|
أنا ما أعرفك زيـن و لا أعرف قصتـك تمام لكن قرأت موضوعك هذا و حسيتك يا عيني عليك جايبـه النكد لـنفسك يـعني مخليـه زوجك هو كل حياتـك و أنه مالك بـ الدنيـا شغلانـه غيـره !! هذا أكبـر خـطأ بصراحه ( وين نـفسك .. ويـن هوايـاتـك .. ويـن صديقاتــك و طلعاتـك الخاصه فيـك ) كل هذا تركتيــه و ركزتـي على الرجال و على أفكـاره و حتى كلامه تدققــين فيـه ! يا روحـي أرحمـي نفسك و أرحميــه هو آخـتنق من تصرفاتـك معه و أنا متأكده و واثـقه إنه يـحبك بس أسلوبك يــنفررررره و يبعــده عنك .../ من الذكـاء إنك تسمعين له و تــتفاعلين مع كلامه حتى لو كان هالكلام مايعجبـك لكـن أعتبريهــا طريقـه عشان يتـقرب منك و تتـقربين منـه أكثر يبــيلك طولة بال يا الغـــاليه على فكره لو طـفل و هو طـفل ما يعرف شي لو قلتـي له ( بـ الأمر ) و بـ أسلوب حاد .. أهتـم فيـني .. قدرنـي .. أحترمـني ! راح يــعاندك و ما راح يـهتم فيك بـ العكس يتـلذذ بـ تعذيبـك طـبيعة الإنسـان ما يحب الأوامـر و يـهرب من الواجبــات لكن أنتـي تعاملي معـه بـ ذكاء يـا قلبي يـعني عامليه بـ طيبـه و حنـان و أتركي له عالمـه إذا سكت أحترمـي سكوتـه و صمتـه و لا تسألينه وش عندك وش فيك ليش ساكت !! بعدين مهما سوى لك لا تـزعلين حتى لو من داخلك مقهوره لا تبيـني له أبـداً يعني لو ثقل عليك أو بعد عــنك فـتره أتـركيـه أنشغلي بـ نفسك و أناقتك و صديقاتك أطلعي و أستانـسي عيشي حياتـك لـ نفسك صدقيـني ( من راح بـ كيفه .. كيـفه يجـيبه ) أسمحيلـي أقولك الصرحـه زوجـك شكله حطك في جيبـه الحـب مو ذل و خضـوع و عذاب .. والله فاهميـن الحب خـطأ أنتبـهي ترى زوجك صار واثـق إنه مهما سوى فيــك تحبيـنه و تركضيـن وراه !! خليـتيـه ينغـر و يـشوف نـفسه و يتـمادى عليــك هو مبـسوط عشانك تركضين وراه و تزعليـن إذا طنشششك و بعد عنـك لكن أنتـي أثبتي له العكـس .. عيشي لـنفسك و شوفي كيف راح يرجع لك تذكري هـ الكلمه دايم و ردديـها بينـك و بين نفسك ( من راح بـ كيفه .. كيـفه يجـيبه ) أدخلي منتـديات نسائيــه راح تطور تـفكيرك و أسلوب تعاملك مع الزوج لأن الزوج هو الشخص الوحيد بـ الكون يبـغى له تعامل خاص غير عن الأب و الأخ أتـمنى أستفـدتي من ردي الله يـفرج همك و يسعـد قلبك |
سنا نجمة لا حبيبتي ورب المصحف اني مأ خلا بي إلا وأنا زوجته
كنا نتكلم فقط أيام الخطوبة ع النت والخطوبة استمرت شهر وكل شيء تم بسرعة البرق |
اقتباس:
كنت مثلها حساسة مرة و أعطي بدون مقابل و أبكي و أزعل ووو إلخ و كنت أكثر منها في حساسيتي لكن تعلمت كيف أقسي على قلبي و تعلمت كيف أحب نفسي و مريت بمواقف كثيرة و صدمات بس مو أحب نفسي = يعني أكون أنانية ؟ لإنه من الإيمان إننا نحب للاخرين مثل ما نحب لنفسنا بس أحب نفسي و أدلعها و أهتم في نفسي و كذا .. لإني إذا حبيت نفسي ، فالكل راح يحبني و ما راح أنتظر حب من أحد .. و لا راح انتظر حنان من أحد .. :) |
السلاااااام عليكم
كيفك صبوره ولو انه باين.........بس ماعليج توكلي على الله وهو حسبج اسمعي ياقلبي انتي مؤمنه بالقضاء والقدر اذا كان رجعتج لبيتج خير عسى الله يسهل دروبكم ويجمعكم ببعض واذا غير جذي فأنتي منتي راده شئ الله كاتبه لج والخيره فما اختاره الله والحمدالله على كل حال.بس ابيج لاتتصلين ولاترسلين مسج ولاتقربين صوبه خليه هو الي يبتدي ترا الرجال مايحب الحرمه الي ترمي نفسها عليه ((ثقلي)) شوي وطنشيه.غير جذي صلي استخاره ودايما احسني الظن بالله صبوره قلبي شوي شوي على نفسج ترا صحتج الزم ماعليج الله يهدي سرج ويسعدج |
