|
رد : يبقى الحال على ماهو عليه
لمسة اذا كان يتكلم عن ام عياله كذا
و ما احترم العشرة و ليه اخفى السفرة عنها ؟؟ هذا يعني انه ما عدل بينكم سفرك انتي بس اش تتوقعين منه !!! بعد هذا كله |
رد : يبقى الحال على ماهو عليه
لا حبيبتي همه حتى هي سفرها ابها هي وعيالها قبل مني
انا الاخيره بكل شي واخفى عنها اني معه كانه مازوجني خفيه الاشياء هذه مره تستفزني فيه اذا يحسب لها حساب ليه تروج من الاساس؟؟ سؤال جدا محيرني |
رد : يبقى الحال على ماهو عليه
انا أﻻحظ من كلماتك الغيره فقط
حبيبتي إنتي تزوجتيه وعارفه وضعه متزوج وبعياااال وابدآ ﻻتفكرين لما تزوج عليها يعني مايحبها ﻻطبعآ،، لو مايحبها ماكان تزوج عليها كان طلقها ياأختي خليك ذكيه وسيبي اﻻندفاااع إللي إنتي معيشه نفسك فيه فكري بهدووء وتعاملي ببروووود وتعلمي كيف تهتمين بمظهرك وجذبه لك والله الكلمه الطيبه والتعامل العاطفي العشقي المتساااامح راح تشوفين نتيجته خﻻل فتره يمكن سنه ويمكن أقل ماتدرين أهم شي يكون عندك صبررررر وطووولة باااال وﻻ تقولين جربت وجربت ومانفع الله اعلم كيف كانت طريقتك. .يمكن غلط أو تنتظرين النتيجة بشهر وتملين حاليآ ﻻتفكرين بالعدل الله بيحاااسبه مو إنتي ركزي على اللي قلتلك وسؤال. .كم عمرك وكم عمر زوجته اﻻولى؟؟ |
رد : يبقى الحال على ماهو عليه
اقتباس:
كيف يعني يحسب لها حساب ترى اللي مافيه خير باﻻولى مافيه خير بالثانيه وليش فسرتيها يعمل لها حساب! !! انتي للأسف تفكيرك سلبي وتشكين بقدراااتك صدقيني ماتزوج أﻻ ومحتاج شي انتي ماقدرتي تعرفينه بأسلوووبك وعشان كذا ماوفرتيه انا حاسه كذا الله اعلم انتي عايشه دور الضحية والمظلومه وووو معيشه نفسك في دوامة حزن وهالشعور يوووصله من نظرة عيونك وبدون ﻻتنطقين؟،، ويمكن يأثر على نفسيته ويعاملك هالتعامل طيب انتي تقولين ينام بالصاله اوك..روحي له توددي له حسسيه انه كل حياتك حسسيه إنه يهمك يااابنت ماسوا هالحركه أﻻ وينتظر ردة فعل منك كل تصرف منه يقهرك انتي اقلبيه لصالحك بطريقة محبه وان شاء الله يارب أمورك تزززين حاولي ﻻتملييين |
رد : يبقى الحال على ماهو عليه
لمسة حبيبتي ،، والله طنشي وخلاص هوو ربه حسيبه ! انتي اهم شي الكتاكيت عندك واحسن شي انهم مو مخلين لك مجال للتفكير ابدا والله الغني !! ... موضوع سفره وعدم ذكره انك معاه ممكن تجنبا لنقاش حاد مع زوجته الاولى وكثرة الاسئلة اللي بتجيه بعدها بالتالي يختصرها ويقول لاااء ..
