|
حيرانه بدنيتي
هلا بك وانا افضل ان لا اتدخل التفاحه الخضراء كيف اقنعه؟ اخاف يعرف ويزعل علي ويتهمني بالمشاركه معهم بالنسبه لسؤالك ليش ما اكلم اخوه او اخته انا ما ابغى تكبر السالفه وتوصله انا ابغى ابعده عن كل الموضوع اف ام اخاف اقنعه واخرتها اتطلق لان اهله راح يسامحهم بس انا لاااااااا |
أنا حدي معصبه من الأسلوب لي عوده ان شاء الله نحاول نحل المشكله معك بس حاليا ماكأنك سمعتي شئ ولو قالت لك قولي له قولي أنت قلت أنه يحبني يكون بعلمك مهما حب الزوج زوجته تكون أمه بالمقام الأول لذلك هذه شئون عائليه وأنت كلميه لو حبيتي أنا طلعيني خارج الموضوع..هذا مبدئيا حبيبتي وان شاء الله ألاقي لك مخرج وماينخرب بيتك..هونيها..الله معك
|
و الله يا حبيبتي أشفق عليك, ما ان تنتهي من مشكلة حتى تبدأ أخرى
عموما هذا حال الدنيا, بس احتسبي الأجر ربنا يخرجك من الورطة اللي أم زوجك حطتك فيها, آمين |
سابنا
هذا اللي ناويه اسويه انا لن اتدخل ابدا شكرا مدمنة المنتدى الى الان لم تصبح مشكله وهنا اللي يخوف اني مو عارفه كيف المها قبل ما تظهر شكرا تحياتي لكم |
يا أختى كلمى أخت زوجك خليها تتدخل بالموضوع وعرفيها انك لا يمكن تقولى لزوجك هذا الكلام وانك زعلانه جدا من العريس وقلة ذوقه وان اللى بيعمله ده كسرة خاطر وحرام عليه ممكن ربنا يبليه فى اولاده بعد كده وخرجى نفسك من الموضوع تماما
وبعدين اخرجى مع جوزك عادى وما تنكديش على نفسك ولا عليه علشان لو اتنكد من الموضوع ده بعد كده يبقى اعطيتيه فرصه للفرفشه شويه قبل النكد ربنا لا يجيب نكد ولا حاجه ان شاء الله |
ختي بنت غامد
أبغ منك توضيح لو سمحتي .. أحس إني فاهمة ومو فاهمة الحين أخو زوجك اللي هو العريس ما يبغ أخوه يجي معاه .. لأنه معاق وعشان أهل العروسة لا يعرفو .. طيب لو عرفو ..إيش المشكلة .. خصوصا أن اعاقته هذه مو وراثة يعني لو كانت وراثة أقول لك صح ممكن يأثر .. والعروسة تخاف .. لكن حسب اللي فهمته منك إن أعاقته غير وراثية إيش دخل أهل العروسة وموافقتهم في إعاقة أخو العريس ؟؟؟؟؟ !!!! هل العريس مثلا متفشل يعني .... أبغ أعرف تفكير أخوه من أي ناحية رافض ... وبعدين لو العروسة رفضت لأن اخوه معاق هذا يدل عى صغر عقلها .. إي والله يعني أذا أتقدم لي عريس ماراح أدور في أهله كلهم سليمين ولا لأ ؟؟؟ |
وبعدين أود أن أسألك ..
