|
رد : زاويه جمآل
العقد الفريد .
ياهلا و مرحبا ..احنا تمام حبيبتي مشكورة عالسوال عساك و اسرتك بكل صحة و خير صعبتيها علي :) ... الشعر الاسود الحالك صعب ينصبغ طبيعي اذا ماكان مستحيل :) :) بس مع الاستمرار لعل و عسى يفتح حتى درجة :) حاليا بسوي الحنا مع خلطات جنبها .. بس بامانة ما لقيت لون وااااضح الا مرة وحدة بس .. كنت صابغة قلبلها بصبغة جارنيه لون احمر فاقع .. بس طلع بشعر خفففففيف كون شعري اسسسسسسسسود حالك .. فاقررت احني عليه وبس حنيت طلع لي لون احمر باذنجااني رهههههههههههيب .. يعني الحنا لحاله ماطلع لون يبين .. امي لها سنووووات عالحنا و برضو مافي شي.. غير لمعه تحت الضوء لذا افقدي الامل :) اذا كان الصبغة الكيمائية (بقوتها ) ماتصبغ الشعر اللاسود الا بعد سحب اللون فماباالك بالطبيعي !!! :) ادري كئبتك :) .. بس اكيد متوقعة هالاجابة :) عاد انا مشكلتي الشيييب المبكر و بالغرة :( تصوري ... ماعاد دريت كيف اغطيه ... جالسه بس احنيه و امري لله ... اتذكر قبل مايطلع لي الشيب .. مرة جت عندنا احدى الجارات و انا امشط شعري وجلست تطااالعني و ربي والله العظيم شفت لمعة بعيوونها و قالت لي شعرك اسود كدا خلقه ولا صبغة .. قلت لها لا طبيعي اصلا ماينصبغ معي ومن بعد ذاك اليوم زززززززززاد الشيب .. ساعات اقول اكيد عين و خاصة انه ماحد من عيلتي فيه شيب مبكر و ساعات اقول حراام لا تسيئي الظن بالحرمة .. بتكون صدفة .. عندكم حل :) فردوسة .. كورس الاهتمام بديته مع بداية حملي ببنتي .. والحين هي سنة و 7 اشهر (احسبيها ) :) ماركزت والله متى طول و كم اخذ الا موخرا .. لاني بطلت الاسشوارات .. واغلب الاوقات وهو ملموم بس موخرا حصلت اكثر من مناسبة و استشورته :) ولاحظت طوله ماشاءالله وامي كانت طاايرة :) وحلفتني مااقصه من فرحتها بشعري :) مسكينة كان حلم بالنسبة لها .. ابداي و اتوكلي .. الحين برضو عاملة خلطة بشعري بشوف نتيجتها و اقولكم اونا برد عليك هنا .. مافيني حيل اروح للموضوع هذاك :) والله يوم شفت تعليقك عالشنطة ضحححححكت ضحححك مو طبيعي ... بالله قولي لي انتي ايش من شنطة تاخذي .. خوفي تاخذي الشنطة ام 2 سم ب 5 سم ما تسع الا التلفون !!! طالما في اطفال فا مجبرة اخذ شنطة كبيرة... فيها غيار احتياطي و حفايظ و مماسح و اكياس بلاستيكية وعصير و بسكويت و شيبس اطفال :) الخ الخ الخ ويينهم احط البلوزة او البنطلون الي بغيره هناك .. واول مااوصل استاذنهم اني رايحة الحمام او اسال صاحبة البيت ممكن غرفة فاضية اغير فيها العباية و ارتب حالي واطلع و اغير و ارتب حالي و انزل و انتهينا و مش بس انا كثيرات يعملو كدا احيانا ندخل غرفة صاحبة البيت و تكون مليانة بنات الي تغير و الي تتمكيج (لانهم ما يتغطوا هنا فا صعب تطلع الشارع بمكياجها .. عادي حبيبتي .. المهم تكوني انتي مرتاحة |
رد : زاويه جمآل
السلام عليكم ورحمة الله وبركاته كيف حالكم يابنات ان شاء انكم بخير يارب والصراحة الموضوع اكثر من رائع تسلم يدين اللي سهرت وتعبت وزخرفت وابدعت فيه فردوس الغالية الله لايحرمنا من افكارها الحلوة وانا معكم بس على الصامت مثل مايقولون ومتابعة من بداية موضوع سيدة الموقف الله يسلمها والحمدالله اخذنا المفيد من موضوع سيدة الموقف وباقي ناخذ حصتنا من هالموضوع الجميل اللي مثل المشاركين فيه وشوفوا انا لا تنتظرون مني ولا شئ انزله لكم ولا تجربه اطرحها لكم لأن كل ما استعمل منتج مايضبط معاي وانتقل للمنتج الآخر فما ابغى اوصف لكم شئ واسوي لكم