|
ورده بين الثلوووج
جزاك ربي كل خييير ورزقك من حيث لا تحتسبي على كل كلمه شاركتي فيها بهالموضوع والله يالغلا مازعلت منك ابد بس ماشالله لاقوة الا بالله عليييك عندك قوه تحمل اغبط عليه صصراااحه اتمنى اكون لو ربعها الف شكر على مشاركتك يالغلا |
بالله بنات بسالكم شلون اقدر ارسل رسايل خاصه هنا
؟؟ |
اقتباس:
ملغيه الخاصية من المنتدى |
اختي الكريمه
عليك بالدعاء والاستغفار فلقد مررت بكرب كبيرة وقفت كل العالم ضدي ولم يصبرني ويزيل همي الا الاستغفار والاستغفار وذكر الله |
لاء محد بيقول عنج مثل الكلام اللي ببالج انه اختها اللي اصغر تزوجت فلا تخطبونها
بقولج كل البنات اللي اعرفهم خواتهم اصغر منهم تزوجو قبل هم تيسروا سبحان الله على طول وراهم اعرف تقريبا 4 نفس القصه ووحده بين ملكتها ومملكه اختها يمكن شهرين بسسس واعرف وحده الصغيرة في عايلتها تزوجت اول وحده وكانت مستعجله ع العرس و بعدها اخواتهم كلهم تيسروا لكن هي اقل وحده حظ من اخواته انتي خلي قلبك معلق "بالله" تعرفين انه الدنيا كلها زائله واننا مجرد "مسافرين" عابرين سبيل على هذه الحياة هنا قلبج بيرتاححح |
اقتباس:
وحنا بعد نبغى نشارككم الفرحه اذا محتااجين اي شي لزواج اختك اكتبي بقسم ((مملكه المرأة )) وما رآح نقصر معكم انا واخوواتي العضوات بأي شي,, والاهم من كل هذآ تواصلي معنا بالمنتدى والمشاركه فيه, وانا والله احببتك من دون ما اعرفك اختي.. الله يوفقك ياارب ويسعدك ويطمن بآلك.. ساامحيني على الكلآم الكثير , :d |
قدر الله وماشاء فعل
هذا امر الله لازم نرضى فيه الله ييسر لك وعقبالك |
انا البنت الكبيره
تزوجت اختي الثالثه وجابت بنت وتزوجت اختي الثانيه وحامل وانا الكبيره لسى في بيت اهلي الموضوع عندي عادي وبزيدك من الشعر بيت <<صارت شاعره على غفله لما كنت احضر زواجات خواتي عيون الناس علي قد الصحن :) مستغربين اني جيت وعلى بالهم اني بموت من الحسره والقهر بس سبحان الله انا عندي رضا بنصيبي وايماني بربي مخليني اتجاوز هذي الاشياء بكل سهوله و اعرف ان الناس مو زي بعض والمجتمعات مو نفس بعض ويمكن تكوني تعبانه ومحروق قلبك بس ترا والله محد درا عنك بتبكين لوحدك وبتضحكين مع الناس يعني اعطي نفسك ثقه اكبر انك تقدري تتجاوزي ذا الشي وبالنسبه للوظيفه والله يا اختي راح تندمين اشد ندم لو تركتيها عشان هذا السبب طيب ربي مابعد كتبلك زواج ليش تتركين رزق كتبه لك وهو الوظيفه والله لو عندي وظيفه وعمري50 بدون زواج مافكرت مو حبا للماده واستغناء عن الزواج لا والله بس الوظيفه صارت سند هذا الزمن اكثر من الاهل والاخوان والقرابه الله يزوجك الليله ياااااااااااااااااااارب <<<تبغاك تضحكين |
اصعب حكايه
يعلم الله وش كثر كلامك دخل قلبي وحبيتك الله يفرج همك وييسر أمرك مثل مايسرتي الامر بعيوووني مشكورين على مشاركتكم جعلي افرح فيكم يااااارب عاجلا غير اجل وابشركم الحمد لله ماتركت وظيفتي لكن مدري وش يصير بكره الله يستر واراسلكم حاليا من مكتب العمل ^_^ |
اقتباس:
استهدي بالله ولاتخلين للشيطان مدخل يقنطك من رحمة الله انا بردي الاول ماتكلمت بمثالية انا حاولت ابين لك الجانب الايجابي بخطوبة أختك ليش فقط تنظرين للجانب المظلم بس !! ليه ما فعلا خطوبة أختك خيييييييييييير قادم لك انتي اللي مسيطر عليك اللحين كلاااااااام الناس والله من تجربتي تندمت اشد الندم اني خليت للناس حيز من تفكيييييري! لاتحسبيني ماني حاسه فيك تراني مريييييييت بهموم الله وحده العالم فيها ! ومتأكدة وثقتي بالله كبيييييييييرة انه سحابة صيف ثم تنقشع يقول الحسن البصري ( استوى الناس في العافية فإذا نزل البلاء تباينوا ) الله ما ابتلاني وابتلاك الا لانه يحبنا وين الصبر والثبات ليه عند اول مصيبة نجزع ونندب حظنا الحياة مليئه بالمشاكل صدقيني ما احد مرتاااااااااح محتاجه لجهاد وصبر ودي اتكلم معك