|
معليه مع احترامي لأبوك
البيوت مو على الشجر اقطف بيت واسكن فيه وانتهينا البيوت حوسه القرار بيدك تبين ترجعين والا تخربين على نفسك قولي لأبوك خلاص ناخذ منه تعهد خلال سنه نلقى بيت واذا ما وفى بالعهد لكل حادث حديث |
اقتباس:
صراحه اذا انتى من الاول رضيتى وعيشتى مع اهلو اتحملى وارجعى |
.. يالله يا أختي , أتخذي قرارك , وأرجعي لبيتك , وضمي بنتك لحضنك , واذا في مكان في بيت اهل زوجك , حاولوا تبنون لكم غرفه ثانيه مع غرفتكم وصاله صغيره ومطبخ صغير , ولمي عائلتك تحت جناحك .. مو لازم تبنون بالاسمنت والطوب .. انا صاحبتي كان عندها غرفه وحمام بس ( وانتو بكرامه ) .. وبعدين لما جابت العيال .. بنت لهم غرفه بالخشب وصاله كمان , وغلفت المكان بسفنج يمتص الحراره .. وطلع المكان حلو وراقي .. مؤقتا لما الله يفرجها ..
|
والله ياعزيزتي ترى الكرامة الزايدة هذي اسمحيلي بتوديك في داهية وتخرب بيتك معليش مافي بيت يجي خلال شهر وبعدين ماادري انتي لما تزوجتي كنتي عارفة بالشيء هذا اقصد انك حتكوني مع اهل زوجك او انك شرطتي في عقد الزواج ان يكون لك مسكن خاص اذا لم يكن كذلك خلاص ارضي بالواقع وطالما زوجك يحبك ويريدك ارجعيي له قبل ماتخسريه للابد معليش خلي لك شخصية ورأي خاص فيك واسمحيلي احيانا الاهل يخربوا حياة بنتهم من غير مايحسوا عشان كذا استخيري وكلمي ابوك واخبريه اتك وافقت على قرار زوجك ومن هنا لسنة يحلها الف حلال
|
صباح الخير
انا في هم ما يعلم بة الا الله للحين مشكلتي ما نحلت زوجي صار كلمني ويبني ارجعلة بس طلع طرف ثاني رافض الرجعة الي هي امي امس تكلمت علي وقالت رجعة ما ترجعين لين ينفذ كل طلابتك وقلت لة علشان بنتي ابي ارجع وهو وعدني انة اذا تحسنت المزانية راح اطلع بس امي رفضت قالت اذا مايرضى الورقة بلاش يجيبها وانا من امس منصدمة ما قدر هذي امي وهذاك زوجي والحالة كل ما زالات تتصعب وقالت اذا عارضتي كلامي فالبيت هذا يتعذرك وماتدخلينة ادعولي ان الله يفرج همي وسخرلي امي وزوجي.... |
فرج الله همك ونفس كربك اعلمي ان الازمة اذا اشتدت يعقبها فرج استمري على الدعاء والاستغفار وسوف ترين النتيجة بإذن الله
|
ما يخرب البيوت إلا تدخل العائلة.
|
اختي الله يسامحك، شو ذنبها الصغيرة توديها عند ابوها؟؟؟!!! كيف طاوعك قلبك؟؟!!!!!!!!!!! والله احنا كامهات بنكون عايشين عشان اولادنا، ولعلمك اللي بتصل احسن من اللي مطنش، شوفي الازواج اللي بطنشو عالمزبوط، زوجك فيه شوية حنية عالاقل، انا طبعا ما بحكي انو تصرفو سليم، لا بس هو احسن من غيره، المهم وقبل ما تفكري بالرجعة ومش الرجعة جيبي البنت ، وبعدها فكري بهدوء وتناقشي معو من غير ما تعصبيه، وفهميه انو انتي ما خرجتي لحالك لحتى ترجعي لحالك لا، احكيلو انت طردتني اذن لازم ترجعني، وكلو باللين والحسنى والجأي لاسلوب الاستعطاف يعني حنني قلبو عليكي وعلى بنتو ، وصدقيني بالاخر رح ييجي لعندك ويرجعك، اما المهم اوعي تتركي البنت هناك لحتى تخلص المفاوضات، اوعي.. الله يصلح الحال.