كوارث في شعوركم وبشرتكم خلوني معاكم علشان بشوف المنتجات الثانية اللي ماقد جربتها طبعا الحين مستمره على منتجات فكتور بس مو بشكل مستمر طبعا انا جربت خلطة اوناا اللي لتقشير والله كلمة روعه قليلة بحقها بس يبغاك تستمرين عليها لتجيب معاك نتيجة حلوة بالنسبة لصبغات ماعمري صبغت احط حنا او سدر في شعري بين فترةةوفترة فقط ونتائجه حلوة معاي وكان عندي تساقط بالشعر لما كنت استخدم حبوب منع الحمل وقفتها والحمدالله خف كثير بس الحين ان شاء الله بالصيفية عندي زواج لواحد من اخواني وناوية اصبغ شعري واقص شعري طبعا الصبغة لأول مرة اصبغ وحتى اللون محتارة فيه مدري وش اختار طبعا بشرتي لونها ابيض فاتح ومدري ايش اللي يليق عليها من صبغه ومثل ماتعرفون اللي يشتغلون بالمشاغل كل همهم كسب مادي والله ماهمهم فينا لو الوحدة منا تطلع من عندهم صلعا اهم شئ تلاقي فلوس من ورى الزبوناتعاد اللي عندها فكرة عن الصبغات تسدحها هنا الله يجزاها خير مقدما وكمان بسئل البنات اللي عندهم فكرة عن افضل زيوت وكريمات الشعر للبنات الصغيرات عندي بنتين وحده عمرها 6 والثانية عمرها 5 سنوات واحترت والله مدري وش الزيت او الكريم اللي ينفع معهم طبعا الكبيرة ماشاء الله شعرها كثيف وطويل وناعم لاكن احيان الاحظ عليه انه يصير جاف وينفش رغم انه ناعم والصغيرة والله شعرها احلى من شعر اختها نعومه وسواد وكان ماشاء الله طويل لاكن ماغير الله يسامح ابوها شالها وداها للحلاق وقصه كله كل ما اتذكر شعرها يجيني مغص في بطني عليه قال ايش البنت ضايقها وهو نازل على عيونها ووجها قلت له كان قصيته لها من الأمام من عند وجهها مو كل شعرها صارت كأنها ولد قال قلت للحلاق ابغى احلى قصة بنت جديده نزلت وقصه لها القصه هاذي طلعت حلوة وتجنن شوفيها عليها والله اني انقهرت عليها لي فترة وانا جالسة ومهتمه فيه واخر شئ ينقص شعرها بالطريقه هاذي حتى البنت لما جت للبيت وشافتني مرة اسرح لأختها جت تقول لي يا امي سوي لي شعري قرنين قرنين والله اني حزنت عليها لما اختها قالت لها ماعندك شعر علشان امي تسوي لك قرنين قالت لأختها طيب وش اسوي شعري شاله الحلاق شاله صديق يالله خلوه يجيب شعري ابغاه وتجلس تصيح وارجع اضحك عليها والم لها كل شعرتين مع بعض واحطها بشباصه واقول لها شوفي احلى قرنين لأحل بنوته وترضى على مضض كمان لاحظت للبنات الصغار لما شعورهم تنلم بالبيت ونمشطها لهم ظفاير مانخليها طايحة احس ان شعورهم تنحفظ وما تتنمش او تتقطع وتصيرالشعره قوية ومتينه ويكثر وينمو الشعر بهاذي الطريقة انا هذا اللي لاحظته لما شعر بناتي ملموم على طول اسويه ظفيرة الاقيه يطول ويصير كثيف وما يتقطع بسهوله غير لما نخليه مفكوك يتشابك ويتماسك ببعض ووقت ما نمشطه يتقطع وتطلع كمية الشعر التالفة كثيرة انا افكه وانثره لهم لما اروح زيارة او اطلع برى لاكن في البيت المه لهم واحطه ظفيره طبعا الحين مافيه الا الكبيرة احط لها ظفيرةةاما الصغيرة الله يخلفنا في شعرها خير عاد معليش يافردوس الموضوع للكبار وانا قلبته لصغار لاكن من جد والله اللي عندها بنت لازم تهتم بشعرها واللي عندها تجربة او نصيحة تحطها لنا هنا مشكورة لأن الحمدالله ماعندي اي مشكلة بالشعر غير حبة حبة شيب طالعة لي بالشعر ومخليتها على راحتها ماصبغتها احط لها حنا ويصيرلونها اشقر او ذهبي نحط لها حناء وانتهينا المهم استودعكم الله الذي لاتضيع ودائعه واستمروا وانا بشجعكم واصفق لكم وبحط جنبي ورقة وقلم وبسجل فيها المفيد وبالتوفيق لكم ان شاء الله .