فراق وعشناه عساك ماتفارقين إحبابك
أنا كثير معجبة بتوقيعك الأول واسمحيلي لي أخذت منك الابيات عجبتني مؤثرة شوفي حبيبتي ممكن صح نكدية واعاتب وازن بس ترى شيء يرميني لشئ والله يرحم ضعفنا ولا أقول انه مافيني عيوب أنا مو ملاك بس مشكلتي إذا ماحسيت بالأمان ماحد تهيج شكوكي أسأل الله ان يرحمني برحمته أسعدتني مشاركتك اعتذر عن التأخير لأني طلعت من البيت وبمكان عام حبيبتي زوجي مو حظني بجيبه وبس حظني ببطنه ماكان كذا صديقني صح أنا غبية ولا عرفت اتصرف مع الحب صدقيني جديدة علي هالسوالف ومالي خبرة قوية فيها كنت اشوف تجارب أقرب صديقاتي عن حبها لزوجها وأقول مسكينة ماعندها سألفة وكل مرة أقولها انتي ليه تندلين لزوجك وكنت احتقر تصرفاتها دوم لازقة فيه وتدق عليه لكن الدنيا دوارة ودارت علي وأه من جور الايام كنت أقول اهتمامي وحبي وخوفي عليه بيحسسه انه غالي أنا أحب لي يغار ويهتم ويكون حريص علي مهما كان أسلوبه إلا وأقول لايمكن أحد يحرق نفسه كل هذا إلا وأهو يحب الدنيا تجارب وأنا لازلت اتعلم واتعلم مهما إفشل ومهما اطيح راح أوقف ع رجولي وأواصل الضربة لي تقتلني بنفس الوقت تقويني أنا حنونة وطيبة لابعد الحدود ولكن شخصيتي قوية أمام الناس فاللي يشوفني عن قرب يقول ليست هدي هي صابرة لي تخضع ولكن من أول جلسة معي فأنا كتاب مفتوح وشفافية مطلقة صريحة لدرجة الجرح وفي ناس ماتحب فيني صراحتي يوم طلقني مالقيت إلا أمي استنجد فيها بعد الله دقيت وابكي أقوووووول يمه تراه طلقني اصيح بسيارته زي الطفلة أمي. قالت بصوت خافت أص لا تبكين عنده كأنها قالت لي صيحي زيادة ياه. كل ماذكر ذاك الموقف افقد الاحترام لنفسي ماكنت اشوف وقتها إلا اني لا أستطيع العيش ولو لثواني بدونه أنا لازلت أحبه ولكن مو أنا إلي بتبكي وتندل بعد اليووووم أنا قوية ومؤمنة بالله ان ربي كاتب لي الخير أين كانت الظرووف ومهما خذلني الوقت فاكيد. هناك أيام سعيدة تنتظرني |
حبيبتي كويتية كيفك وكيف سارونة
الله يحفظك ياإرب أبشري حبيبتي بترررركه في حاله ترى كنت تاركته ماصار لنا عشر أيام من ردينا الله يعين ع هالدنيا مافيها راحة أبد |
اقتباس:
|
والله انك صادقة ياروح الطير والله صرت أسوي زيك
وأي شيء اشتريه وادلع فيه نفسي كنت شوي أجمع قريشات الحين أبد افرتكهم والله يجعلهم في الجيب مو في القلب رووح بكيفه حياتي |
ترف حبيبتي ماقصرتي فديتك
لا قلبي خدي راحتك كفخيني أبي أصحصح الكلام القاسي يجرح بس يفيد مع الوقت والي متى بصير حساسة أنا بغير معرفي واحط قاسية عشان أتقمص الشخصية ههههههههههاإاإاي والله يبيلي قسوة لو بجلس كذا بضيع خدي راحتك |
بنت الحكمي جات شكلها بتملص أداني
فديتك وفديت أصلك والله يأم قلب طيب |
الله يعوض اختك خير ياكويتية حبيبتي
ربك كريم والله كررريم ويجيب المضطر إذا دعاه |
صابرة أختي،، ليش تسبقين الأحداث ،، أنتي بعيده عن زوجك لمدة شهرين،، وماتدرين عن وضعه ،،
،، زوجك يمكن عنده شي شاغله هاليومين الي تقولين فيها مايشتاقلك وخاصه وأنتي راجعه له ،، لاعاد تقولين له شي من ناحية الشوق والحب ،، أذا رجعتي له بتشوفين كله أوهام وأنه مشتاقلك ،، تقولين هو يسافر على طول،، والي يسافر يجلس يومين مرهق ومتعب من السفر ،، وتلقينه يدور الراحه من بعد التعب ،، سؤال ،، دائمآ ترددين أبي الأمـــــــــــــان ،، وش الأمان الي تدورين عليه ومالقيتيه ؟؟ بتلقين الأمان أذا توكلتي على الله وفوضتي أمرك للي خلقك ،، بتلقين الأمان أذا قمتي الليل وقرأتي القرآن وتصدقتي،، |
صابرة ياصابرة أين الصبر يا أختي من أمس أشوف موضعك وما أمداني أدخل
