|
حبيبتي تأكدوا من أخلاقه بره
يعني هل أحد يدري عن أسلوب حياته ونشاطاته في الخارج في ناس يصيرون قدام أهلهم شيء وإذا سافروا ولا صاروا بعدين ومحد يعرفهم خذوا راحتهم يعني لا تقيسون عليه هنا ودام هو قنصل المفروض مركزه طيب غريب زوجته ما ودها تروح وهي تقدر تآخذ عيالها معاها عادي بالعكس يتعلمون لغة وغيره ... ولا خايفه عليهم من الفتن ... ولا ماودها تتغرب على إن المرأة تتبع زوجها عادة الله العالم باللي في النفوس وربي يكتب لك الخير وين ماكان ويرضيك فيه |
اقتباس:
أختي الكريمة الحمد لله انه وصلت لك هـذه المـعـلـومـات وعـرفـت عن الرجـل ،،، باين أنـه رجـل طيب وكريم وذو شخصية رائــعـة ومقتدر ماديا ومعنويا للتـعـدد، ويبدو انك ارتـحـت إلـيـه ولعل ارتياحك يعني قبول مبدئي :) فـمـا لك الأن إلا الأستـخـارة والدعـاء لله عــز وجـل وكثرة الأستـغـفـار ثم القـرار ...... وأسأل الله ان يختار لك الطيب عاجـلا غير اجـل ونسمع اخبار مفرحـة منـك اخوك عزوبي:21: بس:d رجل:30: |
الآن أدركت بأنه زواج مصلحة مشتركة
توكلي على الله .. ولا تنسي أننا وقفنا معك |
بسم الله الرحمن الحيم
ياعمري انتي والله لساكي صغيره ولاتخافي واتمنالك الزوج الافضل مو طالعه معي اني اشجعك على الزواج لاني لسه مامقتنعه فيه والخيار الك بالاول والاخر زانصحك بصلاة الاستخارة وان شاء الله يوفقك ربي لكل الخير |
حبيبتي ما الك الا الاستخارة
انا زوجي اكبر مني ب13 سنة ومرتاحة الحمدلله معاه بس انا الزوجة الاولى وللان ما بقبل اكون زوجة ثانية الله يوفقك للي فيه الخير |
والله ياختي انتي مو مضطره تتزوجين واحد متزوج وشايب
حتى لو كان دبلوماسي انتي صغيره ترا والحياه قدامك وبعدين هو بياخذك بس علشان السفر سبب تافه واصلا كذا ولا كذا لاتتخيلين انه بيرمي عياله في الديره ويروح معاك بس لا زوجته حتى بتطلبه وبيجلسون مع بعض شهر وشهور بعد |
الله يكتب لك الخيرة ويمكن يتكرر ماحصل لزوجته الاولى معك بعد انجاب اولاد ويبدا البحث عن زوجة تسافر معه وهذا حصل مع احدى معارفنا تزوج للمرة الثالثة لكي تسافر معه وليس لديها اطفال
|
والله انا مش شايفة في اي ضغط لتوافقي
يعني لانك كبرتي كتير لتيجي على نفسك وتاخدي واحد مش مناسب ولا انو متميز بالنسبة لعمرك لتوافقي عليه انا مش شايفة شي يخليكي توافقي عليه كبير و متزوج كمان وغربة خير على ايش؟ الواحد تغرب عشان خاطر انسان يستاهل ومميزات حلوة ماشاءالله شي مقابل شي اما من غير شي صراحة مافي داعي انسي الموضوع |
اكيد انت ادرى بظروفك
في واحده من معارفنا تزوجت واحد نفس ظروف زوجك وانبسطت ودرست وامورها كلها كانت تمام ولما رجعواالي صار انه تركها وراح لزوجته يعني كان متزوجها للسفر بس عشان يدرس ولماانتهت دراسته ورجع رجع كل شي وطلقها وضل مع زوجته واولاده اناماابي اخوفك لكن انتبهي ممكن اصلا هذي اتفاقيه بينه وبين زوجته عشان يبعد عن الحرام وفي نماذج كتير صح في الي زوجته برا عند اهلها ورفضت تجي معاه على السعوديه نفس الشي بيتزوج وياسس بيت اتمنالك التوفيق يارب |
بعدين يا اختي لو مابدها زوجته تتركه كان قلنا بهمش