|
رد : زاويه جمآل
بنت الحكمي .. الله يحفظهم لك يارب
بالنسبة للزيوت .. زيت الثوم جربته انا و نصحت قيه صديقة لي تسويه لبنتها . يطول الشعر بس ريحته تدوووخ بس ممكن تخلطيه بالحنا او السدر يخفف ريحته .. او اخلطي لها زيت الخروع مع اللوز جبت لكم نتايج الخلطة الي سويتها امس:) ... جبتها من احد المنتديات المشهورة وصاحبة الموضوع حاطة موضوع متكامل عن الحنة و الخلطاات والالوان الله يجزاها الخير في الدارين اولا الخلطة كانت كالتالي .. كاسة حنا يمني عادية .. مع ملعقة قرنفل مطحون مع ملعقتين ليمون و عجنتهم بشاي ثقيل .. وخيتهم 12 ساعة يتخمرو بعدين اليوم الثاني جبت نص كاسة حنا سودا خلطتها مع ماء ساخن و خليتها 15 دقيقة تبرد بعدين خلطت الحنتين مع بعض .. \ وضفت عليهم كاسة بلسم (اي بلسم عندك) و ملعقة زنجبيل و اذا معك زيت جوز الهند .. بس ماكان عندي وحنيت شعري .. و خليته ست ساعات بعدين غسلته بماء و بلسم فقط .. النتيجة .. ** نعووووووومة ماشاء الله رهههيبة **مافي ولا شعرة طاحت بسم الله ماشاء الله .. من امس لليوم امشط و مايطلع شي ماااشاء الله ** مافي اي ريحة قوية للحناء.. .. البلسم و القرنفل و الزنجبيل شالو ريحة الحنا ** الشيب انصبغ بني فاتح وبقية الشعر فيه لمعه حمرا داااكنة حلوة ... بس الي حابة تغمق لون الشيب تزيد من كمية الحنا السودا و تخلي النسبة كاس حنة عادية و كاس حنة سودا (كلمة زودتي الحنة السودا بيغمق اللون) انصحكم فيييييييييييييييييها .. الصراحة حلوة والله يجزي صاحبة الخلطة كل خير و ينولها ماتتمنى |
رد : زاويه جمآل
ماشاء تبارك الله يانوره أحس الخلطه حلوه
طيب بالنسبه لي مافي شعري شيب عادي أوخر الحنه الأسود. لأني أبي التساقط يوقف الحنه الأسود هو الكتم تقصدين |
رد : زاويه جمآل
قلب مشغول .. ربي لا يشغل لك قلب ولا بال الا بطاعته يارب
والله ياختي مادري :) انا خذتها كدا و طبقتها بس اعتقد عادي بعدي الحنة السوداء.. اعتقد السبب وراء اعجابي بالخلطة هذه :) هو اضافة كاسة البلسم مع الخلطة لانه علمك الحنا تسبب شوية جفاف بالشعر بس مع البلسم حسيته نااااعم ولاكاني سويت حنه كمان بكره ريحة الحنا .. ومع القرنفل و الزنجبيل المطحونين .. و البلسم تقريبا اختفت ريحة الحناء .. واخيرا مادري اذا كانت الحنة السودا هي الكتم هي لونها اخضر و تشبه الحنا العادية .. بس مع العجن يطلع لونها اخضر غامق .. كمان جبت هدس (الي يسموه الاس ) مدحوه للون و لتغذية الشعر و ان شاء الله الاسبوع الجاي بجربه و اقولكم النتيجة.. بس مادري اعجنه ببماء فقط و لا اضيف عليه اضافات .؟؟ الي تدري ياليت تقولي |
رد : زاويه جمآل
ماقصرتي يعطيك العافيه ياقلبي
عشبة الاس جربته بس مرتين ماطولت عليه قرأت عنه يطول الشعر وينعمه |
رد : زاويه جمآل
:* |
رد : زاويه جمآل
اقتباس:
:* هو فعلاً ينحط قبل كريم الأساس وتضعينه وتنتظري خمس دقائق وتضعي الأساس أنا إذا كنت رايحه عزومة أو مناسبة أتبع هالطريقة لكن في الدوام أضعه بمفرده بدون كريم الأساس ويعطي إشراقه حلوة للوجه ونعومة واستغني تماماً عن الأساس لما أحطه بدوامي بس أختاري شيء يناسبك وجربي على وجهك بالأول :* |
رد : زاويه جمآل
مساء الخير ياحلوات ؛بصراحة يوم أقرى عن الصبغات قلبي
