|
رد : نصايحكم تهمني لتأثيث منزلي
اقتباس:
و صحبتي توها قالت لي على شارع عندنا معروف .. فيه أغلب المطابخ المعروفة ، و هي فصلت من عندهم .. ( بس ما تمدح لي أبدا في مطابخ الألمنيوم الي تشبه الخشب ، تقول تخرب بسرعة و جربته : ( ؟؟؟ ) . . و أنا للأسف ، ما عمري فصلت مطبخ و لا عمري اهتميت .. في بيت أهلي ، كان أبويا الله يرحمه متكفل بالشي هذا .. و أخواني نفس الشي .. و هما ما كانوا يختاروا ( غير الشي الكويس و الخامة الطيبة ) .. و زوجي طبعا عكس أهلي تماماً ،. علشان كذا ، هذه أول تجربة لي .. و المطابخ في بيوت برة اللي سكننا فيها ، كانت هي مركبة و جاهزة و مفروشة .. |
رد : نصايحكم تهمني لتأثيث منزلي
اقتباس:
داماس .. الغرف كلها ، شكلي بأعمل بنصيحتك .. أصلا ما أحب الألوان الغامقة للجدران .. بس غرفة النوم ، عجبتني الصور اللي حطتها نور الإيمان .. و خاصة إنه زوجي يحب اللون الأحمر و العودي .. شكلي بأصبغ جدار واحد بس .. و أحط ستارة ثقيلة ، و اللمبات صفرا .. و ما أخلي الأولاد يدخلوها .. و إذا مليت من لون غرفة النوم ، ألصق فوقها ورق الجدران .. هذه الفكرة اللي في بالي حالياً .. . . و بالنسبة للمغسلة ، ليه أخليها ( ستانلس ستيل ) ؟؟؟ . . |
رد : نصايحكم تهمني لتأثيث منزلي
اقتباس:
إذا عجبتني ، بأتوكل على الله و أعملها خلاص لغرفتي .. :) . . و الفرن السطحي ، هو بوتجاز بالكهرباء .. ليه يسموه فرن سطحي ؟؟؟؟ كل الأشكال اللي طلعت لي ، هي البوتجاز المسطح الي يشتغل بالكهرباء ؟؟؟؟ جربتها لما كنت في الخارج ، و ما حبيتها .. مع إنه شكلها أحلى و أفخم .. بس مثل ما قالت نورة ، الأكل فيه بيطلع مو طعم .. ^_^ . . و ليت ألقى فرن عملي ، يكفي لكل شي و ما ياخد مساحة كبيرة .. و راح أطلب إنه يتفصل مع المطبخ كمان .. هو و المايكرويف .. |
رد : نصايحكم تهمني لتأثيث منزلي
اقتباس:
|
رد : نصايحكم تهمني لتأثيث منزلي
اقتباس:
نورتي .. شكلي بأقتنع خلاص بورق الجدران .. و اعمله .. شفت أشكال بالنت ، بس ما أعرف إذا عندنا بالسعودية شي زي كذا كويس و لا لا ؟؟؟ بس بأقرى في النت ، الكل يمدحه .. . . و مشكلة اللون الأسود بالمطبخ ، إنه مطبخي شايفته صغير .. بس زوجي شايفه كبير ؟؟؟ يمكن لإني راسمة في مخي ، القدور و الأواني اللي راح أشتريها .. لكن هو يحسب إني راح أمشي حالي زي كل مرة ، من يوم تزوجته .. و هو يحسب يمكن كل المطابخ مثل ما عاش في بيت أهله .. فمستغرب ليش أنا شايفة المطبخ صغير ؟ كمان يقول لي ، نحط غسالة الملابس في المطبخ .. :29: أحس اللون الأسود راح يضيقه أكثر .. و أنا المرة هذه ، حابة أتفنن بالمطبخ .. حاسة كأني ( لسى تويي عروسة و بأتجوز :d ) ما اتهنيت بيوم زواجي .. خليني دحين انبسط و أطلع كل اللي نفسي فيه .. . . و ماني مقتنعة بالفرن المسطح .. جربته في بريطانيا كم سنة و ما عجبني .. مع إنه شكله مرة حلو .. و مكيفات إل جي ، راح أبعد عنها .. . . هو البيت ترى مصبوغ و جاهز ، حتى وحدة من الغرف الزايدة جدرانها ( بمبي و موف ) .. بس مرةةةةةةةةةةةةةة ما عجبني اللون ،. فراح أتركه شوي لإنه الغرفة هذه زيادة .. . . و ترتيبك للأولويات .. :22: بس شكلنا بننام مؤقت في غرفة الأولاد ، مو في الصالة عشان الشغالة ^_^ . . و الثلاجة الرمادية ، فيه كان في بيت أمي الله يرحمها .. حلوة و كويسة كانت سواء من جوة و لا من برة .. و حأجيب مثلها ، كوييييييس حطيتيها في بالي .. لإنه الأبيض صاير ينرفزني و مليت منه .. |
رد : نصايحكم تهمني لتأثيث منزلي
اقتباس:
. إن شاء الله ، بأعمل بنصيحتك .. كويس فكرتيني ، الله يجزاك كل خيــــــــــــــــــــــر .. ما تتخيلي قد إيش نصيحتك ، ذهبية .. |
رد : نصايحكم تهمني لتأثيث منزلي
اقتباس:
ما حبيته .. |
رد : نصايحكم تهمني لتأثيث منزلي
هلا روح
المطبخ ثم المطبخ ثم المطبخ :) الا جهزيه وونسي عمرك وكأنك عروس لا يهمك :) أصلا راح تنفتح نفسك للجلوس فيه اطول وقت والطبخ غير انك ما تهنيتي وانتي عروس فعوضي نفسك الآن وما شاء الله عليك ما يحتاج ننبهك - ورق الجدران ابحثي في تويتر اذكر واحد عنده عروض لورق الجدران مو قوقل ادخلي تويتر وابحثي الله يهنيك يارب ويفرج هم سيدة ومهره ...ويصلح حالنا جميعاً |
رد : نصايحكم تهمني لتأثيث منزلي
بالنسبة للفرن اذا انتي تحبي الغاز خذي نصفه كهرباء ونصفه غاز يجي بعض الموديلات كذا
في حال خلص الغاز يصير تطبخين على الكهرباء وما تتأزمين الا اذا كان الغاز المركزي الي يتعبأ كل سنه للعمارة كلها ممكن تاخذي كله غاز |
رد : نصايحكم تهمني لتأثيث منزلي
روح لو مطبخك صغير فطبقي الالوان الفاتحة لانها تعطي مدى للعين وابتعدي عن الاسود لانه راح يصغره
بالنسبة لغسالة الملابس في المطبخ مش عارفة لو قصدك على المبدأ بالعكس حلوة او قصدك ان مالها مكان لانه صغير ؟ في صور عن الغسالات اللي تكون بالمطبخ مثل http://www2.0zz0.com/2013/03/13/10/217962711.jpg http://l.yimg.com/qn/travel/data_tra.../DSC060141.JPG http://t3.gstatic.com/images?q=tbn:A...iQ75af0Tnm&t=1 http://www.sfari.com/photo/data/2/DSC015801.JPG http://www.sfari.com/gallery/files/2...5_original.jpg |
رد : نصايحكم تهمني لتأثيث منزلي
اقتباس:
|
رد : نصايحكم تهمني لتأثيث منزلي
اقتباس:
بس غالباً أكلات جاهزة من برة .. و أنا مليت من أكل السوق .. أو إذا في البيت ، أطبخ دجاج .. . . ما أعرف ، يمكن حياتنا في الخارج و خاصة بداية الزواج .. ( أثّرت على أسلوب حياتنا الحالي ؟ ) الفريزر في اللخارج ، مرررررررررة صغير .. يا دوب كنا نشتري قطع الدجاج و اللحم من محلات الحلال مقطعة أوصال و نفرزنها ،، و نفرزن كمان البيتزا و النجت و الأكلات السريعة .. عشان الأوقات الي أكون فيها مشغولة مع المشاريع و البحوث .. و كان عددنا قليل ، و كنا أغلب الأحيان نمشي حالنا بأي شي من برة .. خاصة إنه أنا الي كنت مبتعثة و زوجي مرافق .. أو الشغالة كانت هي اللي تطبخ .. . . و أنا مليت من الأسلوب هذا .. و بدأت بالتغيير و الحمد لله .. |
