|
أختي دلوعه مودي
نصيحه لاتفاتحينه با الرقم كذا بيشك ويسوي سالفه انك قلبتي جواله لو عنده خرابيط او مرقم احد بيكون حريص على الجوال بازياده وبيقفله وقت النوم أو بيسوي رمز حمايه من ناحية أنه هناك رومنسي وأخر شوق لك 00 هو حس بتأنيب الضمير لانه طلع يستانس وانتم في البيت 0000 هم يسافرون يبون يشفون اشياء ماهي عندنا حب أستطلاع 00 ولاتخافين 00 يأختي00 الرجال حريصين على صحتهم قبل صحتنا ماراح يبلى نفسه بمرض هو في غنا عنه 00 بقولك00 نفس طريقة زوجي لاسافر ويقول اطلعي ويسمح لي اروح مع اهلي لكل مكان 00 ولاصار موجود لا مافيه طلعه والنفس شينه 00 وبعد لاجاء من السفر كانه تو مقابلني من ساعه لاشوق ولاشي:d ولا سألت قال تعب السفر والفره وياخذ يوم كامل نايم 00 الهدايا كلنا بالهوى سواء اختي :) 00 أختي أنتي خذي نفس عميق ولاتتسرعين خليك على الصامت وراقبي تصرفاته00 أول مايصحى قابيله بوجهه صبوح ومبتسم وسوي له الفطور والقهوه وكل شي 00 وقولي له من كلام الغزل والدلع والبسي وكشخي 00 وخاصه انه في اجازه 00 باقي الايجازه لايسافر ولاتشجعينه لانه كذا بيستانس وبيصير يطلع كل اجازه 00 انتي سوي جدول لطلعات لكم للمطاعم ومنتزهات واسواق 00 وعلى اخر الاسبوع احجزي فندق لك أنتي وياه وجددي أول أيام زواجكم 00 وصدقيني كذا بيستانس وكل اجازه بيقضيها معكم 0 لاتخلين لشيطااان مدخل عليكم 00 وسلامتك أختي 00 |
اقتباس:
وشكلي بغيب الاولاد واسافر الا اذا جد جديد بيننا وتارت هوشه ما ادري وش بيصير |
اقتباس:
ويعطيك العافيه |
اقتباس:
وشويه شويه ماتحسين إلا وماوده يسافر إلا وأنتي معاه وبالتدريج تقدري تخلصينه من صاحبه هاذا وتكونين أنت زوجته وصديقته في سفراته وتكون هاذي النقطه في صالحك حاولي تكسبين قلبه وتسافرين معاه وبكذا أضمن لك بإذن الله إنه ماعاد يقدر يسافر بدونك بشرط واحد هو إنك لوسافرتي معاه أبتعدي عن المشاكل وظيقة الخلق والنكد ولاتجلسي تحاسبينه هناك ترى هناك عندهم إنفتاح مره يعني موكل شوي أنت ليش تطالع وليش سويت كذا وتركت كذا ترى الرجل يمل ويطفش بسرعه ويحس وكأنه عندك طفل جالسه توجهينه سوي كذا أفعل كذا لاخليه يعيش أجمل لحظات حياته معاك حتى لوسافر بعدها مع زميله راح يحس بالفرق في سفره معاه وسفرك أنت معاه ماأتوقع زوج يخربط في دوله ويطلب من زوجته ترافقه لسفر لنفس الدوله لأنه بيمر بكل مكان خبص فيه وكمان يرجع لنفس الدوله خلال أسبوع هو وزوجته ما أتوقعهاأصلا مايمديهم ينسون شكله أنت لازم توافقينه وتسافرين معاه منها تغيري جو ومنها تكسبين زوجك وتخلين لك بصمه في حياته أنا أحس إن زوجك طيب ويحبك وإلا كان مارجع وطلب منك السفر معاه وأحس إن زوجك لوصار فيه خراب مومنه من صديقه العله إللي يسافر معاه حاولي تكسبين زوجك وكوني له الزوجه والصديق والأهل هي ثقيله وصعبه بس لاتتركي لصاحبه الفاسد عليه مجال أبد لأن القرين بالمقارن يقتدي والصاحب ساحب الله يعينك ويسر أمرك ويسعدك يارب. |
أنا أقترح عليك تحتفظين بالرقم عندك , وتمسحينه من جوااله , إذا سألك فيه أحد أستخدم الجوال أو مسح أرقاام وعلى حسب أسلوبه يعني معصب ومتنرفز أو طبيعي فهذا دليل أنه محتفظ بها الرقم , طبعا لايظهر عليك أنك عارفة شي, لأنه ممكن يحط رقم سري, وكل فترة أبحثي في جوااله عن نفس الرقم .وأن شاء الله يكون مجرد رقم و نااسيه.