ولما شفت الموضوع حسبتك تدوري أساليب و أفكار حلوه تفاجئين فيها زوجك إلا وأنت عندك سوالف غير أقول أنت متى ترجعين لزوجك وتحملي وتنشغلي في حملك وماعاد نشوف مواضيع صابرة إلا عن الوحم تاعبني الجنين يرافس في بطني آي ذبحني ياحبيبتي ياصابره الحين زوجك جالس محتفظ بالمشاعرعلشان لقائكم بعد السفر وأنت تبغين تشفطينها منه بسماعة التلفون الرجل جالس يتهرب منك ويحكي لك عن تونس وإللي صار فيه لأن شكله تأثر بللي شافه وأنت أبغاك تحتويني أبغاك تداريني أبغاك تهتم بمشاعري صابرة ياقلبي أنت المفروض مثل هلكلام تأجلينه إلين وقت رجوعك لعنده وتجلسين معاه تناقشينه بجلسة حب وتفاهم من الوجه للوجه أفضل وراح يفهمك أكثر وبعدين يمكن زوجك كان متضايق من شئ أو إحتمال زوجته الأولى زافته هي بعد وجا عندك وأنت ماقصرتي إنفلتي عليه أبغاك وأبغاك وسوي وأفعل والرجل واصلن حده أكيد بيزعل ويتضايق يا أختي كان المفروض تعبرين له عن حبك وشوقك له بمثل هلكلمات آه ياعمري والله إني أشتقت لك وأشتقت لكل شئ فيك ياالله متى يجي الأربعاء وأجيك أحس نفسي ودي أطير يمك ياعمري وأمتع ناظري بشوفتك مو ضروري تقولي له أنت أشتقت لي أنت مافقدتني ودك أسافر لعندك يا أختي أحيانا الرجل مايحتاج كلام في الحب والمشاعر كثر مايحتاج لإنسانه تتفهمه وتتفهم طريقة أسلوبه في الحياة مثلا إذا كلمك عن موضوع في حياته عملي مثلا في عمله أو أي مشروع أو حدث من الأحداث إللي صايرة هليومين مع إخوانا العرب والمسلمين أنت كوني مستمعه جيده ومنصته وناقشيه في بعض الأمور أظهري له إنك مهتمه في كلامه حتى يحب مجالستك ومؤانستك والحديث معك وينبسط معاك وماراح يستغني عنك أبد لأنه وجد له زوجه وصديقه مستمعه لحديثه وكلامه بالله عليك هاذي كلمة تقولين له أخاف المرة هاذي معاك وحده تونسيه الرجل طفش من مشاكل الحريم وطافح كيله شكله يتمنى يرجع عزوبي الحين من سبايب التعدد ومشاكل التعدد وأنت تذكرينه بالزواج شكله من كلمة زواج عنده الحين فوبيا شوفي أنت الظاهرعندك أسبوع المرور مبتدي وعلشان كذا نفسيتك فوق وتحت ومتوتره زايد على اللزوم علشان إنك راجعه وخايفه ترجع معاك المشاكل السابقه أنت ليش ماتنسي الماضي وتفكري بالمستقبل وتحاولي تعملي مثل ما قالت لك أختنا الغالية روح الطير ليش ماتتعرفي على رفقة صالحه فيها خير وتخطلطي فيهم وتصادقينهم عندك حلقات تحفيظ القرآن الكريم فيه بنات طيبات وحبوبات صادقيهم أشغلي وقتك أنت الحين الفراغ شاغلك وبالذات وقت غياب زوجك عنك الأفكار السيئة والوساوس والهموم تسيطر على تفكيرك ولمايجي زوجك عندك ماتتحملي نقاشاته وتنفعلين وتعصبين وكل هاذا بسبب جلستك لحالك في الفراغ القاتل تنشحنين زياده عن اللزوم ولما زوجك يجيك بيومك تفرغي شحنتك فيه وهاذا غلط والرجل من كثر الحن والزن يطفش ويتظايق وأحيانا تطلع منه كلمات لا إراديه مو قاصدها غصب عنه وبعضهم يعتذر وبعضهم لا مايحب يعتذر بس في قرارة نفسه حاس بللي قاله لك أنت ليش ماتخلينه على كيفه وتعاملينه بمايرضي الله وتبعدين عن الأشياء إللي تضايقه وتضايقك وتعيشون بسلام . أختي صابرة الدنيا هاذي تحتاج تنازلات وصبر بالذات في مشوارحياتنا الزوجيه شوفي أنت لازم تفهمي إنك تزوجتي رجل عنده أسرة وعنده مشاغل في حياته واجد فصعب يتحمل كل الضغوط والظروف إللي تواجهه ويجيك ببال رايق ومبسوط هو تزوجك يبغى راحة البال وراحة النفس مايبغى هم ونكد وإيش يدريك إنه مرتاح في بيته الأول يمكن إنه في مشاكل أعظم من مشاكلكم ويأتي عندك ينشد الراحه وصفاء الذهن وتصير بينكم مشكله صغيره وتكبر وبعدها يصير زوجك مثل المستجير