|
مبتسمه وكلي جروح
الله يجزاك الجنة وبارك الله فيك |
اقتباس:
الطلاق ضرر انا معاك لكن صديقيني حياتي تعب من غير اعلان للزواج والله تعب الأمر مو بسيط ولأني على هذا أمل الله يكتب اللي فيه الخير والصالح الله يجزاك الجنه جويرية |
الله يكون في عونك
ويفرج همك ويسخر لك زوجك ويحقق لك امانيك يارب |
الله يعينك اختي
لا تفكرين بالطلاق اطلاقاً زوجك ذا ذمته وسيعه ورجال مزواج الله ييسر امورك معاه اختك بالله جينز |
اقتباس:
انا فعلا استخرت وكثير اول كنت ابدا ماافكر حتى بالطلاق لكن الأن انصدمت فيه وادعي الله يكتب لي اللي فيه الخير وذكرته وبالأسلوب الحسن وان الظلم ظلمات يوم القيامه لكن بدأت احس انه بلا قلب الله يجزاك الجنه شاكره لك |
اقتباس:
ادري والله اني الغلط غلطي من البداية كان امامنا رجل ثقة من عائلة معروفه بالصلاح والدين وبيّن وبشده انها ظروف عابره و لفتره لكن طلع حقيقة زوجي هداه الله عكس ماقال رجل يتزوج للمتعه وللعب ويظن ان بنات الناس لعبه وان كل وحده راح تسكت لما يطلق وتمشيها عليه راح اعمل بنصيحتك الله يجزاك الجنه شاكره لك |
هل لديه رغبه بانجاب الاطفال منكِ ؟؟ لانه مضى على زواجه سنه وكم شهر
متى يريد ان يعُــلن الزواج ! ؟ هل جلستي معه جلسه نقاش وحوار حول هذا الامر ؟ متى آخر مره ؟ما موقف والديك من الموضوع !! |
اقتباس:
انا ذكرت انه محافظ وهذا اللي تبين لنا لما اتى لخطبتي واول زواجي في بعض الأمور لكن والله مع الوقت تبين لي اشياء كثيره عكس الرجل المحافظ ووالله لو تدرين كيف اخبرني بزواجه وانه مبسوووووط حتى لما شافني ابكي ماوساني ويطلع عن البيت وانا ابكي ولا يسأل كل ما اذكر موقفه ألم يعتصرني وليته على الزواج (موت وخراب ديار ) يبي يطلق انا فعلا انصدمت فيه احس انه مايستاهل بس والله الطلاق صعب الله يبصره ويهديه لكن صدقيني اذا وصلت لحد الكرامه و تأكدت انه يتعمد اساءة المعامله اقسم بأذن الله اني ماراح اتوانا ثواني معاه الله يجزاك الجنه يارب |
اقتباس:
|
اقتباس:
وانا كان ردي لنفسية زوجي انا جماعتي يدرون بزواجي لكن اهله وجماعته مايدرون الله يهديه ويجزاك الجنه يارب |
اقتباس:
واقول الله يفرجها ويعلن وارتاح مرت علي ظروف كنت احتاجه ومااحصله انا الأن ماراح اطلب الطلاق لكن لفنره لأن صدقيني وبالعاميه يقولون قديما (المقفي لا تتبعه ) كنت اسمعها من جدتي الله يرحمها ماراح استمر ارجي شخص بايع وعلى ايش انا ماادري ليه فكر بالطلاق الله يجزاك الجنه |
الزواج اشهار واعلان هكذا أختي نعرف من ديننا لايوجد مايسمى بالمتعه والعرفي والدم والمسيار والسر والسفر وماالى ذلك من مسميااات ومستحدثات دخيله على ديننا وعادتنا وتقاليدنا .. اسمحي لي صغيرتي لقد اخطأت خطأ فادحا بحق نفسك أنت لست بسلعه يبيع ويشتري فيك يجب أن تضعي حدا لما وضعت نفسك فيه وأن تواجهي الموقف بشجاعه وثبات أنت انسانه من عائله محترمه عليه أن يعي أنه جاء من الباب وخطبك وأن يلتزم بوعده فالمؤمنون عند وعودهم اسأل الله لك مافيه الخير والصلاح واعتذر لقسوتي معك في الكلام فأنت في عمر الزهور وكلامي نابع من حرقتي عليك... طمنينا عنك أولا بأول صغيرتي الغاليه.. في حفظ الله ورعايته..