وبالنسبة للكرش ،، لاتنسي كنتي حامل بطفلين فشي متوقع تماما ... مع الايام راح يخف واهم شي تمارين صبخية بسيطة حتىى وانتي بالسرير تسوينه ترفعين نفسك وتشدين المعده يوميا وبس بتشوفين مع الوقت تخف كثيير اما يصير مثل السحر مستحيييل كلشي ياخذ وقته ... ههههههه انا بوحده وشوفي شنو صارت حالتي ولا صارلي اكتئاب من اللي شفته بعدها قلت شهالحالة انا متعبة نفسي ومكتئبة على شنو نهايته ببتعدل مع الرضاع وفعلا .. فطنشي ،، لاتدققين وتتعبين نفسك ،، عيشي حياتك لاطفالك واستمتعي،، زوجك بالنهاية بيحتاجك وبيرجع ،، زوجته ان كانت قاصده الاذية فادعي الله يبعد شرها عنك وان كانت هاذي طبيعتها فادعي لها بالهداية .. |
رد : يبقى الحال على ماهو عليه
اقتباس:
عضلا البطن السفليه اهم شي هي اللي ترتخي مع الحمل وسوي العلويه والجانبيه وبتشوفين كيف بطنك بترجع زي قبل مشدودة وحتى ألم اسفل الظهر يخف لان عضلات البطن شدت |
رد : يبقى الحال على ماهو عليه
كيفكم حبايبي
مشكورين ع الردود الله يسعدكم نمت امس بعد العصر وحلمت حلم ضيق صدري يتعلق ببناتي هذه ثالث مره احلم بناتي ينتحرون من طاقه اسم الله عليهم والله يحفظهم تكدر خاطري ضايعه طول النهار انا ادور عن تفسير الحلم وضرتي دخلت علي واتتس تقول ياربي استودعتك هيفا وجوري احبهم موت قلت اشلون تحبينهم؟؟ استفزتني قلت تحبينهم وتحرضي ابوهم عليهم وتعطينه ع راسه عشان فرح ببناته الجدد انصدمت قالت انا ماقالي انك حامل ولا ادري عن الخبر قلت طيب واذا ماقالك ايش مشكلتك؟؟ انا اشياء عنك مايقولها لي عادي تقول كانت طفشانه وقالت له هالكلام المهم قلت ترا راح يجي يوم واتركه لك وهذه امنيتك وعلمتها اني كنت رايحه معه المحكمه عشان اطلق عشان بالنسبه للاخت لي تقول اغار منها والله لو اغار ما خليته لها وسافر لاهلي شهور المهم زبده الكلام قلت اتقي الله ترا عندك بناتك وانا عندي بناتي وسالتها بالله تخلي الخوات يتواصلون لان احنا مب دايمين لهم ولا لهم ذنب في خرابيطنا وانا علمتها ان علاقتي معه مو طبيه وابيها تكسبه اكثر وتاخذه ع طول لانه ماصبح يهمني هو كشخص كدر علي الحلم الله يحفظ لي بناتي من كل مكروه ربي استودعتك قرات عيني فاحفظهم لي يالله بلا زوج بلا هم |
رد : يبقى الحال على ماهو عليه
اتمنى تمسحين الحلم ولاتذكرينه لأحد
روحي صلي ركعتين وبعدها انفثي عن يسارك وتعوذي من الشيطان الرجيم واستودعيهم الله كل صباح ومساء الله يحفظهم لك ويقر عيونك فيهم بالنسبة للطلاق استخيري والله يكتب لك اللي فيه الخير. |
رد : يبقى الحال على ماهو عليه
انا جايه أنصحك
وودي تكونين ايجابيه ردودك وتصرفاتك كلها سلبيه استغرب منك والله |
رد : يبقى الحال على ماهو عليه
وعن الاحﻻم المزعجه في السنه تنفثين ثﻻث عن يسارك
