|
اقتباس:
الحيرة هل بيصبر ابنك على شهر ونصف في الغربة معك ومع انشغالك الشديد وهل إذا بقي معك بيساعدك ويخليك تركزين على دراستك !!!!!!!!!! عنده أهلك بيلقى كل شيء حوله من اهتمام و ناس وبعدين فرصة له أنه يتعلم ويتأقلم ،،،، فلا تعقدي الموضوع وهو واضح عزوبي بس رجل |
اتوكلي على الله وسبيه لأهلك .. وربنا يوفقك ويحفظ ابنك يارب
|
حسب ما اعرف انه امك تعاني من المرض الخبيث الله يعافيها
ما يجيكي تأنيب ضمير انك تكلفي عليها وتشييليها مسئولية طفل 3 سنوات؟؟ امك بتتعذر يمكن بطرق غير مباشره لما تقول انه متعلق فيكم الخ الخ الله اعلم انتي ادرى بالوالده .. عموما هو قعد سنتين مع الشغاله مارح يأثرر لو قعد شهر ونص زياده لو فيه خراب بتعلمه اياه كان تشبع منه خلال السنتين هذي مارح توقف عالشهر ونص .. زوجك هل هو مبتعث؟ ولا بس كورسات انجلش؟؟ لانه لو بس كورسات معناته يقدر يتحمل مسئولية الولد معاكي اذا بالنهار بتودو الولد داي كير والمسا ابوه يراقبه هي كلها شهر ونص ولا انه تكلفي على امك المريضه.. اما ان كانت الوالده بصحه طيبه والولد يقدر يفارقك خلاص حطيه عندها والله يعينك على فراقه ممكن تستخدمي كاميرا الكمبيوتر تشوفوه من وقت للثاني.. بس بجد ولدك يصبر عليك شهر ونص ؟ 6 اسابيع؟؟ ( الجواب عندك) |
اقتباس:
إن شاء الله .. |
اقتباس:
اليوم أختي نيمته ، و شلته حطيته جنب أمي .. وو الحمد لله ما دور عني .. |
اقتباس:
أعرفهم : ( |
أمس كل ما يطلب مني شئ ، أقول له روح أسأل خالتك فلانة هي تعطيك ..
أو روح أسأل خالو .. و هم يعطوه اللي يبغى .. و أعمل نفسي مشغولة أو أي شئ .. و رضي يخلي خالته تغير له البامبرز .. أختي اللي أصغر مني .. و أمس نام مع أمي ، و اليوم كنت برة البيت قبل لا يصحى الصبح و رجعت الظهر ،، صحي و ما سأل و لا دور عني ، و جالس مع اهلي .. رجعت البيت ، و جاء شوي لعب معاي و راح جلس مع أخوي .. الحمد لله بدأ يتعود عليهم ( شكله شاف الدلع مضاعف عندهم ) ( ما أقول لكم الرجال ما منهم أمان ) .. :d اليوم تطمن قلبي أكثر و الحمد لله .. بكرة السفر إن شاء الله ، و اليوم كمان بأبعد نفسي عنه عشان أتطمن مية بالمية .. و عاد ربي يصبرني وقتها .. |
الله ييسر لك ولولدك الخير وين ماكان..
