|
لا حول ولا قوة إلا بالله
الله يجعل لك من كل هم فرجاَ ومن كل ضيق مخرجاً أنت والأخت الغالية فاقده شي ويابخت من بات مظلوم مو ظالم.. |
الله يعوض عليك بالزوج الصالح المحترم على خلق و دين "وان يتفرقا يغني الله كل من سعته'
|
ماشاء الله انتي وراك ظهر واهلك حاطينك بعيونهم
ثلاث ارباع الزوجات الراغبات في الطلاق سبب بقائهم مع ازواجهم هو انه ماعندهم اهل ينشد فيهم الظهر نصيحتي لك ولدك ولله الحمد ذكر وليس انثى وماينخاف عليه باذن الله الشيء الثاني انا لا أويد تضحية الزوجات من اجل الابناء , حتى ولو كانوا خمسة وليس واحد الابناء ياعزيزتي سيظهر لهم جناحان في يوم من الايام , وسيطيرون سيتزوجون وينجبون ويعيشون حياتهم , ولو لاسمح الله قد لايكونون بارين الى درجة ان تضحي بحياتك من اجلهم برأيي انتي صغيرة , ووضعك مع اهلك ممتاز , وقد يتقدم لخطبتك الافضل عيشي حياتك , العمر مرة واحدة , من حقك تعيشين الحب والامان مع زوج يسعدك وبإذن الله ستنجبين االابناء والبنات الذين بالتأكيد لن ينسوك ابنك الاول , ولكنهم سيملؤن عليك حياتك وابنك سترينه دائماً ولا تنسين انه ذكر , يعني ليس مقيد كالانثى وبالتالي سيكون تواصله معك شأن يخصه هو , وليس لأبيه سلطان عليه خصوصاً اذا اصبح رجل |
عزيزتي غدا اتخاذ القرار ..!! طمنينا شو قررتي .. ربي يسهل عليك ويجبر بخاطرك .. |
اقتباس:
فكرت زين والله يكتب الي فيه الخير ان شالله انه مايماطل فيني الله يخارجني منه ويكفيني شره |
ونعمى القرار
رددي اللهم اجرني في مصيبتي واخلف لي خيرااااااا منه |
اولا اسأل الله ان يوفقك
لا يملك شخص غيرك القرار الصحيح انت عشت معه خمس سنوات هل هذا اول موقف ؟: قد يكون الاول واالاخير ..... انا ما احثك على التضحيه والرجوع لكن حبيت انبهك وانبهك في مجتمعي ( جحيم وسجن) ينتظر المطلقه انت وولدك تعودوا على حياه مستقله ورخا\ء مادي وبيت انت سيدته الاولى رغم اي ظرف حريه واستقلال لا تنالها ابنه مجتمعي الا تحت لوا\ء الرجل ... الزوجه يحق لها مالا يحق لغيرها عكس المتأخره في الزواج والمطلقه الكل يتدخل في حياتها من اصغر اخ انولد علي يديها حتى السائق اللي يوصلها اويحضر لها غرض؟:؟:؟:؟: الاهل رغم تقديري لهم سيشعرون بالملل والضجر منك ومن ولدك طال الزمن او قصر وسينصرفون لحياتهم الزواج الثاني؟:؟:؟:؟: اول من يضيع ولدك وراح تكوني الزوجه رقم 2 او 3 اذا قررتي الصلح افرضي عليه شروط ويتعهد ان لا يمد يده مهما حصل وحاولي ان تروضيه ياعزيزتي حتى الوحوش تستجيب للحنان وترويض الزوج لا يكون باللبس والشموع والورد بل بالحنان بالحب بالبسمه بالنعومه انت الان معاناتك عنف الزوج لكن لو تطلقتي ااااااااااااااااااااه ياعمر الشقاااااااااااااااااا وطمنينا بالله عن احوالك |
شي معروف الولد اذا تطلقة امه بتاخذه والبنت بياخذه ابوها يعني الولد راح يخيرونه وان شاء الله راح يختارك وانتي باقي صغيره وهو مقدر قيمتك والرجل اذا مقدر قيمة زوجته افضل شي ان تتركه والله يعوضك خير منه
|
افهم من كلامك انك متخرجه لك فتره