|
ما أدري بس أكيد أبوك وأمك لهم وجهة نظر شايفينها من أرض الواقع
يعني غريبه انهم متفقين على نفس الحل الي عليك انك تهدين الوضع تماما زوجك سايسه قولي له ابقعد فتره عند أهلي لين تتحسن ظروفك وابعدي فكرة الطلاق من بالك وبال الجميع علشان تقدرين توصلين لحل مو تعالجين المشكله بمشكله وبنتك جيبها عندك حرام طفل بهالعمر يتعرض لمواقف بسبب الكبار الله يصلح الحال وتنتهي هالمشكله على خير وترجعون لبعض |
والله يا أختي انو كل الحكاية وكل الأسباب كل واحد يكابر ويعاند ولا فيه تضحيات وغير أن الموضوع دخل فيها الأهالي يعني تصعبت وتشربكت وصارت الآن مسألة كرامة و إهانة بمنظور الطرفين والضحية ( ابنتكم ) الآن لسنا بصدد اعمل لي هذا وإلا لن يتم حل الموضوع الآن نريد حلاً كيف ترجعين لزوجك وتكسبين قلبه ويحن عليك وانتي بعيدة عنه ؟و ماتعملين شي تحسسينه بأنك بتضحين , الآن زوجك يعلم بأن سبب عدم رجوعك هو ( مسألة البيت لحالكم ) وبيفكر مليون تفكير بأنك تخليتي عنه وعن بنتك وأخذ فكرة أن قلبك قاسي في أنه يقارن وضعه ووضع أخوه وتقدير سلفتك لزوجها ومضحية لكن أنتي لم تضحين .. أنتي الآن عندك بنت ولابد تربينها وهي بينك وبين أبوها وقال لك بأنه لايستطيع بالوقت الحالي يعني وش يسوي لك ؟ اقتنعي مايقدر وأنتي أعلم بحالته المادية وبخصوص أمك هي الآن في لحظة غضب ولا تقصد و بالأصل الأم قلبها حنون كيف لو رجعتي بيتك بتمنعك من دخول بيت أهلك ؟,, صعب يا أختي خاصة إذا رأتك سعيدة ورجعت المياه لمجاريها صدقيني صعب تخسرين الأم .. بس هني الزوج انتي بتخسرينه طيب أصريتي وهو أصر وهكذا وكلكم تشدون وبعدين؟ أعتقد بأن حبلكم بينقطع من كثر الشد أنصحك نصيحة حتى لو رأيتي نفسك بموضع الحق معك بالتضحية والحب وحسن المعاشرة تلين حبلكم وترتخي لأي جانب حلو بينكم ,فقط اصبري وريحيه نفسيا وسعديه وبتلقين هو بنفسه بيرد لك الجميل وبيكافئك بدون ماتقولين الانسان بطبيعته اجتماعي ويتأقلم في أي بيئة مهما كانت في الوقت الحالي ابتعدي عن المكابرة ومسألة الكرامة ومادري شنو وارجعي لبنتك وزوجك وحاولي تفكرين كيف تتأقلمين مع أهل زوجك وسلفتك واكسبيهم يكسبونك ويصفون بجنبك أما كل شي شد شد شد مع الجميع بيغلطونك كلهم ولا بتلقين يوما ما أحد بيصف معاك فكري بمستقبلك بتلقين أن كل اللي صاير غلط .. مافي من يضحي ما بعد الصبر إلا الفرج يا أختي |
هذي نتيجة تكبرك وإصرارك
من الاساس ليش تخبري اهلك |
الله يهديه زوجك
هو الي دخل الناس بينكم لمى وداك بيت أهلك فهميه الشي هذا وانه جابك من غير رضاك مو مسألة شروط تحطينها لكن سكنك لوحدك أريح للجميع |
[SIZE="5"]اليوم صار الحدث العظم امي كلمت زوج بتلفون وقالت لة لازم طلقة غصبن عنك وكلام كثيروسكرت التلفون بوجة وانا ماقدرت اتكلم