من النار بالرمضاء لافي بيته الأول لقى راحه ولافي بيته الثاني لقى تفاهم وتجاوب أنت زوجك كلامه إستفزازي وإحتمال يكون الإستفزاز طبع فيه وأنت مافيك صبروعصبيه وماتقدري توازني الأمورفي حياتكم وإلا ترى الكلام ببلاش خليه يقول وش مايبغى يقول أنت أضحكي خلي ضحكتك تشق الوجه لاتعصبين حتى لوقال ماقال قولي عادي مادام إني حبيتك قول وش ماتبغى تقول مالك مني فكه أبد أ كظمي غيظك عنه وقابلي إستفزازه ببرود وهدوء أعصاب وصدقيني بيرجع يترك طريقة الإستفزاز وينساهاللأبد لأنه ماعاد لاقى منك تجاوب بهاذي الطريقة الله يعينك ويهدي بالك وبالنسبه إنك تبغين عيال تربينهم لالا تتعبين نفسك أنا أعرف لك وحده عندكم بجده تكرونيه عندها عشر عيال تعطيك نصفهم علشان يسلونك إيش رأيك ههههههههههههه والله غيريشيب راسك منهم الصغير عمره أربع سنوات لاكنه ماشاء الله عليه دغفل تعرفي معنى دغفل صغير الفيل يطيح على رجلك كسرها ههههههههه من ثقل وزنه فكري وردي لي خبر خلاص حنا طريقنا بالسفر يمر من جده وبأدور لك ورى أمهم وأدلها عليك خلاص يا صابره ياأختي خففي عن أمهم المسكينه لاتقولين لا قولي تم ههههههههههه إيش رأيك فكرة حلوه . |
بنت الحكمي
عندك تعبيرات ، مادري من فين تطلع ؟ :D بس ليت كل جملة في سطر لإنه عيوني تزغللت @_@ |
اقتباس:
الله يهدي بالك ويريح قلبك ويجعل زوجك يموت موت بحبك أسأل الله أن يجمعكم على خير وسعاده يارب ويرزقك الذرية الصالحه إلتي تقر بها عينك وتؤنس وحدتك وحياتك . |
دنيا الوفا حياك الله
حبيبتي أنا ماقلت انه يسافر كثير أنا من أجي ديرتي والناس تقعد تسوي معي تحقيق من كثر ماطول عند أهلي وكل شوي مسافرة أقول ان زوجي عنده دورات برى المملكة وماحب اقعد بروحي يعني أكذب وأجامل الظروف حفاظا ع صورتي قدام المجتمع لي مايرحم الشئ الثاني بعلمك وش معنى الأمان الأمان يأعزيزتي إلي ينقصني مع زوجي اني دوم أحس اني ثانوية بحياته بكل هوشة يكون مصيري الطلاق لاتقلون وشفيك مركزة ع الطلاق لأنه مربط الفرس نعم الطلاق بكل مرة مبيوعة وحتى لو هو يحبني ويطلقني غصبا عنه ع كلامه فأنا أحس عكس دالك عاد احساسي مضرروب خرطي بس هذا لي يوصلني نعم ان زوجي كان جدا متمسك فيني بالبداية لأني بالبداية ممكن تقولي كنت بايعتها ولا كان يهمني شيء لكن بعد ماحس وتأكد تماما اني مقدر أعيش بدووونه بدأت الأوتار الحساسة تتحرك الأمان هو حضنه إلي أفقتذه وهو معي الأمان أهوو يحسسني ان له رغبة فيني الأمان حركات كثيرة استحي ذكرها أمام الملئ |
ههههههههههاإاإاي أم سلطان مابي تكرونية
أبي بنوتة تسر نظري الله يرزقني من بطني ياحبيبتي ياحبي لتس يأم سلطان طلاتك تشرح الصدر الله يحفظك ويسعدك ويستر عليك دنيا واخرة أم سلطان يابعدهم هالحين مثلا أروح له فترة وارد لأهلي مو مفروض هالفترة أعيش فيها سعيدة لأني اعتبر نفسي رايحه له اجازة كما تعلمين مازلنا ماستقرينا وبعد هذا له دورر كبير بتوتر علاقتنا يأم سلطان اقعد معه شهرين أو شهر وخلال هالفترة البسيطة أطالب بالتحمل كل الظروف ! طيب إذا استقرينا ومرت علينا سنة سنتين بتعود واتحمل وقتها لأني بكون شبعانة من شوفته وصح كلامك من تقولين خائفة أرجع لنفس المشاكل ويتكرر لي صار الحقيقة خايفة جدا وفي نفس الوقت صعبة أطول أنا زوجة ولي حقوق في العفة والي .. الخ صدقيني يأم سلطان ماعاد أسأله ولا أقوله شفيك بخليه بكيفه مادريتي روح الطير لقنتني درس لن انساه بكيفه بكيفية يشهد الله اني أحبك في الله يأم سلطان وافتقد لشيخة البنات وذكريات أسأل الله ان يكونو بأحسن حال |
اقتباس:
ياروحنا الحلوه والله ياروح إني حاولت يا أختي أغير كتابة ردودي بس يا أختي وش أسوي بوطبيع مايجوز عن طبعه حتى أيام دراستي كان مؤخرة رأسي بلاطه لضرب المعلمه عليه علشان ما أحشر الكلمات جنب بعض إلا وأزيدك من الشعربيت شوفي مكان الفراغ إللي تحت ردي الأول توني شفته كأنه ساحة مطارمن شدة وسعها مدري من وين طلعت لي ههههههههه حاولي ياروح الطير تقرأين على مهلك علشان ماتنحولي لأني باقي أكتب من جوالى أبو شاشه عمياء تذكرينه زين إللي قلت لك عنه بقسم التقنيه . |
ههههههههههاإاإاي أم سلطان
ياروحي دخلي الكلمات ببعضها أهم شيء كلامك درر وحكم أنا من كبر المسافة أنزل تحت ماقدرت ع بالي الموضوع تقفل ههه هه |
الله ييسر لك الخير أينما كان و حيثما وجد أنت وزوجك
أكثري من الدعاء لله أن يسهل سفرك و يجعله خيرا لكما أنتما الاثنين ... |
الله يسعدك يام سلمان
فرحني دعائك جزاك الله خير |
السلام عليكم ورحمة الله وبركاته/
صابرة اتمنى إنك تكوني بأتم الصحة والعافية.. ممكن تحددين لي الفعل الذي أغضبك من زوجك؟ |
معدن الرجولة المعذرة اخوي مانتبهت لردك إلا الان
والله أحيانا ماتكتمل الصفحة عندي ولا انتبه للردود السابقة توي افهم ان في رجال تثقل عليهم المشاعر ! كنت أسمع قصص متزوجين أكثر شيء يشتكي ان حرمته ماتسمعه كلام حلو ولا تدلعه سبحان الله صج ان الرجال صناديق مقفلة وكل صندوك يحمل بداخله سر يختلف عن الاخر وصحيح ان الانسان لازال يتعلم ويجرب دامه عايش بهالدنيا أنا في حقيقة الأمر لم تعد عندي سوي صحراء قاحلة وأنا اللتي اطلب من يثقل علي بالمشاعر لا ربما ارتوي أو أمل منها ولكن دامني ماجربت ثقل المشاعر لن أحكم إلا بعد خوض التجربة اللهم اجعل حبك وحب رسولك بقلبي وظهره بالايمان اللهم يا مقلب القلوب ثبت قلبي على دينك اللهم لا تجعل فهذا القلب اللذي هو بيدك سوى حبك والخوف منك سرا وعلانية |
هلا رووحي ذكريات تدرين الصورة لي يم معرفك لا شفتها يفز قلبي
جيتي ياوجه الخير وين كنتي وحشتيني أخ يادكريات والله مافيني أعيد من أول السالفة سمجت أبد ياروحي نتكلم وسوالف ومن يومين متغير قلت وشفيك متغير وأنا قربت أجيك وين لي تقول مشتاق لي وتحتري جيتي كأنه مكدر المهم مايحضرني الان كل التفاصيل قام قالي حرقتي يومي الله يصيبك ويدعي علي وقام سكر جواله من ?? الظهر لين ثاني يوم أدق الجوال مقفل دقيت ع عمتي قلت أبا زوجي أستاذنه بشئ يإليت تخلينه يكلمني قالت أهو بالمجلس الحين بناديه رجعت دقيت ماحد رد ! رجعت اعاود للاتصال لعمتي قلت وينه قالت كان هنا وطلع ! طيب أنا مسافرة قلت له تسويلي سبة عشان ماجي يعني تكلمنا بدأ الموضوع أكثر من مرة ليه هالمرة بالذات سكرت جوالك عشاني جاية ! الامهم دقيت ع دوامه ورفع السماعة وسكت عرفت انه هو قلت أبي فلان قال أنا قلت له افتح جوالك حالا فتحه عقب عشرين دقيقة كلمته قلت وشبلاك! يقول قهرتيني وتشكي في ودمرتيني قلت له لحظة شنو خطاي أنا لا سبيتك ولا غلطت عليك قام جرحني وقالي انتي محرمة الله لايحرمنا انتي عدوة للسعادة انتي مريضة قلت له إذا مريضة تصرفاتك وطلاقك وتطنيشك هو لي جابلي المرض كلام طويل يادكريات تقدري تتصفحي الكلام من أوله أنا أخذت منوم وبودع التركيز وأقلع بعد لحظات لاحظي من فترررة طويلة أنام نوم طبيعي بس أمس واليوم لجأت له حتى لز زعلان مو وقته وأنا جاية عنده وشمعنى تسكيرة الجوال لي طولت فهمت انه يقولي لا تجين لكن ان شاء الله بروح أسوي عمرة وأريح أعصابي إذا يبغى يجيني حياه مايبغى بكيفه بكيفه |
اقتباس:
غير إنه مو مشتاق لك ولا يبيك لا أبغى جميع الاحتمالات |
