|
رد : شاركوني همي مع أزمة الشغالات :-D
المشكلة ، إنه زوجي اللي يبغاني أجيب شغالة ..
و كل شوي يقولي سيبي كل شي ، نجيب شغالة .. قلتله عشانك ما تحس بقرفهم و قلة أدبهم و طولة لسانهم .. عشان كذا أنا أكرهههههههههههههههههم و ما أبغاهم .. و لا أتحملهم في بيتي .. و مرة جاب لي وحدة تاخد 2000 ريال بالشهر .. رفضت و قلت له ( أنسى ) .. قال لي ( أنا أدفع الزيادة من عندي 200 ريال ) .. قلتله الحكاية حكاية مبدأ .. مو فلوس .. . . أنا بيتي أصلا مافيه شغل ، و نص الشغل أنا شايلته و ماني من الريم اللي يرموا الشغل عالشغالة .. و الملابس أنا أغسلها بنفسي ، و أولادي أنا أهتم فيهم و أأكلهم و أشربهم .. فوافقت على أسعارهم 1800 ، بس عشان خاطر أولادي و راحتهم و عشان دوامي .. و شايفته كثير عليهم مع شغلهم هذا .. بس توصل لألفين كمان ؟ مرررررررررررررة أنسى .. يقولي 200 أنا أدفعها من عندي ، قلتله هاتها أنا أولى بها :D . . خلاص من جد ، قررت ماني جايبتهم دحين .. بس ضروري وقت الدوام أحتاجهم ،، و هما بعد رمضان بنفسهم راح يدوروا عن أي بيت ياخذهم و أسعارهم تقل .. وقتها بأجيب اندونيسية إن شاء الله .. :( . . |
رد : شاركوني همي مع أزمة الشغالات :-D
طيب جيبي باسم اخوك
اوباسم زوج اختك او خالك او اي احد من اقربائك وعوضوه بالفلوس يعني زي كانك شريتي منه الموافقه انه تكون باسمه عشان محد يتمنن عليكي |
رد : شاركوني همي مع أزمة الشغالات :-D
أزواج أخواتي مقدمين لأخواتي و لأمهاتهم ..
و أقاربي كلهم مقدمين شغالات بأساميهم .. و أخواني اللي لسى برة ، و اللي طالب و كذا .. و اخر واحد برضو مقدم بإسمه .. و أخوان زوجي كلهم عندهم مخالفات مرورية ، و زوجاتهم مو موظفات .. . . جالسة أشوف دحين إذا أخوي يقدر يقدم 2 بإسمه ؟ |
رد : شاركوني همي مع أزمة الشغالات :-D
روح..
فترة مراجعه النفس .. يعني ..افكر ..واراجع نفسي ..هل انا خطأ.. هل اسلوب تعاملي معهم صحيح ولا لا ؟؟؟؟ ولا هم الخطأ.. شككوني بعمري ....... |
رد : شاركوني همي مع أزمة الشغالات :-D
توفي و فيصل ..
الصراحة ، هما اللي يبغالهم يحاسبوا نفسهم .. لا عندهم أمانة في العمل و لا أخلاق .. إلا من رحم ربي .. . . أنا مثلك كل شوي اجلس أفكر .. بس بعد ما جربت أكثر من كم وحدة ، اكتشفت إنهم هما كذا .. و اللي تعاملهم بنفس أسلوبهم ، يخافوا منها و يحترموها و يحسبوا لها ألف حساب .. |
رد : شاركوني همي مع أزمة الشغالات :-D
الله المستعان ..
والله هم شر لابد منه غالبا .. كلن وظروفه .. عن نفسي ودي خادمتنا تسافر اليوم قبل بكره مع انها اندنوسيه وفيه ايجابيات بس سلبياتها مزعجه بالنسبه لي .. الحبشيات مع عمري تعاملت معهم يمكن لقلتهم بالمنطقة الشرقيه - المخالفات - بس صراحه ماارتاح لهم بالذات يوم تجيك ضخمه :24: وفعلا لسانهم طويل بالذات اللي تشتغل بالاسبوع او بالشهر عندي اهون شئ السيرلنكيات انا مع ناني بعضهم عيونهم زائغه وقرقرهم كثير بس تقدري تتمشي امورها مثل ماتشوفي .. بالنسبه للهروب والله اغلبهم بمختلف الجنسيات .. قبل فتره كنت معزومه وكانوا جايبين بذيك الليله وحده تغسل وترتب لهم والغريب انها كانت باكستانيه .. قالت لي صاحب البيت انها تجيبهم وقت الحاجه وتعطيهم مبلغ معين ... الله يرزقك بوحده طيبه وتريحك .. |
رد : شاركوني همي مع أزمة الشغالات :-D
أعماق ..
