رااي لك ...

انك تطلعي على كتب العلاقة بين الزوجين مثل كتاب

رجل من المريخ ونساء من الزهراء

والكتاب الثاني

كيف تكسب الاصدقاء وتؤثر بالناس ... لدايل كارينجي


هذي كتب تخليك تفهمي نفسية زوجك وكيف تتعاملي معه

اختي انت ابدئي بنفسك اولا .. غيري تفكيرك .. اسلوبك مع زوجك .. ردات فعلك .. طريقة كلامك .. طبعا الي الاحسن و بطريقه ايجابيه بحيث انك ما تكوني تذلي نفسك بل خليك واثقه من نفسك .. حسسيه انك تحبينه وراح تشوفين الفرق

ان الله لا يغير ما بقوم حتى يغيروا ما بأنفسهم ..

طمنينا عنك,, لي عوده

أبو فلان

تاليناا


صح لسانكم كلام سليم 100%

ماشاءالله الاخوان ما قصروا

بصراحة انا ايضا من النوع العصبية ولي اكون ند لزوجي وقت المشاحنات ولم اكن ادرك خطاء هذا الا بعد ان قرات موضوعك والردود..........بارك الله فيكم اخواني وان شاءالله منذ هذه اللحظة راح اغير من نفسي واتبع نصائحكم

وانت يا اختي صاحبة الموضوع الله يفرج همك ويسعدك ويجعلك قرة عين زوجك ويجعله قرة عينك

بصراحه صفاتك نفس صفاتي اختي بس الحمد لله مافي مشاكل بيني وبين زوجي اذا صارت مشكله بسبب اهله بس انا اهم شي زوجي انه طيب ويحبني وكل شي ابيه ينفذه طبعا ساكنين معاهم في شقه

برجع ان شاء الله بعد ساعه وارد عليكم وراحد واحد لاني الحين مشغوله الله يعطيكم العافيه

حبيبتي الله يرضى عليك
زوجي يقولي ب يستقدم روسيه واقعد اضحك عادي وانا من داخلي مقهوره
المفروض ماتبينين ان اي شي يستفزك لانك بها الطريقه راح تكونين خسرانه تحكمي بغضبك

بعدين لا تحطين راسك براسه لانك الخسرانه

كلام ابوفلان وبنت طيبه رائع ولو كان قاسي لاكن حق

وانصحك بقرائه كتاب رجال من المريخ نساء من الزهره
كتاب رائع

الله يوفقك ويسخركم لبعض

طمنينا اختي عنك ان شاء الله انحلت مشكلتك ورجعت المياه لمجاريها

الف شكر لكم واعذروني انا قلت برجع بعد ساعه ورد على واحد واحد بس ما قدرت بسب الضروف

ام ولدها مشكوره يا عمري على السؤال الحين انا في بيتي بس محتاره كيف ابدا معاه يعني كيف علاقتي بتكون معاه يعني ان كثرت الكلام الحلو راح تمصخ وان ثقلت راح انفقع انا مدري كيف اتعامل معاه ابي بدايتي تكون صح انصحيني

الحمد لله دام انك في بيتكم وعسى الله ييسر امورك ويوفقك ويلهمك للصح ويدلك عليه ... انتي تسألي كيف تتعاملي معاه ... مالك الا ماقاله الرسول عليه الصلاة والسلام بحديث بما معناه ( أن اللين ماكان في شي الا زانه ومانزع من شي الا شانه ) وتطبيق المثل الشعبي القائل ( الهون أحسن مايكون ) عسى الله يسعدك ويوفقك .... وعلى فكره بقول لك سر كل الأعضاء اللي بالمنتدى والبشر اللي برا عندهم مشاكل وبما فيهم انا اللي ماشاء الله علي شغال حلول ومشاركات ولكن واقعي معقد ماينحل ولا ودي أقول وش عندي من مشاكل تدرين ليش عشان المنتدى مايفضى من الأعضاء لأنه لو عرفوا وش عندي كان قالوا يارب لك الحمد اثارينا بنعمه وكل بيصبر على بلواه .... لكن عزيزتي بكل بساطه أقول لك شئ ... الآن كلنا متفقين ان النفس اغلى شي عند الواحد ( والا ماكان قلنا اللهم اغفر لي ولوالدي ... النفس مقدمه حتى على الوالدين ) ومن هذا المنطلق فكري بالمشاكل اللي مظت وكيف انحرق دمك فيها ... ويمكن زوجك يقصد أو مايقصد وقد يكون من النوع البارد اللي مايتأثر وبهالحال يوم يومين ينسى المشكله ولا كأن صار شي في المقابل انتي تتوتري وينحرق دمك ويرتفع ضغطك وبالنهاية انتي اللي بتتأثرين وقد يسبب لك التوتر لا سمح الله مرض عضوي أو شي ماتدري عنه والا ياما من الناس الله يحمانا واياكم جت لهم جلطات وبعضهم مات بسبة غضب أو قهر ويمكن على شي مايسوى ... أو أقل امور التوتر الشعر سبحان الله العظيم يتغير لونه للأبيض يعني يشيب الواحد وهو لسا شباب ....طبقي مبدأ انك محافظةً على صحتك وبيتك ماراح تدققي ولا تاخذي كل امر على محمل جد يعني بالمختصر اديها طناش ...
دمتي بود