يوجعني أتذكر زمان مدري وش خلاني اسحب لون شعري وصبغة ثلجي ايام موضة الثلجي ؛صح كان روعة وكنت منغرة بكثر المديح صرتي شامية هههه. لكن للأسف قلب شعري شيب وخاصة من قدام وصرت اضطر أصبغ ولا استغني عنها. |
رد : زاويه جمآل
اقتباس:
شرف كبير لنا انك تشاركينا و تدلين بدلوك عفوا حبيبتي .. بإنتظارك يا قمر |
رد : زاويه جمآل
اقتباس:
وان دخلو ذنبهم على جنبهم بئى :d والله يا اوونا هو مغري على حسب علمي وتجربتي المقصود ليس هو ارتفاعه يا قلبي , المقصود تمايل مشية الأنثى تزيد إغراء انا عني ما البسه قدام اخواني بصراحه يتضايقون منه وكم مرة اعترضو عليه بس صرت البسه في حدود زياراتي لصديقاتي فقط بعرف بعرف انو بتمزحي ولووووو , ولك انا اللي بفهم ولاااااه بالنسبة للشعر لا لا صدقتك خلاص وماعاد بفكر اشيله خليه و ان شالله ما يطول وفعلا طريقتك في التقشير رائعه وانا مستمرة عليها من سنين ماشاء الله يا ااونا شغلك كله طبيعي .. تذكريني بزمان لما كنت هابه بالعصيرات الفرش لقيت فايده بصراحه , سويت لي جدول للعصاير ومشيت عليها رهيبة و سريعه و أول ما تبان في البشرة بس بصراحه كسلت , مو عصارة الجزر تفقع القلب كنت منتظمة على عصير الجرجير و الجزر و عصير العرايسي ماشالله على النضارة , شي مو معقووول والجرجير طبعا اعطاني نتيجة مبهرة للشعر لكن فقدت الإستمراريه .. بس مع كلامك تحمست جدا والله تكفين طلي علي كل شوي وعطيني دفعه حماس ربي ما يحرمني منك يا قمر |
رد : زاويه جمآل
اقتباس:
الاسود بكل صدق صعب يتزحزح من الشعر الا بأكسجين على بلاطة كذا :) انتي تذكريني بنفسي زمان كنت اخربط بشعري في سبيل اني ما العب فيه بالصبغه ياما قربعت فيه كركم ونسكافيه و قشر رمان و كركديه وخل والنتيجه ,, اللون يجلس معي اسبوع و خفيف جدا جدا لا يرى الا بعد تفحييص الين ما غامرت وصبغت اقولك جربي غارنييه بزيت الزيتون .. والله فظيعه يا شيخه وانتي الله الله بالترطيب , وان شالله ما ينعدم عليك تذكرت تجربه بنت جارتي الله يحفظها كان شعرها يجنن لونه و نعومته في الاسبوع مرة كانت تحني شعرها بقشر البصل .. تطلع قشرة البصل اللي لونها بني و تغليها في اربع او خمس ملاعق شاهي ليبتون بعدين تصفي مويته وتعجنها بالحنا , تبيته في شعرها ليله كاملة والله اللون خيالي ماشالله تبارك الرحمن .. مع الإستمراريه طبعا |
رد : زاويه جمآل
اقتباس:
الله حيها .. الله حيها تو ما نور الموضوووع بطلتك يا ام سلطان كنك حاسه فيني زخرفت اجل هااه :d بس بالله كيف اعجبك .. تراي اعتبره عربون اعتذار لك انتي تحديدا وياليتك ترضين .. شوفي يا ستي .. بقولك على طريقتي مع بنتي .. كل ما شافتني امشط شعري ازعجتني ماما ابغى شعري طويل حطيلي دوى .. يا عمي تحب الطويل جيت فهمتها على الجرجير والجزر قلت يا ماما تبغين شعرك يصير لين ظهرك قالت ياليت قلت كلي هذا كل يوم .. و ما صدقتتتتت البنت :) والله العظيم صايرة مهتمة بالجرجير و صرت كل ما ابغاها تاكل اقول لها ترى هذا يطول الشعر وهي يا حليلها تاكل حتى لو شبعانه الله يحفظها لي كلمتني مرة جدتها قالت ازعجتنا بالجرجير قسم يا تسدحت من الضحك :d تكفون اذكرو الله عليها الزبدة يا خيتي .. حمسيها على الأكل الصحي هذا يطول وهذا