أنا مرة معارضة لفكرة الحبشيات المخالفات ، و لو فيه طريقة نقلل من وجودهم ( ليت بجد ) .. ماني عارفة كيف الجوازات ساكتة عنهم ؟ مع إنهم عايشين بمناطق معروفة عندنا .. المهم .. أنا مشكلتي ولدي الصغير ، شايلة هم إذا خلصت الإجازة .. ؟؟؟ بس حتى لو جبت حبشية ، أقول لزوجي مستحيل أتركه معاها لوحدهم .. يا أخدهم معاي بالعمل و أحطهم الإتنين بالحضانة ،، أو أرسلهم لعند أختي .. بس انحرج من زوج أختي .. . . عن نفسي ، قررت برمضان أخدم نفسي بنفسي .. و الفلوس اللي بأدفع فيها للحبشية ، خلاص نشتري فيه أكل من برة بالوقت اللي ما يمديني اتحرك فيه لإنه ولدي الصغير مرات يلصق فيا و بس اختفي من قدامه ثواني ، يبكيييييييييييييييييييييييي .. و تنظيفي الحمد لله أحسن من تنظيفهم بمليون مرة .. بس أظافري تكسرت اليوم و يديني أحسها خشنة اليوم .. :( |
رد : شاركوني همي مع أزمة الشغالات :-D
الله يكون في عونك ياررًًوووح من جد شايله هم بالذات انك موظفه وتحتاجي لاحد مع عيالك
اما انا أجيب كل أسبوعين اسبوع من الحبشيات اللي بالساعة تعزل البيت كله وتقريبا معي سنتين ماشاء الله عليها طيبه ماتتخيلي تخلص شغلها كم ساعه وتروح حتى حنونه على الاطفال بس لا توظفت مبدئيا بحط بنتي عند سلفتي رهيبة الله يسعدها ويرزقها بالذريه الصالحة اما عاد بيت أهلي كل شوي بشغاله لسان طويل وقله أدب وكسل ولا يعجبهم العجب استقدام مانفع ومن البلد بعد مانفع يقولو البيت كبير واللي تقول ماغسل الحوش والدرج والي والي الخخخخ جاب لنا المرض حسبي الله عليهم |
رد : شاركوني همي مع أزمة الشغالات :-D
روح
ليه ما تجيبي لك صومالية ..!! والله مررررة كويسين و حنونين ع الأطفال و صبورييين احلى شي للأطفال الصوماليات أما نظافة لا وععع بصراحة هم صح مخالفين بدون اقامة .. لكن انتي مضطرة و بعدين اللي ترتاحي لها و ترتاح معاكي كوني سوي لها اقامة عندك والله رهيبة شغالة اختي صومالية مرة عسل مع بزورتها .. ما عندهم لئامة الحبشيات والاندنوسيات ولا خبث الفلبينيات |
رد : شاركوني همي مع أزمة الشغالات :-D
الله يعينك , اعرف وحده عندها شغاله حبشيه , تنظف وكلوا تمام وهي كمان نظيفه , بس مشكلتها , عيونها زايغه , وحراميه , تسرق اللي تلقاه قدامها , وكان من عيونها باين انها لئيمه , من جد ماترتاحين منهم , حتى لو تريحيهم , وتخافين الله فيهم
|
رد : شاركوني همي مع أزمة الشغالات :-D
سماري برازيلي
ربي لا يحوجني لهم، دحين برمضان استغنيت عنهم و مرتاحة نفسيا جاتني اخر وحدة، ربي لا يبارك لها في اي قرش أخذته عملت لي حكاية و جلست تتبلى .. :( . . الفردوس غايتي اول مرة اسمع فيه صوماليات ؟ و كيف اقدر اجيبهم ؟ و من فين احصلهم ؟ أنا بجد اهم شي ولدي الصغير وقت الدوام.. تنظيف البيت موو مشكلة لو انها حنونة عالاطفال . . |
رد : شاركوني همي مع أزمة الشغالات :-D
فجر الأعياد
صادقة و الله .. اكرهههههههههم مرة مرة مرة .. :( ماشفت جنس بشر مثلهم ؟ ليت الحكومة تلاقي حل معاهم |
رد : شاركوني همي مع أزمة الشغالات :-D
اقتباس:
وانا لما كنت بالرياض كنت احيان اجي سيارة و اخذ وحده معايه تجلس شهر وترجع مع جماعتها , يعني صارو يتنقلو عادي واسعارهم تزيد طبعا كل ما نقلت معاكي هم يكونو مخالفين يعني ما معهم اقامة بس اختي مرتاحه عليها تجيها في اليوم مرتين لان بيتها قريب عليها , مرة الصباح و المرة الثانية المغرب تجي عشان تجلي حق الفطور و تمسك اولادها وتروح التروايح مأمنتلها بالمرة ماشالله انتي جيبيها وقت دوامك تمسك أطفالك و ان شالله تلاقي وحده هم مشكلتهم يجوكي العربي شوية معاهم , لكن حياخذو عليكي بعدين اٍسألي صديقاتك خلي زوجك يسأل اخوياه .. مليان ترى حتى لما تروحي الاسواق الشعبية , الشاطي و محمود سعيد تلاقيهم قدامك كلميهم اذكر مرة في البوادي حرمة مسكتني انا وخواتي سألتنا قالت تكفون دورو لي ارقام شغالات :d تلقفت و قلتلها خالة معاك بناتك يساعدونك , قالت مافيهم صحة يا بنتي يشتغلو شوية و يتعبو قلت الحال من بعضه :) أزمة رمضان الشغالات .. خااااصة للموظفات الله يعيينك |
رد : شاركوني همي مع أزمة الشغالات :-D
اقتباس:
شلون تلقط وحده من سوق شعبي وتسكنها معها بالبيت ومع عيالها! ما تدري من وين جايه ما تدري هي ساحره خبيثه مجرمه او حراميه قتالة قتله تابعه لعصابه ماتدري ايش الامراض اللي شايلتها !! |
رد : شاركوني همي مع أزمة الشغالات :-D
اقتباس:
اهلين كريستالا .. يا اختي هذول صوماليات غيير مررة مساكين و همهم ياكلو بالحلال انا ما اقول لها تاخذ اي وحده قدام عيونها .. لا طبعا انا قلت تسأل هناك وتدور لانهم هم يدورو في الاسواق الشعبية غالبيتهم والوحده اذا بتجيب شغالة طبيعي بتجربها وتشوفها وهي لها نظرة فيهم , بعدين ما الشغالة الصومالية ما تنام عندك في البيت تشتغل اربع خمس ساعات وتروح تنام مع اخواتها و جماعتها لو قلتي لي حبشيات بقولك صح , جرايمهم كثيرة بس الصوماليات .. لا وربي غييير انا عند اهلي وحده من ايام انا بنت الين تزوجت وخلفت عيالي وكبرو وهي باقي معانا , بنت حلال و أمينة ما تسرق ولا تخافي منها و غير كذا اذا فيوم اعتذرت وتعبانة ترسل لك احد من اخواتها يقوم بشغلها وربي انهم احسن من الف اندونوسية بإقامة انا اتذكر لما كنت متزوجة كل شغالاتي تبهذلت معاهم لين كرهت اقدم اللي تشرد واللي معها طلاسم واللي تنام وتحت مخدتها ولاعه هاذي فقعت مرارتي سألتها ليه ولاعة جنبك قالت فالليل لما اصحى ما اشوف ظلام اولعها عشان اوصل للمبة :d على الطاري .. انتي ما قد جربتي شغالات ما معهم اقامات ؟! |
رد : شاركوني همي مع أزمة الشغالات :-D
روح اتفق مع فردوس
ببيت اهلي بالوطن معاهم صومالية تجي 3 ايام بالاسبوع ماشا ءالله عليها طططيبة لدرجة ابني كان يناديها جدة :) وصراحة كمان كانت نظيييييييييييفة تنظف احسن من تنظيفي خخخخ من قلب و رب ... تشيل لك المجلس العربي كله و تنظف و تمسح تحته كل يومين وتنظف المراوح و الشبابيك و الدرج كل شي بدوون ماحد يطلب منها شي تكمل شغلها بسررعة و تطلع .. لا تحش و لا تتكلم ولا تسب و لا تذكر حد .. مسكينة والله .. الله يعطيهم خيرها وبالمقابل جارتناا كانت عندها صومالية سرقت ذهبها كله و راحت يعني صعب تحصري الطيبة و النظافة بجنسيات معينة من كل فئة بتلاقي الطيب و السيء مالك الا الدعااااء انه ربي يوفقك بوحدة كويسة على فكرة بالنسبة للطبخ كوني اطبخي من الطبق كميتين و خبيه بالفريزر يوفر عليك جهد ويوم ثاني اذا ماقدرتي تطبخي طلعي الي عندك و سخنيه و يرجع كانه مطبوخ فرررش |
رد : شاركوني همي مع أزمة الشغالات :-D
سألت زوجي و قال ما يعرف أي صومالي هنا
و لا عنده علم إذا فيه صوماليات أو لأ .. و ما حسيته تشجع .. : ( و أنا برضو ما سمعت عنهم هنا ؟؟؟ بس بأسأل زميلاتي كمان .. |
رد : شاركوني همي مع أزمة الشغالات :-D
ممكن أسال الخدامه لازم تكون محجبه ومسلمه ولا عادي أي حاجه
|
رد : شاركوني همي مع أزمة الشغالات :-D
اي اختي ..حتى لو مو مسلمه ..
