|
اقتباس:
ياهيك الهدايا يا بلا :22: بس يا تيتا زوجك طيوب , ومو كل الناس تفكر زيه , والله بعضهم لا فكر بالقيمة ولا شي بس همه التنغيص والتنكيد وقتل اي مبادرة للإصلاح والرومانسية على قولة شاطي المحبة رومنسيات مو في موضعها <<< لا تعلييييييق صراحة ومهرررررره : بكل صراحة بكل صراحة بكل صراحة مو تضايقتي من زوجك لما رفض هديتك والدليل لسى تتذكرينها والأولويات على قولتك مو عذر لرفض هدية تقدمينها لأول مرة وبحماس .. والله ما يقتل الروح ويجيب الملل ويباعد بين الزوجين أكثر من الجدية المتزمته .. واي زوج يرفض مبادرات زوجتة اي كان نوعها يتأكد أنه خلق فجوة بينهم بتكبر مع الأيام . ولا زم يعرف إن زوجته ما أهدته أو جهزت له مفاجأة إلا أنها حاسة بالملل والروتين .. |
والله حاسه فيها هي اللي مسويه كل شيء وهي لمن تسوي كذا معاه لمن تقولون لها بطلي تهديه أو تسوين له مفاجأه هي لإن طبعها كذا معطائه وتحب تاخذ من المشاعر والإهتمام مو مسأله حب وبس لاء هي مسأله إنها تحب هذي الأشياء وتحس بصعوبه الحياه من دون هالأشياء
بصراحه انازيها وفي حريم كثييير عندها عادي تطنشه ولاهمها بس كيف ودي أتعلم أعيش من دون ماأطالب الطرف الآخرباإهتمام وأصير ثلجه تصدقي إن الحريم اللي زي كذا هما اللي عايشين ولاقيين إهتمام من دون تعب برغم إني متوازنه في مشاعري بس شكلي بموت كل ألاحاسيس اللي فيني عشان أرتاح وأريح |
موضوع طلاقك أختي شهزدا شكل لنا صدمة كبيرة
أسأل الله أن يكتب ما فيه الخير إن كان برجوعكما أو فراقكما وتعليقا على موضوع الهدية فلا أرى أن يرفض الزوج هدية زوجته بحجة الكرامة وعزة النفس .. الخ لكن حين يكون رأس مال الزوجة 4000 ريال فقط لا غير وتود إنفاق 50 % منها في ليلة واحدة وهي التي قد أمضت فترة طويلة في جمع هذا المبلغ فهذا في نظري أمر غير مقبول أتفهم بأن الزوجة تود أن تشعر زوجها بأنها تحبه وأنها تضحي بأموالها - على الرغم من عنائها في جمعه - من أجل لحظة جميلة تقضيها معه هذه الرسالة النبيلة الشاعرية وصلت لي بجميع معانيها بمجرد أن أخبرتني زوجتي بالمفاجأة أي أن مراد زوجتي من هذه الهدية قد تحقق في جانبها المعنوي فلماذا علي أن أقبل هديتها وأغرمها هذا المبلغ مع كون الرسالة قد وصلت ؟!! أنا معكم في رفض الأسلوب الهمجي وكسر الخواطر وتوبيخ الزوجة على هدية كان الغاية منها تعميق مشاعر الألفة وأشدد على أنه لا بد من شكر الزوجة وتقديرها على بادرتها والاعتذار منها بأسلوب لطيف وشرح وجهة النظر في رد الهدية زوجتي تفهمت موقفي كما تفهمت الأخت الكريمة مهرة موقف زوجها ولم يغضبا ثم اقترحت علي زوجتي بأن تستبدل جائزتها إلى دعوة للعشاء على مطعم صيني ووافقت :) أؤيد ما ذكرته إحدى الأخوات أن الزوجة إذا رغبت بكسر الروتين وتغيير الأجواء عليها أن ترتب المواعيد وتجعل المصاريف على زوجها لست ضد الرومنسيات ولا ضد القضاء على الروتين بل ضد أن تتكلف الزوجة ما لا تطيق |
