|
الله يفرجها عليكي
ويثبتك طبعا اذا طلبتي التغير اهلك رح يسالو عن السبب وايضا اذا غيريت االنمره الله يعينك ويثبتك حبيبتي كن مع الله ولا تبالي الله يتقبل منك صيامك وقيامك |
الله يهديك..
اجل ولد خاله طليقك وتماديتي معاه يكفيك هالشيئ عشان تحرسين منه اختي نصيحه لوجه الله غيري رقمك احرقي الشريحه وبعدين اطلبي رقم جديد اواشتري انتي شريحه بدون اسم انتي ماضريتي نفسك وبس ضريتي خواتك التوبه يمكن ربك يقبلها بس الناس مالها الا الظاهر لا تغيرين الباص بس خليك حرصه لا تعطينه مجال لو لحرف واحد ابد ابد لو يكلمك صيري صمخا وخليك ستيره بلبسك عشان ما يلقى مدخل وبطلي قهوه وحلى خليها بالسنه احسنه صدقيني ازمه وبتعدي والله يستر علينا وعليك خليك قويه |
اختي الحبيبه لحرصي عليك ولاحساسي بطيبتك وحسن نيتك
اتمنى ان تقبلي مني هذه النصيحه اياك ثم اياك ان تخبري صديقتك او اي وحده تضنين انها مقربه بقصتك هذه ترى مافي الناس صديق والناس ماعلى لسانهم ستر وربي يستر علينا وعليك ويرزقك باللي يعوض صبرك امين |
تسلمين قرين الله يجزاك خير
اناالحمدلله عبايتي على راسي وربي ان شاءالله بسترعلي الله يفرجهاا لامستحيل اتكلم لاحد مهماااااااصار ماراح اقول شيء والله اني محتقرة عمري ليش اكلمة بس وربي لحظة ضعف أعوذ بالله من الشيطان والله اني صرت مروعة اليوم داق على 7 الصبح حسيت بررررررررررروعة وطول اليووم متوترة بس الله يهديناا ووردوذبل لاان شاءالله ماتكونين وردوذبل ان شاءالله تكون دوم متفتحتة الله يووفقك ويسعدك دوم مشكورة وربي ردك يدل على طيبة قلبك وحبك للخير الله يووفقك ويحقق لك ماتتمنين ياكريم قهاوي وغيرة ماعاد راح اسوي شيء الله يسترنافوق الارض وتحت الارض وعندالعرض الله يفرجهاا شريحة ماظنتي تتغيرلانهاباسم وابوي مستحيل يغيررقمي لان عندي اخوصح اصغرمني بس متسلط شووي لازم سبب قوي وحتى لوحرفتهابيجبون لي نفس الرقم اهلي شوي شديدن الله يثبتناعلى طاعتة وانامحافظة على الاذكاار وان شاءالله ربي يحبني لاني دائمامبتلاة الله يعوضني بالجنة بسسسسسسسسسس الله يوفقكم ويحقق امانيكم ويففرج همي وهمومكم ويسراموركم |
الله يوفقك يااختي ويستر عليك وعلي وعلى جميع بنات المسلمين
ويحمينا من الشر مافي غير التطنيش مدام ماتقدري لاتغيري لاباص ولارقم طنشيه جداااااااااااااا وحتى عياله لاتبيني انك متعاطفه معهم حتى ماتلفتي انتباه مره اخرى ولوكان معك احد بالدوام الافضل تخليها هي من تتصل عليه ربي يسعدك ويوفقك بابن الحلال عاجلا غير اجلا |
عزيزتي جد تاثرت عشانك من اول القصة والحين تاثرت يوم دريت انه ولد خالة طليقك ودي انبهك لشي واتمنى منك تفهميني زين انتبهي انتبهي ترسلين له رسالة من اي نوع حتى لو تهزيء لانه زي ماقلتي ولد خالة طليقك يعني لو تضايق منك لاي سبب مثل تطنيشك او اي شي ممكن يسبب لك مشكلة لاسمح الله والمكالمة مايقدر يثبت عليك انه كلمك او انك رديتي عليه لكن الرسالة راح تكون دليل عليك وراح يحتفظ فيها والمرسل رقمك وهذا راح يكون دليل انه بينكم مكالمات او اي شي ممكن يتبلى فيه عليك لكن الان الحمدلله انتي ماعليك اي خطر ولا عليك اي تهمة ممكن يتهمك فيها وتقدرين تنكرين انك اصلا عمرك اتصلتي فيه وانه يتبلى عليك الله لايجيب لك مكروه بس انا بغيت انبهك والحرص واجب انتبهي لاترسلين انتي بس طنشيه وهو راح يمل باذن الله وربي يفرجها عليك ويطمن قلبك ويستر علينا و عليك دنيا واخرة يااااااااااااااارب |