والحين الدنيا تطورت.. تقدرين تتكلمين مع ولدك بالسكاي بي صوت وصورة.. يعني يشوفك وتشوفينه.. وإن شاء الله تعدي هالشهر والنص.. |
ينقل لقسم التربية والحوار الأسري
|
وحشتينا
والله ياروح وخلية عند امك وان شاءلله شهر ونص تمر طيران وماتحسين فيها والله يصبر قلبك يارب وحاولي كل مالقيتي فرصة تكلمية عالنت بالكام يعني يشوفك وكلمية وتشوفية كذا بيحس انك معة مو مرة ودققي عالصورة اكثر لان الصوت مو مثل الصورة والله يسهللل عليك ويتمم لك الشهر ونص بقلب مرتاح |
ياروح ..... ما أعز من الولد الا ولد الولد . . خليه عند أمك .... ماراح يتأثر .. ولا شيء . . الله يحفظه لك |
شكرا لنقل الموضوع ـ ما كنت أدري فين أحطه
------------- احساس عمري ،، إنت أكثر يا شيخة :) :) ماحد فاضي لي يا قلبي يفتح لي الكام هههه ------------ asali العقل يقول كذا ، بس ولدي الكل شايفه كيف متعلق فيا و مو متأقلم على جو البلدة ، صاير أوروبي ههههه ------------ وصلت الحمد لله بالسلامة .. و بأذكر أخر المستجدات ( بس أقوم أصلي ) |
احلاهم و أتحداكم
عندنا في بيت أهلي ، كل واحد مع لاب توب ماشاء الله بس ماحد معطيني وجه ، و يشغل لي الكام :D ------------------------------------ وصلت الحمد لله بالسلامة .. و بأذكر أخر المستجدات ( بس أقوم أصلي ) |
الحمدلله على سلامتك
والا سويتي احسن شي الله يحفظوا ويوفقك ان شاء الله |
الي حصل ، آخر يوم خلاص في المغرب كنت بألم شنطتي و مازلت بحيرة
إذا تركت ولدي ، فالأجواء مختلفة عليه ، و أهلي ما يخرجوا أبدا .. و ولدي هنا تعود الشغالة يوميا تخرجه تمشيه و عشان أوصل مدى اختلاف البيئة عليه : يوم شاف ناس لابسين الثوب السعودي أول ما وصلنا ، صار يبكي و يصيح و خايف منهم .. :D و يوم ركبنا مرة السيارة أنا و أخواتي و لابسين العباية السوداء ، صار يصيييييييح مفجوع ، و أخواتي يضحكوا منه .. و يبغى يفتح باب السيارة و يطلع متعود على الحجاب الملون .. :D و يوم شاف الدبان ( الذباب ) .. انفجع منه و أقول لأهل زوجي أول مرة يشوف ذبان و يموتوا ضحك مو مصدقين .. :D حتى دخل المستشفى للطوارئ و قالولي الممرضات ما عنده دم عشان نسحب منه ، قلت لهم من يوم جينا عايش على العصيرات و بس .. و أعطوه كيسين محلول و من يومها شهيته تحسنت الحمد لله.. ( هذا كان سبب خوفي عليه + إنه تتأثر نفسيته بغيابي عنه لإنه الكل يقول إنه ولدي متعلق فيا مررررة ) --------------------------------------------------------------- بس اللي كان مانعني أخده ، مشكلة الشغالة اللي حكيتها زمان .. :( الآدمية كل شوي تذلني و تستغل حاجتي لها عشان ولدي ، و أنا وعدتها أسفرها الشهر اللي فات .. و تجلس تنافخ و تعمل لي مشاكل أنا في غنى عنها ، و عندي اختبارات نهائية لمدة شهر و نص لازم أنجح فيها كلها --------------------------------------------------------------- في كلا الحالتين ، هو ما راح يشوفني لإني بأكون في الجامعة مشغولة .. بس لو أخدته ، بيكون متعود خلاص على الجو و على الشغالة ، بس أنا ماني فاضية لوجع الراس تبعها .. و ماعرف إيش راح تعمل في الشهر هذا إذا خليتها تجلس و ما حجزت لها ،، ولدي عندها : ( و كنت شايلة هم ، كيف أكلمها تجلس كمان شهر و نص ، و أتذلل لها و أقنعها ،، و تبدأ تستغل حاجتنا لها أكثر .. و لو تركته ، فمثل ما الأغلبية قال ، أمي أفضل مليون مرة من الشغالة و من دون أي شك .. لإنه منها فرصة يتعلم أشياء كويسة