يالله وينكم عشان اكمل ان كان فيه احد متابع يقول لي ولا ابوقف
ابي يكون بينا نقاش راي حوار عن الشمالي الشرقي كلن يدلو بدلوه

الصراحة يا القلم الاخضر ودي تفيديني في طريقة معاملة عيال زوجي

شنو الطريقة الصحيحة للتعامل معاهم


هم صغار

وحدة 7 سنوات

والثانية 5 سنوات

مشكوره اختى على الموضوع

زوجى شمالى شرقى عندى مشكلتين الاولى عنده الوووووووووووووووووقت مهم مرره مثلا اذا رحت السوق اطول لان عندى اطفال صغااار واجلس اختار بعنايه وهو مايستمتع مرره بس يالله يالله مو بس كذا لا حتى لو يقف خمس دقايق تجيه جلطه مثلا عند الصراف واللى قبله تأخر يوووووووه هذوا همج غير متحضرين ويسب ويصخط وهو بس 3 دقايقشلون اخفف عنه هالهوس بالوقت

ولمشكله الثانيه انتقاااااااااااااااااده يذبح كل شئ ينتقده وش الحل والتعامل معاه

حبيبتي ليمون وبرتقال

- بعد اذن القلم الاخضر-

اذا زوجج عصب بسبب الوقت انتي خليج ريلاكس ولا تحترين مثله

هو اللي بتنحرق اعصابه مو انتي

وبالنسبة للانتقاد

بانقلج تجربتي

اذا زوجي انتقدني بشي

بس اخزه بعيني حيييييييييييييييييييييييييل لما يحس ان كلامه تافه

او اقلب الانتقاد عليه على شكل ضحك واضحك حييييييييييييييل واغير مكاني

او اقوله هذي انا اذا تغيرت ماراح اصير موهبة راح اصير موهوب

هو بهالحالة يقول لالا خلج على علاتج بس خلج انثى بعيني

انا كتبت كلااااام كثير عن شخصية الشمالي الشرقي اللي هو زوجي وانفصل النت ومررررررره انقهرت
المهم كنت ابغى اقول اهم نقطه عندي واللي اكرهها في زوجي جدا
احس انه ممل لأبع الحدود للأسف...
يعني مثلا هو مسافر للخارج واول مره يسافر يكلمني برسميه تقهر يسال بس عن احوالنا واحوال اولاده واذا ناقصنا شي اولا لا واذا تبغي منه هرجه او انه يونسك او يقولك كلمه حلوه تجريها منه جر الين ماتكرهي عمرك وتستسلمي لجلافته ...
انا بالفعل مع الشمالي الشرقي احتااااااج لكميه من الكلام الحلو والمفاجآت الرومنسيه....
..محسوبتكم دووووووب من كلمتين حلوين وهو مسويلي فيها السي السيد
هذا اخس شي في شخصيه الشمالي الشرقي (الجلافه ) وطبعا لاننسى العصبيه لدرجة الجنون
موضوع حلو من اول انتظره
تحياتي

غاليتي القلم الاخضر شكرا لمجهودك معنا أنا عنددي أستفسار زوجي مايحي النقااااش يعني لما نكون متزاعلين وبعدين نتصالح أنا أحب أناقش في المشكلة والموضوع بس هو مايحب يقول خلاص تصالحنا ليش نعيد الموضوع الموضوع مش مهم لذي الدرجة
يعني يحب السوالف مومشكلة بس النقاشات في المشاكل لاااااا

كم سؤال عشان اجاوبك
1-امهم موجوده؟؟
2-انت الأولى ولا امهم؟؟
3-يحبونك اولا؟
4-كم مره تشوفيهم باليوم اوبالاسبوع او بالشهر؟
5-ابوهم يحرص انهم يجونك او لا؟

غاليتي ليمون وبرتقال:اما الغضب هذا مشكله كبيره لان ماتقدرين تغيرينه هو طبع والمثل يقول تغيرجبل ولاتغيرطبع
بس غايتي انتي حاولي تجنب الغضب مثل اكتبي اغراضك بورقه ومن اي المحلات بتاخذين شوقي كم تحتاجين من فلوس وقولي له قبل عشان يصرف لو قبل بيومين ومن هالافكار غاليتي عشان تجنبين الغضب
واذاجلستي معه جلسه يكون هو فيها مرتاح قولي له عن اضرار الغضب وان الرسول نهى عنه وانه يضر صحته ويكبر سريع وأن أنا واولادك مالنا الا انت وأنا والله أخاف عليك حسسيه انك خايفه عليه:24:وهو اصلآيحب نفسه بالحيل ومع الزمن يتعود
طيب سؤال ماتقدرين تاخذين منه فلوس وتروحين مع غيره؟؟
اما بالنسبه للنتقاد وفت وكفت موهبة الكويت أنا كذامعه وصرت اتجنب وجع الراس والمشاكل

