|
ان شاء الله اكلمها
عاد والله ما ادري بس اكيد مو بكل البنات كذا |
إذا أصرت على الإنفصال إياك أن تطلق قبل الحصول على المهر كاملا هذا حقك شرعا ودينا وأخبرها إن أرادت هي فسخ العقد يجب أن ترجع لك كل ماصرفته وإلا لن تطلق أبدا ليست المسألة لعبة عندما قالت لك صرفت نصف المهر أرادت أن تخبرك أنها لن تعيده ولكن لاتسمح بذلك أبدا ومادام أنها عرضت لك برغبتها بأخيك فما أدري كيف نفسك تسمح لك بالبقاء مع من تعلم أنها ترغب بأخيك ... سهل الله أمرك
|
تصدقين ما فكرت بهالموضوع انها تحب اخوي كيف اعيش مع وحده تبغى اخوي
صح انا ليه ما فكرت بهالنقطه ؟ انا الحين متشتت جدا عندي ضغط في العمل انا اعمل ممرض في الإسعاف والله يعين وعقلي جدا مشغول بهالموضوع لدرجة اني ما اقدر احدد شي افكر فيه استحي اطلب المهر لكن اكيد بستعين بعد الله على الوالد في هالمسأله لو ما صار نصيب بينا |
واضح انها مشتته وضايعه..بس نصيحه اذا عرضوا عليك اختها لاتوااااافق ابدا
|
امل
ليه ما اوافق وش العواقب يعني؟ |
في قلبي شي عليها نفسي اضربها
ليه تقبل فيني وبعد ما جهزت كل شي ترفض في آخر شي يعني انا مو بإنسان احس مثلها ؟ المفروض انها رفضت من البدايه |
هي صادقه امل لاتاخذ اخته لو قالولك ببلاش لانوه تتعايرك انه اختها عافتك وهي تكرمت واخذتك حركات البنات اعرفها اسالن عنهم ولايضيق صدرك وانا اختك يمكن خيره انت افضل مليون مره من اخونا حياة افضل المسكين وش يقول انصحك تقرا موضوعه
|
حسبي الله ونعم الوكيل
لي عوده على الموضوع باكر ان شاء الله |
أخي الكريم نصيحة أصدقاءك لا تتبعها ولا تتزوجها غصبا عنها , ستسبب لك صدمات أكبر وأكبر الذي أنصحك به بدون مماطلة تتفاهم مع والدها وتخبر والدك بالموضوع , وتجتمعون جميعا وترون رد البنت النهائي , فان أصرت تطلب مهرك كاملا , والأثاث لن يضيع وتتزوج به غيرها , وترفض أختها ولا تفكر فيها أبدا , ثم تتوكل على الله وتبحث عن غيرها ما يدريك لعل الشقة حتى لا تضيع وتتزوج بست البنات ثق بالله أخي الكريم سيعوضك خيرا منها باذن الله |
هي فعلا سببها للأسف سخيف جدا
وخلاص بما انها مقفله الموضوع مابيدك حيله لاتفكر بالتكاليف وترغم نفس ماتبغاك واسفه على ذا التعبير والله يعوضك باللي اخير منها ,, |
أسمع وأنا أخوك زين . .
