|
اقتباس:
ياخوي كون محضر خير وش هالتحليل الأكيد ان ابوها خاتم بيد امها اذا جيت تذكر توقعاتك اذكر كل التوقعات ليه ما تكون زوجته حطة يدها على خدها وحست بألم الضربه وبكت ونادت ابوها وجا ونزلت وطلعت معاه ليه ما يكون زوجته جالسة تطبخ ورجعت بها الذاكرة للموقف انه ضربها وخافت يكررها وقالت لازم اهلي يدرون علشان يحلون هالمشكله ماكملنا سنه ويضربني بنحاش الى ما يتفاهم مع اهلي ياخوان لا تلومون البنت على تصرفها البنت خايفه حتى لو كانت ليلتكم حلوة واليوم الثاني مالقيتها ياخي انا احياننا اتزاعل مع زوجتي ونضحك وتكتم فجاه وش فيك يابنت تو مبسوطين تقول تذكرت هذاك اليوم حصل كذا وكذا استغفر الله العلي العظيم ياخوي يافارس رح تفاهم معهم واترك عنك بلا خاتم بيدها بلا اسواره ما يصير تحكم من اول تجربة واول مشكله يبونك تجي مذلول وما تهاوشها مره ثانيه وش هالمنطق هالكلام يصير لو تتكرر كذا مره او على كل صغيرة وكبيرة تسويها لكن مشكلتك كبيرة يمكن يبون يضمنون ان بنتهم بتعيش معززة ومكرمة عندك بدون ضرب بس انتهى الموضوع بادر انت بس وحدد يوم وروح ماحد راح ينفعك لو كبرت المشكله وثقلت وطنشتهم وبالاخير حصل طلاق ماحد بينفعك من الاعضاء لا انا ولا علو النفس ولا احاسيس وموضوعك بيصير بالصفحة 20 |
يا فارس .. ماحد قالك روح أعتذر .. ولا تروح تجيبها من بيت أبوها ..
انت اعتذرت لها لما ضربتها وانتهى الموضوع ومثل ما جاء ابوها خذها ضروري يرجعها بنفسه هذا شي خالصين منه بس أنا قلت لك قول حق اهلك عشان يبلغونهم أن الغلط من بنتهم لأنك صحيح ضربتها بس تصالحتوا واهي رضت وأنا اعدك يا فارس مثل اخوي ما أرضى أحد يحط من كرامته كبر وإلا صغر أنا قصدي من أخبار أهلك أنك تكون إجابي في تطنيشك .. واهلها بس تتوضح الأمور وبيحسون أن الأمر فلت من يدهم بيرجعونها لك بنفسهم .. وبيكون درس قاسي لهم ويحرمون ياخاذونها من بيتك من غير مبرر لأن هذا انزال من كرامتهم وهي راح تحرم تلعب بالنار البنت واضح أنها حست بغلطها وبدت تتعب .. وهي بنفسها بتقول لهم رجعوني البيت أنت عطهم العلم أنك مراح تجي تاخذها مهما طال الزمن .. وهم بيجيبونها لك قبل العيد ولا له داعي الهدايا .. زوجتك ضروري تتعدل وتتأدب ولا تتصرف من تحت لتحت وتستغل المواقف |
اخي الفاضل نحن في اواخر الشهر الفضيل
اقرأ التوحيد والمعوذات وآية الكرسي وانت ذاهب لبيت حماك ولا تنسى ان تدعو الله سبحانه وتعالى : اللهم اشرح لي صدري ويسر لي امري واحلل عقده من لساني ليفقهو قولي اللهم اجعل اي مخرجا وفرجا من امري ولا تنسى ان تصلي على النبي صلى الله عليع وسلم وانت تدق الجرس وادخل واثق الخطوة يمشي ملكا من يتكل على الله فهو حسبه اصلا كل الشروط والعهود التي التي ستبرم خلال الصلح وتوافق عليها وقت ترجع زوجتك للبيت رح يزول بالتدريج معاهدات بين الدول لا تنفذ بحذافيرها الله يصلح حالكم انت وزوجتك ولا تلوم اهلها كثيرا ضع نفسك مكان والد زوجتك لا سمح الله سمعت ان زوج بنتك ضربها هذا درس لك ولها اجعل حياتكم موده ورحمه اسمك فارس وانت ان شاء الله فارس ولكل شخص من اسمه نصيب قومي ياما تزاعلنا وياما وضعنا شروط وياما اتفقنا وكلو يطير والحياة مستمره حملها خفيف بدنا خبر جميل قبل العيد واحجز في الاوتيل وعوضو اللي فات |
انتبه من مداخل الشيطان ... ضاربها وهاينها ... وممكن فيه شي ماندري عنه ... لكن بقول لك شي المشاكل موجوده بوجود الحياة ... والخطأ لا يكون علاجه بخطأ أكبر ... وليس هناك أفضل من التوجيه الرباني ... امساك بمعروف أو تسريح بإحسان ... واذا كان هناك رجل يستفرد ويستعرض بعضلاته على امرأته فهو فاقد للرجوله حتى وان كان هذا الاستعراض بالطلاق الذي يكون في يد الزوج ولا يكون في يد الزوجه ... وصدقني هناك من فقد حياته وهناك من اهدرت كرامته وأهين فالزوجه لها اب واخوة لا يرضون اهانتها بأي شكل من الاشكال ... ولا تنسى بأن الشيطان الذي جعلك تفقد اعصابك وتهينها قد يتركك هذا الشيطان ليكمل مابدأه مع اخوانها ويجعلهم يفقدون اعصابهم عليك ...