وصدقيني دام عند زوجك صديق سيء مارااح ترتااحين في حيااتك أبدا, والرفيق السيء يجر بمعااصي كثير لاتقتصر على تزيين العلاقاات المحرمة والشرااب فقط ,فسألي الله دائما أن يرزقه الرفقة الصالحة ويهديه ويريه الحق حقا ويرزقه إتبااعه , ويريه البااطل باطلا ويرزقه إجتنابه ويبعد عنه عيال الحراام ,كثري من هذا الدعاء في سجودك. وأهم شي أنك تحرصين أنه مايخون الله قبل لايخونك, الله يوسع صدرك ويطمن قلبك . |
اعانك الله سافري معه غيروا جو وشوفي الوضع هنالك وايش الي مونسه وانسي موضوع الرقم
وحاولي تنسين الأمر وخليها رحلة استجمام الله يسخركما لبعض |
ياويلي يعني في هذي الدوله خرابيط ويروحون عشانها
اجل تحرم علينا وخصوصا زوجييييييييييييييييييييييييييييييييييييييييييييييي ييييييييييييييييييييييييييييييييييييي حسبي الله ونعم الوكيل |
في العجلة الندامة وفي التاني السلامة
شكرا ع مرورك |
اختي أحس انك كبرت الموضوع وبعض الاعضاء هداهم الله زادو عليكي بدال ما يهونون إخيتي الحياه الزوجيه أرقى من ما تتصورين عزيزتي هذه حياتك انتي وانتي الوحيده القادره على تسييرها بكل أمان قولي لزوجك اذهب حبيبي الى حيث شئت لكن تذكر ان الله يراك في كل مكان واعلم حبيبي ان ثقتي فيك كبيره اذهب استودع الله دينك امانتك فانا اعلم انك تخاف الله وتعلم بوجوده في كل مكان استودع الله فيك كم تمنيت ان اذهب معك لكن الظروف أقوى مني *
|
في هذا الزمان وفي كل مكان سوى دوله أو منطقه أو حتى منزل يوجد صالح وطالح والتعميم مايجوز والواحد لو يسافر أوربا وكلنا نعلم مافيهامن فساد ومناكر إذا كان وازعه الديني ضعيف فشئ أكيد إنه بيضيع ويسوي إللي يبغى
لاكن إذا كان إنسان قلبه مليان بمخافة الله ووازعه الديني قوي ويتقي الله في نفسه لو عرضوا عليه كل العاهرات لصد عنهن وقال إني أخاف الله أن يهلكني إن عصيته فيا أخواتي موهاذي الدوله يوجد بها فساد كل الدول التي لاتطبق شرع الله في نهجها التطبيق السليم لابد أن يحصل فيها خلل في مجتمعاتها وبيتها ويصير فيها فساد والفساد هذا ما يأتي إلا من المفسدين الذين يحبون أن تشيع الفاحشه بين الناس هناك مفسدين وهناك صالحين في كل الأمم نسأل الله السلامه والتوفيق نحن وإياكم لما فيه صلاح أنفسنا وصلاح الناس . |
دلووعة
سويتي مشكلة من لا شي و اكلتي نفسك و اعصابك و بتنكدي على زوجك يابنت الحلال... تعالي شوفي موبايلي كم ارقام فيه خاااصة اما ارقام سابكين او نجارين او شركات بيع بيوت او تاجير سيارات و كلهم اسجلهم على عجلة و انسى ارجع اكتب الاسم و انتي اتصلتي لو كانت اللي ردت حرمة دلوعة ولا لو ردت وقالت هلا حبيبي فلا (اسم زوجك) ساعتها لك حق تسوي من الحبة قبة ... لكن يابنت الحلال اللي ردت وحدة اثيوبية قد تكون موظفة في مكان .. فا استهدي بالله .. و نصيييحة من اخت قفلي الموضوع لانه ماااا يستااهل و لا يدل على اي شي دللي زوجك بهذه