البنت أما انها رفضتك علشان أمك مو سعودية، أو يمكن ما اعجبها اسلوبك وشخصيتك ( معليش هذي احتمالات ) .. الحل ياحبيبي لو كنت مكانك أولاً . . رجع المهر حقك كامل، حتى أثاث الشقة اخليهم يدفعون فلوسه وياخذونه، الدعوى مو لعب ولا على كيفهم تأثث وتتعب والأخير يقولون لا !! أنا لو مكانك كان خلاص لو تجي لي عقب هالكلام اللي قالته وتقولي خذ مليون وتزوجني قلت لها لا . . أختها لا تتزوجها ،، خصوصا انها ماجت في بالك وانها مجرد بديل وهذا خطأ انك تسويه !! توقف عن التفكير في الزواج لمدة سنة، حتى تستقر نفسياً وتلتقط انفاسك وبعدين تفكر من جديد . . بس انتبه ثم انتبه ثم انتبه تاخذ فكرة الزواج تمشية حال اذا ماحصلت البنت ابي اختها لأنه حتى بعدين بيصير مشاكل إلخ .. هذه نصايحي لك واتمنى تفكر فيها جيداً . . |
يعني الصور هي اللي غيرت رأيها فيك ! طيب إذا كنت مملك عليها أقترح عليها تقابلها في بيتهم طبعًا .. >> يمكن ع الطبيعة غير .. : ) و إلا إنك تكلم والدك يكلم والدها ولا تأخذ برأيها لأنها للأسف مفكره الزواج والإرتباط لعبه بعدين ي أخي الكريم .. المهر هذا حقك .. ومافيه مخلوق بيلومك ع طلب إسترداده عسى إذا جيت تخطب مره ثانية بتجلس 4 سنوات تجمع من راتبك و تتسلف و تاخذ قرض خلك منطقي شوي .. و بعد لو عندهم ذوق و حياء بيردون لك كل شيء حتى الهدايا ... أطلب من الخيرة .. وأكثر الإستغفار .. الله ييسر أمرك ويفرج همك .. |
إيش صار اخوي
خبرت أهلك ؟؟وما موقفهم وردة فعلهم؟ |
عزيزي والله انا قلبي محروووووق عليك
الاخ اللي لفت انتباهك انه البنت مصرحه انها تحب اخوك وانت ياعيني طول الفترة هده مغبون على امرك جلست افكر فيها بصراحه اشوفها جدا صعب بالنسبه لي ماراح اتقبل وحده مرتبط فيها وتحب غيري زي ماقالو لك الشباب اذا وصل الموضوع للطلاق اصحك تطلق الا وماخذ كل مصاريفك منهم حتى لو عقلو البنت وقالو لها اركدي وقلهم ليش انت رافض تكمل المشوار معاها لانه بصراحه صعب ابدا زواجي ومن بدايتها مشكله سخيفه وبنت تحب لي واحد تاني انت ماسويت شي غلط قوي قلبك واطلب مهرك ومصاريفك كامل مكمل سبحان الله المجتمع يجرم الشاب لمن يلعب بمشاعر البنت لكن الان هده ماراح يعدونها جريمه وهي نفس الفكرة لعب بالمشاعر وزي مابنات الناس مو لعبه هم ايضا عيال الناس مو لعبه يا عزيزي ان شاء الله تحصل ست ستها ودور على الناس اللي يشترو الرجاله مثلك ماشاء الله عليك مو يزيدو عليك في المهر قال ماكفاهم 45 خلها معلقه الين مايرجعو المهر وانت دور على نصيبك ترى في عوايل ياعزيزي مهور بناتهم على 20 و ال 25 ناس تدور على الرجال مو تبيع وتشتري الله يسهل امرك |
كووووووووووووووووول الاعضاء يقولون اتركها
هدو الوضع ياعياااااااااااااااااااااااااااااااااااااال الهون ابرك مايكون حبيبي صاحب الموضوع انا بحط شوية احتمالات وانت شوفها واحسبها اولا: خوفي انك شخص نرجسي ومنبهر بجمالك وحلاتك عندها وربما اقووول ربما تحكي لها بطولاتك من اعجاب الناس وتحديدا البنات فيك ثانيا: انك ماتتغزل بها وبجمالها كثير ثالثا: يمكن البنت تختبرك وتشوف وش بتقول لان لما هي قالت خذ اختي اكيد كلامها كا ردة فعل لشي انت عملته رابعا : اذا انت تحبها تزوجها غصبا عنها وبعد الزواج بتحبك اكثر وبتضحك على نفسها وعليك خامسا: انت تتكلم في خسارتك الماديه كثير وماتفكر في خسارتك للبنت يلعن ابو ابو او الفلوس .... اسف ع هالكلمه بس لو كلامك هذا اعذرني .... انت شخص مادي اتكالي اناني ولو كلامك هذا قلته للبنت مالومها ع كلامها ترى الفلوس تروح وتجي وبكره بيصير عندك اضعاف اضعافها فلا تتكلم كثير في خسارتك طيب لو فرضنا انك تزوجت هل بتكون ربحان الموضوع صار صفقه تجاريه اخيرا : سو هالحركه لخطيبتك وشوف ردة فعلها رح لها ياطويل العمر وخل يكون معك ( مويه نار) في قارورة بلاستيك وقل لها انتي ترفضيني عشان وسامتي هاكي هذي موية نار وشوهي وجهي وشكليني ع كيفك اهم شي نكون لبعض بس قبلها اوعديني ان بعد ما تشوهي وجهي تبقي معي طول العمر وسلامتك |
