|
طالما انها موافقه وماهمها الا انك ماتجمعها معها .. فتوكل على الله
والله اني صادقه( جرب اول كتمثيليه ولازم تمشيها عليها شهر زمان.. حتى اهلك.. لا تعلم احد بصدق نواياك الا بعد ماترسى لك على بر معها) ادخل عليها قول لها ضبي اغراضك حقت شهر تقريبا وممكن اكثر الله اعلم .. حسب التوافيق ليه ما ليه ... لأني نويت اتزوج .. مليت من هالوضع.. روحي ارتاحي عند اهلك .. وانا ارتاح بعد .. و قدامي الحمد لله كم بنت من عوايل محترمه جالس اختار بينهم ..( خلها تحس انك ماشي في الموضوع من زمان ومعطيها فرصه وانك مش بس ناوي والسلام ) لا تدخل معها في اي نقاش .. ابدا .. قول لها لي اربع سنين وهذا انتي ماتغيرتي انا مو اهبل بدون مخ تضحكين علي بكم كلمه ... ما يشتغل فيك الا لسانك!!!!!!!!!! اذا بكت ( اتمنى ) خلها الين تهدا .. قول لها اذا خلصتي بكا ناديني .. ابكي وانتي تضبين اغراضك ياقمر.. اذا اهلها في منطقه ثانيه .. احجز لها وللولد ... وخلها تروح ويارب يكونون جنبك ... عشان كفايه خساير لحد كذا وخلاص.. خلها تعرف الحزم اللي ماقد شافته بهذا الشكل .. طالما انك حزمت معها من اول بس مو هيك خلها .. شوف وشلون بتتصرف !!!!!!!!!!! اعطها درس في حياتها ماتنساه ابد ابد ابد خلال هالشهر اذا هي دقت عليك وكلمت وووو طنشها اول اسبوعين وقول لها مشغول يابنت الناس ادرس الزوجه المناسبه .. اللي تعرف السنع .. بعدين ادخل معها في نقاش وشف هي وش استوعبت ؟ اذا طلبت في الرجعه كان بها وقول لها ترجعين .. تحت الاختبار مدى الحياه تفشلين في اي يوم بدون سبب مقنع الله يستر عليك عند اهلك واجيب الثانيه .. وقد اعذر من انذر ولمعلوماتك ما افتح بيتين .. هو بيت واحد وملكه واحده ... اصلا ما بجيب الثانيه عليك الا وانتي مو كفو .. بعد افتح لك بيت ثاني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ اذا بعد هالموقف ما استعدلت فلمعلوماتك مامنها رجا ابد وخلقتها كذا .. وش تسوي بعد يعني لو هي نظيفه حتى في نفسها مع احترامي كان قلت انها مسكينه ماتطيق شغل البيت نفسيا .. يمكن مدلـله عند اهلها ومتعوده ع الشغالات بس حتى في نفسها وهيك ... صعبه والله اعانك الله جميع ماذكر اعلاه اذا تحب تعطيها فرصه اما اذا عافها الخاطر .. فليش التعب والزواج حلال ..بس لابد من سحب الامتيازات منها من الان ولا طلب يجاب الا الضروري .. |
اذا حتسوي هالموقف فيها
اصحك عينك تقول لها انك كنت بس تمثل عليها خلها الى اخر يوم في حياتها تفكر انك فعلا نويت بس تراجعت |
مشكلى اصددددددددددددق ياعمري انتى بس هدى نفسك
انا اخاف اتكلم وخربها صالح ياخوي خذها من الاخر انت ليه تستشيرنا وبعدها تعتذر الاهلك مع ان كل الاعضاء كانو ضد الاعتذار لاتجلس تدور اه سبب انها جد تعبانه والله لو انها تحبي ماتقوى تقوم بس بقلبها قدر لك واحترام ضغطت على نفسها وستقبلت اهلك بس هي تشوف مو فارقه معك كلها يومين ثالثا تعصب وترجع احلى من اول سفريات وطلعات وين معه بتتعدل البنت الا والله بتستمر كذا الى اخر يوم بحياتكم انا بقولك اول مانزلت بيتى مالى اسبوع قال زوجي بعزم اهلى على الغداء والبيت والله مافيها اثاث نهااااااااائي والمواعين ولا شي قلت لا وين ماعندنا شي لزم اشتري مواعين قال مشترى مافيه عبري نفسك بالى عندك او اخذ من اهلى انا رفضت واخذت من اهلى مواعين للتقديم على اساس انه اهله فقط تفاجاة الصبح