كثييييييير بس لاتقولين ماحنا حاسين فيك :( كل ماشعرتي بألم افرشي سجادتك بأخر الليل وعند السجود ادعي وابكي وقولي كل اللي بخاااااااااااطرك وقولي ياااااااارب وفق اختي واسعدها ويااااااااااارب ارزقني الزوج الصالح هو القادر سبحانه انه يعطيك وتخيلي إن شاء الله بعد عشر سنوات وحولك زوجك وعيالك:15: وهذا يصيح وهذا مطول على صوت التلفزيون :30: وهذا ياكل اندومي:18:< تموت بالاكل! واختك بعد عنده عياله متأكدة مية بالمية بتضحكين بقرارة نفسك بتقولين تريني خبلة :29:يوم ادخل منتدى الاسرة والمجتمع واقعد افضفض بس الحمدلله حصلت دعوة يمكن تكون سبب للي انا فيه << طبعا هذا كلامك :28: بالتوفيق والله يسعدك ويوفقك |
اسال الله العلي العظيم ان يعجل بنصيبك وويوفقك ويسعدك وجميع بنات المسلمين |
[QUOTE] ممكن تجي وحده ناويه خطبتي وتاخذ شور فلانه ثانيه
وهالفلانه تقولها لا ابعدي احسلك هذي تزوجت اللي اصغر منها وهي لا اكيد فيها كذا وكذا وكذا بالله ممكن يصير هالشي ولا لا ؟؟ جاوبوني ممكن ؟؟؟؟ اكيد لا ليش كده يسير الا صار مو عيب ولا حرام دا قسمة ونصيب وشي مالنا يد فيه ابداااااا ماحد يقدر عنك شي الا اذا شافوا غلط لاتوسوسي ولا تشيلي هم وكلي امرك لله وربك يفرجها بالعكس انا مااسمع من الناس الا كل خير عني يابخت الا ياخدك - امو داعيتلو - مو شرط واحده مااتزوجت يعنى فيها مصيبة لمعلوماتك اكبر اخوتى في عمر 36 اتزوجت من 3 سنوات بعد 2 اصغر اختى الا صغر منها اتزوجت واصغر اخوانى نصيحتى لكي حتى لو تبي تبكي لاتبينى دمووعك قدااااام احد حاولى تتماسكي في وقت فرحها وكوني مقربة منها وانبسطى راح تنسي الدموع زي مانسيتها يوم زواج اختى الحمدلله اصلا لو كان ابوي عايش ماكان رضى بهالمهزله يارب اروح عنده وارتااح [/QUO الموت ماهو راحه لاحد ولا احد يدري بعد مايموت ايش يكون مصيروا الله يرحمنا برحمتووووا اطلبي من الله الفرج بدل ماتتمنى الموت اذكررري الله قد ماتقدري |
سبحان الله حبيبتى احمدى الله على نعمة الامن والامان شفتى وش صار فى بنات لبيبيا؟؟؟
سامحينى بس والله انا نفسيتى تعبانة جدا من الحرب فى بلادى واحس ان كل مصيبة هينة جدا مقارنة بالماصائب |
الحمدلله رب العالمين
الحمدلله الحمدلله دائما وابدا ادري ان مصيبتي مهي شين عند مصايب العالم الثانيه والله يعين كلن على بلواه آآه ياربي رحمتك والله مر علي يوم فظيع والله مو شي يسهل انك تكبتين شي بداخلك وترسمين ابتسامه خلفها الم كبييير والله حسيت اني بجهااد مقدر اوصف لكم شعووري وهذا لسه ما صار شي اكبر وحسيت اني بموووت شلون بعديييين يااارب اربط على قلبي بالصبر والاحتساااب يارب ولا تشمت احد فيني بنات ودي اخذ رايكم بشي انا واختي نشتغل مع بعض بنفس المكان وكثير يمر علينا وقت اكون انا وهي بس لحالنا ودي افاتحها بالموضوع واتكلم معها اسالها متى بيجون ووش بتسوين واعاتبها ليه ماعلموني كل البيت درى وانا اخر من يعلم ليه ماتجين وتساليني وتاخذين رايي وش رايكم اضغط على نفسي واكلمها ولا خلني ساكته وشايله همي بقلبي وادري اني اذا كلمتها بنفجر واصييح مادري وش اسوي بالله شوروا علي وش رايكم |
لا يا اختي مالا داعي تسألي أختك انها نا خبرت بخطوبتها زي ما قلتلك يالأول هيا خبت عنك عشان ما تجرحك وانا سويت كذا مع اختي الكبيرة عشان ما اجرحها ,,,خلاص سيبي اختك تتهنى ..وادعي ربك يرزقك ..والناس ماعندها غير الكلام حتى لو كنتي متزوجة خكوا فيكي انتي خليكي واثقة من نفسك وحطي نفسك مكان اختك وافرحيلها وصدقيني لو صفيتي قلبك من ناحيتها وناحية اهلك ربك ما حيضيعك وتذكري ان اختك تتمنالك كل خير وكل بنت تنخطب قبل اختها الكبيرة صدقيني في داخلها فرحة ناقصة لأنها وافقت تتزوج قبل اختها واسأي مجرب ..عشان كدا بلاش تنكدي عليها زيادة لأنها في داخلها تتمنى لو انتي الى انخطبتي ,,,,,,,,,,اسأل الله لكي التوفيق..