لازم تتحجب .. عندنا بالسعوديه يغطونها ..تلبس النقاب طول ماهي هنا .. |
رد : شاركوني همي مع أزمة الشغالات :-D
اقتباس:
|
رد : شاركوني همي مع أزمة الشغالات :-D
http://www12.0zz0.com/2012/08/02/21/281512050.jpg
هذا نقاب مع غطا شفاف وطويل .. متى مابغت تحطه ..ومتى مابغت ..ترفعه فوق النقاب .. http://www12.0zz0.com/2012/08/02/21/796399623.png هذا النقاب الملكي ..<<<<<<<<عشق وياه .. فيه قطعة قماش فوق العيون .. يعني تشوفين العيون ..واخذ راحتي تماااما .. بس الي قدامي مايشوف حواجبي ..ولا رموشي ..ولا ملامحي بدقه .. |
رد : شاركوني همي مع أزمة الشغالات :-D
شكرا توفي عرفته
|
رد : شاركوني همي مع أزمة الشغالات :-D
اقتباس:
90% من الشعب السعودي ما ينقبو شغالاتهم خصوصا لو كانو مسيحيات او بوذيات |
رد : شاركوني همي مع أزمة الشغالات :-D
اقتباس:
جربت مره وحده بعد ما تزوجت بسنتين تقريبا هذي اللي تجي بالساعات تنظف بس نرفزتني لانه هي تاخذ بالساعه فتقوم تدخل الغرفه وتحوس بالساعتبن تنظفها عشان تقعد اظول وقت ممكن وتاخذ فلوس اكثر واذا حددتلها مثلا رح تاخذي 300 ريال فما تنظف الا بالبطيء عشان اضطر اجيبها مره ثانيه لانه ما تكون خلصت كل المطلوب منها + كانت قرقرتها واجد :) بعدين من بعد ما انجبت اولادي صرت استقدم بس ما تدري يمكن يوم من الايام انحد ثاني للي بدون اقامه مافي شيء مضمون |
رد : شاركوني همي مع أزمة الشغالات :-D
اختي في ناس كثير ..
ينقبون الشغاله ..وهلفئه من الناس ..مايستقدمون الا مسلمه .. اما اجي لكافره واخليها تتغطى ؟؟؟؟؟؟ مابعد الكفر من ذنب .. |
رد : شاركوني همي مع أزمة الشغالات :-D
اقتباس:
انا فهمتك غلطت حسبتك تقولي انه حتى المسيحيه والبوذيه لاوم تتغطى فاستغربت .. |
رد : شاركوني همي مع أزمة الشغالات :-D
لجين
نورتي الموضوع، مو شرط تكون مسلمة.. بس الافضل تكون مسلمة لو عندك أطفال عشان ما تعلمهم أشياء تختلف عن عقيدة الاسلام مع انه الصراحة، اللي يجونا اغلبهم مسلمات فقط بالاسم.. و عن نفسي ما أتدخل بنقابها، بس اهم شي في بيتي تكون محترمة و خاصة لو زوجي موجود او اي رجل اخر مثل اخوي و كذا .. فكرتيني باخر وحدة جات عندي.. باقول قصتها الحين |
رد : شاركوني همي مع أزمة الشغالات :-D
قانون المنتدى يمنع المداخلات التي فيها استفزاز للاعضاء :::: الإشراف
|
رد : شاركوني همي مع أزمة الشغالات :-D
قبل رمضان بأسبوعين، جاتني وحدة اشتغلت اسبوع و غابت اسبوع بحجة مرض و كذا ..
