|
اخي الكريم
سوف ارد عليك في بعض تصرفات زوجتك برأي كانثى اقتباس:
|
الله يفرج همك
اذا ساويت كل يليي قالوا لك الأخوان ومامشي الحال قهذه مشكلة كبيرة مافي حل إلا الزواج بثانيا ولاكن تريث واذا تزوجت شفلك شي وحدة عمرها فوق الثلاثين سنة اكسب فيها اجر وانتبه لاتطلقها من شان الولد بس هذا الحل خليه اخر حل |
اقتباس:
شف اخوي رايي ان تعطيها على قد عقلها وفي نفس الوقت تغير عليها الجو.. يعني لما مثلا تقول اوف من الغسيل عطها على قد عقلها قلها "اي والله اشوفك تتعبين وانا ماراح انسى اللي تسوينه ..قليل اللي مثلك.. محظوظ انا فيك.. دايما تهتمين فيني..الخ "حسسها انك مقدر شغلها غير عليها جوها يعني لما تأفأف قلها على ايش مو هذي ملابس زوجك شريك حياتك؟؟ انا اخليك ماتقولينها ابدا وارم عليها الملابس بطريقة المزح..بين كل لبس والثاني قلها تتوبين ولا لا؟؟"وانت تضحك" او مثلا قل ولايهم الحلو اساعده واذا ماساعدته من اساعد..والله لو انك بس تشيل الملابس من السلة للغسالة بيصير عندها شــــــــــــي بعدين يوم من الايام اعزمها بمطعم مع هدية "شي تحبه او تتمناه" وقلها "احسك هالايام متغيرة..نفسيتك تعبانه .. وش اللي مكدر على ىخاطر اعز انسانه..قوليلي اريحك لو بيدي شلت همومك كلها...الخ"وتعامل كأنه شي صار لها فجأة لاتقول من اول وانتي كذا والناس مرتاحة وانا من خذتك نكدتي علي لا .. عطها على قد عقلها وربي ماراح تنساه لك وان شاء الله بتتغير.. في نفس الوقت لاتنسى حقوقك او تتغاضى عنها.. الله يسهل لك يارب واتمنى اني افدتك |
رد اخوي عبرنا !!!! وطمنا عليك
|
اقتباس:
|
وأنا أقرا الموضوع خفت لا تكون انت زوجي ! سبحاااان الله تشابه كبير باستثاء الملاحظات اللي بنهاية الموضوع .. طيب بما اني حسيت اني قريبة من طبعها أتوقع بأفيدك أكثر من غيري (تصدق كنت أرى نفسي مثالية في أمور كثييرة، ومعجبة بشخصيتي ههه ، بس عندي مشكلة النكد أو التذمر بعض الشي و زاد في فترة حملي) .. أولا بالتأكيد زوجتك فيها عيوب ومافيه أحد كامل وأرى عيوبها محتملة إلى حد كبير وأمرها سهل، يعني ليست عيوب كبيرة ولا يمكن احتمالها. ماأحس انها تستاهل بعض الآراء المطروحة أبداااا مثل هددها بالزواج واهجرها! ياإلهي والله هالأمور تخرب كل شي بدل ما تصلّح .. صارحها وتصارحك ويشوف كل واحد وش يبي من الثاني وعلمها بعيوبها وتعلمك بعيوبك ، باين عليكم كل واحد يفكر في وادي، تلقاها زي ماإنت متضايق منها هي متضااايقة منك وهذا اللي خلاها نكدية .. دايم أقول مافي أحلى من الصراحة بين الزوجين بس المشكلة دايم يهربون منها .. أكبرررر مشكلة لديك وأتوقع انها سبب تضايقك منها والتدقيق على أمور بعضها مو مستاهل مثل المكالمات والمسجات (وش فيها لو أرسلت جب كذا:( أقصد ممكن يكون أمر مقلق لكنه إطلاااقا ليس مشكلة ) ، أما عن اتصالاتها الكثيرة فلازم تبين لها انها تضاااايقك وتحزم في هذا الأمر، وإلا تحمّل الموضوع.. لأنه تقريبا (طبع) ، ناس من النوعية اللحوحة والنشبة شوي وناس من النوعية اللي ما تحب تثقّل على الآخر بأي شكل من الأشكال مثلي .. المشكلة الرئيسية ياأخي انك ((لا تحبها)) ! كما