|
اختي سر خطيير
شلون تبيني افرح لها وهي تعاملني كذا تتجنبني تتجنب تتكلم معي محسستني اني باحسدها او يمكن باخرب عليه الخطووبه اقسم لكم بالله للحين ماقالت معي اي شي وان تكلمت تتكلم كنه ماصار شي احسها تستهبل علي ولا وش سالفتها كلكم قلتوا لازم افرح لها شلوون طيب وانا ماشفت منها اي بادره تخليني ابرد نار قلبي وافرح معها تكفوون افهموني شوي |
لاتقوليلها ولا شي ولاتفتحي الموضووع ابداااا والله اختى سوت تحاليل الزواج واتفقوا على اشياء وانا معاهم في البيت والكل ساكت زعلت في نفسي لمن طلعت النتايج وعرفت انهم مخبيين بس مشيت حالى وشاركتها فرحتها انتى ياريت تقوي قلبك وتهدي اعصاابك وتذكري الله افضل |
انا فاهمتك يا اختي وفاهمة اختك جيدا لأني انا في نفس موقفها اختي كانت لما احد يجيب سيرة خطبتي او زواجي تتضا ويبان في وجهها وتنحرج وما كنت اجرأ اجيب سيرة امامها خلاص اذا هي ما خبرتك انتي عرفتي الان ماالداعي لسؤالها ..فقط تتأثرين وتبكين وتحرجين نفسك وتحرجيها ...خلاص العتاب لن يغير شيء في الموضوع ..فوضي امرك الى الله ..وتوكلي عليه ..وتصنعي الفرح لأنه مو حلو في حقك امام اهلك واما م الناس تبيني انك زعلانه عشان ما تشمتي احد فيكي ..
|
يا الله عنجد حاسة فيكي ومراعية مشاعرك كتير صحيح اختي الي اصغر ما انخطبت لسة لكن الخطاب ما بيجو الا الها ودائما لما بيجي حد بكون في شعور بعدم الراحة ازا صار نصيب شو راح اعمل ؟؟؟؟؟؟وشو حيقولو الناس؟؟؟؟؟؟لازم نقوى اكترررررررررر وننسى عشان نعيش ....الله يرزقني ويرزقها يارب.........ما راح اعاتبك على احاسيسك لانه محدش بحس الا من به الم........وانا حاسة بالي بتمري فيه.....ولانه بحس بحساسية بيني وبين اختي وبحس انه امي بتحابيها رغم انه ممكن تكون وهم لانه الكل بهتم فيها مع انها ما خطبت انا طيوبة وحساسة وهي شخصيتها غير وطبعا اهتمام الناس فيها رفعها لفوق ونزلني لتحت......وما بحس حد حاسس في مع انه اكيد ماما وامك حاسين فينا وصعبان عليهم حالنا لكن مو ذنب حد الي بصير هيك نصيبنا.......مش عارفة كيف اوصلك احساسي بس بجد كل كلمة حكتيها عبرت عني .........انا مضايقة صحيح لكن بحاول اكون قوية عشان محدش يتشمت فيا ولاحد يشفق عليا زي ما حكيتي......اما الشغل ما تسبيه هو حينسيكي هالشي وبتلتهي فيه.....اما فرح لاختك اكيد انتي بتحبيها وبتحي سعادتها لكن صعبان عليكي حالك بكرة ربنا بكرمنا بالي يهنينا طولي بالك وخلي املك بربنا كبير كل ما تأملنا بربنا خير كل ما ربنا صبرنا واعطانا من فضله كلام الناس ما بخلص بالعكس لازم نبين قوايا عشان نوريهم رغم الجرح احنا عايشين وحابين نعيش صدقي قوة شخصيتنا هي حتحبب الناس فينا لو حطينا ايدنا على خدنا الكل راح يشفق علينا ويحسسونا بالضعف ........ما تفكري انتي لحالك بتحسي هيك......قد ما اقلك عن احساسي ما راح اقدر اعبرلك.......شعور قاسي وكتير صعب والاقسى الناس الي حوالينا........ببقى يحكولك عقبالك كانك بايرة او انك بشعة.....