اقتباس:
عفوا أخي الفاضل ..الأمور المفصلية في الحياة لا تبنى على أساس هش "كالعواطف المستثارة في لحظة معينة" .. أكبر خطأ أن نؤثر على الآخرين لحظة حسمهم لأمور مهمة ،صحيح سنستمتع فترة لكن حتما سيستيقضون بعد يوم ،شهر،سنة ليحدث مالا تحمد عقباه. // عموما أخي صاحب المشكلة :- أرسل لها أنك تريد منها رسالة جوال توضح فيها قرارها النهائي، ومعها فرصة إلى نهاية الأسبوع .. وإن لم ترد ستفهم أنها لا تريد الزواج. إن أتضح أنها لا تريد الزواج .. بلغ والدك ليتفاهم مع والد الفتاة ويوضح له أن الرفض من الفتاة نفسها .. ليتم استكمال الإجراءات. وإن لا سمح الله حدث الإنفصال .. أتفق مع الأخوة والأخوات حين قالوا لا ترتبط بأختها .. لأنك ستواجه مشاكل مستقبلية من الأخت ومن طليقتك السابقة ، والعلم عند الله. يسر الله أمرك،،، |
يامن انتقدني انا وسكوت
وجعلتن رأينا شماته ماذا تقلن هنا اخوي لازم الكل يدري عن رايها وتاخذ مهرك على داير شسمه تحياتي |
مسائكم سوكر
تهاوشت مع المدير اليوم في الهاتف ابي انقل من الإسعاف لقسم آخر :( انا ماعمري شكيت لها من المصاريف او شي ثاني ابدا ودايم والله اقول لها كلام رومنسي ومدلعها على الآخر ودايم امدح فيها واطيرها في العجه زي ما يقولون .. لكن ما ادري وش فيه مخها ! اتصلت عليها الصباح وصبحت عليها وما جبت طاري السالفه لكنها تقولي ها وش صار وش قررت !!!!!!!! انا قلت لها انتي وش قررتي قالت انا ما ابيك بكل صراحه تعال كلم ابوي وقله ابي اختها وانا بتفاهم مع الوالده تتكلم مع الوالد قلت لها لا تكلمين احد ولا شي انتي يعني خلاص ما تبين ترتبطين فيني نهائيا قالت لا قلت خلاص انا اتصرف وقلت لها مع السلامه وسلميني على خالتي انا ما قد جلست معاها لأن ابوها شديد وما يرضى رحت بلغت الوالده وقالت لي ولايهمك فيه احسن منها مليون ومثل هذا الكلام واتصلت على الوالد وكلمته وكان شوي ويطلع مع السماعه ويسطرني كف :) لكني قلت له هذا اللي صار وهي رافضه بقوه عطاني كلمه جارحه قام يعايرني بأخوالي بس عاد يالله مشيتها وسكر السماعه قلت انا ما ابي اعتمد على احد ودقيت على ابوها وقلت له الموضوع كامل قال تعال عندي اليوم لحالك وما يكون الا كل خير ان شاء الله والله كل هذا صار الصباح لاني كنت ابي اخلص الموضوع اما تقبل فيني او ترفضني ويرجعون لي المهر صح ؟ من حقي استرجع المهر صح؟ بروح له العصر بإذن الله وابسوي اعلان للبيت وببيعه مع اثاثه اذا ما صار نصيب هو اكيد ما راح يكون نصيب لأنها طلعت من خاطري البنت ما عاد ابيها والله حتى لو غيرت رايها |
زين ماسويت والله ونصيحه اذا رحت لابوها قله ابيها تجي قدامك وتقول كل اللي بخاطرها وانت لاتتنازل عن المهر خذ فلوسك كامله واذا قالولك خذ اخته قلهم انا لعبه بيدكم والله يسرلك كل خير انتظر جديدك اخوي
|
اقتباس:
|
والله مدري وش اقولك ؟؟
وش هالحال الي وصلو لة البنات ؟؟!!!!!!!!!!!! نسو هالحديث [ أيما امرأة سألت زوجها الطلاق من غير ما بأس فحرام عليها رائحة الجنة ] استغفر الله بس وكلة كوم وانها تقولك تعال وقول لابوي ابغى اختي ؟؟:23: لية حلاوة ولا كنبة ابدلها ؟؟؟ اسفة بس انسانة سخيفة:29: وماتستحق ابدا تكون زوجة بهالكلام عادي يعني انها تتطلق ؟ وتكون انت بعدين زوج اختها ؟ ووووووووووووووووووش تحححححححححححححححححححححححس فية ؟ |
بســألك سؤال واحـد
بتهز أحساسك انسانه قالت خذ أختي وانا آخذ أخوك ؟؟ |
البنت هذي يانها خبلة ماتدري وش معنى عرس وزوج وماتضرب لكلامها حساب !!!