اناتوبة اصلا اردعلية اوارسل مستحيل
وبنات النقل 15 بنت مستحيل اكلمة انامهماااصاررررررررررررررر اناالحين طول يومي استغفر وربك كريم ان شاءالله اسعدتني ردودكم بارك الله فيكم ووفقكم لكل خير ياررب ان شاءالله مستحيل ارد عليه والنقل معي اختي تدرس بالجامعه بخليها هي ترسل له اذااحتجنايوديناللجامعة وزي كذاا توبةمنه توبة الله يفرجهاايارب ويسعدكم مثل فرحتواقلبي بردودكم شكرالكم من كل قللبي |
(( فلا تخضعن بالقول ))
هذا هو التوجيه الرباني وليس البشري ... (( فيطمع الذي في قلبه مرض )) اذا الطمع يأتي بعد الخضوع ... يا الله ... كم هي قاعدة بسيطة لتصرفات كثيرة قد تعيها أو لا تعيها بعض النساء ... ولكن من المؤكد أن من التزمت بهذا التوجيه الرباني المنظم للبشرية ... لاستقامت حياتهن ولن يمسهن أحد بسوء ... فالمرأة وإن خضعت بالقول بحسن نية كما في حالتكي كمثال ... قد يكون خضوعكي حباً لأولاده أو شفقةً أو عطف عليهم ولكن طمع فيكي ... وليتكي تداركتي نفسكي وأنتبهتي ... وقطعتي الطريق عليه ... للأسف لم يحدث هذا ... ولكن تمادى في طمعه بطلبه منكي بأن يبقى الأمر سراً بينكم ... وكان خضوعكي الآخر بالموافقة على ذلك ... مما من المؤكد بأنه زاد الطمع في نفسه ... أنا هنا لا ألومكي على مامضى ... ولكن لأنبهكي والأخوات مما وقعتي فيه ... فالخضوع بالقول قد يكون أحيان ... بأن المرأة تعتبر أنه من الاتيكيت والأدب التحدث سواء مع البائع أو الرجال إذا كان مجال عملها يحتم عليها ذلك ... بأدب زائد عن الحد وأقرب مايكون إلى التصنع أو التجمل بالأخلاق وقد يكون هذا الاتيكيت مدخل ابليس وبدايةً لك الشرور وأكبرها والمدخل يكون عبارة عن منزلق والمنزلقات لا تؤدي للقمة بل للهاوية وتكون بسلاسة وبسرعه ... فالحذر الحذر من الخضوع بالقول ... نرجع لكي ايتها الفاضلة ... انا من رأيي بأن لا ترسلي له رسايل ولا غيره ولا حتى تقفلي جوالك أصلاً لا وردي عليه بعد وأرفعي صوتك عليه وقولي له لا عاد تتصل ولا شي انا كنت ارد عليك لأجل اني متوقعه المتصل ولدك ... وكنت لما الاقي انه انت كنت اخجل اني اقفل بوجهك لين شفت ان المسأله ماعاد يبي لها سكوت والآن لا عاد أشوف رقمك بجوالي وأنا بغيت أبين لك اللي عندي والمره الجايه ماعاد تفرق معي من راح يرد عليك والآن أنا رايحه لأبوي ماراح أقفل لأجل اذا منت لاقي تسلية تتسلى فيها تتسلى مع أبوي ولا تقفلي وسوي كأنك تنادي على أبوكي وقولي مكالمة لك ... لأجل إذا قفل من الخوف تتأكدي أنه ماراح يدق نهائي ... اما غذا ماقفل وبين انه ماهمه ... تعرفي بأن هذا واحد مستهتر و ينخاف منه ... وتغيري عنه مع بداية الدراسة لأنه ماينضمن ممكن يخليكي آخر وحده تنزل ويكون مخطط له على جريمة ... فالحذر واجب ... ومن الأفضل انك تشوفي لك نقل ثاني خوفاً على حياتك .... |
