|
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
اللي يقولوا فين اهدافك بداية الزواج ووووو الخ
انا تغيرت من هذيك السنة نظرتي للعالم تغيرت.. بديت اخد حقي بيدي و ما اسكت ادافع بصوت عالي .. عرفت اللي لي و اللي علي تعلمت أصير ( اللي أنا عليه الان ) تقولوا مغرورة.. قاسية.. متكبرة الخ و لا اكون مسلوبة الارادة و ابكي بس و حقوقي تنهضم و ابلع و تجيني امراض و اطيح لا سمح الله . . عشان كذا حاليا زوجي يبغاني ارجع مثل زمان.. اعامله بثقة و حب و طاعة و غيره بس ماني قادرة |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
ارجع للموضوع
زوجي انكر و حضنني و بكي ماعرف ليش بكي ؟ قلتله يثبت .. لاني ماصرت اصدق احد |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
اللي يقولوا زوجك رومانسي ووووو اعطاكي حب بالمقابل
فهو كان ببداية الزواج استغلالي يعطيني الكلام الحلو و يحكي لي اي شي مضايقه ماديا عشان اساعده لكن وقت انه مايحتاجني .. يقول : مالك دخل ببريطانيا .. هذيك الفترة.. حسب انه خلاص استغنى عن وجودي فلوس بيده و ضمن البعثثة خلاص و كنت مرة طيبة معاه بس زوجي ماكان ينفع معاه غير القوة هو كذا طبيعته من هذاك الوقت صارت تتصنع حواجز .. لانه مايصير كويس الا اذا كان يبغى شي مادي و قلتله: لما تحتاج فلوس .. تفتكرني ؟ صرت مابغى اسمع له و لا هو صار يحكي ومليت من اكاذيبه خلاص |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
اخوي من قبل المشكلة هذه كان لما يشوفني.. ومن غير اي سبب.. كان يقول لي
ترى لو زوجك بيوم زعلك.. انا و اخوانك نوقف معاك و لايهمك كان بس كذا يتكلم كلام.. بس وقت الجد .. هو اول واحد بيقول مالي دخل المهم اخوي راح سال صاحب زوجي صاحب زوجي قال انه زوجي صح يروح بارات بس حلف اخوي مايقول لي اخوي اول مرة قالي الكلام الي سمعتيه عن زوجك كله صح فلان صاحبه قالي و حلفني بعدين رجع و قال لا لاتصدقي موصحيح يروح يلعب بلياردو و تكتم عالموضوع.. الي اعرفه عن اخوي هذا انه مايبقى في حلقه سر ؟ بس من يومها هو مايسلم على زوجي مع انه من زمان علاقته مع زوجي مو قد كذا ؟ |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
احترت ؟
ليش اخوي اول مرة قالي صح ؟ بعدين قال لا مو صح ؟ بعدين منع زوجته تروح تزور زوجة صاحب زوجي او تدخل بيتهم من يوم سمع بالكلام هذا ؟ و هل هو خايف مثلا على بيتي و سكت ؟ بس هو اصلا ما يحب زوجي ؟ و هو اصلا يحب المشاكل من زمان ؟ و لو الخبر صحيح.. كان عالاقل قال لامي او اخواتي و اخواني ؟ لاني اعرفه مايحفظ اي اسرار ؟ |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
صحبتي لما عرفت انه خلاص انكشف الموضوع ..
قالت زوجك يشرب.. لانه مرة كان مع زوج صحبتنا التانية و كان معاهم 5 سعوديين توهم جايين من السعودية كلهم طلبوا شاي و قهوة بس زوجك طلب كاسة ويسكي قلتلها زوجي مستحيل يشرب المهم افتكر انا الوقت الي نزلوا فيه 5 سعوديين و تقابلوا مع زوجي و زوج صحبتي بس اعرف انه زوجي يهمه كلام الناس عنه فماراح يشرب قدام العالم و سعوديين ؟ اعرف انه زوجي جبان .. فما حيتجرأ يشرب قدامهم ؟ و قدام زوج صحبتي ؟ هذهالاسئلة الي دارت براسي و صحبتي الا تجزم و متأكدة و زوج صحبتي متأكد لما قلتلهم شفتوا بعينكم ؟ قالولي بس الموققف هذا سالت زوجي و قال ايش يدريني انه زوج صحبتك ( قروي ) و مايعرف ايش هو البايسون ؟؟؟؟ كلهم طلبوا شاي و انا طلبت بايسون و جابوه ليا بكاسة و لونه اصفر اعرف صحيح من زمان زوجي ما يشرب لا شاي و لا قهوة المشكلة لما ادافع عنه بالحجة هذه يقولوا ضحك عليك و صدقتيه لحد ما قلتلهم يقفلوا عالموضوع نهائي و انا اعرف زوجي . . بقي موضوع البنات .. و البارات .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
زوجي لحد دحين يشرب يا كولا او بايسون
و لما اروح كوستا معاه و اطلب قهوة هو ياخد كولا او بايسون قالولي يشرب بيرة اللي فيها كحول ؟ زوجي اصلا مايشرب بالسعودية اي بيرة موسي او غيره طيب كيف يقولوا يطلب بيرة بكحول ؟ المهم موضوع الشرب الى الان ماصدقت ماعمره جا دايخ زي مايقولوا او ادق و مايرد ؟ يقولولي الي يشرب ما يبان عليه ؟ . . لما نقلنا لمدينة تانية وبعد سنة.. دق واحد اجنبي على جوال زوجي و الجوال كان معايا و انا رديت سالني عن زوجي و قال زوجك اخد جوالي و مارجعه الرجال هندوسي و اصله هندي و يروح مع زوجي يلعب بلياردو مرات سالته بما انه اجنبي زوجي يشرب ؟ قالي انا اعرف انه مايجوز عندكم ايوة يشرب قلتله كيف طيب مايبان عليه ؟ قال مو لازم يبان.. يخلطه مع الكولا و مايبان عالشخص زوجي رجع و قلتله .. حلس يضحك و يقول شكله سكران و يخرف !؟ مادري.. عقلي مو مصدق.. بس دحين ماصرت اصدق حالي و صرت اتوقع اي شي |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
طيب ليش صحبتي تجزم ؟
و هي كبيرة و ام لاطفال و زوج صحبتي من راسه يجيب كلام ؟ ماصدقتهم بالشي هذا بس مافي دخان من غير نار ؟ |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
و انا قلت .. الثقة خلاص تدمرت خاصة دحين
فصرت اكذب نفسي لاني هبلة كنت ادافع و راسمه له صورة بداخلي |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
بالفعل..
