![]() |
^^^^^
شكرا حبيبتي على السؤال .. اليوم رحت للأشعة الحمد لله .. وقالت لي بدري يبان في 13 أسبوع .. لكن لو تبغي أقول لك الأحتمال لكن مو الأكيد .. فقلت لها لا بلاشي من الإحتملات .. ماحبيت أتوه نفسي لكن قلت لها خليني أشوف بنفسي .. ظلت هي تسوي وأنا أشوف الشاشة لكن للأسف مافهمت ولا شي .. كله أسود في أسود وقالت إن شاء الله في السابع راح يبان الأكيد .. طلعت من الأشعة وأنا الحمد لله فرحانة بالسلامة أهم شي .. وقلت ودعيت ربي بتمام الخلقة .. أشكركم على ردودكم وسؤالم عني |
الحمدالله انج تتطمنت عليه
بس شكلج نسيتي ما تسالينها على موضوعي على العموم الله يتمم عليج وعلي حملنا على خير حبيبتي |
سمو الاميرة
انا حامل بالاسبوع ال12 تقريبا ... واصلا مش عارفه لحد الان انا ايش اتمنى .. مرات اتمنى ولد .. ومرات اتمنى بنت .. اناعندي ولد ... وخايفه يكون هو مثلا الولد وبعده يجون بنات .. مثل ناس نعرفهم جابت ولد اول شي وبعدها صفت لها 4 بنات امممممممم .. وفي نفس الوقت اقول بعد اسمه الواحد تعب وتوحم وبيصبر على تعب الحمل والنتيجه يطلع ولد بنفس الطعم ونفس النكهه هههههههههه عموما .. انا فرحانه ومتقبله اي خبر .. بنت او ولد ... احس لسه بدري انو نخاف اذا ماجبنا ولد ... او ماجبنا بنت ... ربي يرزقنا مواليد كاملين الخلق والخلقه والصحه يارب |
نسيت اسألك سمو الاميرة
انتي كم عندك اطفال؟ |
اقتباس:
إحنا عندنا النظام بالمستشفى يوم نسوي الأشعة ويوم أروح للدكتورة أخذ النتيجة وأتناقش معها في التفاصيل .. وبكرة بإذن الله موعدي مع الدكتورة راح أسألها لك بإذن الله .. أنا نسيت إسمك والله .. وإنك أنتي اللي كنتي سائلة السؤال .. لكن أبشري وبإذن الله بكرة أرد لك |
أنصحج تنتظرين لين الاسبوع 16 يكون أوضح لان اللحين في احتمالية للخطأ
انا عن نفسي كشفت وعرفت جنس الجنين , رغبة فيني اني أعرف , واذا انتي حابة تعرفين لاتعتمدين على اول الترا ساوند دايما البيبي يبين على بداية الرابع يعني من 16 أسبوع حتى التصوير رباعي االابعاد احيانا يغلطون فية بس ان شاء الله يظهر معاج في الموعد , بس لاتعتمدين علية وفي اخر شي اهم شي صحتة زينة ويكون بخير |
انا احب اعرف حتي اقدر اجهز ..واسوي حركات حلوة ...
واهم شيء يكون المولود بصحة وسلامة وعافية تامة ....بس مايمنع ان الوالحد يتمني ....وعن نفسي اتمني بنت ...ونذرت لله اذا عطاني بنت بسميها بأسم ...بس مابقول اسمحولي |
هلا امورة
شو اخر الاخبار |
و الله نفسى احمل بتوائم صبيان ادعوا لى ربنا يعطينى و كل اللى يتمنوا
|
أختي ربي يتمم حملك على خير
ربي يرزقك ما تحبين لكن الاهم سليم الخلق و الخلقة |
يا بنات الله يخليكم اللي تعرف مكان الأشعة الملونة بجدةيقولنا فين وسعره كام
|
سمو الأميرة انا قريت لك رد في موضوع اختيار جنس المولود ومتشوقة اعرف نتيجة النظام اللي اتبعتيه يا ريت لما تعرفي جنس البيبي تقوليلنا لأن عندي بنت عمره تلات سنين ونصف وحامل في الشهر الخامس ببنت ربنا يجعلها سليمة معافاة من كل شر متنسيش تعرفينا بجنس جنينك ويارب يرزقك بالولد الصالح المعافى اللهم امين
|
ياريت كل اللى استخدمت الغسول القلوى و النظام الغذائى للحمل بولد و صابت باذن الله تقول
|
يالله انا ويني عن هالموضوع ......انا يا سمو الاميره عندي بنوتين ...طبعا في الاثنين قالولي بنات وطلعوا بنات
ياربي استغفر الله والله ناويه احمل بس خايفه ....كله نعمه وخير وبركه بس تعرفين احنا تفكيرنا العرب وعقليلاتنا انه اللي ما عنده ولد يريد ولد واللي ما عنده بنيه يريد بنيه يعني طماعين مع انه الولد مرغوب اكثر من ازواجنا يارب يرزقك الولد الصالح وطمنينا عليكي .....انا تعرفين شنو اتمنى ....اتمنى احمل واجيب صبيان اثنين مره وحده يااااااااااااااااااااارب ادعولي يارب يعطي كل محروم ذريه ......ويعطي الولد اللي تريده ....والبنت اللي ما عدها بنت |
سمو الاميره وووووووووووووووين رحتي ليكون قالوا لك ولد وأغمى عليك من الفرحه
|
يارب كل اللى تتمنى ولد ربنا يديها توئم صبيان انا و انتم يارب
وياريت اللى جربت اى طريقة و نجحت معها بعد مشيئة الله تقول |
أشكركم على مروركم ودعواتكم ..