وتتعوذين من شرها وﻻتذكرينها ﻵحد وغير كذا هي من الشيطاااان علشان ينكد عليك اقري معوذات وأذكار النوم قبل ﻻتنامين |
رد : يبقى الحال على ماهو عليه
خايفه مره من الحلم
وش تفسيره يا همس ياربي احفظ لي بناتي |
رد : يبقى الحال على ماهو عليه
أختي كان الله في عونك وأصلح حالك
من خلال كتاباتك ويمكن الرجوع لها وإقتباسها إذا حبيتي لاحظت أنك مندفعه في حوارك مع زوجك ولي ما ظهر والخافي الله أعلم به " راجعي نفسك " تنتقدينه إنتقاد حاد وتعاندينه عناد ظاهر ومتوقعه تنبسطين أنتي وبناتك معه ؟! لهذا أعتقد رجلك ومثله كثير رجال لا ينفع معه هذا الاسلوب ولن توصلين معه لنتيجه تحلمين بها لا تظني أنه يكره بناتك أو يكره يفرحهم وإن زوجته الأولى هي السبب في تحريضه فلا يمكن لأحد من الناس أن يكره والد في ولده أو بنته وإن كانت أمه أعني أم الوالد إذا كره الأب بنته أو ولده كرهم لسبب وجيه مقتنع به هم في الأصل متسببن فيه ويتضح أن أطفالك لم يصلوا لمرحلة عقوق والدهم حتى يكرهم أتصور هو كاره أسلوبك وليس شخصك ومتجنب لإنتقاداتك وإزعاجاتك التي تزعجه فترتب عليه ما تعانين منه مثال لي وأنا متزوج من زوجه واحده وعندي منها بنت بفضل الله أحبها أكثر من نفسي لكن زوجتي تخطئ معي بأسلوبها وكلماتها ومحاولة فرضها علي بتفريح البنت بهدايا وتمشيات وسفر وخلافه فلم أستطع نفسياً على تلبية مطالبها التي تسعدها وبها تسعد بنتي البنت ما شافت تمشيات ولا غيره ما عدا الضروريات بسبب عناد الأم و طولة لسانها |
رد : يبقى الحال على ماهو عليه
عذرا ياخاله ع التدخل بين الكبار قريت محادثاتك انتي وماما زعلت منك اذا ماما خاصمت ع عشاننا فاحنا بناتها ومن حقها تخاصم لاجلنا وهاذا بعد ابونا قبل كل شي خاله باقلك شي امي هي التي حببتنا ف جوري وهيفاء وانتي بئسلوبك هاذا مع ماما بتزرعين الكره في قلوبنا لبعض احنا كل شي عندنا ماما مانسمح لاي احد يتكلم عليها او يعاتبها
ارسلت علي بنتها اكملت والله هذا لي ناقصني الحين بيقلبون علي السالفه وكنت متاكده انها راح ترسل بنتها انا لهنا وستوب ابوهم وزوجته وبعد بنته لازم اوقف هالمهزله |
رد : يبقى الحال على ماهو عليه
للأسف كلامك مع زوجته غلط
|
رد : يبقى الحال على ماهو عليه
ماعلي ليش تدخل علي وتكلمني جالسه تحرض زووجي
وانا قاعدة ادور تفسير الحلم وداخل علي مسويه نفسها تحب بناتي تبعد عني لا تنافقني ولا تجاملني انا ماحب هالحرابيط وخله يطلقني عشانها تشبع فيه انا قلت لها بتركه لك |
رد : يبقى الحال على ماهو عليه
الحين مرسله بنتها بالعاني عشان يشتكون لابوهم
وتقوم القيامه انا اعرف اسلوبها كل هذا عشان جبت بنات ياساتر الله يكفيني شر حقدها بما شاء |
رد : يبقى الحال على ماهو عليه
اش دخل الطلاق اللحين
