|
رد : ندمانة....الله ياخذ غبائي
اقتباس:
|
رد : ندمانة....الله ياخذ غبائي
استمري بالاعتذار كل ما جلستي معاه لانه اللي سويته ما يرضى اي رجل
وزوجك واضح انه رجال بمعنى الكلمة والدليل سلامه على ابوكي في المجلس اعتذري منه |
رد : ندمانة....الله ياخذ غبائي
قولو عني اللي تبونة انا اعترف اني غلطانة ...... ووالله عفت الدنيا كلها ... اول مرة زوجي يعاملني ب هالمعاملة
خلاص مابي شي بس ابية يرجع مثل قبل ويروح يناظر مثل مايبي ..... والله عيوني من كثر البجي قاموا يعوروني امس رحت غرفتي لقيت ظرف مكتوب علية مصروف العيد وحاط فيه مبلغ لي ..... والله كرهت نفسي من اللي سويتة مابي لافلوس ولا عيد ولا اي شي بس يكلمني ويرد مثل قبل .... رحت له واعتذرت وبكيت ويقولي حصل خير وانسي سويت له اكل من غير لا اسألة اذا يبي والا لا وجبتة له وقال مشكورة شبعان لو سائلتني كان قلتلج ما ابي رحتلة ومن كثر الدمع اللي مغرق عيوني لو ارمش يطيح بحر من الدموع وقلتلة اذا زعلان مني انا اسفة وسو فيني اللي تبي راضية بحكمك علي حتى لو كان قاسي ..... قالي حشى لله اني اظلمج وقالي مافيه شي انسي وخلاص وخلي الحياة تمشي ..... وشوي وخدامة امة يابت ملابسة ويدخلها تنظمهم له ف قلت انا انظمهم قال لا خليها هي لان هي اللي نظفتهم (احنا عندنا غرفة للكبتات بس) ومن بعدها ماكلمني وشوي وطلع من البيت ولا رد الا متأخر وانا ناطرتة مانمت ... بدل ملابسة وجابلة غطا ونام بالصالة؟؟ قلتله روح نام بغرفتنا قال لا انا مشتهي انام بالصالة على التلفزيون ... جيتة ومسكت ايدة قلتله مو تقول ان كل بن ادم خطاء؟؟ قال اي قلتله ليه محسسني اني ملاك؟؟ انا غلطت ولو تبيني اكفر عن غلطتي بأي شي انت تبية انا حاضرة ... قالي الله يرضى عليج هذا المهم تعبت الله ياخذ غبائي وياخذني |
رد : ندمانة....الله ياخذ غبائي
لو أشرت عليك برأي هل ستطبقينه..
|
رد : ندمانة....الله ياخذ غبائي
اذا يخلية يرضى علي والله اطبقة لو على حساب نفسي
|
رد : ندمانة....الله ياخذ غبائي
أختي الكريمة/ -سأسير معك على خطوات متعددة لكنني أرجو منك الاهتمام والتطبيق وإلا فلا تضيعي وقتي.. -ولن أخوض في تحليل شخصية زوجك أبداً.. وإنما نبدأ مباشرة على بركة الله: 1) توقفي عن الاعتذار المباشر له.. نعم! توقفي ولا تتفاجئي من هذا الاقتراح فإني أقصده لحاجة في نفسي. 2) تقرّبي منه وتحبّبي له بالتدريج.. أي يمكنك بالكلام، وبالدعاء، وبأداء حقوقه على أكمل وجه، وبحسن استقباله وتوديعه.. الخ.. طبقي هذا وإن لم تجدي لها مردوداً لديه. 3) استغلي هذه الأيام بالدعاء والإلحاح على الله أن يصلح الله شأنكما. 4) في يوم العيد اجعلي بيتك نظيفاً طيب الرائحة.. وتزيّني بما تستطيعين.. واستقبليه.. وقبّلي رأسه وجبهته.. وقدّمي له التهنئة.. ثم ابكي بكاءً لطيفاً أمامه مع إنزال الدموع وانصرفي من أمامه لغرفتك لمدة 3 دقائق ثم عودي إليه. 5) قللي زيارة أهلك بشكل كبير.. أما يوم العيد فاكتفي بزيارة بسيطة ثم عودي لبيتك فوراً. 6) سأخبرك بموعد الاعتذار المباشر المقترح فيما بعد. 7) طبقي هذا مستعينة بالله إلى يوم العيد الأول أو الثاني.. ثم نكمل إن شاء الله. 8) أرجو منك الدعاء لي هذه الليلة. ::: أخوكم في الله/ حاتم بن أحمد-الرياض |