من أهلي ، لإنه خلال أسبوعين ماشاء الله كمان أكتسب أشياء حلوة منهم .. بس ( نفسيته ) هي كانت سبب حيرتي .. مالي خبرة في الأطفال .. : ( ---------------------------------------------------------- اللي صار قبل ما نسافر خلاص .. استخرت خلاص و وكلت أمري لله ،، و قلت أسيبها على ربي .. أختي الكبيرة دقت علي و قالت لا تتركي ولدك ، نصيحة ترى .. أمك مريضة و مشغولة مع زواج أختك و عريسها و تجهيزاتها .. و صح يحبوه و يبغوه ، بس راح يكون برضو مع شغالة أمك أغلب الوقت .. و أختك في الجامعة طول الوقت .. و أخوك كذا وو إلخ .. و ولدك حساس مرة ، و أختك التانية ما عندها الصراحة شئ اسمه دلع و ممكن تضربه .. و قالت أنا بأقول لك الصراحة .. راح يكون أغلب وقته مع شغالة أمك و خلقها ضيق عالأطفال .. سألت ولدي ، أتركك هنا مع ستو ؟؟؟؟ و أنا أروح ؟؟؟؟ قال لي ( لأأأأأأ ... بأسلوب ترجي .. و مسك يدي مو راضي يتركني .. خايف أتركه ) .. ( ماشاء الله في 20 يوم تعلم من أولاد أخواتي و أخواني كيف يعبر عن اللي بداخله .. أول ما كان يعرف :) ) قبل لا أقفل الشنطة في الليل خلاص .. قمت اتصلت على البيت في بريطانيا ،، ردت الشغالة .. قلت لها خلاص نحن كم يوم و راجعين .. ما حددت لها متى .. قالت لي : مدام ولدك تتركيه ؟ قلت لها : ايوة ليه .. قالت لي : بس الجيران يقولوا جيبيه ، لا تتركيه هناك .. قلت لها : أنا عندي اختبارات شهر و نص ، ماني فاضية و إنت خلاص تذكرتك بأقطعها لك اليوم جهزي نفسك .. قالت لي : خلاص جيبي ولدك ، مدام خلاص أنا ماعندي مشكلة أجلس معاكم شهر و نص ، خلاص جيبي ولدك .. قلت لها : أكيد شهر و نص ؟ عشان دحين بأحجز التذاكر .. قالت لي : لا لا مو شهر و نص ، أبغى أجلس معاكم لحد ما يخلص عقدي بعد 6 أشهر .. قلت لها : لا لا ، بس شهر و نص كفاية قالت لي : لا لا .. أبغى أجلس معاكم لحد سبتمبر ( بعد رمضان ) ، خلاص غيرت رأيي .. <- مصررررررررة على رأيها الآدمية و رجعت تكرر ،، ما أبغى أروح ، أبغى أجلس معكم .. ---------------------------------- قلت لزوجي أخده معاي ،، و أنا مو لازم أخد 100 بالمية في درجاتي .. دام جات منها بتجلس كمان .. المهم درجة النجاح ,, و حتى لو ما نجحت في مادة وحدة أو 2 .. مصيري إن شاء الله أخد الشهادة .. و يا الله أضحي عشان ولدي .. و بعد ما أخلص خلاص أسفر الشغالة الشهر الجاي بإذن الله .. و أصلح كل شئ .. |
كلام الشغالة قلقني الصراحة و حركاتها اللي صارت بعدين ..
هي من زمان ، و هي كل شوي تنافخ و ما تبغى أحد يمشي كلامه و كأنها صحبة البيت .. و كل شوي كانت تهددني ترى أنا بأسافر و جالسة عشانك و عشان ولدك ، و كل شوي تحرضني على زوجي بأساليب ملتوية .. لحد ما صار الموقف الأخير و جيت أخدت رأيي الأعضاءو لولا الله ثم الأعضاء ما كنت قدرت أمسك زمام الأمور و تمشي هي مضبوط من يومها و أرتاح من وجع الراس .. كانت تقول ، ولدك كبر خلاص روحي جيبي وحدة غيري ،، سفريني و زي كذا .. و تضغط علي فوق ماني مضغوطة .. مع إنها مرفهة آآآآآخر ترفيه .. بس تستغل حاجتي لها .. رجعنا و تاني يوم وصلنا فيه .. جات تقول لي .. ( مدام ، خلاص أنا قررت .. ما أبغى أسافر دحين .. أحجزي لي روحة و رجعة في رمضان على اندونيسيا .. أجلس شهرين أشوف أهلي و أعيد معاهم ،، و بعدين أرجع لكم و أجلس معاكم ) .. و أخد ولدك معايا شهرين و أجيبه لك بعدين .. طنشتها و ما رديت عليها ، لإني قلت من قبل ما فيا أعكر مزاجي معاها و أنا عندي مشاريع و اختبارات .. و لإني من هذاك اليوم .. الكلام اللي ما يعجبني منها ، أعطيه طناش .. و أبتسم لها و لا كأني سمعت شئ .. رجعت و تقول ، لا تحسبيني مجنونة ، أنا من جددددد أتكلم .. خلاص أبغى أروح شهرين و أرجع لكم ،، ( تحسبني محتاجة لها بعد شهر ؟؟؟؟ ) قلت لها ، بس أنا مو أكيد أكمل دراستي .. ( ما أبغاها تعشم نفسها ) .. ( الله أعلم إيش براسها ) .. :( قامت تقول ، لا كملي .. إنت لسى صغيرة و ولدك صغير و إنت ذكية ووو إلخ .. طنشتها .. <- تبغى تقنعني عشان تبغى ترجع هنا .. :( جلست تلعب ولدي ،، و تقول لي .. أنا أخده شهرين معايا ( مو استئذان ، لا بإصرار المرة هذه ،، و الله قلبي وقتها خلاص ولع اللمبة الحمراء ) .. قلت لها ، إيش اللي تاخديه معاك ؟؟؟؟؟ قالت ، ليش لأ ؟؟؟؟ خلاص هذا حقتي خليه معايا شهرين و أرجعه لك .. طالعت فيها بتكشيرة ، يعني كفاية .. و قلت لها ( لأ ) .. -------------------------------------------------------- جيت تاني يوم من الجامعة ،، و تقول لي .. اليوم جلست مع ولدك و أعلمه يقول زيي .. أقول له ، أنا أخدك معايا اندونيسيا تجلس شهرين ، قول طيب .. و هو يقول لي .. ( لأأأأأأ .. ماما ؟؟؟؟؟ بابا ؟؟؟؟؟؟ ) تقول ، ماشاء الله ولدك صار يفهم خلاص كل شئ .. بس لسى ما يتكلم جمل كاملة .. ما عبرتها .. و خلاص لازم تفهم هي من عيوني لإنها ذكية مرة ؟؟؟؟؟؟ -------------------------------------------------------------- كنت مشغولة بأفتح سي دي لولدي في اللاب توب .. جات تقول لي .. كمان .. ( هنا رجعت تحرضني على زوجي ) مدام خلاص ، ليه ما تعيشي هنا على طول في بريطانيا ؟؟؟؟؟ خلاص ولدك تعود يعيش هنا .. قلت لها ، لأ .. كيف يصير ؟؟؟؟ قالت لي ، شوفي صحبتك فلانة ،، سويي زيها .. قلت لها ، صحبتي مين ؟؟؟؟ قالت اللي عايشة في المدينة الفلانية .. قلت لها ، بس هي متزوجة واحد بريطاني ، عشان كذا تقدر تعيش هنا على طول و تاخد الجنسية البريطانية .. قامت تقول لي الشغالة .. و في وجهها ابتسامة خبيثة .. طيب سويي زيها .. قلت لها ، كيف يعني أسوي زيها ؟ و طنشتها .. أنا ما فهمتها وقتها ، و كنت مشغولة مع ولدي بأفتح له السي دي و درت ظهري لها .. قامت تعيد نفس الكلام ،، و تقول مدام سوييي زيها يعني أقصد .. قلت لها ، يا بنتي هي متزوجة بريطاني .. قالت و طيب ؟؟؟؟؟ قمت غيرت الموضوع .. و فهمت قصدها .. قصدها ،، تطلقي من زوجك ، و روحي تزوجي واحد بريطاني .. لإنها كم مرة كانت تقول لي ، ليه ما تتطلقي من زوجك ؟ إنت كم واحد يتمناك .. و دايم تقول لي ، ليه ما تشيلي الحجاب ؟ ليه ما تروحي البار .. إلخ لحد آخر موقف ، خاصمتها فيه و قلت لها ،، لا عاد تتدخلي في حياتي مع زوجي .. و الكلام اللي حصل وقتها .. و اللي كان مصبرني ، عشان أقول ضعيفة .. و ما كنت فاهمتها مضبوط ،، و عشان ولدي مضطرة .. ------------------------------------- و أنا مسافرة ، قامت ترد على كيفها على شركة الإتصالات و يسألوها عني .. و تقول لهم ، أنا كم مرة كلمت المدام و تطنشني .. صدقت حالها ، ولية أمري ؟ :( --------------------------------------- و نفس الوقت ،، صارت تهتم في البيت أكثر ،، و جهزت لنا الأكل يوم وصولنا .. تبغاني أخليها دحين تجلس 6 أشهر و أرجعها من جديد .. بأي طريقة تبغاني أحتاج لها ، و أنا بجدددددد خلاص أمس كلمت زوجي إنه شهر و نص و بأحجز لها تسافر ماني بحاجة لها ,, |
اليوم اللي صار ..