انه مجمع زياده على اهله ارجال انا عصبت ورفعت صوتى الاول مره ضاق خلقي وش بسوى بناس ماستعديت مع انه خلاص انتهاء الموضوع عزم وخلص المفروض ادبر نفسي المهم عصبت عليه هو طالعنى بعينه وقال الله لايعيدها من عزيمه الى بترفعين صوتك وكشر بوجهي تكشيره صح خلتنى احس بغلطى وعرفه زوجي اذا زعل اففففف حولت ارضيه باهله استقبلتهم الظهر احلى استقبال غديتهم وعشتهم مع انى كنت مواصله مانمت حلفت عليهم مايطلعون الا متعشين عندى ودقيت على ابوه وعزمته على العشاء كله ابي رضاه صدقنى المراه مهما كانت قويه ومطتشه ضعيف عند الرجال وتخاف من زعله زوجتك ماشافت من قوتك شي وعرفتك زين يومين ومردك له اخوي لاتاخذ كلامنا وتطنش غير بسلووووووووبك تكفىىىىىىىى |
السلام عليكم ورحمة الله
اكبر غلط انك رديت اهلك طيب دامك عارف انها تعبانة ليش مااعتذرت من الاول !!! انت تعطي عذر لنفسك انك اقوى منها !! وانك عاذرها وقاعد تقول هي ظهرها يعورها !...طيب ليش ماكنت تعرف هذا الشي من الاول ؟؟؟ ولا لما حسيت انو ماراح توافق ابدا وخايف من المواجهه قمت تعطي لنفسك اعذار؟؟ ياليت تجاوب على هالسؤال ... مو معنى كلامي انك المفروض تكسر كلامها حتى لو هي تعبانة ... بس الشخص يعطي مثل ماياخذ .. |
انت ماااااااااااااااااااااااااااتسمع الكلاااااااام
الله يهديك طلبت المشورة المفروض تعمل فيها مو تطنش وتمشي اللي في راسك .. باختصااااااااااااااااار وبدون كثرة كلام لاني متأكدة انك ماراح تسوي الا اللي في راسك .." سواءا صح او غلط " استخييييييييييييييير وتوكل على الله .. لا تتردد ولاتشيل هم استخير واعزم وتوكل .. ونفذ .. ت ح ي ا ت ي .. |
أخي بارك الله فيك
إذا كان كلامك عن هذه المرأة صحيح وإذا كان الأمر وصل إلى ما كتبت فأقول لك كما قال النبي صلى الله عليه وسلم: الوالد أوسط أبواب الجنة فحافظ على ذلك الباب إن شئت أو دع |
بسم الله الرحمن الرحيم
أمس كامل ، اليوم كامل ماكلمتها والآن الساعة 11.45 دقيقة لم أدخل البيت من صلاة الظهر وهي تتصل ولا معبرها . . أحبابي أنا الآن أدعوكم لتشيروا علي فيما بعد هالأمر أنا ناوي أقول لها طبقا لمشورتكم ( إذا أنتي عندك استعداد تعيشين مع حرمة ثانية أهلا وسهلا ماعندك استعداد ألف سلامة مع الباب ) سيكون هذا الكلام بعد غد بحول الله لأن غدا كامل بخليها لين يوجعها راسها وش السالفة مثل اليوم بنام بالبيت وبطلع ولا أنا بمعبرها . أفيدوني جزاكم الله خير . . |
لاحول ولاقوة إلا بالله !
والله هالدنيا كلها مشاكل وقلق .. ويقولون بعد اعرسوا !! يازين العزوبية بس .. أحس إني كرهت العرس !! يعني إما زوجة مثالية عند رجال مايعبرها !! << وهذه أكثر !! أو زوج مثالي عند حرمة ماتعبره !! مشكلة والله ! ! |
اقتباس:
جايب هالقساوهـ منين ؟؟؟؟؟؟؟ |
معليه أخ صالح لاتزعل مني إنت لاتهش ولاتنش ...بس جالس تتكلم وتفضفض لنا ..يعني بالعربي تبربر ولكنك ماتقدر حتى
تصرخ في وجهها ...تخاف منها:( وبعدين جاي تستشيرنا ....شكلك ماتقدر تستغني عنها وتموت في دباديبها وتبوس تراب رجولها؟؟؟ وهي ممشيتك على عجين ماتلخبطوش ...:29: <<<< دمي فار منك |
طيب هل سبق وان حدثت بينكم مشكلة وكانت هي زعلانة منك او تدخلو الاهل في الموضوع ... يعني هل سبق وحدثت مشكلة بينكم وكانت هي زعلانة ؟؟؟؟
ارجو ان ترد على هذا السؤال |
بعض الحريم هنا انصدمت ان فيهم شطانة وتحريض مهب طبيعي !!!!!
