله امي ماتلقى المحامي.. وان شاء الله ماتصير لنا روحه للمحامي بكره .. مشكوووووووووووووووووووووور يالكيسائي.. والله مابنسى وقفتك معاي.. مشكورين كلكم |
شكرا على واجب وربي ينفع بها وعليك أن تصورينها عندك أو تكتبينها لأنها ربما تحذف من قبل إدارة المنتدى وشكرا لك مرة أخرى
|
اختي اذا زووووووجك كان صادق ورح يجيب لك سكن بروحك فارجعي له
وأسأل الله ان يصلح حالكم صح ان الأخ عزوة..بس تصدقين أحيانا الاخوان يطيشون وما يدرون بالتصرف الصح انا كانت عندي اختي اللي اصغر مني بسنة..صارت بينها وبين زوجها مشاكل في اول سنة زواج و قعدت عند اهلي 4 شهور.. طبعا كلنا ..بلا استثناااااااااااااء كنا نبغاها تتطلق منه..لآنه ......... المهم اختي قعدت عندنا .. كم فترة.. حست فيها بالاهانة ..بالرغم من انها لم تتطلق ولكن في عرف الناس انها مطلقة خلالالالالالالالالالاص.. المهم ..مع كثرة المضايقات..قالت ..جحيم زوجي ولا أهانة أو منة أحد..و رجعت لزوجها بعد مناقشااااااااااااااات والحمد لله رزقها ربي ببنت ما شاء الله عليها بس هي الحين اللي ناقصها هو بيت يضمها ويضم بنتها وتخلص من مشاكلهم عموما يمن اني ..تكمت كلام ماله فايدة..لكن اقول لك..واجهي امك واخوك..قولي لهم هذه حياااتي انتم تعرفوا نظرة الناس للمطلقاااااات كيف ما ابغى بنتي تعيش من دون اب واذا اخوووووك عنييييد وما رح يتقبل ..اكتبي له رسالة و حطيها في غرفته وخليه يقراها وصدقيييييييييني ..اخوك يقول لك كذا..لكن لو فرضا رجعتي لزوجك رغما عنه وصارت مشاكل لا سمح الله وعدتي إلى بيت اهلك..ما رح يقدر يتخلى عنك ..بس يقول لك كذا عشان ييأسك عموووووووما دعواتي القلبية لك |
ام وداد يا الغالية .. حاولي تقنعين امك انها ماتروح للمحامي..
انتي تقولين انه امه مافيها خير وحكمتها فرق تسد .. حاولي تجيبنها بطريقة او باخرى انه يعني امك كانها قاعده تسوي اللي تسويه ام زوحك .. تبي تفرقكم وتطلقكم .. حبيبتي .. هذا زوجك حلالك حقك انك تحبيه وتعشقيه .. يعني محد يقدر يلومك لو حبيته .. اختي..فيه بنات يسوون المستحيل عشان حب بدون زواج اشلون انتي اللي زوجك حلالك وبينكم بنوته .. ربي يحفظها .. روحي بارك الله فيك .. وكلمي امك .. قوولي لها انتي الحين سعيدة لانك انفصلتي عن ابوي .. ذكريها بمرارة هالشي .. والبنت مهما كان محتاجه ابو .. يحبها ويعطف عليها ولو كان قاسي والله البنت تحب الابو لو اش كان .. اقنعي امك واصري عليها .. ولو لا قدر الله صار شي ف المستقبل بينك و بين زوجك .. اصبري واصبري واصبري ... ولاتيأسي .. لازم تعطيه فرصة دام انك تحبيه .. ولاتخافين الاهل مايستغنون عن بنتهم لو اش صار .. بس ان شاء الله الامور بتتصلح .. ومثل ماوعدك زوجك راح تكونون في بيت ابروحكم .. وانت دايما وصيه بامه خير .. عشان تكبرين في عينه ويعاملك بالمثل .. ودي اقول لك كلام اكثر مع اني اردي اني طولت عليك .. لكن فطومه تصيح ومضطره اروح لها .. وطمنينا عليك .. والله يوفقك يارب .. |
اقتباس:
خزنتهم علطول.. اشكرك من كل قلبي.. مشكووووووووووووووووور حيييييييييييييييييييييل والله مادري شقول |
اقتباس:
الحين اختك ان شاء الله سعيدة؟؟ وكيف هم اهلك معها ومع زوجها؟؟ ريحتيني.. لما قلتيلي عن اختك .. حسيت ان في امل.. الله يسعدها ويسعدك.. ويطمن قلبك مثل ماطمنتيني... مشكورة حبيبتي والله يرزقك كل الي تتمنينه يارب |
اقتباس:
|
نصيحة من أخت مرت بنفس أحداث تجربتك وانتهى مصيرها بالطلاق