شكرلردك اخي ولهااان جزاك الله خير |
ربي يحميكي ويوفقك ويبعد عنك الذئب هذا
ربي يستر عليكي خلاص حبيبتي لاتكلميه ابد خلي اختك تتعامل معاه احسن ربي يرزقك بابن الحلال اللي يسعدك ويعوضك كل خير |
اقتباس:
نعم أؤيد كلام اخي ولهااان الحذر واجب لكي لايحدث مالايحمد عقباه لاقدر الله |
الله يسترعلي ببسترة يارب ويجزاكم خيرر
|
يا قلبي انتبهي و زي ما قالت اختي المتفائلة انك ترسلين له رسالة
يا حبيبتي كمان لا تتكلمين معه لان في برامج للجوال و هي لتسجيل الصوت يعني ممكن يسجل صوتك و يمسكها عليك انتبهي يا قلبي و الله يحفظك و يستر عليك و يبعده عنك |
الله يجزاكم خير على حرصكم الله يووفقكم محتاجة دعواتكم |
طمنينا وش صار معك
|
ارسل لي رسالة دعوة في اخرالليل ولارديت علية ومن بكرة دق علي وطنشتة واناالحين مرتاحة لي يومين مادق علي والحمدلله جزاك الله خيريابارد |
حبيبتى وش صار معاك مقطعه نفسك انا مااشوف ان هناك مشكله
انا احسس اني فاهمتك شكل الرجل عجبك وتمنيتيه زوج لك اذا انتي شايقه انه مناسب لك اش المشكله هو باين عليه انه تعلق بك ويبيك بس يبي يشوف رايك فيه اذا اتصل فيك وكنتي تبينه ردي وقوليي نعم ياابو فلان اش فيه متصل رح ينصدم ويتكلم ممكن يقول ابيك او يلمح قولي لو سمحت انا انسانه محترمه وانت عارف والمرات الي رديت عليك فيها قبل من باب ثقتي قيك بس مو سالفه انك تتصل كل شوي بلا سبب وانا احترمك ومااتوقع انك تنضر لي نضره شينه وانا اهلي وثقو فيك وخلوك توصلني اذا ابد حسن نيه قولي انا مااتكلم في مواضيع كذه انا لي رجال كلمهم لو قال باخذ راييك او اسولف قولي ارجوك مع السلامه وسكري الخط ان تقدم كان بها ان مااثبت حسن نيته لاتسوين شي لانك لو غيرتي رقمك رح يعرقه لانه بيوصلك الا اذا فيه البديل الي يوصلك بعد كذه واذا كرر اتصال ردي وقولي نعم يابو فلان خيرفيه شي بجفا وشده حتى لو قال كلمي حمودي قولي انا مشغوله وسكري انا متاكده انه يايتقدم لك لو هو حبك او ينكسف ويبعد عنك مع اني حاسه انه حبك ويبي يعرف مشاعرك ووده يتقدم لك رجا بلغينا بالمستجدات |
حبيبتي انا اسفه ماكنت عارفه انه يقرب لطليقك
وانتي تساهلتي في الحديث معاه كان المفروض مايكون بينكم اي مكالمه وخاصه انه قريب طليقك اجل ماقدامك الا انك تغيرين المواصلات حاولي وفيه خدمه بالجوال اسمها الجوال كنترول حطيها تمنعين فيها رقمه من الاتصال او رسايله وايام الدراسه فيك تاخذين شريحه من الي تباع بالاسواق اشوفها ياسواق الغربيه اذا انتي من هناك تباع بعشره وعشرين ريال ارسلي له منها اذا غيرتي موعد ذهابك وسكريها او خلي احد يتصل به مثلا اخوك ويقوله فلانه مو رايحه او تعال خذها وان سالوك اهلك قولي احسن البنات يسون كذه وانا مثلهم لاتحاولي تردي عليه وان رديتي ردي بجفا وقولي يابو فلان انا ارد عليك اول من احترامي لك لكن انت تتصل بلا اسباب ارجوك لاتتصل انا احترمك وارجوك قدر واذا قال حمودي بيكلمك قولي مشغوله ومابي اكلم احد وعياله انتي مو ملزومه تحنين عليهم انا اعتقد انه شافك حانه على عياله وقاله عقله ذي ممكن تكون ام لهم وانا اقولك مااعتقد انه يكون مناسب لانه قريب طليقك اتمنى ربي يوفقك |
