|
والله ضحكتني بس بصراحة عجبني تمسكك بموقفك طالما انت على حق
|
ماشاء الله يابختها
|
الحمدلله حمدآ كثيرآ
ألف مبروك على الصلح والله يديم المحبه والألفه بينكم زوجتك أكلت درس عمرها ماراح تنساه وأتوقع هالحركه بتعيد لها حساباتها وبتحاسب على تصرفاتها معاك فيما بعد00 بس أنت عاد لاتكثر منها وشد ورخي معها الله يوفقكم00 |
اقتباس:
وبعض الحريم لا تقولهم على طول روح تزوج وجيب لها ضرتها في البيت :d والاسلوب جداً انسان ليش مو عاجبك ؟ خليها تعرف ان اللي خلقها خلق غيرها واذا تدلعت ومصختها وكرهت زوجها عيشته على طول بيجيب وحده جديده كرت :d |
ماشاء الله عليك جبتها والله
الله يسعدك ويهدي سرك |
خلاص أنا وجدت الأسلوب استفزازي و ليس علاجي ’’’ و لم تذكر أتك جربت التلميح بدل هذه الخطة اللي اقصده و انت ما فهمته انك مو ناوي تتزوج , بس زرعت بذرة في زوجتك تقول:: أنك ليس بذات الأهمية بحيث مجرد جلوسك في بيت أهلك كم يوم و كم عيب فأنا على طول فكرت بأخرى رغم أن اسباب الزواج بأخرى ’ لاتكون عادلة برأيي إذا كان لقهر الزوجة وهل أنت اخبرتها الآن انه درس أم تركت الأمر كما هو!! ... لا أدري و لكن قد تستهين بجرح النفسية لدى زوجتك فبهذه الحالة نعذرك.. أنا لن و لن أنبه زوجي بخطأه بقهره و هو لن يفعل فالنقاش الجاد و الصارم هو أول خطوة لكل علاج في النهاية و أنت وزوجتك تنجازوا تتزوج عليها ,تحرق أعصابها , خلاص مدام هذا علاجها , الله يعينك و يعينها و نصيحتي , اعرف أن المرأة عاطفية ,,كالقارورة حافظ عليها من الخدش الحمد لله على كل حال ... |
ياخي مشلكتك بسيطة زوجتك مهما تصرفت معك من تصرفات تظل إمراءة تذوب بالكلمة الحلوة تذوب بالهدية تذوب بالكلام الذوق اللي ينقط عسل جرب هالوصفة و اكيد ان شاء الله راح تنفع معها حاول تخليها قريبه منك دائماً عاملها بالحسنى و حسن نيتك و صدقني طريقة سردك للمشكلة فيها نوع من الذمر و ما الومك لكن انت الرجل و هي المرأة اثقل شوي و لا تعطي الامور اكبر من حجمها و ما دام زوجتك من جنس البشر فثق تمام الثقة انها قابلة للتغيير بالاسلوب المباشر او غير المباشر ، ليش ما تقولها وين حركات الدلع و الانوثة يا حبيبتي ، اكيد هالحركات بتضيعني وانا ودي اضيع و من هالرخيص لين تتعدل و اترك الباقي على الله ، و لكن معك حق انك تشيل هم لانه كما يقال غير جبل و لا تغير طبع تصدق اعرف دكتور درسني في الجامعة فيه حراكات نعومة ورقه تقول بنت و يدينه لا عب فيها جرجنز ناعمة تقول حرير وصوته يالله ينسمع مرة
و يستحي من الطلاب بشكل رهيب مدري وشلون خلوه يدرس المهم طلع الدكتور متربي مع 7 بنات وهو الولد الوحيد بينهم فالبتالي اثرت البيئة النسوية عليه ، واعرف اب لديه 5 بنات وليس لديه اولاد تجلس معه تقول جالس مع حرمه يخاف على ادنى شي و يشيل هم مثل الحريم على اللي يسوى و اللي ما يسوى ، طبيعي يصير مثل هذا التأثير بسبب البيئة لكن ما فيه شي مستحيل حاول تجي مرتك من طريق ثاني و لا تحاول تمد يدك عليها مثلي لان عندها 3 اخوان يعني انتبه < خطر علي حياتك ، واخي لا تستقوي على حرمه قسم بالله مهي من الرجوله انك تضرب مره و مهما كان السبب لا تمد يدك صدقني قد تأخذ الشي بالصمت اكثر من انك تاخذه باليد انت معي اتمنى لك حياة طيبه و سعيدة اخوك فارس . |
ماشاء الله..الف مبروك والله يحفظكم ويسعدكم
|
الله يهنيكم يا رب
وعقبااااااااااال باقي المشاكل ونلاقي قسم المشاكل المحلوله مكتظ بالمواضيع المحلوله واخونا فارس السعاده غير اسمك لفارس الاحلام اي فارس تريد غير الهم الله لا يهم حد |
بارك الله لكما صلحكما وجمع بينكما بخير
ونفسي وزوجي والمسلمين اخي يجب ان تستغل باكورة عمر زواجما في تطوير نفسكما اقصد الان المسؤليات اقل فاقترح ان تدخل زوجتك دورات لتطوير الذات بتشجيع منك وفقني الله واياكم |
أبو جوري مبرووووووووووووك الأنتصار واستسلام ام جوري