بس ناوية تتركو وحياتهم تتخربط وانت السبب وصدقيني ما الحب الا للحبيب الاول زوجته الاولى تزوجها لتكون شريكة حياته هية اول فرحتة عشان يشبع رغباته وعشان يجيب اولاد لانها الاولى ومنطق يكون تزوجها عشان الاسباب هاي لكن انت حيتزوجك ليش؟ اولاد عندو شريكة حياة اكيد مافي حد بتزوج التانية شراكة للحياة يعني حيتزوجك يمكن لانو ماعندي اشباع جنسي مع زوجته او امر زي هيك بالتالي غرضو معك مش كغرض الرجال لما يتزوج اول مرة الي بعتو الك ببعت الاحسن منو تخيلي لو تزوجك وتزوج علكي شو احساسك بالنهاية هادا شرع ربنا ومش حرام لكن برضو مش مجبرة ولا فرض انك تنزلي عضرة |
بــآك .. الأخت شيهانه .. حمستني ارجع اقولكم وش اخر الي صارلي ... فديتها .. بجد حسيت بأهتمامها .. ربي يسعدها .. الي صـار انه اتصلت علينا امـه .. بأول اسبوع بالأختبارات وقالت لأمي ان بناتها عيالهم يختبرون وبعد الأختبارات راح اكلمكم عشان يزورونـا .. يبون يشووفوني قالت امي الله يحيكم .. المهم خلص اول اسبوع واخر اسبوع بالأختبارات وبدت الأجازه والحين ثاني اسبوع من الأجـازه لاحس ولاخبـر انـا كنت مرررررررررره مره ملتزمه بالأستخاره بشكل يومي بكل صلاه وكل فرض وحتى اذا كنت جالسه وتذكرت الموضوع ادعي بداخلي .. وحتى اذا توضيت ادعي... ~ يعني بجد جاني هم بسبب هالشي .. اعوذ بالله مابي اقدم على شي واكون نادمه او خايفه ولا متردده .. المهم .. الي صار انه ماحد اتصل علينا .. على العلم انهم كانوا مررررررررره مستعجلين قبل وكانوا كل شووي يتصلون على صديقة خالتي وكل شووي يسألون وش صار ؟! ومتى ووش ردنا ؟ ................. الخ لدرجـة من زود الحماس ارسلوا صـووورته على خالتي عشـان اشوفه المهم استخرت .. وماحد رجع اتصـل .. وقبل يومين .. اتحلمت حلمين .. من اول حلم ارتحت كثييييييييييييييير .. وكأن ربي اراد اني ارتـاح من الهم الي انـا فيـه .. تحلمت ان كأنهم اتصلوا واعتذروا وقالوا ان ولدهم حصلت له مشاكل والزواج ماراح يتم .. وبعد هالحلم ارتحت وشلت الفكره من راسي .. والحلم الثاني .. تحلمت كأني بالمستشفى .. وشفت امه شايله بيبي صغير وتتعذر لنا تقول احنا تأخرنا لأنه عندنا طفل مريض وهالحلمين ارتحت من بعدهم .. الي سألني من حولي لو رجعـوا وش بتسوين ؟ قلت : لين وقتها وخيـــــــــــــــــــــــــر } وهذي آآآآآآآآآآآخر مستجداتي .. والله يكتبلي الخير حيث كـان ثم يرضني به .. الحمد لله , الحمد لله , الحمد لله ...~ |
شوفي خيتو ...
انا قدك ... وودي لو تزوجت واحد بالاربعين ... لا وبعد دبلوماسي وبالخارج ... عز الطلب بالنسبه لي ... لكن متزوج .. هنا بوقف ... انا توني اصغيره ... وفيه فرص كثيره لي متاحه .. واذا انتي اللي عاجبك بالموضوع انه بالخارج ... ترى كل هالشباب هالايام يروحون بعثات ... لمده سنوات من قبل عملهم فاللي اتمناه لي ... اكيد اني بنصحك فيه وموفقه |
والله الامر طبيعي بس
اولا من بغى شىء يرخص بشىء تراها الدنيا كذا يعني كون الانسان يجمع ويحوز على كل شي العمر والصحه والمال والمستوى الراقي في العيش ماتصير الا في الجنه فشي يشيل شىء والاستخاره ستحدد والله ولي التوفيق
|
8 8 8 الموووضوووع استجد .. انـظروا للرد { 51 } .. |
مادام ماتصلو فاكيد انها خيررررره وصدقيني احيان نرتاح لاشخاص ولاكن الاستخاره تقلب الموازين سبحان الله
اسال الله ان يعطيك حتى يرضيك وان يرزقنا اجمعين |
هلا وغلا دانتيل ...الله يطمن قلبك حبيبتي ..