لا تلجأين للمحاكم أبدااااااااااااا إذا تبين زوجك وتحبينه والنصيحة الثانية لا تدخلين أهلك بحياتك وتتأثرين بكلامهم خصوصاً الفترة الحالية أعصابك مشدودة وأكيد مو عارفة كيف تتصرفين ! الوقت اللي بتلجأين للمحكمة بتكون ورقتك بيدك فحاسبي من هذا الشيء واتركي الموضوع اشوي وانشعلي بتربية بنتك وخلي زوجك ترتاح أعصابه ويهدى أثناء سفره وكلميه بعد فترة أو لرجع من السفر وعاهديه على طاعته وسوي الأمور اللي يبيها منك |
اقتباس:
زوجي في البلد مو مسافرين .. بس اهله عمامه .. وجده .. الرجال الطيبين مسافرين .. اما ابوه مسلوب الارادة للاسف.. روجي يبيني وانا ابيه ... ونبي انعيش مع بعض بهدوء.. زوجي مايحب هالازعاجات والمشاكل الي ورا بعض .. يحب الهدوء.. مادري فجاة شاللي صار... هل هي عين ولا حسد ولا سحر الله اعلم انا والله ماودي اتمرمط بالمحاكم ... بالمرة ماتمنى هالشي.. انا قلت لامي خلينا اناجل هالسالفه شوي.. قالتلي لا الحين احسن قبل مايدوسونا.. كلام مايدش عقلي ابد .. ف ان شاء الله بكلم المحامي بهدوء ... وبكلم شيخ دين .. عشان انحل امورنا انا وزوجي.. وامي ان شاء الله الاستخارة بتهديها .. انتي رحتي للمحاكم ؟؟ وانتي تبين زوجك ؟ الله يعينك .. مشكورة يالغلا على النصيحة .. ان شاء الله يارب ماتطلق.. مو لان الطلاق فيه شي .. بس لاني لو تطلقت بظلم نفسي وبظلم بنتي وزوجي بعد .. |
اختي ام وداد اسمحي لي ادري سندرتك وكل شوي ارد عليك .. بس والله انا ماودي الموضوع لايوصل لمحامي والا محاكم لانه لو وصل هالموضوع لزوجك ممكن يتضايق وايد ويعاند خاصه انك قلت من قبل انه عنيد وكرامته فوق كل شي وهو كان مب متوقع انك تبين تتطلقين ..
أختي خليك جاده اشوي مع امك .. يعني لو قالت لك لا بنروح حق المحامي اصري .. واصري .. قولي لها خلاص انا مابي .. وهاذي حياتي ... وانا والله مااودي احرضك ع امك او اخليك تعصينها لا والله ... بس امك واخوك الله يهديهم الحين في حالة غضب .. ويبون يسوون هالشي.. مب عشانك لكن حفاظا لكرامتهم .. بيني اهم انه الزواج ميثاق غليظ . وانه انتي في قليج حب لزوجك .. وقولي لامك انه بنت عم زوجك او عمه كلموك وقالوا لك انه راح يحط لك بيت بروحك .. وقولي لهم انك تبين تعطينه فرصة .. خلي عنك السلبيه ... وصيري قويه .. وتمسكي بحبك .. هذا زوجك ابو وداد الحلوة ... قولي لامك انه كل انسان يغلط وزوجك غلط بس وقولي لها انه انتي بعد غلطتي واذكري لها اخظائك .. وقولي لها انها وداد لما تكبر تبي ابوها .. ارجوووك اختي ارجوووك .. لااتروحون للمحامي وقولي لامك لاتروووح واصري على رايك .. صدقيني لو امك شافت الاصرار والقوة في عينك راح تعصب شوي .. وترضى .. لكن يوم ان شاء الله بتشوفك سعيدة ف المستقبل مع زوجك بتفرح .. وقولي لامك تستخير واااايد .. وان شاء الله يارب ربي يبعد عن مووضوع المحامي ... ارجوك والله انا حاسه فيك تدرين ليش .. لاني مرة حلمت انه امي تبي تطلقني وكان الحلم كانه صج مع انه االحمدلله انا وزوجي مابيني مشاكل ..و الله اني قمت متضايقة واقول هاي اللي حلم جي ضايقني اشلون انتي الله يفرج همك يارب .. ويقربك من زوجك ..ويحبب امك فيه .. اختي اسمحي لي اقول لك هالقصة ع السريع يمكن تخفف عنك .. كانت لي صديقة الله يذكرها بالخير .. خطبها اخو صديقتها وكانت مرتاحه بس امها رافضة .. وتم يخطبها اربع سنوات وامها ماتوافق .. لين والله في يوم اتفقنا انا وهي ووحده ثالثه نقوم الليل كله وندعي .. وفعلا قمنا ودعينا من كل قلبنا .. والله مابالغ انها اتصلت فيني عقب 3 ايام .. تقول لي تصدقين امي قالت لي .. روحي اشتري لي لبس اهل ----- يبجون يخطبونك .. والحمدلله تزوجوا .. ببركة الله ثم الدعاء.. اتمنى ماكون طولت عليك .. والله ييسر لك الخير.. |
مشكورين كلكم فرد فرد ..