مسكت أعصابي لآخر لحظة .. ناديتها و أنا جالسة في الصالة .. طلعت من غرفتها .. قلت لها تعالي هنا .. جات ، وقفت تطالع فيا .. قلت لها ، بكل هدوء و حزم .. شوفي .. ولدي ، لا عاد تقولي له ، أخدك على اندونيسيا مرة تانية .. الولد صار كبير و يفهم .. لا عاد أسمعك تقولي أخده على أندونيسيا .. ( انصدمت كأنها و شوي عيونها تدمع ) أهلي يقولوا هذه انجنت ، حصني ولدك .. ------------------------------------------------- قالت : طيب و إيش كمان ؟؟؟؟؟؟ قلت لها .. على أي أساس تردي على الشركة و تقولي لهم إنك كلمتيني كم مرة و أنا ما رديت عليك ؟؟؟؟؟ أنا قلت لك ، تردي عليهم ؟؟؟؟ أو تقولي لهم كذا ؟؟؟؟؟؟ قالت هما سألوني .. قلت : سألوك تقولي ما أعرف ،، لا تدخلي نفسك في خصوصياتي .. أنا أهلي حتى ما أحب إنهم يتدخلوا في أشياء تخصني .. أحد يسألك مرة تانية ، تقولي ما أعرف .. أي شئ يصير ، مالك دخل فيه .. أنا المسؤولة ، مو إنت .. و الأفضل إنك لا عاد تردي مرة تانية على التلفونات .. سمعتي ؟؟؟ ---------------------------------------------- قالت و إيش كمان ؟؟؟؟؟ قلت لها ،، ما تروحي للجيران و الناس و تجلسي تحكي لهم أي شئ عن اللي يصير في البيت هنا .. أي شئ يصير هنا جوة البيت ، إنت مالك دخل فيه ،، ما تروحي تحكي لأي أحد .. --------------------------------------------------- قالت إيش كمان ؟؟؟؟ و نفسها تقوم تذبحني .. قلت لها ، خلاص .. ولدي مثل ما قلت لك ، لا عاد تقول له أخدك على اندونيسيا ، و لا تدخلي حالك في شئ ما يخصك .. قالت طيب و راحت غرفتها .. ------------------------------------------- أخدت جواز سفر ولدي و خبيته مع زوجي .. بس مافي بيدي غير أحصن ولدي .. و اتفقت مع زوجي ، أحجز لها على أقرب رحلة بعد شهر و نص و ما أقول لها .. لإنه براسها شئ .. الله العالم به .. ( هذه كل الحكاية ) آسفة ، طولت عليكم .. بس من جد ،، يمكن أحد يعلمني كيف أخلص منها من غير مشاكل .. بس من جدددددد تعبتني و هذا اللي كنت متوقعة حصوله ،، و كويس إني ضبطت أعصابي عليها .. مع إنها تعرفني ، إذا انفجرت خلاص ما عندي يا مامي ارحميني .. و الله أخاف زوجي يخرج و يتركني معها :d:24: يوم يكون في البيت تصير زي البسة .. و يوم يخرج تتفرعن و تسرح و تمرح في البيت .. و يوم أشد معها كذا ، ما عاد أشوف وجهها أبدا و تجلس في غرفتها .. و أنا ما أحب أعصب على الشغالات ، بس أكتشفت إنه الشغالات في كفة و هذه في كفة لحالها .. سامحوني إذا تأخرت بالرد .. هذا الأسبوع عندي تسليم بحث نهائي عليه 50 بالمية بعد 3 أيام .. لسى ما كتبت شئ فيه .. |
بنت مكة ..