على طول بعد الحلم حسيتي انها بتضر بناتك صلي على النبي ما تبين تتواصلين معها لا تردين عليها بس فالنهاية بناتك لازم تكون علاقتهم بإخوانهم حلوه و بطريقتك هذي تبعدينهم و تكرهينهم في بعض |
رد : يبقى الحال على ماهو عليه
همه يعني انتي جالسه ترددي كلام بنته
ايش جاب بناته فالموضوع انا لي كنت حريصه انهم يتحابون مع بعض اقولك شي صديقه لتوها تقولي الحين عمرك شفتي عيال طباين يتحابون الله يغني بناتي عن حب الناس |
رد : يبقى الحال على ماهو عليه
لمسه وش هالاندفاع الله يهديك
مره حاره انتي وشرار وش قالت ضرتك ووش قالت البنت صادقه البنت اذا بيكرهون اختهم من اسلوبك طيب اذا زوجك مايبغاك ليه مخليكي على ذمته اول اقولين عشان تحملي وتنجنبي وهذا انتي حملتي وش عذره الحين انتي نار وعصبيه حيل الله يهديك روقي شوي |
رد : يبقى الحال على ماهو عليه
ممرررره مندفعه في أسلوبك وطريقتك بالتفكير
على بالك الناس غيرانين أنك خلفتي وطوال الوقت تفكيرك أن حرمة زوجك غيرانه وحاسدتك عشان جبتي بنات!! عجيب امرك ليه بتحسدك وهي ماشاء الله ربي رازقها ب6 قبلك ..اتقي الله في نفسك يااختي وراجعي حساباتك كلنا هنا من خﻻل ردودك مﻻحظين اندفاعك واسلوبك القاسي معيشه نفسك دور الضحيه والمظلومه! ! البنت ماقالت شي يزعل وﻻغلطت عليك وحتى مو قصدها تحريض ايش هذا التفكير! ! الله يهديك وبس |
رد : يبقى الحال على ماهو عليه
وبصرررااااحه انا شايفه إنك ماتبين حل
انتي تدخلين تفضفضين وتطلعين وكأنك ماتشوفين أي ردود ونصايح |
رد : يبقى الحال على ماهو عليه
وشفيك ياحبيبتي انتي واياها مركزين ع عصبيه حاره
مبتعثه روحي اساليه ليش لحد الحين ماطلقني طبعا الردرد مختلفه لاني زوجه ثانيه بس لو الاولى اشتكت من الثانيه راح تكون اغلب الردود طالبي بالعدل زي وحدة خانها زوجها ودخلت حاميه واني انا من خانها زوجها معها اهدؤا انتم وهدوا من روعكم شوي يعني تبوني اسكت بكونه مايعدل تحرضه زوجته ع بناتي عادي اسكت تدخل علي بنته وتقولو تدافع عن امه والبنت صغيره انا لو بنتي تدخل فيما لا يعنيها عرفت اشلون اربيها ياعالم اتقوا الله في ردردكم انتم بعد تراني بشر ولي احساس تراني جسد يحترق مشاعر تحترق لي مو عاجبه كلامي لا يرد ولا يدخل موضوعي من الاساس انا دخلت افضفض لاهلي وناسي خلوني براحتي |
رد : يبقى الحال على ماهو عليه
انا مابي اتودد له خلاص طابت نفسي وتعبت
انافقه يعني من يوم تزوجته وهو قاهرني خلاص وصلت حدي معه ابي اعيش لبناتي وبس ويبعد عني زوجته وعياله شغل الحريم والخرابيط مالي فيها انا وحدة من حالي فشاني معرف ازوق كلام تعرفون بنك الدم انا عطيت لين ماعاد فيا ولا قطره دم خلاص مزاجي الحين وفرحتي بناتي بس من نفاسي مارتحت اجاهد في اامستشفى جهاد خلاص اعصابي منهكه المفروض جا الوقت لي كلنا نرتاح يبغى يطلقني الف هلا وسهلا يبغى يجلس نعيش عشان هالبنات حياه اي طريق يتبعها انا والله ماني مسويه اي مجهود بعد الان الا اذا تغيرت معاملته معي وعدل |