رد : نصايحكم تهمني لتأثيث منزلي
اقتباس:
. طيب المشكلة كمان ، إني ما أشتهي أكل أي شي أنا أطبخه .. خااااااااااااااااااااصة وقت الحمل ، تنسد نفسي غصب .. أأكل أولادي ، و أنا أجلس و ما أكل شي .. و في الأخير أجيب شي من برة .. . . صرت دحين اشتري أكلات من وحدة طبخها نظيف ، و مفرزن .. معجنات عندها و كبة و أشياء زي كذا .. . . و مرات أقول ، يمكن قلة القدور حاليا و المواعين و ضيق المطبخ .. يسد نفسي لعمل أي شي ..؟؟؟ اشتري مثلا كل المقادير و كل شي .. و الأغراض ناقصة .. و كل ما رحت سوبر ماركت و بأشتري أغراض المطبخ .. زوجي يقول بعدين بعدين ، ماله داعي ، مو لازم .. اللي يشوف يقول بتطبخي دايما .. ( أقول له كلامك يسد نفسي و يعودني عالكسل ) رحت قبل يومين ، اخترت ( كوسة ) ،، قال لي رجعيه رجعيه .. مو لازم .. يعني راح تاكلي كوسة ؟ قلت له إيوة أحبها .. إنت ما تحبها ؟ يقول لي ( لا .. ما راح أكل ) أقول له ( كلامك ما يشجع :( ) . . بس خلاص ، الأولاد لازم يتعودوا .. و الحمد لله ، من فترة أصلا بديت أعودهم .. بس فترة الشهرين هذه مع الوحام ( تكاسلت و انضغطت مع الدوام مرة ) .. . . و الأحد وعدني زوجي بياخدني نتفرج عالمطابخ .. إن شاء الله .. و نبدأ بالتفصيل .. و شلت مبلغ و الحمد لله للمطبخ .. |
رد : نصايحكم تهمني لتأثيث منزلي
اقتباس:
بس شكلي بالأسبوع الإجازة الي جاي .. أقوله نسافر و نروح نشوف ايكيا و مرة وحدة نتمشى و نغير جووووو .. و لو شفت شي يستاهل بإيكيا .. راح أقنعه و أنسق معاهم .. بس معلومة أول مرة أعرفها ^_^ |
رد : نصايحكم تهمني لتأثيث منزلي
اقتباس:
. صادقة بخصوص المطبخ ، آخر بيت سكنا فيه في بريطانيا .. كان مطبخه يفتح النفس ، و كنت أدخل و أعمل أشياء .. و علشان كذا ، لما اخترت مطبخ المرة هذه ، راعيت إنه يكون فيه مكان للمكيف .. و فيه ( شبّاك للخارج ) .. عشان تنفتح نفسي أكثر .. . . إيوة و الله ما تهنيت ، و توييي اللي أبغى أتنفس من يوم تزوجت .. : ( و كنت ضاغطة على حالي عشان الوقت هذا .. و بأبحث عن ورق الجدران .. أصلا خلاص دخلت مزاجي .. ^_^ . . و أنا متأكدة ، إنه سيدة و مهرة .. ربي راح يعوضهم بالأفضل .. و راح يكون لهم ( فجر جديد بإذن الله ) .. |
رد : نصايحكم تهمني لتأثيث منزلي
اقتباس:
الفرن اللي يشتغل بالغاز .. ( أخاف منه ) .. حتى أمي الله يرحمها حذرتني و قالت لي ما أستخدمه أبدا .. فأخاف الصراحة .. و ما عمري تعاملت معاه .. أبغى فرن كهربائي ، بس كبير و أقدر أعمل أي شي فيه .. شواء ، و لا صينية أكل أو حلى أو أي شي .. و نفس الوقت ، أبغى العيون تكون غاز .. ما أحب المسطحة .. و ما أظن الغاز مركزي ؟ |
رد : نصايحكم تهمني لتأثيث منزلي
بالنسبة للغسالة ..
