|
اقتباس:
|
اختي اطياف الرياض احتررم رايك كثير حبيبتي
لكن الام مو (مجنونة ) .. و هي قالت لأبو ولدها ( إنها كانت صغيرة و بررت أفعالها السابقة ) هوو ما يبغاها ،، حر في نفسه .. لكن الولد يتحمل أمه بعيوبها و حسناتها 1 - الأم عندها طبع التملّك .. و هناك أمهات أسوأ و ماحد يتكلم عنهم 2 - من متى الطليق يعجبه تربية طليقته ؟ أكيييد كل واحد بيشوف من منظاره فهو بينظر من منظاره ، لكن لو أنا مكان الولد .. ما راح أرضى بأي حضن غير أمي مهما كانت أمي 3 - لو الأم تعاني من تخلف عقلي ، وقتها راح نطلب بحماية الطفل من أمه نحن ما بنعيش في مجتمع مثالي مثل بريطانيا فرضا .. و قوانين حازمة لمعاملة الأطفال فما وقفت على الأم هذه ، و غيرها في الأسوأ و الأسوأ لو بنطبق أي شئ عليها ، نطبق على الجميع وجهة نظر :) عالعموم ، أنا ضد فكرة أخذ الطفل هو ما يبغاها ، خلاص يحسن لها كأم لطفله و للعشرة السابقة و بيده إنه يرعى الطفل بأكثر من ألف وسيلة |
اقتباس:
فإن كان هناك طريقة فعالة لحماية الولد وقابلة للتطبيق من قبل الأخ صاحب الإستشارة فياليت تطرحينها وبالمرة نضرب عصغورين بحجر مانحرمها ونحافظ على الولد على الهامش /الحمدلله انحلت مشكلة التنسيق لكن بعض الحروف في خطي المفضل تطيرفيها النقط من فوق الحروف عندماتكون داخل إقتباس كل التوفيق عزيزتي |
في نظري أن الموضوع أخذ مجرى آخر (هل يأخذ الأب الولد أولا )..
لا بد حل الأمور بطريقة منطقية .. فما وراء ذكر الوالد لهذه الحقيقة .. اقتباس:
على كلٍ إن كان صاحبنا كتب أعلاه بسرعة أو بدون تركيز أو تحت ضغط رؤيته هو لها بأنها سيئة جدا وهي ليست سيئة معاه إلى هذه الدرجة فبتأكيد نحن نقدر دور الأم وليس من السهولة بمكان أن ننصحه بأخذ ابنه .. وفي نظري من الدلائل التي تساعد في الحكم على ذلك .. نفسية الولد لما يقابله أبوه هل هي مستقره // هل الولد يروي قساوة من أمه تعدت المعقول // هل الولد ماشي في دراسته // هل سبق وأن ذكر الولد للأب أنه لا يرغب العيش عند والدته .... وأمور كثيرة ويضل في الأخير الموضوع راجع للأخ صاحب الموضوع ... والله يحفظ ابنه من كل سوء وينشأ صالحا مصلحا .. الغالية أطياف الرياض .. كلامك منطقي والله يحفظك .. |
اقتباس:
موفقة عزيزتي |
نحن لانراعي الولد على حساب الأم بل نراعي الأم أكثر لأنها مريضة و تحتاج لمساعدة, أكاد أجزم أن أخذ الولد منها سيزيد حالتها سوء ، هناك عدة حلول غير أخذ الولد فبإمكان الأب الجلوس مع ابنه و فهم مشكلته مع أمه ماهي و من ثم تصبير ولده بأنها أمه وعليه تحملها و الصبر عليها و يخبره الأب أنه سيزوره و يخرج معه يوميا أو يحادثه يوميا إن لم يكن معه في نفس المنطقة أو حتى يتواصل معه عن طريق الرسائل اليومية .