يقوي وهذا وهذا لين بإذن الله مع الوقت بتشوفيه متحسن وطولان و محلو .. وبالنسبة للنشفان بقولك على كريم غارنييه بصراحه يجنن وريحته كمان حلوة http://static.hawaacdn.com/PE/2012/07/07/12/Sleek-1.jpg وفيه كمان كريم بالمرز استخدمه لبنتي روووعه http://www.3roos.com/files/ups/2010/...1260501356.jpg هاذي افضل نوعين انا جربتهم بنفسي ولقيت نتيجه حلوة لشعري وشعر بنتي وفيه بخاخ شفته قبل فترة و ناويه اروح اجيبه ما قد جربته اعجبني انه خفيف تبخين على الشعر وهو مبلل و يعطيك لمعه وبنفس الوقت كله زيوت معالجة للشعر .. إن جربته بحط صورته هنا و اقولك .. الله يسعدك يا ام سلطان .. جيتك نور لو تدرين |
رد : زاويه جمآل
اقتباس:
طيب يا ام يوسف بسألك الحناء اللي تنقشونه على اليدين وش تحطون فيه علشان لونه يثبت مدة طويلة ويصير اسود انا احط معاه محلبية واحط شاي او ديتول وملح الليمون يطلع لونه بالبداية احمر وبعدين عنابي وبعدها يبتدي يغمق اكثر ويقرب لسواد لاكن ما يطول معي مدة طويلة اذا كان عندك شئ يثبت اللون لمدة اطول اعطينا اياه او عندك تجربة سدحيها لنا هنا نستفيد منها وجزاك الله خير وبارك الله فيك يالغالية . |
رد : زاويه جمآل
اقتباس:
وبجرب النوعية وبدعي لكم ان شاء الله وربنا يجزاك خير ويرزقك السعادة في حياتك يارب وتسلمين يالغالية . |
رد : زاويه جمآل
اقتباس:
وان شاء الله اني راح اجرب النوعين اللي قلتي لي عليها لأن انا مشكلتها انه ينفش على طول بالرغم من انه ناعم لاكن تحسين بعض الشعر يوقف مايتماسك مع بعض الا لو حطيت لها كريم انا استخدمت لها كريم دابر املا مو زيت كريم وقبلها كنت استخدم فاتيكا حسيتها مثل بعض طبعا قبل فترة لما كانت بالمدرسة جيت امشط شعرها وحصلت في شعرها صيبان وفتشت شعرها لقيت حبتين قمل وخفت لاتنتقل العدوى لأختها واخوانها ولي معاهم رحت على طول اشتريت دواء للقمل من الصيدلية ورشيت شعرها وجلست تقريبا ثلاثة ايام متابعة عليها الين الحمدالله تخلصت منه ولما سألتها من فين جاك القمل قالت لي زميلتي عندها مشط بشنطتها وجلست تسرح لنا انا والبنات شعرنا عاد انا نصحتها انها ما تاخذ اي مشط او فرشاة وتحطها بشعرها قالت ليش قلت لها لأن بعضها فيها امراض وعلى فكرة بنتي تسمي القمل صراصير تقول لي مرة يا امي المعلمة مسكت وحدة من الطالبات اللي عندنا وطلعت من شعرها صراصير شكلها صغار وقالت لها خلي امك تنظف شعرك من الصراصير وجت تقول لي والله يا امي زميلتي في شعرها صراصير كثيرة عاد هنا صرت شكاكة وكل يومين ادور شعر البنت واسوي له تفتيش كامل والحمدالله ما الاقي في شعرها شئ وهي كان شعرها قبل كذا حلوا ماينتفش كثير بس عقب ماحطيت لها دواء القمل صار شعرها ينتفش وحاسه انه هو اللي خرب شعرها وفيه شوية تقصف علشان كذا خايفة على شعرها لايخترب وابغى شئ يكون صحي ومفيد لشعرها وان شاء الله اجرب الزيت اللي قالت عنه نورة وكمان الكريمات اللي حطيتيها لي واذا لقيتي شئ مفيد انتي و لا البنات لاتبخلون علينا اعطونا المفيد الله يجزاكم خير ويسعدكم ويوفقكم يارب . |
رد : زاويه جمآل
يُثبت ويُميز لأجل عيون الحلوين والعسولات (فوفو) مع الشكر |
رد : زاويه جمآل
:* |
رد : زاويه جمآل
العوافي يا جميلات ...
