|
اقتباس:
أهلا بك أختي بنت مكه مشاركتك هنا بينت لي أن البنت راح تتقبل من عمها أو خالها. مثل ماقلتي عن خالك أنه كان ينصحك ويسمعلك وآلان تذكرينه بالخير. المواجه لأبد منها بس أنا كنت خايف أنها ماتتقبل هالشي مني لاني ولد وبتستحي.لأكن بمأنك تقبلتي النصح من خالك وكنتي تسمعين له وتقولين كل اللي في خاطرك له . ان شاء الله أنها من النوع ذا خاصة أنها هي بعد تعزني وتحبني.وعلى قولك لأبد الام والاب يكون بينهم صداقه مع أولادهم. شكرآ لك وأسال الله أن يرزقك بالزوج الصالح اللي يعوضك عن كل شي ويسعدك في حياتك. |
اقتباس:
أخي بصراحه الشي الوحيد الذي مثل ماتفضلت أني أخشى من مدى رفضها النصيحه مني . تحيتي مجددآأعلم وتعلم أنه لآيعلم بتفكير الشباب الا الشباب أنفسهم وقلة الا مارحم ربي من البنات الذي رزقهم الله بالفطنة.أنا لا أشعر بالحرج من الحديث معها في الموضوع أنا ودي لأكن مثل ماقلت أني أخاف البعد منها. ثانيآ أخي معدن الرجولة. وقتي لأقائي معها هذا هو السبب الأخر كوننا لا نلتقي إلا في الاجازات. وهذا يجعلني في حيره من أمري هل أترك الموضوع إلا أن نتلاقى أو يكون أناقش الموضوع مع بسبل ثانيه (أما عن طريق المسن أو عن طريق الجوال وكلها أتوقع لا تأتي بنتيجه ) لأنه ممكن تكون في حرج ويكون لأقائي معها في نفس الوقت فقط يعني في نفس الفترة اللي نصحتها فيها بعد كذا أما تسوي لي بلوك في المسن أو لا تتصل في مره أخره . لسبب أنها منحرجه مني أو ماتقدر تواجهني لذلك فكرت أن المواجه وجه لوجه هي الفيصل. معدن الرجوله أسمك له نصيب منك.وطرحك الملي بالحكم وسام على صدري شرفآ للمنتدى أن ينتمي له هيك رجاال. أسال الله أن يسعدك ويجمعك مع ذريتك و والديك في جنات النعيم |
أخوتي أعضاء المنتدى الكريم في أنتضار المزيد مو مني والله من اللي في قلبي. ولكم دعوه في ضهر الغيب.شكري يتواصل لكم وأسال الله الكريم أن يجمعنا ويجمع لكم من تحبون في جنات النعيم. أشكر كل من مر بموضوعي وأستفاد وأفاد وكل من راح يمر ويستفيد ويفيد. أخواني طلبي منكم الدعاء للبناتنا وبناتكم وبنات المسلمين بالستر. لعل فيك من أقسم على الله لأبره. حفظكم الله ورعاكم. دمتم همسه: مريت على المشاكل المحلوله وسألت الله أن يجعل موضوعي بينها. |
يا أخي و الله من تجربه الفتاة تريد من يوجهها تريد من ينصحها تريد من يستمع لها ( من تجربه شخصيه ) أنا أتعامل بهذا الإسلوب مع ( بنات أخواني و أخواتي ) فلا تخاف من رفضها أو إبتعادها الأمر الآخر وكون لقاءك معها في الإجازة فأنا أفضل أن لا تتكلم معها في الجوال أو المسنجر و بعدين هي داخله على إختبارات الإسبوع الجاي ( فدعها تركز على إختباراتها ) و بعد الإختبارات هناك إجازة لمدة إسبوع ( إركب طياره و إقضي الإجازة معهم ) و الأمر الآخر ( قد لا تكون لها علاقه به أو حديثها معه سطحي جداً ) و ممكن هو غير مضاف عندها أبداً لكن تعرف طريقة المسنجر الجديده ممكن دخل على ملفها و نزل فيه توبيكات و هو مضاف عند شخص آخر و علق عندها فلا تتعامل معها ( كأنها متهمه ) و توبخها أو توجه لها الحديث كإسقاطات مباشرة عليها ( خلي حواراتك معها حوارات عامه و لا يمنع أن تسألها عن الشخص المضاف لديها ) و يبدو لي إنك راح تجد سهوله في التعامل معها على إثر ما كتبته عنها في موضوعك الأساسي |