افتقد نعمة الاحساس بالامان و النوم بدون تفكير اشتاق للنوم في منزل امي و وجودها جانبي و هي تتفقدني و تحرص على مستقبلي و تسأل عني في حالة غيابي اتمنى من الله اني الاقي الاحساس هذا من جديد في حضن اولادي يوم يكبروا و يصيروا رجال |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
و اللي يقولوا زوجك اعطاك الحب ؟
ايش فايدة الحب لو ماشعرنا بالامان ؟ و ايش فايدته لو ماعاد فيه ثقة ؟ و ايش فايدته لو كنت اتحمل مسئوليته و مسئولية نفسي ؟ الحب هنا.. صار استغلال للعاطفة مو حب |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
اختى الفاضله حفظك الله نعم والله يا اختى نتمنى حضن الاب والام ولكن اين هم الان اسأل الله ان يجعل قبورهم روضة من رياض الجنان ويجمعنا معهم فى جنات ونهر فى مقعد صدق عند مليك مقتدر نعم اختى لقد يتمتى وانت فى مستهل وخضم الدخول الى معترك الحياه ولكن استعينى بالله فهو لنا نعم الوكيل والحمد لله ان لنا رب كريم معين حافظ تقدسة اسماءه ولا تنسى ان لك هنا اخوة واخوات يتمنى لك كل خير وسعاده وبإذن الله لن يتركوك ابداً بعون الله وكذلك اطفالك بارك الله فيهم وحفظهم وانبتهم نبات حسن ورزقهم الصحبه الصالحه هم واطفالى وجميع اطفال المسلمين اللهم آمين |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
بالنسبة لكلام زوج صحبتي عن بيوت الدعارة و العاهرات
يقول ماشاف بعينه و صحبتي وقت ماعرفت انه انكشف الموضوع لي قالت لي : احمي نفسك من الامراض لا يجيب لك مرض لاسمح الله قلتلها : شفتي شي بعيونك ؟ قالت : لا . . طيب انا زوجته .. و كان علاقته الخاصة بي من اروع مايكون خلال وجودنا ببريطانيا لحد ما جا ولدي كان زوجي شوي بعيد عني بس دحين نفس الشي لما انيم ولدي معايا بالغرفة.. احس زوجي مو مثل لما انيم ولدي بسرير منفصل او غرفة تانية ؟ . . اللي يحير انه صحبتي كبيرة و عاقلة و ام عيال و تجزم مية بالمية لحد ما قلتلها.. زوجي يكذب صح و مسرف صح لكن الكباير مستحيل .. و قفلي عالموضوع دافعت عنه عشان اسكتهم .. و هما يقولوا من اول عارفين بس ساكتين يقولوا المصدر الاساسي واحد وعدوه انه مايقولوا اسمه . . زوجي قال كذابين و قال زوج صحبتك مقهور .. لانه زوجته تمنعه يسهر او يخرج من البييت و شايفني انا و انت مبسوطين مع بعض |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
قلت له اثبت.. و روح واجهه .. و خلي اخويا معاكم
لانه ماصرت اثق باحد و اخوي ذكي مرة .. بالرغم من عيوبه اشترطت اخوي يكون معاهم |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
امييييين ..
أخوي الفاضل ، أبو مريم .. بقي اخر شي بالحكاية هذه ،، مواجهة زوجي لزوج صاحبتي .. المشكلة إنه هم أعز صحباتي و أحبهم مرة و يحبوني و رجعوا دحين .. و صح ما نفتح أي موضوع خاص .. بس خلاص الفكرة براسهم إنه زوجي ( شخص مثل ما وصل لهم هناك ) .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
ردة فعل زوجي ، وقت ما اكتشفت الموضوع ..
تخليني أشعر بإنه الكلام اللي وصل لي ( صحيح ) .. الله أعلم .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
لو زوجي هذيك الفترة .. ما اكتشفت انه يكذب دايما
كنت صدقته.. بس صادف انه الفترة هذيك عرفت عنه انه اكبر كذاب و لانه صارت مواقف اكتشفت فيها كذبه .. مو كذب ابيض مثل مايقولوا اكاذيب . . بس الموقف هذا الي صار و لما شاف انه بيخسرني خلاص تاب انه يكذب و تخلص الصراحة من بعد الحكاية هذه من الكذب ممكن بنسبة 50% شاف نتيجة الكذب .. كيف خلتني ما اصدقه حتى لما يكون صادق . . اكمل الي صار.. احس لما اكتب.. انا بنفسي ابدأ اتخلص من اثار الموقف هذا يمكن هذيك الفترة ماكنت فاهمة العالم مضبوط .. فكنت ضايعة ؟ و دحين بعد ماتعلمت.. و صرت اشوف الاحداث من جديد .. و لما فهمت زوجي اكثر و صرت اكشفه متى يكذب بسهولة بديت اكتشف نقاط كانت غامضة وغايبة علي الفترة هذيك . . المشكلة انه صحباتي الاتنين هذولا .. اهلي و اخواتي و يحبوني و ما أشك ابدا بمحبتهم و والله اقرب لي من اخواتي .. و دحين رجعوا و ما استانس غير بهم .. لو العالم كلهم شككوا بيا.. هما ما يشكوا لحظة بيا.. بس التانية تحب القرقرة كثير و يمكن من خوفها علي و يشوفوا زوج صحبتي نزيه و صادق و يخاف الله راجعة |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
