|
أول مرة في حياتي أغلط ع أحد وكان زوجي للأسف
السلام عليكم ورحمة الله وبركاته
اليوم فقدت أعصابي لأول مرة وقلت لزوجي بصوت عالي بلا كذب قال احترمي نفسك وماتقولي لي هالشيء قلت أنا محترمة غصبن عنك بس أنت كذاب .. مع أنه فعلاً زوجي كذاب وتقريباً 99% من كلامه مو صحيح من أعذار وخلافه وهالشيء اكتشفته من عشرتي له ، وكنت اقوله مااصدقك وكذا بدون تجريح او تصريح ، بس اليوم وصلت حدي منه ،، أنا من فترة وأنا أضغط ع أعصابي وع نفسي لكن اليوم انفجرت فيه لأنه تعبت ماعاد فيني حيل أتحمل .. أنا سبق وكتبت موضوع أطلب النصيحة بطريقة التعامل مع زوجي ووضحت شخصيته،، وبالنسبة لي أنا إنسانة حليمة صبورة أتغاضى كثير كرماً مني أعرف انه يكذب ولا أقوله هالشيء احتراما له وعشان ماأجرحه لكن اللي قاعد يسويه مره ازعجني .. الحادثة: قبل فتره تزاعل مع زوجته الأولى كالعادة بس ترك لها البيت يومين وصار في أيامها يجي عندي ،، وبعد ماتراضو صار يبي يعوضها هاليومين من أيامي وليالي فكل يوم يطلع بحجة مرتين رايح للأستراحة عندي عمال مع انه ظهر بعد الدوام ولا اشوفه الا العشاء هذا اذا كان يومي ومرتين في الليل قال طالع مع صاحبه عنده مشكله ويبي يساعده فيها وقعد معاه لبعد صلاة الفجر وطلع للدوام من عنده ماشفته الا يوم ثاني.. تخاصمت معاه قال انا جيتك في أيامها ولا قلتي لي مو يومي لاتجي قلت ولا راح اقولها بقولك حياك الله وعين لك فراش وعين لك لحاف واذا ماشالتك الأرض بحطك فوق راسي وانت جيتني بكيفك مو ضغط مني ولا طلب ولا حتى ادري انكم متزاعلين لكن يومي ووقتي ماتظلمني فيه وتعطيها اياها تعوضها عن زعلك عليها ..قالي ع كيفي قلت شرع الله مو عليك يومي ماراح اتنازل عنه هالشيء حطه في بالك .. الان هو حاول يهدي الأمور معاي لأن زوجي مايحب المواجهه ولا النقاش وحالنا مثل النار تحت الرماد ألف لي قصة طويله عريضة وأنا عارفه إنها كذب ،، ماتهمني أهم شيء بالنسبة لي انه شاف الوجه الثاني مني العصبيه وطولة اللسان والزعل وهالشيء ماسبق انه شافهم ،، ووصلت له انه مايستهين بحقي ،، لكن الان ابي رأيكم هل اعتذر له عن كلمة (كذاب)فقط اللي قلتها لانها بصراحة مره مضايقتني احس كأنه انا اللي انقالت له ع فكره النقاش مع زوجي ماأطلع منه بنتيجة مثل المسكنات لكن الوجع لازال موجود. |
رد : أول مرة في حياتي أغلط ع أحد وكان زوجي لل
رأيي الشخصي ولا الزمك فيه
ومن خلال متابعتي موضوعك الاول وما عرفته عن زوجك اقولك لاااااا لا تعتذرين على الاقل حاليا لين تشوفءن ردة فعله لتغيرك يمكن بيزين حاله ويوم تعتذرين تخربين على نفسك وتكبرين راسه اعتذري بس مو الحين خليه يومين كذا تجسين نبضه فيهم وزوجك كان يستاهل هزه مو خايف منك لانه ضامنك ف لازم تبطلين ظنه هذا وانك عند حقوقك بتنقلبين وحش<< لا تخافين منتي وحش:) |
رد : أول مرة في حياتي أغلط ع أحد وكان زوجي لل
الله يهدي بالكم ياارب