اليومين و شيلي عنك و عنه النكد و الهم و ابسطيه عشان فعلا يحن للسفر معاك مو يقول في نفسه ايش بسوي بالسفر معاها كلها نكد و مشاكل اذا تقدري تسافري معاك لحالكم بيكون احسن شي تسويه و الاولاد وديهم بيت اهلك و لا اهل زوجك و لا حد من اهلكم يجي عندكم ولو ما تقدري. خلاص يابنت غيبيهم .. بساتهم صغار ماراح تروح عليهم دروس كثيرة لساتهم لا ثانوية عامة و لا امتحانات وزارية غيبيهم و روحوا اتمشوا و انبسطوا.. والله يسعدكم و يوفقكم |
اشكركم جميعآ لوقوفكم معي
اغلبيتكم يرى اني مكبره الموضوع اقنعتوني بوجهة نظركم لاني طرحت الوضوع وانا تعبانه نفسيا خصوصا ان رقين من اللي مخزنهم ردوا علي حريم يجوز بعضكم لم يقرأ هذه الجزئية من ردودي على احد العضوات وهذه الجزئيه هي اللي متعبتني نفسيا ومنكده علي اقتباس:
بعد هذا اكون مبالغه وكبرت الموضوع عمومآ راح اتصرف معاه لن انتظر حتى تكون الكارثه |
يا حبيبتي انت معك حق ولكن النقطة الرئيسيه هي الدليل
اول شي رح يبرر ويقول صاحبي كان خالص معو الشاحن وسجل الرقم في تلفوني وانا نسيتو وما انتبهت امحيه يعني رح يطلع لك بحجج ويطلعك انتي الفلطانه الرقم كل يومان راقبي تلفونه وشوفي اذا كان يتصل على هالرقم وشوفي وقت خروجه ولكن من غير ما يحس لحين تحصلي على دليل قوي وملموس وادعو الله ان نكون ظلمنا الرجال ويكون بريئ اما بخصوص السفر فسافري معه ومازال نطقها بلسانه وبطاقة الصراف معه الخاص بك يعني على حسابك يا قمر وما رح تقولي والله مكلفتو قومي استهدي بالله وشعللي الليالي له واهمسي بأذنه وقولي : والله معك حق حبيبي حاسس فيني وقت طلبت مني انو نذهب رحله نغير جو ونستغل الاجازه تنرجع مجددين حياتنا وخليه يعرف انك تحضري الشنط للسفر |
اقتباس:
حبيبتي ..لا تستعجلين.. صدقيني راح يلقى له مبرر.. لا تواجهين قبل لا يكون معاك ((دليل واضح وصريح وتحاصرينه فيه)).. بكذا انتي الخسرانة.. المرة الثانية راح يخبي عنك جواله..راح يعمل الف حساب وحساب عشان ما توصلين لأي دليل له.. أفهميني.. خليك أذكى..وتصرفي معاه كالغبية( وأعتذر منك على هذي الكلمة) لكن مطلوب منك انك تكونين كذا.. غبية في الظاهر.. مفتحة قلبها وعيونها وعقلها من الداخل.. عشان هو يكون طبيعي ..وياخذ راحته .. فإذا كان يلعب بذيله راح ينكشف.. بعدها تواجهينه.. وإذا كان بريئ راح يبان قدام عيونك.. رجاء رجاء رجاء لا تستعجلين.. |
السلام عليكم
شوفي اختي اساليه اولا لمادا هدا الرقم مكتوب باسم الخاص دون ان تحسسيه انك بحتت في هاتفه لشك في نفسك و شوفي ادا سيكدب عليك ام سيقول شيءا مقنعا تم بعد دلك واجهيه كي لا تتسرعي |
دلوعة مودي حبيبتي
اللي يبغى بنات الحرام ، بيلقاهم حتى هنا .. مو لازم يسافر لدولة و يبحث عنهم .. ؟؟؟؟ فهمتي قصدي ؟ اللي يبغى الطريق الغلط ، بيلقى حتى هنا .. فلا تتعبي أعصابك إنت متعبة من سفر زوجك و الشيطان استغل الفرصة عشان يسبب بينكم مشاكل |