غاليتي كم لك متزوجته؟؟؟
تدرين حبيبتي أن رمنسية الش ش انه كلمك وسمعك صوته وسألك وش محتاجه لانه هو عندنفسه مشغول مو فاضي لرمنسيه
بس أنا ليش سألتك كم لك متزوجه هو الشي على التعود أنا يوم اتزوج زوجي كان مايسمعني كلام حلو ولا يوديني ولا اي شي متعود من زوجته الأولى وحالين هو مايودي زوجته الاولى حتى اهله تعود على هالشي
أنا ولله الحمد قريت عن شخصيته انه مسوي فيه سي السيد وهو اصلآداخله ابسط وارق انسان ذو القلب الأبيض
مايحمل بقلبه شي وأهم شي تتحملين ترجيم كلامه وتحطيمك اذا طلبتي شي
ابضرب لك مثال عشان اوصل لك الفكره:مثلآ ودي اطلع البر اقول ياقلبي أنت ودي اطلع البر معك علاطول يجي منه الرد وأنا فاضي لك أنا مشغول أطلعي البر مع اهلك ومن هالكلام اول ازعل وابكي لاني صراحه ماتعودت على هالاجلافه هو يزعل ويقول اضني تزوجة طفله ماتزوجت وحده ناضجه عمرها 30ويصير زعلان
ونفسيته زفت يوم عرفت كيف اتعامل معه شوفي الفرق سبحان الله
اذا بدا يتكلم عرفت انه من خارج قلبه وانه مايقصد بس مايبي يجي الشي بالساهل ويبي يحسسني انه مشغول اقول طيب حبيبي أنا مقدره ضروفك وادري انك مشغول بس ودي تفضي نفسك عشاني ودي اقعد معك ودي اشوفك ودي اسولف معك وانت تقول روحي مع اهلك اهلي كل يوم يروحون بس انا ماحب اطلع البر الا معك وأنا ادري وابصم لو فاضي والله ماترفض لي طلب لاني غاليه عليك واسكت بعدها يطلع هذا الظهريكلم على قبل المغرب يالله جهزي قهوتك وحلاك ابمرك نطلع البرالمغرب بعدها نروح بس خلك حريصه في هالطلعه عشان يحب يطلعك
1-جهزي قهوك وتمرك وحلاك في اسرع وقت واحلى مواعين
2-خليك حلوه ومرتبه ولبس ناعم
3-الوقت ثم الوقت ثم الوقت خليك عند الباب
4-جهزي سوالف حلوه ولاتجيبين طاري اغراض او هموم اومشاكل
هذا اول من تزوجنا واللحين ولله الحمد هو يكلم يقول تبين امرك نتقهوا بالبر والله من نفسه لاني زيه بالضبط وابرد كبده بالعجله وتجهيز الاغراض والله انه اذا جاء يلقاني انا واغراضي عند الباب وانتي شوفي وش يطلب سويه تكسبين قلبه
عندي المزيد من الأمثله ان كان تبين شي قولي لي لاني والله ماجيت هنا الا ابي افيدكم وابي دعوه في ظهر الغيب

غاليتي نفس مشكلتي وش صرت اسوي ادوس على قلبي واسكت اقول هما الامور على مايرام خلاص
والله بعض الأحيان احس بالغبن وانه مستغل طيبتي واصير مااطيقه بس هو يحس لان ش ش ذكي وحساس وعنده الحاسه السادسه شغاله ويفهم اللي بخاطري ويبدا هو يتكلم عن المشكله ويعطيني المجال اتكلم بس أنا سألت كثير واستشاريات قالوا أن ماله هو حل وشخصيته مايحب النقاش ولا العتاب خلاص مشيها ان كان مافي خطا كبير او خلل ديني

عزيزتي القلم الأخضر

مثل ما ندري بإنها باالفعل دراسة و هناك كتب أجنبية و عربية عنها كذلك ..
فهي بالفعل ، طريقة علمية رائعة للتصنيف ..