عارفه لو انا قايله لزوجي كلمة كذاب والله ماابات ببيتي دقيقه ادري لحظة الزعل يحضر الشيطان بس كان تعوذتي من الشيطان وقمتي من عنده لين تهدي عشان لايصير الغلط عليكي،،، تقولي ان النقاش مع زوجك زي المسكنااات،،، طيب عودي زوجك ع الحوار واسمعيه واعطيه حقه بالتبرير مو تكذبيه بكل شي وماتصدقيه،،، بيقول بنفسها ليش اتعب نفسي واقول لها الحقيقه دام هي مو مصدقتني،، حقوقك بالمبيت معك حق تتمسكي فيها بس مو بالقوه وطولة اللسان المعذره علي هالكلمه عاتبي عتاب المحبه ونبهي تنبيه الزوجه الحريصه ،،،، خليكي لطيفه وحبوبه ووسيعة صدر مع زوجك عشان يلقي الراحه والامان ببيتك وهو وقتها بينتبه لحقوقك اكثر منك ،،، الله يسخركم لبعض |
رد : أول مرة في حياتي أغلط ع أحد وكان زوجي لل
^
رائحة البخور اقرأي موضوعها الاول يرفع الضغط ببروده تحايلته لين قالت بس مسكينه وهو ضعيف شخصيه لدرجة زوجته الاولى تضربه!! شوفي موضوعها الاول يمكن تنفعينها اكثر مني:) |
رد : أول مرة في حياتي أغلط ع أحد وكان زوجي لل
ماشاء الله عندك ابن بالعشششرين الله يخليه لك يارب
مايضيع شي عند الله صدقيني ،،،!!! نيتك صافيه وصبوووره وقلبك نضيف ،، لايغيرك زوجك ويحولك لاانسانه ثانيه انتي غيري زووجك لاانسان ثاني قدرتي تغيريه كان بها ،،، ماقدرتي لاتحملي نفسك فوق طاقتك وكملي حياتك لبنوتك والله رحمة زوجك من وحشششية زوجته الاولي عيب عليها والله تضربه ايش هاذا من وين جايه هالانثي |
رد : أول مرة في حياتي أغلط ع أحد وكان زوجي لل
اقتباس:
اختي الرجال مو مثل بعض يعني لما اكون بحالة عصبية شديدة اطلع عن طوري واقوله مثل هذا الكلام لكن اكون طبعا عارفة انه ماهو معصب فيصبر علي وطبعا لما يكون معب جدا انطم لا تجي على راسي اختي اتعبتني اتركيه لين يرضى لوحده ولاتعتذري لانه راح يصير ياخذها حجة كل ما عاتبتيه على عدم العدل ويروح لها الله يصلح حالكم |
رد : أول مرة في حياتي أغلط ع أحد وكان زوجي لل
لاتعتذري وقومي بواجباته وحقوقه ولكن بجفاء حتى يستجيب لكل مطالبك ومنها حقك بالمبيت والله يسخره لك يارب
|
رد : أول مرة في حياتي أغلط ع أحد وكان زوجي لل
يااختي انتي مااقصرتي معاه وهو مقصر للغايه
وان قلتي كذاب ابن اادم لما يزعل ممكن يقول من هالكلام وعالعموم ماهي كلمة فاجرة يااختي انتي تبالغين كثيرا في الضغط على نفسك والتنازل عن حقك لماذا تبخسين نفسك حقك حقك بيدك وليس بيده اختي فيه مليون طريقه تاخذين حقك منه ليش انتي طوارئ والاسعاف له متى ماكان يريد مهدئات وراحه ذهب لك وبحقوقك معطيك ظهره اي زوج يجلس زوجته في منزل زوجته الاخرى وباثاث متهالك وين احترامك انتي لك حقوق وله حقوق اختي لاتستصغرين على نفسك شي زي مالها لك والله العظيم كنت اتحاشى ادخل موضوعك الاول مابي اقول لك انتي غلطانه وضعيفه فوق اللازم ضعفك بالطريقه هذي غلط وترى الرجل يكره المراءه التي جدا ضعيفه ماينفع لسان متحدث بدون فعل ان اراد له حق يعطيك كل حقك ياختي لاتظلمين نفسك وتظلمين بنتك انتي لو تطلقتي بالله ماراح ياكلك قلبك حسرة وش استفدتي منه ؟؟؟ اختي حتى لما جاك وهو زعلان من المفترض ماستقبلتيه على طول مفروض قلتي وين زوجتك هذا يومها وحرام تبخس ليلتها على الاقل ابرائتي ذمتك ومعروف انه راح يجيك ملام على استقباله مباشرة اي استقبليه بس وضحي له انه غلط عشان تطلعين انتي بالصح اختي زوجك راعي دين على قولتك ادخلي من هالمدخل كثير اطلبي حقك ولاتتنازلي عنه لاتقهرين نفسك عشان رضاء سراب |
رد : أول مرة في حياتي أغلط ع أحد وكان زوجي لل