أنا قد أؤييد أخذ الولد إن كان طفلا أما كونه في سن المتوسط فهذا يفهم وضع أمه , وبإمكان الأب أن يقول له أنا أريد أخذك ولكن أمك ستبقى بذلك وحيدة .. من لها غيرك ؟! أنا موجود ولن أقصر معك في شي متى ما أحتجت لي ستجدني .. صحيح أنك تتضايق من تصرفاتها و لكن أمك مريضة تحتاج لمن يساعدها و يقف بجانبها ، أنا متأكد إن أخذتك ستزيد حالتها سوء .. و لا أظن أنك تريد ذلك .بإختصار يحاول الأب إفهام ولده بأي طريقة يراها مناسبة مع الإكثار من زيارته حتى يخفف عنه شيء من الضغط الذي تمارسه أمه عليه .(هذا كله في حالة إن قرر الأب عدم إرجاع الأم ) |
لا شك عزيزتي أن إبقاء الولد مع أمه مع القدرة على المحافظة عليه هي الأفضل وهذا ماقلته في الرد السابق
لأنها تراعي الطرفين مع أنها ستثقل كاهل الأب لأنه سيحتاج لمضاعفة جهده لإمتصاص أي مؤثرات سلبية على الولد لكن إذا لم يستطع تحمل حماية الولد أو تأثر الولد بأمه فننقذ مايمكن إنقاذه ثم أني حتى عندما أقترحت أخذه فإن طالبت أن لا يحرمه من أمه وأن يزور الولد أمه ساعة يوميا أما بخصوص عمر الولد فأظن أن مرحلة المراهقة من أخطر المراحل وجود الولد بجانب أبيه مهم جدا للولد كما هو حال البنت فإنها تحتاج لأمها في فترة المراهقة أكثر من والدها والعكس صحيح بالنسبة للولد لذلك فعلى الأب إن قرر بقاء الولد مع الأم أن يكثف من التواصل مع الولد ولا يكتفي بأوقات الزيارة عموما أقتراحاتكم لم تبتعد كثير عن أقتراحي ونحن متفقين إلى حد ما موفقة |
لا أدري كيف لإمرأة جربت الأمومة و تعرف إحساس الأم جيدا .. تقترح أخذ الولد الوحيذ لأم مطلقة في ظل وجود حلول أخرى لمشكلة الإبن مع أمه !!!
|
أختي أطياف الرياض
شكرا لك و لتوضيحك .. الألف وسيلة إنت في ردك السابق قلتي إنت وحدة منها ;) بقيت 999 .. أخاف أقولها و نخرج عن المشكلة الرئيسية :25:<- عاش مصرف http://www.66n.com/forums/images/icons/icon52.gif - ممكن ياخذ الطفل مرة في الأسبوع يلعب مع أولاد عمه و يرجعه لأمه في الليل - ممكن يلقى وظيفة لطليقته عشان تنشغل شوي عن الطفل و تحكمها فيه و وضع كل اهتمامها فيه - ممكن يسجل ولده في روضة ؟ بقيت 996 :d أخليها للأعضاء |
يسجله في روضة :15:
ياروح هذا عمره 14 سنة ويمكن أكثر:d |
روح الطير فكرة توظيف زوجته فكرة ممتازة جدا ليس فقط لإشغالها بل أيضا لتصرف على نفسها دون الحاجة لأحد
مع أن الوظائف قليلة لكن مافي شيء مستحيل وعفوا عزيزتي وأنا من أشكرك على تفهمك لوجهة نظري (: والشكر لك ايضا على تفاعلك بالحلول والمعذرة من الجميع بالتوفيق |
معليييه .. كنت أحسب عمر الطفل سنتين ، مادري كيف حسبتها ؟ http://www.66n.com/forums/images/icons/icon54.gif