صرحت، أو على أقل تقدير لا تستلطفها . هذا الأمر يترتب عليه أمور كثير مثل أنك لن ترحمها ولن تعطف عليها ولن تحس بها (((وهذي هي الأشياء التي تنتظرها الزوجة من الزوج))) نجي للأمور الأخرى واللي بتكلم فيها من وجهة نظري كامرأة : أنا شخصياً لما أتذمر أكون أنتظر شي واحد و ربي، وهو ان زوجي يحس فيني/ يلتفت لي / يقدر تعبي . وأحيانا أصبح نكدية لسبب آخر وهو اني رأيت منه تصرف لم يعجبني، وسأعطيك أمثلة واقعية : لما أشتغل وأطبخ وأنظف وأنا حامل مثلا (وفي حالة زوجتك: ولديها طفل ومسؤوليات) أفكر ليه ما يحس فيني ولا يرحمني! مع ان زوجي معتمد على نفسه بشكل كبييير، بس أنا أنتظر واحد يشوف اللي أسويه.. فأجلس أتشكى و آه يا ظهري وأكره الحياة ههه و فيني اكتئاب وقرفانة وماإلى ذلك، ومقصدي اني ألفت نظره لكي يدللني ويرحمني .. لو كان أساساً يحسسني انه حاس فيني ويعطيني من هالكلام الحلو ويبين انه طالع من قلبه ما كنت بالأساس تذمرت أو ع الأقل تدنّت نسبة التشكي كثيير .. أتمنى يجيب لي خدامة مرة في الاسبوعين تنظف البيت وهو يقول أنا بنظّف ما عليك بس إذا فرغت! وأنا ماأسوي شي بس أتضايق وأجلس أقارن كيف الناس عندهم شغالة دائمة وأنا أبغى مرتين في الشهر ومو موافق ومو مهتم براحتي وأتمنى الدلال اللي أسمع فيه ولا شفته والشيطان شاطر يكبرها في راسي .. شي ثاني مثلا تصرف سواه ماأعجبني حسيت انه يحسب علي كل شي وصاير يهتم بالصرف فيكبرها الشيطان بعيني وانه يبخل علي وأنا مقتصدددة أساسا أما لنفسه فيلبي رغباتها وهكذا أصير لفترة طويلة متنكدة حتى أحيانا ما يدري وش الموضوع بس أنا أشوف المشكلة كبيييرة وما قدام عيوني إلا هي ! عفوا لو طلعت عن موضوعك بس قلت أجيب مسببات مشكلة التذمر والنكد وأمثلة عليها. المهم ياأخي أرجووووك رجاء حااار اتبع سياسة جديدة معها، سأكتب لك بعض النصائح و طوّل بالك لا تتوقع ان النتائج سحرية لأن لازم تعرف ان احنا النساء طبعنا شكّايات بس بنسب متفاوتة - وأنا شخصيا أحس ان النكد والتذمر والانتقاد مستحيل يزول عني بس ممكن يقلّ بشكل كبير إذا تحسن مزاجي - قبل كل شي : تقبّل زوجتك بكل عيوبها حاول تحتويها وتخلق لها الأعذار و تضع نفسك مكانها ، حاول تغذية الحب اللي بينكم بأي طريقة ، ادع ربك الكريم انه يعميك عن عيوبها و يفتح عيونك على مزاياها وحسناتها وماأكثرها بالتأكيد، و انه يزرع في قلبك حبها و رحمتها إذا حصل ذلك، فسيهون كل شي آخر صدقني، ستتقبل نكدها بنسبة أكبر ، لأن الحب يُعمي كما يقولون . - بعد أن تتحسن مشاعرك نحوها ابدأ بالخطوة التالية وهي أن تغدق عليها حنانك وتشعرها انك بجانبها وانك حاس فيها و مقدر تعبها (أرجوووك والله هالشي له تأثير سحرري عندنا) ولو حصل انت تقترح تجيب لها خادمة اسبوعيا (غير خادمة اهلك لأنها متحسسة من الموضوع) و اقترح ذلك بطريقة جادة وحنونة كأن تقول حسيت انك تعبتي و جاء الوقت اللي ترتاحين فيه ياحبيبتي ترى لازم موضوع الخادمة حتى لو رفضت وبتتغير أشياء كثير، كيف تبغاها تصيرلك رايقة وبشوشة طول الوقت، هي متحمله مسؤليات عديدة، عندها البيت وعندها ولدها وعندها انت وعندها بالأخير