واريد ان تتخيل ويتخيل الاعضاء لو ان اخ زوجتك قرأ موضوعك بالصدفة الن يحس الامبالاة الن يحس الاستهتار الن يحس عدم اكتمال النضج ونقص الوعي فانا لي تحفظ على اسلوبك في الطرح لأن ماأعرفه عن هذا المنتدى الجديه في طرح ومناقشة المواضيع والبعد عن العامية ولغة الشات ... |
http://www.66n.com/pics/hosted/rceo8...wsdlwui05g.gif
اخى الكريم وفقك الله واعانك على ما انت فيه اولا يا اخى لا تشغل نفسك عن هذه الايام المباركة لقد تبقى خمسة ايام فأنشغل فيها بطاعة الله والدعاء والتضرع له سبحانه واطلب ما تريد وهو لن يردك بأذن الله ثم بعد نهاية رمضان افعل لك التصرف بأذن الله ولكن وانت تأخذ قرارك احب ان اذكرك بما آمر الله به سبحانه وتعالى {وَإِنْ خِفْتُمْ شِقَاقَ بَيْنِهِمَا فَابْعَثُواْ حَكَماً مِّنْ أَهْلِهِ وَحَكَماً مِّنْ أَهْلِهَا إِن يُرِيدَا إِصْلاَحاً يُوَفِّقِ اللّهُ بَيْنَهُمَا إِنَّ اللّهَ كَانَ عَلِيماً خَبِيراً }النساء35 {وَإِنِ امْرَأَةٌ خَافَتْ مِن بَعْلِهَا نُشُوزاً أَوْ إِعْرَاضاً فَلاَ جُنَاْحَ عَلَيْهِمَا أَن يُصْلِحَا بَيْنَهُمَا صُلْحاً وَالصُّلْحُ خَيْرٌ وَأُحْضِرَتِ الأَنفُسُ الشُّحَّ وَإِن تُحْسِنُواْ وَتَتَّقُواْ فَإِنَّ اللّهَ كَانَ بِمَا تَعْمَلُونَ خَبِيراً }النساء128 يا اخى انت اخطأت ويجب ان تدفع الثمن بمعنى ما كان يجب ان تصل الى الضرب انت من اعطى لهم السلاح الذى يحاربوك به يمكن ان تغضب وتعاقب ولكن بحيث لا يمسك عليك احد اى خطأ وبطريقة ايضا لا تخسر به حب واحترام زوجتك لك يا اخى اذهب لهم ومعك والدك ومن تثق فى رجاحة علقة وحكمته من آهلك وتحدث معهم وبأذن الله سيحل الله الموضع اسأل الله العلى القدير ان يوفق ما بينك وبين زوجتك ويردها لك ردا جميلا |
اذهب يا أخي ولا عليك من كلام الذين فشلوا في حياتهم وها هم يتذوقون مرارة قراراتهم الغير الحكيمة ويريدون لك أن تتجرع ما يقاسونه يوميا..
