|
رد: الجفاف العاطفي .. أخي في الله / أبو حكي
لا جديد
أمس رد من الدوام مثل كل مرة س 4 العصر يرد .. وبعدها انا طلعت فما تقابلنا كثير اليوم دوام . نوم . طلع ويا ربيعه المكان اللي خاطري اروحه واللي اليوم اخر يوم له و اعتقد هالمرة السابعة اللي يروح لها هالسنة الله كريم صدقني أبو حكيم .. بيتحرقص لين ياخذ حقه وبعدها ما بيفكر فيني .. بيستانس اني مستوية مؤدبة وساكتة و ما اناقش ماحب التطنيش ليش مصعب المسألة .. هو اللي غلط بالعادة .. إذا استصعب علي شي وفكرت فيه وايد و حسيته معقد .. أخبره .. و يبسط لي السالفة و يطلعهاشي سهل الحين ها كله . بنكمل اسبوعين و هو مكابر لو انا مكانه بيدخل الغرفة بروح وراه واحضنه و اكلمه وخلصنا فيه ألف طريقة بتطلع .. لأن ما بينا هالحواجز .. وكيف ماسك نفسه وعادي عنده حسيت نفسي ولا شي بالنسبه له أبوحكيم .. اليوم يسألني ليش ما رشيت الغترة بالنشا لما كويتها قلتله رشيت بس مب وايد لان هالغترة أصلا مب يابسة من اشتريتها .. خفت اخربها تم ييتكلم .. يتني ابتسامة وتوني ما ابتسمت الا عطاني هاك النظرة اللي معناها لا تضحكين .. جلبي ويهج و قال لي زين يلا عطيني ... ماحب حد يطنشني :( وهذا سبب مشكلتي و الا لو قلبي قوي مثل غيري جان ما تمادى قلبه قوي وعنيد .. ما حب هالصفات |
رد: الجفاف العاطفي .. أخي في الله / أبو حكي
أنصحك لا تحملين منه خلاص
لين تشوفين حل معه |
رد: الجفاف العاطفي .. أخي في الله / أبو حكي
اقتباس:
|
رد: الجفاف العاطفي .. أخي في الله / أبو حكي
لما سألني كنت اطلع له أوراق طليها مني .. لكني حسيت انه ما يبا يطالع بويهي . كانت نظرة حقد
:( أدري نفس زوجي طويل وهذا طبع اهله بعد .. لاحظت ان الكل بالهم اطول من بالي . لما رديت من نفاسي كان زعلان مني رغم اني اشوفه هو الغلطان وكنت زعلانه منه .. لكنه ما كان يكلمني و هجرني رغم انه صارلنا شهرين بعاد عن بعض وكل مشكلة تصير على طول يهجرني .. مافي حتى خطوات قبلها .. رغم اني ما اكسر كلمته يعني اقوي قلبي .. و الوضع مطول الله يفرجها |
رد: الجفاف العاطفي .. أخي في الله / أبو حكي
اقتباس:
|
رد: الجفاف العاطفي .. أخي في الله / أبو حكي
أخي الفاضل
كتبت له يوم السبت انه اخر يوم في اجازة المدارس و ابا اروح لاهلي .. للعلم اخواني يدرسون بالفترة المسائية فما الحق اشوفهم لو رحت بايام الاسبوع العادية مارد .. كتبت بتوديني .. كتب لا وللحين كل حد ساكت هل ارد اطلب؟ او اظل ساكته ؟ هل لو وكل ابوه انه يوصلني اروح والا لا ؟ افكر اني مااروح ... غير انه يماطل بروحتي بعد يخلي ابوه وخبرته اني اريد اشتري بعض الاشيا احتاجها يوم السبت القادم لمناسبة عرس .. و كتبت له خبرني باليوم المناسب .. كالعادة مارد علي للعلم هو يداوم يومين ويأجز يومين وحاليا اجازة من الكلية بعد بعدها بيومين قلتله بتوديني اليوم ..... مول . قال :لا اليوم الاربعا .. ويوم الجمعه بخصصه للحنا هل ارد اطلب ؟؟ او اسكت لين بكرة و اطلب من ابوه يطلعني ؟ وبهالحالة هو اكيد بيكلم ولده يطلعني |
رد: الجفاف العاطفي .. أخي في الله / أبو حكي
قررت ألعب بأعصابه و أرد له حركات الكبرياااء و قلة الاحترام
زيادة على التجاهل .. برد اكشخ مثل قبل لاني اخر فترة تركت وايد اشيا و بتعمد ألبس الشي اللي احسه ينجذب له .. لبس عادي مب خاص و وقت النهار طبعا وبهتم بأدق التفاصيل .. من مناكير وتاتو وبركز اني ما ابين انه غياظا فيه .. هالشي لنفسي و بقص شعري بطريقة ملفته .. بحجة انه للعرس أمس فالليل اخذ حقه .. بدون مداعبات ومستمر يعاملني مثل ما اعامله حتى اني احيانا احس اني انا اللي غلطت عليه بس اتم اذكر نفسي .. اني صاحبة القرار في هالنطنيش واللي لها الحق |
رد: الجفاف العاطفي .. أخي في الله / أبو حكي
بخصوص طلباتي للعرس .. من ضمنها اني اروح الصالون اقص شعري
في صالون جريب من البيت .. هل اروح بروحي والا انتظر لين هو يطلعني و اقضي مشاويري معاه ؟ |
رد: الجفاف العاطفي .. أخي في الله / أبو حكي
- أعيدي طلب زيارتك لأهلك وإن وكل والده اذهبي معه .