|
والله ما ادري عن نيته الله اعلم بالنوايا لكن هو صريح معك جدا قال الصبر او الطلاق
كم مره يمر عليك ؟ لو مرتين 2 بالاسبوع إلى 3 اهون ومايترك لوحدك ! اطلبي منه ذلك ودائما تواصلي معه بالتلفون صدقني إذا حبك وصل الامر انه عشقك ماراح يتخلى عنك ان شاء الله يبدو لي انك انتِ تحبيه وتتمنين الاستمرار معه الله يصلح احواكم يارب وياليت تفكرين بشغاله تسكن معك لا تكوني لوحدك ابدا |
اقتباس:
حيا الله ام وداد الله يسعدك ويجمعك مع زوجك دائما افكر فيك يالغاليه وان شاالله هذا اللي بيصير راح اعلن بإذن الله تعالى وبعدها يصير اللي يصير لأني ماراح ارضى اكون له زوجه استمتع بها وخلص مو كيفه يلعب بي ولا بغيري بإذن الله لعل الأيام تكون كفيله تخليه رجل عند كلمته وواضح وصريح ويخاف الله في بنات الناس رحمة الله واسعه الله يهديه الله يجزاك الجنة |
اقتباس:
الله يوفقك ويجزاك الجنة شاكره لك ودعواتك الطيبه الف شكر لك |
اقتباس:
فاجئني بسؤ معاملته اللي ابدا ماتوقعتها تصدر منه خلاني اخذ الأمر بجد وافكر بالطلاق الله يجزاك الجنه |
اقتباس:
يعني مو مهتم حصل او ما حصل والأفضل عنده انه مايحصل الأان بوده انه مايعلن ابد لكن اتفاقي معاه فتره بسيطه اشهر جلست كثير معاه واخر مره من يومين قال مااقدر اسعدك وماراح اعلن اما الأهل مايدرون انه تزوج ولا يدرون انه قال لي ماراح يعلن ابدا لأن لو قلت لهم هذا الأمر اكيد راح يخلونه يطلق لأنهم متضايقين منه ومستحملينه عالآخر فالأمور اللي ذكرتها سابقا وصابرين نفس الشي يقولون بكره يعلن ويتغير ان شاالله وينصلح الحال |
الله يفرج همك , ويسعدك , وييسر لكِ الأفضل (آمين)
|
متستر بستار الالتزام وغلبهم كدا قصص تشيب لها الرأس
ويقلون ليش ماترضين برجل متزوج ولا مسيار الله يعينك ويفرج همك |
اقتباس:
وياليت اني مارضيت مو كل رجل رجل انا اخطيت بحق نفسي وحق اهلي لأن اهلي ابدا ماكانوا موافقين بداية وانا اصريت قدر الله وماشاء فعل والله انا نادمه ليش تنازلت من البدايه لشخص مااعرفه لكن قست على حال بعض المتزوجات اللي حياتهم مليئه بالمشاكل وعدم الأتفاق فكنت اظن ان المهم الرجل نفسه اذا رجل ذا دين وخلق اما الظروف فتره وتعدي الأن ادري اني ماحسبتها صح والقياس خطأ هو اراد المتعه ليش تزوجني بنية خبيثه منه وكلت امري لرب العالمين وخير الراحمين الله يسعدك ويجزاك الجنه شاكره لك |
رجل مزواج ........... هدا طبع زوجك للاسف واستغرب تقولين خلوق ملتزم ..اللي يعرف شرع ربنا ما يتصرف هدا التصرف فكانت تكفيه واحدة بدل ظلم نساء كثيرات وانتي واحدة منهن .....لاحول ولا قوة الا بالله .... الله معك
|
الله يكتب لك مافيه الخير
عزيزتي لذة عشق
