|
يا حبيبتي ما احلاكي
انتي بترجعي تعبانه مرهقه وخلقك ضيق وما بتلاقي شي تشغلي نفسك فيه ولا لك خلق تعملي شي وكلو على والدتك حفظها الله لك تخيلي لا سمح الله احتاجت يوما دخول المشفى تصوري شعورك او اخوك تسمعي ان السياره اللي هو واصحابه فيها تعرضت لحادث ومات احدهم ولا تعلمين ان كان اخوكي هو ام لا صدقيني وقتها رح يطير عقلك وتبكي زياده لان كنتو تتشاجرو مع بعض وما عشتو لحظات حلوه العمر بيجري والله يرزقك الزوج الصالح اكثري مما طلبته منك التسابيح وحسبي الله ونعمى الوكيل واقتربي من ماما ووقت تعصب جاوبيها وقولي :رضاكي والجنه اجلس تحت قدميكي اللي تريديه يصير صدقيني وقتها هي رح تتراجع عن ردة فعلها مع انو يمكن تكوني غلطااانه ولكنها رح تسامح وتبتسم ويرتاااح قلبها |
مرحبا جرين كيفك كيف امك يارب بخير سامحيني لتقصيري انا اليوم جاية هون وكلي الم ........بتمنى تخففي عني........امبارح رحت شطفت الدرج كنت حكيالها بدي اكنسه راح اخي وهو بتك بالسجادة انكسرت العصاية المهم انا كنت ناسية وحروح عالشغل لما زكرتني قلت بدي اعملهم عشان افتك منهم عشان الجمعة اضل فاضية.......راحت حكتلي لا خلص تعبيش حالك ومن هالحكي المهم وبابا كان حاكيلي ما تشطفي اختي المتزوجة بدها تيجي واولادها بوسخوه وما بعرف شو رحت قلت بدي اعمله صدقيني ما هو عند بس قلت بخفف عن حالي من شغل اليوم علي كتير شغل......هون المصيبة الي مضايقاني بابا تزحلق وانكسرت رجله لهلأ بالمشفى وبكرة بدهم يعملوله العملية كتير مخنوقة ومضايقة وضليتني اعيط وحالتي حالة حاسة بذنب كتير كبير والي حوليا حسسوني بالذنب انا كتير مضايقة ما عملتهم عند فيهم والله عملتهم عشان اريح حالي لانه عليا كتير شغل........بابا العيد هادا حيضل لا نزلة ولا طلعة بسببي كتير مخنوقة انا مابقدر اعيش بلاه صدقيني حتى لو زعلتهم او عصبوا عليا بقدرش على فراقهم دايما بدعي اموت قبلهم الله يطول بعمرهم سامحيني افكاري مش مرتبة لاني بدمع كتير مضايقة مش عارفة شو اعمل وتخانقت مع اختي المتزوجة لاني شايفة بنظراتها انه انا السبب وماما زعلت وحالة الوضع كتير مكركب بالبيت وحاسة اني بالمرة الله ما يحرمني منه يارب كتير مضايقة .........
|
لا اله الا الله محمد رسول الله
اول شي والدك كسر رجله قضاء وقدر وسواء كان المكان فيه ماء ام لا وسهل جدا تكفري عن ذنب انتي ما اقترفتيه اول شي صمي اذنيكي عن كلامهم لست السبب في كسر رجل والدك ثم هي فرصه تهتمي فيه وتقبلي رجليه وتلبي طلباته وكل ما شاهد دموعك وتقربك منه رح يرق قلبه ورح يحبك زياده ورح يقول ما حد اهتم فيني غيرا ويقولو له :هي السبب ولكن عطفك عليه رح يغلبهم جميعاااا ما تحملي نفسك ذنوب ان لم تشطفي اليوم رح تشطفيه غدا وهل تحسبين انو ان لم يكسر رجله اليوم رح يكون غدااا ثم لو كسر رجله على الطريق رح تبكي كثيررررررررر لانه اباكي انا امي مرضت امامي وكانت تقع وعملت مناحه في المنتدى الاهل غاليين ان كان اب او ام واو اخوه ومن كلام اهلك طنشششششششششي هم اصلا مثلك يحبو ابوهم فما رح نلومهم وعلى زعلهم عليه عم يتكلمو طيب وانتي كنتي قاصده انو يمر ويوقع ويكسر رجله خلاص انتي اهتمي فيه زيااااااده وامام دموعك رح ينسى واكتبي هنا خبريني تنهدي الوضع شويه |
تسلمي جرين تتصوريش قديش انا منهارة نفسيا وجسديا من القصة ولهلأ مش حاسة انه هالشي بجد صاير زي المغيبة عن الدنيا مش قادرة اصدق......ويشهد ربي انه بابا اكتر واحد ما بتحمل زعله صدقيني يمكن ما يصدقوا بالبيت على هوا الخناقات لكن الله عالم بالي بقلبي.....اليوم كمان تأجلت العملية عشان في طوارئ زعلت كتير ومخنوقة وعيطت مش قادرة بعرف كل شي قضاء وقدر بس انا مش قادرة اتحمل هالشي.......جاي عيد وبدنا نضحي لكن مش عارفة كيف حيصير هالشي...ما بنام منيح ولا باكل منيح ولا الي نفس باشي........بابا اغلى واحد بالبيت عندي والله العظيم بالشغل مكشرة ومضايقة وحالتي حالة وبالبيت بتخانق مع اختي المتزوجة قارفاني لانها وطبعا بطلعني السبب بكل اشي هيا بدل ما تهون عالواحد بتيجي تقرفني عنجد ما بطيقها.......مش عارفة وين اروح وعدها بتبلط بالعيد عندنا وانا الي بتقرف حالها ........سامحيني بجد كتير قرفانة عنجد انا من غير بابا ولاشي.......ريتني كنت بداله بجد مش قادرة اتحمل.........ادعولي ......