و الدليل إنه حتى رسولنا الكريم صنف البشر إلى 4 أقسام في موضوع الغضب ..
الأول: سريع الغضب سريع الرضى.
الثاني: بطئ الغضب سريع الرضى.
الثالث: سريع الغضب بطيء الرضى.
الرابع: بطيء الغضب بطيء الرضى

و كملي و نحن متابعين ، بس زوجي للأسف جنوبي .. و مختلف تماما عن أزواجكم :)
مو كل الرجال واحد ;)

شكرآ غاليتي على هذه الدعوات الجميله صدمة عمر
وتقريبآ زوجك شمالي شرقي بس كل صفاته في زوجي
مو لازم كل الصفات تكون فيه
اما من ناحية التعدد غريبه والله الشمالي الشرقي يكتفي بواحده
ويحب الاستقرارمع زوجه واحده زوجي يقول لي ياليت ماتووجت الا انتي
يازين الواحد له بيت واحد بس يمكن غني وفاتحها الله عليه واللي يجالسهم
يتكلمون عن التعدد

مشكور القلم الاخضر
هدي تفيد اختي مع زوجها

ما تفيدني هههههههههههههه

:11:حابة الاقي حل لمشكلتي اللي بعانيها مع زوجي صرلي 5 سنوات انو ما يحب ياخذني معاه اقولو وديني المول اشتري ملابس يرفض يقولي مجنون اخذك من شان حكي فاضي عجزت اغيره اذا راح مكان يرفض ياخذني معاه اروح مشاويري لحالي وما يحب الزيارات بين الاصحاب وانا احب العجقة ما اطيق اجلس لحالي دقيقة... يكره شي اسمو شوبينج اللي انا اموت عليه.. والحالة المادية الحمدلله ميسورة ودي اغيره ولا انقهر واغير من اخواتي وصديقاتي لما يقولولي انو ازواجهم يودينهم اي مكان بدون ايا ازعاج او ايا تسميع كلام يهز البدن انا زوجي شمالي شرقي بقوة!!!

يعطيكي العافيه على موضوعك الجميل ودي انك اتساعديني زوجي شمالي شرقي الحين انا وياه متزاعلين من 3 ايام واناتاركه وانام لحالي لاني تعبت من مدة يده وتهاونه معي وتجريحه لي ابي يحس انه غلط فيني لانه في كل مره يرجع يكلمني عادي ولا كانه صاير شيطبعا لانه هو الغلطان وانا على طول ارضا وما اناقشه ولا افتح معه الموضوع لكن ها المره تعبت ومصممه انه لازم يفهم ان ما عاد ارضى بالظلم ومدة اليد سو الي اذا جا وكلمني عادي او طلبني للفراش كيفاتصرف ارفض مباشره ولا ايش ممكن يكون ردي خايفه اني اضعف لانه هادي حتكون اول مره ارفضه فيها وما ادري ايش تكون ردة فعله لا تقولولي طنش و كلميه عادي لانه اتعود على كده وما صارما يهمه عارف انه كلمه وبرضى

غاليتي صراحه أنا زوجي ماعمره مد يده علي غريبه الشمالي الشرقي رحيم وزوجي يقول اللي يضرب أمراءه او بهيمه مو رجال وضد الضرب بس شكل تربيته كانت على الضرب زوجك
طيب ليش ماتفاهمين معه اذا جاء للبيت خليك حلوه ومغريه وبيتك نظيف واطفالك حلوين هو مو متحمل ويمكن يكلمك او يناديك للفراش روحي وبكل لباقه وثقه قولي له قبل اي شي ابي اتفاهم معك اول شي تذكرينه بصفاته الحلوه الموجوده فيه ولاتقولين شي مو فيه مثلآ قولي ان متعوده على حبك لي وحنانك ورجولك وأستغرب عليك مدة اليد أنا صراحه أنسانه وانثى واحس وأنا شاريتك لان فيك من الصفات الجميله كثير بس الضرب أنا مو قادره اتحمل او أصبر أكثروسيحي دمعه مو دموع دمعة اونثى تستغيث شوفي هو مستحيل يبي يعترف او يقول اخرمره لان ش ش عند نفسه مايغلط
تدرين وش ييسوي
1- اما ييقوم وينام ويعطيك ظهره اذا سوا كذا لاتحسبينه ماهتم الا مهتم وييموت من الهم بس يبي يفكر ويجلس مع نفسه لانه هو مو متعجل بهالاموروشوفي وش ييسوي من بكره هديه عزومه لقاء جنسي بس انتبهي تصديه باي شي خلاص هو وصلت له الفكره وهذا هو اعتذاره
2-او اصلا هو ندمان قبل تكلميه واذا كلمتيه مو متحمل وييحصل بينكم لقاء انبهي تصديه خلاص انت قلتي اللي عندك وهو فهم وهذا اعتذاره
وافيني بالاخبار وخلينا متواصلين اليم تنحل المشكله اوكي حبيبتي:17::17::17:

تسلم حبتي وان شاء الله انكون على اتصال عندي اشياء كثيره ودي اسال فيها بس الحين مو فاضيه مشغوله شوي لكن قبل ما اروح كيف اعرف اذا الشمالي الشرقي يحبك ولا لا هو ابد ما يقول ما قاله لي الا كم مره لمن اتكون وصلت ينا وبصير طلاق كيف اتاكد من مشاعره لا تقوليلي معاملته معاملته معي قاسيه ولا يقول اي كلام حلو بس في االعلاقه الحميمه احس يميل ليه من كلامه والله اعلم و شكرا على مجهودك

بعد اذن القلم الاخضر

عزيزتي امل الحياة

تعرفين حب الشمالي الشرقي من الاشياء المادية اللي يجبيها لج

من هدايا وغيره

كذلك تعرفينه من ان ما يقصر في مصروفات البيت المادية

الشمالي الشرقي عنده الحب = صرف على المحبوب

وافيني بالاخبار وخلينا متواصلين اليم تنحل المشكله اوكي حبيبتي
;وينك ووين اخبارك بس حبيت اقولك شو صار معي امس بالليل كان يومي وجا عندي ما كلمني وطنشني وانا نمت بالصاله كاالعاده من يوم ماتزاعلنا المهم اشوي وراح عند زوجته الثانيه تسويله عشا ونزلوا الاولاد اله يعني مطنشني ويبي يقهرني انه مستغني عن خدماتي المهم انا انقهرت بس حاو لت اطنش وكاني مو موجوده وسويت نفسي نا يمه لين ما خلص العشا وارسل الصحون فوق الا واشوي يمر من جنبي يقولي بتنام هنا ولا تيجي اتنامي داخل عرفت الي يبيه ما رديت ولا كلمه قمت وانا ساكته ورحت نمت داخل رغم القهر الي فيني منه خفت ارده اولا خوفي من ربي لا ني هجرت فراشه مع انه يستاهل اكثر وثاني حاجه بيني وبين نفسي عارفه لو رفضت بسحب عمره وبروح ولو حاولت اتناقش معاه حتقلب هوشه لانه ما يحب يسمع ولا يناقش انا مقهوره من نفسي كيف بالسهوله اعطيتوا الي يبي من دون ما اناقشه ضعفت وما ابي وجع راس والاهم من كده الي خلاني اروح على الغرفه من سكات اني احتسبتها اجر عند ربي الحين نتكلم رسمي علميني ويش اسوي الحين خلاص اسكت

وينك يا اختي اسال الله ان يكون تاخرك بالرد خير
الله يوفقك ويسعدك

غاليتي أمل الحياة مريت بظروف صعبه وهي وفاة صديقتي الغاليه وزوجة أخي الله يغفر لها ويرحمهااا بعدها من الهم والعزا صقطت حملي من الروعه اللي انتظرته16 عاااام وحافظة عليه 5شهور وأنا على الفراش الحمدلله والشكر لله مقدر ومكتوب انالله وأنا اليه راجعون اللهم اجرني في مصيبتي واخلفني خيرأمنها دعواتكم لي ومتى مازنت النفسيه ابدخل وارد عليكم

[QUOTE=القلم الأخضر;2594906]غاليتي أمل الحياة مريت بظروف صعبه وهي وفاة صديقتي الغاليه وزوجة أخي الله يغفر لها ويرحمهااا بعدها من الهم والعزا صقطت حملي من الروعه اللي انتظرته16 عاااام وحافظة عليه 5شهور وأنا على الفراش الحمدلله والشكر لله مقدر ومكتوب انالله وأنا اليه راجعون اللهم اجرني في مصيبتي واخلفني خيرأمنها دعواتكم لي ومتى مازنت النفسيه ابدخل وارد عليكم[/QUالله يكون بعونك ويصبرك ويفرج همك والله ضايقني ما اصابك عسى الله يصبرك وويربط علىقلبك ويعوضك خير في الي فقدتيها ان لله وان اليه راجعون عظم الله اجرك

اخبارك اختي القلم الا خضر طمنينا عليكي الله يصبرك ويعوضك ان شاء الله عن الي فقدتيه في الدنيا والاخره
بالي مشغول عليكي طمنينا ولو بكلمه والله يقومك بالسلامه