احترت وش اقول لك ماهو الافضل لكن يبدو لي ان زوجك مو متمسك فيك ولسى ماحبك او لم يشعر بالأطمئنان في ظروفه ووضعه الحالي لهذا لم يستطع اعلان الزواج امام زوجته إلخ وطبعا هو محتار وربما متخوف ولا يبي وجع راس ومشاكل لهذا لم يتم الاعلان إلى الان! ! ربما لانه لم يجد الظروف المناسبه او الوضع المناسب الي يخليه يعلن ومايبي يفسد على نفسه حياته المستقره مع زوجته ام عياله ! لهذا هو يخيرك يا ترضين وتصبرين وهو بيشوف نفسه معك او بالطلاق انت على كل حال استخيري الله والله بيدلك على الخير هل البقاء معه او الانفصال كلميه بالتلفون قولي له ابيك ضروري ثم اذهبي معه إلى اي مكن للتمشيه ثم سولفي معه ممكن تروحون شاليه حجز لمدة يومين نهاية الاسبوع وتغيرين جو معه . وجلسه صراحه لا تخلين بخاطرك شيء إلا وقلتيه له واساليه قولي له انت تحبني ؟ انت مرتاح معي؟ انت سعيد انك تزوجتني او نادم على الارتباط بي؟ إلخ من الكلام ووضحي له انك نفسيا غير مرتاحه ولا تشعري معه بالأمــــــــــان ! وقولي له حرام اضيع سنوات من عمري وانت تخيرني بالصبر او الطلاق! او انت ببالك انك تتخلى عني وتطلق او ماعندك شجاعه وقدره على مواجهة زوجتك واهلك واعلان الزواج بشكل رسمي امام اهله ام امام اهلك واقاربك الكل يعرف انه زوجك لكن بقي امام آقاربه وزوجته وهذا اصعب خطوه عليه لانه يخاف من حدوث مشاكل مع زوجته صارحيه وناقشي معه وانتبهي تبكين وإلا تنزل دموعك خليك قويه والنقاش بهدوء وباسلوب وشوفي وش آخرتها وقولي له الظلم حرام وانا صغيره ولا ابيك تظلمني واتفاقنا في بدايه الزواج انه بالسر كم شهر مو سنه ونص ! وإلا الان لم يعُلن بشكل رسمي قولي له ابي ارتاح ابي استقر ابي احس اني زوجه سعيده مع زوجها واعيش مثل باقي المتزوجات وقولي له قصص عن بعض الرجال المعددين الي حياتهم الزوجيه سعيده مع زوجاتهم في هذا الجلسه ضعي النقاط على الحروف واعرفي مافي داخله حاولي قولي له صارحني وفضفض الي بداخلك ترى بعض الرجال كتومين مايقول اسراره لزوجته! الله معك (: مُبتسمة وكلي جروح |
اقتباس:
اختي الكريمه... نصيحه لله فري بجلدك من هذا الرجل فرارك من الاسد !! هذا كلامه الان انه لم يعد يحبك كالسابق ونكسه لوعد الاعلان للزواج وبفمه المليان... اسئلي نفسك مالذي سيحصل لو كنت حامل؟؟ الامر سيكون اصعب ... فواضح جدا ان زواجه منك لمصلحه وكانك محطة وقود يشحن نفسه منها ثم يتركها ... وانت بنفسك قلتي انه قد طلق قبلك وكنت انت الثالثه والمثل في الازواج يقول (اللي يضحي بالاولى يضحي بالثانيه) وليتك تصطلحين مع اهلك ليقفوا معك الموضوع يا اختي ليس مسألة انه تغير وضغوط عمل وووولا...لا الموضوع من اساسه فيه نظر كما تعرفين وعندما يكون الزواج معلن وواضح ستهون امور غيرها... |
صعبه
صعبه لذه حبيبتي