رد : ندمانة....الله ياخذ غبائي
اختي خلاص لا تبكين هالكثر واتعبين نفسك
ترا كلنا نخطي وننسئ انفسنا وقت الخطا وانتي مبين عليك فيك خير والدليل الندم وحسن التبعل وصدقيني زوجك يحبك لذلك لا يستطيع ان يسامح بسرعه مع الوقت سيتغير انتي لا اتزيدين في البكاء والاعتذار افعلي مثل ما يقول لك الاخ البليغ انا كثير اخذ بكلامه ولله الحمد يصيب ولو ان الكلام موجه لاناس غيري ولكنني اخذ العبره من كلامه اسال الله ان يحفظه ويطيل في عمره ويرزقه جنته جنة الفردوس |
رد : ندمانة....الله ياخذ غبائي
اقتباس:
تحمل انتي الي حطيتي نفسك في هذا الموقف -- وانا من رايي انك تكلمي ابوك على انفراد وتقولي له كل شي -- احسن حل وانت اذا عترفتي وقلتي لبوك يبغى يتفهم الوضع بالتووووفيق |
رد : ندمانة....الله ياخذ غبائي
الله يسخره ويرضي عليك ياااارب
طمنينا عنك |
رد : ندمانة....الله ياخذ غبائي
انا تعبت وايد والله العظيم .... وندمانة عدد شعر راسي
قبل ريلي يسولف معاي ويضحك ويضحكني ويونسني والحين كل هذا تغير والسبب انا وغبائي وتسرع امي واهانة ابوي.... تأسفت له بدل المرة الف ... يقولي مو زعلان وحصل خير بس بالجهة المقابلة متغير مو اهو زوجي اللي اعرفة ومتعودة علية قبل يسألني اكلتي شربتي ؟؟ ويحرص علي وايد....والحين ماقام يسأل رديتة بالغصب ينام بالغرفة وهو اللي كان يصحى كل شوي ويتأكد اني متغطية عدل والا لا والحين معطيني ظهرة ولا يسأل عني ولا يفكر فيني أصلا....حتى العلاقة الخاصة مايبيني والمشكلة انه وايد هادي ووايد محافظ على اعصابة وكلامة....ابيه يعصب ماكو ابيه ينفجر عشان يعتب علي ماكو مو معطيني مدخل أبداً من كثر ماهو يعاملني معاملة باردة... ينني هالريال......سويت اللي قالي علية البليغ والله العظيم مافاد زوجي يحس بالإهانة وعزت علية نفسة ويحس بالخذلان مني.....الله يهدية لي ويردة لي مثل ماكان واحسن ادعولي... |
رد : ندمانة....الله ياخذ غبائي
الله يشووف من حااالك يااارب زوجك انسان منيح حافظي عليه واصبري لحتي يطيح اللي براسو
جربي انك تسحبي عليه شوية خلاص بلاش دموع واعتذار قومي بواجبااتك لا تكلميه رح يحس انك تعبتي من قمعو وصدودو عنك ورح يتقرب منك شوي شوي |
رد : ندمانة....الله ياخذ غبائي
ياختي مابي اقسى عليك بس والله ما عرفنالك
ماعرف كيف قلنالك ردي له اعتباره قدام اهلك تغطسين فترة وتقولين قولوا اللي بتقولونه والله ياخذ غبائي ثم ترجعين بنفس النتيجة مادري كلامك مو متوافق مع مواقفك حتى الحلول ما ناقشتيها مع الاعضاء الموضوع تعدى من بينك وبينه صار بين الرجال واحراج له قدامهم بتصرف ابوك |
رد : ندمانة....الله ياخذ غبائي
الله يصلح حالكم يارب
بس فعلا زوجك مره مقهور ومجروح اقل شي وضحي لاهلك انك كنتي معصبة وظلمتيه مو تقولي بتسوي اي شي عشانه الله يصلح مابينكم وترجعو مثل اول واحسن |
رد : ندمانة....الله ياخذ غبائي
كيف بالله تريدين منا أن نرد عليك وأنت لا تتواجدين هنا أو تعطينا مستجداتك بشكل مستمر..