وراه ماتسافرين معه وش وراك الا اذا كنتي موظفه وبعدين خذي عهد عليه قدام القاضي والشهود ان المره الجايه لو اعتدى عليك هي الضربه القاضيه هو حاط بباله انك متعلقه فيه ولا راح تلقين زيه اتوقع انك استخرتي ؟؟ ولو ماستخرتي استخيري اختي مرت بحياتي ضروف كنت خلاص بترك زوجي والحمد لله حياتي من احسن في احسن مافي شي كامل وانا اايد الراي اللي يقول ناديه هو وابوه واجلسي معه انتي وابوك واخوانك سوا وتكلمي قولي كللللللللللللللللللللللللللللللل الي بخااااااااااااااااااااااطرك كله كله لو تكتبينه بورقه احسن ولو تبين تبكين قدامهم احسن واحسن هذا رايي عن تجربه ؟؟؟ |
للاسف ماحضر امس فتاجلت لوقت ثاني بعد شهر ونص
حسبي الله عليه بس حبيت استفسر فيه شخص قريب لنا يقول ان زوجي راح لمحامي يبي يرفع قضيه انا خايفه تكون ضد اهلي لانهم مهددينه لايجي البيت اخاف يقول انهم حرموه يشوف ولده ياليت اذا احد يعرف شي يطمني |
وراه ماتسافرين معه
وش وراك الا اذا كنتي موظفه لا مو موظفه بس كان ياخذني اذا جته دورات غيرها لا يقول ممنوع عاد مدري صادق ولا يكذب مافيه احد طيار من اقاربنى يعلمني الصدق |
اقتباس:
لا يفيد معه العناد والقضايا الجلسه تأجلت مره و ممكن مرتين وعشر؟:؟:؟:؟:؟: في جميع الاحوال انت اللي بتدخلين دوامه الحل ؟: تشوفوا شخص ثقه حكيم من اهله له عنده مكانه ويقنعه بحل الامر بينكم وديا بخصوص الاستمرار او الانفصال وحضانه الولد .. الله يوفقك ويسهل امورك..... |
حبيبتي اذا زوجك أول مرة يضربك بالهشكل العنيف أعتقد أن الوضع ما يستدعي الطلاق
انا لي 7 سنيين متزوجة حياتي ما شفت حد من أهلي يضرب أو ينضرب (أمي أبوي أخواتي) أنا زوجي بعد سنتين من زواجي ضربني مرتين مرة واحدة منهم بشدة وقسوة والله اني لا اذكر حتى السبب اكتشفت انو اختلاف الطباع وردو الأفعال هي سبب مشاكلنا يعني لو زعلان او مهموم ما يحب حد يسألو أو يقرب منو الا هو من نفسو يقول زوجي كان في بداية نزوة والله الحمد انو الموضوع انتهى على خير زوجك أعتقد أنو يحبك بشدة بس هو يمكن في أزمة مش شرط يكون عينو على وحده ثانية بس يمكن اختلاف البيئات الي يشوفها كل مرة ويمكن يكون علاقة مع حدة قد تكون ليس من جنسك أو ديانتك يكون الموضوع عامل له أزمة نفسية حاولي ترجعي بيتك بشروط خاصة ان أهلك في صفك راقبي زوجك من غير ما يحس ومن دون ما تسأليه اذا في شي يعني خلي كل اهتمامك لنفسك ولابنك وبس و خلي عيونك مفتحة في نفس الوقت الكلام السيء البذيء والضرب أكيد مش من بيئة أهل زوجك من مجتمع زوجك يعرفوا حاولي يا أختي بيتك وحياتك يستاهلوا انك تحاولي وتحاولي حتى تكسبيهم انا ما أقول تضحي بنفسك لا تحاولي تعرفي و ين الخطأ بالذات انو شيء عارض مش شيء هو اصلا اتربى عليه اختي انا مش خليجيلة لكن أعيش في مجتمع خليجي تربيت و نشأت هنا، و الطلاق بالنسبة للخليجيات بادية مأساة وصدقيني جربي محاولات إصلاح لا تضحيات وان شاء الله حياتك تمشي أحسن من الول والله اني مريت ب 3 سنوات مشاكل لا يعلم بها الا الله وحياتي ما فتحت فمي بكلمة لإنسان مراعية ظروف مرض والدي و الحمد لله أن حياتي الآن ومن أربع سنيين تسير على أحسن حال واتفاق و حب اللهم يديمه يا رب العالمين |
يرفع قضية!!!!عجبي
اذا كنتي ممكن تأمنين حياتك حاولي بس عني انا شخصيا اشوفه لااااااايستحق وارجع واقول وجهة نظر شخصية وانتي تظلين ادرى الله ييسرلك ويفرجها عليك |
الله يفرج لك وينور بصيرتك وعلمينا وش صار لك .. انا عجبني كلام العضو (الولهاااان)في قضيتك حنا في انتظار قرارك ...
