|
ياحبنيلك ياعبير والله ضحكت يوم قريت ردك الله يسعك دنيا واخرة قولي امين
وبعدين اخوي اخلاق من جد ترى الحرنه تتوحم واعرف ناس كثيرة تطلع من بيتها وتكرة زوجها يوم تتوحم تحملها كلها كم شهر وترجع مثل ماكانت واحسن زوجتك |
اقتباس:
صدق إنك أسم على مسمى<<سيد الرجال كلام سليم 100%100 بالإضافه على كلامه هي حامل والحامل بطبيعتها حساسه ونفسيتها متقلبه و كلمة أكرهك ماتعنيها بمعنى الكلمه لا طبعا تقصد أكره تصرفاتك أو ردود فعلك ياأخوي لا تحل أمورك أبدا بالجفاء عمره ماكان حل خذها نصيحه مني لوجه الله أتمنى من الأخوان والأخوات الأعضاء يكونوا محضر خيـــــر مهما كان الرحمه والرأفه واجبه بالأحرى هي لا تحس أن وجودها عندك له أهميه فأنت ما شاء الله عليك متدبر أمورك بينما هي بحاجه لك ولا تستطيع البوح مباشره بذلك أكيد أن ما كتبته لك تريد تفجير صمتك لتناقشك فيما يجول بخاطرها وطبعا بلحظة غضب خطته وأرسلته وبالنسبه أنها لا تريد مناقشتك أو تغلق الموضوع فمن المحتمل بما أنك كما ذكرت إنسان عصبي تتجنب المناقشه والحوار معك إذا تفاقم الموقف.. لكن أريدك أن تراجع حساباتك وترى كم مره جرحتها وتلفظت عليها بكلام آذاها نفسيا وهي بعيده عن اهلها ستقول أنا أيضا نفس الحال سأرد عليك الرجال صبورون من الناحيه العاطفيه قادرون على كبح مشاعرهم بعكس النساء .. وأنت بمجرد رساله كتبتها لم تقولها لك مباشره جرحت كبريائك ؟! أنا والله الشاهد إني مو متحيزه لها على حسابك بالعكس أنا أحاول أشرح لك قد ما أقدر موقفها عشان تعذرها وتقدر تتخطى هذا الموضوع:22: ولا تقف عند هذه المشكله و فكر بالمشاكل الأهم... أتمنى من كل قلبي تصالحها وتناقشها بهدوء وتحاول تحتويها فبالتالي أنت وطن لها وهي وطن لك طمنا عنك .... أختك دلوو24ووعه |
قارن اسلوبها معك قبل الوحام والغربة وإذا لا حظت أنه تغير للأسوء تأكد أخي الكريم أن حملها وغربتها هما السبابان فلا تجني على نفسك وعليها بقرار يهدم حياتكم فكر و اصبر كان الله في عونكما وأسأل الله أن يهدي سركما ويؤلف بينكما |
اخ الاخلاق طمنا وش صار معاك ان شاء الله انحلت امورك :)
|
اقتباس:
الحمد لله رب العالمين .. الأمور إلى خير إن شاء الله تعالى . لكن نحتاج إلى تفاهم أكثر وأكثر .. المشكلة في اختلاف المفاهيم .. والتفسير للأمور ..لا أعلم هل لأنها صغيرة أم لأنها امرأة وأنا رجل ؟؟ شكراً لكم جميعاً أخواني أخواتي .. |
مشكله لاختلاف المفاهيم لان انت من بيت وهي من بيت ثاني يعني التربيه تختلف وصغر السن يحكم وكونك رجل وهي امراه بعد يتدخل يعني كل الامور :) وانت ان شاء الله بتكون حكيم في امورك والله يوفقك
|
هى فعلا يااخى صغيره
زوجتك من عمرى والله تعالى شوفنى عقليتى صغيره جدا ولا بنت عمرها 13 سنه يبقى لازم يااخويا تدلعها البنت لسه صغيره تانا فى بيتنا هنا ........