أو تدري انك تحبها وتبي تقيس نبضك او تتغلى عليك .. او انها حاطة عينها على احد ثاني !!! لكن جرها مع شععععععععععععرها وفهمها وش معنى زواج لكن لاتؤاخذها على كلامها ترى البنات عموما قبل الزواج خبلااااااااااااااااااات مايدركون وش معنى زوووج ابد لين تتزوج وسنة وبعدين تبدا تتفهم تحمل طياشتها او قول لابوها ترى البنت تقول كذا وكذا وابوها راح يعطيك الزبدة ( يمكن تكون فكرة ابوها ) الله يستر عشان يزوجهن الثنتين . |
حاول اكثر من مرة
واذا لم يحصل نصيب فلا تطلق حتى يرجع لك جميع ماصرفته على الزواج بلا اي استثناء |
اقتباس:
نسأل الله الهداية والتوفيق للجميع. |
طيب ليه البنت تقول لك روح كلم ابوي وقل له ابغى اختها ما ابغاها
لو هي ماتبغاك كان هي تقول لابوها مش انت تروح لابوها ع الاقل لو هي رفضتك كا فلوسك ترجع لك بس لو انت رحت لابوها وقلت ما ابغاها .... مش بوزك ..... يعني مابيرجع لك شي وانا احس ان في حلقه مفقودة او شي مخبيه الاخ عنا طيب سؤال هل اخوك وسيم مثلك ولا لك عليه؟؟ وسؤال اخر هل خطيبتك حلوة؟؟؟ سوري بس عشان نعرف مكمن الخلل |
لا ماتهز احساسي لكن ليه ماقالت خل اخوك يخطب اختي طيب ليه قبلت فيني بعدين رفضت بعد ما طاح الفاس بالراس؟
لا طبعاً الحمدلله مو بربا انا اشتريت سياره واستلمتها ورحت ابيعها واخذت فلوسها رحت اليوم لأبوها جلست عنده ساعتين وشرحت له الموضوع وهو قال غريبه كانت البنت قابله وما فيه مشاكل وقالي لكن مايكون الا اللي تبيه ان شاء الله وانت عارف بنات هاليومين وزي كذا تقهويت عنده وجلسنا نسولف انا وهو واخوانها اثنين كلهم طيبين وذوق وماشاء الله يوم جيت اطلع لحقني اخوها برا البيت عند السياره وتكلم معي وقالي ترا لايهمك كلامها احنا ما قبلنا فيك الا عارفين انك رجال وسألنا عنك وهي يمكن قالت هالكلام وما استوعبت وش تقول وقلت خير ان شاء الله ومشيت وهذا اللي صار والله يا اخوان كل التفاصيل قلتها لكم ما خبيت شي واخوي عادي بس انه اسمر واخواني كلهم سمران وانا ابيض ومابي امدح نفسي بس الشهاده لله انا ازين منهم مو بتكبر بس عشان تكونون بالصوره ايه الخطيبه ما عليها حليوه ومملوحه |
انا عندي احساس فيه عنصر ثالث بالموضوع ..