فيه شي بخصوص العاهرات وبنات الحرام
ما قلت لاحد انا من قبل ما اروح بريطانيا.. كنت اعرف انه الدنيا مفتوحة هناك فمن قبل لا أسافر و انا كنت حاطة براسي.. انه زوجي ما يخرج من البيت الا و هو متشبع .. مايحتاج اشرح فكنت حريصة جدا بالنقطة هذه .. و كانت علاقتنا من الناحية هذه و الحمدلله ممتازة و حتى بفترة الحمل او النفاس او الفترة الشهرية من يوم تزوجت.. كنت حريصة اني اهتم به في النقطة هذه.. يعني كنت الحمدلله اقرأ و ابحث و اتعلم.. فأكيد كنت راح أحس لو واحد بالمية !؟ خاصة انه الي يجرب الحرام.. ربي يحرمه لذة الحلال !؟ ما اعرف ؟ بالنقطة هذه ما أقدر أشكك فيه و هو يحلف مليون مرة بالقران و يدعي على نفسه بالامراض و الهلاك لو انه لمس وحدة غيري .. يقول زوج صحبتك مقهور لانه يشوفنا بعيونه وقت نتمشى معاهم كيف امسك يدك و ادلعك واهتم فيك و هو مو عارف يعمل كذا مع زوجته .. . . طبعا ما قدرت اقول الكلام هذا لاحد .. انه زوجي ماعمره خرج من البيت و هو متجوع للعلاقة لانه حتى في عز الغضب و الزعل ما كنت اخليه ينام برة الغرفة او ينام زعلان .. زعلنا ما يجلس اكثر من نص يوم اطول مدة زعلنا فيها لما غاب عن البيت يومين .. كان نايم في بيت صاحبه و صحبتي تقول ايش يعرفك !؟ طبعا هذا صاحبه يصير صاحب زوج صحبتي كمان.. فتوصل لها الاخبار فصاروا يشككوني باليومين هذه الي غابها عن البيت و الله يوم ونص افتكرت.. مو يومين المهم.. اصلا من بعد الموقف هذا قلت لزوجي .. لا تتعرف على ازواج صحباتي من بعد اليوم و لا اتعرف انا على حريم اصحابك |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
عشان لا أحد يقول ( اهتميتي بالدنيا و نسيتي الدين ) ..
أنا ماني جالسة أكتب قصة حياتي ؟ عشان أكتب عن كل الجوانب الحياتية .. من دينية لإجتماعية لثقافية ووو إلخ .. أنا بأركز على الحكاية اللي بدأت تدمر حياتنا .. و بأحاول أختصر بس بأنقل كل النقاط اللي كانت تدور ببالي و بمخي .. و التساؤلات اللي جلست بداخلي و أنا أبحث عن اجابتها .. ماني تاركة عملي و بيتي عشان فضاوة و اكتب .. بأحاول ألقى علاج لنفسي ، لشي عجزت أنساه لسنوات و بدأ يدمر حياتي .. . . لكن عمري و لا يوم و لا ثانية ، غفلت عن الجانب الديني .. بس باللحظة اللي حسيت فيها إنه أنا بنفسي بديت أضعف ( دينياً ) بسبب عدم وجود الجو الروحاني ببلاد الغربة و ما لقيت الصحبة الصالحة اللي تعينني .. بديت اهتم و أركز على تقوية الوازع بداخلي ، حتى أقدر أبني نفسي ( ثم غيري ) .. . . اليوم تكلمت مع زوجي عن النقطة هذه .. قلت له عندي طلب صغير .. سألني إيش هو ؟ قلت له ، طلب صغير بس يبغاله تفكير مع نفسك .. سألني إيش هو ؟ قلت له ، إنت تعرف و تشوف قد إيش أخاف على ولدي و ارحمه و أحن عليه .. مو كذا ؟ قال لي ، إيوة .. قلت له ، تعرف كمان إنه ربي .. ارحم علينا من رحمتي على ولدي و أنا ولاشي قدام رحمة و حب ربنا لنا ،، مو صح ؟؟؟ قال لي ، أكيد .. و فكرته بإختصار سريع قصة المرأة في الحرب اللي لقيت ولدها و ضمته و الرسول صلى الله عليه و سلم إيش قال .. و افتكر و قال أكييييد طبعا .. قلت له ، طيب شفتني كيف زعلت و تعبت مرة و غضبت .. وقت عرفت الحكاية هذيك ؟ و ربي يغار عالعبد أكثر من غيرتنا .. و أكيييييييد ربنا زعل و غضب عشان حرماته و خاصة ( رمضان ) .. قال لي ، عشان كذا مو رحت معاك و اعتمرنا .. قاطعته و قلت له .. أنا ما أبغى أفتح سيرة الموضوع ، بس أبغاك مع نفسك .. تعاهد ربنا إنك ( رمضان الجاي ) تعوّض عن كل اللي ضيعته برمضان هذا .. و زي ما بتحاول كيف تراضيني و تفرحني .. فرّح ربنا .. مو لازم كمان ، إنك تستنى لحد رمضان الجاي .. ما نعرف مين راح يعيش و مين راح يموت ؟؟؟ بس خلي الشي هذا بينك و بين ربنا .. و فكرته بقصة الثلاثة اللي كانوا بالكهف .. و قال لي ، إيوة كل واحد قال أفضل عمل عمله بينه و بين ربنا و انكشف باب الغار .. قلت له ، عشان كذا .. أنا ما فكرت بنفسي و بس .. فكرت عشان إنت .. و عشان ربي يرضى عليك .. خليه بينك و بين ربنا .. فكّر كيف تفرحه و ترضيه لإنه زعل منك أكيد .. . . هذا اللي حصل ، و قلته للفائدة مو للمدح .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
مشكورة أختي ( أمل ) .. عالنصيحة ..