|
اقتباس:
عم ادعو لوالدك الله يشفيه والحمد لله جات على كسر رجل مش شي غيرو وانتي بدل البكا والنواح عليكي بسورة يس بنية شفاء الوالد انتي اللي اكتشفتو فيكي بدك تقنعي الناس بشعورك ان كان اختك اخوكي امك ابوكي ولكن حبيبتي ما تفكري فيهم الاهم انو انتي كيف تفكري وكيف تحبي وهم احرار صدقو اليوم ام غدا المهم انتي كيف تفكري ومين تحبي رضا الناس غاية مستحيله وممكن يكونو راضيين بس ما يظهرو لنا او ما نشعر انو شعورنا وصل لهم استهدي بالله وان شاء الله قريبا يرجع يمشي على رجليه والحمد لله انو كسر فقط ما مصيبه تانيه ومن ثم هيك الواحد يحس وقت يكون شخص عندو غالي مريض كيف شعورو اكثري من الحمد لله رب العالمين |
الله ما يحرمني منك بجد خففتي عني.......معك حق والله حاسة بابا مو محملني مسؤولية عالاقل لما كلمته هيك حسيت بس مش عارفة هل هو محملني السبب او لا؟؟؟؟؟؟؟؟مش هون القصة انا لحالي حاسة بالذنب وتمنيت لواني انا الي شطفت يصير فيا هيك بس نصيبه واخده سبحان الله........الله يشفيه يارب ويطول عمره وما يحرم حد من اهله يارب.......يمكن تستهجني الي بدي احكيه بس بجد مضايقة اصابة بابا من ناحية واختي الي متزوجة من ناحية تانية مش قادرة اتواصل معها صح بهتم فيها بتهتم بغيري وبتحكي عني نكدية ودمي تقيل بعمري ما حسيت انها متعاطفة معي بشي.........كل مرة بشوف عندها نظرة شفقة الي عشان ما تزوجت وكل مرة بتحسسني اني حزينة عشان ما تزوجت يمكن انا الي عطيت هادا الانطباع بس هي ما بحقلها تشفق عليا انا حرة باحساسي ما بنفع تعمل هيك......هي بتيجي بغرفتي لانه كنت انا واياها فيها قبل ما تتزوج طبعا كنت اتحملها واحطها عراسي بعدين صرت اقرف بتحمل قرفها هي وااولادها بالغرفة بعدين بتهتم بغيري صرت اقرفها وصارت مشاكلي معها تكبر ما بتحمللها كلمة......ياريت تساعديني كل مرة بتيجي فيها ببقى مضايقة وببقى قرفانة بدي ما اهتم تيجي او لا يعني يكون عادي الامر.......بليز ما تستهجني مش قادرة اوصل لحل بهاي القصة زهقت منها وصرت احس انها بتحسني غيرانة لانها متزوجة هيك طريقتها فعلا بتحسسني بهيك مش متهيألي ....كزا مرة حكتلي انتي قاهرك زوجي وهيك بتجرحني كتير بهالحكي ؟........ازا في شي بدك تسأليه حاضرة عنجد مشاعري ملخبطة اصابة بابا واختي المتزوجة المقرفة من ناحية تانية اوووووووووووووف
|
اقتباس:
بدها تطلع حرتها فيكي بدها تثبت لنفسها انو تقدر تحكم حدا ما قداره على زوجها تمشيه على كيفها ميشان هيك تقدر عليكي وانت تصدقي الكلام اللي تقولو حتى اولادها ما تقدر عليهم تعيط عليهم وما يردو الا بالنادر جداااااااااا وانتي حساسه كل كلمه تصدقيها وانا كنت مثلك اصجق اختي والناس واكذب نفسي وافول انا بشعه وقصيره وهي اطول مني 2 سنت وتقول لي طخينه نزلي وزنك والله اشوف نفسي بالصور والفيدو وشو كنت حلوه بس وقتها اشوف نفسي ابشع وحده على وجه الارض انتي انظري للمرآة وقولي اللهم حسن خلفي كما حينت خلقي ما تهتمي لكل الل تقولو هي تفرح وقت تلاقيكي مغتاظه منها وتحسس بانتصار |
تسلمي جرين مزبوط كلامك بس انا بدي حل ما حكتيلي شو اعمل بلييييييييييز اعطيني خطوات ما اضايق منها لما تيجي واطنش شو ما تعمل بالغرفة لاني قرفت منها .........بانتظار كلامك يسلمو كتير الله ما يحرمني منك يارب
|
تسلمي جرين مزبوط كلامك بس انا بدي حل ما حكتيلي شو اعمل بلييييييييييز اعطيني خطوات ما اضايق منها لما تيجي واطنش شو ما تعمل بالغرفة لاني قرفت منها .........بانتظار كلامك يسلمو كتير الله ما يحرمني منك يارب
|
بس تنفجري فيها شي يوم رح تسكت
بس انتظري تيطلع ابوكي من المشفى وتساعديه وبحيث يحس انو انتي وبس تهتمي فيه تدللي عليه ما تنفجري يوم يكون طالع انفجري قبل ما تسكتي بس تكلمي بادب قولي انا امي وابي يربوني انت اهتمي باولادك وقت تشوفك ثامده رح تسكت بس وقتها ممنوع البكي ومننوع تنهاري ضعفك عم يخليها تتمادى معك تردي بقوه وادب اذا ما تجاوبيها انما ما تصل لوضع امك تزعل منك او ابوكي شوفي قفي امام المرآة وتكلمي مع نفسسك وتعلمي المواجهه احسبيها تلميذه صغيره عندك بالروضه رح تفضل تتمادى ان لم تتكلمي وتكوني بوضع المظلومه فيه هي ليه تييجي كل يوم عندكم |
لا برضو مش فهماني ..........انا مش حابة اعمل اي شي لما بابا يطلع معها........بس هي بتدخل الغرفة وما بتهتم وهيك بفكر اصير اخد المفتاح او احكي لماما تخلي بالها .......اما ما بدي اعمل معها شي لانه بابا حيزعل وبديش ازعله .......انا صرت ما اهتم فيها هي حرة تهتم بالي بدها اياه بس قصة الغرفة كتير مضايقة من جيتها عليها بس مو بايدي شي بابا زعل لما طردتها مرة وزعل كتير يومها.....صعبت عليه محدش راضي يدخلها....بفكر اتحمل بس عشان بابا مش عشانها .......وربنا راح يعطيني ويصبرني ازا انا بعمل هيك عشانه.......هي طولت او ناوية طول عشان بابا راح عالمشفى وحتيجي عالعيد 3 او4 ايام.....عشان العيد......