انا الحين مضطرة اطلع .. بنتي عندها موعد .. تطعيم الصبح .. ساعدوني.. اذا عندكم فكرة .. ولا دعاء ولا حل.. وانا ان شاء الله بكره برد عليكم .. اذا الله احياني.. وبكتب لكم شصار مع المحامي.. والشيخ الي يكلمة .. ادعووووووووووووووووووووووولي.. تحياتي أم وداد |
حبيبي الغالية ياليت تحلين مشكلتك بالتفاهم مع زوجك وتكونون أنتم صانعين القرار
وليس الوالدة - الله يحفظها - تقرر مصيرك وتكلم المحامي ماله داعي هذا كله وأنتِ وزجك تبون بعض وواضح من كلامك عن زوجك أنه يحب الهدووووووء وأي واحد ما يرضى أحد يدخل بحياته خصووووووصاً أهل الزوجة وضعي يختلف عنك من حيث أنه طليقي كان معلقي وناوي على طلاقي ولجأت للمحكمة بعد محاولات كثيرة جداً من أجل الصلح لكنه كان رافض ومع ذلك دائماً أقول بنفسي أني تسرع بذلك لو كان ناوي على الطلاق كان طلق من غير ما ألجأ للمحكمة الحمدلله على كل حال هذا نصيبي وهذا قدري |
اقتباس:
وانا والله ماقدر اطلع من غير مارد عليك .. لا ماسندرتيني ولا شي.. والله يوم اتردون علي استانس وارتاح لان وضعي كريه ومعقد .. واحتاج حد معاي خصوصا ان الكل ضدي.. وماقدر اتكلم مع حد في البيت والله ولاحد .. فاكتب كل الي في خاطري هنا.. ويمكن غثيتكم .. انا بعد مابيها توصل لا لمحاكم ولا لمحامي.. بس اعتقد المحامي للاستشارة القانونية يعني ماعتفد بنوكله في الوقت الحالي... وبالنسبة لامي والله انا طول الوقت اكلمها عن المحامي والمحاكم واني مابي اروح وبعدين اتصك راسي بالصراخ .. تبي اتروح الا تبي اتروح .. لكن انا ماني مرتاحة للمحاكم بالمرة .. اصلا مو حلوة بحقنا.. مو قصة اني خايفه احمل لقب مطلقه .. بس احس سنة وحدة ماتكفي اطلب فيها الطلاق .. لو شو ماكانت المشاكل.. خلاص انا ولدت وعندي بنت .. ومالي نية احمل مرة ثانية الحين لاني ابي اكمل دراستي وزوجي من زمان على علم بهالموضوع .. وامي اتعرف ان حتى لو حصل طلاق.. مافي اي زواج غيره بيتم الحين .. لاني مابي بنتي اتروح لعند ابوها وغير جذي مطلقه وعندي بنت صعبة شوي اتزوج .. ف شو المانع من المحاولة ؟؟ انا مو فاهمة تفكير امي .. وتفكير اخواني شلون صاير؟؟! عجزت وانا اكلمهم والله .. صار ماعندي ثقة بنفسي وبقراراتي .. ف والله كل مايصير شي اصلي استخارة حتى على الاشياء البسيطة... ففكرت اكلم شيخ دين عل وعسى .. اموري تنحل.. في فترة كنت اشوف فيها الطلاق الحل الوحيد لما وصلني كلام ان زوجي مايبيني .. فخلاص كرهته وخططت لحياتي بدونه .. بس والله كانت سعادة مؤقته لاني بعدين يوم شفت زوجي طار قلبي من الفرح .. وحسيت نفسي هبله .. بس ثقلت .. قدامه ... امي اتقول لي اكيد مسوين لك سحر .. عشان اتحبينه هالكثر... مو متوقعين انه انسان انا عشت معاه .. واعرف زينه وشينه .. والله والله .. يمكن لانه صغير طلعت منه تصرفات بايخة .. ولانه عنيد .. ومايعرف الصح من الغلط ... اذكر مرة قال لي انا صغير وقليل خبره .. لا تزعلين من التصرفات الي اسويها .. وانا بعد صغيرة .. وماعرفنا انا وياه انحكم حياتنا عدل .. لكن سنه وحدة كلها مشاكل كبرتنا عشرين سنة والله ... ويمكن لو ردينا حق بعض انكون اسعد اثنين .. لان خلاص عرفنا الصح من الغلط .. وعرفنا الي ينقال والي ماينقال.. محد راضي يفهم .. امي وخالاتي .. الي بالكويت كلهم يبوني اتطلق يقولون انتي انقبرتي مع واحد مافيه رجولة ويكذب حتى بمشاعره .. وفوق هذا كله ... بخيل!! يشوفونه بخيل..مع اني والله عارفه ليش مايقط مبالغ كبيرة بسهولة .. لانه على قد حاله .. صغير يدرس ويشتغل.. وشاد حيله والله ... ودايم يسالني يا ام وداد انا بخيل؟! معاشه قليل .. ومايقدر يدفع مرة وحدة صعبه عليه .. وانا نفس الشي لو مكانه صعبه علي.. بس محد يفهم .. ادعيلي يالغالية مثل مادعيتي حق صديقتك .. لاني والله تعبانة نفسيا .. احتاجكم من كل قلبي الله لايحرمني منكم .. مشكورة غناتي على اهتمامك .. وقد ماقدر بخليها ماتتصل في المحامي.. مو محترمين لا رايي ولا قراري... الله يعين ويستر من باجر |
اقتباس:
ان شاء الله بحلها مع زوجي.. بس امي مو راضيه تعطيني فرصة .. على اساس انها عطتني بس انا ماسويت شي...لكن والله حاولت بس لاظروفي ولا ظروف زوجي اتساعد... ادعيلي.. الله يعوضك باللي احسن منه ... |
السلام عليكم ورحمة الله وبركاته ...