و أنا مو دايما أقول لزوجي نصايح و كذا .. بس حبيت إني أقول الشي هذا ، عشان يعرف ( إنه خان ربنا ) .. و يصلح علاقته مع ربنا .. . . المهم .. افتكر من ضمن الكلام اللي قاله زوج صحبتي .. (( إنت مسكينة ، من أول ما جيتوا فيه لبريطانيا .. و هو ينزل بسيارته البيضا لمدينتنا و إنت ما تدري عنه و يروح للأماكن هذه ؟ )) .. #. سيارة زوجي ما اشتراها غير بعد سنة و نص من وجودنا في بريطانيا ..؟؟؟؟ هذا السؤال اللي جاء ببالي ؟؟؟ و أول ستة أشهر ، زوجي ما كان لسى تعرف فيه على ناس كثيرين ؟؟؟ . . المعلومة هذه ما كانت صحيحة ،، هل هو ملخبط ؟ هل هو يكذب ؟ هل هو يبالغ ؟ . . اللي خلاني أطيح بحيرة الفترة هذيك .. إنه زوجي مع أهله ما كان أبدا يقول لهم ، هو فين رايح و لا من فين جاي و لا يقول لهم أي شي .. فوقت كنت أسأله مرات ، أو أقول له يتكلم معاي زي بقية المتزوجين و زي ما أتكلم معاه .. على طول ، يفتكر عقدته في بيت أهله ،، و يحسبني ( جالسة أحقق معاه ، أو أتجسس عليه ) .. و كنت أسمع من زوجات أصحابه إنه زوجك كان مع زوجي بمطعم أو زوجك معزوم بالمكان الفلاني و أنا آخر من يعلم ؟؟؟؟؟؟؟ . . فلما صار الموقف هذا و الحكاية هذه ، بدأ زوجي (( يقتنع إنه تصرفاته معاي كانت غلط )) .. و عاهدني إنه بيتغير و يعطيني خبر بعد كذا .. و يبدأ يحاول يتكلم معاي و يحكي لي أي شي .. . . عشان كذا ، صارت أي معلومة تجيني من مصادر خارجية .. أتوقع إنها صحيحة بنسبة 50 % .. لإني بجد ، وقتها ما كنت أعرف ( أنا متزوجة مييييييييين ؟؟؟؟ ) |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
طبعا كنت بفترة اختبارات و ضغط نفسي ..
فما أخدت وقتي بالتفكير أو الراحة النفسية .. طلبت من زوجي إنه الطريقة الوحيدة للإستمرار مع بعض ، يواجه ( زوج صحبتي ) .. أمام أخوي ( ه>ا شرطي ، عشان أصدقه ) .. زوج صحبتي ،، تكلم عن ( زوجي ، و عن صاحبهم المشترك و اللي أنا أكرهه مرة ) - و أخوي قال إنه الكلام اللي انقال غلط و لا أصدقه ، بعد ما راح و سأل ؟؟؟ مع إنه يدرس مع زوجي بنفس الجامعة و فيه كلاسات مشتركة ،. بس لو كان الكلام غلط ،، ليش أخوي مباشرة منع زوجته من زيارة ( زوجة صاحب زوجي اللي تكلم عنه زوج صحبتي ؟ ) زوجة أخوي قالت لصحبتها و اللي تصير ( زوجة .. صاحب زوجي ) إنه أخوي منعها من زيارتهم من هذاك اليوم .. - زوجة صاحب زوجي ، لما سمعت عن الكلام اللي قاله ( زوج صحبتي ) ، مع إنه تكلم عن زوجها كمان .. بس هي جلست تضحك من الكلام اللي سمعته و كانت ردة فعلها مو مثلي .. و دقت علي و تقول لي ( إنت غبية ،، أنا جلست اضحك لما زوجي قالي عن الكلام اللي طلعوه عليه هو و زوجك .. و أنا ضحكت لإنك صدقتي ؟ ) . . المهم .. زوجي ما راح واجه زوج صحبتي مع أخوي ، و راح قابله هو و صاحبهم المشترك .. و رجع البيت و قال لي ( واجهته ، خلاص كذا ارتحتي ؟ ) قلت له ( ما أخدت أخوي معاك ؟ ) قال لي ( لأ .. ما أخدته ،، عشان صاحبي كان معايا ،، و اللي أخوك منع زوجته من زيارتهم ،، و صاحبي مقهور من أخوك) قال لي زوجي ( بس سجلت صوت زوج صحبتك و كلامه اللي قاله لنا ، وقت واجهناه ) .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
زوجي سجل كلامهم
بس ما اخد اخوي بحجة انه صاحبه مايبغى يشوف اخوي لانه اخوي منع زوجته تزور حرمته فقال ايش شايفني عشان يمنع زوجته ؟ ادري انها حجة عشان زوجي مايبغى ياخد اخوي المهم التسجيل.. مسجل من بداية كلامهم و بعدين توقف التسجيل زوجي يقول خلصت البطارية بس انا ما صدقته هو فيه شي يخبوه عني بس انا ما ادري المهم التسجيل كان شي يقهر زوج صحبتي صار يكذب و يقول عني كلام و يحرض زوجي علي لو مو انا الي بيفتري عليها.. كنت صدقته من كثر ما حابك القصة زوج صحبتي . . انا اللي محيرني صحباتي مرة متأكدين انه زوج صحبتي مستحيل يكذب و انه زوجي بيخدعني و يستغلني و الموقف الي صار من شهر خلاني ارجع للحكاية هذه اللي عشت وقتها مابين شك و يقين لدرجة انه كانت بتجيني مشاكل مع عملي و الملحقية لولا وقوف مشرف دكتور و دعمه لي .. مسئول بالملحقية ما انسى فضله علي باكتب بس الكلام الي قاله زوج صحبتي و كيف حرف القصة |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
احس اني ازعجتكم سامحوني
بس ماصرت اتحمل كثرة التفكير |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
لا حبيبتي احنا مو منزعجين
بس نسمع لك بهدوء لان الهدف الأول والأخير من سرد كل هذه الاحداث انك تتخلصي منها وتبدئي حياة جديدة مع زوجك الكريم كملي غاليتي بس تعالي جاءني استنتاج من فترة الظاهر انك جنوبية شرقية مو شمالية غربية ههههه |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
أبدا حبيبتي :)
متابعين ومعك.. بس ننتظرك تخلصي .. لو كنت بكتب ردود خلال سردك راح يكونوا كلهم بنفس المعنى تقريبا ... كل ما تابعتي بالسرد كل ما تأكدت بأنك مفروض تنسي كلام الحاقدين والكذابين ومع انه زوجك عنده أغلاط لكن أنتظرك تنتهي أول :) |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
لا يوجد أي نوع من الإزعاج..