- اطلبي منه مرة أخرى أن يوصلك للسوق وإن وكل والده اذهبي معه . - من حقك العودة لزينتك . - مكنيه من حقه واستمري بالتعامل كما أنت . - استأذنيه بمشوار الصالون واذهبي على قدميك إن وافق , ولا تشرطي أن يوصلك هو . |
رد: الجفاف العاطفي .. أخي في الله / أبو حكي
جزاك الله خيرا
واعتذر عن ازعاجك |
رد: الجفاف العاطفي .. أخي في الله / أبو حكي
السلام عليكم ورحمة الله و بركاته
عدنا من جديد * مستجداتي كالتالي : - الجماع بشكل شبه يومي ، والمبادرة منه فالبداية كان يتقرب مني وقت النوم وبدون مداعبات . الآن يداعب وحصل ان طلبني مرة وقت النهار. - الحمدلله ما زلت محافظة على برودي ، لكن مع قليل من التجاوزات :( - أخذني بالأمس لبيت أهلي و أخذني للسوق . - وصلت لمرحلة شبه استقرار من ناحيته ، فلم أعد أتعب نفسيا لنومي وحيدة أو بدون حضن. و إذا رفض الذهاب لبيت أهلي لم يعد الأمر متعب . فبقرارة نفسي أقول : كيفه ، ما بسوي له سالفة . أسألتي 1- هل الهدف من التجاهل تغيره أم تغيري و ابتعادي عنه قليلا ؟ هل تعاملي معه في السابق كان سبباً لأفعاله _ يعني لأني عطيته وجه زيادة _ ؟ 2- هذه الأيام أصبحت أكلمه أكثر في الاحتياجات و ما يخص ابنتنا ، وليس عالواتس ، لكن لازالت الرسمية هي المسيطرة لا ضحك ، ولا سوالف ، ولا استقبال ، ولا مبادرة ( هذي ملاحظة انتباهه عليها ) هل هذا يؤدي الغرض؟ أم أن كل ما حافظت على الرسمية و التجاهل كان أفضل ؟ لأني أشعر أن حياتنا أصبحت كالسابق لكن رسمية أم المطلوب أن لا أكلمه دون النظر لوجهه و بوجه عابس ؟ 3- اشرح لي قليلا عن البرود فالعلاقة عدم المبادرة او ابداء الرغبة . و عدم تقبيله أو لمسه . ماذا أيضاً؟ |
رد: الجفاف العاطفي .. أخي في الله / أبو حكي
اقتباس:
|
رد: الجفاف العاطفي .. أخي في الله / أبو حكي
جزاك الله خيرا ...