بيت اهلى طبعا بيعملونى على اساس انى طفله حرام عليك زوجتك والله لو انا مكانها كنت عملتلك اكتر من كده بكتتتير زوجتك الظاهر عليها طيبه ونفسها يعنى فى الراجل اللى يدلعها ويحتويها وانت يااخويا ولله الحمد انسان محترم وحسيت من كلامك انك نفسك تسعد زوجتك وتجعل من بيتك بيت مستقر اخى الكريم علم زوجتك ان كل شخص فيكم له وظيفته هى المنزل وانت خارج المنزل وان تستطيع مساعدتها بسبب تعبها فى الحمل لامانع لكن انا بقولك بلاش يكون الحمل عليك لوحك لابد ان تشاركك فيه ثانى الشيئ اهتم فيها ودلعها واحتويها ولاتحرمها من الكلام الغزل والكلام الطيب الذى يهدى النفوس ويرجع المايه لمجاريها وطبطب عليها دى زوجتك قرب منها .........انت الان حياتها كلها انت الوحيد اللى جمبها لاتجعلها تحتاج غيرك احتويها بمعنى الكلمه وفى الاخير فى كل صلاه ادعى لها ولك ولبيتك بالاستقراااااااااااااار والسعاده وان شاء الله يااخى سوف ينصلح حالك وترى مقدار حب زوجتك ليك وحبك لها والفضل يرجع لرب العالمين والسلام عليكم |
اخوي طنشها بدون ذكر للمشكله خليها عند اهلها ترتاح فتره ولا تدخل احد بالمشكله والله يهديها ويهديك
|
اخي الكريم كانك توصف حالتي بالضبط
و يمكن اقدر اجيبك بالنيابة عن زوجتك انا تزوجت و بعدها تغربت مع زوجي عشان شغله و داسته بدولة اوروبية ... من اول ما رحت هذيك الدولة تغيرت .. كرهت نفسي و كرهت الناس و كرهته هو لانه اهو اللي جابني و غربني وحدة قاعدة بالبيت 24 ساعة لا اهل لا صديقات لا طلعات ( بحكم عدم معرفتي بلغتهم ببادء الامر) زي الاطرش بالزفة .. وهو طول الوقت بالشغل يرجع الساعة 6 تعبان يالله ياكل و ينام رغم انه برضو كان عليه الغسيل و شوية من شغل البيت و ااحيانا كان يضغظ على نفسه و يقعد معاي يكلمني و يحاول يضحكني او يقولي يالله نطلع .. بس انا نفسيا كارهة العيشة .. حاسة اني ضاغطة عليه و اني محولة حياته و حياتي جحيم بس ما باليد حيلة ..يعني باختصار الوحدة تقول انا ايش اللي جابني هنا انا ايش اللي جابرني اعيش بهذا الجو الكئيب و بعدها جا الوحام و زاد الطين بلة برضو الحمدلله ما كان وحامي من النوع المتعب جسديا ... بس حيت بزيادة الكره تجاهه.. كنت حتى اقرف من لمسته او ريحته مش بيدي .. و كان لما يضايق و يبطل يكلمني زي ما تعمل انت يزيد الضيق و الاكتئاب يعني اقول بنفسي هو سبب كل معاناتي و كمان متضايق !!!! عشان كدا من واقع تجربة اقول لك .. خليك حنننننون معاها لاقصى الحدود لانك الان بالنسبة لها الاب و الام و الاهل و الاصدقاء انت الوحيد بحياتها الان لا تصدها و لا تبعد عنها اتحملها و سايرها بالعقل و التفاهم طلعها من عزلتها .. سوي لها اجواء حلة بالبيت الموضوع بياخذ وقت لكن بالنهاية بترتاح صدقني و بترجع حياتكم سمن على عسل ربي يوفقكم |
ترا عااااااااااااااااااادي
تحصل في احسن الاعائلات لا تزعل وتشيل هم في حريم سووا اكثر من كذا فترة الوحم وبعد ما جالهم الفرج رجعت العلاقة زي اول واحسن نصيحتي: خذ المووضوع باخلاق سياحية وجاري زوجتك ابين ما تولد بالسلامة يمكن واحتمال كبير انها ودها ترجع لاهلها هالفترة اكيد انها مشتافة لهم ان قدرت توديها الان خير وبركة ما قدرت توديها إذا عليك اجل انك توعدها خير وتداريها الى ما يجيكم البيبي الصغير ولما تنتهي من النفاس على خير ننتنظر منك التطورات موفق ان شاء الله وان كان على الرسالة احذفها ولا تخليها ببالك انت الرجال وانت الكبير وانت العاقل هي الان غير مسؤلة عن تصرفاتها ولا تؤاخذها صدق صدق ترا شي طبيعي جدا |