أنت ضربتها ونحن لا نطالبك بالإعتذار مرة أخرى بل نريد أن تذهب إليهم وتأخذ والدك معززا مكرما وتتفاهم معهم وتعدهم بألا تعيد الكرة مرة أخرى أبدا.. اذهب يا أخي ولا تضيع هذه الفرصة الذهبية في إثبات رجولتك وأنك عند وعدك, ننتظر أخبار ذهابك.. في أمان الله.. |
الحمد لله روح رجع مرت من غير ما تعتذر لأحد . انت غلطت وتعذرت منها وهي غلطت لما طلعت من البيت رجع مرتك الحين ،،،، بعدين تفاهم معاها بخصوص امووووركم واسراااركم لا تطلع بره ابدا ابدا قولها هالمرة رجعتك لأني ما فهمتك (( عن اسرارنا ماحب احد يعرفها )) الله يسخرها لك ....لاتشتري هدية الا بعد ما ترجع لبيتها علشان ما يفهمووونك غلط ،،، لأرجعت مرتك لبيتها تغلى شوي عليها ...ولما تحس انها ندمانا ومتحسفه ... حطها بعيييوووونك.......... الله يخلييكم لبعض ولا يفرقكم ...ا ولا تضربها مرة ثانيه........ كل امراة تعرف ان اضعف الرجال اللي يمد ايده على امراة..... والله اني فرحتلك الله يفرجها عليك وعلى كل مبتلى ((( غايتي الرضا ))) الفال لك ان شالله .... ما ادري شصار عليييك... |
اقتباس:
واذا لم تعمل به , فابق هنا بالمنتدى عد الردود واعمل لها احصائيه . |
دام هم فتحوا المجال للنقاش
وشناطر اخوي توكل علي الله وروح لهم وبيدك جوال لزوجتك وحلا للبيت وتفاهم انت وزوجتك ورجعها قبل العيد ترى التطنيش ليس حل انا مررت بنفس مشكتك وراحت بيت اهلها ولكن ما قدرت احل الموضوع لاني كنت بغربه بديره ثانيه وظل الموضوع معلق سنتين ليمن وصلنا لطريق مسدود ونسالكم الدعاء |
اخي الكريم فارس الهم
من بداية مشكلتك وانا متابعة لها ولردود الاعضاء الكرام وكنت اتمنى ان ترجع المياه لمجاريها وتتصالحو باسرع وقت _واما الان ومازالت حبيت اذكرك ببعض النقاط المهمه لأني اظنك غفلت عنها: 1_ اصرارك على العناد وتركيزك على بعض الامور بزعم ادخال الكرامه وهذا كله من الشيطان يريد ان تكبر المشكله ويفرق بينكم فلا تلتفت للشيطان اخي الكريم ولا لبعض الردود النافخه في المشكله بغير قصد فممايسعد الشيطان تأجيج وكبر حجم المشكله فالشيطان حريص على أن يفرق بين الرجل وامرأته ففي الحديث الصحيح (إن الشيطان يُرسل أولاده لِيُحَارِّشُوا بين الناس، فيقولُ أحدهم: ما زلتُ به حتى فَارق امرأته، فيقول له: أنتَ أنتَ) فاحذر الشيطان واعوانه ، فأعظم أعوانه وأقربهم إليه من يفرق بين زوجين فاستعذ بالله منه دائمـًا ، 2_ احتسب تسامحك لوجه الله تعالى وأرض الله عنك بارجاع زوجتك وهذا إعفاف لك ولزوجك وفيه ارضاء لربك وقطع الطريق أمام الشيطان للتفريق بينكم .. اسأل الله ان يفرج همك وهم كل مهموم.. |
رووووووووووووووووووووح يافارس
خلها تعيد معاك الله يوفقك عشان خاطر البيبي الجاي |
أخي فارس
كلما ازداد بعدك وتطنيشك لهم زاد الجفاء في القلوب وكبرت الفجوة بينكم إذا أردت حلآ وسطآ فــ خذ أمك واذهب معها اليهم (حكمآ من أهله وحكمآ من أهلها) أسأل الله لنا ولكم الخيرة في أمورنا وأن يصلح شأننا جميعآ أكثر الإستغفار والحمد لله سبحانه في السراء والضراء |
لي عـوده .. وبحـرقه .. الله يعينا عليك يااااااااااااافارس .. |
بشر وش رسيت عليه :)
ووش آخر مستجداتك ؟؟:29: |