وان شاء الله أستمر و أطور من أدائي وما أغلط |
رد: الجفاف العاطفي .. أخي في الله / أبو حكي
ذكرت لي ان تعاملي معه سابقا هو سبب أفعاله معي
هلا وضحت لي مكامن الخطأ .. أم ان هذا ليس الوقت المناسب كنت اخطط لان أسألك عن شخصيتي و شخصيته من خلال ما قرأت من المواقف وكبف علي ان اتعامل معه .. لكني كل مرة أوجل إلى أن قررت اليوم ان أقرا كتاب البوصلة الشخصية و ادرك ذلك بنفسي و تندماانتهي سأكتب اتجاه شخصياتنا أشكرك أخي الكريم جدا وفقك الله وسدد خطاك و رزقك سعادة الدارين |
رد: الجفاف العاطفي .. أخي في الله / أبو حكي
اقتباس:
|
رد: الجفاف العاطفي .. أخي في الله / أبو حكي
وشو كان ممكن اسوي بخصوص تأخيره لزيارة أهلي .. و منعه من التواصل الاجتماعي
عذره في هذا .. إنه هم ما يحبون الاختلاط مع الناس و ماله داعي الطلعة حاليا هو أهون حتى عملي جبرني أتركه .. و كان يرفض أي دورات أو مراكز تحفيظ لكني ذكرته إني بيوم النظرة قلتله إني أحب أروح مراكز وبكمل الدورات والدروس ووافق فقام يوافق أحيانا مرتين كنت بروح لأهلي و أهله يدخلون و يردوني و خلاص بينحل ابموضوع بالأخير أشوف انه تخدير فقط .. و يكلمون ولدهم بكل حنية و يتركونه يسوي اللي فباله عشان جي ابا أتعامل وياه بدون تدخل حد |
رد: الجفاف العاطفي .. أخي في الله / أبو حكي
قلت لي أنه تعاملي معه باللين وعطائي المستمر بدون مقابل ... سبب للمشاكل
واتفق معك لذلك سألتك .. هل التجاهل لتغيره أم تغيري .. وقلت تغيره لكني أرى أني تغيرت بهذا التجاهل .. أصبحت كما اخبرتني - بقلب قوي - وفرحة بهذا الأمر ومرتاحة نفسيا و خف الضغط اللي كان علي ولا أنوي أن أعود كالسابق . نقطة أود ذكرها .. هي أني كنت أخاف منه !!! فلهجته بالكلام صارمة .و دايما اللي يسمعه يظن انه معصب . اضافة انه لا يعير من يتكلم منه انتباهه . يعني يرمي الكلمة ويطلع وبصراحة لم أعتد على هذا فأنا تربيت بين أخوات .. و أخي عندما تزوجت كان وقتها باخر سنة اعدادية و أعمامي واخوالي في بلدنا الاصل .. ابي هو من اعرفه من الرجال لذلك كنت ألجأ لتوصيل ماأريد بالكتابة ، وإذا طلبت شي ااتعب نفسيا من كثر ما افكر بردة فعله وما اصر على الشي . وهو عادة يقول لا ويطلع بدون اي نقاش >>> هالشي اكرهه لأني حرة مب أمة عنده. ومن سنة تقريبا أدركت هالنقطة و بدأت أدرب نفسي على الكلام معه ... |
رد: الجفاف العاطفي .. أخي في الله / أبو حكي
اقتباس:
اقتباس:
|
رد: الجفاف العاطفي .. أخي في الله / أبو حكي
أشكرك جدا على اهتمامك
وسرعة ردك و سأتابع بإذن الله |
رد: الجفاف العاطفي .. أخي في الله / أبو حكي
إلى الآن ماحسيت انه منزعج من الوضع
يعني هو مرتاح و عادي عنده !!! كملنا شهر مب ممكن تزيد الفجوة بينا و اخبرتني قبل انه الوضع مطول .. يعني كم تقريبا؟ غريب حاله .. لهالدرجة علاقتنا ما همته ، ومالي نصيب من وقته او جهده ان عبرته عبرني و بمزاجه . وان بعدت وطنشت طنش أحس اني خادعة نفسي بحبه لي . هو الظاهر يحب نفسه بس احيانا اذكر بعض المواقف والاحظ انه كل مواقفه معاي .. هو ياخذ موقف مني ويهجرني على اي غلط وانا اسامح لو غلط علي .. و احاول علاقتنا اتم بوضعها الطبيعي و هالنتيجة مجرد خواطر |
رد: الجفاف العاطفي .. أخي في الله / أبو حكي
للعلم .. أمه ملاحظة اني زعلانه منه و واضح من تصرفاتها انها مستوعبة الوضع
زين هو ليش مكابر ليش ما يبذل جهد و يسوي شي ايجابي ليش هالسلبية دلتني صديقتي على قروب للمتزوجات .. يطرشون اشياء تخص العلاقة الزوجية كل ما وصلني شي اتحسف على نفسي .. لمن اسوي . وليش اسوي اصلا احب اسوي الافكار اليدية والغريية .. لكن بكنسل و ان شاء الله ابدأ مشروعي التجاري الخاص و بطلع فيه طاقتي و أفكاري .. رغم انه زوجي بيوقف في ويهي و بيكون اكبر مثبط .. فيمكن اسوي كل شي بدون ما يدري |