لاني قادره الومك لانه ما عاد ينفع الحين ولا قادره اعطيك حل يريحك بس بأنصحك انه ما تنسحبين من حياته الحين ولا توافقين على الطلاق ابدا سايريه شوي لانك اذا انسحبتي الحين انتي الخسرانه الوحيد .ممكن تلاقين صعوبه بس الله يعينك وانشاء الله تنحل قريبا |
معليش يااختي
بس من شروط الزواج الاعلااااان وانتي قبلتي بهالوضع من البدايه انتي واهلك كان المفروض تتوقعي اسوء الاحتمالات لان الشخص ما يتزوج بالسر غالبا الا وراه بلى او مصيبه بتصير استغرب كيف اهلك رضو لك هالوضع .. وين كرامتك رضيتي لنفسك تكوني مجرد عدد بين زوجاته وهو بس يقضي شهوة وقت ما شبع قال بطلق انا اسفه عالقسوه وفااهمه معاناتك الله يكون بعونك بس المفروض شخصيتك تكون اقوى من كذا .. هدديه انك تعلمي زوجته الاولى واهله وكل العالم انا اتوقع انك مارضيتي بهالوضع الا وعندك ظروف قويه .. بس مو ذا سبب علشان تتنازلي عن حقوقك |
ماودي ازيد همك لكن
كلام الاخت صحيح والله يفرج همك اقتباس:
|
خلاص يالغالين لا تلومونها.. الي صار صار...
دوروا على حل معها .. انا من رايي تعلنين .. انتي واهلك .. عشان يعرف ان انتي واهلك مو لعبه.. ومشكورة يالغلا لانك وقفتي معاي.. والحين دوري اوقف معاك .. وان شاء الله ازمة وتعدي.. لا تشلين هم .. اعلني وخلاص والي فيها فيها .. شبيسوي يعني؟ هو الغلطان .. وهو الي انقض وعده .. الله يكون بعونك .. ونحنا معك .. ولا تنسينا طمنينا .. |
اقتباس:
|
اقتباس:
بس مو كل الرجال واحد الله يجزاك الجنه |
خلاص يالغالين لا تلومونها.. الي صار صار...
دوروا على حل معها .. |
اقتباس:
ماانكر فيه عليه اخلاق سيئة وتنصدم انها تصدر من شخص ملتزم لكن انا كأي زوجه تصبر على زوجها على ظروفه على بعض مايصدر منه اخطاء حتى اهلي بعد زواجي بفتره قالوا زوجك هذا مايرتاح له ومن دروا انه عنده زوجه ثانيه وبالسر طلبوا مني اني اطلق منه لأنهم قالوا هذا شخص امره غريب ونخاف يكون مزواج وبكره تندمين فالأفضل لك من الأن لكن انا رفضت وقلت لعل الأمر غير ماتصورا اهلي ولأن عرفت كم انا مخطئة صدمتي فيه كبيره والله كبيره يارب رحمتك زوجي الله يهديه ولا يصرفني عنه وحسابه عند رب العالمين |
اقتباس:
ابي اقولك شي جلسة المصارحه وجلستها معاه وقال لي انه بداية زواجنا حبني واني كنت اعجبه في اشياء كثيره لكن يقول الأن بسبب انك تبين الأعلان حسيت اني في مشكله ليش : لأن أمي مو موافقة اني اتزوج على زوجتي ودائما تدعي علي وانا ماعندي استعداد ازعل أمي وانا عندي ضغوط في العمل ومشاكل ثانيه اهم من زواجنا وبسبب كذا انا حبي لك قل عن اول ومااقدر اسعدك تبين تعيشين معاي وصابره على هذا الوضع كيفك يقول هو بينه وبين نفسه تزوجني وفي نيته انه مايعلن لكن قاله بعلن لأهلي