إنما تركناك على سجيّتك وفطرتك في الكتابة والاسترسال كي تخف عنك الضغوط والتراكمات النفسية شيئاً فشيئاً.. ومن خلال ما أقرأه لك أجد أنك ستصلين للحل بمفردك إن شاء الله.. ولكننا سنساعدك بما نستطيع بإذن الله.. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
وانا زيهم :)
|
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
يمكن كنا ببداية زواجنا و ماكنت اعرف زوجي متى يكذب و متى يكون صادق
و كنت اشوف العالم .. كانه عالم مثالي اخوي الصراحة.. هذا اكثر شخص في اخواني و خواتي ناكر للمعروف و مشكلجي بس لو لقي شي على زوجي كان اول واحد نشره عند اهلي ؟ بس ليش منع زوجته تروح عند زوجة صاحب زوجي ؟ انا طبعا بعد الحكاية هذه كرهت المدينة هذه و كرهت كل شي فيها و صحباتي بعدت عنهم فترة و نقلت من المدينة و الجامعة و الدكتور المشرف ساعدني بالاجراءات و شرح الخطوات و اللي لي و اللي علي مع انه مايعرف اسمي المسئول هذا و لا شكلي و لاشي بس له فضل علي و كان بجد مكان الأب لانه مشرفي السوداني عقد اموري و هذا سهل لي بتوفيق من ربنا المهم اني تعلمت دروس كثيرة في الحياة من يومها باقي بس اكتب ايش قال زوج صحبتي عني و هو مايدري انه فيه تسجيل |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
نسيت اقول.. هذيك الفترة الي كمان زاد علي
و خلاني خلاص ما اعرف افكر ؟ انه جاني خبر مرض أمي بالسرطان و ماكنت متاكدة من الخبر لانهم كانوا مكتمين عالموضوع فكنت مابين شك و حيرة ؟ الاعراض و كل شي يقول انها مريضة بس الكل ينكر .. فيعني كانت سنة .. الله لا يوريها لمسلم و ولدي جلس سنة كاملة ينادي الشغالة ماما و يكرهني.. اذا شافني يبكي و يعصب احاول اتقرب من ولدي باي طريقة . . المهم زوجي اخد صاحبه و راحوا بيت زوج صحبتي و هو تفاجأ بهم طبعا وقتها زوجي ماكان يعرف يواجه اي شخص حتى لو الحق معاه.. فكان انجاز بالنسبة له و بابتسجيل زوجي بدأ و قال لزوج صحبتي ايوة يابو فلان زوجتي ام فلان تقول انه واحد من اصحابي قالها عني كذا و كذا و ابغى اعرف مين الي قالها كذا ؟ و قام زوجي سال صاحبه و صاحبه يدري انه فيه تسجيل قال له .. انت ايش رايك ؟ هل الكلام هذا عني .. صحيح ؟ صاحبه قال .. لا و الله ماعمري سمعت او شفتك فيك هذا الشي . . |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
قام وجه سؤاله لزوج صحبتي
قاله زوج صحبتي اسمع الحكاية مني هذاك اليوم زوجتك دقت علي.. و تبكييييي و تقول انك تجي كل ليلة من برة مدروخ و دايخ و سكران و هي ماهي عارفة ايش تسوي ؟ بس انتبه هاه يا فلان.. لا تروح دحين و تضرب زوجتك ؟ انا مالي دخل هي قالت انك تجي من برة كل ليلة و انت دايخ و تقول كلام ماهو مفهوم بس مالي دخل ترى .. لا تروح دحين و تضربها ( كأنه يقول لزوجي روح و مد يدك عليها ) و الله شككني بنفسي مع انه هو الي قال لي .. زوجك ماعمره رجع دايخ ؟ فيه ريحة خمر او او ؟ و انا رديت .. لا و الله و لا مرة و هو الي قال .. مسكينة على بالك مافي رجال غيره ؟ و تدافعي عنه اذا احد تكلم عنه المهم اتهمني قدام زوجي انس انا الي دقيت اشتكي و ابكي انه زوجي يرجع من برة دايخ و سكران و انكر انه قال اي شي عن البنات او العاهرات ووو الخ و ثالث مرة يقول لزوجي ابري ذمتي و اصحك تروح تضربها دحين . . انا بجد من طريقة كلامه شكيت بحالي |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
فيه اخر شي بالحكاية هذه
موضوع البار و البنات الي قاله زوج صحبتي و رد زوجي ايش كان ليا.. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
كملي روح
بس صدقيني مستحيييييييييييييييل يكون عنده علاقات ويشرب ما تحسين ياروح احنا اذا اخوانا الرجال يغلطوا نقدر نعرف ونحس باحساس الانثى .. ف كيف لو ازواجنا ؟ يا ستي انا مرة شفت قريب لي في بيت اهلي وكنت صغيرة ما اتجاوز المرحلة المتوسطة وعرفت انه شارب من عيونه وثقل راسه بالاستيعاب مع انه ما وصل مرحلة انه يفقد توازنه في المشي بس عرفت من شكله مو طبيعي وهذا الرجل أشوفه بين فترات متباعدة جدا تخيلي عاد لو زوجك |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
فاكهة