رد: الجفاف العاطفي .. أخي في الله / أبو حكي
اقتباس:
بإذن الله لن تزيد الفجوة طالما أنك قائمة بواجباتك الأساسية تجاهه والتي أكدت عليها من خلال الموضوع عدة مرات , وأساسا علاقتكما بها فجوة كبيرة وأنت التي كنت تتغاضين عنها وتسيرين حياتك كيفما اتفق , لأجل أن تسير فقط والآن مللت من تغاضيك وبدأت البحث عن حقك . اقتباس:
اقتباس:
أما إن كان يُدار من المنزل , فبها قولان ويعتمد الرأي على ماهية المشروع . |
رد: الجفاف العاطفي .. أخي في الله / أبو حكي
من المواقف اللي مع امه
- الكل كان مجتمع عدا زوجي كان بالغرفة يستعد للنوم و اتفقنا نطلع نشوي اليوم بعده . فأمه تردد زين ومن بيخبر فلان انه يصحى مبكر . و لازم نعطيه خبر الحين ووالخ وقتها حسيت اللي ماعرف بزعلنا بيعرف .. انا قاعده وطبيعي اني بعطيه خبر لكن لأنه مثل ما الاحظ ببيئتهم .. اللي يزعل فيزعل من قلب و ما يكلم الثاني ابداا لو شو ما كان .. ممكن لو ساله عن شي ما يرد يقول لاي شخص ثاني يخبره ولا انه يكلمه و الحمدلله لا اريد ان اصل لهذه المرحلة .. لاني ان سويت هالشي معناه محيت الشخص من حياتي . و بعدها قامت و دقت عليه الباب وخبرته - موقفين حدثا أمس رجعت من التحفيظ وكان نايم و قالت لي انا ثومته وما قام .. قوميه وفعلا قومته ، لكن بطبيعته ما يقوم بسرعه طلعت من الغرقة و قالت لي ليش ما قومتيه قلتلها قومته فراحت دقت عليه الباب وانا واقفة عدالها .. وفالليل تقول لاخته طلعي فواكه وحطيهم عالطاولة عشان اخوج يشوفهم لما يرجع و ياكل .. ممكن تقول انه من باب الاهتمم بولدها وانها حاسة اني مقصرة .. لكن لو كان هالشي كانت نبرتها بتتغير وبتعصب .. لكن اشوفها اهدى من كل مرة كنت اود اخبارك بامر ضايقني .. كم من مرة اسأل زوجي عن شي او اخبره بموضوع و ما يرد و المشكلة انه يكون جدام اهله مرة سألنه بتوصلني للمسجد .. مارد .. وكررت ومارد ومرة ارويه صورة حاجز امن للمطبخ .. و يقول مب ضروري و البنت ما بتدخل .. و اكلمه انها تفتح الغاز و تغافلنا و تخرب .. وعينه على تلفونه و ما يرد :( بواصل .. لأني ما بهين نفسي مرة 2 .. ولا برجع لنقطة الصفر و اقضي عمري بنفس اادوامة و اتم ادور حلول بالنسبة للمشروع لي فترة 4 شهور اخطط له .. و من اول ما خططت وانا محتارة بنقطتين - اخبار زوجي .. لانه بيرفض و بيثبطني وللعلم .. عرفت من جارتي انه بيشتري محل و انه زوجها بحكم انه تاجر يساعده فهاالامر .. السالفة صار لها سنة ونص تقريبا وكان بيشتري لولا انه في شخص عطا راعي المحل سعر اعلى و باع له اياه بنفس اليوم اللي كانوا بيوقعوا الاوراق هالكلام كله من جارتي وا من يومين اسمعه يكلم جارنا عن محل بيشوفونه |
رد: الجفاف العاطفي .. أخي في الله / أبو حكي
الامر الاخر
ادارة المشروع تكون من البيت لكن احتاج لشراء أقمشة و التعاون مع خياط .. هالشي اللي فعلا معرقلني زوجي .. حتى لو خبرته ما بينفعني خواتي .. ممكن اذواقنا ما تتفق و ما بيقضون المشاوير بالوقت احدى صديقاتي .. هي اللي ممكن اعتمد عليها ، أذواقنا متشابهه ولها خبرة و عندها سيارتها الخاصة ربما اطلب منهاالدخول كشريكة .. بحيث ادفع رأس المال ( لدي مبلغ عند اهلي لا يعلم به زوجي ) . وهي تتابع شرا الاقمشة و الذهاب للخياط و التسويق من البيت لا داعي للخروج و التصاميم ساقوم بها من البيت |
رد: الجفاف العاطفي .. أخي في الله / أبو حكي
اقتباس:
|
رد: الجفاف العاطفي .. أخي في الله / أبو حكي
حدثت قبل أيام
|
رد: الجفاف العاطفي .. أخي في الله / أبو حكي
لاحظت انه بدا يبتعد عني فالفراش
صار له 4 ايام مبتعد يومين كان دوام وبالعادة ينام من وقت ويكون تعبان ويومين اجازة .. اشوفه ماسك نفسه ... حسيته مل مني ما ببادر و بشوف شو يسوي |
رد: الجفاف العاطفي .. أخي في الله / أبو حكي
استمري على ما أنت عليه .