|
قبل ما تدخلي البيت او تكلميها
اقرئي آية الكرسي هيك تربطي عفاريتها وتهدا ومن ثم تكون هاديه ثم الغرفه هي حاسه حالها انو مازالت هناك معك وانتي حاسه انو صارت الغرفه لك لوحك ليه ما تعملي شي ضبطي فيها اولاج اختك اصغري معهم والعبي عيشي معهم طفولتهم ما في اجمل من الطفوله تذكري نفسك بعمرهم شو كنتي تحبي اعمليه معهم |
اه والله معك حق ان شاء الله حعمل هيك.......بس انا بقرف لما اشوفها ما تهتم لحجاتي وبطنش الي بعملوه بتزهق......اه هو انا حاسة انها غرفتي وهي اجت احتلتها غصب عني ......اكيد بلعب معهم بس الواحد طول نهارو مع الصغار بزهق وبقرف .......انا بدي اتحملها عشان بابا مش معقول يجي يلاقينا بتنخانق وهو بهيك وضع.........عشانه بس حتحمل كل اشي باذن الله طبعا صعب اطبق هالشي لكن مش مستحيل.........تسلمي كتير يا عسل الله ما يحرمنا منك يارب
|
اقتباس:
رضا رب العالمين فوق كل اعتبار وبعدو يجي بابا وماما ومن ثم بتعرفي انو يد الله مع الجماعه والبركه تزيد بالبيت وقت تكونو مجتمعين وصلة رحم بدل ما تسهر عند صاحبتها تيجي لعندكم انتو يعني انتي مش فقط اختها انتي صاحبتها ووقت توقع باي شي ما رح يوقف قربها احد غيرك والله خايفه ارجع اكتب توقع تتذكري وقت قلت لك انو لا سمح الله اذا حدا وقع او مرض كيف رح يكون شعورك ها بابا وقع ما طمنتيني عليه كيف صار عمل العمليه والله فاقده للمة الاهل وايام العزوبيه واخوتي |
تسلمي جرين اكيد كلامك مزبوط وانا ححاول اعمل هالشي.......بالنسبة للطلب اكيد راح احاول وكلامك صح......بالنسبة للوظيفة بدك الصحيح انا بالاول ما كنت متخيلة حالي هيك شغلانة راتبها قليل واولاد صغار مع اني والله بحب الصغار وبالعكس بياخدوا عليا كتير بس كتير متصعبة كيف خلصت 4سنين وبعدين اخدت دبلوم تربية عشان اتوظف بمدرسة وما صحلي لكن هلأ بحكي الحمدلله اني اشتغلت احلى من القعدة وتعلمت شغلات كتير من هادا الشغل....اما بالنسبة لاختي يمكن كلامك صح بس هي بتاخد راحتها لما بتيجي وانا الي هي غرفتي بحس حالي مش مرتاحة عاد مادام هي متزوجة يبقى هادا مش بيتها ولا غرفتها هي مجرد ضيفة مش لازم تخليني احس بقلة الراحة.......انا بدي افوتلها حتى بالغرفة عشان بابا ما يزعل واحتسب هادا عند ربنا........ولانها اكبر مني.....هي مرتبطة بالغرفة بتزكرها بايام زمان ايام وهي بنت.......بس التواصل بيني وبينها كتير صعب ما بتحمللها كلمة بصراحة دايما بستفز منها باي اشي......ما بعرف بحسها بتقهرني.......مش عارفة كيف افهمك........بس لما بتحملها وشوفها احسن مع غيري مع انهم ما بعاملوها احسن بنغاظ وبفقع وبصير افوع عليها واقرفها......بتمنى تكوني فهمتيني........واي سؤال حابة تسأليني اياه حاضرة وتسلمي لانك مطولة بالك عليا.....
|
......بتمنى تكوني فهمتيني........واي سؤال حابة تسأليني اياه حاضرة وتسلمي لانك مطولة بالك عليا.....
بتعرفي ليه فاهمتك ومطوله بالي عليك لانك نسخه طبق الاصل عني وقت كنت بعمرك انما الفرق الوحيد ان اختي اصغر مني بست سنوات وانخطبت سنتان وكان لها ثلاث سنوات متزوجه ليحن انا انخطبت بس انا خطبتي 11 يوم والاصعب منك انو ما كانت تزونا بعد ما تزوجت لا لانها كانت ساكنه عنا وامي فتحت لها غرفه وانا وباقي اخوتي وجدتي في غرفه ثانيه ووقت اشتغل واعطي مدخولي كله لامي تأخذه مني وتعيه لاختي بحجة انو زوجها بدو يصلح السياره شايفه ليه فاهمتك ومطوله بالي عليكي وكان عندي فقط قطعتان ثياب لا غير وهي امي جهزتها التغير انتي منك من داخلك كنت مثلك اتحسس وازعل وابقى ثلاث ايام في غرفتي ابكي ويزعل مني ابي وارجع اعمل مناحه تيرضى عليي واعتذر على ذنب لم اقترفه وهي تدخل وتخرج مع زوجها وضحك ومزح وباب غرفتها مسكر وانا جالسه ابكي من افعالها واستفزازها لي وقتها صرت اقرا انا واخي والهيت نفسي بين صفحات الكتب التغير انو انتي تحسي باستقلاليه وبقوه ارفعي رأسك للاعلى ولا تهتمي لكلامها القاسي افتحي القرآن الكريم واشغلي نفسك بالقراءه ورح تربحي شيئان اولا حسنات ثانيا وقت تجي تتكلم مع قاسي وتشوف بيدك القرآن الكريم رح تخجل من القرآن وليس منك وستبعد وستخفض صوتها ومره على مره رح تتعود انو تكلمك بصوت خافت من النت انزلي سورة البقره وارفعي الصوت بحيث ان تكون علاوة الصوت غير مزعجه واولاد اختك قولي لهم ان يخفضو صوتهم لانك عم تسمعو قرآن ولكن احضري ورقه وقلم انتي وهم وكل مره واحد يكتب كلمه او رقم وعلى الباقين يحذرو شو الرقم في كتير مسابقات والغاز جميله اعتقد بالنت حلو الواحد يشارك فيها اهل البيت شو رأيك تبحثي بعمو غوغل على هيك شي والعبي مع ابوكي وقولي له : بالله العب انا وياك 1+1= يساوي كام يقول لك 2 قولي لا 11 لانو واقفين جمب بعض قومي ابحثي عن نكت جميله ومضحكه وكل شويه وقت تجيبي لابوكي شاي او قهوه قولي له