بس والله عندي سؤال وبأمانه وبصراحه أنت فعلا كنت ناوي تتزوج علي زوجتك يعني اذا امك راحت وشافت البنت وزوجتك ما ردت عليك ولا ارسلت لك مسجااااااااااااااات هل كنت بتكمل موضوع زواجك الثاني وانت الموضوع هذا بديت فيه كفكرة ترهيب ولا تهذيب يعني شو اللي دار بخاطرك ؟ ولي أن شاء الله مداخله معاك مره ثانيه بس علي حسب ردك صحيح انه الموضوع خلص بالنسبه لك بس حابه أستفيد من تجارب الغير |
اقتباس:
اممممممممممممم :) اول شي الله يبارك فيك صراحه لا لان ام جوري عندي بالدنيا وربي .. بس ثقالة دمها ونكدها هو الشي اللي مطفشني منها ولا ام جــوري الصراحه الصراااااااحه .. ما ابدل غيرها لو شنو ماصار الحركه كلها وسيلة ترهيب بس واخليها تقول في نفسها اذا جننته وطفشته بيتزوج وحده ثانيه وانا بيعطيني خروج نهائي .. وهذا مو سهل والله بالنسبه لي لان اغلب المشاكل لو تشوفها من منظور ثاني تلاقيها تافهه فـ مو معقول عشان مشكله تافهه اروح اتزوج عليها .. ولا تنسي انها ام الغاليه ( جوري ) بتحملها ع الاقل عشان خاطر بنتي وهذا درس لها ماتنساه فحياتها شاكر مرورك واهتمامك :d |
يا خي زوجتك ماشاءالله عليها تحب تفوير الاعصاب يعني اذا فورت اعصابك تنبسط..
انت قابلها ببرود وفور اعصابها في شي هي تحبه بس خل الدعوه برود واذا بدت تعصب قول لها تستاهلين محد قال لك تتحرشين فيني واضحك وخذها على انها مزحه .. وبعدين على الطبخ حدد لها يومين في الشهر تطلع انت وياها للمطعم واذا كانت في يوم تعبانه جيب لها من المطعم يكون لها عذر.. فهمها انك ماتحب اكل المطاعم وخلها تطبخ لك من ايدينها الحلوه ... على حركات المكتسبه انت تقدر تخليها قمممممة الانوثه بأسلوبك ... زوجتك فيها عناد انت تقدر تخلي عنادها في صالحك يعني اذا قالت لك بسوي كذا تفاهم معها خلها تتقتنع بوجه نظرك انت لاتحط في بالك انها بتقتنع لأن اذا سويت كذا ولا اقتنعت راح تفهم هذا الشي امر منك وهي ماتحب الامر... |
صح كلام المختار
واذا بغيت تغير شي في زوجتك امدح لها بنات من التلفزيون .. قول لها ايوه هذا الحريم .. نعومه واناقه .. مو ترفع يدها كنها رجال .. ووو الخ يعني قارن الاشياء اللي تضايقك منها مع البنات اللي بالتلفزيون رح تمووووووت غيره وتتغير عشانك على ضمانتي .. شفت حلقه طاش ماطاش .. انا ماتابعه بس شفت حلقه حق ناصر القصبي زوجته ماتحب تطبخ صار يجيب اكل من جيرانهم ويقول هذا من بنت خويي ماشاء الله عليها اكلها روووعه ويمدح باكلها انت سو كذا وامدح البنت الوهميه وقول لها يقول ابوها انها ماتقصر وتنظف وتطبخ وكل شيء عليها ماشاء الله عليها رغم انها صغيره عمرها 17 سنه بس بعدين قول .. وانتي بعد يا زوجتي ماتقصرين وبعدين كل يوم جيب اكل قول انا بريحك من الطبخ يازوجتي دام بنت فلان بترسل لنا ماشاء الله عليها كل يوم شكل .. قلت لابوها لاعاد ترسلون بس وشش اسوي بنته مصره الا نذوق اكلها.. وبعدين قول .. فلان عازمني اليوم عالاكل .. وماقدرت ارفض انتي تغدي لحالك تبين اشتري لك اكل؟؟ ولا رجعت امدح تنظيف البيت وكذا .. راح تموت غييييييييره وتبدأ تتنافس معها انت قول لزوجتك خلاص بكره لاتطبخين وكل مره كذا .. قول فلانه بترسل اكل منهم وانا مابي اتعبك يازوجتي .. ودبر الاكل من اي مطعم طبخه مثل البيت بس مؤقت يعني اسبوع او اسبوعين حتى تعطيها درس وااذا تبي تعطيها درس عن معاملتها معك تقدر تقول ان بنت فلان دخلت عليك بالغلط .. وانك لمحت عليها النعومه وووو الخ بس انت سو اللي تحسه مناسب لك ولزوجتك لاتزود عليها لاتمووووووت عليك .. انتبه |
السلام عليكم
اتبع الرسول صلى الله عليه وسلم فكان اذا اراد ان ينصح شخص مدحه واظهر صفاته الحسنه اولا ثم يقول لو انه يكون كذا الله يهديكم لبعض |
الله يعطيكم العافيه ويسعدكم على مروركم يارب وابشركم صارت الاوضاع ميه ميه تغير الوضع 180 درجه والله يديم المحبه يارب |
يُغلـــــــــــــــــــق
مع ارسااال نسخة للمشاكل المحلووولة |
| الساعة الآن 05:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©