نفسها، كيف تعطي كل واحد حقه، ع الأقل الخادمة تعينها ع البيت.. وشكل زوجتك ماشاءالله سنعة وتبغى كل شي على أكمل وجه .. أنا عني مخليه الدرعا ترعى على قولتهم وعايشة حياتي ومع ذللللك أتخيل حياتي مستقبلا مستحيييل إلا بخادمة تعينني لأن أنا بالأخير انسانة والجيل تغير صارت الوحدة تبغى تعيش لنفسها ولزوجها غير حريم أول كانت حياتهم مكرررسة لأمور البيت وناسين نفسهم .. >غصب أطلللع من الموضوع:( - الآن بعد ما حسستها انك مهتم بشأنها يجي دور (كلمات الحب) ذات التأثير العظيم، والله اننا قنوعين وما ننتظر شي كثير منكم ويرضينا أي شي، يكفينا بين فترة وفترة كلام رومانسي يبيّن ان الآخر يحبنا واننا غالين بالنسبة له، هل هذا الشي صعب لهذه الدرجة عندكم؟؟ وأتمنى يسمعني كل رجال العالم! زوجي تقريبا ما عمره قالها مباشرة بس أفهم حبه من أفعاله بس ولوووو، والله ما أغنتني هالأفعال اطلاااقا ودائما أرثي لحالي وليه ما يقول كلام حلو وكأنه معقود لسانه وأتضايق وهالموضوع مسبب لي أزمة خصوصا اذا ضاق صدري أبدأ أتذكر عيوبه وأولها هذا الأمر! بيّن لها حبك ولو مجاملة وانك لا تستغني عنها في حياتك وانها مهمة لديك وانها ملأت فراغ في حياتك و ان وجودها بجانبك ضروري وانك لا تحتمل فراقها، عوّض أيام الحرمان، وبرر لها سبب جفاءك بعض الأحيان وأن الظروف تبعدك عنها. و انتبه في هذه اللحظات ان تنتقدها أو تضع اللوم عليها . - امدحهاااااا .. النقطة واضحة بس أبغى أقول لا تبخل عليها بالمدح فإن مفعوله خطير. مثلا بدل أن تقول انتي نكدية!! قل ماأحلاك وأنت رايقة. أحب اشوف ابتسامتك. تعجبني أناقتك. أحس انك اليوم مشرقة وجميلة أكثر من العادة. بااالغ ولو اضطريت اختلق أشياء وسترى النتائج بعينك، النتائج التي لا يفعلها الانتقاد.. هالشي أنا أحاول باستمرار أسويه مع زوجي، ولو اني الله يصلحني كثيرة الانتقاد.. والشي اللي أنتقده ماااا يتغير للأسف بالعكس يستمر، أما إذا مدحت حتى لو كذب يصير فعلا زي ما قلت كأن أقول يعجبني فيك هذا الأمر -وهو مايسويه- لكن فجأة ألاقيه متغير ويمارس هالشي.. - اقلع عن التصرفات السيئة التي لا تعجبها، فمثلا لو كنت تنتقدها اقلع عن هذه العادة. لو كنت تحرمها من أشياء حاول تتساهل شوي. لو كنت جافي معها ابدأ بمعاملتها بحنان و لطف .. يمكن ما تقدر في بداية الأمر لأنك مو متعود لكن صدقني مع الوقت بتلاقي نفسك تمارس الحنان بشكل تلقائي .. أنا راحمة زوجتك لأن حالتها مختلفة عني من ناحية الزوج، أنا نوعا ما متعاون و تقريبا ما يتضايق اذا تركت بعض الأشغال حتى لو ما عندي شي بس بحجة اني أتعب أما انت فأحس والله أعلم انك غير متعاون + انها مخلصة في العمل ، والشي الأهم انك ما تحبها أو تحسسها بحبك أو تحبها بشكل أقل بعكس زوجي أحس انه يحبني شوي ههههههههه ننرحم يالحريم يرضينا الشوي قلت كلام كثير وبداخلي كلام أكثررر والله ، يمكن مو كل شي ينطبق على زوجتك وعليك لأن كل ما كتبت استنتاجات و تطبيق على حالتي بس بالأخير والله ما أتمنى إلا اني أفيدك فقططط حتى اني أرجووك ان تطبّق نصائحي حتى لو فوق طاقتك وأن تتغير حياتك للأفضل .. |
الأخت نجاح ..
