|
اقتباس:
شاكره لك قلبي... |
اقتباس:
اتمنى الآقي رد من الأخوة والأخوات لسؤالي؟ |
وانوه سامع اشاعات عني
ممكن توضحي طبيعة الاشاعات لو سمحتي ؟؟؟ شنو اللي سمعه عنك ؟؟ |
اقتباس:
هلا حبيبتي بيتا... امممممم:) اليكم الأشاعات:) عقيم ماتنجب.. تحتاج تغييير دم كل ستة اشهر.. لايوجد لها شعر صلعا ومرضها الروماتيزمي معدي ... |
راح اوضح سلبياتي علشان ما اكون ظالمه له
- ازعل كثير والسبب تصرفاته...واطلب الطلاق كثير واكون جادة وقتها ..للأسباب ذكرتها سابقا في ردودي السابقة... مره تطلقنا والسبب هو ...لكن احسه انجرح.. القصة((لقيته مسمي وحده في جواله بأسم حبيبي !! انصدمـــت وزعلت سألته وانصدم اني عرفت قال غلطه قلت طلقني وظلينا اسبوع زعلانين واطلب الطلاق اخرشي قلت طلقني قال لالالالالالا قلت وكلني في طلاقي قال هههههههه((يحسبني امزح)) وكلتك... قلت انا طالق... وبعدها خبرت اهلي وانتشرت السالفه ورجعنا لبعض لأني كنت حامل والناس ظلو يقولون فلانه طلقت فلان واحسه وقتها انجرح مع انوه هو اللي اخطأ وهو اللي وكلني على جهل منه لأنه مايعرف ان المرأة تقدر توكل في طلاقها ايجابياته علشان ما اظلمه - لما يزعلني وياكثر مايسويها يراضيني.. - اذا طلبته شي جابه لي..<<اوصفه بأنه شخص كريم معي ومع غيري مع انوه اخر ليله قال مو كل شهر بعطيك مصروف يقول انوه مضغوط مع انوه لازم ينفق علي مهما كان هذا حقي الشرعي.. -اذا جامع لازم يسألني خلصتي والا لا....<<فكرت في هالنقطه كثير واقول وش اللي يجبره؟يمكن يحبني ويمكن علشان يثبت رجولته او يمثل لهدف ما.. -ينومني بحضنه...وانا اول من طلب هالشي في بداية الزواج في البداية عارض وبعده وافق وبعدها مستحيل يستغني عنها..الا لما قال بتزوج انعزل بلحاله.. |
اقعدي معاه وصارحيه وقولي له انت ليش تعاملني كذا
اسأليه بصراحه انت تكرهني ولاتحبني اوناوي تطلقني اوتستمر معاي ولاناوي تتزوج ولاتبي نتفارق بخلع عشان تأخذ المهر طبعا اسأليه بدون صوت عالي قولي بفهم مشاعرك وتفكيرك تجاهي وقولي له اذا تستمر معاي بمعامله زينه بحاول اعاملك احسن واذا تبي طلاق اوخلع انا حاضره وبيني له ان كرامتك فوق كل شي واذا شافك هاديه وجاده اثناء المناقشه بيطلع هو شناوي عليه وانتي على حسب اجاباته بتقررين ربي يصلح امرك |
يابعـد عمـري آنـتي قلبـي وجعـني عليك والله هذي مو عيشـه إللي أنـتي عايشتـها الزواج المفروض يكون إستقـرار و راحـة بـال مو عـذاب و شقــاء !! شوفي يا نـور عيـني مالك غير الإستخـاره و الدعـاء أستخيـري و أستغفـري الله بـ نيـة صلاح أحـوالك أنصحـك تقريـن سورة البقررره يـوميـاً راح تحسين براحـه بإذن الله << أقول ها الحكي عن تجربه يــارب تتـغير أحـوالك معه للأفـضل و إذا ماتغيـرت فراقـه أرحم لك و لا ها الحيــاة الله يـكتب إللي فيـه الخيـر لك يا روحـي طــمنيني عليـك |
اقتباس:
مشكورة قلبي |
اقتباس:
وآآآآمين ربي يكتب اللي فيه خير... وربي يجزاكي كل خير.. اعجبني كثيييير توقيعك...:) |
وضعكم مقدور عليه ..