أمس بعد ماصار الموقف حاول يهدي الموضوع معاي بس سكت عنه وطلعت رحت المشغل وتركت بنته معاه من بعد العصر إلى بعد العشاء يمشور فيها مرة عند جدتها مره ياخذها معاه للمسجد لحد ماداخ ولما جاء ياخذني قال بنتك تعبتني قلت برضه هذي بنتك أنا ماجبتها من برا وانت مسؤل عنها وبرضة حاول يهدي الأمور يبي الحال ينصلح وهو مااعتذر ع تصرفه تكلمت معاه ببرود ورسمية بس مااعتذرت منه لحد ماجاء في الليل مدري يستهبل ولا ايش حكايته قالي ايش فيك مو طبيعية قلت من تصرفاتك قعد يفلم علي قلت شوف من الآخر حقي ماراح أتنازل عنه ويومي اللي ضيعته اليوم بكره تعوضني عنه سكت مارد علي بس قالي أنت اليوم غريبة أول مره أشوفك كذا معصبة وحالتك حاله قلت كله منك أنت وتصرفاتك وتضييعك لحقوقي وصلتني لهالحالة أنا الاسلوب هذا مايعجبني بس انت الكلام معاك ضايع والنقاش بدون فايده طلعتني عن طوري وخليتني أتلفظ بألفاظ عمري مافكرت اقولها لأحد وبصراخ وقدام بنتي اللي انفجعت وصارت تتمسك فيني صار اسلوب الحوار بينا اسلوب حواري كأننا عيال في الحارة مابقى الا نتضارب ،، وهذا كله منك ،، قالي أنت غيورة قلت هذا حقي وأطالب فيه ماله علاقة بالغيرة وانتبه تستفزني مره ثانية ترا مااضمن ردات فعلي ماعاد اسيطر عليها. قال انا اعتذر منك بس ترا انا ماادري ايش ونفس الفيلم بس بسيناريو مختلف .. عاد نشوف اليوم العوض ولا سحبه .
|
رد : أول مرة في حياتي أغلط ع أحد وكان زوجي لل
اقتباس:
انا قصدت بالاعتذار عن اللفظ فقط مو عن السالفة كلها عموماً جابت نتيجة معاه ،، |
رد : أول مرة في حياتي أغلط ع أحد وكان زوجي لل
اقتباس:
آمين يارب الله يحفظ لي ولدي وبنتي ويبلغني فيهم ويحفظ لكم أحبابكم .. الحمدلله ع كل حال رحمة ربي أوسع ،، هذا أنا أحاول أعزز ثقته بنفسه وأبين له انه إنسان قوي وإنه رجل والقوامة بيده وانه هو اللي يضبط الأمور ع أمل انه يتغير ويصير كذا ،، |
رد : أول مرة في حياتي أغلط ع أحد وكان زوجي لل
اقتباس:
اللهم آمين ويصلح أحوالنا جميع لا هو حتى لو تخاصمت معاه مايروح لها هو اذا تخاصم معاها يجي عندي ، بس يقعد يقولي انا اتركها واجي عندك وهو مو يومك خلاص ماراح اجي اروح للاستراحة اقعد فيها قلت اللي ريحك سوه اهم شيء في يومي تكون موجود عندي والبارح هو اللي اعتذر ، |
رد : أول مرة في حياتي أغلط ع أحد وكان زوجي لل
اقتباس:
فماادري ايش رأيكم .. |
رد : أول مرة في حياتي أغلط ع أحد وكان زوجي لل
الله يعينه وضع نفسه في موقف سيء جداَ
الأولى تنافخ عليه يمشي معها تمام انت بعد تنافخين وتسوين مشكلة ويمشي تمام التمام ليه طيب من البداية ما يمشي عدل .. وش ذي الحياة اللي يعيشها أشهد أن لا إله إلا الله .. أكثروا من التكبير يا جماعة.. |
رد : أول مرة في حياتي أغلط ع أحد وكان زوجي لل
^
الاولى تضرب ليتها بس تنافخ:) |
رد : زوجي مقصر في العدل وحقوقي
تم دمج الموضوعين لترابط المحتوى
|
رد : زوجي مقصر في العدل وحقوقي
ياحبيبتي انتي والله إنك عاقله ورزينه حبيتك يوم فولتي وعصبتي ""gg ياخي بلاش ماسكه عمرش اكيد هو حبش بعد كله عاقله هاديه رزينه ياخي فولي عصبي تركي المثالية الزايدة عنك لاحظت إنك تدارينه علشان ماتطلعي نسخه من الأولى والكل عليه وإن فبيته هناك كذا هنا لايصير الكذا وهذا خطأ شي ضايقك قوليه ازعجك بينيه ولا ش معرفه هو وانتي كل مالو تزيدي كاسك حرقه وعلى مايبدا لي زوجك جنوبي اقري عنه صدق باردين ويرفعون الضغط إلا انهم اسهل الساهلين وفيه قصة قد قريتها للدكتوره ناعمه ممتازه jyjy بجيب لك اسمها اقريها ان شاءالله يطلع زوجها زيك جنوبي مع اني اعتقد انه شمالي hgh فإن قدرت على الشمالي فالجنوبي اهون الجنوبيين حلويين لكن لا صاروا متطرفين ودش hgh |