عيب كذا !! مايجوز !! كل وحده منكم جالسة تحرض تتصور نفسها في مكان هالزوجة ؟؟ حنا مانعرف الظروف ؟؟ فلذلك مانقدر نحكم !! ماتحل المشاكل كذا !! لازم الواحد يصير عنده علم وحكمة مهب طيش وعباطة وسوالف حريم !! اخوي انصحك تتصل بمستشار اسري أو شيخ فاضل يرشدك .. عشرتكم 4 سنوات مهب سهلة تفرط فيها مهما كان !! وبعد ترى وجع الظهر يشل الجسم ككل << مجربه !! لأنه أساس الجسم !! عندنا في العائلة انا وخواتي زي الوراثة من امي وجع الظهر والله اذا طبخت العشاء ومعي الشغالة بعد تساعدني ان ظهري ينقص نصفين لازم اجلس وارتااااااح فترة بعدين اعاود الحركة فمابالك زوجتك وعندها بعد طفل ويبي عناية وتلاقيها مع الحمل والولادة راح ظهرها وطي !! أنصحك تحل مشكلتك مع أحد مختص عن نفسي غالباً استشير في أموري الشيخ "حمد التويجري" شيخ فاضل حكيم أرسل له برسالة جوال المشكلة ويرد مباشرة برد متزن ورائع انصحك تتصل فيه وإن كنت ترغب في رقم جواله يمكنك التواصل مع الادارة حتى اعطيهم الرقم ويعطونك .. أسأل الله أن يصلح ذات بينكم وأن يهديكم .. أختك ,, ! |
اقتباس:
اخي الكريم هل انت واعي لما ستود القيام به ؟؟ ام لا ؟ هل انت فعلا راح تهددها فقط او راح تسويها فعلا ؟؟ لانه اذا كان الخيار الاول فانت اذا صارحتها بهالشي وبعدين اقنعتك انها راح تتغير ومن هالكلام ... يصبح كلامك بلا معنى ... انت قاعد تتتكلم وتقول كلام انت مو قده فاذا ماراح تسويه وانا متأكدة من هالشي فماله داعي تقوله ...طيب ليش؟؟؟ حتى ماتغير رايك زوجتك وهذا الشي انا متاكدة منه .. يعني انت قلت لها اهلي راح يجون وكذا .... بعدين سويت اللي تبي هي.. واشياء ثانية وبعدين تتراجع بحكم انها وعدتك انها راح تتغير ... تخيل بعد كذا تجي تقول لها راح اتزوج ؟؟!! راح تقنعك بالعكس وبالاخير تصبح مجرد شخص يتحدث فقط بلا تطبيق ... ارجو عدم فهم كلامي انه روح تزوج عليها ... لأ... انت لازم تعمل شي انت عارف وش عواقبه خصوصا مع وحدة نفس شخصية زوجتك ... من رايي تلعب عليها وتسوي نفسك مخزن رقم خطابة في جوالك وزي كذا بعدين تقول لها في فترة من الفترات انو فيه فلانة وتخترع لك اسم وانا حاب اتزوج ومن هالكلام وتقول لها انو هذي الفلانة ماعندها مانع تسوي اللي ابيه منها وبنفس الوقت ماعندها مانع تعيش مع ضرة....!!:30: اتوقع بعدها زوجتك بتعرف ان الله حق !! تحياتي |
أخي من كلامك إنت ما جاء منك خطأ
وتعاملك مع زوجتك تتمناه أي وحده وهي ما أحس من كلامك إنها قويه لكن ما تعرف تتعامل معاك الخلاصه: الموضوع كبر ( رغم إنه مافيها شي تأجل زيارة أهلك .. إنت ما قطعتهم ) لكن بما إن الموقف فجر المشكله بينكم فانصحك بالتالي: - الآن فكرة الطلاق او الزواج شيلها من بالك - اتركها كمان يومين بدون كلام ولا جلوس بالبيت حسسها بزعلك - بعدها ارسل رساله انك جاي تتكلم معاها علشان تستعد وتنوم ولدك - اجلس معاها ( لا تسمح لها بالكلام أبدا ..وطلع كل الي بخاطرك واكتب بورقه الشروط الي تبغاها بزوجتك ... كل شئ بنفسك قلها هذي شروطي تقبلين فيها والا لا وانا كما أنا لك وإلا كل واحد بطريق) - ومارس حياتك بشكل طبيعي , واتركها لين هي من نفسها تذعن لشروطك ان كانت متمسكه فيك وبحياتك معاها بترضخ لكل ما تطلب لكن لا تسب ولا تشتم وخلك كما أنت تعاملك راقي جدا وانت مثال للرجل الكريم الشهم أكثر الله من أمثالك |