خلافات بسيطة أعطيتيها أكبر من حجمها .. نصيحتي لك .. إحفظي مشاكل بيتك .. و لا تخبريها لاحد .. سد إذنك عن القيل و القال .. لترتاحين .. ولان سماع كلام الناس يدمر و لا يعمر .. الدعاء في أوقات الاجابة .. بين الاذان والاقامة .. ثلث اليل الاخير .. عند افطارك اذا صمتي .. قبل السلام من الصلاة .. صدقيني ان سهام الدعاء لا تخطي .. لانك طلبتي من بيده خزائن السموات والاض .. الكريم الذي يستحي أن يرد يدي عبده صفرا .. و كما قال اهل العلم : من ادمن طرق الباب .. أوشك أن يفتح له .. و فقك الله و يسر أمرك ؛ |
اقتباس:
الماضِ اليم..مؤلم بالنسبة لي... هو حطمني في اشياء كثيرة..قتلني تجاهه دمرني.. توفيت من ناحيته... صرت انسانة حسااااااسه رغم اني ماكنت كذا قبل الزواج وعمري ماسمعت كلام الناس ودايمن ازعل من تصرفاته.. شاكره لك ام داليا |
أختي الكريمة
هوني على نفسك بالصلاة والدعاء ركزي على نفسك واهملي وجوده اذا كان يضايقك قومي بواجباتك نحوه لكن ركزي على نفسك وابتعدي عن الرد عليه التزمي اسلوب الصمت والانسحاب واستغفري كثر ما تقدري استغفري وقوي نفسك وروحك بقربك من الله بالصلاة والاستغفار جربي وما بتخسري شي |
اقتباس:
|
اقتباس:
الرد دا لفت نظري معليش مين الزوجة اللي سامحة لزوجها بالزواج.......؟؟؟؟؟؟ أسأل أقرب الناس لك أمك أخواتك وقولي بالله مين اللي تقدر تمنع رجال انه يسوي اللي براسه.......؟؟؟؟ سبحان الله...!!! بالنسبة لكي اختي صاحبة الموضوع استخيري استخيري استخيري زوجك لسة سنه صغيييير و طايش جدا و وهاجسه انه يثبت انه شخصية ورجال ويقدر يتحكم في مرته دا السن مو حق زواج ابدا الا من رحم ربي الله يختارلك اللي فيه الطيب والخير |
[QUOTE=مس ماربل;2551343]المعذرة من صاحبة الموضوع
الرد دا لفت نظري معليش مين الزوجة اللي سامحة لزوجها بالزواج.......؟؟؟؟؟؟ أسأل أقرب الناس لك أمك أخواتك وقولي بالله مين اللي تقدر تمنع رجال انه يسوي اللي براسه.......؟؟؟؟ سبحان الله...!!! بالنسبة لكي اختي صاحبة الموضوع استخيري استخيري استخيري زوجك لسة سنه صغيييير و طايش جدا و وهاجسه انه يثبت انه شخصية ورجال ويقدر يتحكم في مرته دا السن مو حق زواج ابدا الا من رحم ربي الله يختارلك اللي فيه الطيب والخير[/Q يعطيك العافيه |
اقتباس:
|
اقتباس:
اتمنى الاقي اجابة من الأخوة الرجال؟ |
اتمنى الاقي رد........................
|
اختي ندم اذا هو من ليلتها صارحك بان زواجه منك غلطه وان يحب غيرك وبعد كذا كرهك في حياتك لا من ناحية معاملته وهذا
واضح من الفاظه اللي يرد عليك فيها........حتى طيشانه وااااضح واستهتاره وااااضح جدا ،،،،،،،،،،فلا اتوقع غير انك تصحين وترجعين كرامتك لنفسك والحياه ان مامشت بحترام وعز نفس وتقدير والا بلاااااااااااااش منها!! ياختي والله عجزت القى لمثل هالنوعيات من اشباه الرجال حل!! يا كثرهم يا كثرهم ياخذك وهو مايحبك ويعذبك في حيره والم ولا فكر بيوم يحسسك بعيشه هنيه وسعيده!! وغير كذا يجي يقولك بكل بساطه ما تحسين لنا سنتين طولنا!! والله قمة المصخره والمهزله فيك اللي يسويها!! ياختي لابو الرجال اللي يعيشك باهانه وذل وهوان ولا اتوقع مجبورة تعيشين معه ولا اعتقد انه جنتك على العكس هو نارك اللي احرقتك ودمرت نفسيتك!! لا وبعد يخون ومسميها حبيبي !! بالله يا اختي بعد كل هذا فيه شي شين ينقال!! اما من ناحية ايجابياته وكلمة اذا جامعك خلصتي والا لا فهذا بيحاول انه يثبت رجولته وبيسمع منك كلمة تريحه علشان مايفكر ويشك بخيانتك وبحثك عن شخص يريحك بداله وهذا يفسر الشك وقلة الايمان!! بصراحه الله يعينك على اشباه الرجال ....