لم تجيبي على السؤال أختي الكريمة
سؤال أختي الكريمة هل من الممكن أن تقبلينه زوج لو تقدم وخطبك وتعرفين انه مطلق ولديه طفلين وهل هو لديه استعداد ان يتقد م لك أم لا إذا كان سبق وأن فاتحك بالموضوع ارسلي له رسالة وقولي له اذا كنت ترغب بي فباب أهلي مفتوح يمكنك طرقه ولا تكلمينه نهائيا بعد هذه الرسالة اذا كان جاد سوف يأتي لخطبتك |
انااليوم مرة ضايق صدري بقوة صحيت لقيت له 3 مكالمات واناصراحة مابي ارد عليه لاني بضعف ومابي ابين ضعفي لاحد مهمااااااااااااصار مشكلتي طيبتي غلط بس شسوي سعودي 2000 هوماسبق قال لي ععن الزواج اصلا مافتح سييرة واناصراحة مابي اخسر اخرتي عشان واحد بكرة يشوة سمعتي اناوالله ماني راعية شباب ولااحب الصداقات مهماصااااااااار بس مرة مدري شقول الله يفرجهاا انااذا دق برد علية وبقول لوسسمخت لاتكلمني اناماعندي استعداد تسجل عليناا ملائكتنا مكالمتي اناماكلمتك انتي اللي تكلمني وانت ابن الناس ماترضى على اختك وانامابي اكلم شبااب انت راعي النقل وبس وحمودي الله يحفظة ويخلي له امة اناااااااااامابي ربي مايقبل دعائي بسسببه اناانسانة اخاف ربي ويارب يسامحني |
لا تركبين معاه شوفي غيره
واذا دق خلي رجال من اهلك يرد عليه ويسئله وش يبي واذا استمر بزعاجه خلي اهلك يهاوشونه مرررررررة عيب عليه |
إذا مافتح لك موضوع الزواج او لمح لك ابد عنه معناه انسان غير سوي الآفضل تقطعين اي اتصال معاه مهما صار واذا يبغاك على سنة الله ورسوله الطريق معروف للشي هذا والله يستر عليك ويكفيك شره
|
الله يجزاك خير
سعودي 2000 ويخليك ويحقق امانيك شكرررررررررررالردك |
حفظك الله من شياطين الأنس والجن
هو يعرف بيتكم لو يريدك يدله أعوذ بالله من الشيطان الرجيم الذي يوسوس لنا بالمعاصي ويسهلها لنا ليته يموت هو وربعه ونرتاح |
اناملازمة الاستغفاااااار ونيتي زينة وان شاءالله ربي كريم الله يكفيناشرمن به شر اسعدتني ردودكم شكرالكم هومادق وانامرتاحة هالايام والله يسترعلينابسترة ويتقبل دعاااااااائناا |
هلا اختي
ماشاالله عليك انامن الي قلتيه ماشفت شي صار غلط انت كنت مع اولاده وهو حب يشكرك وارسلك رساله بس الي انا حاساه انه يبان عليك حبك له وممكن من اسلوبه معاك تعامل معاك برفق وحنيه حتى تميليه وممكن هاذا اتفاق بينه وبين طليقك([COLOR="Indigo"ويصير ولد خاله طليقي الاووووووووووول )][/COLOR] وبعدين الافضل تقولي لاهلك انه اتصل وطلب منك ماتبلغيهم فانت خفتي منه وهذاهو السبب في تغير الجوال والسائق انت واعيه ماشاالله عليك ومامحتاجه احد يبهك ملاحظه ترى اذا كلمتيه ماتقولي ابداالي ذكرتيه بردك الاخير لانه ماصرح بشي ممكن تكوني فهمت غلط اذابتردي قوليله ياابوفلان خير ان شاالله في شي عسى ماشر وانهي المكالمه على السرييييييييييييييع |
صعبة اقول لاهلي اخااااااااااااف يعاقبوني هواتصل امس 3 مرات ومارديت صراحة مابي اغضب ربي عشان انسان مثل هالاشكال الله يخلي لك اولادك ويسعدك اختي يسلمولردك |
نصيحتي لك بتغيير رقم جوالك