نكته وانتي تضحكي هذا الاسلوب اتبعته مع زوجي اصعب انسانعلى وجه اارض واصبحت اتبعه مع جميع الناس حتى الاجانب وبالانكليزي اول شي القرآن بصوت عالي يعلمنا ويجبرنا انو نخفض صوتنا الجميع بالبيت وفتح المصف بين يديك رح يجعل الآخربين يحترمو كتاب الله ويحترموكي من غير ما يشعرو اللعب والالغاز تجعل من نفسك انسانه رياضيه من غير شعور والنكت تخلي نفسك مرحه ومبتسمه ويضحك الجميع للنكته ورح يصيرو كل ما شافوكي يضحكو وينتظرو منك نكته اقول لك ابحثي عن كتاب اسمه : كليله ودمنى لابن المقفع اقريه جيدا وكل قصه احكيها لاولاد اختك اقرئي الكتاب جيدا فستجيديني بين السطور انا متاثره كتثيرا بهذا الكتاب واتعامل بحياتي مثله مثلا بدل ما اقول لشخص انتبه رح تفقع عينك وانت ما شي تحت الشجره والنصيحه بهذه الايام كانها شتيمه (انو انا مش شابف حتى عم تنصحيني ) اقول له : يا حرااام الغزال اللي كان يتمشى كل يوم من تحت البيت هالمره ما انتبه وفات بعينو فرع الشجره ووتألم المسكين اشتري الكتاب او ابحثي عنه واقرئيه مفيد جداااااااااااااااااااااااااااااااا |
بتشكرك كتير جرين.......انا بديت اطنشها هيك اريحلي.........اما بالنسبة لاولادها صغار ما بفهموا الي بتحكي عنهم سنة وشوية وحدة والتاني سنتين......لكن انا اكييييييييد ما راح ازعل بابا مني هو يمكن يطلع بكرة وهي تروح عالاربعاء او الخميس شو ما حكت راح اسكت عشانه بس لما يصير دافعي عشان بابا ورضاه ربنا راح يعيني انا متأكدة وعلى قد ما بتفكرني مقهورة منها عشانها متزوجة على قد ما بحسها ما بتفهم لاني دايما بنصحها بامور ودايما بدلع اولادها لو غيرانة منها ما بعمل هيك......يلا صدقي ما راح تحس الا لما تفقدني بكرة ربنا بسعدني بابن الحلال وبصير مش فاضية ان شاء الله املي بربنا كبير......هي صرت بحب تستفزني بس انا بدي اصير بليدة من ناحيتها حتحس هيك اكتر.....مش معنية صرت اكون معها صديقة لانها بدها واحد مهرج يضل يضحك فيها وانا شخصيتي جدية صح لكن حنونة وطيوبة كتير بشهادة الكل مش كلامي هالشي.......بابا لما يشوفني ساكتة من الي بتعمله حكبر بوجهة نظره وما راح ينسى هالشي مستحيل اتخانق معها بعد هيك قدامه عشانه لما تحسي انه ممكن تفقدي شخص لو طلب روحك بتهون وقتها.......انا كل الي حعمله اضغط على حالي عشانه صعب كتير لكن لازم اعمل هيك.......الاب والام كل شي بالدنيا الاخوات ما بتحملوا قد الاهل هادا الشي حسيته بقصة بابا........الله ما يحرمني منهم يارب........شو رأيك بالي حكيته؟؟؟؟
|
رئاي فيكي من زماااان انك طيبوه وحبوبه
وحساسه مثلي طالعي لي يا ست الحسن والجمال الجديه كانت طبعي لسنين عديده واجمل كلام كتبتيه بحروف من ذهب وقت قلتي :لاجل عيون بابا وبرضا بابا وماما ربنا رح يرضى عليكي ولكن مازلت مصره انو تقري كتاب كليله ودمنى ليس لاجل اولاد اختك انما لاجلك انت ايضا لان ان شاء الله وقت يجي فارس الاحلام طبعا رح يكون عندو اهل وام واب واخوه واقارب لازم تتمرني من اليوم كيف تتعاملي مع الناس الكتاب مفيد جدااااااااااااالك تخاطببين الناس بطريقه غير مباشره مثلا اول ما تغربت وقت افول لشخص هذا حرام لا يجوز بعلو الصرراخ ولا تميزي صوت من اين مصدر الصراخ من جايه تعلمينا الحلال والحرام ارجعي بلدك ولكن اصحبت اسجل جميع حلقات المسلمون يتسائلون واسأل اهل الذكر ان كنتم لا تعلمون واوزع الشرائط من بيت لبيت انا استفدت بمعلومات جميله جدااااااااااا وهم ايضاااااااااااااا وخاطبتهم بطريقه ما حد قدر يلومني او يمس الدين ومنهم من نزل للحج في ناس عقولها غريبه وستدخلين يوما ما بيت احمى وزوج الله اعلم طباعه ويمكن تنصدم مع طباعك ولكن وقت تكوني مره بالتعامل ستعيشين حياة هنيئه جميله سعيده بعيده عن المنغصااات وتعلمي الروح المرحه وروح النكته سعيده بك كثيرا وهدفك نبيل جدا وهو رضا والديك ورضا الله من رضا الوالدين ومن رضي الله عنه فهنيئا له |
انا بتشكرك لكن معصبة كتير....ما بطيقها هالزفتة قال اخت قال.......ماما اتصلت امبارح ع11 باليل وكنت نايمة راحت حكتلي ليش ما عملتو الملوخية طبعا السطلة الكبيرة ما حكتلي وصرت اعمل فيها لحالي بنص الليل وهي والاخت الصغيرة قاعدين عالنت عندي بتسلوا...وحكتلي ماما احط غسلة برضو بنص اليل وحطيتها وخلصت ع2 تخيلي؟؟؟؟؟؟؟وشفت المية عشان ماكان فيه مية برضو لحالي بقلها كله ححكيه لماما عشان مش انا اعمله لحالي وانا عليا دوام بدري صارت تسب وانهبلت.......ما بطيقها بالمرة حوريها باذن الله حوريها......صارت تحكي اني مريضة ومافيش حد زيي واني بخزي بس بوريها حكتلها ما تيجي على غرفتي وحكتلي ما امسك اولادها وحالة قطيعة تقطعني انا السبب انها تبلط لو بابا ما صار فيه هيك كان روحت من السبت اوف قطيعة ........سوري بس بجد معصبة مش عارفة كيف بدي اروح عالشغل......