ايش يدريني ؟ انا قلت كذا .. بس يقولولي الي يشرب مو لازم يبان عليه .. و هذه صحبتي الي تحب القرقرة.. تقول الي يشرب مرات يجي البيت عادي مافيه شي و مبسوط و فرحان يكون بس الحق .. ما عمره عدى يوم و شفته مو بعقله او دايخ مثل مايقولوا بس كيف كذا يتبلوا عليه ؟ و ما عمري دقيت عليه و ما رد او ما كان بعقله لا سمح الله حجته .. انه شاف زوجي يطلب شراب لونه اصفر و زوجته قلتلها بايسون تقول يعني برأيك ياعصامية زوجي اهبل ما يعرف البايسون ؟ طيب هما يقولوا وقت ما تجمعوا مع الخمس سعوديين طيب زوجي ماراح تجيه الجرأة انه يطلب قدام 5 سعوديين و زوج صحبتي ؟ و سعوديين اول مرة يقابلهم و كلهم يطلبوا شاي و هو يطلب ويسكي لاسمح الله زوجي و اعرفه مايشرب قهوة و لاشاي يشرب يا كولا او بيبسي . . المهم زوجي يقول شافوني اروح صالة ألبلياردو .. و في الصالة فيه اكيد ناس يطلبوا الشراب هذا مثل ما كل المطاعم برة .. فيه ناس تطلبه فقالوا عني كذا .. اكمل بعد شوي عن كلامه عن البار و الكلوب .. . . بس حابة أضيف شي للامانة زوجي ماعمره نام برة البيت كانوا برة السعوديين يتجمعوا يوم الجمعة مع بعض .. مع الغربة و الطفش عشان السبت و الاحد ويك اند كان و السعوديين اغلبهم كانوا الجمعة يتجمعوا و يسهروا فزوجي اول مرة كذا بدأ .. كل جمعة و شوي صارت اغلب الايام و اليوم الي غاب فيه ليلتين الصراحة .. انا وقتها خلاص ماتحملت كل شي علي و فوق راسي و هو مو داري عننا بحجة انه ماله دخل بالولد و انا و هو قبل لا يجي ولدي كان اغلب اكلنا برة و ماكنا متعودين نقضي للبيت فما كان متعود و مرة من المرات خلاص تعبت .. و رجع زوجي قبل الفجر بساعتين .. قلت له اطلع برة.. و أصريت انه يطلع و كنت ابكي لاني تعبت خلاص من كل المحاولات يعني مو هو الي خرج من حاله انا الصراحة قلت له يخرج و خرج وقتها قبل الفجر و تاني يوم راح عند صاحبه صاحبه قال له الصراحة انت مرة زودتها و عاتبه و عطاه كم كلمة عن انه زود السهر بس كان مقفل جواله زعلان و نام عند صاحبه و رجع تاني يوم رجع و يتأسف انه غلطان في كثرة سهره و انه خلاص بيتعدل و بدأ ينظم سهره شوي سالته فين نمت ؟ قال عند صاحبي فلان عشان زوجته بالسعودية و اول يوم يقول راح المسجد صلى الفجر و بعدين بعد ماطلعت الشمس راح عند صاحبه و صاحبه عاتبه و قال له انت الغلطان و المفروض تقلل من ساعات سهرك و ماحد يعمل مثلك بس حبيت اوضح للامانة و صرت عصبية الفترة هذيك بعد ما صارت مواقف كثيرة تكشفت عيوبه كنت افكر انفصل عنه و خلاص كنت ماني متحملته لازم اخرج دحين |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
فترة ما بديت أشد شوي.. بدأ يتعدل و يرجع كويس مثل أيام الملكة
يعني بداية الغربة كنت مرة معاه تمام و بداية الزواج كمان بدأ هو يطنشني و يتغير و كذا رجعت احاول ارجع لنفسي و استرد قوتي و ثقتي و استقل بنفسي و اعطيت لنفسي دروس بالحياة وقتها و هي نفس الفترة الي صارت الاحداث هذه .. و بدأ يتعدل لما شافني قوية بموقفي اخدت دروس لنفسي.. مشيت عليها الى الان بس خلاص باكتب عن البار و الكلوب |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
طبعاً الدروس اللي أخدتها وقتها ،، فترة ما كثر اهماله و سهره .. و كنت تعلقت فيه و هو يطنش ..
كنت بجد تعبانة تعبانة .. - أول شي ، قلت بأعتبره ( ميت ) خلاص .. و اعتبر نفسي ( منفصلة عنه ) .. عشان لا أفكر فيه بإستمرار .. - أحاول ما أكون واضحة تماماً و لا أكون دفتر مفتوح أمامه .. و أكون غامضة .. - أبدأ استقل عنه ، و أنا كمان ارسم حياتي في بريطانيا و أعيش حياتي .. مو شرط معاه أروح أي مكان .. - ادلع حالي و مالي دخل فيه .. أخوي الكبير قال لي شي ،، الصراحة ( تفكير أخوي الكبير كان خبيث شوي ، بس ذكي الصراحة و هو الصح ) .. ما كنت أحكي لأهلي عن اللي صار أبدا ،، بس كنت أبكي و أقول لأمي ( تعبانة و ما أبغاه ) .. و ابكيييييييييي .. أخوي الكبير قال لي .. - مثل ما جبتيه معاك بالغربة و التحق للبعثة و بدأ يستغني ، فإنت خليك أذكى منه .. و لو نويتي تتركيه .. خليه يرجع ( بخفي حنين ) و مثل ما كان .. و لا تكوني غبية ، خليك أذكى منه .. لإنه زوجي الفترة هذيك كان يقول ( تبغي ترجعي ارجعي ، خلاص أنا مبتعث و بأجلس هنا ) بس بعدين عرفت إني لو رجعت ، هو بيرجع معاي غصب عنه .. و كان يضحك عالملحقية كمان .. ما يروح الجامعة و يكذب عالمشرفين .. قلت بداخلي ( تعليقاً على كلام أخوي ) ،، بس حراااااااااااااااام ما أقدر .. و ما يصير أأذيه ووو إلخ .. و حزنت و رفضت الفكرة .. بس طلع تفكير أخوي ( هو الصح ) .. . . بس بعدها تغيرت بجد .. و قبل لا زوج صحبتي يتكلم بفترة .. و صرت بدل ما كنت أفكر بمصلحته و بدراسته قبل مصلحتي ووو إلخ .. تعلمت أفكر ( بنفسي قبل ما أفكر به .. و أفكر بمصلحة نفسي و ولدي ) .. تعلمت ما أكون ( أنا و هو واحد ) .. لا .. أنا أول ،، ثم هو .. تعلمت أطلع كل شي ( من عيونه ) .. تعلمت ( ما ارحمه ) .. تعلمت إني ادعس على قلبي ، و اهتم بشهادتي أهم شي .. و احصل عليها بأي طريقة .. و انسى كل شي بس عشان أقدر أمشي و اهتم بدراستي .. تعلمت أخليه يرجع ( للصفر ) .. تعلمت إني ( أطلب منه يقدم لنا كل شي ) .. نويت إني أبدأ أتغير و اتعلم ( التطنيش ) ،، لإنه صحتي أهم شي .. . . سامحوني .. لإني صريحة .. بس مع كذا ، كنت ارحمه و أوقف معاه .. بس ( بعقل ) و تفكير .. بس بعد ما أفكر مليون مرة .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
زوجي كان تعليقه على موضوع ( البار ) ..