بارك الله فيك عجبني ردك . واقعي لأبعد درجة ووصلت اللي كنت أريد أوصله بردي الأول بس خانني التعبير و قهرتني الردود , التي تطالب بتهديدها و ضربها و هجرها , كحل لهذه المشكلة و كأن المرأة دوما ننتظر منها التقلب و التغير حتى في نفسيتها و بكل شيء لتريح الرجل بينما التغير منه قليل... الحياة أخذ و عطاء شدة و لين منك و مصارحة و هي بتفهم,,,هي ليست سفيهة و كذلك الأمر محتاج لفهم طبيعة المرأة بدل ما تقول لها ...هذه مسؤليتك و شيء طبيعي تعمله كل النساء تقول لها ,,,يعطيك العافية , تعبت كثير و بس أرجو أن يُتمعن في ردك كثيرا, أجده واقعي جدا تحياتي أم فاطمة |
اقتباس:
بالفعل المرأة منا تحتاج كلام حب حتى تتغير وانا نفس الشي اطلب من الاخ المجازف يطبق كلامك وان شاء الله رح يستفيد |
نصيحة لك اخي اذا انك تقول ما تقدر تحكيلها كلام حب بسبب انك زي ما قلت انك ما حبيتها وللعلم اغلب الازواج ما بدخل الحب لقلوبهم بس مجرد ان الزوجين تعودوا عل بعض فقط والحياة تستمر
ممكن تقدر تكذب في مشاعرك وتقلها الكلام الرومنسي عشان ترتاح في عيشتك لان دايما اسمع الرجل يكذب كذب ابيض على زوجته عشان يرتاح معاها وانت اكذب بمشاعرك لحد ما تشوف طباعها الحلوة وان شاء الله الحنان والحب بطلعوا منك بصدق |
لا تبكيلي اشكيلك
لا تعليق ؟؟؟ |
الله يصبرك يا خوي بامانه الحياه الزوجيه صعبه نوعا ما بس حلوه للى يعرفو كيف يتحكمو فيها بس لابد ما يحصل زعل وخلاف ما بينهم لان التفاهم ما يدوام والحلول ما تطلع الا اذا كان فيه خلاف حاصل قبل حاول يالطيب يكون كلامك معها مباشر يعني امسك يدها وعينك في عينها اهم شى الوقت يكون مناسب لك ولها وقولها كلام كثير في قلبي واريد اخبرك اياه وانا ما قادر اتحمل اكثر من كذا لازم اصارحك فيه بس ضروري الحوار يكون فيه كلام معسول ومعبر ونهايته ضحك ورضى ان شالله تحياتي لك |
راي يا اخي العزيز انك تفهم زوجتك اكثر يمكن هالحركات الي تسويها عشان تلفت نظرك لها و تساعدها و تحسسها انك ما تقدر نعيش مندونها ترى في زوجات ما تعرف كيف تطلب الحب و التقدير من الزوج مباشرة اخي لا تقصر فكلام التقدير و الحب لزوجتك ترا هالكلام هو الي يذوب الجليد بينكم و تجعل زوجتك تسعد في خدمتك دون تذمر و ربي يجعل حياتكم سعيده و طول بالك
و النقطه الثانيه من ناحية الطلبات فهذي امور طبيعيه بين الزوجين و هي الي تجعل دورك رأيسي في بيتكم و لا تريد تكون مثل الغريب و مالك دور في عائلتك |
ألا ليت الزمان يعود يوما..
لي عوده لاحقا ان شاء الله.. أتمنى لك ولزوجتك كل ماهو أجمل بالوجود..في رعايه الله |
أخوي المجازف حاول أنك تستوعب مرتك وتفهمها وتقدر مشاعرها وتحس فيها
صدقني أكيد المدام حاسه أنك بعيد عنها وماتحس فيها سمعها كم كلمه تحسسها أنك حاس فيها صدقني بمجرد أنك تحضنها وتسمعها كلام حلوو بتهدء ومره على مره بتختفي هالعصبيه تحياتي |
الله يعينك عليها وان شاء الله بتلاقي حل معها
|
السلام عليكم..
