|
والله والله والله غير اوافق بدون تردد:d :d
اهم شي عندي الخلق والدين دامهم فيه وش ابغى غير كذا :17: يااخواني يقولكم راعي خلق ودين وتقولون لاااااااااا:11: الله المستعان بس |
بارك الله بمن سعى وخفف واشكر الجميع |
اقتباس:
نفس الراي |
70% لا
شيء عجيب من جد ألحين أغلب الشباب متزوجين و رواتبهم قليله و ساكنين مع أهاليهم و مستورين والله بالنسبه لي مافيها شيء و الحياة تتبدل و تتغير و بالنسبه للشباب ألي يبي يحسن النية و يبحث من جد بيحصل |
لو كان الرجل اللي بهذي المواصفات متقدم لأختي فلا والف لا
وبالله التوفيق |
لا ما اوافق ...
|
مافي خيارات؟؟
اقبل به ... بمهره ومرتبه الشهري وبقلة ذات اليد عنده و اتنازل عن الحفلة وتوابعها ...كرمال خلقه ودينه لأن الخلق و الدين طلب صعب ها الايام على ما يبدو واقبل بالعمرة معها .........اتمناها من زمان بس شي واحد لا اتنازل عنه .... بيت الزوجية ...لا اقبل بالسكن مع اهله لي اسبابي |
خير النساء اقلهن مهرا
المهم جوهر الرجال |
سبحان الله الاستبيان متاخر بالنسبه لي
الاسبوع الماضي عرض علي خاطب من مواصفاته اعزب نفس عمري موظف راتبه حوالي 5000ريال ويريد بمن يخطبها ان تكون موظفه وظيفه رسميه هومتنازل حتى لو مطلقه وحتى لوعندها اطفال المهم انها تساعده بالنفقه وماجاب سيره بيت الا جمله واحده انه معروف المتزوج من موظفه يشتري بيت قبل المتزوج من غيرها قلت الشكوى لله يابنت هذا نصيبك وافقي واصرفي على نفسك مثل ماتصرفين الحين ومهما كان هو بيكون زوجك ساعديه بالنهايه لك ولعيالك وهو اذا كان ولد اصل بيقدرهالجميل لك ولاينسى فضلك المهم وافقت لكن المفاجأه هو ماوافق يقول ابي اصغر مني شفتوا العجب!!!!! بعدها بكم يوم جاء ثاني عمره 46 سنه ومتقاعد وراتب التقاعد قليل مايكفي بيته وعياله ويبي يتزوج زواج شرعي موظفه ونفس الشي حتى لوكانت مطلقه يبي يتنازل المهم هي الي تفتح البيت من مجاميعه ولابعد يتركني بمدينه وهو وزوجته بمدينه ثانيه ومتى ماتذكرني مرعلي موكاني شامه ريحه مسيااااااااار!!!!!!! المهم اخي الكريم بعد ماصار الاسبوع لي الاسبوع الماضي لالالالالالالالالا والف لالالالالالالا اذا انتم لم تتنازلو عن امور جعلتوها مع الوقت حقائق مسلم بها كفارق العمر فانا لن اتنازل على الاقل يعيشني نفس العيشه التي انااااا وليس رجل بل انا المراه عيشتها لنفسي او لن يزيدني شيئا فبقائي هكذا أفضل الجواب لاااااااااااااااااااااا |
نفسي اعرف مين اللي كاتبين نعم
|
اقتباس:
دققي بالردود وستعرفين لكن مالذي جعلكي تستغربين ..؟ |
اخي ساري
لماذا لم تعلق على ردي او انت موافق الشاب على رفضه لي بحجه اني بنفس عمره وهو يبي اصغر ؟؟؟؟؟؟ انا شحصيا حسيت ان الشاب متناقض وماهوعارف وش يبي مسكين يبي يجمع كل متع الدنيا لوهالشي يصير لاحدبالدنيا كان ماجعل الله الحور العين بصفاتهن الخرافيه جزاء المتقين بالجنه اخوي حتى انا ودي بمثل الولدان المخلدون يعني ولد لم يمس امراه قبلي ومخلد لايكبر ابدا هل هو موجود بالدنيا؟؟؟؟؟؟؟؟؟؟؟؟ |
اقتباس:
العتب على النظر * فيه رجال مالهم في الطيب نصيب * اللهم انت حي لاتموت وخالق لا تغلب وبصير لاترتاب وسميع لاتشك وصادق لا تكذب نسال بعزتك وجلالك ان ترزق اختنا منتظره فرج ربها بالزوج الذي تقر به عينها |