صراحه موضوع مفيد وبطل ... الله يسعد هالفردوس و يرضيها ... وحلاته بعفوية الردود من اخواتي الحبيبات .. اول مشاركه لي بتكلم عن الاشياء الطبيعيه اللي جربتها ... **{ السدر }** http://www5.0zz0.com/2013/01/12/12/657024442.jpg كلتا عارفين فوائد السدر للبشره .. وخاصةً من ناحية التقشير او في بعض الحالات كعلاج .. وهو يغنيك عن مقشر الوجه بكل فاعليه .. لكن علينا اختيار السدر الصح .. اوراق السدر تحتوي على خواص صابونيه .. تكون رغوه عند خلطها بالماء . فاذا خلطتيه وما كون رغوه صابونيه .. فهو سدرمغشووش .. واغلب اللي بالاسواق كبودره او اوراق خالي من خواصه الصابونيه .. لذلك وعن تجربه ... حاولي تجمعين الاوراق بنفسك وتنضيفها من الشوائب وطحنها . وبتشوفين السدر الصح وبتقولين ؛؛ سبحان ربي .. كأنه المقشر اللي بالاسواق !! يصفي .. ويعالج .. و يجدد البشره والخلايا الميته ... |
رد : زاويه جمآل
فاصل ونواصل ...
فردوس ،، عندي مثل هالخطيييير حقك ( مزيل المناكير ) ... يا اختي ياهو مريييييح ..فيه اسفنجه بداخله ... تسهل المهمه .. وباقل وقت ... بس غير ماركتك ... http://www9.0zz0.com/2013/01/12/13/228097833.jpg |
رد : زاويه جمآل
**{ زيت الخروع }**
http://www9.0zz0.com/2013/01/12/13/797364912.jpg زيت الخروع معروف انه ثقيييييل ... فإذا كنت تعانين من اطراف الشعر المتقصفه ... فقصي سانتي او اثنين من طول شعرك .. وقبل ما تتروشين بساعه او ساعتين غلفي اطرافه بزيت خروع ... يعطي نتائج باهره لاطراف الشعر .. مع الاستمرار .. ويمكن اضافة زيت اللوز او اي كريم مفيد ... |
رد : زاويه جمآل
اقتباس:
الحنة العادية ... ويكون لونها بعد ماتقشر .. احمر دااااااكن ووممكن تسود شوي .. عشان تلاقي لون حلو و يدوم شوية اطول .. عليك اولا تجيبي حنا كوويسة .. وطبعا افضل انواعها الحنا الحضرمي وهي رخيصة لو معاك جارات يمنيات خليهم يجيبوها لك تعجنيها بشاي ثقيل و تحطي ليمون زي مابتعملي و كمان يخلطوها مع دواء خاص لها .. نسميه دوا الحنا .. ماعرف له اسم ثاني .. هذه صورته http://static.hawaacdn.com/PE/2010/0...malabiya-1.jpg تتحني و تكيسي ايديك عشان تعررق و يحمر .. و بعدين شيلي الكيس و خليها تنشف .. بس تنشف الحنا .. لا تغسليها .. اقشريها و ادهني ايدك بعطر عربي وفي ناس يدهنو بسكر و ليمون .. احنا صراحة كنا ندهن بالعطر العربي الرزين و يطلع احمممممممررررر قاااتم .. اخ ذكريتي بايام الطفولة و العيد.. واحنا نتضارب على الاكياس الي بالمطبخ خخخخخخخ في برضو بعض الناس (المحنيات البروفيشنال :d) تحط بدل دوا الحنا .. غاز او بترول .. يخليه اشد حمارا و اسرع بيبين اللون .. بس لو بشرتك حساسة لا تعمليه طبعا .. النوع الثاني في النقش الاسود .. وينقسم الى قسمين :) اولا :نقش اسود (خضاب) .. مادري له اسم ثاني .. و تكون مادة سودا مادري من وين يستخرجوها >>>صراحة افدتكم خخ المهم و يخلطوها بالماء و يعملوها عاليد و يصير النقش اسوووووود سواد الليل .. بس اغلب الناس تتحسس منه وتطلع مكان النقش حساسية فظيعه ... بس ميزته انه يطوووول اكثر من النوع التالي ثانيا : نقش اسود صبغة .. وهذه عادية بيستخدمو فيها صبغة خفيفة سودا .. تعطي نقش اسود بس ماتسوي حساسية و تضل فترة بسيطة و تروح والاحلى لما تعملي الثنتين نقش اسود و تعبي الفراغات بالحنا .. يطلع واااااو :) و طبعا ماتغسليه ابدا بعد مايقشر |
رد : زاويه جمآل
اقتباس:
والصراحة والله ماني عارفة كيف اشكرك على نصايحك اللي قدمتيها لي الله يجزاك خير ويسعدك يارب كفيتي ووفيتي الله يسلمك ومعليش بغلبك معي شوية انا مرة قرأت لك مشاركة في موضوع هنا في القسم هذا والصراحة نسيت الموضوع لاكن هو كان فيه عضوة تسأل عن افضل كحل داخل العين طبعا العضوات ماقصروا لاكن انتي كان لك مشاركة وذكرتي فيها اسم كحل ونزلتي صورة له بعد اتوقع شكله مثل قلم الرصاص ولونه ابيض وعليه كتابة لونها اسود وانا حفظت اسمه وشكله لاكن نسيت الإسم كنت بسجله عندي بس انشغلت ونسيت اسجله فإذا ماكان عليك كلافه ابغاك تقولين لي اسمه وفي اي محل الآقيه وشاكرة لك وممنونه يالغالية والله لايحرمنا منك .[/COLOR] |
رد : زاويه جمآل
اقتباس:
معليش يا ام يوسف تعبتك معاي بس حبيت اخذ خبرتك في الحنا وافكارك الله يجزاك خير وبالنسبة للحنا والله انا دائما ما اشتري إلا الحنا اليمني الحضرمي وفيه نوع من منطقة يقال لها باجل يعني ياحنا حضرمي او باجلي وكلها حلوة ماشاء الله تبارك الله وجزاك الله خير وبارك الله فيك يالغالية وتسلمين والله يسعدك ويحفظك يارب . |
رد : زاويه جمآل
:* |
رد : زاويه جمآل
:22:
السلام عليكم يا جميلات المنتدى :22: انا عضوة جديدة لكني قديمه جدا فقد كنت متابعه لكم بصمت ولكن هذا اليوم الاول لمشاركتي معكم في هذا الصرح الرائع :14: عندي سؤال واتمنى القى اجابه له :11: بالواقع هي مشكله وابي لها حل:20: انا شعري ناعم وشوي جاف ولكنه بعد ما صبغته صار جاف اكثر وينفش وهذا مسبب لي عقدة من عقدي الكثيرة هههههههه:29::29::29: فشو تنصحوني استعمل له علما اني اول مرة صبغت شعري من سنتين واصبغه كل ست شهر و احيانا اكثر يعني ما كملت خمس او ست مرات صابغته ياليت الي تقدر تنزل لي صورة لاي منتج تنصحني فيه:d |
رد : زاويه جمآل
اقتباس:
أقولك عن تجربة أختي ماشاء الله تبارك الله. تستخدم حمام زيت بلسم دوف وتستعمل مره في الأسبوع زيت جوز الهند لأني لاحظت الفرق تقولي خلي منك الزيوت واستخدمي حمام زيت أفضل ؤكانت مثلي تحظ الزيوت ؤما جابت نتيجه ؤبعدها استمرت. على بلسم دوف وزيت جوز الهند |
رد : زاويه جمآل
دندورمه
بالنسبه لي استخدم كريم غارنييه فروكتيس للون يدوم الحمدلله ناسبني وان شاء الله مع الاستمرار يتحسن الشعر ويخف الجفاف |
رد : زاويه جمآل
اقتباس:
هلا اختي قلب مشغول حياكي الله ما شاء الله تجربه اختك جميله لكن المشكله الي اواجهها هي اني اعيش في اوربا واسكن في منطقه لاتوجد فيها جاليه عربيه ولا محلات عربيه فلا اعتقد اني استطيع ان اجد زيت جوز الهند اما حمام زيت بلسم دوف فاعتقد اني استطيع ان اجده واتعرف عليه بسهوله شكرا لك كثيرا |
رد : زاويه جمآل
اقتباس:
هلا اختي ما عرفت هالكريم :29: لكن ان شاء الله بدور عليه واستعمله شكرا لك |
رد : زاويه جمآل
اقتباس:
الله يجزاك خير اتعبتك معاي خلاص حفظته عندي وكتبت اسم الكحل وصناعته لأن انا عندي نوع اشتريته 50 ريال الحبة وقالوا لي اصلي بالمحل وانه ضد الماء وصناعته المانية اسمه توك بس لما استخدمته ماطول معاي وسبب لي حساسية داخل العين وهو ماينبري بري تلفينه لف ويطلع لك راس القلم وتكتحلين فيه احس انهم غشوني انا ماشريته الا لما قال لي صاحب المحل الصناعة الماني وفعلا مكتوب عليه الصناعة المانية قلت معناته انه فعلا اصلي واخذت من نفس الماركة بس نوع ثاني سائل رسم بس حلو مايروح مع الموية الله يحفظك ويبارك فيك ويجزاك خير يالغالية وتسلمين . |
رد : زاويه جمآل
اقتباس:
بس اللي نعرفه ومن تجربة من حولي اجد بعض البنات يستعمله ككريم اساس ويخرجن به في الشمس وهذا يعدم البشره (ممكن عقاب من ربي :))الله يهدينا ويهديهن بس انا مستمره عليه من و10 سنوات وقبلي امي طول عمرها عليه صراحة روعه طريقتنا في الاستعمال مسك مسائي قبل النوم وترقدي بيه للصبح ونتائجه حلوة لكن والله ما عندي فكره عالمواد اللي يحتويها وخطورتها بس اذا عندك ياريت تفيدينا لان انا كل صاحباتي وقريباتي اغلبهم نستعمل هالكريم وجزاك الله خير عالتنبيه |
رد : زاويه جمآل
اقتباس:
بارك الله فيك حبيبتي وفي مبشكله ثانيه لكن مرات انقول الصمت اجمل تعبير نحس في مرات المسايرة تخلي الشريك يتمادى وانا حاسه بالهشي وودي نحكي علي نلقى حل ومرات انقول لا تحملي ومشي ربك يسهل بس |
رد : زاويه جمآل
اقتباس:
بس انا اللي جربته هو عصير المانجو بروحه واللي ناخذ فيه مكتوب عليه 70% طبيعي اما العصر وما اليه فأختك اكسل مالكسل حبطتك اكيد:d لا لا ان شاء الله نبدو من جديد الله يسلمك حبيبتي وانا بدوري ربي ما يحرمني منك يا عسل |
رد : زاويه جمآل
صباحكم معطر باأنوار النبي صلى الله عليه وسلم
استخدمت صابونه ألبابايا بالحبيبات السوداء وكانت النتيجه رائعه تفتيح بسيط أيضا 6 مرات احط سدر في شعري مره في الأسبوع مع حنه ألمدينه وكانت النتيجه مذهله خلى الشعره تقيله ونعومه وحيويه طبعا أجط معه زيت الخروع والسمسم بعذ ماشفت شعري تحسن ماأقولكم وقف التساقط بل خف بكثير إشتريت صبغه سودا وصبغت أسود هدي ثاني مره اصبغ أسود بصبغة غارنييه ناسبني اللون أختي لما شافتني لاحظت الفرق وقالت شعرك كثر من فوق الحمدلله تعبي ماراح خساره مشكوره حبيبتي أم يوسف حمستيني على الحنا |
رد : زاويه جمآل
السلام عليكم بنات
عندي سؤال عن زيت دابر املا الحمد لله حصلته بعد جهد جهيد لكن قريت عليه قبل الاستعمال من باب الفلسفه وحتى نعرف طريقة استخدامة ايهما افضل قبل الاستحمام ام بعده وكم يقعد عالشعر وهل له مضار لو رقدت بيه لثاني يوم لقيت اكثر من بنت معلقه ان مجرد الانقطاع عن استخدامه يتساقط الشعر وبشكل مخيف هل كلام صح او لا اللي مجربة الزيت تقولي بارك الله فيكن |
رد : زاويه جمآل
حبيبتي اونا
جربته لمدة أسبوع ؤيمكن أكثر ماحبيته لاحظت بعد كل استعما ل خلى لى شعري باهت وتركته يمكن يناسب غيري مافي أحسن من الخروع وزيت السمسم واللوز ناسبني مع السدر مره روعه ممم إن شاء الله البنات يفيدونك الله يوفقك |
رد : زاويه جمآل
اقتباس:
صراحة بنته وووووووووه تقلب الراس مش عارفه كيف نحطه فقلت خلي انشوف عالنت كم ساعه نحطه فيه نوعيتين اللي عندي اخضر غامق ان شاء الله وحده من البنات تفيدني اما البهتان فغريبة لاني قريت ان يبين لون الشعر افضل ؟ اما باقي الزيوت زيت الخروع ما حصلته اما زيت السمسم ايش رائحته ؟ اللي عندي لونه شبيه بالاحمر او البني ورائحته مثل رائحه بذور دوار الشمس او مكسرات محمصه صراحة شاكه في انه اصلي |
رد : زاويه جمآل
مدري حبيبتي
قرأت زيت السمسم الأصلي اللي فيه صوره بنت وشعرها طويل هذا الأصلي واللي عندي مو مثله لكن اللي عندي نفس ريحة نبات السمسم والحين مخلص من عندي |
رد : زاويه جمآل
اهلين حبيبتي
لا اقصد لون الزيت بروحه لان اللي عندي لونه احمر بني وقوامه خفيف اما الرائحه اسمحيلي بسؤال هل رائحته مثل السمسم المحمص عالنار او قرابة المحروق هي نفس رائحه بذور دوار الشمس يالله في النهاية عالبركه انحطه وخلاص اصلي والا لا ^_^ وسؤال آخر سامحينني كثرت ززيت دابر عادي نخلط معاه زيوت والا لا لازم بروحه |
| الساعة الآن 04:11 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©