طبعا هذه ارسلتها لي (شغالة اشتغلت عندي فترة بس سافرت لمدينة تانية لظرف).. اللي جاتني، استغربت انها جاية بعباية مخصرة و مزركشة و كعب و منمصة حواجبها و راسمة حواجبها بقلم اسود و الطرحة ترفع فيه شعرها و تخلي رقبتها كله باااااين و مكشوف و لابسة روب ابيض خفيف نوعا ما .. قلت يا شيخة، لاتسيئ الظن و يمكن توها عروسة و ما تفهم .. بس بنفس الوقت ما اكون هبلة .. و شوي شوي اعلمها انه مثلا تلبس طرحة طويلة بالبيت اذا فيه رجال.. المهم، شفتها تاني يوم راحت تستحم و تلبس روب احمرررررر و فيه ورود .. سكتت لها، عشان ولدي كان يسكت معاها و لانه خلاص رمضان بيدخل و ماني لاقية غيرها.. قلت تمسك ولدي عالاقل و اقدر اقرأ قران و اصلي كويس في رمضان . . شافها اخوي وقت زارني، و قالي انت متأكدة من سلوك شغالتك ؟ و ما عندها حركات لف و دوران قلتله الصراحة ماني متطمنة لها بس فاتحة عيني و ناوية امشيها بعد رمضان ان ماشفتها قد الثقة و دائماً اختبر الشغالات و اجربهم من بعيد .. قالي اخوي ترى تجلس تطالع فيا و تعمل حركات بعيونها و احسها وحدة عندها قابلية للانحراف لاسمح الله بس ما أحط بذمتي، أنبهك عشان بكرة لاتقولي ضحكت على زوجي وووو الخ . . كلام اخوي، خلاني أتأكد من إحساسي 50 بالمئة بس قلت برضو خليني أحسن الظن، يمكن هي كذا نظراتها ؟ و أنا عموما ما اخلي شغالتي تتعامل مع زوجي بشكل مباشر، و لو يطلب منها شي.. يكون قدامي و أنا أقوله كلمها لأنهم يخافوا من الرجال.. و لأني طول النهار وراها كانت جداً كسولة و 24 ساعة تتكلم بالجوال مع رجال، سألتها هذا زوجك ؟ تضحك و تقول ايوة قلتلها انت عروسة ؟ تقولي ايوة .. قلتلها طيب وقفي الجوال شوي .. مايصير كذا تنامي 11 الليل و تقومي 3 الظهر و باقي اليوم جوال ؟ المهم .. كنت مريحتها جداً، بس زوجي أنا أتعامل معاه و اخدمه.. مو هي .. حتى باب غرفتها مرات تتركه مفتوح، و هي تدري انه وقت رجوع زوجي من برة .. و ترقد قدام الباب اقوم أعدي من قدام غرفتها و ارد الباب، و افتح باب البيت لزوجي و استقبله عطيتها فلوسها حقة اسبوع كامل، قبل رمضان الي اشتغلته غابت اسبوع و جات.. في رمضان، اشتغلت 3 ايام .. زوجي قال لي كلميها مايصير كذا طول الوقت تتكلم بالجوال.. صدعت راسي قلتله ايش اعمل ؟ هما كذا.. تاني يوم برمضان دخلت المطبخ اجهز الافطار و حطيت الألعاب قدام ولدي في الصالة و فتحت التلفزيون و أكلته و شبعته ناديتها تجلس معاه، و أنا اروح المطبخ و اسمع صوته و كل شوي أعدي و اتطمن عليه قامت شالته و ودته لغرفتها عشان تأخذ راحتها و تحس اذا جيت عشان اتطمن عليه قام ولدي بلع شي و كان بينخنق، جريت و طلعت من فمه ورقة قصدير و طالعت فيها بنظرة قوية قلتلها انتبهي المرة الجاية .. لانها تتكلم بالجوال طول الوقت اليوم الثالث، قلتلها ما تقوم من الصالة عشان تكون قدام عيني و نفس اليوم زوجي ماراح العمل و كان نايم بغرفتنا.. و كانت هي في الصالة متسدحة .. يعني الي يعدي، يشوفها متسدحة و حاطة يدها على خصرها و تقرقر بالجوال رحت اصحي زوجي للصلاة، مريت من الصالة و صكيت الباب.. قامت احترمت حالها و عدلت