هووووووووووب آنا وصلــــــــت:17: فتحوا لي الباب هههههههههههه صباح الورد والفل والياسمين والجوري على أحلى غاااااااااالية وأحلى غاااااااااايبة فقدتها من فترة وووووووينج ؟ كنت أحاتيج وايد وكنت حاسة إن فييييج شي أو أشيا ودج تقولينها أول شي شخباااارج ؟ ثاني شي رجعنا من جديد لموضوووع أبو الشباب زوجج الغالي شوووفي حبووبة الأخوات كفوا ووفوا عني فماله داعي أقعد أفتي وأتحجى لأن حجيهم كله وافي وكافي آنا مابيي وأقووولج إنج نكدية وتجيبين الهم وتمللين لا بقوولج بس شغلة مهمة قبل لا تسوين الشي وقبل لا تقولين الحجي اوزنيه أول فكري فيه زين تالي قووليه يعني مشكلتج التسرع حبووبة متسرعة وهو لما يستفزج انتي على طوول تردين برد هو يزعل منه ويتضايق يعني لما سألتيه شفيه متضايق و رد عليج المفترض تقولي له وانتي مبتسمة حبيبي أتمنى ما يكون في شي مزعلك بس ثق تماما اني مشتاقتلك وفرحاااااااانة اني بشوفك عقب طوول هالفترة وصدقني من تشوفني الزعل كله بتنساااااااااه يعني هذا يمكن رد سريع حضرني الحين وقلته وحتى لما كلمج عن موضوع تونس صح إن الموضوع مب بمحله ألحين وماله داعي يدخله لكن ربما هو كان قاري الموضوع ومباشرة كلمج أو يمكن يكون تناقش فيه مع اللي وياه وصار الموضوع في باله وحب يتكلم فيه ادري انج انقهرتي الى هالشي بس ماعليه خلج على الخط وياه لو ل10 دقايق بيني له إنج تحبين تتناقشين وياه لما يطرح شي صدقيني هو بيحس إنج فعلا وياه آنا ما قاعدة ألتمس له الأعذار ولا ادافع عنه بس ياقلبي الرياييل يبي لهم صبر و طوولة بال صح إني بعدي ما تزوجت لكن صدقيني من كثر ما أقرأ وأسمع سوالف وتجارب والمشاكل والأمور اللي تمر بديرتنا شكثر اشووف إن المرأة وايد تتنازل ووايد تضحي قدرج خلاج تكونين زوجة ثانية ! قدرج خلاج تحبينه وتعشقينه لدرجة كبييييييرة ! قدرج خلاج تعيشين بداومة مشاكل ! نصيبج خلاج تحسين روحج متعذبة انزين وبعدييييييييين بتظلين مستسلمة للقدر ؟؟! ولا بتقاومين وبتحاولين تنتشلين كل شي من جديد بتظلين دوووم انت وين ؟ وشفيك ؟ وليش خطك مشغول ؟ وش كنت تسوي؟ ولا بتصيرين اشتقت لك , وصرت بخير لما سمعت بصوتك وتتجاهلين باقي الأمور حبيبتي زوجج أحيانا يتعمد يستفزج ويبي يشوف وش بتسووين يبي يتأكد هل تغيرتي ولا بعدج مثل ما انتي انتي أبدا لا تعطينه مجال انه يشك و لو للحظة لا تدققين بكل شي ولا تشكين بكل شي اعتقد احنا تكلمنا من قبل وقلنا ننسى الماضي أو تحاولين بقدر الإمكان تتناسينه سبق وقلت لج اعتبري روحج توج تعرفينه توج عروس يديدة تعاملي معاه ببساطة وبدلع بنفس الوقت انتي غلطتي لما قلتي له طلاقك لي سبب لي هالشي غلط ومليووووووووون غلط إذا قعدتي كل مرة تكررين هالشي مافي فايدة بترجعين للصفر من جديد وكل اللي بنيتيه بينهار قلت لج وأكرر لج لا تجيبين هالسيرة انسيها وشيليها من باااااااالج إذا خليتي هالفكرة محووور لج صدقيني ما راح تقدرين تتخلصين منها زعله هالمرة كان ممكن تقدرين تتفادينه ولا يصير اللي صار ولا تقولين هو زعلان لأن سفرج قرب !! حجي مب عدل أبدا يعني زوجج ويحبج ويموت فيج معقول بيتضايق إنه بيشووفج بعد غياب ليش ما تحطين أعذار حتى لو انتي مقتنعة حطي أعذار وقنعي نفسج فيها تعباااااااان عنده مشكلة بالدوام واحد من اعياله لا سمح الله فيه شي أحد من اهله فيه شي هو نفسه متكدر من شي معين فبدل ما انتي تجين وتعدلين الوضع زدتيه آنا ما بلومج وايد وبقولج انتي السبب بقول تسرعج وحكمج على الأمور هي السبب ولا بجي بقول هو صح وتصرفه صح بقول المفروض هو بعد يهدي باله وما يكبر المسألة الحين اللي صار انتهى وبرد