انا عندي حل يمكن ماذكره احد من الاعضاء
ما ادري مامريت على كل الردود المهم مرحله اخيره ليه ماتكلم اهلها يمكن هي مو مفكره بجديه الموضوع وتحسبه امر عادي بمر مثل قبله من الامور اخي لازم تتخذ هالخطوه عشان تكون هي على بينه وعشان تكون انت اتخذت جميع الاساليب .... |
والله العظيم
اقص يدي ان قلت اني بتزوج انك بتهدم بيتك !!!!!!!!!! لا وتخيرها بعد ياترضين تعيشين مع ضره ولا تروحين بيت اهلك ؟؟؟؟؟؟؟؟؟ انت مستوعب وش تقؤل !! يااخي انت معقدها وبقؤه !!! بتختار اكيد بيت اهلي وبتقعد ولا بترجع وبتفضح سرك !!كنت استفزكوابيك تنعدلين .. هييييييييييييييييييييييييييه !!!!!!!!!! وش فيها لو هجرتها بلكلالالالالالالالالالالالالالام بلفرااااااااش ماتاكل معها اذا صارت تطبخ قؤل ابي اكل لوحدي ؟؟! ابتعد عنها كلم اهلها .........اصرخ عليها صارحها بأنك طفشت منها ومن اهمالها يأأخي فكر لاتطنش وتقؤل ابهددها ابتزوج خير تحتاج انت الئ حزم عليها وشده واذا مانفع ودها بيت اهلها بدون علمها انك بتخليها فتره وارسل لها اذا تعدلتي دقي علي ......وكلم امها ! يااخي امرك عجيب اذا قلت هلكلام الي قلته تحمل وش بيصير ! |
يا أخ صالح بن صالح
الخيل من خيّالها أنت اللي مسبب لنفسك مشكلة لعدم قدرتك على إتخاذ قرار في الطريق الصحيح صدقني المشكلة فيك وهذا سبب تسيب زوجتك في كل الأمور لأنك شفت وسكتت شفت وسكتت مع العلم إني متأكد انها ماكانت كذا أول ماتزوجتوا.........صح وكلامي وإلا لا؟؟؟ وإن طعت شوري لا تتزوج عليها ولا شي فقط خلك حازم معها وخلها تشوف وتسمع أخطائها وبعدها هددها وقل لها إذا ماتعدل الوضع إنك راح تتزوج عليها. الله يصلح حالها وحالك. |
يا اخي
هل انت تريدها فعلا ان تتغير و تكمل حياتك معها .. ام انت خلص ما عدت تريدها و مو طايقها اذا الاول لازم تحاول قدر الامكان انها تغير قبل التفكير بالزواج من اخرى او طلاقها .. طنشها , عصب عليها , اقرف منها , كلم اهلها , اهجرها بالاكل و الفراش و البيت و الون و كل شيء .. و هذا كله يبيله وقت كافي مو يوم و 2 و صدقني رح تغير تاخر بالرجعة عالبيت لا ترد على المكالمات و لما تسالك وين كنت خلي الاجابة مموهة خلي راسها يلف و يدوووووور و تخاف انك تدور على ثانية . هذا كله اذا انت لا زيت بدك اياها و مهتم انها تتغير . عجبني رد ملك شادي |
اقتباس:
القسوة في ايش بالضبط ؟! |
اقتباس:
لدي تساؤل لصاحب الموضوع اذا كنت تصف زوجتك بهذه الصفات أمامنا فكيف يكون تصرفك معها وكيف تكون كلماتك أهي بنفس الأسلوب السوقي واعذرني على توصيف حقيقية الفاظك الغير مناسبة لشخصية المسلم فضلا عن منتدى اسلامي يعالج قضايا المسلمين؟!!!! وجهة نظري هي من يتلفظ بهذه الألفاظ عن زوجته امامنا فهو لا يطلب اصلاح حاله وحل مشكلته بل هو ينفس عما بداخله من قهر وغضب لا يستطيع ان ينفسه في الخارج لعدة اسباب. أخي ترفع عن هذه الالفاظ في حق زوجتك وأم ابنك فلا يوجد مبرر لهذا الأسلوب في التعبير الا اذا كنت تريد أن يقف الأعضاء في صفك!!! |
ياشين المثاليه