قمة الاستهتار والاحتقار للزوجات والله قهر الى متى نعيش ولازلنا كذا!! اقولها بكل صدق هذا نتاج تربية بعضنا....فالمجتمع المسلم المثقف اللي يربى على تعاليم الدين الحنيف لايرضى باي شكل ان تهان المرأه وتهدد وتحتقر ابدا ابد..... |
اقتباس:
والمشكلة الأكبر الحوار معه معدوم ولما اناقشه دائما يطلعني غلطانه |
آخر المستجدآآآآآآآآآآآت
قلت اجرب معه اسلوب الحقران والتطنيش [COLOR="rgb(72, 209, 204)"]شوفو ايش صار[/COLOR] رجع من دورته الأربعا ودق علي وطنشته... ولما جاء البيت حاول يضمني قلت لالالالا تقرب مني.... قال انتي زعلانه للحين؟ في زوجه تطلب من زوجها يوعدها مايتزوج عليها؟\ لو بتزوج اتزوجت الحين؟ [COLOR="rgb(72, 209, 204)"]انا طنشته لأنه مسوي نفسه فاهم ومو مسوي شي[/COLOR] [COLOR="rgb(72, 209, 204)"]وخليته وخليته ينام بلحاله بغرفة وانا بغرفة ثانية...[/COLOR] اليوم الثاني بالليل قال مساء الخير حبي قلت وش تبي وطنشته وهو نام بلحاله وطنشني طبعا الصباح مطنشته وكل مايطلب شي اطنشه.. ورجع لدورته وحنا مطنشين بعض... |
اللي حسيته... ان التطنيش والحقران ما ينفع معاه لأنه يعاند اكثر...
وهو رافض يطلق... والله مقهووووووورة مدري شالحل معه؟؟؟؟ |
اقتباس:
لا تحاولي تفسري كل كلمة يقولها وتفهمي قصده حتى تقدري تخمني تصرفه اللي راح يتصرفه بناءا كلمته .... حطي ببالك انه أغلب كلامه مجرد معانده أو يحاول يستفزك . كل مشاكلكم سببها صغر عمركم انتم الاثنين وكونكم ببداية الزواج ... متأكدة انه الحال بيتحسن .. إنسي قصة مرضك ..انسيها نهائيا ولا تظلي تسترجعي كلامه بيوم عرسكم. ممكن كان لها أثر بالبداية لكن الامور الان توضحت وتغيرت نظرته لك وفهم وشاف بعيونه انه اللي سمعه اشاعاتإنسي كلامه من الاساس وتتعاملي معاه بما يرضي الله حاولي تكسبي قلبه ولا تطنشيه ولا تقسي عليه ...وخذيها مني كلمة لا راح يتزوج ثانية ولا راح يطلقك ... حبك قاعد يتسلل لقلبه وهو خايف من الشعور وخايف من تعلقه فيكي لانه شايف عصبيتك وخايف يفقد شخصيته أمامك فيحاول يثبت شخصيته باللي يقوله . خففي عصبيتك حتى لا تسمعي ما لا يسرك ولا تقابلي عصبيته بعصبيه مثلها فأنت لست ندا له ..هو الرجل ... عامليه كرجل حتى يتصرف كرجل . كوني حازمة عندما يغلط عليك ويشتمك بشرط أن لا تكوني أنت من بدأ الغلط ... حازمة بدون غلط وبدون ارتفاع بالصوت ... قولي له لو سمحت ما تغلط انا زوجتك واحنا اثنين كبار ونقدر نتفاهم بطريقة حضارية أكثر ..ماله داعي السب ...اذا لم يتوقف اتركيه واطلعي من الغرفة . ممكن جدا أنه يتحسن تصرفه ويتوقف عن السب وعن الضرب بمجرد ما تكسبي قلبه وتخففي عصبيتك .عندي شعور انه غلطه كان ردة فعل بأغلب الاحيان . تعودتي ما تنامي الا بحضنه :) لا تقوليلي انك ما تحبيه :) عززي هذا الشعور وحسي فيه أكثر .. حبك له بيغيرك ويغيره ... |