انا حزينه جدا واشعر بالتعاسة .. واحس ان زوجي صار كالحلم البعيد .. امس .. امي اتصلت في الملازم الي اتكلمت عنه من قبل .. الي في قسم الجوازات والحمدلله ماحصلته .. وبينت لامي اني مستاءة جدا .. ومابي اروح للمحاكم .. قمت من الصبح .. بعد نومة ساعتين بس.. عشان اطلع مع واخذ بنتي للعيادة عشان عندها تطعيم .. وبعدها صارت عندنا شغلة ضرورية فما ردينا البيت الا الساعة اربع العصر... وطول هالفترة وانا اكلمها عن المحاكم وعدم رغبتي في الروحة .. وكانت تسمعني.. وحاولت ابين لها .. ان زوجي مو سيء لهالدرجة وان انا ماكرهه .. بعدني احترمه .. وعصبت وشاشت وصرخت .. وهديتها شوي.. وبعدين هي ردت فتحت الموضوع مرة ثانية .. وقلتلها بتغيرين رايك لو قلتلك الشقه موجودة .. وجواز بنتي موجود ودراستي بكملها ... قالتلي هذا حقير.. وقاعد يلف ويدور.. لانه يدري انه ماراح يلقى احسن منك .. وبعدين قالتلي ترا .. هو يبيك مو لانه يحبك بس لانه يدري ان بوجود امه هذي ماراح يلقى وحدة مثلك ترضى به .. حاولت اقتعنها ومافي فايدة .. وبعدين اذن الظهر رحنا لمصلى وصلينا .. وقلتلها بصلي استخارة بموضوع الطلاق.. (عشان اتعرف اني مترددة مابي اطلق) وصدق صليت استخارة .. بخصوص الطلاق والمحاكم .. تمينا شوي سولفنا عن مواضيع غير زواجي التعيس.. وبعدين امي ردت فتحت الموضوع مرة ثانية .. وقلتلها صدقيني يا يمه لو بعد الطلاق اكتشفت ان المراة بعد ما تتزوج للمرة الثانية من رجل اخر بنتها او ولدها بيروحون للزوج الاول.. تراني مااراح اتزوج بالمرة .. عشان اتعرف بس اني ابي بنتي وزوجي مع بعض.. ومافي فايدة .. بعدين .. قالتلي والله والله والله (حلفت ثلاث مرات) لو رجعتي لزوجك مابيك لا انتي ولا زوجك الي مايتسمى ولا حتى بنتك ... مابي اشوفكم بالمرة .. وقالتلي ودي اروح الكويت (ديرتها) من بكره .. لان القعدة معاك تقمت القلب.. بس ماقدر والسبب امتحان التوفل الي عندك اتحطمت انا وسكت .. وماتكلمت بعدها .. ودموعي بعيني.. وجسمي صار يعورني.. بعدين .. بالسيارة ... واحنا راجعين .. قالتلي ويييييع ماتوقعت بنتي بتصير ضعيفه جذي.. وقالت كلام يجرح .. رديت البيت محطمة .. شايله بنتي .. وابكي عندها مسكينة .. وهي تتالم من الابرة .. وامي ماتكلمني.. وبنتي مو عارفة شسوي فيها بروحي ماقدر المسها .. قعدت بالغرفة بروحي.. انا وبنتي.. وبعدين نومتها ... كنت بروح الصالة عشان اودي بنتي لفراشها الي في الغرفه الثانية .. سمعت امي اتكلم اخوي اتقول له .. قول لها اذا رحعتيله مانبي انشوفك لا انتي ولا بنتك .. ضاقت بي الدنيا مرة ثانية ورديت للغرفه الي كنت فيها وطرشت مسج لاخوي قلتله لا تقول لي شي لاني سمعت كل شي... طرش لي مسج .. وقالي طز فيك هذي مشكلتك .. انصدمت .. ومارديت على مسجه .. بعدها عطيت بنتي دواها الي كل ثمان ساعات.. وارتفعت حرارتها وصياع يعور القلب.. طليت على تلفوني ولقيت مسد كول من اخوي.. وبعدين ثاني.. وبعدين انا زهقت وغلقت تلقوني... رحت نومت بنتي.. ومن الكآبه نمت انا بعد .. من الساعة 9 في الليل... وقمت الساعة 5 الفجر ورضعت بنتي وعطيتها دواها وصليت ونمت ... وكل ماقوم ارد انام وانوم بنتي معاي مسكينه .. لحد ماصار الظهر... وفتحت تلفوني ورديت نمت ولما قمت لقيت ثلاث مسكول من رقم غريب ماعرفته.. قلت يمكن اخوي يتصل من دوامه مارديت اتصلت .. كلمتني اخني قالتلي التلفون طول الوقت مغلق شو السالفة ..قلتلها كذا وكذا.. قالتلي بشو ماتقررين انا معاك.. اتمنيها معاي.. هي في الكويت .. عشان خالتي لازم اتسوي عملية وتبي اختي تقعد معاها .. وقالتلي ان امي متضايقه ومتحطمة ومن هالكلام.. وان اخوي يتصل فيها مو عارف شو يسوي.. وبعدين جتني امي وقالتلي الملازم يتصل فيك .. قلتلها لا يتصل لاني ماااراح ارد .. واتصل ومارديت .. مابي ارد على واحد ماله دخل في حياتي وان رحت للمحاكم اساسا هو ماراح يكون موجود .. يعني مافي داعي يقنعني اروح للمحاكم .. والحين انا وامي مانتكلم .. الكيسائي... مشكور يعطيك العافيه على الارقام .. اتصلت امس العصر على كل الارقام ومحد رد علي بعدين رديت اتصلت ورد علي الشيخ بو اسامة .. وكلمته وصوتي مخنوق خلاص بصيح قالي لي كلميني بعد الصلاة .. لان عندي حالة الحين .. قلتله اوكي.. وصارت لي ظروف من امي واخوي .. وحسيت اني ماقدر اتكلم .. اخاف اصيح ... وماقدر اتكلم .. فبرجع اتصل فيه انا مرة ثانية .. عقب الصلاة .. وان شاء الله يكون فاضي |
الله يكون بعونك يا أم وداد
أسأل الله العظيم أن ييسر أمورك ويحل مشكلتك وترجعين لزوجك ويهدي الوالدة من اللي تفكر فيه |
ان شاء الله يارب.. مشكورة يالغلا ..