|
اهدي حبيبتي
نسيتي مش امس قلتي لعيون بابا انسي حبيبتي اوتحسبين ان الله لا يراكي وما تعملين وما تضحين كلو بثوابو ثم همس في اذنك حبيبتي انتي عم تساعدي ماما صح كلو لعيون ماما المشغوله ببابا صح واليوم الوالدك الكريم رح يرجع البيت لازم تستقبليه اجمل استقبال انتي قلتي رح تتجاهليها صح ما قلت لك نزلي قرىن بالموبيل ووقت تصارخ ضعي السماعات وارفعي الصوت متفقين انو لاجل عيون وتعب بابا انتي احمل منهن ما تردي واحسبي نفسك تسمعي اغنيه غير جميله عندك دوام الصبح وخايفه تصحي وتكوني نعسانه فنجان قهوه من الصبح تصحصي فيه حبيبتي انتي اشتغلتي وغسلتي ورتبتي السلطه والملوخيه وغيرو لاجل ماما وبابا صح ما تهتمي بالباقي سيرى الله عملك وامك ستترضى عليكي وابوكي كمان وهمسه في اذنك ما تقولي لماما :انا بس اللي اشتغلت وهم كانو جالسين على النت ويضحكو احفريها بقلبك واخفيها ربك سبحانه وتعالى شاهد وراضي عنك وان شاء الله رح يكبر حب اهلك لك لرضا رب العالمين عليكي فقط امك وابوكي فقط اتعتقدين ان التنفيذ مثل الكلام او الكتابه لا طبعا التنفيذ يلزمه مثابره وصبر واجتهاد واصعب مره اول مره الثانيه اخف والثالثه اخف واخف لحين تتعودي وهي وقت تشوف انو ما يأثر فيكي رح تتوقف اختك صعبه كتير بعرف وتتقاوى عليكي ولكن لاجل ماما وبابا رح نركب الصعب كل ما عزبتك ولا تكلميها تعالي هنا وفضفضي واكتبي اللي تحبيه ولا ترفعي صوتك ولا تردي اكتمي غبيظم وانفجري هنا فاهمه حبيبتي شايفه انا كل شويه بدخل عند موضوع رساله لمن تكره اكتب هناك واخرج ابتسامه مشرقه وجميله بابا راجع بخير من المشفى اغمريه واهتمي به ولا تنري لغيرهه وحاولي انو والدتك تدخل تنام ترتاح وانتي تبقي قرب والدك واعملي لنفسك شاي قهوه وصحصحي منيح |
مرسي كتير اه حعمل هيك بس للاسف انا حكيت لماما انه هيك هيك سابوني لحالي بس انا بينت لماما انه انا ما نمت منيح عشان اعمل الي حكتلي عنه وماما عارفة انها بتركن عليا انا.......بالعموم بابا طلع الحمدلله بس انا اول ما دخل وشفت الكازات اكتئبت بصراحة كتييييييير مخنوقة ومضايقة حاسة اني السبب ما بعرف فرحانة وتعيسة بذات الوقت......انا بجد عرفت قيمة بابا صدقيني انا بابا بالذات هو كل اشي عندي بابا دايما بنصحني وبنورني وبتحملني اكتر من ماما عشان هيك بحب احكي معه اكتر......شو ما يقلي من هون ورايح غير احكي حاضر .........ماما حكتلي اختك حتنام عندك اكتئبت برضو الا هي بتقلها لا حروح عند اخويا بدو ايانا نسهر ومش عارفة شو.........بيني وبينك انبسطت بديش اشوف وجهها وحذرتها بالعيد تيجي بغرفتي ........او حتى تحكي لاهلي عشان تعمل حالها مسكينة.......بكل الاحوال حاخد بالي من بابا كتير هلأ وكل وقت وحتزكر هاي اللحظات بحياتي ما راح انساها.........بدي احكي بحبكككككككككككككككككككك يا بابا يا روحي ........الله ما يحرمني منك يارب
|
ردك عسل يا عسل
ولكن كلمة اكتآب لازم تمحيها من قاموس حياتك مثلا وقت شفتي بابا دخل وعلى العكاز الحمد لله رب العالمين كسر وما هي الا اسابيع او شهر ويتشافى والحمد لله رب العالمين انو كسر ما مصيبه تانيه لذلك بدل الاكتآب نفرح ونقول كفاره ومن ثم فرصه تدلليه ويشعر فيكي انا كنت اقرب وحده لابي وناطره شي ساعه واكلمو حبيب قلبي واشوفو على المسنجر وماما انو انتي اقرب لماما من بابا الماما حملها كبير والكل يشكو لها وهي تستمع ها انتي ساعتان غسيل وتحضير اكل واخوتك ما ساعدوكي فما بالك بمامتك بدها ترضي الجميع وطبخ وترتيب وتنظيف وان ساعدناها ساعه نقول ااوووووووف تعبنا ان شاء الله تصير ام ورح تعرفي امك كم تضحي اهم شي نكسب قلب الماما والبابا ونبررررررهم والباقي امره سهل صدقيني اختي كانت متسلطه على اختي الصغيره مثلك انتي واختك يعني بكل البيوت الا ما يطلع احد فيه شويه عوج حاسه اليوم انك مرتاحه افضل من امس قومي يا بنت وما تحملي نفسك ذنب انو انتي السبب بكسر رجل ابوكي لان هيك بيصير يزعل منك وووقت تعذبك اختك تعالي هنا واتكلمي تتشبعي ما بدنا نثقل على امك ومن ثم التعب اعملي لنفسك عصاير تنشطك |
تسلمي جرين بتهوني عليا كتير والاهم من هيك انك حاسة باحساسي ما بتحكي كل اشي متهيألك وما بعرف شو......بجد يسلمو.....فعلا اهم شي اهلي من هون ورايح حتى ازا ما ارتحت بجيتها راح اتحمل كرمالهم.....بابا واماما كل حياتي خواتي قد ما كانوا مش زي بابا وماما وهم مش قادرين يفهموني بالعموم يعني ما بدي اهتم كتير قد اهتمامي باهلي......انا حاليا مطنشاهاحاسة هيك اريح لراسي......كتير حكتلي عقصة الزواج كلام جارح مش حقلك انا بريئة وما عملت شي بس هي بتجرحني بالصميم وبالذات بقصة الزواج زي مقهورة من فلان الي هو زوجها وانا عندي الي بحبني وانتي لا........وانتي غيرانة عندي اولاد وانتي لا......قديش لما بتزكرهم بحس اني مجروحة صحباتي الهم خوات اكيد محدش بعمللهم هيك خلي بالك بطلعوا الغلط دايما مني.......عشانها كويسة مع غيري .......اليوم مثلا ماما شوي عصبت عليا عذرتها تعبانة كتير وهيك سكتت طبعا مش قادرة اتحمل انا بس غصب عني عشان مش معقول وانا بهالعمر ما افرق بالاوقات هاي........راح اخليهم يحسوا بقيمتي واني انسانة منيحة بالعموم راح احاول اغير هالواقع واطنش اختي هيك اريح الي وللكل........ما بلزمني اشحت معاملة كويسة من حد انا واثقة اني جواتي انسانة كويسة بس فيه سلوكيات بتغيظ مني الي حوليا زي حساسيتي الزايدة وبعمل خناقة بسرعة وهيك امور.......ما بعرف اليوم مبسوطة عشان بابا بس تصدقي خجلانة كنت اقعد عنده بجد حسيت بضياق ومش قادرة احط عيني بعينه.......ما بعرف ليش بس عنجد مافي اغلا من الاهل هم بنوروا طريقنا بعمللونا حجات كتيييييييييييييييير الله يحميهم يارب وما يحرمني منهم يارب طمنيني على امك يارب احسن؟؟؟؟؟؟؟