رد : زوجي مقصر في العدل وحقوقي
^
الله يسعدك زيدينا مما اعطاك الله من معرفة بالجنوبي والشرقي وغيره |
رد : زوجي مقصر في العدل وحقوقي
قصة سيدة بكلام الدكتورة ناعمة الهاشمي الى كل قلب مجروح الى من احبت واخلصت ووهبت ثم فقدت فقدت الزوج والأب والأخ الى من هجر زوجها حضنها الدافئ وقلبها الذي احتواه الى اخرى احاطته بشباكها حتى لا اطيل هذا ما تحكيه لكم استاذه ناعمه الهاشمي استشاريه في المشاكل الأسريه عن مشكله اسريه لسيده لجئت اليها وكيف نجت في مساعدتها ^ ^ اسمها أم الوليد jyh |
رد : زوجي مقصر في العدل وحقوقي
اقتباس:
لو الكل يفهم الشخص الذي أمامه وأنه هذي طبيعه فيه راح يتفادى مشاكل كثيرة أحيان تشوفي شخصيات نقيضه لكن يكملون بعضهم البعض fdgrg أنا كثير اعرف هذي شخصيتهم لكن ياخي ماتحمل هالطبيعه إللي فيهم yjy لكن المشكله تخف بحيث انو ماخسر الشخص لأنو عارفه هذي طبيعته الشخصية لكن اعرف فالمقابل إللي يجيب راسه اقري عنه مرا جميل jyh راح تستمتعي فيه وخاصة لا عرفتي عيبك والناس تكره هالشي تتلذذي فيهم وهم متنرفزين :d أو تعرفي شإللي ينرفزها وتمسكيها عليه :d مثلاً فالدقه بعضهم يكرهوها ويتنرفزوا منها مثلاً كم الساعة تقولك ست . ست كم بالضبط لازم بالدقيقة » زين مو بالثواني بعد :d يتنرفزوا وقيسي عليها بالأمور هو بعض الدقه تنرفز لكن بعضها مهمه لأن العقل يتبرمج عليها 👅 |
رد : زوجي مقصر في العدل وحقوقي
اقتباس:
الله يسعدك ما ني ناقص يتنرفزون زياه اخاف ينجلطونdg انا قطعة البوصله الشخصيه تقطييييع <بس عشان افهم شخصيتي وسخصية زوزي لكن تلخبط مره ما تعرفين الشخص الا بالعشره |
رد : زوجي مقصر في العدل وحقوقي
اقتباس:
انا مو مثالية عندي سلبيات مثلي مثل غيري بس أنا حليمة وارخي الحبل للآخر وهذا طبعي وتعاملي مع الكل ونفسي أغير هالطبع أتحمل لحد ماأنفجر وهالشيء غلط .. اذا ع الحكي والنقاش مع زوجي حكيت وتكلمت وناقشت لحد ماتعبت بدون نتيجة لسببين الأول :زوجي النقاش والكلام المنطقي والأسلوب الراقي في الحوار مايأثر في زوجي ماأقولك انه مايعجبه هالأسلوب بالعكس هو يقدر فيني هالشيء ويحب طريقتي في طرح الموضوع واحترامي للطرف الآخر لكن يبدو لي انه مو متعود ع هالشيء متعود ع الصراخ والهمجية وتبادل الاتهامات باختصار ع القوة في انتزاع الحقوق. السبب الثاني : شخصية زوجي سبق وعملت له تحليل من خلال بوصلة الشخصية انه جنوبي شرقي يعني اليوم عنده بسنة اذا اطلب شغله مايقول لا لكن ماينفذ واذا نفذ يكون تحت الضغط مني أو من عوامل خارجية.. شخصيتي شمالية غربية وفيني بعض من سمات الجنوبي .. مشكلتي انسانة منظمة واذا اعطيت كلمة لازم التزم فيها وانتظر من الطرف الاخر سواء زوجي او غيره انه يتعامل معاي بنفس الاسلوب اتحمل المسؤولية بشكل كبير وهذا اللي متعبني دائماً يرمي علي الاخرين بمسؤولياتهم وأتحملها أنفذ بدقة شديدة أي شيء أقدر ظروف غيري