ارجع اكرر عليج توصياتي لا تدققين بكل شي وتشكين ابتسمي دوووووم لما تشوفينه متضايق لا تحاولين تنبشين عن السبب مهما كان خليه هو يجي ويقولج لو حاب يقوول انتي بس حاولي تفرحينه ولما يكون كلش متضايق ابتسمي له وسولفي معاه بأي شي لا عاد تذكرين له سيرة الطلاق أبدااااااااااااااااا انسي وتجاهلي الموضووع الحجي الحلو خليه دوووم بلسانج لدرجة انج بتتعودين على هالحجي دايم لا تكونين وايد لحوحة في الامور خلج وسط أحسن شي اقتراح وحدة من الأخوات يبي أمه وياج دامها تعزج وتحبج وانتي نفس الشي اقترحي عليه هالاقتراح ولو حاول يستفزج ويضايقج أبدا لا تتضايقين وتعصبين أو تتنرفزين بكل بساطة قولي له : طيب ياحلو كان مجرد رأي ولأني ودي تكووون الغالية معي بس دامك مو حاب هالشي خلص ولا تزعل ببساااااااااطة وبدون أي هم ولا شي أي حجي يقطه ويقولج لج أدري وحاسة يكدر ويهم ويتعب الروح والقلب بس انتي استقبلي هالكلام من ناحية ثانية يعني العكس تماما حبيبتي يشهد الله اني تضايقت وااااااااايد وإياني إياج مرة ثانية تقوولين اللي صار في مزون إنشاءالله يسويه لي اسم الله عليج حبيبتي ربي يبعد عنج كل شر والله يزعل لو كررتي هالكلام مهما كانت حرتج إيمانج بالله فوق كل شي وصدقيني ماخاب ولا بيخيب من تمسك برب العالمين ورسولنا الكريم واهل بيته لا تدعين على نفسج ولا تكدرين روحج الحين انتي في مرحلة بناء جديدة اعتبري نفسج توج تبدين تبنين الأساس كان عندج بيت وانهدم والحين جاية بتبنين بيت جديد الواحد لما يبني أساس شيسوي لازم تكون قواعده ثابتة و كل شي يكون سليم وخطواته تكون تدريجية بالضبط أبيج هاللوووون ادعي لي دايماااااااااا وادعي لزووجج على طول بالهداااية والذرية الصالحة مسامحة تأخرت في الرد بس لأني كنت طول أمس أذاكر واليوم قدمت امتحان والمغربية رقدت فلما قالت لي أم سلطان دايركت ييتج طيران فديتج أم سلطان كلامج كله درر وحكم سلمت أناملج والله:22: لي عوووووووووووووووووووووودة حبيبتي تحملي بروووووووووحج |
صابرة بدنيتي ,أن شاء الله تكونين اليوم أحسن ونفسيتك أفضل.
الآن الأعضاء ماقصروا من النصايح ,أنت أمسكي النصايح ولخصيها في ورقة وأقريها بتمعن وأرجعي أقريها مو لين تحفظينها , لا لين تصير واقع عملي في حيااتك . طيب مين سند ومزون , أنا مثل بنت الحكمي مااعرفهم , لكن انت شكلك تحبين المسلسلات والقصص الرومانسية وأنت تتخيلين نفسك مثل أبطالها , لكن لاتنسين أن كلها خيالات ورومانسيات زائفة ,وزادت نسبة الطلاق بعد هالمسلسلات لأن الرجل والمرأة على حد سواء صار يقارن بين الي الواقع الي يعيشه , وبين الي يشاهده على الفضائيات . الله يرزقك الذرية الي تملا حيااتك سعادة ,وأنبهك ترى الحالة النفسية لها دور في حدوث الحمل . روح الطير حبيبتي مشكورة على ردك , لكن أنت ماحبيتي نفسك اكثر , أنت وازنتي بين حبك لنفسك وبين حبك لغيرك , وهذا المفروض , ولو تلاحظين أنه فيه ناس لما تبذلين لها الحب والعطاء بدال ماتشكرك تحسسك أنه واجب , وهو في الواقع كرم وطيب نفس , عاااد أنا لما أزعل مع أبو الشبااب أقول لولدي الكبير , أنتبه في المستقبل تحب أحد أكثر من نفسك , شكلنا بنشطح بالموضوع(حريم):d. |
هلا بحبيبة قلبي وحياتي وروحي شيخة البنات
حياك الله يإلحبيبة صدقيني أبي بس ظلتك واطمن عليك انتي والبنات لا تشغلين بالك فيني حبيبتي انتبهي ع امتحنأتتك ومستقبلك الله يوفقك ويسهل أمرك اينما كنتي تأثرت كثير لموضوعك مع صديقتك لكن صدقيني الدنيا تجارب ودروس ربي يعوضك خير ويستر عليك صدقيني بخليه براحته يا شيخة انتبهي لنفسك حبيبتي وعلى طول خلينا متواإصلين وطمنيني عنك ربي معاك يإلغلا |