عشان نوافق بس تخيلي يقول لي كذا يعني مخادع ماادري مفكر ان زواج لعب خذني جيتك استمتع خلص يطلق والله العظيم هذا نفس كلامه لما سألته اول زواجنا ليش طلقت الثانيه هذا كلامه انه كان يحبها مره لكن اتعبته هي واهلها انهم كل فتره يقولون له متى راح تعلن وبصراحه تعبوني وكرهتها وطلقتها قلت يمكن يصير لي مثلها قال لا انتي غير انت راح اعلن وانتي مافي مثلك ولا يمكن اتخلى عنك وخذي حكي وكذب الأن جاي يقول امه ماترضى بالزوجه الثانيه طيب هو عارف قبل مايتزوجني ليش يتزوج من الأساس ولأن تزوج علي وتغيرت معاملته صار سيء معاي وهو يبيني انا من نفسي اروح لأهلي لأنه وش راح يقول لأهلي ليش بطلقني ماعنده شي يقوله يارب الثبات |
اقتباس:
انسانه تخلص له وتكون له نعم الزوجه وهكذا يكافئها اهلي لابد انهم يعرفون مااخبي عليك هم بقلبي والله هم كبير لما اخبر اهلي بالذات امي كنت اتمنى اكون سعيده بحياتي عشان اسعدهم مو اكون سبب في ألمهم يارب لطفك شاكره لك الله يجزاك الجنه |
اقتباس:
واحس بالقهر زواج سنه وسع عمره لفتره من الزمن وبعدها طلق وهو حياته مستقره مع اهله وام عياله ما اتمنى الشر لأم عياله لكني اخصه هو وانا ارجع لأهلي وانا كل هذي الفتره والله كنت صابره وأمل نفسي لأني والله كانت حياتي تعب لكن ادراجي وانا ماجنيت الا التعب صعبه يارب الثبات شاكره لك والله يجزاك الجنه |
اقتباس:
الا الكرامه ماارضى لها والله وربي اما الظروف كانت عندي لكن مو قويه كان المفروض مااتنازل اما شخصيتي فاحب اقولك التهديد ماجا وقته انا الأن استخدم الأسلوب اللطيف لأن شخصيته صعبه وامر الطلاق صعب وهذي حياة يبغالها رويه لكن لا توصل حد الكرامه بس تأكدي وراح اخبرك بإذن الله ان ساءت الأمور فوالله اني راح اعلنها وللملأ انا ادري اني اذا انا اعلنت عند اهله انه راح يتدهور صدمة امه وام عياله ويمكن راح تترتب عليها مشاكل لكن هذا الوقت اقول يستاهل ويتحمل مايجيه لك الشكر والله يجزاك الجنه يارب |
اقتباس:
وشاكره لك دعواتك الطيبه الله يجزاك الجنه |
اقتباس:
ينبه من أمر يقوي عزيمته انا طرحت مشكلتي وكنت ادري بالعتب ولملامه وانتم على قلبي مثل العسل اهل وحبايب وانا استاهل الوم لكن وش بيدي خليني عبره لغيري وتنبيه لغيري ولأعلان بإذن الله حاصل حاصل انا اتمنى يكون من نفسه مو مني كل الشكر لك يا غلاي الله يوفقك ويسعدك وحنا فدوه لبعض |
اتوقع انها نزوه
فصار الزواج عنده لعبه يتزوج بالسر ويطلق ما في ادنى مشاعر للزوجه ... |
بسم الله الرحمن الرحيم