إن أحسست منك الجدية سأعطيك حلاً آخراً بإذن الله.. |
رد : ندمانة....الله ياخذ غبائي
السلام عليكم ورحمة الله تعالى وبركاته
أقسم بالله العظيم ان زوجج إنسان ذكي جداً ، ورجل بكل ماتعنيه الكلمة!! قدر يعرف يحسسك بالندم وقدر يعرفك حجم غلطك بالطيب والمعاملة الطيبة وبحسن الأخلاق وحسن التبعل من غير لايستعمل معاج اي نوع من انواع التعنيف النفسي او الجسدي. ووين الرجال اليوم يتعضون من هذه المعاملة وهذه الطريقة ف والله العظيم أنها تؤلم اكثر من الألم النفسي والجسدي ولها مفعول سحري وقوي!! زوجج يا اختي حاشمج ، وحاشم أهلج واجد ، وسماعة لكلام ابوج والسكوت عنة من باب الحشيمة والإحترام لولد عمة الكبير!! حتى لما نزل على خشمة وحبة هالنزلة هاذي فيها حشيمة وطيب ، وهذا ان دل يدل على حسن تربيتة وعلى مرجلتة واخلاقة العالية. والله يا اختي عبيق أن أطيب النساء اليوم تتمنى ربع زوجج بس مو كلة ، لأن من النادر انك تلقين احد من الرجال اليوم صدرة وسيع ويعرف يتعامل مع المشاكل بهدوء وبطيبة من غير لايرفع صوتة او يعنف او حتى يجرح!! زوجج بسكوتة وبتغيرة عليج الحين يطلبج انج تردين اعتبارة!! رديلة اعتبارة ولا تقولين امي ماترضى او ابوي مايرضى ، روحي لبيت اهلج مسيرة عادي ، وادخلي على ابوج(لوحدكم) وبوسي راسة وأيدة وقوليلة يايبة انا عندي مشكلة وأبيك تحلها لي!! انا يايبة غلطت بحق زوجي واجد ومع هذا ماشفت منة إلا كل خير!! لارفع صوتة علي ولا هاوشني ولا حتى طقني!! بالعكس قام يعاملني معاملة طيبة اكثر واكثر بس متغير علي مهو مثل الأول!! وانا استاهل انه يتغير علي لأني ظلمتة!! بيقول لج أبوج ظلمتية بشنو ؟؟ قوليلة بالموضوع اللي جتلك فيه أمي وقالتلك انه يبصيص للبنات وكذا!! وقوليلة والله يايبة اني ظلمتة لاني كنت محتاجة كلام من امي وخواتي يخففون علي وسوستي اللي مالها معنى وغيرتي اللي ذابحتني ، وإلا هو لايبصبص ولا يطالع إلا قدامة بس انا يايبة اغار وغيرتي تخليني اتوقع اشياء مو صحيحة!! وزوجي الحين حاس بالإهانة منك ومن امي ومع هذا ماقالي ، وحاس بالخذلان مني واني سببتلة كل هالإهانات ورضيتها له ، ف الله يرضى عليك يايبة أبي اصحح غلطتي بكل ود ورحمة وعقلانية ، وأبيك تتصل على زوجي وتخلية يحظر هنا عشان اعتذرلة قدامكم ، وانت يايبة زوجي يستاهل منك الكلمة الطيبة ، وأبيك أتكلم أمي كذلك اتكلمة واطيب خاطرة ، وغير كذا مابي منكم إلا الدعاء. هاذي أفضل طريقة لج ، وتحملي المسؤولية ، وخلج قوية ، وردي زوجج بقوة ، ترى الرجال لابعد عن حضن زوجتة وتعود على هالشي تبدأ مشاعرة اتخف من ناحيتها وتصير عندة حاجة عادية ، ف إذا انتي تشتكين من غبائج استأصلية بالحركة الذكية هاذي. وإذا انتي شايفة انج خوافة وماتقدرين اتواجهين ابوج وامج ، روحي حق واحد من اخوانج وبلغية بالموضوع كاملاً وخلية يقولة لأبوج، او وحدة من خواتج تمون على ابوج وقريبة منة ، وخلي ابوج يحل مشكلتج ، وصدقيني ابوج اذا قلتيلة كل شي بيكبر زوجج بعينة وبيقول بالرغم من أني بهدلتة وهاوشتة وماقمت له بالمجلس وانا ظالمة(من غير قصد) إلا انا عاملني بالبر والطيب وبحق الدم والنسابة ، وبتلقينة راح يقربة منة واجد بعد. عفية يا اختي خليج عملية ، وأتركي البجي الحين لأن زوجج مو بحاجتة ، ولا أنتي بحاجتة ، زوجج محتاج كرامتة واعتبارة ، وانتي محتاجة انج تخطين هالخطوة. البجي والتعذر والنحيب (أمسحيهم من قاموس مشكلتج الحين لأنهم مابينفعونج) موفقة خير. |
رد : ندمانة....الله ياخذ غبائي
رد المتفائل بالله
:22::22::22: |
رد : ندمانة....الله ياخذ غبائي
عادي جداً انت انت لستي غلطانه
الحياة كذا أحلى اهم شي ارضيتي شخصك الكريم |
رد : ندمانة....الله ياخذ غبائي
:* |
رد : ندمانة....الله ياخذ غبائي
أبشركم الحمدلله الحمدلله الحمدلله كلمت ابوي وكنت خايفة من ردة فعلة وايد ... بس الله يخلية لي اتفهم الموضوع بكل حنان ورأفة فيني ... وبدأ يوبخني شوية وقالي ليه تخليني اطلع بوية اسود مع ولد عمي وهو كبر واحد من عيالي .... قلتله المهم يبة الموضوع عندك وانا غلطت بحقة وبحقك وبحق امي وياية اصلح الموضوع كلة .... ف تكفا يايبة حل مشكلتي ... والله والله يايبة من ظلمتة وصار اللي صار ان زوجي لارفع صوتة علي ولا هاوشني ولا حتى خانقني وعاملني معاملة وايد طيبة .... قايم بكل واجباتة من ناحيتي .... حتى مصروف العيد عطاني بعد كل اللي سويتة فيه..... والحين يايبة زوجي وايد مجروح مني ومن اللي سويتة فيه ... ومجروح من كلامك القاسي علية .... وحتى من أمي .... وهو ماقالي بس انا حسيت فيه هالشي!!