النصيحة الثانية أن لاتركبي معه مرة أخرى للخروج للجامعة إما بتبليغ إدارة الجامعة أنه غير مؤهل للأمانة التي أوكل بها أو أركبي مع سائق أخرى حتى ولو كان على حسابك الخاص كي ينقلك من عملك للجامعة مع محرم سواء كان زوجته أو مجموعة من النساء |
[rainbow]
إنه الشيطان يزيين خطواته وإذا وقعتي فيها تبرأمنك وتركك بعد ضياع عمرك وزهرة شبابك الخلاصة أقطعي كل وسائل الاتصال مع هذا السائق واستبدليه بسائق أتق منه غيري رقم جوالك كي ترتاحين من أزعاجاته والنزول من الدرج خير من أعلاها وباب يجيك منه ريح سده واستريح [/rainbow] |
مااقول ياختي الا الله يحفظك من شياطين الانس والجن
والشيطان يستدرج بني ادم فاحذريه وانتي ماشاء الله عليك انسانه تخافين الله فاستغفري الله ةابتعدي عن كل مايؤدي الى الفتنه |
اقتباس:
الله يصلحك ماتوقعت الموضوع هذا لك:( عليك بالاستغفار |
انتي الغلطانة
المفروض الان تبلغي اهلك مافي شي اسمه اخاف اقولهم ويعاقبوني لو قلتي لهم يكلمني ويدق ويرسل هم بيتصرفو انتي وراكي رجال ولازم يعرف هالشي هذا الحل الوحييييييييد مافي حلول ثانية يابنتي لاتطوليها وهي قصيرة الله يهديكي ويصلحك اذا انتي تخافي الله وتستغفري وخايفة على نفسك ومو عاجبك هالحال لااااازم تبلغي اهلك وبس تحيـــــــــــــــــــــــــــاتي |
حبيبتي انا متابعه موضوعك ونصيحتي غير رقمي باي وسيله او احكي لاهلك صارت معي وكنت خايفه ومرعوبه من اهلي لكن لما تحكي كل اشي بدون كذب وتوضحي كل اشي صدقيني ما راح تشوفي غير الخير منهم هدول اهلك وبخافو عليك من الهوا الطايروحتى لو بهدلوكي شو يعني بظلهم اهلك وغير هيك راح يضل الشيطان يلعب بعقلك مهما كنت قويه انت حطي لحالك حد... نصيحه من اختك .... |
حبيبتي انتي تفااهمي مع امك ووضحيلها الموضوع وهي تتصرف ....
واكيد رااح تقترح تغيير رقمك .. ماأنصحك تدخلي رجال في الموضوع خااصة انه من معارفكم حسب ماذكرتي اخااف تصير مشاكل انتي في غنا عنها.... انتظر المستجداات ..... |
حبيبتي كان الله في عونك
شغلي جوالك واذا اتصل ردي بك لقوة عين وقلي له انت ماتسحي احنا احترمناك فاسات الادب لوباقي دقيت بعلم اهلي ولاتطولين الكلام عشان ماتخبصين ولاتحنين ولاتعطينه فرصه يرد وقلي لامك على السالفة واذارجع دق خليها هي تكلمه وتشوف اش وراه ولاتحطين اختك في طريقه موضوع حمودك قاهرني والله يستر عليك وعلى بنات المسلمين |
يابنات اناامس ماتصل فكة منه
ولوقلت لاهلي ابوي تعبان توة مسوي عملية بعيونة وامي امراة كبيرة وتعرف امة اخاف تكبرالسااااااااالفة واول عقااااااااااااب لي من اهلي بيفصلوني من الجااااااامعه واناامابي اخسرمستقبلي لاني قبل كنت بكلية وجلست سنتين على بال ماحولت للجامعه واناماحب اجلس بالبيت ومابي اخسرشهاااااااداتي تكفوون فيني اللي مكفيني واناااتعرفت لكم اني غلطت وانهالحظة ضعف وتبت الى الله ورمضان على الابوواب وان شاءالله ان توبتي صاادقة اللي يعزني يدعي لي |
اسمحي لي اقول لك انتي غلطانة لما جاتك الرسائل المفروض ما تردي عليه ابدا لو يبغاكي بالحلال وانتي موافقة يجي يخطبك انتبهي تتمادي كثير معاه |
اقتباس:
بناءا على هذا الرد يغلق الموضوع الإشراف.. |
| الساعة الآن 01:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©