إذا كانت مثل ماهي في الصور اللي وضعتيها للغسالات .. فشئ رااااااااااااااااااااااااااائع مرة ، و هي نفسها اللي كانت عندي برة في الخارج .. كانت كل المطابخ و الغسالات بالشكل هذا .. في كل البيوت الي سكنت فيها هناك .. . . لكن هنا ، ما شفت زي كذا غير في االبيوت الخاصة بشركات البترول و أرامكو و غيره .. . . و لو لقيت مثل كذا ، فشئ حلو .. و متعودة عليه لما كنت برة .. و زوجي على باله إني بأخد ( غسالة عادية ) .. أو غسالة صغيرة .. لكن أبغى شي زي هذه اللي بالصور .. و الصورة هذه حقة المطبخ ، عاجبتني .. ما أعرف إيش نوعها ؟ رخام و لا إيش بالضبط ؟ اقتباس:
|
رد : نصايحكم تهمني لتأثيث منزلي
اقتباس:
ما كنت راح أعرف من غيركم .. |
رد : نصايحكم تهمني لتأثيث منزلي
روح اللي في الصورة فوق الغسالة نعم رخام وفي منه الوان ايضا
شوفي الالوان في الصور [IMG]http://files2.************/2011/11/13224885914006.jpg[/IMG] http://dc02.arabsh.com/i/01952/ilcd8ppjihow.jpg http://img.alibaba.com/photo/2086829...en_Worktop.jpg http://decoraat.net/upload/articles/...1315467304.jpg http://t1.gstatic.com/images?q=tbn:A...ex1ne8Mwqw&t=1 وهذه قطع رخام هتلاقي في اماكن بيع الرخام اشكال والوان وتصاميم كتيرة جدا http://t1.gstatic.com/images?q=tbn:A...6fEjdUYjn4AikG |
رد : نصايحكم تهمني لتأثيث منزلي
مررررررة حلو .. و هو الصراحة الي نفسي فيه ..
ايش اسمه و كيف افصله ؟ لاني لما رحت مرة على محلين تفصيل مطابخ .. الاول كان خشب و التاني المنيوم .. ما شفت زي كذا .. و هذه الي كانت ببالي من زمان .. . . شكلها تكلف اكثر من الخشب ؟؟؟؟ |
رد : نصايحكم تهمني لتأثيث منزلي
لون الرخام و الخشب مرة روعة ..
تعرفي قريبتي كلفها تفصيل مطبخ خشب و من غير الاجهزة .. 50 الف ؟؟؟؟؟؟؟؟؟ بس مطبخها اكبر من مطبخي .. بس برضو خمسين احسه كثير .. ؟ و لا هي أسعارها كذا ؟؟؟؟ |
رد : نصايحكم تهمني لتأثيث منزلي
بس حبيت ابارك لك روح
جعله بيت مبارك وفاتحة خير الله يقومك بالسلامة ويفرحك باولادك ويجعل هالبيت من البيوت الصالحة آمنة |
رد : نصايحكم تهمني لتأثيث منزلي
هذا اسمه رخام صناعي .. تلقينه بالمطابخ الالمونيوم يفصلونه عالمسطحات
|
رد : نصايحكم تهمني لتأثيث منزلي
روح بالنسبه للستنلس ستيل حبيت أضيف انه في منها لماعي أو مطفي أو بنص لمعه .. لا تختاري اللي بلمعه .. بتشوفيها في المعارض وبتعجبك لأن شكلها حلو لكن في البيت مع الاستخدام واللمس تتبقع وشكلها مش حلو إلا إذا تميتي تمسحينها وتنشفيها بعد كل استخدام وهذا صعب إذا مؤ مستحيل ..