جلستها و في الليل جالسة ساعة تتكلم بالجوال و الغسيل من يومين عالمنشرة .. قلتلها ماينفع ترى كذا .. وقفي الجوال وقت الشغل و خلصي شغلك اول شي .. لأني كم مرة لمحت لها و مرة مزحت معها و مرة ضحكت لها .. بس مافيش فايدة اليوم اللي بعده جابت حجة انها تروح و ماتبغى تشتغل الا بشروط .. انها تجيني تشتغل بس 4 ساعات في اليوم لحد نهاية رمضان .. و بعد كذا تجي تشتغل عادي و تقول عشان اخوها مريض و تجلس معاه، و تبغى تأخذ راتب 2000 قلتلها ماتفقنا على كذا .. المهم صارت تقول ان ما عجبك، خلاص اروح .. . . راحت و قامت تتبلى علي ؟؟؟؟؟ تقول للشغالات عشان لا احد يجي يشتغل عندي، أني اضربها و أني طردتها في الشارع ؟؟؟؟؟؟؟؟ و قالت اهم شي، انه زوجي يتحرش فيها و كلام كذذذذذذذذذذذذب.. لانه ماكان يقابلها اصلا و هي مقهورة لأني كنت مفتحة عيوني، وولاني ألبس طول الوقت و اهتم بحالي .. فما صار لها الي تبغاه الله اعلم ايش كانت ناوية ؟ لأني من بعد كلام اخوي، صليت و قلت اللهم أكفنا شرها ... الخ الشغالة اللي جابتها عندي، لانها تعرفني و تعرف زوجي.. اتصلت زعلانة و تقول ليش كذا تعملوا فيها ؟ حرااااااااام نحن في رمضان قلتلها خير يا فلانة ايش صار ؟ قالت الشغالة تقول انك كذا و كذا عملتي فيها و زوجك كذا كمان ؟؟؟ ليش كذا ؟؟؟ طبعا رديت عليها، قلتلها انت كم شهر اشتغلتي عندي ؟ و بنفسك شفتي كيف زوجي كان محترم معاك و لا يتكلم معاك و بعدك جو عندي 4 حبشيات، كل وحدة تقول لي : ماشاء الله زوجك مرة كويس و مايتكلم أبدا معانا في السيارة و زوجي حافظ للقران، قولي لصاحبتك اللي ما تخاف الله.. خليها هي اللي تستحي قليلة الادب تمشي بملابس خفيفة و ما تلبس حجاب كويس و تجلس تطالع في الرجال ؟ ردت علي: و الله انا اعرفك كويس و اعرف زوجك مرة محترم.. عشان كذا زعلت و استغربت ليش كذا تسووا معاها ؟ قلت لها: اخوي انت تعرفيه كيف، صح ؟ قالت ايوة قلتلها: اخوي بنفسه قالي هذه شغالة مؤ كويسة تطالع في الرجال بس أنا ماصدقته و قلت يمكن ما تقصد بس أنا اوريها دقيت عالشغالة الي تبلت علينا، قلتلها ما تخافي الله تجلسي تكذبي ؟ ارتبكت و ماتوقعت انه بيوصلني الخبر قالت الا أنا ما اكذب، هذا زوجك مؤ كويس قلتلها : أنا زوجي مالقي يطالع الا في وحدة مثلك ؟؟؟ قالتلي: ليش أنا ايش فيا ؟ قلتلها خمسة حبشيات جو اشتغلوا عندي و كل وحدة تقولي زوجك مرة كويس و مايتكلم معانا و صحبتك تعرفنا اكثر منك.. أنا أوريك قالت : فلانة كاذبة أنا ما تكلمت عنكم و لأجبت سيرتكم رديت عليها: فلانة ما تكذب و اشتغلت عندي كم شهر و أنا أوريك ياللي ماتخافي الله خافت و لا صارت تدق علي بعدها و هذيك الي اشتغلت عندي زمان، اعتذرت مني و قالت والله زوجك مرة محترم و أعرفكم عشان كذا استغربت و هذه موصحبتي مرة.. ولا اعرف سلوكها . . بس عرفت وقتها، ليش لما دعيت اللهم أكفنا شرها .. ربي بعدها عننا .. . . |
رد : شاركوني همي مع أزمة الشغالات :-D
حكاية كمان أخيرة :D