ممكن طريقه ثانيه غير انك تكلمها على المسن
ممكن تدق عليامنرقم هي ما تعرفه يعني غير رقمك وتقولها انك واحد من اصحاب الي تكلميه وهو ناويل على شر ويبي يوقعك بالغلط وانت عارف ذا الكلام وهي راح تخاف من كلامك واكيد راح ترجع لصوابها |
اخوي مافي حل لاانكم تمنعو عنها النت باي طريقه مادامها استخدمتو بلغلط صدقني حتى لو انك واجهتا بتسيبو بس وبتحذفو عشانك بسماتدري ممكن انها تسوي ايمل ثاني اخوي مادمها مشت بطريق هذا مايبلها الا قطع النت عنهاحتى متعرف على غيرو وتستمر بلغلط
|
اقتباس:
اولا علاقتهم عن طريق المسن يعني ماوصلت للجوال ثانيا البنت ماعندها جوال!!!! خطة فاشلة ^^ |
وش صار ع المشكلة آخوي فيصل؟
وكلام معدن الرجولة صح اذا ماسويت شي انتظر لين تخلص الاختبارات بس اتوقع موضوع مثل كذا مايتأجل او ممكن يوم الاربعاء مناسب الي هي اجازة الاسبوع |
اقتباس:
مرحبا بك أخي معدن الرجولة. صدقت في قولك وهذا اللي راح أتبعه في نقاشي معها إن شاء الله .أنا بصرحه شايل فكرة النقاش معها في المسن أو الجوال. إلا إذا تعقدت الامور لاسمح الله. نعم أخي هي في وقت أختبارات ولا أريد أن أشغلها وإن شاء الله أن تتيسر لي الامور لذهاب لهم. أخوي أنا متأكد من إضافة والدليل أنها كاتبه في التوبيك (وينك ياخلودي ماتدخل ) وهذا اللي مطير عقلي لأكن فيه شي جديد أنشاء الله أنه بشارة خير ياااارب . صرحه أنا صرت كل مادخلت على المسن أدخل على ملفها التعريفي وألاقي صورة الولد في الاصدقاء المشاركون . واليوم دخلت ومالقيت له صوره عاد مدري يمكن إن شاء الله حذفته . لاكن هذا مايمنع إني أتناقش معها. أخي معدن الرجولة أنا راح يكوون نقاشي عام وراح أدخل في الموضوع بطريقتي. والله يقدرني ويعيني ويصبرني بعد. تشكرررررراتي لك وأسف على التأخير في الرد خاارج عن إرادتي. بسبب stc حياة أفشل وأنقطاع النت. |
اقتباس:
أخ همي الموضوع الحمدلله ماوصل للجوال وهي أصلآ ماعنندها شكر على مرورك العطر. وفقك الله |
اقتباس:
مرحبا بك أخي أو أختي لا إن شاء الله أنها رح تقتنع وتفهم وانا راح أفهمها تفكير الشباب وماراح أخلي شي . وبعدين الشي اللي يصير بالعناد مو زين الدعوة يبيلها نصح وبعد للحياة بصفه عامة .وبعدين النت مو على طول هي شغاله عليه يعني لها أوقات معينه. شكرآ على مرورك العطر |
اقتباس:
والله ماصر شي إلى ألحين أنا مافكرت أتناقش معها إلا بعد الاختبارات وهي خلقه شايله هم الاختبارات وأخاف أزيدها. نعم كلام أخوي معدن الرجولة هو الصواب. إن شاء الله الوضع مايتطور واللي مريحني أنها ماتدخل على النت بصفه كثيره. |
اخوي اشكر لك هذه الغيره,,حفظك الله,