|
بعد قراءة اغلب الردود ارجح لك العودة مع اخذ التعهدات اللازمه منه وأولها علاج نفسي
للتأكد من خلوه من العقد النفسية التي قد تكون سبب في تكرار الضرب فرجوعك الان له مبرران لانك لاتودين الطلاق من اجل ابنك ولانه ومن وجهة نظري زوجك فيه مميزات اخرى مثل الكرم واهله الطيبيون حسب ماذكرتي بالاظافة الى اننا لابد ان نعطيه (فرصة) فكيف ننهي حياتنا من اول خطأ !؟ فطلبك له بالخضوع لاستشاره نفسية سيوفر عليك عناء تجارب اخرى مريرة معه ان كان فعلا لديه عقد او اضطراب نفسي حتى بتوقيعه على تعهدات بعدم. الضرب والمساس وبرأيي ان يتم هذا الشرط بدون علم اهله او حتى اهلك وياحبذا لو يتم الطلب بينك وبين والده بحيث تستطيعين اقناع والده بالمنطق وان يكون هو الوسيط الذي يقنع زوجك وابنه بهذه الخطوة واسأل الله لك التوفيق |
الله يفرج همك غروب..انا نفس مشكلتك ضرب واهانه وتحقير وبخل واستغلال مادي..بس عندي ولد منه وخايفه عليه ماودي افقده او يتشتت ويضيع..بالله عليك اختي علميني وش صار معاك..طمنيني هل كسبتي حضانه ولدك وكيف وضعه الان..لاتنسيني غروب في لك اخت بالاسلام تنتظر ردك على احر من الجمر ابي اعرف ويش مصيري انا وولدي قبل مااتخذ اي قرار ..الله لايحرق قلبك على ضناك ولا يحرق قلبي على ضناي..احنا ضحايا رجال فاهمين الحياه الزوجيه اذلال واستعباد بس الله ينصرنا وينصر كل مظلومه يارب
|
كن فيكون تسلمين على الدعوه والله يفرجها علينا
والله للحين مصار شي بس المحامي يقول حضانة الولد تكون لي ونفقه شهريه من ابوه له في حالة اني ماتزوجت واذا تزوجت تسقط حضانة الولد واذا ماتزوجت وبلغ سبع سنين يخير الولد بينى بس نصيحه لازم تكونين واثقه ان هلك بيوقفون معك في الصغيره والكبيره لان المحاكم وجع راس وصعبه تكونين لوحدك |
أسأل الله أن ينصرك وبفرج همك..
|
الله يكون في عونك ، ماشاء الله عليك انت امرأة قوية وان شاء الله ربنا ينصرك
|
هذا شرع الله انه مع امه لحد السبع ويخير بعدها بس ماتدرين عن القضاة عندنا..والحمد لله اهلي معاي بس تعرفين الاهل ماودهم بالطلاق وكلام الناس والشماته..لكن اذا ماتغير انا راح اخلعه ..انا بعطيه فرصه وشوف..مع ان ذيل الكلب ماينعدل لو ايش..بس مادري يمكن الله يهديه وهذي امنيتي..معليش غروب اختي اذا جد شي معاك عطيني خبر تكفين..الله لايحرمك من ولدك ويكفيك شره ويعوضك بافضل منه ويسخر لك قلوب عباده
|
عزيزتي غروب لماذا الجلسات
ولماذا تنتظرين لكي يطلقك القاضي منه لما لا تخلعينه ردي اليه مهره واخلعيه غير مأسوف عليه |
اقتباس:
ليش ارده له وهو الي سواه فيني قليل لو يموت مارجعت له ريال عادي ماني مستعجله على الزواج لو اجلس سنين معاد ابي اتزوج خليه يسوي الي يبيه بس مارجع له المهر |
زوجك مريض نفسي على ماظن بس الحل انك تستخيرين واله يفرجها يارب والله يعينك
|
السلام عليكم ورحمة الله وبركاته
اختي غرور الكثير هنآ يتكلم بكلام غير منطقي ولكن يوجد من لديه فكر واعي ،، اللي يقول مريض نفسي ، واللي يقول مسحور << كل هذا كلام ليس له في الواقع اي دليل اختي غرور المشآكل في كل بيت مافيه بيت خالي من المشآكل ولا تفكري في الطلاق واستخيري عشرات المرآت والطلاق اخر حل توكم مالكم الا خمس سنوات والدنيآ مليآنه مشاكل وهو بحكم انه طيآر اذا طلع من عندك مايدري هو يرجع لك والا لا تري الوظيفه هذه فيها قلق وخوف وماهي هينه لكن فكري بمنطق وفكري في ولدك زي ماتفضلوا بعض الاعضآء اشرطي شروطك والدينا وانا واخوك لسا بخير الطلاق مو لعب بينكم ولد وش ذنبه مسكين فكري في مستقبل الولد راح يعاني من اضطرابات في حيآته والسبب انتي وزوجك والفتره هذي اللي انتم فيها تعلمكم دروس كثيره الحين امكن يفكر فيك وانتي ماتدري ،، سبحان الله رب ضآرة نآفعه لا تستعجلي على الامور امكن انه يوم ماجاء المحكمه خيره لك ولولدك الله يولف بين قلوبكم وييسر لكم اموركم يارب لك تحياتي |
| الساعة الآن 01:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©