ادعيلي دايما .. لان قلبي يعورني مادري شسوي |
شوروا علي :(
|
حبيبتي اول شي الله لايجيب ابغض الحلال انا جربت وضعك مع اختلاف الاسباب و قعدت عند اهلي اسبوع بس صدقيني قد مايقولون اهلك انت على راسنا و انت بينا معززة مكرمة بس اكيد انت مو مرتاحة لهاالوضع خصوصا انه محد محترق الاانت و بنتك و زوجك حبيبتي انا بعد امه يوم رحت لاهلي قالت كلام غير الي حصل يعني كذبت و هي حرمه كبيره في السبعين تخيلي بس ماابغي اتحسب عليها لدرجة انه من غير ماادخل فى التفاصيل هو خلي شرط رجعتي اني اعتذر الامه و فعلا اعتذرت لها بالتلفون بس صدقيني ماعاد ارتاح لها مثل اول يعني ان جتني اسوي واجبها علي و خلاص و علي فكرة ترى انا اللي بادرت و كلمته لما شفت حياتي بتنهار و بيتى بيخرب انا صار لي 5سنين متزوجة و ماعندي عيال و المشكلة منه و كل اهلي قالو افتكي منه عشان ربي يعوضك بواحد سليم و تجيبي اطفال بس احبه و الله شاهد علي و عاهدت نفسي اني ماقول اي شي لاهلي بعد كذا عنه الاكل خير و اني احافظ علي بيتي بكل قوه و اني ماطلع من بيتي ابد لو ايش ماصار حبيبتي انا معليش احس انك متلخبطة بس نصيحة حاربي علشان بيتك و بنتك الله يخليها لك حتى لو اضريت تكذبين على اهلك و الله يكتب لك الخير:22: :22:
|
والله يالغلا انا هذا الي ابيه .. بس اهلي سادين الابواب في وجهي..
تخيلي.. كل من درى اني مابي المحاكم .. والتلفون مايوقف يبون يقنعوني .. وانا مارد .. والله مابي اتطلق.. خصوصا اني ماجربت حلاوة الزواج .. يعني ان انكون انا وهو في بيت بروحنا.. والحين بيتوفر السكن .. وهالكلام اكيد .. وغير هذا وذاك .. انا عندي بنت ربي يحفظها .. لازم افكر فيها .. وفي مستقبلها .. انا عشت من غير اب .. لان ابوي يشتغل برا البلد .. وغير كذا بارد تجاهنا.. والحين للاسف تطلقو بسبب ام زوجــــــــي.. امي ربتنا احسن تربيه لكن والله .. اني كنت دايما بحاجة لاب.. ماقلت لامي هالكلام ولا عمري بقوله لانها بتتضايق.. ربتنا بروحها من غير ولا حد بهالديرة الغريبة بالنسبة لها .. الابواب كلها منسدة في وجهي.. واذا اتصلت في زوجي الحين وقلتله تعال يالله انعيش انا وانت بروحنا.. بيجيني ركض.. لكن اهلي مو راضين عني.. وامي حلفت والله لو رجعتيله مالنا دخل فيك انتي وبنتك ..!! |
هل اصر على رأيي ولا اقول لهم خلاص كيفكم بروح للمحاكم .. واحسسهم بالذنب و اني مجبورة
|
هل اصر على رأيي ولا اقول لهم خلاص كيفكم بروح للمحاكم .. واحسسهم بالذنب و اني مجبورة؟
|
غاليتي أم وداد
كلمي الوالدة وقولي لها ياأمي أنا استخرت وماأبي أروح للمحاكم إن طلقني بروحه وإلاماراح أركض ورى الطلاق - وإن شاء الله مايكون الطلاق- إذا قالت تبين ترجعين له مالي دخل فيك ومن هالكلام قولي حتى لومارجعت له خلوني معلقة ولامطلقة وخليهم ينسون سالفة المحاكم والغثا وبعدين ربي بييسر لك الرجعه وبصراحة يوم غيرتي توقيعك مبين وش بداخلك فما يصير تسكتين أرفضي إنك تروحين معهم وإذا أصروا خليهم بكيفهم ولاتدخلين لك يد في الموضوع وخلي أبو وداد يعرف إن مالك يد والله يهدي أهلك ويسخرهم لك ويردك لزوجك ويجمع بينكم على خير |
السلام عليكم ورحمة الله وبركاته ..