جزاك الله خير على الدعاء
ولك بالمثل |
انا مع راي العروووس
|
اقتباس:
حرف الجرّ أثارَ على فهمي بعض الغبار، فُعذراً ياساري. يبدو أن بعض القُراء الكرام وقعوا في الحيرة ذاتها :25: . اقتباس:
ثلاثون ألفاً كحدٍ أدنى مهرٌ مقبول، وشقّة مستقلة أمرٌ مندوب، أما ما يجعلني أهشم أسناني غيظاً http://www.66n.com/forums/images/icons/icon40.gif :19: هو ليالي الأفراح التي تُكبّ فيها الأموال كباً كأنها غُرفت من المحيط الأطلسيّ. قصورٌ بعشرات الآلاف وكُوش أفراح ووردٌ ذابل ومسخرة ومهازل ما أنزل الله بها من سلطان. وآخر الليل، ضحايا بالهبل، عدادهم عشرات الخرفان وزوجٌ واحد مسكين! لكن خروفين اثنين فقط! ياسلام، مناسبةٌ ولا في الأحلام. http://www.arb-up.com/files/arb-up-Nov2/uQw57480.gif يالله، فدا العروسة... وفّق الله الجميع، عبدالله،،، |
انا مقدرش مش عشان الماديات عشان ماسكونش مع اهله حيجيب مشاكل و على ايه !!!!
|
لااااقبل
|
اقتباس:
ابو عابد شفت ان الزواج سهل لكن من اهل البنت هم اللي مصعبيه ...؟ يعني الدعوه شروط .... واذا جت وحده تقول انتم يالشباب تبون وتبون وتبون مرر عليها الرجال هذا وشف رايها .... وقل مثل مالك شروط هم اللي تبونهم لهم شروط |
نرجو التوضيح من الأخوات أكثر
هل الرفض بسبب السكن مع الأهل أم لقلة الراتب والمهر ؟ أتعجب والله .. من ذا الذي يضحي بالزواج والستر والعفاف والاستقرار والذرية والأبناء من أجل مهر يفنى ولا يبقى منه شيء قليلا كان أو كثيرا ؟؟ وأمر آخر الرواتب التي بين 2000 و 3000 هي رواتب فئة ليست بالقليلة من شرائح المجتمع استبيان خطير ينذر بازدياد المتأخرين عن الزواج من الجنسين |
اقتباس:
بصراحه ليش اتزوجه وهو بيجيني احسن منه... انا ما عمري سمعت عن خاطب بهذه المواصفات!!! |
اقتباس:
يقول أنه ذا دين وخلق فهل تضمنين أن يأتي من هو أفضل منه ؟ بل هل تضمنين أن يأتي أحد بعده ؟؟ لو كان الناس يضمنون لما حذر النبي الكريم بقوله : (( إلا تفعلوه تكن فتنة في الأرض وفساد كبير )) وقبل ذلك التوجيه القرآني الكريم : (( وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله )) عذراً تصحيح بسيط للآية الكريمة |
لا اقبل للاسف بتحمل كم يوم بعدها بطفش
|
اخوي شاطئ المحبه كلامك صحيح 100% وانا لا اضمن ان ياتي احد بعده ولا اعلم الغيب,, لكن اللي يحصل الان في مسالة قبول الخاطب ليس في الدين والخلق فقط, بل في التوافق الاجتماعي وغيره...(ويمكن يكون خطأ) وعلى هذا الاساس ارفض الخاطب او اقبل به,, والله يكتب اللي فيه الخير |
اقتباس:
ياشاطئ المحبه هل سمعت هذا الكلام الذي يردده اكثر النساء العوانس ... وهل سيقبل هذا الرجل بعد ان سمع هذا الكلام .... مع ان اغلب الشباب هذه حالهم لهذا انحرفوا بقليل من المال .... وجاءت النساء يقلن ... هؤلاء اهل سفريات والا من وين لهم المال والجوال آخر مديل يعني رددوا رددوا ان الانحراف بالجنسين على وشك التفجر وظهور ستره المستور الآن ساحك مثل بسيط شاب يتخرج من الجامعه مثلا على عمر 25 سنه على اقل تقدير ثم يتوظف ان وجد وظيفه على 26 سنه على اقل تقدير .... هل ياترى سيبحث عن فتاة كبر سنه او اكبر ام سيحرض على فتاة السابعة عشر والتاسعة عشر !؟ |