كيف طبع أهل زوجك في المناسبات عموما .. يعني هل كل المناسبات يحضرها زوجك معاهم .. ولا هذه أول مناسبة يعني .. طيب زواجات أخواته حضرها ولا لأ ؟؟ الحفلات الأعياد ؟؟؟؟ يعني خلاص أتوقع الكل عارف إن عندهم أبن معاق .. والله غريبة .. الناس ما أدري أيش صار فيها .. معليش يابنت غامد والله أتنرفزت |
sa33
ما ابغى الموضوع يكبر ويتشعب اما على الخروج والله ما ابغى اقابل زوجي اخاف اطيح كلمه ولا مصيبه وانا اعرفه هو يحب اصحابه وشجعته يروح عندهم وقلت بكره نطلع سوا حتى قلي انتي تحبين المشاكل دايم تلحين نطلع ولمن اقلك هيا تقولين لا قلت خلاص بكره وعد |
سلامت زوجك الف سلامه
حبيبتي صحيح هذا الشئ محزن لكن لا تعطيه اهميه بحيث يأثر على علاقتك مع زوجك مثل ماقالو قبل .......حاولي تنسي المكالمه وزوجك ابدا لا تجيبي له الموضوع بس بالنسبه انه يساعده ماديا من جد شئ يقهر((((( الحين انت تفكر فيه وهو ماوده تجي عشان لا تفشله ))))) حاولي تقنعيه انه مايعطيه شئ وبالمقابل قوليله ناخذ هديه فخمه تكفي ..... ولو اصر يساعده خلاص خليه يسوي الي وده اقلها هو ماسوى إلا الخير وبالنسبه لموضوع اخوه والخطوبه سوي مثل ماقالت لك امه ..... ولو هي ماتعرف ان هذا هو الحل الأنسب ما كان كلمتك وطلبت منك تساعديها صدقيني مافي ام ما تنقهر على ولدها ولا في ام تحب تفرق بين اولادها ويمكن هذه الحركه لأنه ماودها يتفرقو عن بعض ولا تنسي حتى الثاني هو ولدها كمان بس ممكن تسوي حركها وتكلميها وتقولي لها انك ماتقدري تقنعي زوجك وقوليها ليش طيب مايروح معاهم لأنه مره متحمس على الروحه ووده يفرح مع اخوه ومن يوم ماعرف وهو مبسوط وطاير من الفرح( ممكن بهذا الكلام ترققي قلبها على ولدها ) وممكن تحاول تقنع اخوه ويروح معاهم واذا لا خلاص سوي مثل ماقالت والله يسعدك مع زوجك وتكونو اسره كلها حب تغنيه عن محبة اهله واخوه |
اميره
هلا بيك اولا احب اشكر المنتدى الرائع بكل مشرفيه ومشرفاته واعضاءه الرائعين لانكم اصبحتوا جزء مني والله واول ما اصحى افتح النت علشانكم بالنسبه لكلامك يا اميره اغلب اقاربنا عارفينه انه معاق وان مرضه مو وراثه اما عن زواجات اخوانه نعم كان يحضرها بس الفرق ان زوجاتهم اقاربنا منا وفينا عارفين كل شي بس هذي العروسه لا من قبيله ثانيه وبالنسبه عن تفكير العريس لا ادري بس اللي فهمته انه خايف من تفكير اهل العروسه والله اعلم |
rma
هلا فيك وشكرا لكي بس صعب اقله وامه تناقشت انا وهي وقالت ان اخوه السبب مو هي وقلت صعب اقنعه لاني انا مو مقتنعه |
طيب ليييييش ما يبغوه يروح معاهم؟
و ليش أمه ما تقوله بنفسها ؟ ليش تحطك في وجه المدفع؟ |
هلا جليم
هي ما قالت قوليله لا تروح بالفصيح هي قالت عرقلي سفرته فهمتي؟ يعني اتحجج بأي شي واني خايفه عليه وكذا انا جاتني فكره بس احس لو سويتها بطيح من عين نفسي فكرت ادق على دكتوره واخليه ينصحه لمن يزوره بعدم السفر؟ وشرايكم؟ |
انا جاتني فكره بس احس لو سويتها
بطيح من عين نفسي فكرت ادق على دكتوره واخليه ينصحه لمن يزوره بعدم السفر؟ وشرايكم؟ والله الفكره مناسبة وليش تطيحي من عين نفسك .. أجل تخليه تصير له مشاكل نفسية .. عادي وحتى لو تشرحي للدكتور القصة كاملة بيوقف معاكي |
تجي من الدكتور ولا تجي منك يا بنت غامد ...