اختي الغالية ام وداد .. الله يفرج همك يارب .. والله انك دوووم ع بالي ودوم ادعي لك عسى ربي يفرج همك .. حتى امس قاعدين انا وزوجي كان اقول الله يفرج همك يا ام وداد .. ويرجعك لزوجك .. ويصلح بينكم .. الا مسكين زوجي تخرع يقول من ام وداد .. يحسب حد من الاهل .. لكن والله انك اخت غالية وعسى ربي يصلح الامور .. أختي الغالية .. من رايي " والامر يعود لك " .. انك تقولي لاختك اللي قالت انها معاك في اي قرار راح تاخذينه .. وتقولين لها تكلم امك ... وتقنعها اذا ممكن .. واذا ماصار هالشي .. رايي يا الغالية .. انك تقعدي مع امك واخوك .. وتطلبي منهم انك تتكلمي وتقولي كل اللي ف خاطرك .. وهم يسمعوك .. واطلبي منهم مايعلقوا لحد ماتخلصين كلامك لو سمحوا .. ويفضل انه بنتك تكون قاعده .. عشان يفكروا عدل .. قولي لهم كل اللي في خاطرك .. وقولي لهم انه بكرة البنت بتكبر محتاجه اب .. محتاجه من يصرف عليها .. وبيني لهم يقينك انهم ماراح يقصرون معك .. لكن وجود الاب مهم في الحياة .. وترجيهم انها تكون هاذي الفرصة الاخيره .. في بيت مستقل يضمك ويضمه .. وركزي على موضوع الاستخاره .. اللي فهمته انكم ماتصلتوا في المحامي اختي .. وايه الاذن التيسير .. والله مايسر موضوع الاتصال في المحامي معناه مافي خيرلك .. فهمتي علي.. قولي لاخوك وامك ايش راح يضرهم لو جربتي مرة اخيره مع زوجك .. وذكريهم انه الطلاق ابغض الحلال عند الله .. ولو تقدرين .. قولي لزوجك يجي ويكلم امك ويقول لها انه شاريك .. وانه ان شاء الله بيثبت لهم انك عزيزة وغالية وماراح يخيب ظنهم هالمرة ... وانت ايضا اشرحي لامك.. انه زوجك صغير وشي طبيعي انه يكون ولاءه لامه اكبر .. والله هذا لانه فيه خير .. وقولي لها هو يظن انه امه على صواب نفس ما انا الحين اطاوعك وكنت اظنك على صواب .. وقولي لهم انك ماتريدين تصيري مطلقه .. وانتي ليحين صغيره وزوجك صغير .. والله يا اختي صبري .. انا اعرف وحده معرفة شخصييية جداً .. والله انها كانت تسمع ام زوجها تقول لزوجها طلقها اش تبي فيها .. وصبرت وصبرت ومرة تزعل ومرة مادري ايش .. لين 4 سنوات ذاقت الويل مع اهل زوجها .. ثم راحت بيت لحالها .. في البدايه حاولوا يضايقونها لكن طنشت والحين الحمدلله مرتاحين في بيتهم وصار لهم سنتين فيه بدون مشاكل بوصل هلك وعلى عيني وعلى راسي لكن نكون مع بعض او تروح لحالك .. يعني هي ماتروح لاهل زوجها لحالها لازم زوجها يكون معاها عرفتي .. والحين مرتاحين الحمدلله .. واعرف واعرف والله وايد اعرف ناس كانت بينهم مشاكل .. بس البيت المستقل ريحهم .. وممكن اختي الغالية بارك الله فيك.. تقولي لامك انه هذا اللي تبيه ام زوجك وامك ماتبي الراحة لام زوجك فقولي لها اذا تطلقتوا هي راح ترتاح وراح تحس انها هي اللي انتصرت .. لكن انتي خليني ارجع لولدها عشان اقهرها <<< طبعا لاتحلين صج هالشي غرضك لكن بس عشان امك تلين .. ثم عيشي يراحة مع زوجك .. اختي لا تروحين المحاكم وتسوين نفسك مجبورة لا .. مانصحك بهالخطوة ابد ابد .. لانه زوجك لو عرف ماراح يقول والله مجبوره والا لا .. بيقول طاوعت اهله خل ينفعونها .. ويطلق لا قدر الله .. انتي اصري عليهم وقولي لهم انك تبين زوجك وبنتك تبي ابوها صح انها صغيره لكن مصيرها تكبر .. اسمحي لي ع الاطاله والله ييسر لك الخير يارب .. ولاتنسين تطمنينا عليك .. |
السلام عليكم ورحمة الله وبركاته
أختي الكريمة فرج الله همك ويسر امرك قرأت الموضوع بأكمله وانا استغرب موقف امك واخوك عليك ان تضعيهم امام الأمر الواقع هم يضغطون عليك اما الطلاق او يقطعون علاقتهم بك أعكسي الوضع عليهم كوني قوية بوجههم ولا تسمحي لهم بالوصول للمحاكم اختي الكريمة ارجعي لزوجك وانا متاكدة ان امك ستلين بعد ذلك لا تساومي على هذا أبداً ضعي شرطك الأساسي وهو الرجوع لزوجك وحددي مطالبهم بعد هذا الشرط ركزي لا مطالب لأمك وأخيك دون التراجع عن الطلاق. هذه حياتك وانت الوحيدة التي ستعاني اتمنى لك التوفيق والخير ان شاء الله |
الله يفرج همج ويصلح حالكم وييسرلج كل امورج اللهم امين