قبل كل شيئ: لو تمسكها وتضربها وتقطعها .. لازم يكون المانع من داخلها.. اول شي شيل فكرة انك تخبر ابوها واخوها..لا حرام عليك اخوي راح تتغير نظرتهم ويضلوا يعاملوها اسوء معامله طول عمرها وحتى لو التزمت راح تشوف بعيونهم نظرات لاترغب بها..انتبه انتبه انتبه اخطر شي والله.. ولاتقول لها حاطين رقابه وماعرف وشو..وبرامج..لا موحلوه ابدا راح تنعدم نهائيا -- لا تنتظر الى الصيفيه..يمدي ابليس سوى عمايله والعياذ بالله والبنت مراهقه وعلى نياتها مسكينه ماراح تزعل اذا كلمتها وجهه لوجه بالعكس بالعكس راح تفرح انك تخاف عليها لكن واجهها بإسلوب لين بعيد كل البعد عن الصراخ والعصبيه والمزاااح 1 - اول شي لازم تتصل عليها وتقول لها ابيك بموضوع خاص اذا فضيتي اتصلي علي, راح تتصل عليك..قول لها يابنت اخوي ابيك بموضوع بيني وبينك..مشكله وابي آخذ رايك فيها؟ صديقي اكتشف ان بنت اخته (لإبعاد الشبهه) ضايفه شباب بالمسن..محتار يعلم ابوها والا لاء..وجاي يشكي لي السالفه وش رايك راح تسكت وتتردد بالحكي..قولها تبي رايها بالموضوع اذا عندها حل..وانك مالقيت الا هي تشرح لها المشكله(من باب تحفيز الثقه في نفسها) ------- او 2 - قول لها مباشره : البنت مثل الزجاجه اذا صار عليها صمات مااحد ياخذها, قول لها : دخلتي محل وشفتي زجاجه جميله جدا..كنتي راح تاخذينها لكن استوقفك منظر البصمات وبعض الخدوش على الزجاجه... وبالجنب الآخر زجاجه ثانيه لكن اقل جمالا من الأولى ولكن ليس عليها بصمات او خدوش ونظيفه ولامعه ايهم تاخذين؟؟ بتقول اكيد الثانيه :17: -- جبيبتي يالغاليه انا اعتبرك اختي وبنتي وصديقتي واخاف عليك من كل شي انتي تستخدمين الماسنجر...اذا في اي شخص مزعجك علميني انا .. راح اساعدك ان شاءالله ولاتخافين من اي تهديد يجي من اي شخص,, انا الحمدلله واثق فيك انتي الدره المصونه والجوهره الغاليه..ومتربيه احسن تربيه .. (ومن هالكلام الزين والدعم لكن مع شوي حزم) ------ بالأخير نهاية الحلول 3 - كلمها بهدوء وانصحها بهدوء بدون اي عصبيه وبدون اي ضحك بنفس الوقت _ حزم+لين.. وقول لها مباشره من الشخص اللي ضايفته,,الآن احذفيه بما ان الثقه مازالت موجوده (تهديد ) لأني ماودي ابوك او اخوك يوصلهم الموضوع (اذا بتزعل تزعل كيفها اهم شي مصلحتها مصيرها راح ترضى وتكبر وتعقل) انت بعدها طلعها مشيها بس انتبه تفهم انها ترضاوه لا..خلي ان الطلعه هذي قول لها لأنك خلصتي اختبارات ونجحتي [ الاختبارات هذي ] ايش احسن : تخشى انها تكرهك وتزعل منك.. او يلعب عليها الإبليس ويسرق صورها من جهازها (تهكير)ويهددها ويرسل الصور لبيتهم ويقص عليها انا بجي اخطبك دليني على بيتكم (راج يجيها خطوات).. === اخوي انتبه قبل يطيح الفأس بالرأس انا اثق ان ابنة اخوك ان شاءالله انها انسانه صالحه وربما انت فهمت الموضوع خطأ = ملاحظه : قرأت احد ردودك ان اهلها مو مقصرين معها من ناحية الفلوس اخوي البنت ماتبي فلوس قد ماتبي الحنان والصداقه البنت تبي من يتقرب منها..