اقتباس:
نعم في تشابه بين وضعك ووضع زوجتي ..لكن في فرق أيضاً : ترا زوجتي قبل ما نكتب الكتاب عارفه أن احنا بنسافر للدراسة ... يعني لو هي ما تقدر على الغربة كان ما وافقت .. هذا شيء .. الشيء الثاني : هي أيضاً تدرس ... يعني اثنينا نطلع من الصباح ولا نجي إلا العصر ...لكن هي تروح قبلي بساعة وتجي قبلي بساعة .. تحياتي. شكراً لكم جميعاًَ أخواني وأخواتي. |
اخ الاخلاق لا تقول كانت تعرف امر الغربه ليش وافقت .. انا لم خطبني زوجي هو من ديره وانا من ديره وادري اني راح اتغرب بس توقعت ان الامر سهل واني بقدر لكن لم جربت عرف معنى الغربه فهمتني يعني في بدايه الامر تقول في نفسك ليش ما اجرب عادي اللي اقدروا احسن مني بس لم تعيش الواقع تنصدم ويبيلك وقت على ما تضبط امورك
|
اخوي اسمح لي
فعلا في تفاصيل ما ذكرتها بموضوعك الاول وما الوم زوجتك ابد ابد غربه وما ادراك ما الغربه ترك الاهل والصديقات والذهاب لبلد غريب..لا انيس ولا ونيس...اختلاف في العادات والدين....ما سمعت عن الصدمه الحضاريه اللي تصيب المغتربين اول سفرهم؟؟؟؟حالة اكتئاب فظيعه!!!!!!!!!!!!!!!!!!!! حمل... بنت عمرها 20 سنه وحامل...اول حمله!!! وفي الشهور الاولى... بعيد عن حضن امها .... قايمه بنفسها بدون مساعدة حد!!!!!!!!!!!!!!!! دراسه طلعه من الصبح للعصر..... شغل البيت.... وما ادراك ما شغل البيت لبنت متدلعه ببيت اهلها و يا دوب عمرها 20!!! اخوي الاخلاق حرام والله حرام فوق هذا تزيد همها هم وتبتعد عنها وتعصب عليها!!!!!!!!!!!!!!! اخوي انا لو مكانها ما بطيق هالعشه بصراحه!!!!! شوف اخوي الاخلاق خذ زوجتك وطلعوا لمكان في طبيعه وهوا نظيف امسك ايدها وقولها نحن غلطنا بحق بعض ومن اليوم نبدأ صفحه جديده وكل الامور بتترتب نظموا اموركم مع بعض شغل البيت يتقسم عليكم....اذا انت اعترفت انها تقوم ب 50% فهذا ممتاز لوحده بظروفها اسلوب التفاهم ....حطوا قواعد لطريقة تفاهمكم...خلوا الصراحه مبدأ بينكم اخوي انت الانسان الوحيد اللي لها بهالغربه ما تكلمها الا ب 5 كلمات باليوم!!!!!!!!!!!!!!!!!!!!!!!!!!!!!! والله انا لو مكانها بموووووووت حبيبتي والله...صعبت علي....انا حاسه فيها لاني مريت باللي مرت فيه واعرف كيف احساس الام ...لما الظروف القاسيه كلها تجتمع عليك ...والانسان اللي ارتبطت فيه وخليته سندك واملك وعزوتك يتخلى عنك!!!!!!!!!!!!!!! |
الله يهديكم ويصلحكم
اسمح لي انت تفكيرك غريب والاخوان الي شاروا عليك تفكيرهم اغرب يعني كيف تسوي اكل ما تحسبها ؟؟؟ هذي انانيه بصراحه وموقفك جدا سلبي معاها ولا تنسى البنت توها عروس وبغربه وحامل مفروض تحتويها وتدلعها بدون ما تنقص من رجولتك شي ولا تنسى ان الله ترك العصمه بيد الرجل لحكمه وهي عاطفيه المراه يعني اذا الله عز وجل لغى عنها العصمه انت ما تسامحها على كلمها قالتها ؟؟ وانت السبب فيها بصراحه اخوي يحق لها تكرهك مو كره حقيقي بس هو شعور غريب وجديد عليها تقدر تقول ما توقعت منك هالجفاء والخشونه وهي محتاجتك ولو كابرت كلام اختي عوذب حلو وواقعي ياليت تجربه وارجع اقول لك طول بالك عليها والامور ما تنحل كذا وتذكر انها مهما كان ام ولدك عن قريب ان شاء الله وتعديلي على نظامك الي اتبعتك هالكم يوم بدل ما تسوي فطور لك انت وبس سوي لها معاك واكتب لها ورقه على اللثلاجه لا تنسين فطورك صحتك وراحتك تهمني :) هنا تكون كسبتها بدون ما تكتب لها عبارات حب وغزل تكون بينت انك تهتم فيها واحرجتها وبالنسبه للكلام 5 كلمات يا شيخ حرام عليك ساكنه مع اله مو بشر وش هالعقاب الغريب ؟؟ بالعكس كلمها عادي على رسمي شوي بدون كلام حب او غزل او شوق الين هي تقوله وبين لها انك تحترمها ومهما كان ما تقدر على زعلها يعني مثلا اذا رجعت من الجامعه اجلسوا كلوا مع بعض واسالها عن الجامعه مثلا: شخبارك الدراسه ان الله تمام عسى ما تعبتي اليوم وجهك تعبان ما نمتي زين امس قومي نامي وانا بغسل المواعين ( هنا كلمتها رسمي وكسبتها وخليتها تحس انك تحبها ) صدقني زوجتك بس شايله هم بيت ودراسه وحمل وغربه والله الهم كبير الله يكون بعونها وعونك تحياتي دلوعه زوجي |
اقتباس:
|
اقتباس:
كان عمري 18 .. قلت إيه حلو وناسة.. على الأقل تغيير.. وديرة عمري مارحت لها .. ومغامرة في نفس الوقت .. أبوي شرح لي الوضع وأمي .. بس أنا كنت موافقة وكان آخر همي إنه من ديرة ثانية .. ألحين .. بعد تقريبا ست سنوات زواج .. وأعيش مع أهل زوجي يعني مو وحيدة تماما .. وعندي بنتين الله يخليهم .. ووظيفة ولله الحمد .. أحس إن غربتي (( غصة )) .. وعمري ماراح أتأقلم معها .. يعني لا تتوقع إن البنت قبل الزواج كانت عارفة شعور المغترب .. بل هي جاهلة تماما معنى الغربة حتى تذوقتها بل ولسعت من مرارتها .. |
اخوي الاخلاق انصحك تقرا في كتاب الرجال من المريخ والنساء من الزهره كتاب يشرح طبيعه الرجل المختلفه عن المراءه
|
في البداية كنت أقول : هي الغلطانة .. و الخسراتة
لكن من بعد ما قريت الردود كلها .. رد رد .. و كل كلمة بكل رد أعتقد إنك انت الغلطان .. 1- لأنك لازم تراعيها حتى لو كانت عارفة قبل كتب كتابكم إنها بتتغرب .. لأنها ما كانت واعية بصعوبة الغربة لأنها صغيرة بالعمر و تدرس و في نفس الوقت حامل و في غربة .. و البنت بطبعها حساسة تحب من يحسسها بحنانه و حبه لها .. خصوصًا في غربتكم و في بعدها عن أهلها 2 - الله يسامحك انت رخيت لها الحبل بزيادة من ناحية تحمل عبء الأعمال المنزلية.. بس ما ينفع تشد عليها الحين و هي حامل و نفسيتها متأزمة و صعبة بسبب تغيرر الهرمونات.. و الله اتغربت شهر بس وقتها حسيت بقيمة الأهل .. فما بالك بزوجتك و هي جديدة تجربة بالزواج أعتقد إنكم بحاجة لتعبير كل منكم عن حاجته للثاني .. احتويها .. احضنها .. حاول تعوضها عن اللي فقدته بسبب الغربة و قول لها إنك تحتاج لنفس هالشي .. (بصراحة لاحظت إنه عندك شوية كبرياء مع احترامي الشديد لك ) بس الزواج كذا .. لازم يكون فيه تنازل من أحد الطرفين كل مرة .. عشان تدوم الحياة .. و الحياة لسه حلوة .. يا ريت تتقبل كلامي برحابة صدر و منتظرينك تطمننا :) |
انت لم تضع التفاصيل الدقيقه لمشكلتك وحياتك الى الان اشعر ان هناك اجزاء غير واضحه ولذلك تجد هذا التخبط في الحلول ولن تجد الحل المناسب هنا بصراحه اقترح عليك ان تراجع نفسك وترى اين الخطأ بعلاقتكم..