أنا ماسويت أشعة تاني .. ومنتظرة مرور شهرين على الأقل حتى أعيد الأشعة .. بإذن الله وللي طلبو الطريقة .. صراحة أنا ما ألتزمت بالطريقة .. ولكن هذه هي على كلام الدكتورة .. الطريقة يابنات مو جديدة ولا مبتكرة هي تقريبا مكتوبة في أغلب المنتديات .. وهي تحري يوم التبويض مع أستخدام غسول الكربونات .. فقط .. أنا أبدا ما أقتنعت بطريقة رجيم الولد ورجيم البنت .. الجدول الصيني كنت دائما أشوفه وبمجرد ماعرفت إنه حرام تركته بالنسبة ليوم التبويض طبعا لازم تكوني متابعة فترة طويلة .. حتى تعرفي تضبطي يوم التبويض عندك بالضبط متى .. بعني قولي ستة شهور كفاية .. يعني ست دورات .. هذا للي دورتهم منتظمة .. والأفضل أكيد أنك تتابعي عند دكتورة بالسونار .. أنا تابعت التبويض تقريبا سنة وكنت أسجل في جدول لحتى ماعرفت بالضبط أي يوم وبعدها رحت في شهر من الشهور سويت سونار حتى أتأكد من اليوم صح ولا لا . والحمد لله لقيته صح .. يفرق كم ساعة فقط .. طبعا علامات التبويض وغيره هذه يبغالها دراسة .. ممكن أي وحدة تسوي بحث وتقرأ علامات التبويض .. وترا يابنات مو شرط يكون التبويض زي مو مكتوب في الجداول .. يعني اللي دورتها كل مدري كم يوم يكون التبويض في اليوم الفلاني .. لا ... هم يعطونك اليوم التقريبي والتبويض يختلف من وحدة لوحدة .. إيش كمااااان ..... والغسول موجود في الصيدلية .. ولا تكثري منه .. مرة وحدة قبل اللقاء بعشر دقايق ... أنا أختي سوت هذه الطريقة وتابعت عند دكتورة .. لكن هي كانت تبغ بنت .. يعني كانت تبغ تبعد عن يوم التبويض . والحمد لله ربي رزقها ببنت .. لكن كانت كسولة .. يعني ماتابعت نفسها بنفسها .. لا .. كانت كل شوية تسوي سونار وتتابع مع الدكتورة لحد ماقالت لها إن الوقت مناسب الان . .. أنا صراحة ما أعرف البنت متى .. لكن اللي سمعته إنه لازم تبعد عن أيام التبويض .. حتى ما يكون ولد .. وكله بإرادة الله .. واللي الله كاتبه هو الخير... الولد والبنت زينة ونعمة من الله .. ادعولي بالولد الصالح السليم |
اهلين سمو الاميرة يارب يتمم حملك على خير وتجيبي احلى ولد انا عن نفسي طفلي الاول ما عرفت الا يوم ولادتي فيه طبعاً ولد والثاني في الشهر السابع عملت سونار قالت لي الطبيبه ولد والثالث >>> قولو ماشاء الله رحت وانا كلي أمل اسمع السستر تقولي ان جنس الجنين بنت بس برضو طلع ولد واخر واحد ما رضيت اسأل قلت خليها لحد يوم الولادة اذا ولد حياه الله بين اخوانه اهم شي انه يكون بصحه وعافيه بس زوجي اصر علي قبل الولاد باسبوعين كان عندي سونار قال لازم تسألي عشان نجهز وسألت وقالت لي ولدي وسألت عن صحه البيبي وحمدت ربي وشكرته والكل يسألي مو زعلانه اقولهم ليش ازعل الحمدلله ربي رزقني الذرية السليمة لان فيه ناس كثير يتمنو الخلفة وما يهتمو بنت ولا ولد عاد هذا الاخير نور عيني اموت فيه شكله يجنن ومن شافه يسألني اش اسمها يفتكروه بنت الحين افكر اني اكرر التجربة بس خايفه من الحمل لان الحمل الاخير كان صعب بمعنى الكلمة |
اقتباس:
بسم الله ما شاءالله .. الله يحميلك اولادك و يبارك فيهم |
انا تحريت يوم التبويض وابتعدت عن اللقاء قبله وبعده
يعني هاليوم فقط ادعوا لي أكون حامل هذا الشهر وباذن الله ابشركم بالولد الصالح |