السلام عليكم ورحمة الله وبركاته أختي الكريمة لذة عشق ....فرج الله عليك وأزاح عنك غمك وهمك .... { أحزنتني كلماتك وآلمتني كثيراً وحزنت على بنات جنسي } من اللآتي يتصرفن مثلك ثم يندمن .. ومنهن كثيرات ... أنت ظلمت نفسك بزواجك السري هذا ...وهو الذي جعل زوجك لايحترمك ....وعنصر الإحترام إذا فقد من الحياة الزوجية سينتهي بسرعة إذ لم يكن اليوم كان غداً ..!!! وأتوقع قلة إحترام زوجك بتصرفاته التي ذكرتها ...وإستهتاره بك .. @ - هل كانت هناك علاقة بينكما قبل الزواج ؟؟؟ @ - هل أنت محتاجته مادياً لعدم إستطاعة أهلك إعالتك ؟؟؟ هناك شيئ مفقود وغير واضح بسبب تعلق بهذا الزوج !!!!!!!..أنت لم تربحي شيئاً منه أنت خسرت الكثير نفسياً ومعنوياً .... قبل أن أقول لك رأي في وضعك ... أريد أن أوضح ماهي فائدة الزواج للمرأة ..؟؟؟ وماذا يوجد عندك ومالا يوجد عندك لتتمسكي بزوجك أو لألأ {1} -- الإستقرار النفسي { لايوجد } لكثرة زواجه وتصريحه بعدم الرغبة بك {2} - الحب والدفئ العاطفي {لايوجد } لزواجه بالثالثة وتوضيحه بعدم الإهتمام بمشاعرك {3} - عف نفسك {لايوجد } تركك ليالي وأيام لوحدك . {4} - إنجابب الأطفال . { لايوجد } سنة وزيادة ولم تنجبي {5} - الأمان والإطمئنان { لايوجد } لتهديده بالطلاق لإعلان الزواج . لأكتفاء المادي { يوجد } .......... أنظري معادلة زواجك ...{1} إلى {6} .... أنت لاتعتبرين متزوجة ياغاليتي أفيقي لنفسك كفاك ذلاً لها ....وإهدار لكرامتك ... زوجك لم يحبك ؛؛ زوجك عشفك فترة ولما أنتهى وطره وشبع رغباته ..قال لاأريدك حبك خف { ياغاليتي إذ طلقك ماذا ستخسرين لن تخسري شيئاً } زواجك سينهي هذا الزواج لن يدوم وهذا واضح وجلي مثل أشعة الشمس ......لأنه يفتقد أشياء كثيرة زوجك ...{ ليس من الرجال المعددين الصالحين التقيين } الذين يحبون زوجاتهم ويحفظون كرامتهم ...ويعرفون حقهن ومالن وماعلين ..لأ ياغاليتي ...وأنتبهي لوضعك مستقبلاً رأي في وضعك ... أعلني زواجك أولا بعمل حفلة صغيرة وافق أم لا حتى يعلم الناس بزواجك ؛؛ حتى لايظن من حولك ظن سوء { معاذ الله } ومن ثم إذا أنهى علاقته بك وطلقك فسيعرف من حولك أنك تطلقت وليس شيئ آخر ؛ ويعوضك ربي أفضل منه وأنتهي لنفسك مرة أخرى لاتعيدي ماجرى لك في هذه الزيجة الفاشلة ؟؟؟ وعيشي في النور وليس الظلام {لأن هذا الزوج لايبكى على فراقه } ولاتتعقدي من هذا الزواج الفاشل {{ هناك رجالاً كثر يساون وزنهم ذهبا } إذ جائك خاطبا أسئلي عن صلاته في مسجده وعن أخلاقة ودققي قبل أن ترتبطي ... وإن شاء الله تكونين عبرة للفتيات التي يقبلن على أنفسهن هذا الوضع من إهدار الكرامة وظلم النفس ************* أسأل الله أن يسر أمرك ويفرج همك وينور بصيرتك ويعوضك بزوج تقر عينك به ... ودمت بحفظ ورعاية الله ... |
اقتباس:
فعلا الزواج عنده عنده لعبه شاكره لك والله يجزاك الجنه |
| الساعة الآن 06:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©