المشاركة الأصلية كتبت بواسطة مبتعثة متفائلة (المشاركة 3080989)

اختي وش بيصير اذا ولدتيها بامريكا
وش بتسوون بالطفل

المشاركة الأصلية كتبت بواسطة شوك11 (المشاركة 3081391)

تقترحون الزواج وكان الشاب اللي اخطات معاه عاقل راشد مستقل وموظف!!!
هي اخطات مع انسان اهله الى الان يشوفونه طايش ومستحيل يزوجونه منها

المشاركة الأصلية كتبت بواسطة كلي انا (المشاركة 3081396)

نحن لاننظر لمميزات الزوج في مثل حالها وموقفها
ننظر فقط لجانب الستر من الفضيحه والعار
والطفل المقبل على الحياه ليس لها خيار بالتشرط
ذنب اقترفته تتحمل تبعاته الله يستر عليها يارب

المشاركة الأصلية كتبت بواسطة دنياي اتعبتني11 (المشاركة 3080672)

السلام عليكم

تكفووووون ياعالم ساعدوني تكفون عسى الله لايفجعكم ويفرج كربكم

يناس صدمتي صدمة قسم اني بنجن خلاص
اختي عمرها 22 سنة وتعرفت على واحد عمره 20 سنة وتقول لي ان لها فترة تقريبا 9 سنين يعرفون بعض كيف
مدري وكل هالمدة

الفترة الاخيرة لاحظت عليها انها عصبية دايما وتلبس جاكيتات كثيرة رغم انه الجو حار وجسمها دايما حار
وامي صارت متعجبة منها وتقولي احس اختك بها شي وبطنها مب عاجبتني كنه منتفخة
وانا كنت اضحك عليها واقعد اقول حامل مثلا ؟ بكل استهبال

وصدمتني اختي امس بخبر انها حامل فعلا وبالشهر الثامن بعد
جاتني وهي تبكي وتصيح وجسمها كله يرجف وورتني بطنها وطحت من طولي وربي
يناس بموت من الخنقة عمري ماتوقعت ولاتخيلت ان اختي اللي انام معها بنفس الغرفة واتشارك معها الضحكات والسوالف انها تروح الجامعة وتقابله وتنام معه وكل هذا يطلع منها

واكدت لي انها حملت من ممارسة سطحية بمعنى انها لازالت عذرااااااااااااااااء وان اللي صار بينهم مرة وحدة بس
واول مرة تسويها وصار الحمل عقاب من ربنا
وهو صغير توه دخل الجامعة واصغر منها مدري شصار يناس مدري

قالت لي انهم حاولو يجهضون الطفل بكل الطرق واخذت حبوب قيمتها بالالاف لكن مجرد ظهرها يعورها وبطنها تتقلص ولانزل الطفل وحاولت تنتحر اكثر من مرة وشربت 30 حبة من الدو ولاماتت

اختي كانت جميلة فرفوشة دمها خفيف والكل يحبها وابوووووي اااااه يابوي
يحبها ويدلعها وهي المميزة عنده وفوق هذا طعنته هالطعنة وسوت فيه هالسواة

والفترة الاخيرة فعلا الكل لاحظ سواد وجهها ونحفها ودايم تدوخ ونحفت صارت هيكل عظمي اتاريه من الحمل والهم والخوف

وهذا الحقير كان معاها وهو اشترالها الحبوب ووداها مستوصف عشان تتأكد من الحمل وكلمني وقالي انه بيتقدم لها
وكلم امه وكانت رافضة وانه علمها بالقصة كاملة اليوم وماردت عليه بكلمة مدري صادق ولا كذاب حسبي الله عليه وين مايروح الله ينتقم منه

يناس ماتهمني اختي لانها بنظري ماتت خلاص وزانية وطعنتنا كلنا لكن يهموني امي وابوي وربي اشوفهم وابكي
انا عمري 30 سنة ومو متزوجة وعندي سكر والفترة الاخيرة تعبت منه واخوي مبتعث فحجز لي ابوي اروح هناك عند اخوي اغير جو ومنه اساعده برمضان واشجعه على الصيام ومعاي اختي وسفرنا بعد 4 ايام بنقعد اسبوعين ثم بيجون بقية اهلي يلحقونا

وامي تقول اختك دايخة وشفايفها بيضت لازم اوديها المستشفى اتطمن عليها قبل تسافرون
واختي اسألها لو الجنين يتحرك تقول لا بس احس بدوران احيانا ولما حسيت بطنها كانت زي الحجر
تقولي كل اللي سوته كان هدفها تتزوج وخافت انها تعنس مثلي

اااه يناس الحقو علي تكفون وربي احس بشد فضيع براسي اخاف يصير فيني شي ولاتقولون اعلم ابوي وامي
خلوني انا يصير فيني شي ولا هم ..
هم كبير مو قادرة اشيله لوحدي ولاادري وش بيصير ارشدوووووووووووووووني ارجوكم
مدري لو الموضوع قسمه هنا مناسب او لا او ملخبط او لا اعذروني
ودوه أي قسم مو مشكلة وتكفون كلكم ردو علي مستشارين واعضاء طلبتكم ياعالم

المشاركة الأصلية كتبت بواسطة السّنا (المشاركة 3081471)

فرج الله همكم وكشف غمكم.
وللإخوة في حديثهم عن نسبه:
نسبة الطفل لذات الزوج إن تنازع الزوج مع الزاني -كل منهما ادعى أن الولد له- فهو للزوج.
أما غير ذات الزوج ينسب لأبيه إن أقر به.
وفي المسألة أحوال وكلام وتفصيل عند العلماء.