إلي مايبانا مانبإه ياذكريات
|
الأخت صابره بدنيتي
أقترح إغلاق الموضوع حتى لا تتشعب بك الدروب والآراء فهنا نصائح رائعة خذي بأحسنها واستخيري الله في أمرك |
هلا حبيبتي في رجا الله
صبحك الله بالنور أنا بخير دامكم بخير صحيح كلامك يأم عبد المجيد في ناس تعتبر ان الحب شيء مفروض وواجب وعادي جدا مايعرفون ايش قيمة الحب وايش تعني كلمة أحبك |
نسيت أقولكم شيء صديقاتي وحبيباتي
اليوم بإذن الله بسافر مع أمي وزوجها إلي مكان يمكن يتمنى الجميع يروح له خاصا نحن الحريم بالنسبة للتسوق والعطورات مدينة الأحلام (باغيس) طبعا زوجي يدري والعدوة للسعودية مرتبة من هناك صدقوني ماني فرحانة لأني عشت معه احلى الأيام بباريس في الصيف كنا نطلع زي المجانين ضحك وسوالف وترقية كل شئ وأي شيء نضحك عليه تصورنا بكل مكان وبروج ايفل من الشاهدين كانت أيام فعلا حلوووة ليتها تعود حبيبت استودعكم الله الذي لا تضيع ودائعه وأخبركم عن سفري يمكن أموت ولا نتقابل سبحان دوم أعيش لحظات الموت وأنا مسافرة وكلنا مودعين فيد ربي بطمنكم عني إذا وصلت بإذن الله في حفظ ربي وسامحوني يا أصحاب القلوب الكبيرة أحبكم |
اقتباس:
في حفظ البااااري عزيزتي ربي يحفظج وين ما كنتي وحاولي قدر الإمكان تستمتعين بالسفر وتكون مريحة وتغيير للجو بنفس الوووقت صح بتألمج الذكريات لكن ما تدرين إن شاء الله زوجج يفاجئج وييي معاج مرة ثانية ويرجع كل الذكريات لا وأحلى منها بعد و ربي يهدي بالج ويهدي زوجج بنفقدج وااااااايد بس الأهم طمنيني عن أحوالج على طووول وبإذن الله تكوون ردتج لزوجج كلها خير يااااااارب أسال الله إن يحفظج وين ما تروحين ويجعل لج بكل خطوة سلام ويبعد عنج كل سوء ويرزقج بالذرية الصالحة قادر يا كريم أحبج ياصابرة وواااااايد تحملي برووووحج زين ودي |
اقتباس:
أو تعبان او مريض أي سبب ثاني.. أما إذا كنتي متأكده انه ما يبيك .. فليش تردين عليه وتكلمينه؟ صابره الانسان اذا زعل من احد يبتعد عنه ولا يكلمه لين يحس بغلطه انتم تتهاوشوون تتصالحون نفس الشيء.. مو قلت لك لا تردين عليه لين يجي لك ويصالحك حتى لو أخذ الموضوع شهور.. لكن انتي تزعلين وترضين وما زلتي بنفس الموال.. وما تفعليه ليس حب..ولا زواج...إنما نكد خالص >>>>> ولا تزعلين مني إما ترضين وتسكتين ... حتى تتفربون لبعض وإما ازعلي عند أهلك الآن ولا تردين عليه...لين يقنعك ويثبت لك انه شاريك.. أما انك تكلمينه يوميا..وفجاءة تحسين احساس انه ما يبيك ما أدري كيف تبغينه يتصرف.. ردي علي رد واضح..وليس تنفيس |
زوجك يقرأ ردودك .. انتبهي يا اختي وراعي مشاعره
|
انا مع رد الأخت روح الطير لم أشعر بأنك تغيرتي عدتي إلى نقطة الصفر توقفي عن إهانة نفسك ياغالية اما زوجك فكلمة اناني قليلة فيه حسبي الله ونعم الوكيل فكل رجال مثل زوجك إذا ربي عطاه النعم اللي هو فيها فلحظة وحدة ربي يخسف فيه هو أكيد يتابع الموضوع أقوله اتقي الله يازوج صابرة اتقي الله |
السلام عليكم
وحشتوني كثير أنا الحمد الله وصلت السعودية وكل الأيام لي طافت كنت أفكر فيكم بس مأساعدني الوقت أدخل |
هلااااااااااا صبوره والحمدالله على السلامه حبيبتي طمنينا شخبارج عساج بخير ان شاء الله
|
الحمد لله على سلامتك :)
|
الله يسلمك حبيبتي كويتية أنا بخير ياقلبي
روح الطير حبيبتي وحشتيني بنت الحكمي شيخة البنات وحشتوني كلكم دلوعة مودي والله ياحبيبتي دعيت لك بسفري مدري اشلون طريتي ع بالي ودعيت لك |
| الساعة الآن 07:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©