و أوجد لهم الأعذار بمعنى أدور الكراسي وأحط نفسي مكانهم حنونة واذا لمحت لحظة ضعف من إنسان أو نظرة ألم وإنكسار أو حتى تعرض لموقف محرج أحزن عليه وتقعد في بالي فترة طويلة وأحاسب نفسي ع الكلمة ومستحيل أجرح انسان مهما كان قربه او بعده عمره جنسة .. رومانسية وحالمة أحيان كثيره.. أتمنى إني أنانية وماافكر إلا بنفسي ومصلحتي أتمنى اني اقدر اجرح وأكسر غيري عشان اخذ حقي بهالحياة .. اكتشفت انه لاشخصيتي ولاشخصية زوجي تنفع للتعدد .. انا بيروح علي حقي وزوجي مايقدر على اخذ حقه .. لكن فرج الله قريب |
رد : زوجي مقصر في العدل وحقوقي
اقتباس:
كلام صحيح أنا شخصيتي تفرديه بمعنى أكره التفاصيل الدقيقة يعني تجي اختي تحكي لي موقف تهتم بأدق التفاصيل مااتحمل هالشيء لكن اسكت كوني مستمعة جيدة وبالمقابل اذا حكيت انا سالفة او موقف صار معاي ادخل بالموضوع ع طول وتلاقيني اقول المهم الزبدة باختصار لكن لما اعمل ع شيء بالعكس احيط فيه من كل جوانبه ولا اغفل شيء او اترك شيء للصدفة او الظروف ، ومع ذلك فيني جزء تحليلي وأعتقد مكتسب مو فطري .. بديت أصدق مقولة ان الانسان الناجح وظيفياً فاشل اسرياً والعكس صحيح ،،شيء محزن |
رد : أول مرة في حياتي أغلط ع أحد وكان زوجي لل
اقتباس:
افترض ان لما تكون شخصية الزوج ضعيفة او سهل الانقياد والتأثر وزوجته كانت اقوى منه تحاول تعزز من ثقته بنفسه وتدعمه وتحثه ع تصرفات تزيد من رجولته امام اولاده وعائلته واصحابه شيء يرفع من منزلته وذكره وسمعته بين الناس لان هالشيء راح ينعكس عليها وعلى سمعة اولادها بالمستقبل لان الحياة تستمر وماتوقف عندها وعند متطلباتها الشخصية ،، |
رد : أول مرة في حياتي أغلط ع أحد وكان زوجي لل
اقتباس:
|
رد : زوجي مقصر في العدل وحقوقي
اسمعي ب اقولك حاجه ..بالنسبه لكونك زوجة معدد فانا ارى حياتك افضل من كثيرااات في مثل وضعك..وجودك في بيتها القديم قد يكون شي مؤقت ..مع الوقت تقدرين تغيرين اثاثه والدهانات وشوية ترميمات..اذكر عمي تزوج ع زوجته وحط الاوله بجديد والثانيه رمم لها بيت الاولى..زوجك مادرا انه بيرجعك والا كان باني لكم ثنينكم بيوت ..رجعتك ربما جت فجأه..اقنعي نفسك ماحد مرتاح بالذات زوجات المعددين دايم شيل وحط واعتبري نفسك عايشه ب جنه بالمقارنه بالبعض..لاتصيرين انتي والزمن والزوجه الاولى ضده ولا تتنازلين عن حقوقك بس خوذيها ب كياسه وذكاء وصبر حبه حبه،،
|
رد : زوجي مقصر في العدل وحقوقي
اقتباس:
قبل يومين أنا جايه من عند أهلي في المطار جاء يستقبلني شافته بنتي وتقولي بابا ولما شفته صديت عنه حسيت اني ماابي اشوفه ماابي ارجع معاه دخلت في الزحمة عشان مايشوفني أبي أأجل اللحظة وأأخر الوقت سألت نفسي هو أنا أكرهه ولا أكره البيت اللي بوديني له ولا أكره حياتي معاه ماادري لحد الان افكر بتصرفي وأحاول أحلله و أوصل لنتيجة ليش سويت كذا ،، تراكمات ضغوط او كوني جاية من عند أهلي وأقاربي وعالمي اللي عشت عمري كله فيه وجايه لمنطقة ماأعرف فيها أحد ،، أحاول فعلا ً أخذ حقوقي بالتدرج وبالهدوء وبين فترة والثانية أستخدم القوة ،، مابين اللين والقوة وربي يهديني للطريق الصحيح بدون أثار جانبية مضرة ،، |
| الساعة الآن 08:40 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©