رد : يبقى الحال على ماهو عليه
اقتباس:
|
رد : يبقى الحال على ماهو عليه
ياجوري سياستهم ربي وحده عالم بها
طفله بسن 15 تجي توبخني اجل لا كبرت وش بتسوي تعطيني كفوف؟؟ مره تجني البيت شافت المطبخ مليان اغراض قالت من يشتري كل هالاغراض ابوووياااا!!!! لاحظوا من الحين البنت غرست في قلبها الحقد والضغينه انا ماعلي هذولى بناتها تغرس فيهم حتى اشجار انا ماسبيت امها انا قلت اتقي الله انتي عندك بنات وانا عندي بنات قلت تحرضينه قالت طفشانه ليش ماعلمها عن حملي !! طيب انا ماسال عنها ولا يهمني اعرف اي معلومه عنها هي ليش متبعه اخباري السالفه الان كلها مو ضرتي المشكله بزوجي لو عرف اشلون يضبط امورهم ويمسك زمام الامور ماكان هذا حالنا الان قالي تقاتلوا اثنينكم ماعلي خلصت الحين مشاكلي معه عشان اروح اقاتل زوجته سلامات انا والله قلت لها ابشري بطلاقي منه كان هالشي يريحك اصحك تخلينه يتزوج عليك بعدي وسالتها بالله رغم التفاهات الموجوده الا تخلي الخوات بينهم لكن ع قوله حبيبتي عيال الطباين مايتحابون يمكن توقعت اني طمعانه بقرب بناتها انا كله لوجه الله وابري دمتي مع ربي |
رد : يبقى الحال على ماهو عليه
حبيبتي لمسة طولين بالك لا تعصبين من بعد الردود
مع انها صدج تعصب انت ماغلطتي مع ضرتك انت واجهتيها وهي اللي لازم تستحي على حالها الغلط الوحيد انك كنت واضحة معها فيما يخص علاقتك مع زوجك وخبرتيها ماعاد بدك اياه,,,المفروض هنا تكونين غامضة وما تخلليها تسعد من توتر علاقتكم بالنسبة لبنتها مين يدري يمكن امها هي اللي حرضتها ترسل لك او يمكن امها بحد ذاتها اللي رسلت لك على اية حال لاتخللي كلامهم ينغص عليك لان ها الامور قائم بها العمل بين الضراير ومو المسالة مقتصرة عليكم |
رد : يبقى الحال على ماهو عليه
والله ياختي لمسة غروب
زوجك مثل زوحي تماما وكنت اجااااااااااااهد بس عشان بنتي وبيتي واخر شي طلااااااااااااق واللي باعنا برخيص نبيعه بتراب بعض الرياييل انانيين جدا ولا همهم الا نفسهم وبس ياعزيزتي اذا شفتي نفسج مو قادرة تكملين معاه فلا يكلف الله نفسا الا وسعها ليش اموت باليوم الف مرة عشان حضرة جنابه هذي الصحابية اللي يبجي طليقها بالسوق ويركض وراها ما عاب عليها الرسول انها تطلقت او هدمت بيتها اهي بس ما كلن خاطرها فيه والله سبحانه خلق الارواح جنود مجندة واذا ارواحنا ما اتفقت ولا توالمت فالدنيا مليانة خير ما وفقت على علان والا علنتان الله يكون بالعون وييسر امورج من عنده هو بيده مقاليد السموات والارض |
رد : يبقى الحال على ماهو عليه
بائعة الورد الله يهديك متحامله على اختك لمسه غروب مع انها نفس وضعك زوجة ثانيه ..