|
اقتباس:
لان رح يضجر وبدو مين يحكي معو ويسليه وتشوفي بدو كتاب يقرا اعملي هل عصاير قولي له :غصيت لك اعملي صحن فواكه وادخلي له وقولي :حابه آكل انا وياك اغمريه وما تخجلي هذا ابي من شويه كنت رح اغمر ابي وامي لان وانا اكتب لك توقفت وكلمتهم ما تضيعي فرصه الاقتراب منهم ها انا متغربه ومحرومه اقبل يديهم |
سوري جرين لاني ما رديت بس انا مضايقة محسسيني اني الذنب ذنبي وانا مش قادرة اقعد عنده ومش مرتاحة ومش حابة صرت اقعد عنده......مخنوقة مش عارفة كيف بدي اضل مأجزة للسبت الي بعد العيد روحي حتطلع......وماما كمان مش راحماني هلأ جبت بلوزة من فترة بعيدة وطبعا ما البستها بالبيت لانها سواريه ومفتوحة كتير بقلها اليوم بدي البسها بالعيد تحتها بلوزة وعلى بنطلون مش راضية ازا محزق مش حتلبسيها وبقلها واسع وهي مصرة تردد هالكلمتين اي انخنقت برة بحكي الواحد حرام بس مش لازم جوة البيت حنقة اووووف انخنقت بدي اعيش حياتي بدي اضل ما البس قال لما تتزوجي بلتبسي شو ما بدك افرضي لا قدر الله ربنا ما كتب يروح عمري هيك ببلاش بدي اتشيك وانبسط واعيش حياتي شو هالقرف........عنجد قرفانة حرام عليها كاتمة على نفسي زهقت مليييييييييييييت سامحيني بس بجد مخنوقة ماما بتبالغ كتير وانا ما عاد فيا اتحمل.........
|
عوايد وتقاليد قاتله
البسيه في غرفة النوم وقت تعصبي ادخلي غرفتك واكثري من حسبي الله ونعم الوكيل اكثري من الاستغفار الجئي لرب العالمين هو وحده ينقذك مما انتي فيه الجئي لرب العالمين وادعيه يرزقك الزوج الصالح لو يلوموكي ما تردي عليهم انتي اعملي اللي عليكي وبس اقتربي من ابوكي باعمالك وما تنغصي فرحة العيد بتعصيبك العادات والتقاليد تقتلنا وكنت مثلك نفس ظروفك منت اداوم كل يوم على سورة يس والنيه لوجه الله تعالى وها انا تزوجت وسافرت وبعدت وفقدوني اهلي وفقدتهم استمري مثل ما قلت لك وقت تعصبي اشغلي سورة البقره بصوت عالي واللي عم يزعلك رح تلاقيه هادي وجاي لعندك ما في حل غير اللجوء لله سبحانه وتعالى |
تسلمي جرين هي مش عادات بتقلي حرام تلبسي هيك قدام اخوكي وابوكي اووووووووف ازا بالبيت بدو ينخنق الواحد وين بدو يلبس ويتنيل اي والله اشي بقرف رسمي.........خنقة وين ما رحتي خنقة خنقتني.........بدي البس وانبسط واعيش حياتي طالما ما بعمل شي غلط برة البيت اي صرت احسد الناس الي فري عالاقل هم اهلهم ما بعقدوا كل اشي وبالذات بالبس اووووووف استغفر الله العظيم........زعلت لاني ما وريتها البلوزة انا شريتها زمان حكتلها بدي اجيب زيها لانها عجبتني كتير بس ما وريتها بدي خصوصية بديش كل اشي اوري الهم حرة هاي حريتي يووووووووووووووو المهم حكتلها ما اجا عبالي بتخلي الواحد يكذب غصب.......
|
هذه عوايد حبيبتي وتقاليد حاملينهم من اجدادهم
متوارثه انما الاهم من هذا كلو اولادك تحاولي تجمعي بين الدين والحريه الشخصيه مثل ما انتي تحبي ما هو اصلا شو بتسمعي غير كلمة عيب وحرااام ووقت تتزوجي يصير حلال واي شي يحصل تقولي :اوف حلال او حراام استهدي بالله وادخلي على والدك وراضيه ولو قال انو انتي السسبب ارضي وقولي له اريد ان ترضى عني وتسامحني مع اني متأكده ليس لك ذنب وقت كسر رجله قضاء الله وقدره ان كان وجد ماء ام لو يوجد رح يوقع في هذا المكان وفي هذا الوقت دايماا رددي امامه رجلي ولا رجلك يا الغالي اكتبي له رساله لطيفه ارسليها له على الجوال صدقيني رح تدمع عيونو ارسليها له قبل النوم داعبي مشاعر ابوكي اكتبي بابا حبيبي ونور عيوني رجلي ولا رجلك ولم اقصد انو توقع وقضاء الله وقدره قولي له : اني ابكي ليل نهار خوفا عليك ولو مت اهون عليي من انو شوفك هيك تغزلي فيه وقولي : عيونك الحلوين ونظرة منك بكنوز الدنيه ما هو قبل ما نتغزل بازواجنا المفروض نتغزل باهالينا انتي عم تعصبي بسرعه اهديييييي وقت يتكلمو روحي اتوضي وصلي وادعي ربك وانتي تهدي واخرجي لهم مبتسمه رح يصمتو اقول لك ان تكلمو وانتي صمتي وفضلو يتكلمو ويتكلمو ويتكلمو وانتي صامته والى متى سيتكلمون يوم اثنان تثلاث اربعه رح يتعبو ويصمتو امك معصبه وتتكلم معك لانها مشغول بالها على ابوكي وزاد عملها عمل مضاعف نعطيها مليون عذر ليس المهم ما يفعلون او يقولون الاهم ماذا افعل انا واقدم لهم ولن انتظر من احد يبادلني او يقدرني لان عملي لوجه الله تعالى آخر سطران يلزمهم مجاهده كبيره لتحقيقهم ويجب ان تبدئي بهم اول مره اصعب شي والثانيه اخف واخف وتتعودي وان لاموكي قولي لهم اعدموني اريح لي من تأنيب الضمير وقت تعترفي بذنب يسكتو فورا ولو لم يكن لك دخل فيه |
انتي صدقيني مش فاهمة ماما بتحكي حرام البس هيك قدام بابا واخويا مش عادات بتسأل الشيوخ المتزمتين وبتقلك حرام انا بحكيش بدي البس مفتوح بس ازا محزق بالبيت صار حرام عنجد عقد اتعقدت منها بحبش اسألها اشي بالدين كله عندها حرام اي والله زهق.,.......لما بتعرف اني بسمع اغاني بتقلي حرام ببقى الي خاطر اقلها انا حرة صرت اوقات احس بدي اعمل هيك عشان اثبت حريتي زهق .........اي بدي اعيش حياتي قال طول ما انتي عندنا لازم تلتزمي بالي بنحكيه هاي عقدتهم بدهم يضلوا حاسين انهم مسيطرين عالواحد وبحددوا شو يعمل وشو لا..........زهقت نفسي اعيش لحالي اي شو هالعيشة استغفر الله العظيم........