|
اخي الكريم احمد ربك واتمنى انها ما تزيد تكرهك في وحمها مو لابد يكون هناك سبب لهالكره بس والله الوحم اللي بيكون فيك كره صعب كتير
انا اختي حملت وكرهت زوجها كره العما حتى انها خططت تقتله والله العظيم وزيد عليه اهانات وشتم وطرد وطلب الطلاق كل يوم ولو شافته ياكل كانت تاخد من الاكل وترميه واغلب هالشي بيحصل واحنا جالسين في بيتنا يعني كان يحاول يجيبها لبيتنا عشان تهدى شوي وماشاء الله عليه متعه الله بالصبر وماكان يرد عليها ويستحملها وياعملها بحنان ولما ولدت سبحان الله المولودة شبه 100في 100 واختي بعد هيك تتحسر على اللي عملته فيه بس ما كان قصد ومرات لما كانت تفتكر تضحك على كتير مواقف عملتها معاه بس اكيد اللي احتفضت بيه في ذاكرتها معاملته الحسنة لها مها اللي كانت تعمله فيه وهذا الشي كبره في عينها وما بالك بزوجتك وزيد على هيك موضوع الغربة والدراسة الله يكون في عونكم انتم الاثنين ويرزقك الصبر معاها |
مشكله اعتبرها بسيطه
الواقع ومن ردودك انت تريد الجميع يقول لك انها مخطئه والواجب ان تعود وتكسر راسها اخي لو كانت اختك تعاملة مع زوجها بهذا الاسلوب ماهو جوابك ياخوي الجدار يمل لو تجلس بدون كلام وخمس كلمات في الجلسه (( الولد دقيق وفاضي جالس يحسب عدد الكلمات )) ياخي انت في الغربه كل شي بالنسبه لها حمل وغربه وزوج لايقدر اعانها الله ولك مني الدعاء بالتوفيق ولا تحمل الموضوع اكبر من حجمه زواج من غير مشاكل لا يعتبر زواج |
اخي خف على زوجتك وخلك قريب منها انتم في غربه وكل واحديحتاج للثاني خلك حنون وطيب ورومانسي ماله داعي التجريح والكلام القاسي انتم ماتدرون ان الكلام القاسي يترك اثرفي نفس المرأه وماتنساه لوتسوي لها اللي تسوي.اناكمثال على ذلك زوجي جرحني بكلام قاسي اول سنه من زواجنا صدقني الى الحين ماقدرت انسى الموقف هذاك وصارلي ثلاث سنوات واربعه شهورمتزوجه وكل ماتذكرالموقف احس بحقدفي قلبي على زوجي.لكن احاول اني انسى الشي هذا.تقرب منها يااخي وسمعها كلام حلو ونام وهي في حضنك وخصوصا لأنهاحامل اكيدنفسيتها بتتغير.