أو أذا مرة مرة ما قدرتي خلاص قولي لأمه ما قدرت هل أمه راح تزعل منك لو قلتي لها كدا ؟؟ تتوقعي أيش اللي ممكن يصير لو طلعتي نفسك من الموضوع ؟؟ |
ماراح يصير شي لو طلعت نفسي
من المشكله خصوصا لو قلتلها انه اصر يروح بس انا اخاف منهم يعلموه بطريقه جافه وهو مو ناقص من جد انا شايله هم لانه والله طيوب ويحب اهله ولا عمره احد فيهم طلبه شي وقال لا سواء فلوس ولا خدمه وانا احبه لمن يساعدهم لان اللي مافيه خير لأهله مافيه خير فيني |
هم دول أهل أخر زمن..
ترا مو بس زوجك..كثير من الأخوان يعاملوا الأخ الطيب في العائلة بنفس الطريقة..عموما حتى لو خبيتي على زوجك مصيييره يعرف أهله على حقيقتهم.. اقتباس:
|
هم يبغوا كذا
بس الام تقول افرضي الدكتور بطل منها او اجلها يبغوني انا اقله لا خليك خوفا عليه لان العمليه للان مو اكيده وبعدين من وين لهم نفس يساقرون وهو مريض وخارج من عمليه؟ |
اقتباس:
ولو أتأجلت أو الدكتور بطل منها..خليهم يشوفوا لهم مخرج..و زي ما قلت لك مصييييييييره يكتشف حقيقتهم.. |
تصدقين عاد حسافه أن زوجك ولدهم والله مستخسره فيها هالولد..سبحان الله ماتعلمت من معاناتها معه بعدين قمه التناقض لما توصيك عليه أجل هي الله لايهينها وش وظيفتها في الحياه انجاب وبس..التربيه متعبه لآخر يوم حتى لو صارو البنات صبايا والأولاد شباب وعملوا أسر هذا مايعني أن دور الأهل في التربيه انتهى..وين الأسلوب الحسن والتعامل الجيد والحكمه في مثل هذه الأمور.. مو كافي الزمن عليه بعد هي بتكمل الناقص..
بصراحه تقتل القتيل وتمشي في جنازته..الله يصبرك ويكملك بعقلك وتعدي الأزمه على خير ولايحوجكم لأحد لا من قريب ولا من بعيد.. عن جد قهرتني..لي عوده بس ماحبيت أنام مقهوره قلت أحط الحره في الرد ولو أن قلبي مابرد..في رعايه الله |
ياربي اختي بنت غامد طمنيني على الوضع والله قلبي معاك
بصراحه موقفك صعب خصوصا لما تشوفين اهل زوجك كذا وانتبهي انتبهي زوجك يوصله خبر والله صدقيني نفسيته بتتدمر واعتقد راح يفقد الثقه بالكل الله يكون بعونك |
الله معاك وطمنينا بالأخبار
|
أنا أشوف إللي بيسوه صح
لأن روحته معهم سوف تضر بأخيه الخاطب لأن الناس سوف يسألون ليه هو معاق وما الأسباب وهل هي وراثه أم حادث وتسائلات كثيرة ولا يعني أن أهله خجلانين منه أو أنهم تخلوا عنه أو أنهم لايريدون أن يشاركهم الفرحة ولكن من باب الأخذ بالأسباب فرأيي إنك تطلعي من الموضوع ولاتبلغيه بمكالمة والدته لك وطلبها منك وإن شاء الله الأمور بتسير على خير |
أسال الله أن يعينك يا بنت غامد
حالتك حالة بس انتبهي تتدخلين في السالفة اذا بيجي ولدهم خبر منهم بكيفهم بس انتي احرصي انك تطلعين منها ::: وفقك الله و سدد خطاك |
سابنا لا تحرقين نفسك