|
وينك يا جرين مش معبراني زهقتي مني؟؟؟؟؟؟؟؟؟؟؟انا عندي ازمة بوسوس كتير بالنظافة وهاي القصة مخلياني ما اعرف اقعد......بغسل ايدي كتير وبروح عالحمام كتير لحسن اكون نجسة وحالة.........عندي قصة التبول الاارادي بس ما شاء الله خفت.......يعني مثلا امبارح حسيت في شي نزل وانا صاحية رحت عالحمام وغيرت وغسلت بس لهلأ بزن في داني انه يمكن ما نظفت الي بقعد عليها وخايفة اكون نجسة.......سوري للوصف بس عنجد بدي افقع كل ما حكيت لماما بتحاول تسمعني بعدين بتزهق وبتعصب عليا نفسي اروح على دكتور نفسي بس سمعتي بتدمر ازا حد اجا وخطبني ما انتي عارفة عنجد مخنوقة ومضايقة كتيييييييييييييييييييييييييير مش عارفة كيف اعمل انا بحاول اطنش الوسواس بس ما برتاح الا لما اغير كل ملابسي وهكذا شوفي عاد كم مرة بغير..............تعبت والله تعبت
|
من كثر ما فكرت ترد يا حلوه
بدل ما اضع اسم العضو غرين بديت ارد من هناك حبيبتي انا مربطه حاليا فوق الخمسين شريط رفيع بكل جسمي فحص لنفس يربطني ال16 ساعه بالشرايط هيدا غير اللي مدخلينو بانفي والحفيده يته رعبه من منظري واللي يشوفني يقول هيدي لابسه حزام ناسف انتي لازم توزني كل شي كلو بعدل لا حب مفرط ولا كره للعما انتظري ما اقدر اكتب حبي معلش رح افضل هيد للغد قولي الله يعين على النوم وانا بهالكم الهائل من الشرائط بس ملونه انو حلوه ما ابيض واسود ويغمى عليي قريتي السطر اللي قبل هذت كيف قلبت التعب لان ارى الشرائط ملونه بدل ما اجلس اندب لقلبي حياتك يا حبي تقربي من ربك ادخلي الى الاعجاز العلمي في القرآن الكريم وتثقفي اخرجي نفسك من الدائره اللي مربطه حالك فيها البسي بغرفتك وقت يكون الباب مغلق اسمعي كلام ماما ولو ما عاجبك تكسبي قلبها ووقت تكسبي قلبها تصير اللي ترفضو لك اليوم رح توافق عليه غدا وهي تطلب منك وما انتي اللي تطلبي اصابعي مربطه اعذريني |
معلش انا مش فاهمة حاجة؟؟؟؟؟؟؟؟؟؟؟؟؟انتي مريضة؟؟؟؟؟؟؟؟؟؟الف سلامة عليكي......لكن ما جاوبتي عالوسوسة........عموما كلامك مزبوط وهيني ما البسته............بس انا بوسوس كتير بقلك امبارح توسخت لاني عندي تبول لا ارادي لكن خف كتير......فصرت خايفة انه الي بقعد عليها ما غسلتها وما نظفتها.........وبضل اوسوس كتير انا مش قادرة اتحمل حالي هيك بضل افكر وبتعب نفسيا كتير..........ياريت لما تقدر تردي ما تنسيني
|
النظافه من الايمان هذا اولا
ومن ثم التبول اللا ارادي ادخلي غوغل وابحثي عن تمارين لتتوقفي هناك تمارين خاصه لذلك ومن ثم انت ااعملي حساب مثلا كل ساعه او ساعه ونص ادخلي الحمام لاجل تمنعي نفسك يعني كوني طبيبة نفسك بهذا وبالليل ايضا حطي االمنبه على كل ساعتان وادخلي الحمام ومن ثم كل ثلاث ساعات كوني حكمية نفسك انتي ما تنتظري حد يهتم فيكي كل مشغول بنفسه واشغلي حالك بنفسك شو اخبالا الوالد هل اقتربتي منه ماذا تقدمين له امك ماذا تقدمين لها الوالد ماذا اهديتيه بالعيد اولاد اختك ولو هديه صغيره تهادو تحابو اشغلي القرآن بالغرفه ارفعي الصوت وخصوصا وقت تكوني معصبه تهدي فوراااااااا |
اه انا بقلك وسوسة نظافة يو مالك مش فهماني؟؟؟؟؟؟؟؟؟؟؟؟عموما بابا بضل جنبه وبساعده وماما هالايام مش طبيعي معها بتصرخ عليا من اي شي........امبارح مثلا اجو ناس نظفت من وراهم ما حكتلي ولا لاختي صارت فجأة تصرخ انا تعبت وايدي ما بعرف شو مالها حكتلها ليش تعمليه انتي قالت انتو تعالو ونظفو لحالكو بصراحة هادا فنع بتتفلت فينا........رحت بابا قالي افرزي البلح عن الرطب عشانه رحت عملته وكنست غرفة المعيشة وجليت جلي كتير وشلته وبرضو عصبت اي زهقت شو هالبلا هادا اووووووووووووف؟........سامحيني بس ماما ما بتقدر شي وان اجت بدها تصرخ بحد بتلاقيش غيري بس يلا بندمو عليا بيوم...بالنسبة للتبول تيب يعني بدي اضل احط الساعة؟؟؟؟؟؟؟؟؟؟بدي حل جذري .........وللوسوسة كمان لاني بجد تعبت......واسفة لاني غلبتك وزهقتك..........