الله يسهل عليك ويفرج همك يالمسه .. انا اقولك انسي زوجك ولاتعطينه بال ..عيشي حياتك بسعاده ووناسه حنا ماعشنا للناس النكداللي زي زوجك وامثاله سواء اخوان او اقارب .. عايشين نتعبد ونتقرب لربنا ,, يكفي رضاه سبحانه |
رد : يبقى الحال على ماهو عليه
اقتباس:
ولكن مو نفس اﻻحداث ياسيده وأوﻵ انا مو متحامله عليها وعيب كﻻمك أبيها تهدي اعصابها انا وكم عضوه نفس كﻻمي قلناه لها هي جدآ مندفعه مدري بسبب نفسيتها أو هي كدا عصبيه وليش ركزتي على ردي الوحيد بسم الله عليك |
رد : يبقى الحال على ماهو عليه
قلوب حائره ترى هي لي ترسل بنتها
مره قالت لي قدام الناس ليش عباتك ضيقه مع العلم لبست عبايه سهره واخذني زوجي من البيت ع مكان العزومه يعني ماطلعت بها سوق ولا شي فشلتني قدام الناس وليش ارفع شعري فوق وكله من امها يعني ابوها ماتدخل بلبسي تجي ورعه تتحكم فيني واحتمال كبير هي لي كاتبه موهبه الكويت الله يعوضك يالغاليه هذا لي اقوله مابي احرق اعصابي وبناتي محتاجين لي يمكن الطلاق يكون رحمه للجميع قلوب حائره انا تعمدت اقولها عن علاقتي معه لانه ما اصبح يهمني ودامه مايعدل طاح من عيني ويخبي عنها جيتنا مداراه لمشاعرها وين كانت مداراته لها قبل لا يتزوج اصيله الله يسعدك يلرب يمكن بائعه الورد شافتني عصبيه انا لو عصبيه ماتحملته طول هالسنين بائعه الورد جربتي الحرمان؟؟ جربتي تكوني زوجه ثانيه او جسر ينمر عليه فتره وبعدين تعيشين طول عمرك مهدده بالطلاق انا كنت احب رجوله عشان لا يطلقني رغم انه مو ناقصني خير الحمدلله في بيت اهلي وبدل البيت بيوت الحمدلله مفتوحه لي ولبناتي من فضل ربي ومع هذا صبرت جربتي يكون عندك زوج وانتي تحسين انك لحالك مالك سند جربتي يحرمك من حقك الشرعي كزووجه وتتعاملين كنك رجال ماقولك اني ملكه جمال لكن الحمدلله لي صورني باحسن تقويم وجعل لي قبول عند كل من شافني جربتي ماتاخدي ريال من فلوس زوجك ولا تحسي انك مسؤووله من رجال جربتي تطلعين فلوس الذبايح حق عيالك لان هو وقتها ماكان عنده بس ذبابح كل عياله كلها من عنده ولا جاه ضيوف صار كريم حتى مو كرم يبي يتصنع الكرم عشان يقلون عنه ترا فلان والنعم انا انحرمت معه من كل شيء خلاني صحراء قاحله محد يروي عطشها غير قرات عيني بناتي الله يحفظهم من كل شر لا صحوا يبتسمون بوجهي وش ادور عنده ينكد علي خلاص صرت خط احمر محد يقدر يتجاوزني طول فتره حملي يهدد كنت احسن بطني راح تنفجر قلت ليه تزوجتني قال حبيت اجرب الثانيه حلفت لا اردها له يوم جاو بناتي نسوني كل شي وقلت معلش ترا الله يرزق كل واحد ع نيته وانا رمضان العام كنت ع ابواب الطلاق مرر عيشتي وذوقني احلى كاسه عذاب يخليني بدون فطور كنت افطر ع كاسه مويا والكل شاهد بالمنتدى وهو حتى بيومي يروح يفطر عندها الناس تفطر وانا اغرف من دموعي واشرب لكن رحمه الله وسعت كل شي الله اعطاني من واسع فضله بدل بنت بنتين له الحمد بلا عدد انا عمري ماجبت طاري زوجته بالمنتدى وكنت اقول كان الله بعون الجميع واقسم بمن رفعها سبع وخفظها سبع يوم عرفت اني ولدت دعيت ان الله يربط ع قلبها ناحيتي انا فاهمه وحاسه فيها اكيد زعلت عشان ولدت بس وش اسوي لها بس ماتوصل للتحريض حرام عليها |