إنه كان دايما يروح للبلياردو و يلعب هناك .. و البلياردو برة يكتبوا عالمدخل .. Snooker Club Snooker Bar فزوجي قال لي .. إنه السعوديين وقت كان يقول لهم تعالوا معايا نلعب ( بلياردوا ) .. كانوا مجرد ما يقرأوا عالمدخل Snooker Club يحسبوا ( كلوب ) يعني ملهى أو نادي ليلي .. بس هو معناه ( نادي البلياردو ) .. و هو زوجي مدمن الصراحة للعبة هذه ،، بس كان يخبي علي ،. عشان لا أقول له ( فيه حريم بالصالة ؟ ليه طيب ما تدور شغل ؟ ليه طيب ما تروح المعهد أو الجامعة ؟ ... إلخ ) هو يكره أي شخص يمنعه عن البلياردو .. أهله كل يوم و إلى الآن ،، يخاصموه إذا راح لعب البلياردو .. فصار ماخد موضوع البلياردو ( مسألة عناد و تحدي ) لهم .. و بدأ يعاملني مثل ما يعاملهم و يحسبني راح ( أحرم اللعبة ؟ ) . . أما البار .. فقال لي ،، أي مكان فيه طاولة طويلة يجلسوا الناس قدامها و يطلبوا ويسكي ،، يسموا الطاولة ( Bar ) .. و قال لي ، مثل المطعم اللي نروح له .. يكتبوا برة مثلا عالمدخل .. Resturant & Bar يعني مطعم و بار ،، بس نحن مالنا دخل بالناس اللي يشربو ، نحن نروح و نتغدى أو نتعشى و خلاص نخرج .. و أنا نفس الشي ، مالي دخل باللي يجوا يشربوا .. أنا رايح ألعب ( هوايتي ) ، و اللي يشربوا أنا مالي دخل فيهم .. و كل واحد جايي و معاه صاحبته .. و أنا مالي علاقة بهم .. أنا ليا بالطاولة حقتي و بس .. . . حتى افتكر إني نزلت سؤال هنا بالمنتدى عن ( البلياردو ) قبل كم سنة .. و ردت علي وحدة من الأخوات ، إنها مدمنة اللعبة هذه .. و إنه الواحد إذا بيلعب البلياردو .. يكون تركيزه كله عاللعبة و بس .. و الوقت يمشي من غير ما الواحد يحس .. ممكن تعدي 5 ساعات و الواحد ما حس بالوقت .. فكان هدا كلام زوجي و تبريره .. . . و أعترف بإنه غلطان ، لإنه ما كان أبدا يحكي لي أي شي .. و لا يقول لي فين رايح و لاشي .. و شخص صامت كان .. و يقول ما كنت أعرف و لا أحد علمني ،، و كان في بيت أهله ما يتكلم أبدا و ما يقول لهم فين رايح و تعود كذا في بيت أهله و وعدني إنه بيتغير و يصير يعطيني خبر عالأقل ، إنه بيتأخر مثلا أو بيغيب كم ساعة .. لإني ما كنت أطلب منه ( تفاصيل و تحقيق ) فين راح و مع مين جلس ووو إلخ .. بس يحسسني إني زوجته ، أسمع أخباره منه .. مو من زوجات أصحابه أعرف عنه كل شي .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
كنت أحسن معاملته ، بس اكتم بداخلي فكرة إني أحاول الإنفصال عنه - عاطفياً - ..
حتى لا أتعلق فيه .. لإني ما كنت قادرة أخذ أي قرار بالفترة هذيك .. كل اللي كنت أقدر أعمله ، إني مؤجلة التفكير بالحمل .. لإني حاطة احتمالات و ماني عارفة ، الرجال هذا .. إيش نهايتي معاه ؟ كلها أفكار بداخلي .. لكن ما كنت أقصر معاه أبدا بالتعامل و لا بالتمشيات و لا بالضحك و لا بشي .. بس إني ما كنت أحاول أخليه ( كلّ حياتي ) .. و هو الأفضل الصراحة ،، و ارتحت الصراحة بعدها .. لإنه الرجل يحتاج لإمرأة لها شخصية و غامضة ،. المهم .. وعدني زوجي إنه ياخدني لصالة بلياردو عشان أشوف بنفسي الصالات اللي يقصدوها أصحابه .. و يحسبوا إنها أماكن ( سيئة ) .. |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
بس علاقتنا ، اللي ما يختلف عليها اتنين ..