بما اني بنت واعرف حركات البنات .. تلاقي صورتك عرضتها ع احد زميلاتها وشافوها وقاموا يمدحون فيها ومن هالكلام وقالوا احلى منك واجمل منك ووو طارت براسها مثل مايقوولون زياده انها معجبه بأخوك يمكن اللحين او قيل عليه من قبل او مكانته الاجتماعيه ووضعه جذبها اكثر ..وحبت ان اختها تكون من نصيبك بدل عنها الزبده لاتحاول تآخذ اختها ابداااااااا البنات يقولون كلام وبكره لهم عشرين الف كلمه .. الوضع بيكون جدا حساس لو أخذت اختها يكفي انك كنت ع تواصل ومكالمات معها وهدايا ودلع وووو وحتى لو ماتحبك بتبقى شخص مكشوف ومعروف لها ومافي اي خصوصيه بحياتك الجديده مع اختها .. لطالما الامر منتهي انهيه وشف لك بنت الحلال اللي ترضى فيك وقبل استخير وهي بتعرف قيمة قرارها بعدين .. واحساسي يقول بتجيك يوم ما بس انت لاتقول لأخوك اي شئ هي اصلا كيف تتجرأ تقولك ؟ كيف عطيتها فرصه بهالشئ ؟ لا تسمح لها ولا تعطيها مرادها .. لاتفتح لها المجال طنشها والله يعوضك خير .. |
هو صراحه انا كنت اتكلم معها في الجنس
يمكن هالشي أثر عليها ؟ |
أخشى أن يضغط عليها أبيها وإخوانها ثم تقبل بك تحت هذه الضغوط ثم تخيل حياتك مع إمرأة مغصوبة عليك ... أنا أتمنى أن يكون تراجع من نفسها أما تحت الضغوط فلن تنجح حياتك معها أبدا والله أعلم..
|
لاتخوفيني يابنت طيبه وتزودين همي
|
لاوالله ماودي أزود همك بس أبغاك تحط هذا السيناريو براسك لأن البنت قالت لك وبشكل قاطع ماأبغاك يعني حتى ماموهت كلامها معك حتى نقول يمكن ويمكن . استخير الله مرة ومرتين وعشر هذي عشرة عمر مو يوم ولا يومين عشان تجازف بحياتك وماتدري وين الله كاتب لك الخيرة
|
اقتباس:
هل انت تقول لها بقصد او بدون قصد انك اجمل منها واحلى او هل تحكي لها عن اعجاب الناس فيك .... البنات خصوصا |
بروح اكلمها :27:
واقول لها اذا ماتبيني تطلب فيخ العقد من ابوها عشان يرجع لي المهر مع انه عاز علي اني اتركها والله |
اقتباس:
ولا احكي لها عن اعجاب الناس فيني ولا شي من هـ القبيل |
هي اول كانت تتصل علي وتتكلم كلام مو بمفهوم ما ادري وش تقول
وبعدين تسكت مده واسمعها كأنها تبكي وبعدين تقولي امي وامي ماتحترمني وحاسدتني حتى على الزواج وهي دايم تتكلم عن اختها اللي اصغر منها وتقول هي اللي مدلعه وهي ماتحبني وانا اخليها تتكلم وارد عليها واوقف معها طبعا لانها زوجتي بس يعني ما قدرت افسر كلامها كله فيه تناقض كبير لانها اول كانت تقول اهلي يحبوني ويقدروني لازم انت تقدرني واهلي ما يرضون علي وكانت تمازحني وتقول ياويلك من اخواني لو تزعلني وكانت تسألني انت تدخن وانت تصلي او لا وعندك اصدقاء وتقابل مين في العمل وعندكم بنات او لا فكنت اجاوب عليها بس مره وحده قلبت وقالت ما ابيك |
أطلب منها السبب الحقيقي الذي جعلها ترفضك
ربما كان ذكرها لأخيك و أختها في الموضوع وسيلة لتنفيرك منها |
اقتباس:
ايواااااااااااااا هنا مربط الفرس اجل البنت تتعرض لضغوطات من امها ع حسب كلامها الغير مفهوم انصحك ما تسأل فيها ولا توجع راسك ولاتسمع كلامها وخل بالك وسيع وخل كلامك مع ابوها بس استمر في امور الزواج بس بما انها تتعرض لضغوطات فلازم انت تقوم بدور المنقذ وتتزوج بسرعه لو انا منك اطع كل اتصالاتي فيها وانت تقول ان ابوها رجال ماعليه كلام واخوانها بعد خل علمك من راسك لراس ابوها وكب البنت عنك واضح ان فيه مشاكل داخليه او يمكن امها تمزح معها وهي حساسه بزياده وهي تاخذ الامور جديه |
أنا رأيي تكلمها وتقولها أطلقك رسمي بالمحكمة بس ترجعون لي مهري
صرفتي نصه صرفتي ربعه 55 ألف ريال أبيها علشان اخطب وحدة ثانية واتزوج بأقرب وقت ومن حقك ياخي شرعاً اذا هي ما تبيك ترجع لك مهرك كامل واذا انت ما تبيها ترجع لك نصف المهر |
مدري
|
| الساعة الآن 05:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©