كمان الستنلس ستيل يدوم عندك لفترة طويله ويمشي مع كل الألوان فإذا حبيتي تغيري المطبخ ما بتضطري تغيري المغسلة كل مرة.. وكمان تتحمل الحراره .. إنتي ما قلت كيف شكل المطبخ وشو التصميم اللي ناوية عليه .. L وألا U وإلا = والا _ بس راعي انه الثلاجه تكون أقرب إلى مدخل المطبخ .. ومسافه معقوله بين المغسله والبوتاجاز .. اقرأي عن مثلث المطبخ .. هذه الثلاث يمثلون اضلع المثلث .. ونسيت أقول لك بالنسبه لغرفة الأطفال .. لا تختارين لهم أعراض تناسب عمرهم الحالي فقط وإذا كبروا شوي تضطري تغيريهم .. مثلا السرير إختاريه بحيث ينفعه كم سنه من ناحيه الحجم والشكل كمان .. |
رد : نصايحكم تهمني لتأثيث منزلي
روح سمعت ان فيه برنامج في النت اسمه سويت هوم 3دي Sweet Home 3D تضعي قياسات بيتك وتظهر بالابعاد الثلاثية وكيف تأثثي كل غرفة على حسب ما سمعت والله اعلم
|
رد : نصايحكم تهمني لتأثيث منزلي
العمرية
تسلمي الله يجزاك خير . . توفي مشكوووورة كثير .. . . |
رد : نصايحكم تهمني لتأثيث منزلي
داماس
مشكووووورة عالنصيحة .. لسى ما قررت .. شكل المطبخ .. يا حرف L او الاقرب و الارجح .. حرف ال U |
رد : نصايحكم تهمني لتأثيث منزلي
نور الإيمان ،، شفت البرنامج ، لكن ما استخدمته .. انشغلت .. : ( . . اللي حصل : البنك إجراءاتهم طويييييييييييييييلة طلعت ، و أخروني كثير .. . . المهم ، حالياً .. لازم أنقل و أفضي شقتي هذه خلال ( عشرة أيام ) .. و ممكن أطلب من صاحب الشقة ، إنه يمدد لنا ( شهر ) لحد ما ينتهي الترم .. و ننقل ، و هو يلاقي مستأجر جديد .. و بندفع له .. . . لجنة التقييم في البنك ، سععععروا البيت .. و أعطونا سعر أقل من قيمته الحقيقية .. ماعرف حسيتها حركة تطفيش ؟ الزيادة أنا دفعتها من المبلغ اللي كنت مجمعته ( على أساس أأثث الأساسيات ) .. . . يعني حالياً ، لازم ننقل و لو نجلس في غرفة وحدة .. و أمس رحت مع زوجي لمحلات الأجهزة الكهربائية ، و عبد اللطيف جميل .. و على أساس بناخد بالتقسيط .. . . المشكلة ، إنه ما عندهم غير ( توشيبا ) و ( شارب ) .. جلس ينصحنا بتوشيبا ، بما إنه بيت ملك .. و يقول لنا هو عنده فلة ( كل مكيفاتها .. توشيبا ) .. لكن سعرها 4000 أقل شي .. و نحن بحاجة لست مكيفات اسبليت .. و مكيف عادي للمطبخ .. . . زوجي يقول ( غالية و ناخد شي أرخص ) ،، و هو يقول لنا ( خذوا توشيبا نصيييييييحة ) ؟؟؟؟؟ . . و احترت بالثلاجات ؟ و الغسالات و البوتجاز و بقية الأجهزة ؟ |
رد : نصايحكم تهمني لتأثيث منزلي
كيفك يآرووح قبل كم اسبوع رحنآ عند عبداللطيف وكنت افكر فيكي اش سويتي
شرينآ الأجهزة الكهربـآئية من هنـآك رحت مع أمي واخترنا احسن نوعية موجودة وأغلآها عشرة مكيفات ب25 الف ثلاجة كبيرة بتسعة الآف وثلاجة صغيرة وبرآدة موية و2 بلازما ومكنسة وكان عندهم غسالات ومكرويف بس ماكنا محتاجينها مجموعها كلها حول 41 ألف ريآل وأخذناها تقسيط بألف ومية بس! الطريقة هادي انقذت ميزانية ابويه وارتحنا بشكل كبير من الأجهزة لو دفعنا كاش مآراح يبقى للأثاث شيء فأنصحك بقوة تاخدي من هناك واختاري احسن نوعيه عنده تريحي نفسك لأنها من مكان واحد وتريحي جيبك والمكيفات اهم شيء لو نقلتوا وانتوا لسى ماركبتوها مستحيل تتحملو الحر الجميل ربنآ يتمم لك يآقمر |
رد : نصايحكم تهمني لتأثيث منزلي
سما ..