قرات ردود الاخوة الكرام.. وكانت جدا مفيدة.. ولكني اقترح راي اخر.. لماذا لا تحاول التعاون معها في اشغال المنزل على سبيل المثال غسل الاطباق.. تجهيز الملابس المتسغة في الغسالة.. العب مع الطفل اثناء تاديتها لمهمام المنزل.. التبرع ليوم واحد في الاسبوع باعداد وجبه الفطور.. المراة تحتاج لدعم ومساندة وليس صمت وعتاب.. اجلس معها بهدوء واحضر قلم وورقة واخبرها بما يمكن مساعدتك في الاعمال المنزلية .. صدقتني ستشعر بالفرح وربما لن توكل اليك اي مهمة .. هي تردد دائما جملة" محد يحس فيني" اوجد هذه الاحساس وسترى الفرق.. عندما تتافف لا تتكلم او تزيد من العتاب لانك تزيد النار اشتعالا.. |
وينك اخي المجازف حابين نتطمن على مجريات الامور مع زوجتك
|
بسم الله الرحمن الرحيم
اخي الفاضل الكريم ان حل مشكلتك بسيط جداً وهو يتلخص في عدة اشياء بسيطة اولها انك تصارحها ولكن يكفي مرة واحدة لأن طبيعة المرأة لا تحب الانتقاد واحيانن تعتبر كثر الكلام او النصح لها انتقاد لهاوتقوم بالعناد ولكن يمكن ان تعالج الموقف من ناحية اخري قم بتجربة ما اقوله لك وان شاء الله ربنا يسعدكم شوف يا اخي قم وصلي معها قيام اليل قول لها زوجتي الحبيبة قومي لكي نصلي قيام اليل وصلي انت وهي والله راح ربنا يربط بينكم برباط المودة والرحمة صدقني وجرب وقولي شنو صار ولكن داوم علي هذا ومافي مانع اخي الكريم ان تشجعها من وقت لأخر بهدية جميلة لكي تعلم بأنك تشعر بها وتحسها وتكافأها علي عملها وطبعا عملها هذا واجب عليها ولكن استند الي قول رسول الله صلي الله علية وسلم تهادو تحابو والهدية ليث بشكلها او ثمنها ولكن يكفي انها من محب ويكفي قيمتها للزوجة تعني الكثير ولو وردة يا اخي الكريم والمرأة من السهل ان تشكلها تدري كيف بكلمة حلوة واذا رأيتها تعمل في المنزل شجعها بكلمات رقيقة ولو هي في المطبخ يمكنك انت ان تساعدها تدري كيف صدقني هذا ليث اقلاق من الرجولة بالعكس يعني ممكن انت تقوم بعمل بسيط جدا مثل السلاطة او تحمير مثلا البطاطا انت ممكن تشوف ان هذا شيئ بسيط لكن صدقني بالنسبة للمرأة هذة الاشياء لها معاني كثيرة وخاصة لها تأثير علي القلب وراح تلاقي التغيير الشامل منها ولكن ابدأ بنفسك اولا ً اخي الكريم إذا اردت ان تغير بزوجتك شيئ واتمني لك السعادة من كل قلبي ووالله لمن وراء القول انة لنعم الهادئ الموفق الي سواء السبيل |
الله يعينك
|
السلام عليكم
اشكر للاخوان والاخوات حرصهم ومداخلاتهم الوضع زي ماهو زفت بزفت كل كلامكم على عيني وراسي سويت كل اللي قلتوه لكن اختكم في الله اذن من طين واذن من عجين بادني ضغط شغل في البيت تقلب البيت فوق وتحت ونكد بنكد وصلت الى طريق مغلق معاها طبعا لا طلاق ولكن ايضا لا حب ولا رومانسية مع انسانه ما تقدر خلوا اللي بالقلب بالقلب استودكم الله |
اقتباس:
هذا حال بعض النساء قلوبهن كالحجارة او اشد تزوج يا اخي ولا تـترك شبابك يضيع هدرا |
ياخي لو وديتها عند اهلها ونسيت انك تزوجت وعشت حياتك بالطول والعرض ولا فكرت فيها عالاقل 6 شهووووووووووور كان عرفت ان الله حق وتادبت ورجعت لك بعقلها ...اضغط على نفسك شوية وجرب اذا تعدلت خير وبركة واذا مافاد اخوي تزوج لاول مرة اؤيد كلام رجل طيب جدا ...استسلااااااام ههههههههههه
|
استخدم معها هذا العقاب .. بان تقول لها بالفم المليان اذا ما تغيرين اسلوبك راح اتجوز عليك او اطلقك ... كلام ثاني ما عندي واطلع من البيت وما ترجع الا اخر الليل ونام واليوم الثاني كذلك وهكذا وما تتكلم معها ابداً لحد ما تراجع نفسها وكل اللي تعمله وان شاءالله تجيك وتعتذر وتغير اسلوبها باذن الله
وبصفتي زوجه والله لو زوجي يستخدم معي هذا الاسلوب لااراجع نفسي مليون مره وراح اندم على كل شئ عملته الله يوفقك |
اقتباس:
ممكن نعرف ما هو الأسلوب الذي اتخذته معها خلال فترة غيابك لأن كلامك عام,, تحياتي الله يهدي زوجتك |
| الساعة الآن 07:30 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©