رح لها وتفاهم مع ابوها خلك اكبر منهم بالعقل منت خسران شي ابدا ويمكن اهي تفكر في وضعها معاك وتغير 180 درجه
|
مع كلام أحاسيس متناثره اذا ماتبي تروح ومسوي فيها كرامه وما كرامه تحمل بعد ذلك نتيجة عدم روحتك000 |
مع الخيل يا شقرا
رايي من رايهم رووح يافارس وخل عنك الهم |
أخي فارس
متابعه لموضوعك بصمت ولو ضربتها ولم تراضيها لكانت جميع ردودنا ضدك ولكن راضيتها ,وكلنا معك ان ألخطأ بدأ من خروجها من البيت بدون علمك بعد ان عادت المياه لمجاريها.فعليك ان تعتذر _الله يعينك_ مما بدر منك وهم كذلك يصلحوا خطأهم ويرجعون زوجتك لبيتها . أنا مع الاخت أحاسيس متناثره وأؤيدها بشده في قولها أن تعتذر لضربك لها وتبين أن الموضوع كان منتهى بينكم روح لهم وشوف اللي عندهم وأكسر حاجز الصمت اللي بينكم . والمههههههههههم أن اللى أخذها هو اللي يرجعها ليكون هذا ردع لهم مو كل مازعلت بنتهم فتح الباب وأخذ المره من بيت زوجها,والزوج ياغافلين لكم الله أنا أبوي لما صارت مشكله بيني وبين زوجي في بداية زواجنا وأتصل عليه زوجي _ الله لا يعيدها_ تصرف أبي بحكمه تفاهم مع زوجي وبين اللى له واللي عليه ولما جاني طبعا تفرد فينا كل واحد في غرفه تعرفون وش قال؟ قال: زوجك غلطان ليش يتصل علي كان المفروض انه يضربك ولا راح أقوله ليش,أكيد الوالد الله يحفظه مراح يرضي أنه يمد يده ولكن ردع لي عشان ماروح أستقوي وأقول أبوي وهلي بعدها الحمد لله لنا ثمان سنين أن شاء الله العمر كله نحل مشاكلنا بيننا بلعكس زوجي أنحرج من موقف الوالد وندم أنه أتصل عليه . فياأخي لا تهتم لردود من يجرحون في رجولتك وشخصيتك, وماشاء الله ردودك تدل على رجاحة عقلك وحكمتك فخطواتك متأنيه وتنظر بحكمه لخطواتك قبل أن تقدم عيلها. انت معاك حق ضربت ثم أعتذرت وتعهدت والامور ماشيه تمام . المشكله الان خروجها من بيتها بدون علمك !!! . وأن شاء الله أن عادت زوجتك ففتح صفحه جديده ولا تجعل لهذه المشكله العابره عقبه أمامكم والله يسرلك أمرك ويرزقك الحكمة وفصل الخطاب وأسأل الله أن يشرح صدرك وييسر أمرك. |
فـارس وش تبي اكثر من هالكلام ؟؟ ناس واصله معاهم وبنتهم تعبانه وشايله هم الي هي زوجتك اصلا الي تقول عشت معاها احلى ايـامك انت ليش تسوي كذا ؟؟ الحياه الزوجيه شد وارخي ... ماااااااااااااااينفع كذا الله يصلحك اشغلت المسلمين وانا اختك ؟! روح وخـذ ابـوك .. ترا والله عيب والله عيب .. تـروح لوحدك صارلنا نفس الي صار لزوجتك وابـوي طلب يجي زوج اختي وجا لوحده ياان ابـوي احتقره واحتقر ابـوه لأنه يوم جا يخطب جايب عزوته وابـوه يوم تصير المشاكل مانشووووف احد ؟؟ وش هالأسلوب ؟ والله المشكله كبرت حيييييييييييل ولازم تجيب ابـوك عشانك وعشانها عشان يصير معاك مو ضدك الله يعينك اخـوي ويسهل امـرك خلاص كفايه الي قاعد تسـويه ... روح وريح بالك مااااااااااااااااااايصير وش باقي عالعيـد والله قهررررررررررررررررر راح اول رمضان لكم وانتـوا بعيدين عن بعض لاتخلون العيد بعد يجي وانتوا بعيدين ياااااااالقهر والله .. اعوذ بالله منك يابليس .. بشرنا .. |
القصه طولت يا اخوي احسم امرك وانت ادرى بظروفك وبمشكلتك
والله يوفقك |
اقتباس:
الله يوفقك يا فارس ويفرج همك بس علمنا وش آخر مستجداتك |
ما هي آخر مستجداتك أخي؟ بالنا مشغول بمشكلتك..