اللهم وفق بينها وبين زوجها واجمع بينهم على خير ..اللهم سخره لها كما سخرت البحر لموسى اللهم الف بين قلوبهم كما الفت بين قلوب عبادك .. الله يهدي امج واخوج ويلين قلوبهم اللهم امين |
بانتظااااااااااااااااااااااااااارك
الله يفرج همك ويجبر خاطرك |
اختي ام وداد
لابد لك من وقفة تحددين فيها ما تريدينه بغض النظر عن من يرضى عنك، ومن يسخط لأنك ببساطة لن تستطيعي إرضاء الجميع وبحسب كلامك فزوجك لو اتصلتي وقلتي تعال خذني جاك ركض اجل ليه مصعبه المسألة اتصلي وقولي له انك تبين اليوم قبل بكرة ولكن عشان ما تسير مشاكل مستنيه عند اهلك لمن يجهز بيتكم المستقل وإن شاء الله الاستقلال سيسهل عليكم التفاهم وربنا معاك |
الاخت الكريمة أم وداد أعانها الله
تصفحت موضوعك ولعلي أحطت بالمشكلة بصفة عامة إذا لم أكن غلطان 1- من الواضح أن زوجك صغير في السن ولا يملك قراره وقراره بيد أمه ولم يوفق بوالد صاحب رأي وقرار ويبدو أن قرار الاسرة كلها لدى الام المتسلطة. 2- أعتقد الامر الآن أصبح تحدي بين أهلك وأهله ... وبعبارة أدق بين أمك وأمه. 3- لا تذهبين للمحاكم فلا أعتقد أن بعد الحاكم تصافي وود ووئام خاصة أنكم لستم بحاجة على الاقل في هذه المرحلة لمسألة المحاكم وكل منكم يحب الاخر. 4- أنتي الان في مرحلة من حياتك صعبة وتحتاج إلى شئ من الصبر والتضحية مع عدم التنازل عن حقوقك وكرامتك والاحتفاظ بشخصية لها اعتبارها ورأيها والمسألة تحتاج لشئ من التوازن أعانك الله وأهم مايميز هذه المرحلة هو صغر سن زوجك وعدم انفراده وقدرته على اتخاذ القرار بشكل منفرد وهذه المرحلة قد تحتاج لشئ من الوقت وقد يقدر ا لوقت بعدد من ا لسنين لذلك يجب أن تعين هذا بشكل جيد وتضعين نصب عينيك تحمل هذه المرحلة حتى وأن خرجتم في مسكن لوحدكم ستظل أمه مؤثرة عليه. 5- حاولي الاصرار على الخروج والاستقلال في منزل خاص بكم مهما كان صغيرا فهذا من شأنه أن يعينك على تحمل تلك المرحلة التي أشرت عليها فقط لان زوجك خلال هذه المرحلة سوف يظل تحت سيطرت والدته الحل كاني أتصور الامر أمام ناظري الآن الكبرياء تمنع أهلك وأهله (أمك وأمه) من التنازل لذلك إن أمكن أن يتدخل طرف ثالث له مكانه لدى الطرفين ليعمل على حل الاشكال بشكل ودي بعيدا عن الشكل الرسمي وأتمنى أن لا يدخل في تفاصيل الماضي ويعمل على حلها بالطريقة التالية: أولا: توفير سكن مستقل وهذا يحفظ ماء وجه أمك ويطيب خاطرها وفي نفس الوقت يجعل من حياتكم أكثر استقرارا ثانيا: يرمي بثقله على الطرفين للقبول بهذا الحل وهو السكن المنفرد لكما. ثالثا: يجب يعمل بكل ما يستطيع وفي أكثر من لقاء لافهام الزوج بضرورة الاستقلال في بيت منفصل ومستقل وضرورة الموازنه بين الامور وعدم تسليم عقله لامه أتمنى لك التوفيق هذا مااستطعته على عجل وأنا على استعداد لاي استشاره أخرى تحية |
السلام عليكم ورحمة الله وبركاته ...
اول شي بقولكم الي صار معي... امس بطوله ... قعدت مع امي.. عشان ماتزعل مني.. عقب الاضراب الي سويته ... وبالبدايه ماتكلمنا بس قعدت معها انا وبنتي في الصاله .. وبعدين رجع اخوي ... وقلبي كان يرقع خفت يصرخ علي.. بس ماقال شي.. وقعد يتكلم عادي... واحسن مافي الموضوع ان امي ماطرت زوجي نهائيا من بعد ماكانت من تشوفني ماتقدر تصبر الا تسبه وتغلط عليه قدامي.. وطول الوقت امس من الظهر لحد الساعة تسع ونص ... في الليل .. رقم غريب يتصل علي .. مارديت ولا فكرت اسال عن الرقم لانه احتمال يكون الملازم يتصل من رقم غير عشان ارد عليه ويقنعني اروح للمحاكم اليوم قعدت ... وقالتلي امي ... يمكن انروح للمحامي اليوم ... واذا مارحنا بنروح لشيخ دين ... جاسني احباط .. بس احلى مافي الموضوع ان مارد عليها المحامي وماعتقد بيرد عليها ... وان شاء الله تبرد السالفة وتوقف هني... انا ابي اروح لشيخ دين .. عشان يقرا علي واتطمن على حالي.. واتصلت في شيوخ دين غير هذا الي بروح له .. بس بصعوبه احصلهم عشان اقنع زوجي يروح لواحد منهم .. اذا رحت لشيخ دين .. بحمد ربي واشكره وان صار لا سمح الله ورحت للمحامي.. اليوم .. بتكلم معاه بروحي وببين له اني مابغيت اجي اصلا .. وبقوله الي صار خلال هالسنه بالتفصيل ... |
الالمعية ...