صدقي شغلات كتير مرت عالواحد جرحته بالصميم لو بدي اقلك عليها حتحسي بجد قديش الكل بعيش مرحلة صعبة بهيك ظروف لكن لازم نعيش شو ماخدين من شفقة الناس؟؟؟؟؟؟؟؟؟؟؟ليش نسمحلهم.؟؟؟؟؟؟؟؟؟؟؟ربنا كبيررررررررر صحباتي زيي وزيك وكتير صار منتشر هالشي وبحاولو يعيشو عشان احنا لازم نعيش وننبسط افرضي لا قدر الله ربنا مو كاتبلنا الزواج نموت يعني؟؟؟؟؟؟؟؟؟؟؟؟؟ولا نعيش برغم الجرح ونكمل حياتنا ؟؟؟؟؟؟؟؟؟؟خلي بالك مو كل شي الزواج ياما ناس تزوجت وما انسعدت مو كل الناس مبسوطين بالزواج اكيد ربنا مأخرنا لخير عنده نحنا ما بنعرفه وكلي امرك لرب العباد وهو احن علينا من امهاتنا ...ادعيلي معك وراح ادعيلك الله يهون علينا وعليكي ويسعدنا ويسعدك قريب يارب .......
|
صحيح شغلة نسيت اخبرك فيها.........فكرك يا حزرك الناس همها مشاعرك؟؟؟؟؟؟؟؟بصير كل همهم انك لازم تفرحيلها ومش مهمة مشاعرك عنها ماردت.......وبتصيري انتي حزينة ومجروحة ومحدش معبرك والي يحكيلك يييييي غيرانة والي يشفق عليكي وحااااااااااااااااالة نصيحة مني ما تشمتي حد فيكي وخليكي قوية بقوة ربنا احيلك صدقيني محدش بنفعك غير ربنا توكلي عالله
|
وهذا اللي هاد حيلي
كلام الناااس وشماتتهم انا انسانه ما اقدر اتحمل يمين بالله ما اكذب عليكم اني يوم كنت اشوف مسلسلات واقرا روايات فيها ان الاخت الصغيره تزوجت قبل الكبيره ابكي وربي لاشعوريا وهو كله ققصص خياليه وتمثيل شلون عاد بالواقع ومعي انا شخصيا تصدقون بنات بقولكم شي بس ياويلها مني اللي تضحك هي فكره مدري وش تبي بس خطرت على بالي وحبيت انفذها قررت اخطب لنفسي والله اعلظيم ما امزح اتكلم جد وببدا اشتغل على هالخطوه من الحين ولا ان احد يتشمت فيني الله يسهل امري |
اقتباس:
الله يعينك ويربط ع قلبك بالصبر صدقيني اختك تتجنب الكلام معك خوفا ع مشاعرك .. برايي انتِ بادري بالكلام دام تشتغلوا في نفس المكان اعملي لها حفله بسيطه ،حسسيها انك مبسوطه لها تحاملي ع نفسك شوي عشان وقت الزواج يكون عندك القدره ع استقبال نظرات الفضوليين برحابه صدر ،،لاتخلين لهم منفذ يحكوا عليك منه.. :: :: :: قرات قرارك بس معليش كيف تخطبي لنفسك؟!! احيانا امازح امي الغاليه واقولها ابخطب لنفسي وبعدين افكر مين اخطب؟:25: واقولها امي تبغى الصراحه ما اشوف احد يستاهلني :d بلاش عرس احسن.. |
يسعدك ربي ورده
ما علييك ادبر عمري وكانك تبيني اتوسط لك ماعندي مانع :p سمعتوا باللي قال اضحك ولكن اختم الضحك }{ بشهآق }{ هذي انا اليوم جلست مع اهلي وسولفت وضحكت بس والله كل ماجت عيني بعين امي او طاحت على اختي احس وجهي ينقلب حتى صوت ضحكتي يتغير واقوم من عندهم بسرعه عشان لاحد يحس ودي يكون هذا كله حلم ودي اعيش بغيبوبه ما اقوم الا وهم منتهين كل شي واختي عندها عيال بعد والله تمنيت افقد الاحسااس عشان يفرحون هم يارب انت اعلم بحالتي لا اله الا انت سبحانك اني كنت من الظالمين |
اقتباس:
لا يالغلا لا واسطه ولايحزنون خلينا في السليم احسن ^_^ حبيبتي اضحكي واستانسي ووسعي صدرك والله الامر يسير انتي بادري بالسوالف والسؤال بيني لهم انك متقبله الموضوع وعادي عندك واذا الصغيره تزوجت بتتوقف الحياه مثلا .. وبعيد الشر عنك لاتقولي غيبوبه ومن هالكلام السلبي اللي يأثر عليك ويزيد الوضع سوء خليك متفائلة ومثل ماقال الاعضاء إن شاء الله انه خيره لك .. هذا انا الحمدلله ربي بلغني بشوفه اختي عروس وشوفة بنوتتها الاموره الله يحفظها كنت قريبة منها جدا حتى مشاكل حملها تتصل علي تسأل :d >> مسويه استشاريه ع غفله عشت معها لحظه بلحظه من بدايه خطوبتها وإلى الآن تسالني على موعد تسنين الطفل ( من جد خيتو اخذ فيني مقلب :26:) سؤال داخل عرض::30: كيف بتدبري نفسك ؟؟ الله يسعدك ويوفقك ويرزقك من حيث لاتحتسبين |
اليمامة اخبارك وكيف الأحوال اليوم :)
اختي الحبيبة/ فقط وسعي نطاق تفكيرك ، انظري للموضوع من زاوية ان الأرزاق منزلة من الرزاق "وفي السماء رزقكم وماتوعدون " والله لوخالط الأيمان بأن ارزاق العباد من؛زواج ،وظيفة،مراكب ،مناصب ....كلها من مدبرالأمور ومجري الأقدار والله الذي لااله الاهو...لهدأت النفوس ،واطمأنت القلوب . اعلم ان لك شعور لكني اجزم انك انتي من يملك التحكم به لاغيرك . حبيبتي انتي الآن قوي نفسك بالله ،ثم بصلاتك ،ثم كوني قوية في مجال عملك ،وكوني قوية مع محيطك . أما كيف تكونين قوية !؟ فلن اجيبك لأنك انتي من سيترجم الجواب الى افعال بأذن الله . الآن افرحي مع اختك ومع امك . وفكرة الاخت وردة رااااااااااااااااااااااااااااااااااااااااائعه عمل حفلة بسيطة لأختك في مجال عملك ::22: ننتظر بشائر خير منك . فنحن والله لكي ناصحين ومحبين :) |
اقوول دام انج تخطبين لنفسك دوري لي معاج:d تكفين لاتخليني عانس لوحدي :25::d:d:d
سبقتك ومالقيت الا المذلة اقول استخيري وسجلي في العفاف اضمن شي بعد الله |
اقتباس:
شوفي ياعيوني وقت الجد صدقيني هالشعور بيختفي كليا اذا اختك ملكتك وتزوجت لأنو بتنشغلي في تحضير فستان علشان تحضري به ملكة اختك وحجز صالون والروحه والجيه مع اختك الي اصغر منك علشان تساعديها في اختياراتها وبالمره علشان بعد بكره لو تزوجتي يكون عندك خبره في احسن الاماكن والمحلات والصوالين يعني اختك جزاها الله خير بتعطيك خبره مجانيه :d ماادري انا مااشوف فيها شي انا مره محد تقدم لي وعمري الحين 27 واختي الي اصغر مني يتقدمو لها كثير وماعندي وظيفه وكمان عندي احساس وهو انو اختي بتتزوج قبلي لكن بأحاول اذا صار كذا انو ماتفرق معاي بالعكس احسو يعطينو بوش لقدام اني اهتم في نفسي وانحف واشتري احلى فستان واروح القاعه وراسي مرفوع وكأني اميره اخليهم ينصدمو ويقولو ياربي كيف اختها هذي القمر الي اكبر منها ماتزوجت وخطبو الي اصغر منها :d واكيد بيسألو مامي وامي حبيبتي اعرف ردها بتقول ماعندهم نظر :22: نصيحه من اخت تخاف عليك لا تقدمي على خطوه تندمي عليها طول عمرك كيف تخطبي لنفسك !؟ تعالي احكيك على افضع قصه صارت لي :d تخيلي انا بالعاده مااروح زواجات واخواتي وامي ناشبين لي إلا واروح هالزواج المهم تكشخت كشخه عمري ماتكشختها من قبل و اخواتي الثنتين الي اصغر مني راحو معاي انا وامي وشوي الي عجوز تنط على طاولتنا وتجلس تسولف مع امي وقدامنا انو هي تبغى اختي الي اصغر مني وانا صراحه تفشلت وجاني شعور غريب ياربيه ليه انا وش فيني على انو انا عارفه نفسي اني دوبيه بنظر العجايز لكني اشوف نفسي قمر 14:22:امي انحرجت مسكينه وحزنت علي الله يهديها وقالت لها امي: لا ايش رايك اعطيك اختها الكبيره < ياحياتي ياامي ماتحب تحرّج عليّ لكن حسيتها افتشلت من وقاحة العجوز وقالت العجوز: لا الله يستر عليكم وقامت من الطاولة لا وبعد شردت من القصر :d يختي ماسبب عنوستنا الا ذوق هالعجايز لما يشوفو وحده محترمه في لبسها وخجوله مايبغوها لكن لما تلبس فستان عريآن وقصير وترقص الكل يجري ورآها على انو حنا جماعتنا كثير محافظه واغلبهم يلبسو حريمهم عبايه على الكتف وجونتي وغيره لكن لما يختارو العروس اهم شي تكون من الي يحضرو الزواج وهم لابسين عريان والصدر لازم يكون طالع وتكركر ضحك علشان العجوز تنغري وتاخذها لولدها :) يختي انا الكل الي في سني تزوجو والي اصغر مني هو صحيح شعور محرج صراحه لما تجتمعي فيهم وبالاخص الي في سنك او اصغر منك لكن ايش نقول الحمدلله على كل حال مره اجتمعت مع بنت خالي الي اصغر مني هي عمرها 22 و متزوجه ومخلفه وعندها 3 اطفال ماشاء الله والله مااكذب عليك يوم طلعت سلمت عليها امها تطالعني وتكلمني عن بنتها وعن بيتها وعن زوجها بحضرة بنتها:( على بالها بأغار من بنتها المتزوجه وبنتها تستحي مني عكس امها واصلا هي قبل زواجها البنت كانت جريئة بشكل المهم استشفيت من تصرفات بنت خالي وكلامها انها مفتشله انها ام لـ 3 اطفال في سن هي المفروض تكون فيه بين صحباتها وبنات خالها حتى مسكينه يوم تجي عندنا ويكون عندنا بنات عمي الغير متزوجات تجلس مع الحريم وماتجلس معانا ومالها شرهه صراحه حنا بنات وسوالفنا كلها شبابيه وفرفشه وحياه وهي طبعا ام واغلب كلام الحريم وهو اصلا ماصار عندهم سوالف غير الحمل والنفاس وحبوب منع الحمل والهم والنكد وايش نوع الحليب الي تستخدميه لعيالك ومره سألتها ليش ماتجلسي معانا قالت لا خلاص انا حرمه وتقولها ببسطه :d قلت لها ايه صحيح ليه ماجيتي معانا للملاهي امك واختك الصغيره جوو خساره ياليتك جيتي معانا وقلت لها بسرعه قبل ماترد علي لا صحيح انتي معذوره الحين سعادتك مو ملك لك لوحدك زوجك وعيالك يشاركوك فيها الله يعينك حبيبتي والله ردت علي وهي مفتشله عكس يوم قالت لي انا حرمه قالت عادي عيالي اتركهم عند ابوهم واجي بس ماكنت ادري ولااحد خبرني :d< ياشيخه على مين امك اول بأول تقولك اخبارنا انا وخواتي :22: |
حسيت اني كثرة في الكلام واستحيت اكتبو كله في صفحه