اقتباس:
بس وقت الزعل انفر منه كثير:( احسني اكرهه:( ويعطيك العافيه قلبي |
اقتباس:
ما أعرف ليش يستفزك ...يمكن كل مرة لها سبب مختلف ..ممكن يستفزك حتى ينتقم لنفسه من كلمة قلتيها ...أو يستفزك لانه يحب يشوفك معصبة ...أو لانه شاعر بملل ويبي يتسلى على معاندتكم وهواشكم :) مهما كان السبب راح تمنعيه من تحقيق هدفه اذا مسكتي أعصابك ...تذكري كلامي لما تعصبي :) ما فهمت كيف ممكن زوج يستغل زوجته ؟؟؟؟ ما معنى انه زوج يستغل زوجته ؟؟؟ يا بنتي ..يحبك لانه ما طلقك بالرغم من طلبك المتكرر للطلاق ..يحبك لانه ما كسر راسك :) لما منعتيه نفسك يومين ورا بعض ورجع الدورة كأنه أعزب . حبيبتي ..انتو لسه ببداية علاقتكم ...حبكم بعدو صغير ...يحبي ... انتي تكبريه وانتي تقتليه ...الخيار لك .. |
اقتباس:
كل مافكرت بالطلاق اكون انا الخسرانه.. انا الحين عندي ادمان:d بس اطلب الطلاق اذا زعلت مدري كيف اتخلص من هالعادة ...لأنه راح يطفش مني |
اقتباس:
|
اقتباس:
تقدري تكبري حبكم لما تخففي عصبية ولما تدلليه ويصير ما يقدر يغيب عنك لحظة ..لما تشوفي حبه لك راح يزيد حبك له أكثر وأكثر .. تذكري حسناته ..اكتبيها بورقة اقرئيها لنفسك ... تذكري تعبه وهو بالدورة وتعبه لما يشتغل ...كل هذا عشانكم... انتي عائلته وسكنه وأهله .. معك حق .. ياحلاتك انتي تمنعين نفسك ماتدعن عليه خخخخخ انا كل اشي ادعي عليه فيه امي ودها تكفخني وقتها عارفه ليه ودها تكفحك وقتها .... لانها تخاف عليكي انتي ...لما تدعي على زوجك تكسبي سيئات ..تعاندي زوجك وتكسبي سيئات أكثر .... ما تطيعيه ..سيئات أكثر وأكثر ... تطلبي الطلاق على الطالعة والنازلة ,,,أكثر وأكثر وأكثر .... تسيئي الظن فيه وبنواياه:29: هذا هو بالزبط المقصود بأنه زوجك جنتك ونارك حبيبتي .... لا يكون تخليه يصير نارك . تدرين شاللي جاي في بالي انوه يستفزني احسه حاقد ويكرهني صراااحه انا عديمة الثقة فيه سيئة الظن وهو اللي زرعهم فيني منذ البدية ترى فقدت ثقتك بنفسك مو فيه ... موضوع مرضك خلاكي تفقدي ثقتك بنفسك وما أنكر انه تصرفه معك ببداية زواجكم ساعد لكن لا تستلمي ...نمي ثقتك بنفسك ... ما بعرف كيف لكن تقدري تكتبي موضوع بهذا الخصوص أو ترسلي للاستشارات الخاصة ويعطوكي طرق . انا متأكدة انه زوجك نسي موضوع مرضك الحين وياليتني أقدر أقنعك :) قصدي الجماع وبعدها يتزوج ويتركها لا ...لا يا لحظة أمل :) الزوج ما يرغب بزوجته اذا كان كارهها .. وبعدين ليه ما طلقكك الى الان ومتحمل عصبيتك وتغليك عليه ؟؟؟ روحي أرسلي له رسالة تقولي له فيها عن شوقك له ..أو رسالة من الرسائل اللي بموضوع حبيبتنا عبرات حائرة (اكتبي لزوجك مسج .....) الموضوع بالصفحة الثانية بقسم المتزوجين..... ولما يرجع جهزي له ليلة رومانسية عوضيه عن هجرانك له ...وابتدي صفحة جديدة بحياتكم ..انتي اللي تنجحي حياتكم وانتي اللي تفشليها |
سحابة الصحراء مشكورة
|
اقتباس:
في نقاط حبيت اوضحها لك.. مسألة العصبية انا مو عصبية ابدا ولا قد رفعت عليه صوتي ولا مره:) لكن اذا انقهرت اقول كلام قوووووووووووي بدون رفع صوت:) ... وهو يقول انوه عصبي لكن ماقد عصب علي ابدا لا رفع صوته زيي:) يقول كلام قوي بدون مايرفع صوته:) امي تسمينا عقارب تلدغ بسكات:) بس قصدك لي خففي كلامك القوي الشيء الثاني ثقتي بنفسي عااااليه جدا ومتقبلة مرضي تقبل تام:).. المشكلة اني ما اثق في زوجي والسبب عمايله زي يوم قالي احب وحده ثانيه الآن ما اثق فيه احسه يحب غيري ومايحبني.. وزي خيانته احسه عادي يخون في اي وقت..:( اللي محتاجته انه هو يزرع ثقته فيني وينسيني اللي سواه ومشكوووورة:( |
اقتباس:
واسفه لاني نسيت موضوع خيانته والغيره ... وهذي بدها وقت وجهد منك وجهد منه حتى تنسي ... أهم شيء انه يوقف عن زوغان عيونه ووقتها تبدأ مرحلة النسيان ..طالما انه لا زال يخون بتظل مشاعرك ثايره عليه. واللي ممكن يساعد على وقف زوغان عيونه هو حبك له واهتمام مبالغ منك فيه ...زائد وقفة حازمه منك ضد خيانته ,,ولا تسكتي لكن بهدوء وبدون كلام قوي :) |
السلام عليكم ورحمة الله وبركااته
أختي والله أني متابعة موضوعك من البداية , , أسمعي ياأختي والله أني لك من الناصحين , أنا أحيانا أقرأ ردودك أكثر من مرة , أنا أشوف زوجك ماهو سيء لدرجة أنك تطلبين الطلاق كل شوي, المفروض أنك تحتوين زوجك وتحببينه فيك , ياما كثير كان لهم تجارب حب سابقة قبل الزواج , وحسن التعامل من قبل الزوجة تجعل الكثير ينسى تجارب الحب السايقة وتكون مجرد ذكرى عابرة . بالنسبة للخيانة زوجك مازال مراهق وصغير في السن وعرضة يمر بمثل هالنزوات الي وقع فيها منهم أكبر منه , ولو أنه مازال يحب وحدة ماأظن كون علاقة خاطئة مع إحداهم . صدقيني زوجك يحبك لو ماأحبك مارجع من الدورة وهو ولهان عليك ويريد يحظنك , الأحتظان يجي من زيادة الشوق والوله , لاتظنين أن الأحتظان عشان العلاقة الحميمة , لا الزوج ممكن يمارس العلاقة مع الزوجة إذا ماكان يحبها من غير مقدمات كإفراغ شهوة ليس إلا . مسألة أنه يستفزك أغلبهم يحب الإستفزاز ولما يشوفك تعصبين يزيد من مسألة الإستفزاز , فانت حاولي تبردين على قلبك وتخففين من عصبيتك وقابلي عصبيته بهدوء وإبتسامة تطنيش وإلا حاولي تغيري الموضوع , ولاتنسين أنه في دورة عسكرية يمر أكيد بضغوط نفسية وياما تعرض للإستفزاز . أنت معقدة حيااتك مع زوجك بسبب أمرين أنك موقادرة تنسين أنه كانت أخرى في حياته قبلك , وأنك مريضة مع أشوف أن مرضك عاادي غيرك مصاب بامراض أعظم وعايش حياته . الآن لازم تحسنين علاقتك مع زوجك وقابلي شوقه لك بشوق منك أعظم منه وأنسي كلمة طلاق, وأحسني التبعل لأنها جهاد للمرأة ة ولاتأحذك العزة بالإثم وتمنعينه من حقه الشرعي وتلعنك الملائكة ,الواحد لازم يكبر عقله ويتصرف بوعي, وتذكري أنك أم ومسؤولة عن بيت . وأنتبهي تدعين على زوجك والله ياختي لو يصير له شي ماراح تسامحين نفسك وبعدين نشوف أشياء من أزواجنا أعظم من زوجك ولافكرنا لابطلاق ولانشرك احد بمشاكلنا ولاندعي عليهم الله لايحرمنا من وجودهم في حياتنا , وأناتزوجت أصغر منك وزوجي اصغر من زوجك وكنت متحملة عصبيته وأحيانا يغلط بالكلام ,ولا أرد عليه أو أرفع صوتي خلاص عرفت شخصية زوجي وتأقلمت عليها وغلبت محاسنه على مساوئه, و بعد كم سنة أن شاء الله لماتتذكرين تصرفاتك أنت وزوجك راح تستغربين منها . الله يوفقك مع زوجك ويسخركم لبعض. عندي سؤال ليه تقولي زوجك أعتدى عليك , وش كانت ظروف زواجك هل كان بينكم فترة الملكة مكالمات ؟ |