ألف شكر يالغلا :) :) -------------------------- هنا المستجدات .. http://www.66n.com/forums/showthread...22#post2396222 سامحوني عشان دخلتكم في متاهات معاي .. بس هي كذا جات :D |
ياالله هذي مجنوووووونه!!
من جدها تبغى تسفر الولد معاها!! والله لو مكانك مستحيل أأمنها على ولدي:24::24::24::24::24: قوية عين من جد:( الله يحفظ ولدك والله خايفه عليه ياليتك خليتيه عند أهلك الله يعينك على الأيام هذي ويوفقك ويحفظ ولدك من كل شر ياليته عندي :)أحطه بعيوني حتى تخلصين :) عندي بنوته بنفس عمره :15: |
أختي أحب زوجي
أهلي مشغولين مع الزواج ، خفت يجلس مع شغالة أمي أغلب وقته على قولة أختي الكبيرة .. و زواج أختي ما كان محدد و لا كان في الحسبان ، و فجأة تحدد موعده ،، شغالتي زمان كنت أحسبها تمزح ، بس هي من جددددددددها .. و خلاص إن شاء الله ما عاد تفتح السيرة من جديد .. تحملتها كثير و بقي القليل ،، بقي شهر تقريبا .. و هي تحسب إني بأخليها تكمل معاي 6 أشهر .. و الله يسلمك يا قلبي ، بس أخاف على بنتك منه :D ولدي البنوتات يحبوه ، عشانه مرة حنون و يدلعهم ههههه |
الحمدلله على سلامتك حبيبتي ...
الله يعينيك هلى هذه المصيبة اللي عندك ياليتك عايشة جنبي هنا كنت قلت لك خليها تسافر و هاتي الولد عندنا :) والله هذه مجنوووووووونة ... انتبهي منها وربي يحميكم منها و من شرها |
أهلييين نورة
الله يصبرني بس ،، صرت أجلس بالجامعة عشان لا أحتك بها و أمس ادعي ، يارب أكفيني شرها |
استخيري بتركه
اشوف انك تتركيه وانتي مطمئنه عليه وبوضع صحي احسن من انه معاك ةوما يشوف أحد غير الشغاله بحكم انشغالك وركزي بدراستك وبالتوفيق يارب |
نورة
المشكلة انها ذكيييييية وفاهمة وتعرف كيف تكسبك في طرفها لدرجة يوم اشوفها كيف تكون مطيعة وتخاف من زوجي ماصدق انها اللي قبل شوي كانت ماخدة راحتها وتحرضني عليه حاليا ماصارت ترد علي مثل زمااااان .. من بعد اخر موقف حصل وجيت اخد رايي الاعضاء --------------------------------------------------------- ذكريات لاتغيب الحمد لله اللي مريحني انه متعلق فيا و لازمان كان يمووووت عليها حتى كان يناديها ماما .. و الحمد لله انفرجت تقريبا :) المستجدات في الصفحة اللي قبل هذي :28: --------------------------------------------------------- من جدددددددددددد ما خاب من استخار وماندم من استشار طبعا ولدي مالقيتله ابدا اي مدرسة تقبله قبل سبتمبر يعني قبل رمضان و قبل امس قابلت زميلتي الاجنبية في الفيس بوك بالصدفة وجاء في بالي اسالها عن ولدها اللي اكبر من ولدي بشهر سجلته في مدرسة او لا.. قالتلي ايوة وراح يبداوا الاسبوع الجاي اخدت منها العنوان وارسلتلهم الايميل وعبيت الابليكيشن كنت فاقدة الامل بس موكلة امري لله وثقتي دايما بالله ردوا قبل شوي وقالوا عندنا مكان لولدك وفي الصيف كمان بس بعد ١ ونص الثلاثاء والجمعة فللل مليان قلتلهم مو مشكلة واخدت موعد معهم الثلاثاء ان شاء الله ادعووووووووولي انه يارب يكتمل تسجيله وتنفرج نص همومي يارب :) |
ان شاء الله يااااااااااااااارب يكتمل تسجيله
على الاقل تطمني عليه و بيتعلم الكلام و الاختلاط بالاطفال الله يكتب لك اللي فيه الخير حبيبتي .. |
| الساعة الآن 08:27 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©