وحدة من الشغالات الي اشتغلوا عندي، أرسلتها لصاحبتي.. عشانها ماتنفع مع الاطفال و فيا طبع، قبل لا امشي اي شغالة من عندي.. اسأل لها اي وحدة من صحباتي الطيبات اذا بحاجة للشغالة عشان أحزن عالشغالات المهم، هذه الشغالة دقت علي تبكيييييي و تشهق من البكا امس. تقول والله صاحبتك هذه كافرة مؤ مسلمة سألتها خير ايش فيه ؟ جلست تحلف انه صحبتي ضربتها و طردتها بالشارع وماتبغى تعطيها فلوسها (شكلهم الحبشيات حافظين الموال هذا ؟ ) حزنت عليها و وعدتها اكلم صحبتي و هديتها دقيت على صحبتي و قلتلها خير ايش فيه ؟ قالتلي والله كذااااااااابة لاتصدقيها، ما ضربتها و لاطردتها من يوم جاتني و هي تنفخ علي و شايفة حالها،، و كل ما قلت شي تجلس تهدد،،ترى اترك الشغل و امشي ان ماعجب.. و تصرخ على بنتها كل شوي تقول اخر شي، خلاص ماتحملت تهديداتها.. قلتلها يالله امشي ان ما عجبك الشغل عندي و تقول ماراح اكل فلوسها بس خليها كذا يومين تتأدب طبعا أنا صدقت صحبتي، لانها قالت نفس الاشياء اللي بنفسي شفته في الشغالة هذه كم مرة تصرخ على ولدي و تقوله أعطيك كففففف و كم مرة نفخت علي و تعمل حركات بوجهها و هي ماجلست عندي غير اسبوع المهم، قلت لصاحبتي خلاص الموضوع بينكم أنا ماراح أتدخل طبعا اخر وحدة جات عندي، زي كذا تبلت علي ؟؟؟ بجدددددددد.. كرهتهم دحين اكثرررررررررر :( |
رد : شاركوني همي مع أزمة الشغالات :-D
ما شاء الله ياروح ٱنـَYOUـِت صباره
ما اتحمل هذه التصرفات … آنــــme ــآ شغالتي ماشيه قبل الحج و بتوهق فـے بناتٍيےّ وقت الدوام الكبيره روضه و الثانية 4 سنوات بس مررره حركه ما شاء الله قلت بوديها عند جدتي يعني الله يكرمك لا بامبرز ولا رضاعه و الصغيرة عمرها سنه و نص قلت بدخلها حضانة اشرايك ؟؟؟؟؟ و لا أجيب حبشيه بالشهر بدل ماهم مشتتين هههههه |
رد : شاركوني همي مع أزمة الشغالات :-D
سنا نجمة
تدري وحدة من الشغالات اللي مشيتها، اللي تضرب الاطفال أرسلت لي صحبتها ماتعرف عربي كثير، و صحبتها تقولي: سمعت انه انتوا ناس مرة فيه كويس، و اكل كتير و شغل قلييييل و بيت صغير :D كل ساعة تكرر نفس الكلام رفعت لي ضغطي يومييييييييين و ثالث يوم مشيتها.. ما تشتغل و كل ماشافتني قالت لي جوعانة .. تأكل ماشا الله تبارك الله و عليها بالعافية.. بس كل ماشافتني قدامها.. تقولي مدام أنا فيه زوعان اول يوم جبنا هارديز.. طارت من الفرررررررح و شوي و تبوسني تقولي: هذا بيبسي كبير .. اكل طعم.. انت و الله فيه واحد كويس ياختي ماتعرف تمسك ولدي وقت اقوم شوي، و ماتعرف تشتغل و لا تفهم عربي و بطيييييييييئة و كل شوي تقولي تعبانة أبغى أنام تاني يوم صحيت ساعة 12 الظهر و عملت لها شاي بنفسي و طلعت لها كل النواشف تفطر عشان مربى .بيض .أجبان .زيتون .حلاوة طحينية تقولي لا أنا ما أفطر هذا .. أفطر لازم حبتين اندومي اعطيتها اندومي قمت طبخت بعد المغرب و ماتبغى تأكل و لسى ماشافت شكل الأكل .. تقول أنا يكفيني اندومي بعد شوي، قالت كلمي زوجك و هو جاي يجيب معاه رز و دجاج هنا فيه محل جنبكم قريب (ماشا الله مادري كيف عرفت ؟ ) عاد أنا اصلا كنت قايلة لزوجي جيب معاك رز عشان الشغالة ( بس من نفسي ) وقت قالتلي كذا، قلت لزوجي .. لا تجيييييييب شي عناد :( قلتلها تفطري زي الناس، جبن بيض عيش شاي و غداء اذا ما طبخت، تآكلي اندومي تقولي بس حطي فلفل، ما اكل من غير فلفل عاد أنا احب الفلفل، بس برضو عناد فيها قلتلها أنا و زوجي ما ناكل فلفل :( قالت طيب اشتروا فلفل اخضر مرة تانية و الله مشيتها خلاص .. . . و بجد ما أنصحك تجيبي حبشية و تتركي بناتك عندهم جربتهم و الله ما عندهم أمانة بالاهتمام بالأطفال الا ماندر او برأيي انك تجيبي حبشية و تخليها تجلس مع بناتك و في بيت جدتك لازم يكون احد معاهم اذا أنا في فترة الإجازة هذه، تقصدت استغل الفترة باني جالسة بالبيت و اجربهم قدام عيوني،، و كل وحدة اسوأ من التانية و يحسبوني مثلا نائمة او ماعرف ايش بيصير و أنا عيوني مفتحة عليهم .. بجد .. هم و غم .. أنا دحين جالسة بدون شغالة و الصراحة مبسوطة ..، بس أشيل هم وقت الدوام .. و ان شاء الله ربي يستجيب دعواتي و يرسل وحدة كويسة |
رد : شاركوني همي مع أزمة الشغالات :-D
آنــــme ــآ أول ما جات شغالتي تاكل التمر ماتخلي حبه تخلص يمكن صحن كبير
و كل ما أسألها مين اكله تقول بنت صغير قصدها اللي سنه و نص وأنا ادري بناتٍيےّ مايكلون تمر بس زوجي يجيب يومين منتهي و تسوي حركات لزوجي قلت فـے نفسي عمايل التمر ماعد تدري نفسها. قلت شوفي كلـے كل شي الا التمر ياويلك هههههه بصراحة آنــــme ــآ شايله هم الكوي و ترتيب الدواليب. الأندونيسيأت شاطرين فـے ترتيب الملابس و آنــــme ــآ بصراحه كل شوي اشتري لبناتي ملابس الدولاب بينفجر منها وهي الصراحة منظمتها عادا دولابي علي هي كانت بتكمل غير السنتين و بعطيها 1000 لكن حست بحاجتي لها أهملت ولما اكلمها تقول خلاص ابغى اسافر. قلت مع السلامة الله يخلي الحبشيات |
رد : شاركوني همي مع أزمة الشغالات :-D
سنا نجمة
الحبشيات و الله بطونهم كبيرة ماشاء الله تبارك الله و الله مؤ بخل، بس بجدددددددد يأكلوا الاخضر و اليابس زوجي يشتري كولا و يحط بالثلاجة صبح لازم علبة كولا و ظهر و عشا اشترى زوجي دونات عشان حاب يأكل معاي افتح الثلاجة الاقيها مخلصته اندومي تتغدى و كمان تتغدى ماشا الله و تتعشى عشا محترم لازم علبة اكياس ليبتون، تخلص في اسبوع عشان لازم 4 مرات تعمل شاي بأكياس ليبتون و لا راسها يصدع و ماتقدر تشتغل و ليت يشتغلوا كويس بالأخير ؟؟؟؟ وحدة بس من بين 5 حبشيات اللي جاتني تعرف ترتب الملابس داخل الدواليب بس أخلاقها سيئة مع الاطفال و تضرب و مالها خلق بجد، الإندونيسية لو تقدري تزودي راتبها و تخليها تجلس افضل من مليووووووووون حبشية الحبشية دحين ترفض تجي اي بيت فيه أطفال و راتبها فوق الالف و ثمانمية |
رد : شاركوني همي مع أزمة الشغالات :-D
حسبنا الله ونعم الوكيل
الدولة لازم تبدأ بتفعيل دور الحضانات لان عدد الموظفات زادو والمجالات النسائية زادت والحضانات قليلة واسعارها نار الله لا يحوجنا الا لوجه الكريم |
رد : شاركوني همي مع أزمة الشغالات :-D
صادقة والله
الفين هذه بدل ماتروح لحبشية مخالفة تروح لبنات البلد عالاقل و اولادنا يكونوا بمكان امين عالاقل وتحت اشراف الادارة |
| الساعة الآن 06:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©