اقتباس:
هالنقطة اللي فوق شاغلة تفكيري.. كيف قدرتي تحكمي عليه انوه ماراح يتزوج رغم تهديداته لي؟ |
اقتباس:
مشكورة يعطيك العافيه قلبي نصيحتك ونصيحة بيتا ماراح انساها وجزاكم ربي كل خير.. اعتدى علي ببداية الزواج لأنه اتزوجني وعارف اللي فيني ومع كذا كانت معاملته سيئة.. لا مافي مكالمات ابدا وزوجي قبل مدة كان يقول ياليت كانت بيننا مكالمات علشان مايصير اللي صار.. |
اقتباس:
تعبتك معي.. كيف اهتم فيه اهتمام مبالغ فيه؟ انا اعطيه حب حنان واتجمل له.. واذا جاء يوم ماحطيت ميك اب قالي انتي زعلانه قلت لا بريح بشرتي:) بس صراحه بشرتي مستانسه هالأيام علشانه بدورته ومافي ميك اب:22: |
اقتباس:
اذا تأخر خارج البيت ... تعاتبيه لما يرجع لانه ما طمنك عليه وانك خفتي وقلقتي عليه لكن ما حبيتي تزعجيه باتصال منك ... اذا قال لك المرة الجاية تقدري تتصلي وافقي بهدوء وانهي الموضوع ... ما بدنا نعمل مشكلة لكن بس نوصل له فكرة انك تخافي عليه . أكيد انتي مهتمة بملابسه وبالاكلات اللي يحبها وبنظافة بنتك وتربيتها ...عندي شعور انك شاطرة بالعناية ببيتك وبنفسك ... خلي علاقتك بأهله طيبة ..ذكريه بزيارتهم وساعديه على صلتهم . ادعيله على مسمع منه عند خروجه من البيت ... اخر كلامك له يكون ربي ييسر أمرك ..ربي يوفقك ..استودعتك الله . وبالنسبة لأفكار حلوة للتقريب بينكم في عندنا موضوع أختنا cila (سجلي حضورك بفكرة او طريقة لملاطفة جوزك ) موجود بالصفحة الثانية بقسم المتزوجين وأيضا موضوع عبرات حائرة (اكتبي لزوجك هذا المسج وردي علينا ) وكمان في بتوقيع أختنا ماريا رابط لأفكار للمتزوجات ..واظبي على الدعاء بالتوفيق بينك وبين زوجك وأن يحنن قلب زوجك عليكي ويصلح لكما زواجكما ربي يوفقك ويسعدك ويهنيكي :) |
اقتباس:
عندي ولد:) مو بنوته:d اي عندي شطارة بنفسي والبيت وطفلي ما خاب ضنك:)... ونصائحك في عيوني كلهم .. راح اعمل فيهم وماراح انساك ابدا وربي راح اظل ادعيلك..:) معليش في سؤال فوق بالأحمر صفحة 8 ياليت فضلاً لا امراً تجاوبي عليه:) ادري وربي ازعجتك وثقلت عليك آسفه:) |
اقتباس:
لو يبي يتزوج كان تزوج من زمان .... عندنا قول متداول بيننا احنا العجايز يقول خافي من اللي ساكت ولا تخافي من اللي كل شوي يقول بتزوج ... انتي تقوليله طلقني وهو يقولك بتزوج .... وحده بوحده هههههههه |
اقتباس:
هههههههههههههه الله يسعدك يااااااااااااااااااارب:) تسلميلي .. الحين بنسخ نصايحك وبحفظهم عندي..وصدقيني ماراح انساك ابدا:22: |
إستخيري الله في موضوع طلاقك ، زي كذا والله ما يستاهل وحده تضيع حياتها عشانه لأنه ما فيه خير أبداً ،،
بس قبل ما تفكرين في موضوع الطلاق تمهلي وأدرسي الموضوع من جميع جوانبه ـ بعدين هو ماقال بيتزوج هلحين ـ محد يدري وش بيصير خلال أربع أو خمس سنوات من الآن ؟؟؟ الله يكتب لك الخير ويوفقك ويهدي النفوس إذا شفتي أن الحياة معه صعبه فتوكلي على الله والله ما يضيع أحد .. |
| الساعة الآن 09:36 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©