قالي يابعد عينة عينة ابوي ولا يهمج واعتبري الموضوع منتهي .... الحين اتصل علية واحضرة .... اتصل علية وسلم علية وقاله مر علينا البيت .... بالفترة هاذي وقبل لا ايي ريلي ابوي راح حق امي وفهمها الموضوع كلة .... ومافيه نص ساعة او اكثر شوي وريلي وصل .... أستقبلة ابوي عند الباب وسلم علية وقعدو شوي مع بعض وبعدين ابوي ياني ويا حق امي قال تعالوا .... رحنا كلنا اهناك ..... وبعدين ابوي قال حق ريلي انه مايقصد الكلام اللي قالة وأبدى أعتذارة حقة وقال والله يافلان اني تسرعت وسامحني ياخوك كنت معصب وماني بوعيي ..... وبعدين انا لما شفت ابوي مستحي من ريلي تكلمت وقلت له يافلان هذا انا جدامك وجدام امي وابوي اعترف اني انا اللي غلطت بحقك وظلمتك وحقك على وانا اللي خليت ابوي وامي يضلمونك بعد ..... وامي قالت كذلك لريلي انه لو مو غالي علينا ما سوينا اللي سوينا حتى وان جاك ظلم من عندنا.......... ف قال ريلي ماصار إلا كل خير وأحنا أهل وأنا ولدكم وانتم مني وفيني الدم واللحم وأتحمل منكم اللي اكثر من جذي بعد .... ولمتكم جدامي تسوى عندي الدنيا ومافيها ..... وكلنا نخطئ ومحد فينا معصوووم ..... وانا والله مابقلبي عليكم إلا كل خير وكرامة. بعدين عاد ابوي وريلي قعدوا يسولفون سوالف جانبية وطلعت انا وامي .... وطولوا مع بعض واتصل علي ريلي وقالي يالله جهزي بنروح حق بيتنا ...... والحمدلله الحمدلله ألف الحمدلله اني سويت جذي ..... احس روحي ردت لي والله.... وتووووبة ماراح اكررها بعد اللي شفتة من ريلي. المتفائل بالله يزاك الله كل خير كلامك وايد ساعدني اخطي هالخطوة البليغ مشكور وايد وسامحني والله كنت بلوية وحوسة وماقدرت اتواجد بإستمرار شوشوتي ياحياتي ماقصرتي وكل اللي شاركوا يزاكم ربي الجنة يارب. |
رد : ندمانة....الله ياخذ غبائي
الحمد لله
الحمد لله فرحت لك ,,بجد بيضتيها هالمرة و برافو عليك وأن شاء الله يكون درس تستفيدي منه و تستحضريه بأوقات مشابهة الله يسعدكم |
رد : ندمانة....الله ياخذ غبائي
الحمد لله
الله يبشرك بالخير مرررره مبسوطة لك يا قلبي الله يوفقكم ويسعد كم ويبعد عنكم المشاكل وان شا الله يكون درس لك عشان تخففين شويه من الغيره الزايده الي مالها داعي |
رد : ندمانة....الله ياخذ غبائي
انا رح اشكر اخي المتفائل الله يجزاااك خير يا اخي ردك كاان السبب في عيادة المياه لمجاريها
وحتى الردود الاخرى سااعدت الاخت الله يبعد عليكم الشيطان وعقبالي تتصلح اموري |
رد : ندمانة....الله ياخذ غبائي
ما شاء الله لا قوة إلا بالله..
أسأل الله أن يصلح أمركما.. لم أقدم لك أي اقتراح في المشاركات الأخيرة؛ والسبب أنني رأيت منك بعض التهاون في البحث عن الحلول.. رددي دوماً (ربنا هب لنا من أزواجنا وذرياتنا قرة أعين). |
رد : ندمانة....الله ياخذ غبائي
مبرووووووك
توك يا بنت الناس |
رد : ندمانة....الله ياخذ غبائي
الحمدلله
ماشاااااء الله تبارك الله مبرووووك حبيبتي الله يبشرك بالخير .. كنت اتابع موضوعك من بعيد وان شاء الله يكون هذا درس لك .. وادري تعلمتي منه وما راح تعيدينه ويااارب ما تنحطين بهالموقف مرة ثانية الله يسعدك وزوجك ويخليكم لبعض يارب |
رد : ندمانة....الله ياخذ غبائي
مرررررررررره لاتاخرتي ..
ليتك اعتذرتِ برمضان .. وعايدتو سوا .. |
رد : ندمانة....الله ياخذ غبائي مستجدات بالرد -59-
:* برافوا عليكِ كذا بنات الأصول يكونون قدها الله يصلح فيما بينكم ويسخركم لبعض :* |
رد : ندمانة....الله ياخذ غبائي مستجدات بالرد -59-
موفقه عزيزتي ..
تم حل المشكله .. يغلق ... |
| الساعة الآن 06:59 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©