ماسكين الفاظه وتاركين المشكله كلنا نستخدم هالالفاظ ... بس انتو ورا الشاشه وهو قالها يا استاذ صالح زوجتك امرها سهل انت تبيها او لا ؟ تبيها اجل دق راسها الين تقول ربي الله ماتبيها ياخي تزوج وولدك من حقك اذا كمل سبع سنين .. بيتين لا تفتح ... اصلا مو محافظه ولا مهتمه ببيتها اجي افتح لها بيت والثانيه بيت؟ ليه الخساير على شي مايسوى؟ تبيها اجل علمها وش تبي .. كلم اهلها .. اذا هم سلبيين بلاهم ... سوق مافيه .. سوي واجبك وانا اسوي واجبي بعدك؟ تمشيه ليه ... من زود التعب اللي تعبتيه في التنظيف ؟ زيارات لأهلها مافيه جوال مافيه .. او خله استقبال بس تلفون مافيه كله مافيه ليه هذا كله مافيه .. انتي مو مأديه واجباتك انا ما أأدي واجباتي اذا فيه نت اقطعه او خله بكلمه سريه محد يدخل عليه الا انت جميع ماذكر اعلاه هو اللي يشغلها عنك اقطع مشاغلها عنك وشوف هي وش بتسوي نشف ريقك معها خلك رسمي كلمه و رد غطاها اهجرها .. هالحركه تذبح اذا هي متعوده على جوالك مفتوح قفله خلها تفكر معك وحده ثانيه كلم خويك وهي في غرفه ثانيه كأنك تكلمه عن تجربته هو في المسيار وانه مرتاح وانه لا يلجأ له الرجل الا مع الزوجه المقصره مع زوجها استخدم الجمله التاليه ( لا تدخل الفكره هذي براسي ياخي ) اضحك وكثر ضحك مع اخوياك .. هي لا خلك رسسسسسسسسسمممممممممممممممممميييييييييييييييييييييي يييييي خلك شين بمعنى اخر قول لها فجأه لا تطلعين الحوش..فيه مقاول ... الطعها شوي .. بعدين ادخل .. هي عاد بتسأل ليش مقاول .. قول لها بأبني غرفه بحمام ... ليش الغرفه بالحمام... قول لها بعدين تعرفين ... حسسها انها هي اللي تبي تسكن فيها بعدين .. خلها تكره نفسها اذا كرهت نفسها وحده من ثنتين يا انها تتعمق في غيبوبتها وتشين زياده وساعتها الطلاق مباح والا انها تفوق لعمرها و لك وتلحق عليكم سفريات اقطعها مطاعم بلاها تبيها تستعدل اقطع عنها كل شي حلو .. لان بصراحه مايستاهل الحلو الا الحلو واللي ماشي صح فاجئها في يوم قول لها لا تسوين لي غدا او عشا ليه ؟ لاني بروح مطعم... لحالي .. من الان المطاعم ماباخذكم فيها الين تستعدلين ويصير خير شغلة ظهرها اللي يعورها .. لو قلت لها بأمشيك او اسفرك او بجيب عشا لأهلك ما اعتقد بيوجعها ظهرها !!!!! الظهر اللي يوجع ويخلي الواحد حتى مايقدر يصلي هذا ممكن اما غدا وعشا.. لا.. عشان وجع بظهرها ..!!!!!!! قويه اهلك مره ثانيه ماتقول لهم لا ... خلهم يجون انت بس تعطيها خبر .. ماتشاورها اذا ما نظفت البيت هذا وجهي .. جيب كل شي من برا مفيطيح صغير ب 800 ريال ... وصحنين حلو ومالح كلها ما تجي بميتين ريال .. الدعوه الف ريال وارفع راسك قدام اهلك وهي حسسها انك بعتها بألف ... كل اللي قلته لك مجرب ونافع ... انا ضد الطلاق .. لأنك ماتضمن الثانيه ماتجي عوبا مثل الاولى بالعكس مع الدق اللي يفل اللحام المصدي ع المخ .. |
بسم الله الرحمن الرحيم أولا ً أشكر الجميع فردا ً فردا ً من أكرمني بنصيحة ومن تفضل عليّ بدعاء ومن شاركني بهمي ومن جعل من الألفاظ جبلا ً عظيما ً . . كلكم جميعا ً أشكركم شكرا يعجز عن تسطيره القلم يكفيني فقط حتى ولو وبختني أيها العضو أو وبختيني أيتهال العضوة أنك مادخلت هذه المساحة إلا لتشاطرني هذا الهم . أعزائي بخصوص ماصدر مني من ألفاظ فأستغفر الله العظيم وأتوب إليه ، ولكل من استقى من هذه الألفاظ أنني سيئ وأنني وأنني فأستغفر