|
شوفي ليه ما تجيبي فيتامين وهيك تتنشطي وتصيري تشتغلي اكثر
امك مسكينه تعبانه وما حد عم يهتم فيها لتطلب منكم تتنفذو وتشتغلو امك ويلها الضيوف وابوكي والطبخ والتعب ما قلت لك من زمان اجلسي قربها ومساج لايديها وطالمه عم تقولي اااااااااااف رح تفضلي تتعبي وهالبلاد حلوه باهلها وجيرانها وانا من اول الموضوع ادعو لك بعريس للسفر تتعرفي نعمة البلاد التي انتي فيها وتعرفي معنى فراق عن الام والاب انتي لانك معهم تتأأففي ضايق خلقك وضيق الخلق يروح بالرقيه والاذكار والاستغفار والتقرب من الله سبحانه وتعالى انتي تريدي الحريه والاستقرار ولكن لن تحصلي عليهة بالتافف تحصلين عليه بالتقرب من الله سسبحانه وتعالى كل الامهات مثل امك وكل الآباء مثل والدك تتذكري وقت كسر رجلو وانتي كل الوقت تبكي وتقولي ابي وابي وابي وانا اقول لك امك امك امك ثم اباك كوني نشيطه في البيت وهذا يفيدك مستقبلا بالتأفف يهرب اقرب الناس اليك منك ولو كانو امك وابوكي فما بالك بزوج وبيت احمى تمرين باهلك وتعودي على الرضا بالقليل لتحصلي على الكثير قريبااا ان شاء الله التبول الللا ارادي يجب معالجته قبل ان تستقبلي اي عريس وترضي به هناك نساء بعد الولاده وعلى مده من الزمن يصابو عليكي ان تبحثي عن تمارين في النت لشد العضلات وهو تمرين تقومبن به من غير ما احد يشعر فيكي تعمليه عشرين مره واكثر وانت اعتقد ما الك خلق بسرعه تعصبي وتتأأففي بس يجب عليكي ان تبدئي به |
قصدك احكي للصيدلي بدي فيتامين كيف يعني فيتامين شو؟؟؟؟؟؟؟؟؟؟لكن حعمل هيك......انا بصراحة زهقانة لانه بشتغل وبتصب جام غضبها عليا انا ملل قلت بدي اعمل زي ما حكيتي اريحها فشي اشي نافع بتلاقيش غيري تتفشش فيه نفسي اداوم مليت وعدها اختي المصونة بتيجي وخدي عاد قرفها ونيلة.......بتعرفي انتي مش حاسة بالوضع بس هم كلهم انانيين بحسوش الا بحالهم كلهم بدهم راحتهم انا بديش امدح بحالي بس انا بهتم بمشاعر غيري قبل حالي وشو فكرك بنوبني؟؟؟؟؟؟؟؟ماما امبارح بتقلي مبسوطة اني شيفاكي مش مهتمة وقوية يعني بقصة الزواج فكرك في ام بتحكي هيك؟؟؟؟؟؟؟؟انا من جوة بتقطع بس صرت ما احب حد يشوفني ضعيفة ومكسورة الجناح وصرت بدي اكافح عشان اعيش سعيدة وما ابين لحد ضعفي حتى اهلي.....عشان ما تحكي ماما لاختي المتزوجة مسكينة عني وما تزوجت لهلأ........ما بدي نظرة شفقة من حد عشان هيك ما ببين الها اني مضايقة من هادا الموضوع بالذات واختي الاصغر الي محط اهتمام الناس عشان عنيها ملونة ويمكن احلى مني ما بدي اضل معلقة الشماعة عليها مو ناقصني شي فكي مش قصة كتير بنات الهم فك بارز ما عملوا زيي .......والي بدو اياني ملكة جمال بديش اياه وخلقة ربنا مافيها شي وحلوة والي من ربنا بركة ونعمة لازم ارضى فيها مش اكفر فيها .......في ناس ما بشوفو ولا بمشوا وشغلات كتيرة لازم الواحد يحمد الله كلام الناس ما بقدم ولا باخر بنصيبي الي ربنا كاتبه راح يصير,........هادا الي بحاول اقنع حالي فيه تطبيقه صعب لكن لازم اعمله عشان اعيش....
|
جيبي فيتامين د
وفيتامين حديد يعطيكي نشاط وتعالى رح اقول لك شي انما تنفذيه لننسى كل ما كتبنا ونرجع من جديد كل يوم تقولي :حسبي الله ونعم الوكيل الف مره استغفر الله العظيم الف مره وتصلي على النبي بعدهم ثلاث ايام وتدخلي تخبريني كيف نفسيتك ومن ثم نرجع نزيد فوقهم ثلاث ايام انما كل ثلاث ايام تدخلي ونشوف التطورااااااااااات ما تقولي ما بعرف اعد اقول لك عندكم المسابح ما في اكثر منها الغالي والرخيص جيبي واحده 99حبه وابدي ومن ثم وقت تكتبي ومن خلال التطورات اللي رح تكتبيها بعرف انو ملتزمه باللي طلبتو منك الف مره ما تنقصيها ففاهمه وما تقولي مشغوله ما ياخذ معك وقت ابدااااااااااااا الرقيه الشرعيه من النت اشغليها وانتي على الكمبيوتر كل يوم قبل النوم او اي وقت وارفعي الصووووووووت طبقي هذاااااااااااااا |
اوك حاضر ان شاء الله من بكرة باذن الله ......مشكورة كتييييييييييير والله يسعدك يارب........
|
وليه بوكره ليه التأجيل
ابدي شو اللي يمنع فمك من البدء بالتسبيح شو اللي يمنع انو الآن وانتي موجوده تدخلي الرقيه الشرعيه الصوتيه و تشغليها وانتي على النت ابدي فورا والفيتامين غدا انتي اطلبي من الصيدلي وقولي له احس بخمول وكسل وهو يعطيكي في فيتامين اسمو ب12 اقول لك الجوز بتعرفيه صح كلي كل يوم ثلاث حبات او اكثر يفتح الزهن ويقولو اللوز ايضا انما يكون ني الجوز واللوز وينزل الوزن ثلاث حبات لوز قبل الاكل بنص ساعه يزوب الشحوم ويمنع الكوليسترول |
ما بعرف يا جرين هلأ بهاي الاوقات احنا مشغولين كتير حتى ادعية المساء بنسى احكيهم من كتر الضيوف.....الرقية حطيتها امبارح قبل ما انام بصوت عالي وخليتها تعيد وتزيد........انا ضعيفة كتير خلقة والجوز عندنا غالي......انا بدي اسأل بابا عالفيتامين لانه دكتور صيدلي بس مش عارفة حيقلي شو بدك فيهم ههههه.......صدقيني عندي همة وحعمل الي قلتي عليه وادخل واقلك نفسيتي كيف بس اختي اجت وهيك وضيوف وحالة.....ححاول بذان الله اليوم قبل ما انام اضل احكي وربنا يسهل يارب......
|
| الساعة الآن 03:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©