إذا كذا ، فالولد يعرف مصلحة نفسه خلاص و الحمد لله إنه الولد كبر و رحمة من ربنا بإذن الله ، إنه لها أحد في الدنيا تستند به فما أظنها بحاجة لزوجها ، ولدها مصيره يكبر إن شاء الله و يشيلها أهم شئ لا أحد يقسي قلب الولد علييها و أخونا الفاضل واضح مثل ما ذكرت أطياف الرياض إنه ماخذ قراره خلاص مشكورة أطياف الرياض http://www.66n.com/forums/images/icons/tongue3.gif |
بصراحه انصدمت من بعض الردود كيف تنصحون الرجال بانه مايرجع طليقته انتم قطعتوا برزق الحرمه المثل اللي يقول (قطع الاعناق ولاقطع الارزاق) وش يدريكم انها ماتعدلت ترى مرت سنين على الطلاق يعني ماتدرون اذا تعدلت او لا ا-خوي لاتسال الناس عن الموضوع واستخير كم مره والله بيدلك على اللي فيه الخير ولا تخلي هالردود تقسي قلبك على طليقتك والله اني اعرف حريم في صغرهم كانوا تصرفاتهم تصرفات اطفال وكبرو وتغيروا -- ام ريان شاريتك بغالي لاتبيعها برخيص
|
ارجع لها واسال الله ان يصلحها
|
اعوذ بالله هذي ذوقتك عيششششه اعوذ بالله منهــآ
والله .. لوريهـآ الويل لخليهـآ تعض الارض من القهر ... روح أششتك قل هذي تسسحر . روح سو اي شي لآتسكت وافتك منهــآ ومن ششرهآ والله بعض الحريم اعوذ بالله منهم |
هي ام ولدك الوحيد
وموت ابوها وامها..اكيد غيرووووها وما لوم اهلك لما انصحوك انك ترجعها بعد كل اللي صار لها صح مو ذنبك انها عايشة بروحها في بيت ابوها وامها المتوفيين..بس الرحـــــمة وين..؟ لما تشوف طليقتك ام ولدك تعيش على نفقة اهل الخير..مايحز بنفسك هالشي لهالدرجة قلبك مو راضي يسامح ويعفو..! |
طليقتك مريضة بحب التملك ، لكنك لم تتطرق ابدا حول وضعها الحالي و هل تغيرت ام لا ف 14 سنة و طلاقين و وفاة الوالدين تغير في الانسان اشياء كثيرة جدا
|
فهد الوايلي هون عليك ياخوي الحرمه ماسوت جريمه قتل او زنا لاقدر الله عشان تتهجم عليها بهطريقه القاسيه وبعدين لا تقذف المحصنات وتتهمها بالسحر بدون ادله اسال الله لك الهدايه اذا ربك يسامح ويعفوا فما بالك بالبشر --
|
اهلن اخوي
انا ما ابي اقولك راي اخاف تندم عليه طول العمر بس ابي انصحك انك تستخير وتكثر من الاسغفار وحاول تفكر بينك وبين نفك دون التدخل من اي شخص لا عشان فلان ولا علان انت قر بنفسك دون ضغوطات والله يوفقك ويكتب الي فيه الخير اذا رابك كاتب بترجع لها بترجع واذا ماربك ارد الله يرزقك |
استغفر الله يارب بصراحه زوجتك امرها غريييب جدااا وماتبي احد يزورها ؟؟؟؟ يخوف امرها ليش ويش ناقصنها بلعكسسس احلى شي اللمه والصدقات والزيارات الله يعينك والله
والله انك انسااااااااااااان نااادر وماتستاهلكك دي الحمدالله والشكر ما شفت فيها حسنه تدكر!!!! اتوقع 100 ب 100 ساحرتكك بسم الله الرحمن الرحيم |
قبل ما اقول رأيي في الموضوع ودي اثير عدة نقاط ..