الله يسعدك و يريحك يارب .. . . بصراحة ، ألف و مية .. مرررررة كويس .. بس المشكلة كل ماركاتهم ( توشيبا ) و ( شارب ) ؟ مافي خيارات كثيرة ؟ ما أعرف ؟ نفس الشي عندكم ؟ و الغسالات ، ما لقيت غير 3 أنواع عندهم اتوماتيك .. . . و الثلاجة ، ماعرف إيش تنصحوني ؟ فيه وسط و سعره 3000 - 4000 و فيه كبييير أسعارهم 8000 - 9000 |
رد : نصايحكم تهمني لتأثيث منزلي
يب نفس الشيء هما متعاملين مع شركات محددة
والتشويبا حلوة بعضها عليها ضمان عشر سنين اغلب الي اشترينا منها الثلاجة حسب مطبخك اذا وسط خدي وسط عشان تكفي المسآحة شوفي الي ينآسبكك واستشيري اكثر .. اليوم ركبوا ورق الجدرآن في الغرف طلعت شيء خوووورآآآفي على قد مآ النقل لبيت جديد وتجهيزة متعب على قد مآهو ممتع |
رد : نصايحكم تهمني لتأثيث منزلي
روحي حبيبتي
الله يكون في عونك جدا التاثيث وتجهيز البيت جدا متعب بخصوص سؤالك عن الثلاجة انصحك بثلاجة كبيرة ان كانت عندك مساحة كافية لهااااااااا لان تشيل لك وتسد حاجة :d:22: وان تاخذي تجهيزات بيتك على اقساط يكون احسن ههههه قديمة صح هههههههه المهم خلي بالك من صحتك اولا وصحة البيبي اوك سلام يا جميل ربي يحميك ويسر امورك ويحفظك سما مبروك عشان بيتكم الجديد عقبال ما تمي تجهيز عشك الصغير:14: |
رد : نصايحكم تهمني لتأثيث منزلي
مرحبا روح
مكيفات توشيبا أتوقع جيدة .. نحن كان عندنا منها زمان .. بس ما أدري إذا جودة القديم تختلف عن الجديد .. بس انتي تحتاجينهم كلهم نفس الحجم ؟ وال4000 سعر أي حجم ؟ الثلاجة أحسن لك تأخذيها كبيرة .. إختي تمدح frigidaire .. إذا بتأخذين فريزر خذي اللي واقفة مثل الثلاجة أحسن من الصندوق .. البوتاجاز شوفي جليم جاز أو سيمنز بس غاليين أتوقع .. إلمكيف العادي أحسن نوع أو جنرال |
رد : نصايحكم تهمني لتأثيث منزلي
اللهم اجعله منزل مبارك والراحه والسعاده
تقريباً انا نفسك بس مالي خبره بالمكيفات بس حالياً اخترت اثاث الغرفه والصاله وكلها تصاميم ( مودرن ) شي ناعم واشكال هاديه ❤ ربي يوفقنا واياك يالغاليه |
رد : نصايحكم تهمني لتأثيث منزلي
حبيبتي لا تستعجلي كوني على أقل من مهلك ابدئي أولا بالمطبخ ثم بغرف النوم والباقي اتركيه إلى ما بعد الولادة لأن اختيار الأثاث يحتاج لوقت طويل وبال واسع فلا أنصحك بأن تجهدي نفسك بذلك لكن لدي نقطة أحب أن أنبهك عليها : بما أن سكنك شقة فتعمدي اختيار الأثاث المودرن ابتعدي كل البعد عن الكلاسيك لأنه يحتاج لمساحات كبيرة ويأخذ حيزا كبير من المكان بعكس المودرن الذي لا يتسبب في ضيق المساحات . ومبارك ألف ، جعله الله منزلا مباركا . |
رد : نصايحكم تهمني لتأثيث منزلي
السلام ورحمه الله ألف ألف مبروك ان شالله يجعله ربي منزل عامر ودايم بالأفراح .. ويبعد عنكم شر عاذل وحاسد الغاليه بخصوص المطبخ سويلج kitchen preparatory بما انج في شقه صممي على هالاساس استايل اوربي وامريكي مرغوب فيه ومنتشر ومايصير جديم ومن ناحيه كراسي البار بتحصلينها في ايكا تقريبن نحن عندنا في دراكن وحطي لمساتج فيه من مصابيح والخ وبالتوفيق ان شالله .. |
رد : نصايحكم تهمني لتأثيث منزلي
عذرا
يمنع رفع المواضيع القديمه |
| الساعة الآن 11:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©