بسم الله الرحمن الرحيم رجل بدين واخلاق حلو لا يملك من حطام الدنيا الشي الكثير ايش اسباب عدم امتلاكه شيء من حطام الدنيا :d ؟؟؟؟؟؟؟ اذا كان جامعي ومو محصل وظيفه مافيه مشكله(سهل نحصل له وظيفه ))) بس اذا كان غير جامعي اكيد لا سيقدم لكي مهرا وقدره 10 الاف ريال فقط لاغير ... ولد عمي متزوج وهو يدرس لسه(لا يملك شيء من حطام الدنيا على قولتك ) ومع ذلك لم يرضى على نفسه انا يدفع اقل من المتعارف عليه في مجتمعنا لذالك اخذ قرض... عشان المهر انا قمت بتصويت ب لا صحيح اني مو محتاجه شيء من هذي الفلوس وانا اقدر اجهز نفسي واعمل احسن فرح بس كمان مو زينه في حقي اخواني يعطون حريمهم على 150 الف و 200 الف مهر وانا بس 10 ؟؟؟؟؟ طيب قول 60 او 70 ممكن نهظم الموضوع 3: وتسكنين مع اهله في بيتهم .. ماعندي مشكله اسكن مع اهله والحفله وتوابعها عباره عن خروفين في بيتهم او بيتكم قصدك عائلي انا اصلا ابغي زواجي عائلي.. ثم تتوكلون على الله بعدها للعمره :d |
:
اقتباس:
بل غالبية الشباب... إذا هذا يدل أن رقم واحد هو الراتب و قول أريد برجل صالح ذا خلق ودين على أرض الواقع سراب،،، إذا الله يرزق من صوتت لا بأبو 6 الآف و 7 آلاف و 8 الآف و ما فوق.... إذا يا شباب صبراً ...صبراً ربكم خير معين لنا ولكم شكراً أخي ساري على موضوعك عزوبي:21: بس:d رجل:30: دمتم في حفظ الرحمن |
لا
من وجهة نظري الشخص اللي حالته المادية تعبانه غالبا شخص مااجتهد ولا تعب على نفسه ولااهتم بدراسته واحنا العكس تماما عايلتنا عندنا طموووح كلنا والتعليم اهم شي يعني انا عارفه الزمن الحين كيف الوظايف صعبه بس دامه اكبر مني اكيد هذاك الوقت كان افضل وكانت عنده فرصه يتعلم ويشتغل باحسن وظيفه... وياما ناس من افقر العايلات طلع منهم مهندسين واطباء وغيره الفقر مو عيب ابدا وانا علشان الانسان الصالح ممكن اتنازل عن مهر وحفله وكل شي بس هذا الكلام نظريا عمليا مش ممكن اتنازل مو بسبب فقره .. بسبب عدم اجتهاده وقلة طموحه اللي وصله لهالحال مع احترامي للجميع سالفه السكن مع الاهل برضو مستبعده نهائيا برايي الشخص اللي وصل لسن زواج ولسا مو قادر يستقل عن اهله ماهو انسان ناجح والزواج علاقه بين شخصين فقط .. مع خمسه او ثمانيه او عشره .. اللي رغم عنا بيكون لهم دخل في حياتنا الزوجيه ادري كلامي مابيعجب كثير بس تظل وجهة نظر شخصية |
بستغرب من الردود ومن السؤال نفسه
شو هذا كأنو عم ننسى انو وقت يكون النصيب بتتزوجي وإذا ربنا هيك اراد لحكمة طبعا مع إحترامي للكل طبعا |
يمكنك كتابة هذا الاستفسار في قسم الرسائل الخاصة على هذا الرابط
http://www.66n.com/forums/forumdisplay.php?f=29 بالتوفيق اختي |
الغبية هي اللي توافق
مو مشكلة أرضى بمهر قليل و بعرس بسيط لكن ما أرضى أعيش مع أهله و بخروفين في العشاء ؟ اعذروني لكن أقولها عن تجررررررررررررررررربة و صحبتي أمس كانت تحكي لي عن معاناتها لإنها رضيت بهذه الشروط و زوجها ألحين يقول لها احمدي ربك إني تزوجتك و إنك وجه فقر وووو إلخ و هذا زوجها كان من البيت للمسجد و بسسسسس و لو تقدم لأختي واحد بهذه الأشياء فأنا أول وحدة بأقنعها إنها ترفض |
| الساعة الآن 12:48 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©