الله العظيم لي ولهم وسامحهم الله ، والله يا إخوة وأشهد الله ما قد قلتها لأختي ولا لوحده بحياتي سواء زوجتي أو غيرها إلا والله هالمرة وأنا في حالة غضب . . ::::::::::::::::::::::::::::::::::::: وللذين يسرهم فرح المسلم ويهمهم أمري جميعا ً أدعوهم إلى قراءة الأسطر التالية ليروا نتيجة مشورتهم وأخذهم بيد أخيهم لما يرون أنه الخير بإذن الله . . أما من يرى أنه ( حقي وماجاني ) وأني إنسان سيئ بناءا ً على ألفاظ صدرت مني في حال غضب فليقرأ هذه الأسطر التالية أيضا ً لأبرهن له حقيقة أنني ويشهد الله تعالى على ذلك ماظلمت بنت الناس أو قلت في حقها كلمة باطل وإنما كنت أريد الإصلاح ما استطعت بعيدا ً عن الضرر أو أن نتفرق ليغني الله تعالى كلا منا من سعته عموما البارحة دخلت البيت في حدود الساعة الثانية عشر والنصف تقريبا ً وإذا البيت ليس بالبيت بل هو كالجوهرة نظافة وترتيب . . دخلت وكنت قد عاهدت نفسي أن أكمل اليوم الثالث معرضا عنها ثم أخيّرها بما قلته في ردٍ سابق غيرت ملابسي وأخذت حمام ودخلت الغرفة لأنام بدون كلام . . وانا على جنبي ( معطيها مقفاي ) جتني وقالت ودي أكلمك قلت لها أنا بنام الحين وبكرا بسافر ويوم الجمعة نتفاهم لما أرجع ( وهذا الكلام ليس تعريض وإنما حق كانت هذه نيتي ) . . أصرت على أن تناقشني فنهرتها وقلت لها بالحرف الواحد ( كلامك على متمّه وأهلي ماجو ) وش تبين مني خلاص بنام المهم قعدت تحن على راسي أكثر من نصف ساعة فقلت لها يابنت الناس لا تخليني أطلع من البيت ( تراتس محومتن تسبدي ) . . خرجت إلى غرفة أخرى لأنام فأتتني تبكي وأصرت أن أسمع منها لو دقيقة قلت ولا ثانيه أبعدي عني ويعلم الله كان الشيطان في تلك اللحظة حاضرا ً ووالله إن فيني من الحنق والغيض ما لا يعلمه إلا الله تعوذت من الشيطان قلت أطلعي يابنت الناس أنا بنام عندي دوام بكرا وعندي سفر لا تعطليني فأصرت وهي تبكي أن أن نتناقش في الموضوع . . جلست وجت وقعدت جنبي قالت أبيك ترضى عني ولا ابيك تنام زعلان قلت كذابه وألف كذابه وأنا أعني ما أقول ( قد تكون صادقه في محبتها ولا تبيني أنام زعلان لكن سواتها تكذب هالقول ) قالت ليش كذابه قلت لوّك تبين رضاي كان يوم قلت لك أبوي وأمي جايين كان قمتي بالواجب لو ظهرك مكسور وأنتي عارفه أنه أنا ماأقصر معك وأنتي صحيحه وش لا صرتي مريضة وأنا يسّرت لك جميع السبل وذللت لك كل الصعاب بس أنتي تبين تتممين كلامك وتم الحمد لله وهذاك ماشاء الله إنتي القوية وأنتي اللي مامثلك لكن خله ينفعك سواتك أنا بكرا لي كلام ثاني معك لما أوصلك لبيت أهلك قبل لا اسافر وأنتي ما تستاهلين أكلمك لأنك سفيهه وبتهدمين بيتك بيدك كلامي بيكون مع رجال مب مع حريم . . صنمت في مكانها والله يا إخواني ماعاد تقدر تطلع كلمة من المفاجأة ، قلت لا تتفاجئين أنا سبق وكان بيني وبينك نقاش صح وقلت إذا تكرر موضوعنا بسوي شي ما يرضيك وقلتي لي أبد سو اللي تبيه أنا بتعدل وخلاص . . قالت الحين يعني أنت ماتبيني ؟ قلت بالله عليك من أخذتك من بيت أهلك أنا سويت شيئ يدل إني ما أبيك أصدقيني ولا تكذبين هذا حنافي ثلث الليل الأخير وربي يطالعنا قالت بالحرف الواحد ( لا والله بيض الله وجهك ومضى من أفعالك ما يطيب فالك ) قلت لها خلاص أنا سويت اللي علي وقدامي حرمة ولا همها من رداتها ترد والديني عن بابي وحرمة ما تشيل والديني قبل لا تشيلني ما لي حاجة فيها أنا بقول لك الصراحة أنا والله قضيت من هالعفسة يصيبني قهر لو بعزم رجال لأني أدري أن حرمتي ما تعينني وترفع إلا بعد وصلت المسألة لأهلي وتاج راسي أنتي يومك ما تعزمين أهلك ولا تبينهم يجون إلا وبيتك قصر بكيفك هذا من شانك والله جعلك ماتعزمينهم أبد ، ، أما يوم تعزمينهم فأهلا وسهلا وكلهم من أكبر راس لأصغر راس على راسي . . قالت أنا تعبانه قلت لها قلت بجيب لك شغالة جعلك بحرج يوم تقومين هي تسوي كل حاجة وأمي وأبوي بتكبرين بعيونهم يوم يشوفونك حتى وأنتي تعبانه مستقبلتهم . . قالت أنت مافرشت المجلس ( لأنه أحنا تونا نازلين بيت غير البيت اللي كنا فيه ) قلت من بيقعد بالمجلس وبعدين عندنا جلستين غير المجلس ليش تعقدين الموضوع . . المهم حجرت عليها كل طريق كانت تحاول تتعلق فيه ووالله ماكان لجاجة ولا لدد في الخصومة لكن بالحق فقالت وش تبي مني الحين أنت وأنا موافقة قلت منتب قدها قلتيها قبل وكذبتي ولا همك . . قالت والله إن ترضى ولا لك إلا اللي يرضيك ويرفع راسك ويعزك بين أهلك وجماعتك قلت شوفي قالت سم آمر : قلت شوفي أنا أبي بيتي نظيف مرتب ، حرمتي قدام وجهي وتبهج عيني مهب أشوف زينها يوم تجي تروح للناس وقدامي بجايم ووجع راس ، أنا أبي حرمتي تحط لي وقت خاص بي أنا يكون الولد فيه نايم ومنتهي ، أبي ما تزوغ عيني يمين وشمال لأني ما أشبعت شهوتي بالحلال ، والله إني أتكلم بحرقه وأنا اقولها أنا رجال حفظت نفسي قبل لا أتزوج وما يوم بحمد الله مديت يدي على شيئ ما أحله الله لي أنتي موافقة ولا لا عطيني يا نعم يا لا ؟ قالت موافقة ، قلت تدرين وشمعنى موافقه ولا بتطلعين من المشكلة بس ، قالت أنا بتغير قلت نشوف بس لا لو رجعنا على طير ياللي منب موجع راسي بنقاشات ولا خرابيط أنا بتخذ مسلك ثاني بالعربي الفصيح ياننفصل يا أتزوج أنتي سمعتي زين ولا لا قالت إيه ودموعها مبلله منديلها والله كنها مغموسة بمويه . . المهم أصرت علي ألا أنام إلا على سريري فصعدت للدور العلوي وقبل أن أنام إلا هي منفجرة بكا شديد جدا جدا وانكتمت كتمه والله ما قد جتها من يوم أخذتها وأغمي عليها والله ابتلشت فيها صحيتها وعطيتها مويه وأول ماصحت وارتاحت قالت والله هالإهمال مهب مهونة بس بلادة والله إني أغليك وقامت وحبت راسي . . المهم بناءا ً على أنه المقصد حصل وأخذت العهد عليها انها تتغير قلت لها أنه أنا برضه والله أحبها وهالامر حجقيقة لكن لما يكون الحب غير مقدر من الطرف الثاني يصبح سذاجه المهم يالله بالياااالله نامت قبل الفجر بشوي وكل شوي تقرب مني وتضمني وتقبلني على راسي وعلى خدي وأنا أقول اللهم إننا نبغض ىأبغض الحلال إليك وأدعو الله تعالى أن يهديها ويعينها على بيتها وييسر لها أمر ه وأن يجمع بين قلبينا على الحب والوئام والسلام وأن ييسر لكل منا أنا وهي أن يؤدي كل واحد منا حق الآخر كما ينبغي . . أشكر كل من ساندني وشاطرني هذا الهم وأسألكم الله أن تدعوا لي في ظهر الغيب أن يتمم الله أمري وأن يصفي نيتي وقلبي وأن يأخذني على نواياي الطيبة ويبصر زوجتي لما فيه الخير لبيتنا وعشنا وأن يصلح ابني ويوفقه . . لكم الحب والتقدير جميعا ً |
الحمدلله ...
