|
اقتباس:
|
بقولك شي وعن تجربة
المرأة وهي حامل تصير بسم الله كانها شيطااااااااان لازم يارجال تفهمو هالشي اولا تعب وقرف وتغيرات فيها ككل ..... صدقني لو راعيتها بهالفترة والله مارح تنساها لك بس تعرف متى رح تفهم بعد ولادتها اذا رجعت انسانة طبيعية وقتها انت تقولها انا كنت اراعيك واحن عليك بسبب تعبك ووضعك .. وقتها انت فهمها زي ماتبي لكن وهي حامل والله صعب عليكم اثنين .. المشاكل مو بس تاثر عليها تاثر حتى عالبيبي .. والشي الثاني في ثالث يوم زواجي كنا في المطار وتاخرنا على الرحلة وعلشان نطلع بالرحلة نصحونا نروح لشخص معين يوم رحنا له ضبط لنا الرحلة وحس انه احنا عرسان قام يقول لنا انا بنصحكم انتم شكلك توكم جديدين :) يقول انا لي 30 سنة متزوج والحمدلله مبسوط والسبب اني ولاعمري نمت زعلان ولا تركت زوجتي تنام وهي زعلانة يقول المشكلة اذا باتت عفنت وكبرت لكن اذا سكرنا عليها تنتهي وتنسى وفعلا واااااااالله اكبر مشكلة لما نطنش ويبقى الزعل في قلوبنا ويجي وراه موقف ثاني وتكبر لانها تصير تراكمات نصيحتي لك حافظ على بيتك .. زوجتك شكلها صغيرة وغير كذا هي الحين ماهي في وضعها الطبيعي ... الحمل والله صععععععععععععب مرة الله يسخركم لبعض ويالف بين قلوبكم اسفة عالاطالة |
اقتباس:
وانتوا يالحريم عليكم تصرفات تفقع المراره ليه تقولون كلام يسم البدن ودني لأهلي بروح لاهلي بنام عندهم وتبونا نقول لكم ما نقدر على بعدكم والله حالة |
اقتباس:
اولا ما اقدر اضحك بوجهك يازوجتي العزيزه واسولف معاك وانا اذا سألتك عن شئ او كلمتك ما تردين علي او تردين بنفس خايسه شلون تبيني اضحك وعلى ايش اضحك وأسولف وانا اذا سولفت تناظرين فيني كانك تناظرين تلفزيون يعني مافيه ملامح متابعة السالفه او اي شئ من هذا القبيل وتبيني اكمل سواليف واضحك معاك ؟؟ |
اقتباس:
تجيب لي فلوس من راتبها لو هي موظفه اقولك ممكن تساعدني بمصروفها اللي اعطيه لها كل شهر توفر منه وتقول هذا توفيري وتتقاسمه معاي ممكن اما انها تجيب لي فلوس من ابوها وتتقاسمها معاي فأسمحي لي هذا عيب عيب لي انا كرجل انا قبل اشتري اي شئ اشتري اغراضها اول وازيد على مصروفها من جيبي ومصروف البيت ازيد عليه من جيبي ولا ارد خاطرها بشئ تبيه حتى الجوال لو صدرت الفواتير والميزانية ما تكفي اسدد جوالها واترك جوالي استقبال والان بيفصل مؤقت لان اخر 3 شهور اسدد جوالها واترك جوالي استقبال واشحنه وكل هذا ولله الحمد اوزن اموري واظبط اولوياتي ورغباتها من اولوياتي تروحين من وراي تتشكين عند اهلك انه ماعندنا فلوس نسافر معاكم ؟؟؟ يعني مثلاً ابوك بيسافر بخواتك وبقسم عائلتكم نصفين بنات على جنب وانا وابوك على جنب وزود على هذا بقوله استأجر لي شقة ولو احتجنا نشتري شئ وش اقوله ياخال عطني 100 بنتك تبي كذا وكذا ؟؟؟ ماقلتها لأبوي ولا خذت منه ريال علشان اسويها مع ابوها وين احفظ ماء وجهي انا وانا اسافر معاهم بسيارتي ونوقف نعبي بنزين واقوله عب لي معاك بنزين والسكن استأجر لي معاك والعشاء احسب حسابنا معك هزلت لو سويت كذا ما اصير رجال وبنقهر من هاللي صاير اقتباس:
مابي رسايل ابيها تريحني شوي وتريح ملائكتي ليه كثرة هالمشاوير واللخبطه والنوم عند اهلها اللي ماله داعي ليه حبكت التسوق على اخر ايام رمضان واحتمال يومها يكون ليلة قدر وفاتني الوقوف عليها ليه التاخير مو رمضان كله موجود ليه التاخير الى آخر اللحظات واخر شئ رسايل شكر انا مستعد ارسل لها مليووون رساله اذا خلصت تسوق ومحلات وجهزة نفسها قبل 20 رمضان فيه ناس كذا ما يجي نص رمضان الا اغراضهم بالدواليب معلقه وجاهزة الا انا ما خلصت مشاويري الا الساعة 2 قبل صلاة العيد ب 3 ساعات انام بفراشي وش هالمنطق واي عيد اللي بحسس فيه وانا مهدود حيلي |
ولل عليكم ياعاشق الجواهر
والله اموركم بسيطة جدا يبيلك شوية صمت مع صبر ودعوات بالليل وبصلاتك واموركم بتمشي زي العسل والحب واضح من زوجتك لك ااااه لو تشوف مشكلتي تهون عليك كل امورك |
شده وتزووووووووووووول ،،، فتره وبتعدي
شي طبيعي بما اني الزوجه حامل فأكيد مزاجها احيانآ يتعكر بس ان شاء الله بعد ماتقوم بالسلامه كل الامور بترد مثل قبل واحسن خصوصآ، يوم تشوفوا ضناكم بينكم وتنسوا الدنيا ومافيها.. تقبل مروري |
عاشق الجواهر
هي غلطانة صح بس غلطتها كأي وحدة جديدة على الزواج ماتدرك تماما مواطن غضبك ورضالك تأكد هي كل يوم تتعلم لاحظ اهلها عادي طالعين نهاية الشهر ولاعندهم مشكلة فهي تمشي على نمط طول عمرها ماشية عليه بس أكيد راح تميل للي يرضيك بس أصبر عليها أتوقع كلام بعض الأعضاء أثر عليك لما قالوا مدلعها وماادري ايش بس فكر بعقلك لو ماجت من زوجها بتجي من مين! ولو ماعطيت لباسك وسترك وأم أطفالك بتعطي مين! للأسف حنا عايشين بمجتمع يخلي المرأة تخضع خضوع كامل للرجل ولو أخطى عليها بينما لو عاشر الرجل زوجته بالحسنى أكلوه بالكلام هذي كلها موروثات اجتماعية تأمل حديث النبي بيوم العيد لما كانت عائشة تشاهد الأحباش كان هدفها تشوف قدرها عند النبي صلى الله عليه وسلم بمثل هالمواقف نعرف مقدار محبتنا بقلوب أزواجنا بوقفتهم معنا وصبرهم على اعوجاجنا وهو يوم وعدا وبفضل الله ثم فضلك لبست اللي بخاطرها واستانست وهي انا متأكدة مو من النوع اللي ضعيفة شخصياتهم ممكن المعروف يقلبها واضح ان بنت الحلال طيبة وفاهمة خلي عنك وساوس الشيطان واحتسب تعبك عند ربك كتفريج كربة وقضاء حاجة مسلم وكافي تشيل بقلبك الله يصلح سركم يارب |
أي والله ياأخوي واااااضح أن زوجتك بنت حلال وطيبببببببة وتحبك
لا تستعجل عليها هي كل يوم تتعلم وش تحب وش تكره وماشاء الله عليها مطيعة تطبق اللي تقوله لها وهذا معناه أنها عاقلة بس لسه مو عارفة كيف تسير حياتها وأنت بتمشيها على كيفك وبتعلمها كل شيء تحبه لاتتوقع انها بنفسها بتعرف اش تحب واش تكره ...لا يااخوي أنت بتعلمها عند كل موقف وبتاخذ منه درس قول الحمد لله بعض الزوجات يعاندوا أزواجهم ويحطوا رأسهم برأسهم وانت زوجتك بنت حلال ومعدنها طيب بس على نياتها ولاتنسى هذا أول رمضان وهي ملخبطة ومو عارفة تدبر أمورها عندك مع مسئولياتها الجديدة من بيت وحمل وغيره الأن أعطيها درس بإذن الله لو ربي بلغنا رمضان الجاي أي مشاوير بعد 20 رمضان ممنوعة لو يكون مايكون وهي بتمشي على أمرك وبتطيعك وكمان ماقصرت واعطيتها درس ثاني أن أي ريال من أهلها ماتعطيك إياه لأنك رجل ومافتحت بيت إلا وأنت قدها وصدقني اعطتك من حبها لك فلا تقسو عليها وحن عليها وفهمها بحنية وبتلاقيها مثل الخاتم بأصبعك والمثل يقول (كل دقة بتعليمة) وياكثر الدقات اللي أكلناها لين تعلمنا . ربي يهدي سركم ويسعدكم وترى ياأخوي خذها نصيحة لاتكبر الأمور وهي صغيرة ترى الدنيا ماتستاهل. |