عندي لك نصيحه جربي تحضري انتي وامك وبس لزواج انتم معزومين عليه ولاتجيبي معاك اختك الي اصغر منك انا اختي الكبيره مسكينه في ناس خطبو فيها وطلعت سلمت عليهم وكلو واخذو واعطو معاها بالكلام وماشاء الله اختي اجتماعيه واسلوبها حلو بالكلام فقلنا اكيد حبوها وتقولنا امي انو ام العريس بس تطالع في اختي حتى لما تتكلم مع امي حاطه عينها على اختي اختي الي اصغر مننا انا واختي الكبيره طلعت فيهم وسلمت واعجبو فيها ولما خرجو قالو نبغى بنتكم الصغيره امي قالت لا انا ماازوج الكبيره قبل الصغيره خلي اختك تنحجب فتره بسيطه يمكن تكون سبب من اسباب تأخر زواجك هو انو اختك ملازمتك في الزواجات |
حبيبتي نصيبك باقي ماجاء
توكلي على الله وخليك واثقه في نفسك عيشي حيااتك حتى يجي نصيبك واحسني ظنك بالله ووظيفتك لا تتركينها واجهي الناس وواجهي العالم الهرب مو حل وتاملي هالكلمات إلهي قلت بيأس :إني اتألم .. فقالت لي آياتك : "لآتقطنو من رحمة الله " قلت ليس عندي أحد فقالت لي آياتك : "نحن أقرب اليك من حبل الوريد " قلت لآتنساني يارب فقالت لي آياتك : " فأذكروني أذكركم " قلت أعطني املًا يارب فقالت لي آياتك : " إن مع العسر يسرا " قلت كيف لأمنياتي أن تتحقق ؟ فقالت لي آياتك: " ادعوني استجب لكم " في الختام اسال الله ان يرزقك بالزوج الصالح التقي ويسعد قلبك.. |
والله ودي اسوي لها حفله اضحك واسولف واعلق عليه
بس صعبه اختي من النوع الموسوي والغيوووووور وتفسر كل شي غلط والله العظيم ما اكذب عليكم مره سمعت بخطبه صديقتي قلبت مليون درجه كل ماجت سيره البنت تعصب وتقول لا تذكريني والاخت اللي قالت تبيني اروح زواجات وهي مو معنا ليه ناوين على عمرنا مافي طلعه الا والاخت مراده فيها قبلي مشفوووحه على العرس الله يصلحها وربي حقق مرادها الله يتمم لها على خييير وبالنسبه للعجزآآآه يالعجز حليلاااه من كومهن وحشرهن بكييس والله احترمت معهن ان خجلنا قالوا هذي انطوائيه وان فليناها قالوا هذي ماتستحي وان تحفها قالوا وشو هذي عصلا مانبيها وان متنا قالوا عوووذه بتآكل ولدنا بالله وش يبوووون بالضبط اللهم لك الحمد على كل حال وبالنسبه لخطاب السحريه اذا رجعت ان شالله علمتكن :) |
قلبي طفل
الله يكتب لك بكل حرف كتبتيه حسنات كالجبال ياربيه وانا اقرأ اخر كلامك دمعت عيني بس مو من الضيقه من الراااحه الله يسعدك دنيا واخره |
أختي الغالية
هونيها وتهون زواج الأصغر شيء طبيعي جدا وصار يتبع في كثير من البيوت كل شيء أرزاق وربما الله كاتب رزقك بعد أختك أفرحي لاختك وبالعكس أضهري لها فرحك وترى فرق السن بينك وبينها صغير يعني سنتين لما خطبت بنت أختي وهي كانت تعيش معنا في نفس البيت رفضت لاني خالتها وأكبر منها ولكني كلمتها وقلت لها لا تلبسيني ذنبك إذا الرجل صالح وأنت مرتاحه له فلا تؤخري رزقك بسببي الامر صعب أكيد ومحرج ولكن كل شيء أرزاق أختي الاصغر مني أنخطبت وبنات أخواتي تزوجن وأحداهن أبنة 19سنة وما شاء الله عليها متزوجه والكل يستغرب لاني كما يقولون أجملهن ولكن كل شيء نصيب نقول دائما وأبدا الحمد لله على كل حال والله يعوض علينا بأزواج صالحين اتقياء أستعيذي من الشيطان الرجيم وإستغفري ربك وأذهب لاختك وباركي لها هذي نصيحه من أختك لك |
من قالك ان الناس بتتكلم وتتشمت...لا ياعزيزتي انتي يتهيألك...