هلا حبيبتي لا تستعجلي وبعدين تندمي احسن شي تسويه اقعدي مع زوجك وتفهمي معه وانتي تعرفي زوجك ان كان صادق او لا ولا تخلي الشيطان يلعبك حافظي على بيتك وزوجك والله يكون معك]
|
أختي قرأت كلامك وأتصالك .. وتطور موضوعك عندي لك نصيحه .. قبل لا تتهوري وتخسري . . إجلسي مع نفسك .. وتذكري محاسن زوجك مستحيييل ماقدم لك شئ ومستحييل ما حاول يرضيك ويدللك فتذكري هالأشياء وبعدها فكري بعقل .. غذا تهورتي وصارحتيه .. وصدقتي شكوكك شو بيصير يتخسري بيتك .. وبتخسري زوجك وبتخسري أطفالك ولو ماخسرتي هذا كله بتخسري ثقته فيك وتخسري ثقتك فيه . . أنتي ماعندك دليل قاطع إلا هالرقم يعني مافيه دليل يثبت يعني مثلا لقيتي في شنطته شئ غريب وغييييير كذا هي قالت لولد أختك إذا بدك يعني يمكن زوجك كان في الفندق المحترم يعني لو كان في مكان فيه بنااات وكذا بتلااااقي أرقام بنااات ومايحتفظ برقم هالأثيوبية لأنه عرف مكانها . . وغير كذا أنتي ليه تشكي ولأنك شاااكه ماراح تشوفي في زوجك إلا كل شئ سئ لكن لو كانت نظرتك له غييير حتشوفي محاسنه بعد . . ريحي نفسك وأعصابك متأكده مافيه شئ من اللي ببالك فإنتي برضو مافكرتي لو لا قدر الله زوجك مشى في هالطريق ماسألتي نفسك ليه ..؟ يمكن يكون منك تقصييير فإنتي حاااولي تعوضيه وتكملي النقص اللي فيك حتى مايفكر في غيرك المفروض هذا اللي يشغل بالك ,, وتذكري الشيطان يبغى يفرق بينكم لكذا كل مال الوساوس تكبر في نظرك فإنتي هدي نفسك وصلي وإدعي ربي إجعلني قرة عين لزوجي وإجعله قرة عين لي وحصني نفسك وزوجك ولسافر أستودعيه الله ومايصير غيييير كل خييير وصدقيني لو كان ماشئ في هالطريق حينكشف فلا تتهوري وتبيني أنك شاااكه .. ويرمي كل شئ عليك خلي الأيام تثبت لك .. .. ربي يهدي سرك ويفرج همك |
اقتباس:
مع احترامي الشدشد لروح الطير...كلامك مو صحيح فرق كبير بين هنا وهناك صدقيني هناك علنا لارقابه ولاقريب ولا زوجه تقله تأخرت ولا شي يعني يسرح ويمرح وهو متطمن لان عنده فرييي عادي مافي اي مشاكل لكن في المنطقه الي فيها زوجته واهله صحيح فيه الخراب وبنات الحرام لكن موبسهوله يحصلهم فاهمه قصدي ماراح يكون مطمأن كل الطمأنينه لانه ممكن احد يشوفه ممكن يقابل احد معارفه يمكن احد يبلغ ويمكن ويمكن...غير الرقابه والهيئه...ويروح الاخ فيها فضايح مابعدها فضايح... فهمت كيف الفرق بين هنا في منطقته وهناك في اي دوله يسافرلها..وانصح اي زوجه انها ماتعود زوجها يسافر لوحده تحاول تسافرمعاه حتى لوتترك اولادها عند اختها اواهلها... اختي دلوعة مودي زوجك قالك نبي نسافر كلنا وانتي رفضتي بحجة المدارس ..طيب مومشكله غيبيهم اسبوع ماراح يتأثرون انشاءالله ولو ماقدرتي اتركيهم عند اختك..دام انه عرض عليك السفر ليش ترفضين ترى رفضك عواقبه وخيمه.وهناك فيه مغريات يعني لاتلومين زوجك لو وقع في الغلط..حاولي تسافرين معه.. |
ياربي رباه