وقالت لي اللي مايقدرك لا تقدرينة لاتبكين.... حالتي حالة الحين وما ادري وش اسوي اكلم زوجي ولا اسكت .... اللهم اصلح بيني وبين زوجي وجمع شملي امين ...........[/SIZE] |
الله يكتبلك الا فيه الخير مدام وصلت لامك كبرت المشكله وبنتك كمان بعيده الله يهديكى في العناد الا سويتى
|
مالها حق امك في اللي تسويه
امداك يختي ما لم اغراضك وراح لزوجك وش تستفيدين اذا انتي تطلقتي؟ امك فتره وتهدا بس زوجك اذا راح مابيرجع استهدي بالله انتي وامك و هديها بكلمتين حلوين واقنعيها وفهميها انك ماتبين الطلاق .. سؤال وين ابوك؟ وهل امك سبق وتطلقت؟ |
امي ماتطلقت قبل بس حياتها مع ابوي شبة متزعزعة يعني مهم متفاهمين وحنا ياعيالها نراضيهم ونحل مشاكلهم
وابوي ساكت ما ودة يدخل يقول اللي تبينة وتحسينة بصالحك سوية.... امي اليوم خذت جوالي مني تقول علشان ماتكلمينة وما ادري وش اسوي,,,, ادعو لي ان الله يفرج همي ويفك كربتي اللهم امين.......... |
السلام عليكم ورحمة الله
الله يعينك عندي لك حل قولي لامك انا طالعة للسوق ... وروحي للسوق ومن هناك كلمي زوجك سواء من جوالك او جوال اي وحدة .... وكلميه كانك مفزوعة وتبكين وقولي له تعال لي في المجمع الفلاني مشتاقة لبنتي شفت الالعاب في السوق وقلت ابي العبها ... وخليه يجيك واجلسي انت وياه جلسة مصارحة بعيدا عن الكل ! الله يوفقك |
ابشركم اخواتي واخواني انا ولله الحمد رجعت اليوم لزوجي جاء واعتذر وجابلي هدية قيمة وقال اول ماتحسن ظروفي بيت لبنتكم وتفاهمن ورجعت وامي اللي كانت زعلانة دقيت على وحدة من خالاتي وجت واقنعت امي والحين بنتي حبيبتي بحضني ادعولي ان الله لايغير علينا وينصرنا على المبغضين اللي اليوم يوم شافوني تقلبت وجيهم.......
|
اقتباس:
|
اللهم لك الحمد والله فرحتيني
شوفي عاد مادامك رجعتي لزوجك لاعاد تطلعين من بيتك لو يسحبك طلوع المرأة من بيتها مو سهل أبدا الحمدلله حمدا كثيرا والناس الي تقلبت وجيها دايم اذكري هالدعاء " اللهم إكفنيهم بما شئت" ومالك شغل إلا بزوجك |
الحمدلله رب العالمين ان القصة تمت على خير . متابعة قصتك من البداية وبدعيلك بإستمرار إنتي وكل اللي يطلب الدعاء الحمدلله
اهم شي تتعلمي من اللي صار وتتفادي اسبابه للمستقبل ... درس وتعلمتيه وأهم شي ما تركزي ولا طالعي بوجه سلفتك لانك طول مانتي حاطتها ببالك وتشوفي ردة فعلها ماراح ترتاحي والحمدلله على رجوع بنتك لك ورجوعك لزوجك وبيتك |
ماشاء الله جمعكم الله دوما على الانس والمحبة
|
.. بشرك الله بالجنه ..
.. الحمد لله , الحمد لله , الحمد لله .. .. يا احن قلب .. هذا درس لك .. واتمنى انك استفدتي منه .. .. ويارب نسمع عنك اخبار حلوة .. |
اقتباس:
مع ارساااال نسخه للمشاااكل المحلووله ،،، |
| الساعة الآن 05:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©