مو حلوه الحواجز بين الأب وبناتها بعدين يقول ماقصرت كل شي اشتريته والأم كذلك لازم تكون صديقة بناتها لكن على كذا هذا مو عذر للبنات اللي يسوون علاقات ولو للوناسه [العقل موجود] البنت اللي عقلها براسها تعرف خلاصها وان شاءالله بنت اخوك بنت صالحه اكيد ولكن يمكن التبس عليك الموضوع الله اعلم انت بدورك خليك صديق لبنات اخوك.. ----- حسبي الله ونعم الوكيل كثرت الذئاب البشريه اكرر مليون مره انتبه من اخبار ابوها او اخوها انت عالج المشكله بنفسك اولا بالطيب ثم التهديد ثم التهديد ثم [ الضرب لو مانفع شي ] يمكن بتخاف وترتدعت..بس ثق ثقه تامه انها ماراح تكرهك بالعكس بتكرهك اذا خبرت اهلها...وخل الموضوع سر بينك وبين نفسك. |
أخي
أنا يشرفني أكثر مشاركتك فيما تحس فيه أتعلم اخي صحيح أنني كنت أكلمها من بنت لبنت ولكن أنت بالعكس راح تكون تطبيق كامل بما يفكر فيه الشاب وكيف نظرت الشاب للبنت أتعلم أخي المسأله ليست سهله الموضوع الذي حصل مع ابنة اخي صار له اشهر ولكن والله لحتى الان لم ترجع علاقتنا مثل قبل وذلك لانها تحس أنني لم أعد أثق بها مثل قبل وأنني لم أعد أحبها أتعلم فيما مضى كانت تسابق أخواتها لتنام بجانبي أجدها دائما تسبقني إلى فراشي وتضحك وتقول اريد أنام بقربك الان ولمدة أربعة أشهر وأكثر صارت حتى لا تنام في نفس الغرفه التي انام بها ولكني صابره رغم الفراغ الذي اجده في نفسي نعم فراغ فهي كانت صديقتي وابنتي ولكني لم احسسها بشيء هي حاسه بالخجل من نفسها وانا اعرف ذلك ولكن اطنش حركاتها واحاول ان اتقرب منها كثيرا وشوي شوي إن شاء الله سترجع كما كانت إذا فيه أي استفسار ياليت تطرحه مع ان باقي الاعضاء ما شاء الله ما قصروا بردودهم المفيده وأذكرك ونفسي بالحوار الهادي البسيط حتى تكسب ثقتها. الله يحفظ الجميع |
اقتباس:
مرحبا أختي طفلة كلامك عين العقل. أول شي أنا مافكرت أعلم أحد بالموضوع أبد وعارف وش بصير لو علمتهم وكيف تكون نضرتهم لها .انا نفسي أنهي الموضوع في أسرع وقت لاكن مابيدي إلا إني أتصل عليه او أروح لهم (وممكن لااستطيع أروح لهم لجلوسي عند الوالده وضروف أخره غصب عني ) أختي فكرت أتصالي عليها وأخذ رآيها في مشكلت صديقي حلوووه و راح تزيد من ثقتها. وراح أنصحها بطريقه غير مباشرة شكرآ لمرورك العطر وجزالك الله خير. |
اقتباس:
أهلآ بك أختي العابدة صحيح أني راح أكون موضح لها كل شي عن الشباب تفكيرهم وغآياتهم.لاكن أنتي علمتي بما أفكر وعشتي واقع تجربة مع بنت أخوك الله يلم قلوبكم على بعض ويردها مثل أول وزود. هذا اللي ماكنت أبيه أنها تاخذ علي أو أنها تزعل علي. أنا والله العضيم لا اريد ان أخسرها وخاصة في الوقت هذا. اختي العابدة هذا اللي كنت ودي أسئلك عنه كيف صارت علاقتك مع بنت أخوك لاكن أنتي تطرقتي لها بدون أن أسالك. الاعضاء جزاهم الله خير ماقصرو والله العضيم . |