كثير صارت الاخت الاصغر تتزوج قبل الاكبر ولاعمرنا تكلمنا ولااحد قال تزوجت قبل اختها الي اكبر...بس انتي متوهمه احضري زواجها وتشوفين كيف بكره يجوك الخطاب..بعد زواجها..ولاتشيلين هم...حرام المفروض تفرحين لها.. |
الحمدلله على كل حاااال
حبيبتي ليه الغرووور الناس ماتتكلم لما يكون هالشي عادي ودارج بالمجتمع اللي انا فيه والبيئه اللي حوولي بس اذا كنتي اول انسانه يصير فيها هالشي بتكونين محط انظار وتحت السنه العالم كلها اللي ينظر من باب الشفقه واللي ينظر من باب الشماته وغيره وغيره استوعبتوا هالحين ياعاالم والله انا اول وحده يصير فيني كذا محد من اهلي ولا جماعتنا زوجوا بناتهم الصغيره قبل الكبيره ولا حتى صديقاتي ولا صديقات خواتي ولا حتى المعلمات عندي بالمدرسه تدرووون اني نقصت 3 كيلو هاليومين بديت احس بخيرة الموضوع :) يالله ياربي ياكريم هون علي مصيبتي وعوضني بالزوج الصالح عاجلا غير اجل واربط على قلبي بالصبر واحتساب الاجر انا وكل من قرت كلماتي ياكرييييم |
الله لايلوم الي يلومك
شعورك تجاه خطبة اختك طبيعي جدا وماتنلامي عليه وبالاخص انو اختك من النوع الغيور وانا اكره هالنوع من الخوات لان اختي غيوره وتعايرني بعد انه انا للحين مانخطبت وهي يجيها خطاب كثير وتعددهم قدامي شفتي كيف ! احمدي ربك اسم ان اختك محترمه ماعايرتك زي الي عندي حسبي الله ونعم الوكيل فيها يارب حلك شي واحد الجأي لربي وبس لانو حلك بيده سبحانه لابيد ام العريس ولاامك ولا الخطابه ولاغيره يارب يامجيب الدعاء ترزقني وترزق الاخت اليمامه وجميع البنات إلي ماتزوجو الازواج الصالحين الي يخافو الله فينا ويحبونا ويحترمونا وترزقنا الذريه الصالحه الي تسعدنا اكثر واكثر |
اقتباس:
|
انا كل استغرابي من موضوعك وعنوانه
عذراً على كلماتي اللي سأقولها لكنها تجول بخاطري كثيراً هل تريدين لأـختك قدراً سيئا كي تفرحين ! لو كنتِ بمكان اختك هل سترفضين ؟ اني لأتعجب لأمرك جداً انا حقا لااعلم ماهي علاقتك بأختك لكني لو كنت مكانك لأتمنى لها حياة اسعد من حياتي ثم ان قطار الزواج لن يفوتك .. فأنتي لن تبقي في بيت ابيك بسبب ان زوجتك الصغرى تزوجت قبلك أنتي لاتعلمين من قد يتزوج قبل .. لـ ربما انك قد تخطبين في حفلة عقد قرانها ويكون تحديد زواجك قبلها ,, ووتضحكين على نفسك وبكائك سابقاً همسة بإذنك عزيزتي : الزواج ليس كل شيئ في هذه الحياة |
خلها تجرب وتعايرني والله لا العن خامسها
بس اختي ما تسويها مهما صارومهما كانت غيوره بالنسبه لك اختي مغروره فيك<<صحالاسم كيذا أنا ما أتمني لاختي اي شي سيئ بس ليه هي مارفضت والله والله انه تقدم لأختنا اللي أصغرنا اثنين ورفضتهم عشان مشاعرنا بس هذي وافقت وبدون حتى ما احس انها زعلانه علي او حتى متألما ومتندمه وانا معك ان الزواج مو كل شي بالدنيا بس هذا ينطبق على الناس اللي لها هدف وطموح تسعى له مواللي بنت كل حياتها واحلامها في تاسيس بيت وزوج وعيال وخلت هالشي رسالتها في الحيااه فهمتيني يالغلا :( |
عزيزتي اليمامه
انا ارى ان المفروض اختك ماتزعل ولا تندم ولا تتألم لآن الموضوع يفرح .. ممكن اهي تكون سبب خطبتك ~ مع اني واثقه انها متألمه عشانك والدليل انها تتحاشى ان تواجهك ولكن المسأله مسألة نصيب فكري زين وخلي اختك وامك يفرحون وافرحي معهم ترى الناس مارح تطالعك بذيك النظره الا لأنك تطالعين نفسك بهالنظرة النصيب جايك جايك سواء كنتي بعد اختك او قبلها استهدي بالله وصلي لك ركعتين وتمني لأختك حياة سعيده صدقيني اذا دعيتي لها بالسعادة رح تنسعدين بحياتك |
حبيبتي اليمامه عـــــــــــــــــــــــــــــــــادي ايش فيها ان اختك الصغيره تزوج قبلك انا ع 26 وعلى قدر من الجمال واختي اصغر مني بثلاث سنوات وقبل ست شهور اتزوجت والله مازعلت وانا الي جهزت عفشها ورتبته في بيتها وفرحتلها وكانه انا وكنت اروح معاها السوق كل يوم تعبت معاها والحين هيه حامل وفرحتلها كثير ..حبيبتي الزواج قسمه ونصيب وخليكي واثقه من نفسك لانك كل ماكنت واثقه من نفسك كانت نظرت الناس لكي احلى ... والله لما اروح مناسبات الناس تذكر الله من كثر اهتمامي بنفسي وجمالي وثقتي بنفسي .. خلي روحك عاليه كل ماكانت روحك عاليه كل ماقدرتي تواجهي العالم الي حويلك بكل ثقه .. ماخليت مناسبه مارحتها واكون اخر شياكه وجمال وثقه بس لسى النصيب ماجاء كل انسان والله كاتب متى بيجي نصيبه لاتستعجلين على رزقك .. ولكي كل ودي واحترامي ...
|
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©