|
فارس غايب اليـوم ! ان شـاءالله خير ويجي يبشرنا شو صاير معاااااااااااااه ..! |
من طول الغيبات جاب الغنايم
|
اقتباس:
|
جديدك عسى خير
ولاتنسوني من الدعاء |
هالولد والله اقلق عليه
الله يردك بسلامه يرد لك زوجتك:) |
وين فـارس ؟! له له فيـه شي الله يستر بسس .! طمنـا ياخوي .. |
فارس شكله زوجتو رجعتلو ....وياااارب ضني يكون في محله:14:
ونسى المنتدى ونسى الموضوع :22: الله يباركلك يافارس ويوفقك انت وعروستك:17: |
اسال الله ان يردهم لبعض ردا" جميلا" ويرزقهم راحة البال والطمأنينة
|
يارب فرج عني وعن فارس واحسن رجوع زوجاتنا لنا
دعواتكم |
اخر المستجدات سأضعها في موضوع مستقل
|
ننتـظر بفااااااااااااااااااارغ الصبر لاتتأخر .. كل شوي بسوي ريفرش للصفحه عشـان اشوف آخر مستجداتك اخوي فارس .. الله يووووفقك |
اخر مستجداتي (رحت لبيتهم)
السلام عليكم ورحمة الله و بركاته كما يقال كثر الدق يفك اللحام بعد المواضيع الخاصه بمشكلتي و التي بها ما بها من الردود تذكرت قوله عليه الصلاة و السلام لن تحتمع امتي على ضلالة ، حاولت ان احصر الردود فوجدتها تهتف بالذاهاب إلى بيت اهل زوجتي رغم اني غير مقتنع بها بتاتاً و مما زاد الطين بله كما يقال الوالد و الوالدة اللذان جعلا من مشلكتي هذه قضية للشرق الاوسط و كأنه لا يوجد عندهم غيري ، اصرت الوالده على ذهابي و قالت كما قاله النبلاء هنا في هذا الصرح الذي اكن له كل الود و الإحترام بعد ما رايت حرص الآعضاء علي أنا شخصياً و ردودهم خير دليل على ما أقول ، و قالت ياوليدي لازم تروح لا تخرب بيتك بيدك و ياولدي و الله ان الكرامه هي اللي بتخرب بيتك و انت توك بسم الله عليك صغير و صعبه تكون تجربتك الأولى بها الشكل يعني طلاق استهد بالله و انا امك ورح له ياوليدي انت معك حق وشلون تقول كرامه ياوليد الإهانه لكرامتك انك تخلي حقك يضيع من بين يديك ياوليدي لا تخلي الرجال يا خذون حقك و انت تشوف رح و ارفع راسك و طالب باللي لك عندهم و خله يا خذ من راسك و انت خذ من راسه اما تخلي الموضوع كذا صعبه ، فأنا فزيت على حيلي و قلت افا و الله مهيب هي يا ام فارس اضيق صدرك امريني قالت رح قلت وغير ذا الكلام قالت مالك إلا كذا قلت افكر قالت ما ذبحك الا التفكير و لا تؤجل عمل اليوم إلى الغد طبعا هذا الكلام الظهر وقسم بالله من الحماس اللي فيني قلت بروح الحين قالت لا بعد التراويح الوقت مناسب و الناس رايقة على الآخر قلت انا ما ابيه يروق عشان ما يستفرد بي و يتفلسف لا زم اقتحمه اقتحام و ياترى وش الوقت المناسب يا فارس قلت ما لك الا وقت الفطور خل اصدمهم صدمه لها اول مالها اخر قالت امي لا منتب صاحي قلت هذا ذنبك انتي وابي جبتوا ولد مهبول طبعا قعدت تضحك و قالت هذا انت من يوم عرفتك قلت ان عطيته موعد بيجهز الجيوش اللي عنده من ام و اب و بنت(زوجتي) و اخواتها و فيه الي اصغر منها فيها شر موب طبيعي و خالات البنت لأني ادري انهم على تواصل قوي معها لا و ابشركم ثنتين منهم مطلقات بمعنى مدرسه في حرق الزوج حرق و مدرسه في القلق و رفع الضغط و الحشو المهم اذن العصر و صليت و جلست انتظر على احر من الجمر المغرب يجي و قبل المغرب بشوي حركت سيارتي الله يطامنها باسمه و اتجهت لبيتهم و قبل الآذان بشوي قام يستهبل الموتر و طبعا مهوب و قته المهم طفى علي عند ما ئدة من موائد الرحمن و نزلت و افطرت معهم و طبعا مشخص لين قلت ربي الله و كل العالم مستغربين هنود و بنقاليه يناظرون و يقولون غريبه و يتكلمون مع بعض و حسيت انهم يقولون الله لا يبلانا سعودي و يفطر معنا ؟ المهم قمت صليت المغرب و انا طالع قلت لازم اصلي استخارة و صليت و رحت للموتر و اشتغل ابشركم ووصلت بيتهم بعد الصلاة تقريباً بثلث او ربع ولقيت موتر ابوها و اقف عند الباب ووقفت و اول ما نزلت رحت للمسجد قلت يمكن القاه لانه راعي طاعة الله يجزاه خير بس ما لقيته على طول رنيت الجرس محد رد بعدها بدقايق رنيت محد رد قلت غريبه و كانت لمبه المجلس طافيه و بعدها بشوي ولعت قلت زين اكيد انه محيوس و بيرتبونه شوي إلا طفت اللمبه و انفتحت الدريشه و كأن فيه احد يطل و شافني وعودت ارن رن ما رنه اللي منيب قايله و لكن لا مجيب و طبعا هم شايفيني ميه بالميه و جلست حوالي نص ساعة على قدم وساق ولا احد عبرنا و قال مين بس طاحت عيني على غرفه مولعه لمبتها وباين اللي ورا الدريشه و قسم بالله كنهم براصي و انتم بكرامه لازقين في الدريشه كثيرين مدري و ش عندهم اكيد شافوا سيارتي و شافوني بس محد عبرني و شوي إلا ارتفعت سماعة الجرس بس بدون مين احتري مين ما فيه مين لين قلت انا : مين طبعا من اللقافة فقط لا غير و على طول تسكرت في و جهي السماعة لو داري ما قلت شي مدري وش قصدهم يحسبوني مهبول احاتسي عمري ولا وشلون ؟ و قلت ياولد الظاهر مالك محل عندهم ورحت عن البيت شوي و مدري و ش اللي خلاني اعود ويوم عودت لقيت الدريشه عليها بشر يناظرون ؟ والله غريبه وش رايكم ايها الاعضاء فيما حدث لي و ما تفسيره ؟ |
لالالالا وش هالأسلوب الي ماهقيناااااااااااااااااااه منهم ؟ افـــــــــــــــــــــــا ~ نص ساعه قاعد تدق ولاحـد رد عليك ويناظرون ولايفتحون ؟؟ معقـوله ؟؟؟؟ لاتعليـق .. مير الله يجزاك خير .. والله سويت الي عليـك ورحت وتبي تشوف خاطرهم وتشوووف زوجتك مير الوضع عندهم ابـد .. مايطمن ~ الله يصلح شـؤون خلقه ؟ لاتعليـــق من قلب .. <<< مصـدومه من ردة الفعل ؟! حسبي الله ونعـم الوكيل .. |
ترى اللي بيقول رح بسوي نفسي ما سمعته و اطل عليه مع الدريشه << يعني اطنشه مثل ما طنشوني
اخ بس ياليت ما فيه درايش عشان توجعهم بطونهم و يفتحون و ينصدمون إن شاء الله آآآآآآه وقسم من قلب |
ههههههههههههههه الله يسعدك ويوفقك ....ضحكتني وفيني هموم الدنيا....لازم تكلمهم قبل
عشان يستعدونلك مو كذا الله يهديك |
صح فارس يمكن ان مجلسهم مو نظيف مشرقين ملابسهم وحووووسه ولا يمكن عندهم نفاس هههههههههههههه والله صدز ليش ماكلمتهم واذا كنت خايف ورا ماخذت معاك جيش عشان يحمونك ؟ ولا كلم الأمن العام يجون معاك يفزعون لك هع الله ياااااااااااخذ ابليسك .. اجل يطلطلون من الدرايش ؟؟ وربي ان منظرهم لوحده يموت ضحك ههههههههههه بس ماقول غير الله يصلحهم بس .. |
اقتباس:
|
ما تمنيت اني اقرى هالكلام
واسفابه بس ماعندها اخوان طيب يمكن ابوها معزوم عند احد هالجيران |
| الساعة الآن 05:32 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©