الدنيا مليانه ناس زي كذا اهم شي ابنك اسسيه مضبوط واحميه بالعلاج والعلم الله يشفيه ويرزقك من حيث لا تحتسبين جينز هلا فيك والله امس مانمت مضبوط كنت اتقلب بس الله يعين للان ماصار جديد الرسمي اهله قالوا نفس كلامك المشكله ليست هنا المشكله لو في ناس تفكر بهذا الاسلوب وبعدين زوجي لن يتقبل العذر انا جازمه بأنه سيقاطع اخوه للابد لو عرف سابرينا للان لا جديد شكرا حبيبتي اطياف هلا فيك نعم انا لن اتدخل ابدا ولكن لا اخفي مدى قلقي هو مو ناقص هم وانكسار |
تدرن انا تعبانه بسببه
وضعه الصحي جالس يتدهور انا عايشه معه وشايفه حالته امس صحيت قبل الفجر ابغى الحمام اكرمكم الله ومالقيته جنبي عالسرير لاني نمت هو برا لسه ما جا طلعت اشوفه لقيته في الصاله يشف فلم امريكي وجنبه وجبة عشاء من مطعم معروف همبرجر بس ما اكلها قلت ليش ماتعشيت؟ قلي ماقدرت ابلعها وتركتها قلت وليش ماصحيتني اسويلك عشا؟ ضجك وقال لااااااااا ياويلي انتي تعصبين اذا صحيتك علشان اكل رحت المطبخ وسويت عشا له وحزنت عليه تخيلوا البيض ياكله بالملعقه !!!!!!!!!!!! الخبز صار يتعبه الحين داخلين على رمضان عارفين طبخ رمضان تقريبا اغلبه لن يستطيع بلعه الله محتاره ايش اطبخله برمضان؟ الشوربه فقط راح ياكلها باقي الاكل لا والله محتاره ممكن تساعدوني؟ اذا تعرفون اكل سهل البلع زي الان يحب الملوخيه والباميه لانها اسهل شي يبلعه تكفن ساعدوني بافكار |
اختي ممكن تكتبي طلبك في عالم التغذية والطبخ وهناك ما يقصرو
يا اختي رمضان معضم اكله سهل البلع فلا تبالي الثريد خاصة اذا تنقعالخبز زين في الصالونة و الهريس بعد اسهل من الملوخية والبامية بس انت لا تثخنيها والشوربات ابدعي فيها هونيها تهون و حطي في بالك اجرك العضيم عند الله سبحانه في كل عمل تقومين به الله يعينك وييسر لك امرك |
أختي معقول ما رحتو لمستشفى سألتو عن مشكلة البلع ؟؟؟؟؟؟
طيب وأيش العملية اللي بيسويها ؟؟ زوجك اعاقته لها دخل في البلع .. ممكن توضحيلي أكثر؟ |
الفلوجه
هلا فيك هذا الاكل مانحبه ولا نعرف نسويه ولكن هو يحب الشوربه وراح اضطر اعمل ملوخيه مره وباميه مره عالفطور رغم اننا مومتعودين نفطر الا على المعتاد مكرونه وشوربه وسمبوسه وبطاطس وفتوش الخ واغلبها صعب البلع اميره اعاقته مالها علاقه بالبلع بس رقبته تعبانه اجرى فيها عمليه زمان لانها كانت مو مستقيمه مائله مع ميلان العمود الفقري والعمليه هي شق حنجري فتحه بالنحر لتوسيع القصبه الهوائيه لان ميلان ظهره ضاغط على القصبه عنده زي التشوه بالعمود الفقري وراح تساعده في التنفس احسن وعنده ضيق بالمرئ وياخذ قطرات كدواء بس فترته طويله شوي الطبيب طمنا قال مشكلة البلع راح تتحسن مع الدواء وانتظامه عليه وربكم كريم |