اولا : هذا عقاب ربنا انزله بهذه المرأة لأنها كانت تكره الزيارات وتحب الوحدة والآن ربنا عاقبها بالوحدة امها وابوها اتوفو .. وعايشة في البيت بلحاها لا ام لا اب لا اخوان ولا اخوات ولا زوج .. ثانياً : بعض الأخوان والاخوات يقولو يمكن اتحسنت .. تراها ما اتحسنت ولا يحزنون .. والدليل انها تمارس نفس الطرق والطباع على ابنها .. ثالثاً : طاعة الام صح واجبة لكن مو على حساب راحة الرجل واعصابه .. رابعاً : ولدها بكره يكبر ويساعدها .. بس عاد الله يعينه علي امه .. هو مجبور عليها بس طليقها لأ .. اما عن رأيي فأقترح عليك اخي ان تزيد في مصروف ابنك حتى تغنيها عن الحاجة .. وبكذا تكون ساعدتها وفي نفس الوقت ما ورطت نفسك .. الشي الثاني حاول تقرب من ابنك اكثر وتعوضه عن القسوة اللي بتمارسها امه عليه حفاظا على نفسيته من الدمار .. وزي ما قالو بعض الاخوان في الردود حاول تبحث لها عن عمل يلهيها عن مضايقة الولد 24 ساعة ويوفر لها لقمة عيش تغنيها .. لكن أصحك ترجعها .. لا تنسى انهى دوقتك الويل .. ودوقت زوجها الثاني اصناف العذاب واجبرته على الطلاق .. ايش يضمنك انها تكون اتحسنت .. وهي ما زالت بتعامل ابنها بنفس الاسلوب .. اهتم فيها من بعيد لبعيد .. وخلي الوالدة تمر عليها بكثرة .. و هي حتتأكد بنفسها انو هذي الزوجة ما تصلح لأنها غالبا راح تضايق من كثرة زيارتها .. وقتها الوالدة حتقتنع .. مجرد افترض .. ولو حست الوالدة انها فعلا اتغيرت هذاك الوقت فكر مرة ثانية .. لكن ارجع واقول انها ما اتغيرت والدليل معاملتها لإبنها .. كان الله في عونك .. ورينا ايش المستجدات |
اقتباس:
كلامك كبيييييير تراه |
لو بمكانك ارجعها لكن اسكنها بيت ابوها .......... علشان مااحد يجيها ولا تروح لااحد هذا افضل حل .... والله يخليكم لبعض .. وتذكر قوله تعالى ( ادفع بالتي هي احسن )(.... الايه .. ) سورة فصلت تاملها وستجد الحل ... وشكرا لك
|
شكرا لكل من شارك في الموضوع لي عوده والرد على الجميع لكم تحياتي اخوكم ابوريان كل عيد أضحي مبارك و انتم طيبيين اتمنالكم كل الخير وكل عام والجميع بالف خير |
شوف اخوي انت واحد اماانك تحبهاوتموت عليها وموقادر تفكر في غيرها
اوانك فعلا مسحور او ان العيب فيك انت فاذا تحبها اكيد بتنسى كل اللي فات ورجعها في بيت ابوها واذا مسحور راجع مشايخ والله يشفيك ثم دور على غيرها وتزوج اما اذا العيب فيك وهذا مااتوقعه لكن ارجوك لاتزعل مني [انت طلبت راي الاعظاء لحل مشكلتك] لانه مافي رجال زوجته متبي اي احد من اهله بدون اي غلط منهم ويسكتلها ولوكان هذا طبعها ليش ماطلقت قبل الولد لا تقول يمكن تتغير محد يغير طبعه ماسمعت بالمثل اللي يقول اسأل عن صاحبك حي ولا ميت مير اللي به به واتوقع امك لها نظره فيك وفيها ولو امك مو شايفه انها تناسبك ماقالت لك رجعها واذا قصدها حفيدها فهو رجل وقرب خيره ونفعه ان شاء الله لكن الظاهر امك شايفه بك عيوب محد يصبر عليها غير ام ولدك ولا كان من اول سنه بطلاقك افترت من بيت لبيت تدور لك على مره فاهل مكه ادرى بشعابها ولو مافيك عيب اومشكله نفسيه كنت تجاوزت هالزواج الفاشل وكل معناتك بسرعه وتزوجت موقاعد اربعة عشر سنه متحمل وساكت لانه شي غريب صابر بدون زواج خمس سنوات انت رجل تبحث عن نصيبك بالزواج مو حرمه تقعد تنطر نصيبه وبالنسبه لعمك يمكن طليقتك كانت ملاحظه انهم حاطين عينهم عليك ومن الغيره رفضت تستقبلهم اتمنى تحاسب نفسك عدل وصلح نفسك قبل ترجعها اوتتزوج غيرها واسفه لوقسيت بس ابيك تتصالح مع نفسك |
| الساعة الآن 06:58 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©