وعليكم السلام جميعا غايتي الرضا والله اني متابع لوضعك واتمنى تنحل مشاكلك بأقرب وقت
اشكركم جميعا وقرأت الردود رد رد وحاب اقولكم اني ما خذت الموضوع كمشكله لا صغيره ولا كبيرة بس اسلوب وشئ تضايقت منه والزعل من أسبوع منتهي يعني تقريباً من يوم الأحد الماضي ولا اعطيت المشكله اهمية تذكر بس فيني شوية ضيقه من المشاوير على اخر رمضان ... اخر رمضان مو حق اسواق ومشاوير ياعالم ماحد يدري اذا بيعيش لرمضان الجاي او بيتوفاه الله يوم الاحد الماضي راحت للسوق مع عماتها ولما رجعت لها بعد ساعتين لقيتها شاريه لي هديه مراضاه لاننا واحنا رايحين للسوق سألتني انت باقي زعلان وقلت لها لا ودردشنا شوي باللي حصل وانه رمضان شهر خيرات الناس طول هالشهور تنتظره واذا جا اخره تشوفين العالم بالمساجد وهي قالت معليش انت عارف وضعي هالسنة حامل ونفسي تغم علي وحومة تسبد ومالي خلق اطلع وكسل وتراضينا ولله الحمد منذ مبطي ماكان مفروض انزل الموضوع لانه زعل بسيط وصغير ولا يستاهل زعل اصلا بس وش نسوي فيكم العيشة معاكم صعبة والعيشة بدونكم مستحيلة |
اقتباس:
تـصـدق اول مـرة تـقـول كـلام صــح ...:22: تراها مـزحـة اخـوي عاشق الجواهـر........:d والله يجمع بينكما على خـيـر ويديم المحبة والوئام بينكما عزوبي:21: بس:d رجل:30: |
اقتباس:
هههههههههههههههههه الله مير يسلمك عزوبي :29: بس :18: رجل :15: <<< غير صورك |
مبروك الصلح
خلاص خلهم يحطونه بقسم المشاكل المحلوله عقبالي يااارب |
اقتباس:
صح الموضوع منتهي ولله الحمد بس انت ليه توافق لها تروح بيت اهلها عشان ترتاح كم يوم !!!! يعني اخذت في خاطرك انها طلبت تروح بيت اهلها واعتبرتها مسألة كرامة !!! بس انا قريت لك في احد الردود انك مرة ارسلتهااااااا لبيت ابوها لانها رفعت صوتها عليك !!!!!!! ليه ترضاها لها وماترضاها على نفسك ليه ماتحلون مشاكلكم داخل اسوار بيتكم بدل الفضائح والجروح اللي ماراح تنسى الا بصعوبة ..؟؟؟؟ ليه ماتتفاهمون و حتى تتزاعلون بس بينكم وبين بعض ؟؟؟؟ والساتر الله اسفه بس انصدمت قبل شوي قريت لك رد انك ارسلتها و انقهرت اضف لذلك ان احد اقاربي كان يتفق مع زوجته ان اي مشكله بينهم تروح عند اهلها من 3 الى 5 ايام عشان النفوس تهدأ!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!! والعجيب في الموضوع انهم شايفين انفسهم مثالييين بهالقرار !!!!!!!!!!!!!!!! واللي صدمني اكثر ان حياتهم انتهت بالطلاق : ( لان مافيه بينهم اي ترابط نفسي عاطفي .. كل يوم وهو متفارقين بسبب مشاكل الدنيا الله لايجيب فراق بينك وبين زوجتك بس اضطريت اذكر هالقصة لان هذا وقتها |
اقتباس:
بنااء على هذااا الرد ينسخ للمشاكل المحلووولة الله يوفقكم ويخليكم لبعض |
مبرووووووووووك الصلح اخوي عاشق
|
اقتباس:
وانا ما ارسلتها بنفس لحظة الزعل والغضب اليوم الثاني قابلت جارنا بالشقة قبل انتقل للدور العلوي ببيت الوالد الله يطول بعمره وقالي يا اخ عاشق انا بعطيك نصيحه العماره مليانه عوائل وانا مار بالصدفه سمعت صوت المدام صوتها مرتفع يعني علشانك اخ وعزيز ادخلوا الغرفه وتفاهموا بهدوء عيب كل من مر من عند باب الشقه وباب شقتكم قريب من الدرج يسمع هواشكم <<<< تخيلي جارك يقولك هالكلام وش ردة فعلك سألته وش سمعت قال يعني سمعتك وانت تقول لا تفشلينا عند الجيران ومن هالكلام انا انقهرت ولما دخلت البيت قالت بروح لأهلي قلت ابركها من ساعة ترفعين صوتك وتفضحينا عند الجيران وتقولين بروح لاهلي وبجلس اتعوذ من الشيطان خلاص مافيها روحي غلطان ولا مو غلطان يالله مشينا وثاني شئ اختي الكريمه انا ما ارفع صوتي عليها انا ما ارفع صوتي على الهنود اللي يحوسون شغلنا بالشركة وباقي الموظفين يشوتونهم ارفع صوتي عليها ازجرها ازعل منها اتكلم بجديه بدون مزح وكلام بنبره خشنه هذا بالنسبه لي صراخي وقولي الحمد لله انها جات على كذا هذاك اليوم لان ابوها لو مو متفهم للوضع وحجم خطأ بنته بتستمر حياتنا بكل مشكله رفعة صوت وللعلم المشكله كانت مستمره 4 أيام وانا اراضيها وتعوذي من الشيطان وعيب وقصري صوتك ما يصير كذا فضحتينا الجيران ما نفع وش كان الحل الافضل برأيك يا مزاجي غير ؟؟ وهي بس رفعة صوت وبروح لاهلي كل هالايام اللي مضت ؟ عموما مشاكل يمر فيها اي زوجين استوقفني ردك مع اني ماكنت حاب ارجع لسنة المشاكل خصوصا اني انتظر مولود حالياً :15: |
اقتباس:
الله يبارك فيك اختي في الله |
الحمد لله على انتهاء مشكلتكم وان شاء الله تكون اخر المشاكل ... وانا من رأيي انها تستاهل لها هدية ... حتى وان كانت بسيطة ... حتى وان كانت وردة تضعها لها على التسريحة وتحت الورده رساله لو ماتكتب فيها ... الا ... أحبك ... أحبــــــــــــــــــــــــــــــك ... أحبك ...
صدقني مجرد سؤالها لك ... انت لسا زعلان ... كبير ... وهديتها وان كانت بسيطة الا انها كبيرة ... لأن السؤال والهدية كانوا في وقت كنتوا فيه متوترين والنفوس شايله على بعضها ... ورغم هذا ... ذوبت كل جليد ... الزعل ... والنفس ... داست عليهم لأجلك ... زوجتك ... انسانه طيبة وتحبك ... حافظ عليها اخي ... وحاول قد ماتقدر ... كل ماصار موقف بينكم وزعلت منها ... تذكر انها تحبك ... واكبر دليل سؤالها وهديتها ... الله يخليكم لبعض ويديم المحبة بينكم ويهدي نفوسكم على طول ويرزقكم الذرية الصالحة ويكفيكم شر انفسكم وشر الناس وشر الشيطان ... انا لا أعرفكم ... ولكن ... احب الحب ... وحسيته موجود بينكم ... بس لازم تحافظوا عليه ... ولهااان |
مبارك الصلح
وعقبال باقي المشاكل قولو آمين المشاكل الصغيره ملح الحياة عشان الصلح يكون طعمو حلو الله يهنيكم يا رب وقل لزوجتك ما يسوا الزعل عشان البيبي ببطنها عاوزينو ينزل عم يضحك مش يبكي |
اقتباس:
انا ماقصدت الصوت العالي يوم اقول لك ترضاها عليها وماترضاها على نفسك وعموماً ماكنت ادري ان هذي هي تفاصيل القصة وبكذا يكون عداك العيب ولكن انت تكلمت باختصار شديد يخل بفهم القصة . فأنا اعتقدت انك انجرحت حين طلبت هي ان تذهب بيت اهلها,,, وما زعلت عليها ولاحسيت بموقفها حين ذهبت بها الى بيت اهلها بعد رفعة صوتها عليك . طلعت هي اللي راغبة اعتذر عن سوء الفهم وعن تقليب المواجع . |
ادام الله الصلح بينكم ورزقكم الانس والسعادة
|
يُغلــــــــــــــــق
مع ارسااال نسخة للمشاااكل المحلولة |
| الساعة الآن 03:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©