|
والله الأهل مدري كيف يفكرون,,لكن الأغلب انهم يحرصون على مصلحتنا.
الوالد على قولتهم ديمقراطي ,يقول لي ترا مافيه حاجه إذا شايفه أحد عاجبك خبريني ,,بيني وبينكم هو فيه >>>لكن أنا لو يذبحوني ماقلت لهم منه !! أدعي ربي والله يكتب الي فيه الخيرة.. |
الأخ مبحاث اسعد الله اوقاتك بالخير
اشكرك على كلامك الطيب وتعليقك الجميل والذي يدل على رقيك بارك الله فيك اقتباس:
ولاكن اختلفت الصيغه اقتباس:
قلي الآن من الخطاء منه في تعنيس هذه البنت هل هو من الأهل الي يعرفون الرجل عن قرب واقصد هنا والدها واخوانها ام من الولد ام منها هي المنطويه بغرفتها وبيتها لاتعرف الدنياء ولاتعرف عن هذا الخاطب إلا اسمه |
مبحاث لافضا فوك
كفيت ووفيت |
ذوق أظن أهلك يا عزيزتي يرون فيك اندفاع غير مبرر انا أهلي ليسوا كذلك ولكن عادي تحط أمي عيوب في الخاطب وبالاخير أشوف كلامها يصدق ... شخصيا أؤمن وبشدة أن للأهل نظرة لا يجب أن تغفل أبدا الغالية آفاق المجد الخاطب هذا اللي سويتي انت وياه الفحص خيرة ربي ان صرفه الله عنك صدقيني الرجل الشاري لن يفعل مثل ما فعله ذاك الرجل عرفت عن شاب رأى مشاكل أهل خطيبته عن قرب رآها بعينيه ومع هذا متمسك فيها لآخر لحظة مع انها مشاكل كفيلة انها تطفش أي خاطب ولكنه شاري البنت ودينها وأخلاقها وجمالها الله يوفقهم ويهنيهم فهذا تخلى عنك مع أول تأخير وليس عثرة فكيف بالمشاكل الكبرى العميقة ماذا سيفعل على قولتهم عندنا زعل بو يعل:d |
السلام عليكم ورحمة الله وبركاته
في البدايه اهنيكي على هذا الموضوع ثانيا اضم يدي الى ايديكم فللاسف اهلي من هذا النوع اترككم مع مشكلتي وانا مازلت في المشكله واريد نصحكم ورائيكم انا الان دخلت في عمر الثلاثينات ومريضة سكر متعلمه جامعيه ولله الحمد تقدم للخطبتي شاب اصغر مني بثلاث سنوات اي في نهاية العشرينات على دين وخلق لم يكمل دراسته الثانويه للظروف لا نعلمها الى الان لكنه مجتهد ويريد الان اكمال دراسته يبحث عن شغل مستمر لانه الان يعمل دوام جزئي وعلى حسب الموسم للأسف امي واخواني رفضوه لكن ابي شاف فيه ملامح الصلاح وانا استخرت اخواني رافضينه بسبب انه لم يكمل دراسته وانه متطوع والنظره عند الشباب للاسف ان المتطوعين يكونون لهم سوابق او متعصبين للدين امي رافضته لانهم ليسو من مستوانا الاجتماعي ونحن ناس متعلمين وهم بدون علم وشهاده أنا استخرت ومازلت استخير لكن اخواني رافضين حتى السؤال عنه وانا وابوي ضايعين في الطوشه وابوي كبير ومع قول الرسول صلى الله عليه وسلم "اذا اتاكم من ترضون دينه وخولقه فزوجوه " ابغى مشورتكم اولا" بالنسبه للعمر وانه هو الاصغر (ابغى راي الشباب بالذات في هذا السؤال ) وبالنسبه للمرضي ثانيا" العليق على الموضوع كاكل وهل اوافق عليه او لا لانه مبدأيا" في نظري ونظر ابوي جيد شاكره لكم مقدما" |
أخوي أبو شنان ، أشكرك على رقيك وحلمك ، وأعتذر عن شدتي في الكلام ..