يا بنات ليه مافي احد رد على سؤالي ابغى اعرف مكان الأشعة الرباعية الملونة للتأكد من صحة الجنين فين مكانها بجدة وكم سعرها للي سوتها
|
سمو الاميره الله يقومك بالسلامه ويرزقك الولد الصالح السليم
بس انا مستغربه يعني حتى لو احتمالات كانت سالتي انامااقدر اصبر بحملي الاخير كنت اخر الثالث قلت للدكتوره غالبا احتمال ايش يكون قالت بنت بس مو اكيد بعد اسبوعين نتاكد وسبحان الله رحت بعد اسبوعين عند دكتوره ثانيه وقالت احتمال كبير يكون ولد والحمد لله جاني احلى ولد ماشاالله عليه اناجاني بعد اربع بنات انت كم بنت عندك |
انا عندى بنتين و نفسى ربنا ان شاء الله يدينى ولد
بس اود ان اسالك ربنا يخلى ولادك هل استخدمتى اى طريقة للحمل بالولد يا اختى اموت فى اولادى |
السلام عليكم
انا في اول حملي بابنتي لم اعرف جنس المولد الى حين الولاده لان كنت احب انو اسويها مفاجئ لان ماكنت اهتم ان كانت بنت او صبي لاانا ولا زوجي ولان كلهم احباب الله وهاذا رزق من ربي لكن بعد الولاده عرفت انو ممكن تعرفو انكم حامل ابنت وله ولد من غير الذهاب الى السونار وهيه 1-اذا شعرت الحامل ان بشرتها فيها جفاف وانتفاخ في اطراف الساق وعدم حصول الغثيان بالاشهر الاولى واتساع حدقه العين عند النظر الى المراة لمده دقيقه بالاضافه الى شكل البطن اذا كانت بارزة للامام فمعناها انك حامل بذكر واذا لم تشعري بكل هاذا وكانت بطنك متوزع كبرها على الجوانب فاعرفي انك حامل بانثى وانا تذكرت حالتي ووجدت اني فعلا لم اشعر بكل هاذا بالاضافه الى ان بطني كان حجمها متوزع على الاجوانب وفعلا انجبت بنوته والحمد لله والشكر والمثل يقول الي ربها يحبها يرزقها بالاول ببنت لانها تكون صديقه امها وتعاونها على باقي اخوانها وفعلا بنتي معاي بكلي شي تساعدني بالرغم من انو عمرها لسه سنتين لكني احسها معاي بكلشي صدقوني مو اله ولد وله بنت المهم تمام الصحه والعافيه والخلق الحسن وان شاء الله ربي يرزق الجميع الذرية الصالحه |
مرحبا سمو بس حبيت اسالج ي الدكتورة وان شاء الله ما اكون ازعجتج من كثر ما اسالج
|
اقتباس:
|
اقتباس:
على طول لدرجة اني نزلت 7 كيلو بسبب الغثيان اللي ماخلاني اكل شي و صديقتي انتفخت رجليها و كانت حامل ببنوته و حكاية البطن .. تعتمد على شكل جسمك.. اذا حوضك عريض فالبطن تتوزع و العكس ماحد يقدر يعرف جنس الجنين بدون سونار و لا ماكانو اخترعوه ... و كلفوا انفسهم :) الله يرزق الجميع الذرية الصالحة البارة ياارب |
انااسفه على التاخر بالرد الصراحه مافي اي طريقه سويتهاحملت على المانع دون تخطيط
بس اول ماعرفت حالي حامل واناادعي بكل سجود انه الي في بطني يكون ولدذكر صالح وامام للمسلمين وعلى طول استغفار ونذرت اني اسميه محمد استمريت بالادعيه حتى بعد ماتاكدت انه ولد وحتى واناعلى سرير الولاده نصيحه لكل وحده حابه الله يرزقها ولد تكثر من الدعاء والاستغفار حتى انا كنت بعض الاحيان يارب يكون الي في بطني محمد على اسم رسولك اتمنالكم انه الله عزوجل يرزقكم بولد صالح وسليم واناعندي حاجه حابه اذكرها اناعلى طول كنت ادعي الله عزوجل انه يحفظ جنيني ويحفظه عقله وقلبه وسبحان الله ولادتي تعسرت وكان معرض لنقص الاكسجين لكن الحمد لله لاني كنت باستمرار ادعي الله عزوجل حفظه وانقذه |
ربنا يخليهولك و يحفظة من كل سوء
|
الساعة الآن 11:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©