( كانت صداقة أكثر شي ) .. حتى أخواتي كانوا يقولولي إنت و زوجك علاقتكم حلوة ماشاء الله ( كأنكم أصحاب ) كنت أحب أضحك و نتمشى و كل يوم احكي له حكاوي عن الأحداث اللي تصير معايا .. حتى مع الزعل و كذا ، كنت ارضى و أنسى بسرعة .. بس هو اللي مو راضي يبطل كذب ، و يلعب بذيله .. و يخبي عني أشياء كل مرة .. كل ما أكون كويسة معاه مررررررررة و أدلعه ، يقوم يستغل الفرصة عشان يكذب علي .. أوكي ، أنا ما أحاسبه أو أعاقبه مثل أهله .. بس ما كان راضي ( يعقل ) .. مو شرط أمور لا سمح الله بطالة ، بس المهم يبغى يكذب ( أحسه مرض ) .. . . و الدليل ، إنه دحين لما صار الموقف اللي من شهر .. ( و وقت تكلم و لأول مرة بصدق و صراحة ) .. احترمت صراحته .. و هو ما توقع ردة فعلي .. حتى بدأ دحين معايا بمبدأ الصدق ،، و بدأ حالياً ( يتكلم بصدق و ما يكذب ) . . حالياً .. أنا جداً تغيرت عن الفترة هذيك ، و هو كمان .. صرت أهدأ .. و هو العكس .. كل واحد أحسه تأثر بالتاني .. . . ما أعرف إيش ممكن نسيت أكتبه عن الموقف هذاك ؟؟؟ . . إيوة صح ، وقت ما صحبتي جلست تقول إنه ( زوج صحبتنا مستحيل يكذب ) .. قلت لها ( هذا انسان كذاب ، تبلى علي و كذب على زوجي و قال كذا و كذا عني .. لو مو أنا .. كنت صدقت كلامه ) صحبتي صارت تدافع عن زوج صحبتنا ، و تقول ( لأ .. هو بس انفجع و ما توقع إنهم كذا يجوه بدا الوقت و يسألوه .. ) و بدأت تحط لزوج صحبتنا الأعذار ، و لزوجي التهم .. بإنه زوجي بينكر فعلته الشينة بالطريقة هذه . . صحبتي اللي زوجها ( بطل الموضوع ) و هي معروفة بالعقل و الدين و الإتزان .. تقول أنا اللي أعرفه .. إنه زوجي مرات كنت أسمعه يكلم زوجك بالجوال زمان .. بس ما أعرف إيش كان بينهم ؟؟؟ بس فيه شي .. و تقول كمان .. إنها تعرف عن زوجها ، إنه من الناس اللي ما يقول شي .. إلا و يكون صح وصل له كلام أو سمعه .. المهم .. صارت صحبتي القرقارة .. تقول المصدر واحد مراهق عمره 18 سنة .. زوجك أول ما جا هنا .. راح معاه لأماكن زي كذا .. و جاء الولد هذا و قال لنا .. قلت لها مين الولد هذا ؟ رافضة تقول .. بس تقول إنها متأكدة .. و المصدر الأساسي ما يبغوا يقولوا اسمه لإنهم وعدوه .. و أنا أتوقع صحبتنا الثالثة .. بس هي كانت بعيدة عن القصة و لا دخلناها من البداية أبدا .. بس هذا اللي فهمته منهم .. . . هذا اللي افتكره .. و بعده بشهر ، و بعد ما ننقل و نستقر .. تجيني ضربة قوية كمان .. أقولها مو دحين .. بعدين .. و هي اللي بجد أحسها ( خربت حياتنا ) .. و إن كنت بالظاهر ( أتظاهر بإنه كل شي تمام ) |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
ما عندي شي أضيفه حالياً بخصوص الموضوع هذا ..
كانت عندي أنا كمان أغلاط ممكن ، بس كنت أحاول و أسعى إني أصلح كل مرة .. و أطور من نفسي .. و إنه حياتنا تمشي كويس و ما تنهد لا سمح الله .. و الدليل طلبي لمشورة الصائمة لله ببداية الغربة، لكن مجرد ما صارت الحكاية هذه .. توقفت و ما كتبت شي .. انشغلت أنا بنفسي مع المشاكل هذه .. و دحين أول مرة افتح الموضوع هذا .. و اللي خلى الجرح ( مفتوح ) .. إني غطيته غصب عني ، لإنه ما كان أمامي أي خيار .. كانت عندي اختبارات نهائية ، و مرض أمي ، و أخوي و مسبب لي مشاكل هناك مع زوجته .. فكان غصب عني وقتها ، إني ادفن الجرح .. و أتناساه ( غصب ) .. بس جلس الموضوع هذا ينغصّ علي حياتي .. دحين ماعندي شي أضيفه .. . . |
رد : أبو حكيم. البليغ. خالدبوس.المتفائل بالله. نورة. فاكهة الشتاء. بيتا.ابو
أرغب بإغلاق هذا الموضوع بشكل نهائي ..
حابة أرتاح من الحكاية هذه .. لإنه مجرد ما يصير أي موقف .. ارجع افتكر الحكاية هذه ، و تتأكد ( الشكوك ) .. الحكاية هذه ( زلزلت ) كل شي بالفترة هذيك .. . . خلال ما كنت أكتب الأحداث خلال الكم يوم هذول، زوجي كان يسعى لتغيير نفسه للأفضل و لإرضائي .. حتى يقول لي يبغى يرجع ( يربي لحيته ) و يصلي ( إمام بالمسجد ) .. و جالس يشجعني نروح نكمل دراستنا و إنه بيكمل معايا و يوقف معاي .. ( و يقول تعلم من أغلاطه و شاف كيف لما جاء هنا و تبهدل من غير شهادة و لا وظيفة ) يقول جلس مع نفسه يفكر و يسأل حاله و هو بالمسجد .. لمتى بتجلس كذا تضيع عمرك ؟ خلاص حافظ على أولادك و زوجتك و بيتك .. قال لي أبغى أعيش معاكم سوا .. نربي الأولاد .. و من غير أي مشاكل .. و نحل مشاكلنا أول بأول .. و أبغى توعديني كل شي تقوليه لي أول بأول و أنا أوعدك ما أكذب من اليوم .. يقول حاسبيني على أغلاطي من اليوم .. و كل يوم يقول كلام كثير و وعود إني بأشوف كيف راح يعوضني عن الأيام اللي شفتها و ما راح أصدق إنه تغير .. صار يتكلم الكلام اللي كنت أقوله له زمان ،، أنا تغيرت كثير .. مرة صايرة هادية .. و أعد للمية قبل لا أقول أي كلمة معاه أو مع أهله أو أهلي .. حتى صحباتي .. . . فكرت اطلب منه الفجر اليوم ، أروح اصلي بالحرم .. نفسي أزور قبر أمي ،. و اجلس لوحدي معاها بس كذا .. ( ما عندي إضافة ) بس أي ضربة أخيرة من زوجي أو من أهله لا سمح الله ،، بتكون الأخيرة .. و أنا محسسته إني رجعت الإنسانة اللي قبل و اللي عرفها أول مرة .. لكن ما رجعت ( بغبائي السابق ) .. و بأخليه ( ينجنّ علي ) .. بس أنا ( قلبي ما راح أخلي زوجي يمتلكه و لا غيره ) و إن كنت بالظاهر راح أظهر له كل الحب و العشق و الغرام .. إلخ راح أحبه ( عشان نفسي و أولادي و اخرتي ) .. بس ما راح أعلق نفسي به أبدا .. |
| الساعة الآن 09:34 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©