اقتباس:
هي إنسانة رشيدة عاقلة بالغة ، وبيني وبينك شرع الله ، والرسول صلى الله عليه وسلم يقول : ( لا تنكح البكر حتى تستأذن ) ، ما لهم حق أبدا أنهم يجبروها على هذا الزواج ، ويمكن يكون عندها سبب مقنع لكنها تستحي تقوله ، وحتى لو ما عندها سبب مقنع البنت ما ارتاحت له ، واذا ما كانت مرتاحة له فمن الظلم أنهم يزوجونها اياه ؛ لأنها ما راح تعامله معاملة حسنة وبالتالي مصيرها الطلاق .. وأهلها ما لهم حق يعطونه كلمة ويأخرونها عن الزواج بسببه ، أهلها آثمين لأنهم عضلوها عن الزواج ، المفروض إذا تقدم لها شخص صالح بعده ياخذون رأيها وإذا كانت موافقة يتمون الزواج .. لكن أهلها رفضوا كل من تقدم وأجبروها على هذا الشخص اللي هي ما تبيه ولا تواطنه ، وكأنه عقاب لها يا أنك تتزوجيه أو ما في زواج ! بأي حق ؟! يا ويلهم من الله ! |
الصرآحه تفكير من العصر الحجري ويش دخل اخوهـآ يدخن والله ابوها والله جارهـآ
ويش دخل الدراسة والسنين والكسسل بزواج نـآس فآهمه ان البنت معرض سيآرة هههههههه |
اقتباس:
حتى لو آنه راهق وترك الدراسة بس الحين رجعت الطاسسه مآلهآ دخل رفضضهم وما خبتي وخسرتي يوم استخرتي وكلام آبوك هو الصحيح |
ابشرك اخوي مبحاث جاني تبلد من كلامهم وماصار يفرق معاي لاني مستخيره وبشوف نهاية السؤال والبحث وبمشي وراء كلام ابوي لاني اثق في نظرته وحكمته
صـــــــح قريت الموضوع الي انت عارض فيه مشكلتك وفهمت سبب وقفتك معاي ..... بس استشاره لا اكثر لو انك مكان الرجال توافق بوحده نفس حالتي ؟؟؟ |
اقتباس:
فرق ثلاث سنوات مو كثير ، وبالنسبة للسكر أضراره على الرجل أكثر من أضراره على المرأة .. وهو مرض منتشر وصار شيء طبيعي .. أنا لو ألقى أكبر مني بسنتين أو ثلاث سنوات تقبل بي ولا تعاملني على أني صغير وتحس أنه اللي بيني وبينها صداقة ومقتنعة فيني فما راح أتردد أبدا .. ولو كنت متعلق فيها وأعرف عنها فما راح يردني بعض ظروفها الصحية أبدا .. وانتي المفروض تنظرين للموضوع من ناحية إيجابية ، هو إذا كان يعرف أنك أكبر منه وأنك تعانين من السكر وأصر على هذا الشيء فأكيد أنه قادم على الموضوع بشدة ويشوف فيك شيء ما شافه في غيرك .. وبالنسبة لموضوع التدين ، يمكن يفيدك هذا الموضوع : http://www.66n.com/forums/showthread.php?t=226284 وفي غيره كثير في المنتدى حول هذا الموضوع لكن ما عندي روابطها .. والله يوفقك ويكتب لك اللي فيه الخير ، وأهم شيء رأيك ورأيك أبوك .. |
اقتباس:
الحمد لله على كل حال |
اقتباس:
على سعة بالك اقتباس:
اخي مبحاث اخالفك بالراي المسؤوليه تشملهم كلهم بنسب مختلفه اقتباس:
لابد اخذ رأيها واذا رفضت والرجل كفؤ فلابد اقناعها فهي مهما كان تعتبر جاهـــله بالمتقدم اقتباس:
وايضا الا ترى اصرار هذا الولد عليها وعدم تركها اقتباس:
لماذا لاتقول وتنطق لو كان لواحد فقط من اخوانها هذا من حقها والمفروض إذا كانت واثقه من اسبابها تقف بوجه اهلها اقتباس:
خلك واقعي انت رجل واعي وفاهم كيف ماأرتاحت له وهي لاتعرفه ماهي هذه الراحه المزعومه هذه الكلمه انا لم افهما وقد سمعتها كثيرا بهذا الزمن فلانه ماأرتاحت لفلان وتسألها ليه طيب ماأرتحتي ؟ تقول بس كذا ماأرتحت ؟؟؟؟؟؟؟ مافيه شي اسمه بس كذا نريد السبب اسألك بالله إشرحها لي اقتباس:
وليس بشرط ان مصيرهم الطلاق انا اعرف زوجين صار معاهم نفس الشي والآن عايشين بيت وابناء الله يخليهم لبعض لهم الآن تقريبا 15 سنه متزوجين والغريبه انها كانت تصارخ لا اريده لا اريده والآن لو يغيب عن البيت 10 دقائق انشغل بالها عليه وتتصل تسال عنه اقتباس:
وانا برأيي انهم جميعهم مخطئون الأهل والبنت والولد والمفروض مايطولوا بالخطبه ويتأخرون اما يتمموا الزواج او ينهونه وبلاش ضياع سنين زايده اقتباس:
اقتباس:
هل هي تعرف المناسب لها ؟ هل هي تجالسهم وتعرف عنهم مايعرفه الرجال ؟ ماهو الحل إذا تقدم لها شخص دينه واخلاقه مش ولابد والذي رفضته اطيب منه مليون مره وسألوها وقالت موافقه ماهو شعور الأهل اتوقع صدمه كبيره ولن يرضوا ابدا اقتباس:
وفقني ووفقكم الله |
موضوعك رائع
وانا كمان عندي حاجة قاهرتني في هالمجتمع وتفكيرة وانتي ماتتطرقتي له::::: ليش الشاب لما يجي يتزوج اهله يدوروا له على وحدة اصغر منه بكثير واحيانا هو الي يطلب وحدة صغيرة مرة راح احكيكم بالي صار لي ................. تقدم لي شاب عمرة 28 سنة بس ماعرفت عمرة ولا عرف عمري الا بعد النظرة الشرعية في البداية كنا نسال عن كل شي اخلاقة؟ وظيفته؟مدخن والا لا(الحمد لله مو مدخن) ؟ راح عن بالنا نسال كم عمرة توقعت عمرة 28 او 29؟ وكمان اهل العريس ما سالوا بالبداية عن العمر سالوا عني عن اهلي وعاداتنا ؟تخصصي بالجامعة ايش كان لاني متخرجة لي كم سنة ؟ المهم بعد اسبوع تمت النظرة الشرعية وشافني وشفته وارتحنا لبعض الي صار وهذا الي قاهرني: ان امه اتصلت بعد يومين وقالت ولدنا يسأل عن عمرها واحنا قلنا ماندري وماسالنا ؟ الا بنتكم كم عمرها؟ قالت امي: 27 او 28 ...امي ماهي متاكدة من عمري قالت 27 سنة ؟ قالت ام العريس: يوووه كبيرة احنا كنا نبغى وحدة عمرها 20او 24سنة بس يالله الله يتمم على خير؟ انا لما عرفت انقهررررررررت مرة وماكنت متحمسة للزواج منه ابدا ومتوقعة انه برفض وانا كنت متوكلة على الله والي بيصير يصير ماوقفت الدنيا عليه وكل ما رن التلفون قلت اكيد اهل العريس بيقولون لنا مافيه نصيب المهم اتصلوا بعد اسبوع وقالوا:::: خلوا بنتكم تسوي التحاليل الي قبل الزواج ولدنا سوا التحالي بس احنا نستناكم؟ لما قالت لي امي يالله هاليومين سوي التحاليل جلست اضحك من قلبي قلت ايش خلاص وافق ابو الشباب عجبه عمري والا عجبه شكلي ؟؟ واهله رضيوا بالواقع بس الحمد لله حسيت انه نصيبي وانه مكتوب لي وتمت الخطبة والزواج والحمد لله علما ان الفرق العمر بيني وبين زوجي شهرين بس هو اكبر مني بشهرين يعني كلنا اعمارنا 28سنة بعد الزواج سألت زوجي : وقلت ابسألك سؤال بس تجاوبني بصراحة؟ قال: طيب. قلت له: انت كنت تتمنى وحدة اصغر منك ليش؟ قال :اتمنى انك ماتفتحين معي الموضوع هذا مرة ثانية خلاص انا تزوجت وراضي فيك الحمدلله؟ بس انا ايش قلت له: قلت له: بصراحة انا ماكنت اتمنى واحد اكبر مني بكثير اقصى حد سنة واحسه كبير, وكنت متوقعة انه راحج يجيني واحد اصغر مني وعادي. وهو جالس يضحك وما علق وانا الي قلته له فعلا كنت اتمناه تفكير المجتمع التعبان هو ::::::: ان الواحد لازم يتزوج وحدة اصغر منه عشان يدلعها وبكرة هو يكبر وهي تبقى لسا صغيرة وتخلف اكثر والبنت لازم يخطبها واحد اكبر منها عشان يدلعها وتصير صغيرة بنظرة وربي الدلوعة دلوعة لو عمرها 80 سنة والدبشة دبشة لو عمرها 15 سنة حتى هالتفكير عند اخواني يتزوجون حريم اصغر منهم بكم سنة لكن بعد كم سنة يتعبون معاهم واحد من اخواني تزوج وحدة اصغر منه ب10 سنين وكان فرحان محد قده لكن حاليا الله يعينه تعبااااان معاها تفكيره جدا سطحي عندها عيال منه ومتعبته ولازم بعد كل فترة تروح لاهلها زعلانه ومتسخطة وهو يجلس زعلان ومتحسر حتى لما يرجعها ماترجع حياتهم تمام نفسي اقله :هذا للي يدور الصغيرة ويدلعها وتدلعه الله لاشماته تعليقكم واتمنى مايكون فيه احد تفكيرة زي كذا |
اقتباس:
الأهل طبعا ! على حسب كلامك الأهل كأنهم يقولون لها إما تتزوجين هذا الشخص أو تقعدين بدون زواج ! المفروض أنهم يردون هذا الشخص ؛ سواء عرفوا السبب أو ما عرفوه ، وبعدين أنت ما تدري يمكن سمعت عنه شيء ، وحتى لو ما كانت تعرف عنه شيء يمكن ما تبي تتزوج إلا من جماعتها أو من فئة معينة من الناس ، أو يمكن عندها سبب محرج ما تقدر تقوله ، وعلى كل الأحوال اللي حصل أنها ما تبيه ، حتى لو كان لسبب تافه أو بدون سبب ، فكيف يجبرونها على شخص هي ما تبيه ؟! والمفروض بعد كذا إذا تقدم لها أي شخص بعده ووافقت عليه أنهم يزوجوه ، حتى لو كانت أخلاقه مش ولا بد زي ما قلت ؛ لأنه محد حرم تزويج الفاسق .. |
اقتباس:
|
اقتباس:
عآدي كل وآحد ياخذ اللي يبغى :28: أهم شيء يكونوا مناسبين لبعض |
اقتباس:
الأهل والبنت والولد جميعهم آثمين وجميعهم مسؤولين عن ضياع السنين الأهل : علقوها كذا لاهم الي زوجوها هذا الولد ولاهم الي رفضوه وانهوا موضوعه ولاهم الي زوجوها غيره. البنت : ماقبلت بمن يرضون اهلها دينه وخلقه ولم تبدي اسباب رفضها وهذا هو وقت الكلام لاكن سكتت والنتيجه مره. الولد : ماتركها بحالها وتزوج غيرها اقتباس:
انا ماابي اشتري سياره جديده لأني اخاف من الحسد انا ماابي اجالس فلان لأنه مايصلي انا ماأبي اسافر بالطائره لأن عندي الظغط عالي انا ماابي اشرب الغازيات لأنها تضر بصحتي الآن انت عرفت ليه انا ماابي اشتري سياره ولا ابي اجلس مع فلان ولا ابي اسافر على الطائره ولا ابي اشرب الغازيات السؤال هي ليه ماتبدي اسباب رفضها وتحكي لأهلها وعينها قويه اقتباس:
بيديها ورجليها ماراح تتزوج إلا رجل يرضونه الأهل والنهايه زي منت شايف البنت لاتستطيع عمل اي شي هل تستطيع ان تذهب وتتزوج بكيفها بدون علم ولي امرها ؟ |
تصدقون الله يسعدكم نسيت السالفه ههههههه لهيت بالدنيا وأشغالها .... ولاعاد يهمني الخاطب وشو من لحية مالي الا نصيبي لو وقفوا الناس بوجهي كللللللللللللللللللللللللهم ...
ثاني شئ الحمدلله الذي ابان الحق ... فأهلي الآن يشعرون بالندم الشديد على بعض تصرفاتهم ورفضهم ... والله أرى الندم في كل تصرفاتهم وفي نظرة عيونهم ...... الحمدلله على كل حال.... مشكورين على هذه الردود .... وعلى هذا التفاعل ... وشكرا لكم على إثراء الموضوع . |
| الساعة الآن 04:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©