بنت غامد
انا عارفة راي هيحاربني فيه الكل بس ان هقولك الحل هو انك تتكلمي اخوه ( العريس) نفسه وتفهميه قد ايش اخوه فرحان فيه وان طلبه دة ممكن يأثر فيه لابد وانه ممكن يقاطع زواجه طالما مش فخور بوجود اخ مثله امام انسابه مهما كانت درجة اعاقته ومهما فهم انسابيه ولو رفضوا بسبب هذا الاخ ذلك يدل على عدم رجاحة عقولوهم وقولويه انها بتبلغه ذلك خوفا على مشاعر زوجك انك بتصرفه هذا تتبر بيه وقوليله انك مش هتتدخلى انك تمنعي زوجك من الحضور لانه هيفهم اني مشاركة معاهم على فكرة انا حاسة بالشعور بذلك انا حساسة جدا مثله لانى ايضا اعاني باعاقة بس نوع اخر و هي سمعية والحمدالله لاسف انا كمان مابأنسايش اى موقف حساس لكن بسامح............... والحمدالله على كل شىء |
ندى
انا علاقتي سطحيه بكل اخوانه الرجال ولو عرف زوجي والله راح يسوي العجب العجاب راح يعتبره تدخل وخيانه لاني ماعلمته فهمتي؟ وبعدين اخوه اللي فهمته من امه انه هو مو خجلان من زوجي بس خايف من ردة فعل اهل عروسته والله يعلم |
اقتباس:
ويضرب مشاعر اخوه في عرض حائط وغدا لناظرة قريب |
ندى
على قولتك والله شي يقهر وربك يستر انا موقادره اتخيل زوجي لو عرف ايش ممكن يعمل؟ بس راح يقلب الدنيا عليهم وشكرا لكي حبيبتي |
أهم شي لا تكبرون الموضوع حتى ما يصير خلاف بينكم وبينهم ويتطور لأمور لا تحمد عقباها
تعاملي مع زوجك وأهل زوجك طبيعي واعفوا واصفحوا لأن هذا من شيم الكرام |
المتهندم
شكرا لك وهذا ما احاوله احاول ان الموضوع مايكبر اما بخصوص السماح انا مستعده اسامح شخص اخطأ بدون قصد اما القاصد فلن اسامحه لانه عندما اخطأ لم يفكر في زعلي من عدمه وشكرا |
متى الملكة؟؟
|
مو ملكه
هذي اسمها في تقاليدنا قدمه يعني يروحوا يتقدموا بس وبعدين يحددوا الملكه فهمتي؟ هم ناس مانعرفهم ولا يقربولنا |
وهم في بالهم يروحوا الان او في رمضان
بس للان ماحددوا تاريخ معين ينتظروا الان موعد عملية زوجي علشان يقولوله اهل البنت حددوا ومضطرين نروح فهمتي؟ وهو ماراح يقدر يروح لانه اكيد بيكون تعبان شوي |
أهاا
أختي بنت غامد والله كثير نمر في ظروف مثلك .. أحيانا أشوف من أهله شي وما أرضى أقول له عشان لا يتكدر خاطره أو يزيد أو يشيل في قلبه عليهم .. ولكن أنتي الموضوع حساس لأنه معاق .. طيب ماصار جديد معاكي الأن ؟؟ أمه مارجعت كلتك ثاني ؟؟ ولا أنتي لمحتي لزوجك بشي أبدا ؟؟ |
هلا حبيبتي طمنيني على أعصابي..أنت قدها وقدود تزوجتيه وتحديتي الكل لأجله فأكيد أنت ان شاء الله قادره بهدوئك تتجاوزي الوضع للأفضل.. رحتي معه للطبيب ولا لا..عندك تقارير طبيه لحالته ولا لا..ضروري تخبريني..
|
| الساعة الآن 07:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©