حقيقة الأمر مُحير (نسبيا ).. والإختيار يرجع بنسبة كبيرة إلى ما يقبله الشخص و يرضى به أكثر من فكرة (هل القبول صح أم خطأ) !! يعني أرى أنه عندك قبول أن تكوني زوجة ثانية وعندك قبول بل ( رغبة ) للعيش في الخارج لتحقيق الدراسة وهذان الأمران ربما قد تقبله واحدة وترفضه أخرى يرجع بدرجة أولى إلى إختلاف الشخصيات والبيئات والثقافات كم أشار الأخ أبو إبراهيم والإختلاف في هذا أمر مقبول إلى حد كبير ... ::لكن :: الواقع الذي نراه >>> كما أن فيه (تعدد) ناجحا ففي المقابل نجد تعددا ( فاشلا ) لأنه ناشئ بسب نزوة وليس تفكير عميق ورغبة في تكوين أسرة .. وأنا شخصيا هذا ما يرددني بقبول فتاة في عمرك بشخص معدد مهما كانت مميزاته .. وليست مهما كانت أسبابه .. قبل كم يوم تقدم لأختي الصغرى في مثل عمرك تماما مطلق في الأربعين وعنده 3أطفال وكنا على وشك الموافقة إلا أنهم أخبرونا أنه أرجع زوجته فما فكرنا في الموافقة مرة أخرى لكن لوكانت أختي عدت الثلاثين سيختلف ميزان القرار... وكلي أمرك لله وهذا ما يبدو منك ( ما شاء الله ) واعلمي لحد اليقين أن لن تأخذي إلا ما كتبه الله لك ... وثقي به سبحانه أشد الثقة وأبلغها .. أسأل الله أن يرزقك بمن يسعدك وتسعديه... |
{ طمـوحي غير ~ جـزاك الله غيـر ... وشكرا على الدعـاء الله يسعدك .. { شيهـانه ~ اخيـر وصلتي هههههههههههههههه مو عارفه شلون اقولك اني رديت .. ترا من امس وانا راده عشـانك .. قلبي .. مشـكوره على كلامـك .. وبجد انا اكثر شي محتاره فيه كان التعدد وعمـره .. يعني اقول لو اصغر شوي وافقت هع الحمد لله .. الحمد لله .. بجد انا مره مرتااااااااااااحه بعد الحلم .. وان شاءالله ربي مايخيب رجاي ويرزقني بالي يعرف قدري ويعزني ويعيني على ديني ودنياي .. مشـكوره ياغلاي على اهتمامك وسؤالك .. الله يسعدك ياااااااااااااارب |
الله يكتب لك الخير ويرزقك عريس اصغر منه واعذب
آسفه لعدم ردودي على لموضوع لانشغالي بامور خارجه عن ارادتي ثم عمر الاربعين ولاني كان زوجي بعمر الاربعه واربعين يعني وكأني انا الموضوع يتكلم عني لا تكرري غلطتي |
قريـن .. يااااااااااااقلبي عورة قلبي كلمتك .. { لاتكرري غلطتي } الله يشرح صدرك ويحنن قلب زوجـك عليك .. ويسعدك دنيا وآخره .. مشـكوره على مرورك |
الله يكتب لك الخير مع رجل قريب من عمرك
احسن تلاقي نفسك بعز شبابك وهو يكون اكتفى وشبع وصرتي ممرضه ويا ريت عاجبو وقت تكون شبعتم من الحياة و بعمر بعض ووقت يتقدم العمر معكم ولو تحولتي وقتها مش فقط ممرضه يمكن طبيبه وقتها الحياة اجمل اتمنى لك الخير وللجميع بالزوج الصالح |
| الساعة الآن 03:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©