رد : يبقى الحال على ماهو عليه
حبيبتي لمسة لا يضيق صدرك
والحمدلله ربي رزقك احلى بنتين الله يحفظهم لك ويرزقك برهم |
رد : يبقى الحال على ماهو عليه
الحمدلله الحين نايمه مع بناتي بسرير واحد الحمدلله ع نعمه ربي
|
رد : يبقى الحال على ماهو عليه
اقتباس:
الله يعينك ويفرج همنا وهمك ماااافيه أحد مرتاح انا حاولت أهديك بالكﻻم وحاولت أبين لك طرق أخرى لكن ماكنت اعرف هالتفاصيل اعتذر منك. . والرجال اللي مايخاف الله في حريمه. .الله حسيبه الله حسيييبه وزوجته لو لها يد بأي ظلم وقع عليك والله لتشرب نفس الكأس اللي ذقتيه الله يعوضك بحياة أفضل وبناتك الله يحفظهم لك نصيحتي انتببببهي على بنات سﻻمي |
رد : يبقى الحال على ماهو عليه
روقي يا لمسه
لما نقول عصبيه واهدي نبيك تروقين اجل يطق لك عرق ولا تجيك جلطه الله يكافيما الشر لا تعاتبين احد وطنشي واخذي الامور بنيه حسنه حتى لو ظاهرها غير بعد فتره روقان اجلسي مع زوجك مصارحه ولما اسالك ليه ماطلق اسالك انتي مهو هو عشتن نفهم وش قصته وانتي زوجته اكيد عندك خير اذا مايبغى يطلق معناته يحبك ومتمسك فيك حطي شروطك يصرف قولي اصرف يعدل طالبي بالعدل والله يوفقك |
رد : يبقى الحال على ماهو عليه
لمسه اما حياه ترضيك او انفصال يريحكمً
لكن تقعدي بهالدوامه الى الابد صعبه |
رد : يبقى الحال على ماهو عليه
هذا لي افكر فيه مبتعثه
القرار صعب وخاصا مع البنات بس سلامت اعصابي اولى هو قالي مو كنتي تقولين خلاص اعطيك فرصه الحمل يلا الحين مع السلامه يعني ماعنده مشكله ولا توقعته بينفع بناتي بشي بستخير والله يكتب لنا الخير جميعا |
رد : يبقى الحال على ماهو عليه
اقتباس:
|
رد : يبقى الحال على ماهو عليه
اقتباس:
|
رد : يبقى الحال على ماهو عليه
اختي الغاليه اسمعي للكل وفكري زوجك حتي لو ماشال بناته هو يحبهم حتي لو ماوضح انسي زوجته وكلامه لها وفكري في زوجك وكسبه فقط لاتدخلي البنات طرف ثالث بينكم اهتمي في بناتك وزوجك ولا تدققي لكي ترتاحي وتواصلي مشوارك وبناء الاسره
|
رد : يبقى الحال على ماهو عليه
اخت لمسة مبروك ماجاك وجعلهم الله من الصالحات وحفظهم لك
اختي الغاليه نحن على مشارف شهر فضيل شهر خير وغفران انسي زوجك وظلمه لك فهناك رب يحاسبه وانتبهي لنفسك وبناتك اخت لمسه جميعنا نخطيء وخيرنا من يعتذر عن خطئه لقد اخطاءت في حق ضرتك واكلتيها بقشورها يا اخت لمسة اذكر في احد مواضيعك انك دعوتي على بنات زوجك في لحظة غضب صدقيني يا لمسة انا لا اقول لك هذا الكلام لتغضبي ولكن انتبهي لتصرفاتك واكضمي غيضك اتمنى الا تزعلي من كلامي ولكي حريه الراي في تقبل راي من عدمه |
| الساعة الآن 02:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©