أخواني السلام عليكم ورحمة الله وبركاته حبيت أستشيركم في طريقه تفضلت بها الاخت طفلة سيكلوجيه. أنا بصراحه عجبتني الطريقه خاصه وأني من أول كنت أفكر أني أروح لها ولأكن لجلوسي عند الوالده وضروف أخرى منعتني. الاخت جزاه الله خير فتحت عيني على طريقه أحس أنها مجديه. الطريقه ( إني أتصل عليها وأستشيرها في مشكله لصديق لي أكتشف أن بنت أخته مضيفه شباب فبي المسن وأتى لي ليشكي مشكلته وهل يخبر والدها وأنا أتصلت عليك لانك غاليتي وعزيزتي ويهمني رآيك وبصراحه مافي أحد أثق فيه غيرك قلت أشوف رايك وخاصه أنك بنت مثلها ) أكيد أنها تزيد الثقه في نفسها . >وراح تقول اللي عندها < وبعد كذا أنا بدوري أقول لها عن تفكير الشباب عن البنات وماذا يريدون منهم وليش يضيفونهم في المسن ونهاية العلاقات المحرمه. ونظرت أهل البنت لبنتهم لو يدرون أنها لها علاقه مع شباب. وأنصحها بنصائح دينيه. بعد كذا اكيد أني وصلت لها كل شي بطريقه غير مباشره. وش رايكم أنتم ياحبابي أنا فكرت كذا لانه بصرحه روحتي لها مو أكيده لضروفي. حفظكم الله . |
فكرة حلوة أخي ليش لا وإذا هي فهيمه راح تفهمها وتعرف القصد ومنها أنت تكون ما أحرجتها
لكن لو حسيت أنها مستمرة وأنها ليسا ضايفه الولد ذاك الوقت مالك غير المصارحه. بس الكلام خليه صريح وشوي قوي يعني لما تتكلم عن الشباب كيف أنهم يضحكون على البنات وكيف أن البنت تطيح من عين الشاب وماعاد يحترمها. أتعلم أخي أكتشفت اليوم أنني لم أكتب التطورات التي صارت مع أبنة أخي والموضوع الذي كتبته في البدايه كان مجرد شك ولكن بعد ذلك تأكدت وصارت أمور كثيره فضلت في ذلك الوقت ألا اذكرها في المنتدى . |
اقتباس:
نعم الفكره حلوه. لاكن قلت بستشير أخواني قبل أتخذ أي شي . أكيد هي راح تفهم قصدي بدون أي حرج علي وعليها . جزاك الله خير على أبدا رآيك أختي. والله يحفظلك بنت أخوووك |
أخوتي الاعضاء شنو رآيكم في الطريقه معقووله بس عضوه وحده ردت علي جزاه الله خير. أنا أعرف أني طووولت عليكم . وقلت أستشيركم وماخاب من أستشار . تكفوون باقي كم يوم وتخلص الاختبارات. وبسوي الطريقه اعطوني رآيكم فيها . حفظكم الله |
حلوة الطريقه
بس حاول تكثر النصح وفهمها طريقها الشباب وبالذات انو كل واحد يبين انو غير بصراحه احس في حيره شوي في هالطريقه لانو ماتظمن انها مجديه بعدين اخوي ترى انت لحد الان ماتاكدت انو الي عندها شاب يمكن بنت مسميه نفسها شاب او اظافته بالغلط انا نفسي صار لي موقف مثل هالنوع صديقتي قالت انها بترسل لي اضافه وصادف بنفس اليوم انو جتني اضافه من ولد اضفته ع انو صديقتي وبعدها لما عرفت انو ولد حذفته مباشره اطلب منها الاب حقها يوم وكانك محتاج شي ظروري وتبي تشوفه وادخل على محادثات <<بس المحادثه الي عن طريق الايمل الي انت شاك فيه اذا كانت توها مستخدمه النت مااتوقع انها تحذف كل المحادثات تاكد ياخي قبل واذا اكتشفت شي لاقدر الله حاورها باسلوب لين وبين لها ثقتك فيها |
طريقة طفلة سيكولوجية زييينة
مع ان احساسي يقول ان الي مضاف عندها بنت << يااارب متاااابعه وياليتك تخبرنا بالتطورات |
اخوي يمكن اللي براسك خطا وانها مو ضايفه عندها احد وبعدين اذا صارحتها مباشره راح تزرع الفكره هذي براسها وبعدين تبي تعالج الموضوع مايتعالج الافضل انك تتاكد من تحت لتحت واختر اسلوب معين؟؟ |
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©