قلتلها انا صليت استخارة ومابي اروح للمحاكم .. عصبت علي وقالتلي بنروح يعني بنروح مارضى ننداس.. اتقولي اذا رجعتي لزوجك يعني بتحطمينا كلنا.. لان ام زوجك ماراح اتخلي حد .. يعني اتوضح لي ان بسبتي انا وبقراري راح اهدم بيت اهلي بكبره .. إن مع العسر يسرا ادعيلي يالغالية .. حاملة الهم ... هلا والله يالغالية والله انك ماتقصرين مانسالك وقفتك هذي وياي.. والله مانساها... اختي معاي باي قرار اتخذه .. صح .. بس برايها الطلاق احسن .. كلهم يشوفون الطلاق احسن .. واني استحق احسن منه .. كل ماقول ان بنتي بحاجة لاب.. اتقول لي الي خلقها ما بينساها ... والله ارحم منك على بنتك .. ان شاء الله يارب يصير حالي من حال صديقتك .. يارب.. قلت لامي ترا ام زوجي تبي الطلاق واحنا بنعطيها الي تبيه .. قالت كيفها المهم ما تاذينا ولا تعرف عن حياتنا شي... انا والله خايفه اتطلق واندم .. لاني ماعطيت نفسي فرصة.. ماضقت للحين حلاوة الزواج .. ماجربت اعيش مع زوجي بروحنا.. تعبت حييييييييييل.. ادعيلي دايما يالغالية ارجوك لا تسيني.. مرجانة .. قريتي كل الروابط؟! لان في احد من الروابط انا كنت مرتاحة .. ومستعدة للطلاق.. بس عقب لقائي مع زوجي غيرت رايي.. لان حسيت ان زوجي قابل للتغييير ووعدني هالمرة بشهود .. ولان بنت عم بو زوجي .. ماشاء الله عليها منطقية .. مو مثل امي .. ومثلي انا نتكلم بالعواطف وبس.. امي جرحت زوجي كثير... وغلطت من هالناحية وماتشوفه غلط ادعيلي يالغلا .. مادري ليش عندي احساس اني مارح اتطلق.. وان شاء الله احساسي بمحله يارب ... همسات .. امييييييييييييييييييييييين .. يالغالية ادعيلي طول الوقت غلا 2005... بسمعكم اخباري اول باول اسير 26.. زوجي اخر كلام دار بيني وبينه .. ان خلاص ان شاء الله بتتسهل امورنا وبنرجع حق بعض.. بس الاول انحل المشاكل مع الاهل.. هو على علم .. اسمحولي رديت عليكم كلكم بوقت واحد .. بس لاحظت كل ماتزيد الردود .. يغلقون المواضيع .. مابي الموضوع يغلق الحين .. احتاجكم |
اقتباس:
|
حاملة الهم ...
زوجي مايقدر يكلم امي.. لان امي لو شافته يمكن تطرده ... لانها تكرهه ... مرة من زمان قالتلي لو صارت ظروف ورجعتيله انا مابي اشوفه ... ينزلك عندنا ويروح (انا فخاطري استانست لاني حسيت ان في امل ارجع له..) بس الحين فقدت الامل!! |
الاخت ام وداد باختصر مشكلتج بعدة نقاط
اولا انتي وريلج صغار في السن فأي مشاكل تنوجد في هذي اللحظه بتكون وليدة قلة الخبره وعدم وجود عشره كافيه وتعود بينج وبينه. ثانيا عيشتج عند اهله سببلج المشاكل الكثيره والحل ان تأجرون شقه لين ما تقدرون تستقلون ببيت روحكم. ثالثا المشكله الاكبر امج الله يهديها اللي مش قادره تستوعب وتهضم ان المشاكل تستوي في اي بيت والواحد يهدي الوضع عشان تمر سفينة الحياه, بصراحه اختي امج وايد عنيفه ومتسرعه في قراراتها وابصراحه تبغي تخرب عليج لمجرد انها تنتقم من زوجك واهله وهذا الشي غلط بالاضافه انها تحرض اخوج عليج اخذيها بالهداوه وسايسيها ودعي ان الله يهديها. اختي اذا انتي من الامارات فلا تعتقدين ان المحاكم بتطلقج يسهوله لان في قسم مسئول عن حل مشاكل الزوجين وكل واحد او وحده مفكرين بالطلاق يحضرونهم ويحاولون فيهم الاصلاح قبل ما يوافقون على الطلاق. نصيحتي اختي كلمي الاستاذه وداد لوتاه او عبدالسلام درويش المسئولين في المحكمه عن هذي القضايا وخبريهم مشكلتج قبل ما تسيرين المحكمه وان شاء الله يحاولون الاصلاح. وصدقيني اختي ان كلام وتهديد امج او اخوج وليد انفعال وعصبيه وياما سمعنا اهل يهددون عيالهم انهم مالهم خص وانهم بيطردونهم ولا يبغون ايشوفونهم بس صدقيني الايام كفيله تحل المشاكل وتبات نار تصبح رماد شوفي نفسج واتخذي قرارج بروحج والله يعينج. |
ايه والله ياختي... انا بعمري وايد الي يتزوجون .. بس زوجي صغير.. من قلب...
هو مو متهور لو متهور كان طلقني من زمان.. انا من الامارات ان شاء الله المحكمة ماتطلقني من زوجي .. لاني مابي الطلاق وداد لوتاه .. وعبدالسلام درويش.. بودي لو اكلمهم ,, بس كيف بالتلفون ؟! ولا اروح للمحكمة .. لان روحتي لهم صعبه كثيييييييييير.. مافي غير امي توديني.. وانا مابيها تدري |
| الساعة الآن 11:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©