مبروووووووووووك ألف مبروك .. والله اني حاسة ان زوجتك طيوبة وقلبها قطنه .. << حبيتها وقسما:((( الله ييسر أموركم ويخلي أيامكم كلها عسل في عسل .. واتمنى انك اخذت فايدة من هالدرس .. وانك لازم ما تتنازل عن حقك .. خاااااصة أمك وأبوك .. لأنهم هم الأساس .. اذا قدرتهم راح تقدرك زوجتك غصبن عنها . بالتوفييييييق .. |
بسم الله ماشاء الله
سويت نصيحيتي شكلك بدون ماتقراها :d المهم انت سويت زي ماانا قلت كملها وقول لها .. كملي تبييض وجهك ونادي انتي اهلي بارك الله فيك كل يوم يومين طالعها بحب وقول لها اهم شي ما تغيرين كلامك اهم شي اللالتزام ذكرها بكلمتها لما قالت لك تزوج بس اهم شي لا تجمعني بها قول لها انتي بتصرفاتك وكلامك تفتحين عيوني وانتي مو حاسه من الان انتبهي لنفسك ولبيتك ... لأن اللي تزرعينه تحصدينه الله يحفظكم |
اقتباس:
انتبه شفت لا ظهر ولا هم يحزنون البلاده تدري مين سببها؟ الدلع الزايد خفف وانت بخير |
توضيح بسيط
زوجته تقول سوي الي تبي بس لا تجمعني معاها قصدها لا تتزوج وحده ثانيه هذا الي فهمته من كلام الأخ والحمدلله على كل حال الله يهدي النفوس ويصلح حالنا وحالكم |
الله يصلح النفوس
|
الحممممممممممممد لله ~ انها وصلت لهنا .. وانها عرفت خطأها كان ناقص زوجتك الحزم ~ وانت الحمد لله وجدت الحل وعرفت تظبط المشكله ~ اهنيــــــــك الصراحه بس لازم منك هاليومين تصير شوي ثقيل وتحسسها انه لسا فيه شوي زعل مو بمنافخ ووجع راس لا بس يعني تغلى شووي .. واعطيها يومين وطيح الحطب بعدين .. الله يتمم لكم يارب ~ :: |
ماشاءالله الف مبروك
الله يتمم عخير وتستمر على التغيير وماترجع للسيرة الاولى بس انت ماترجع معها كويس عطول لا يعني ماتخليها تحس انو خلص ضمنتك مرة تانية لا استنا فترة وشوف تطورها و خليها تجتهد اكتر وتحس انو ممكن تفقدك يعني امسك نفسك وبالتدريج حسب افعالها |
كان من أول يا صالح بن صالح .. الرجال قوامون على النساء بما فضل الله ...
أهو درس اتعلمته وما عيب انك تدفع من اعصابك ووقتك العيب إنك ما تتعلم وتصبح ملطشه وده شيء لا نرضاه لشخص مثلك فيه ما فيه من الصفات الحميدة التي ذكرتها وأشهدت الله علينا بها .. وأنا بدوري بشكر رفقاء هذا المنتدى الرائع على تفضلهم بطرح الحلول حتى يستقيم وضعك وتحل المشكلة .. وقد كان والحمد لله .. المشورة في مثل هذه الأمور تفتح للمرء طريقه للتفكير السليم .. وفقك الله وسدد خطاك وحفظ لك زوجك وهدى سركم .. |
الحمدلله
الله يهدي نفوسكم بس خذها مني نصيحه ..لاتكون ليناً فتعصر ...ولايابساً فتكسر..ولاتزعل منا لو كان البعض منا قاسي في ردهم عليك بس كمان إنت طفشتنا بأفعالك وسكوتك عليهاودلعها الزائد فقع مرارتي .. لازم يكون هناك تعاون وحب وموده بين الزوجين بس ماهو على حساب أحد منهم ..وماهو حلو يكون واحد ضحيه للتاني والله يوفقكم |
اخي الحمد لله انها جات على قد كده بس زي ما قالو الاخوان من قبل لا ترخي الحبل مرة ثانية خليك حازم في الامور الجدية و الدلع له وقته. الله يصلح بالكم و يهدي سركم.
|
×× مبروك ××
ماشاء الله لاقوة الا بالله ..
والله مبيّن إنها بنت أصيلة وأجودية وبنت حلال ,, مبروك ,, والله يهينكم .. ويديم عليكم النعمة يارب .. وجعلها تسر عينك .. والله يجعل هذه آخر المشاكل ,, وعقبال لي ولجميع بنات المنتدى بالأزواج الصالحين الحنونين ,, ! |
الف مبرووك الله يهدي زوجتك
وعقبال لزوجي يعرف خطئه ويرد لصوابه |
:14::14::14::14::14::14::14::14:الف الف مبرووووووووووك
|
اقتباس:
والله دمعت عيوني . . أخييييييييييييييييييييرا ما بغيت توريها العين الحمرا ..:22: الله يقر عينك بزوجتك ... بس ما اوصيك .. خلك حااااااااااازم معاها في كل شروطك .. الله يسعدك ويهدي سركم يارب .. ملاحظة "ركز في ردود الاخ " بدون مجاملة "ففيها من الخبرة الشيء الكثير ..:28: ت ح ي ا ت ي .. |
بيض الله وجهك
وهذا اللي المفروض انه صار من زمان اقصد حزمك معها والنساء طيبات ومايحتاجن إلا توجيه فقط (في أغلب الاحيان) الله يخليك لها ويخليها لك ويرزقكم الذرية الصالحة |
زوجتك رقيقة العاطفة وتحبك وخذ بيدها ووجها واصبر عليها وسوف تصل الى ماتريد
اسعدكما الله ووفقكم |
|
ماشاء الله تبارك الله
شوية حزم معاها عند تهاونها في واجباتها اوحقوقك وتمشي اموركم بأذن الله على خير |
| الساعة الآن 06:57 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©