أجد أخ الكريم شاطئ المحبة
أن كلام الزوج عن تنبيهه لزوجته بأن لا يكلف عليها فوق طاقتها , و أنه يكفي المردود المعنوي و لو بتكلفة مادية بسيطة يأتي بعد قبول الهدية و أن رفض الهدية هو غبن للزوجة و جلافة عموما أوفقك بهذا الكلام و حاولي أختي الكريمة دلوعة زوجها ان توصلي له هذه الفكرة و الحياة تستمر لا تقفي عند هذا الموقف كثيرا.. اقتباس:
|
اقتباس:
أعرف انه طلاقك كان له عدة أسباب وبأنك حاولتي كل جهدك ما توصلي للطلاق ... عسى ربي يكتب لك الخير ويعوضك بمن يقدرك ويقدر يحفظك يا شهزدا ... كلامك صحيح لكني ما شعرت انه زوجها من هذا النوع ... أتوقع انه يفكر مثل أخونا شاطئ المحبة ومثل زوجي وتصرف من باب شعوره بالمسؤولية عنها . ولو اني مو متفقة مع اخونا شاطئ بانه الزوج يقرر عن زوجته بطريقة صرفها لمالها ما دامت عاقلة وتعدت مرحلة الطفولة والطيش .. هو شايف ليلة بفندق ما تستاهل تصرف عليها نصف مدخراتها لكنها ترغب بهذا .. خليها تجرب وأضمن لك ما تعيدها ههههههههه أعطيها حق التجربة ولكن الحظر بهذي الطريقة بيجعلها تشعر بأنها طفلة وقرارها ماله احترام ... أفهم انه يعترض اذا كان النقاش بغرض للبيت لكن هدية لأ وبالنسبة لهديتي كان قرارها بعد عدة تجارب للهدايا مع زوجي .. ولا زلت ما قدمتها بعد لأن وقتها ما حان لكني ناوية أستعمل مع السبحة فكرة قدمتها عضوة بأحد مواضيعها وهي كتيب صغنون أو كتالوج أو menu فيه كم عرض لأشياء أعرف انه يحبها يختار منهم .. بورقة مساج وبأخرى طبخة وبأخرى مشوار وهكذا .. ادعيلي تعجبه :) |
اقتباس:
فهمتيني الله يجزاك الجنه |
اقتباس:
|
سبحان الله العظيم المرأة كما قال عليه الصلاة والسلام تكفر العشير
الآن زوجك ملتزم ويخاف الله ومحترم معاك وأخلاقه طيبه ما يضربك ما يسبك ولا يسب أهلك ما يهينك ما يخونك فقط لأنه اعتذر عن قبول هديتك لأنه لم يرد أن يكلف عليك كرهتيه ومسحتي اسمه من جوالك وربما من قلبك أيضاً بكل صراحة أنا لو أني في مكانه سأفعل مثل ما فعل بالضبط لا أريد أن يكون بيني وبين زوجتي رسميات أريد أن يكون بيننا البساط أحمدي مثل الأصدقاء وأنا أجزم لو عرفتي ما في عقله لتركت عنك التشكي والتسخط و تضخيم الموضوع وجعله مشكلة كبيرة وأن الرجال أنانيين ولو أهديتيه هدية بسيطة في قيمتها المادية عظيمة في قيمتها المعنوية لقبلها منك الله يهديك ويصلحك |
[COLOR="SeaGreen"]شاطئ الراحه وكل من يفكر بطريقته :
المرأه حينما تتكلف وتستاجر ليلة بفندق وتدفع ما عندها من الاموال هي تقول (ظاهريا )علشانك يا زوجي سويت كذا, لكنها في الحقيقه علشان نفسها .. علشان تحظى باجواء الرومانسيه واوقات السعاده والفرح ,, بحاجه لتجديد مشاعرالحب مع الزوج .. فالرجل اذا شاف ان الحرمه مسويته علشانه بيقول لا حبيبتي ليه مكلفه على نفسك ؟ ومتعبه حالك ؟؟ تكون نظرته ماديه وشفقه على زوجته بالمقابل الزوجه عندها اجواء الرومانسيه وتجديد المشاعر اهم اهم من الاموال .. الله يهديهم بعض الرجال يفكر بطريقته فقط ويفكر بنفسه .. فكر بنفسك وفكر بطريقتك اذا كنت عزوبي اما اذا كان مرتبط ياليت يفكر بطريقته وبطريقة تفكير زوجته .. شعور الشخص الشبعان ما يقارن مع شعور الشخص الجوعان لما يقول الشبعان ما يحتاج نشتري من البقاله وماله داعي صار اناني لانه ما يفكر الا بنفسه وبس ., ما فكر بشعور الشخص اللي معه يقيس حاجاته على شعوره وعلى تفكيره بنفسه من غير ما يفكر شعور الاخر .. وانا بصراحه انقهر من بعض الرجال لما يفكر بطريقته و لا يعبر حرمته ولا يفكر بطريقتها ؟؟؟ بعد من قواة العين يطالبها تفكر وتراعيه بحاجاته اللي يحبها وهي لا ؟؟؟ الصراحه لاتعليق .. ما صارت الحياة الزوجيه شراكه ,,صارت حياة لشخص واحد فقط !!!!!!![/COLOR] |
اقتباس:
وفي بدايه موضوعي وردوودي كنت بقمة ازمتي النفسيه وطبيعي ردة فعلي مازلت قويه وقتها اللحين وقف النزيف بس بقي الجرح ويروح ان شاء الله مع الايام والدليل اني اعاامله عادي ولاكأن شي مع تحفظ بسييييط يمكن مايلاحظه هو كني احسه بقلبي |
اقتباس:
يعطيك العافيه |
أنا أخالفك الرأي بالنسبة لموضوع الفندق
كان لا بد من التفاهم قبل القيام بالحجز وممكن التفاهم يكون بطريقة جميلة بالنسبة لي لو إن زوجتي تحجز لي في فندق وتفاجئني بذلك , سوف تكون ردة فعلي مرتبكة وغير متوقعة لأن هذا الموضوع يعمل لي لخبطة |
اقتباس:
وكان يوم اجازه نهايه الاسبوع مايشيل هم الدوام يعني. الله يسامحه خلاص ساامحته وانتهى كل اللي صار واخذت دررررس بحياتي |
أولا : هدي أعصابك
ثانياً : أنا ما تكلمت وقلت إنك تكفرين العشير إلا بناءاً على ردودك يعني من أجل موقف بسيط جعلتيها أزمة نفسية و تقولين سوف أكون أنانية معه ولا عاد بهديه ولا أحبه و غير الأناني ما يعيش ومن هذا الكلام ثالثاً : أنتي تقولين كلام وقت الزعل وتنسينه وقت الرضا أنا لا أعلم أن طبعك هكذا توقعت أنك جادة في كلامك وسوف تغيرين تعاملك به رابعاً : الله يوفقك أنتي وزوجك لما يحبه ويرضاه |
اقتباس:
كان من الممكن اقتراح أو طلب منك بأن تقضوا ليلة في الفندق هذا ما كنت أقصد |
الله يهديه في بعض الرجال مايهمه يهدي ولايريد هداية لذالك لاتتعبي حالك وتخسري وهذا رده
وخلى هداياك بسيطة بطاقات ورسائل وورد ولو ماحس بس بأسم هدية |
اقتباس:
وش يحب الرجال ؟ |
لاتكدرين خاطرك
يمكن راحمك ويبي الفلوس تنفعك بشي ثاني يخصك لوحدك .. لاتستبعدين هالفكره انا صار لي فتره اجمع مبلغ بحصاله اي فلوس ماحتاجها فيه وخلال 3 شهور جابت لي مبلغ حلو "4 الاف" قمت اهديت زوجي لاب توب بألفين وتشريت ملابس بالفين .. وقالي نفس ماقال زوجك ماله داعي و و فقلتله انه حصلت بالحصاله 4 ومارضيت الا اتقاسمها معاك فرضى انتي جيبيها بهالاسلوب مره ثانيه قولي هالفلوس زايييده وخذت حاجتي وحابه استمتع معاااك وان شاء الله بيقبل ولاتكدرين خاطرك حبيبتي |
| الساعة الآن 07:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©