|
خذ ورقه واكتب الضغوط اللي عليها ولاحظ انها انثى يعني مش رجل
1-متزوجه حديثا 2-غربه 3-حمل وحط تحت الحمل مليون خط 4-زوج عصبي حسب كلامك 5-دراسه 6-50% من اعمال البيت لابد من الصبر عليها وشف طال عمرك ترى المراة وهي حامل اغسل يدك منها تماما وخصوصا في الشهور الاولى ياخي على الاقل تحملها عشان اللي في بطنها هذا مولودك الاول افتكر ايام وحم زوجتي لا اله الا الله قسم بالله كرهت الزواااااااااج وكرهت الحريم كلهم اعرف واحد من اصحابي زوجته تقول له في وجهه وليس برساله بصوت عالي اكــــــــــــــــــــــــــرهك اكــــــــــــــــــرهك طلقني يا حيووووووووووووووووووووان اوصيك بالصبر انت لسه في اول الطريق والمسؤليات الكبار جايه في الطريق |
اخي
الله يهديكم انتوا الاثنين تحتاجون ثقافه ومعرفة كل واحد منكم حقوقة وواجباته الزوجية انتوا لسه صغار والايام راح تعلمكم لكن اهم شي كل واحد يقول للثاني ما يحبه وما يكرره يعني بالعربي الفصيح الحوار والنقاش الراقي الهادئ وربي يوفقكم |
مدري بس رحمتها هي حامل خف عليها شوي وبعدين
ليه توك تقول التفاصيل كان من اول |
اقتباس:
صراحه انا مع هالكلام:22: |
اخوي تقول بالموضوع الاول غير وهالموضوع غير
ايه طبعا لان الكلام هنا يختلف ولا قلت لنا هالتفاصيل حنا تصورنا على كلامك بالموضوع الاول قلت ماتشتغل ابد !! شفت كيف؟ اخوي الله يرضى عليك ياليت توضح مره ثانيه. وتحمل الحمل والوحام كثيييييييير كرهو ازواجهم. الله يوفقكم |
اخي ربما زوجتك مغصوووووبةعليك ....تأكد وأذا كان كذلك حاول ان تجعلها تحبك من جديد او لا حل سوى الطلاق فذلك أريح من اتعب النفسي لك ولها واتمنى ان لاتتطور الأمور ولكن في بعض الأحيان الحقيقة صعبة ومتعبة ...
الله يسمح بينكم |
اقتباس:
|
ولكن ما سبب هذه الرساله؟؟؟
من الواضح يا اخى ان زوجتك حالتها النفسيه تعبانه جدا حتى تقول هذا الكلام اكيد كان فى مناقشه حاده او خلاف قبل الرساله لان هذا الكلام ناتج عن غضب شديد..تريث واصبر عليها فهى لا تعنى هذا الكلام..قم بحل الموضوع من جذوره..وليس من سطحه..واعانك الله عليها |
اكيد في شيء يضايقها لازم تفهم السبب اول
والله يهديها ان شاء الله |
حاول التحدث معها واكيد هناك سبب قوى لوصولها لهذه الحالة
الله يهديكم |
مسكينه والله
حمل وغربه وزواج وفي البدايه وصغيره !!! قدر وضعها والله انا حزنت عليها اكثر مما حزنت عليك ترا دايم البنات في هذا السن تطلع منهم تصرفات صبيانيه احتويها وحسسها بالامان اكيد مب حاسه بالامان وفهمها انك معها وجنبها ولها هي وبس وشوف كيف بتتغير معك الله يسخركم لبعض |
اخوي الكبير الأخلاق
الله يفرج لك ويصلح حالك ويسعدك يارب عاجلا غير آجل احب ابين لك امر مهم جدا جدا من واقع تجربه دامك تقول انكم في غربة والله هي السبب الأول في بعدها عنك عاطفيا بعدها عن اهلها هذا هو السبب والله اعلم ويمكن اقولك تاصل لحد الكره بتقول وش ذنبي او وش بيدي حاول تكسبها لا تكن ليناً فتعصر ولا تكن قاسيا فتكسر رسالتها حسيتها نفسيا صادره منها يمكن تكون تعبانه نفسيا لا تاخذ الرساله بمحمل الجد وادري ان كلمتها كرهتك مي سهله وهذا اللي حز بخاطرك بما انك تحبها وخل عنك العصبية والله يوفقك ويسخر لك زوجتك ويهديها يارب اختك لذة عشق |
| الساعة الآن 11:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©