اقرا صدمات وتوني عروس الله يستر حبيبتي رقن خاص وتدل على بنات جنس وزوجك رجع مب مشتاق لك هذا وش تسمينه اذا كان زوجك يسافر على هالأمور حاولي انك يعني مممممممممم تعطينه الي يبي بحدود الشرع واكثري من الدعاء ولوكنت مكان ماسالته لانه ماراح يقول الصدق اكيييييييييييييييييييد انتي اعرفي الموضوع بالاول وشوفي وش القصه وتصرفي |
حبيبتي ليه الغرور ؟
ما أعرف عن الدول هذه و الحمد لله ، بس زوجي قال لي مرة اللي يبغى يصيع ، راح يصيع حتى لو في بيته و في بلده و مافي أسهل من الحرام - الله يعيذنا و يغنينا بحلاله يارب - و على ذا الأساس جاوبتها :) |
ربي يكون بعونك لكن حاولي تسافرين معه وانسي موضوع الرقم واذا لقيتي فرصه صارحيه او لمحي له .. ولا تقتلك الشكوك..
الله يفرجها عليك ويسعدكم |
اهدى يادلوعه
مش قضية انك مكبره الموضوع لا الموضوع كبير بس زى ماقاوا الاخوه ان اللى عاوز يغلط مش لازم يسافر ممكن وهو فى بلده مش حانعرف نكلمك وانت كده الراجا بيسافر يعنى طاير مش فى العش والصدام دلوقت مش حايفيد قربى منه وفكرى فى موضوع السفر معاه اهو يبقى تحت عنيكى وكمان تعفيه ربنا يهديكم |
اختى الشك يتعب نفسياتك وياثر على تصرفاتك ومعاملتك
قولى لزوجك انك غيرتى رايك وعايزة تيافرى معه تدللى وتمسكى برغبتك فى السفر والتغيير الاولاد اتركيهم مع اهلك او اهله واذا رفض غيبيهم من المدارس بس لازم ضروووووورى تسافرى بس طلبك بدلال شديد حتى لايرفض ما فى حل غير السفر معه وانسى موضوع الرقم نهائ قضى اجازة حلوة معه اظهرى حبك وتعلقك به وباسرتك |
الله يسعدكم يارب
احبكم في الله |
شو اخبارك اخت دلوعت مودي شو عملتي؟
|
كي اكون
شكرا على سؤالك عني انا بخير الحمدلله صامده رغم الصعاب |
الحمد لله
تطمنت شوي عليك... الله يهدي سرك ... |
اقتباس:
|
حبيبتي دلوعة مودي ..
انا بحرينية .. والبحرين مو مثل ما تصورين .. يعني بنات الهوى مو فري في الشوارع .. احنا بنات اودام .. احنا اذا نروح المجمعات نشوف واااااااااااايد سعودين ياكلون في مطاعم و يتمشون ويتسوقون يعني وناسة شباب مو شرط يجون علشان اللي بالي بالك .. طبعا كل بلد فيها هالسوالف واللي يبغاها راح يدور عليها ويلقاها .. حياك البحرين وشوفي بنفسك وان شاء تتطمنين .. زوجك ودعوته لك للبحرين ما هي الا دليل ان يبغي رضاك يعني يبغي يراويك ان البلد ما منها مخافة .. الله يهديك بس انا يوم قلتي بلد خراب قلت تايلند :) افا عليج البحرين عاد |
غاليتي...
انا لا احبذ ابدا اللف والدوران، اسأليه سؤالا صريحا ومباشرا، ما هذا الرقم الخاص؟؟ لمن؟؟ وراقبي كيف يجيبك، وقيمي بتجرد مدى صدقه وصراحته معك.. الا انني اعتقد انه لم يذنب، لانه عرض عليك ان ترافقيه وابناءكما خلال سفره، لو لم يكن كذلك لاختلق الف عذر كي لا تكونو برفقته.. وفقكما الله.. |
| الساعة الآن 06:06 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©