|
رد: الجفاف العاطفي .. أخي في الله / أبو حكي
بدأت بقراءة الكتاب
و أود توضيح الكلمات التالية : - حاسم / سياسي - توكيدي / غير تصادمي - ذو عزيمة / غير أناني - ذاتي البدء / تطوعي - متحد / وسيط - فاعل / تصادمي - شديد / يقدر حق القدر المجموعة الثانية - مغرم بالكمال / ذو روح متحررة - حافظ سجلات / مؤسس تيارات قرأت موضوع الأخت ملاذ ، و مع هذا فلدي كل هذه التساؤلات الكلمات غير مفهومة و كل شوي أقل أنا هالشخصية و شوي الشخصية الثانية |
رد: الجفاف العاطفي .. أخي في الله / أبو حكي
زوجي صار له كم من يوم .. ما يرد علي لو سألت ، ماله نفس لي ، اذا كلمني فبأسلوب مستفز
يعطيني ظهره و ينام . هل طبيعي .. والا تطبيقي للتجاهل وبعض تصرفاتي خطأ ؟ |
رد: الجفاف العاطفي .. أخي في الله / أبو حكي
سؤال اخير . واعتذر عن عدم ترتيب الردود
بالنسبة لتحليل بوصلة الشخصية .. هل أجيب بناء على ما كنت عليه أيام الدراسة و قبل الزواج .(عمر 16/18) او أجيب كما أرى نفسي الآن وأنا أشعر أني غير مستقرة نفسيا . و تعرضت لمواقف كثيرة بعد زواجي أرى أني تغيرت جذريا . |
رد: الجفاف العاطفي .. أخي في الله / أبو حكي
قد أكون هدمت كل ما بنيت
انفجرت يوجهه اليوم و طلبت الطلاق وهو ولا راضي يستوعب شي من اللي اقوله يقولي .. المحترم يحترم . وانا ما احب حد يرادد . وتمشين على كيفي انا اقرر .. قلتله خلاص لما تقلل احترامك وتقول اسكتي برد عليك واقولك اسكت والا جب قال .. اتحداج . ما تغلطين علي و يقولي انتي نكدية .. كيف اطلع معاج قلتله .. مالي نفس لك، زمان كنت احبك الحين لا ناوية اعتبر نفسي مطلقة . . بلبس جلابيات بالبيت وشيلة و ما بقعد معاه ولا اكلمه وبنام عند بنتي يمكن يستوعب الوضع ويتعدل والا الله يسهل لكل واحد فينا .. رغم عدم تخيلي لطلاقي لكن لعله خير وراحة لي بعد ولادتي ببنتي . كتبت له تقريبا 5 اوراق شرحت فيها الشي اللي مضايقني . وقراهم زهم بدفتري و اوراق كتبتها من شهرين لكن ماارسلتهن له طلعتهن و حطيتهن عالتسريحة وقلتله يقراهن و يحاول يستوعب |
رد: الجفاف العاطفي .. أخي في الله / أبو حكي
اعتذر جدا على ازعاجك
|
رد: الجفاف العاطفي .. أخي في الله / أبو حكي
ابوحكيم . حاليا انت متواجد
اتمنى تشوف مشكلتي هني وتتابعني لين استوعب كل شي .. مااريد اتوه واخربط اكثر |
رد: الجفاف العاطفي .. أخي في الله / أبو حكي
الواضح أن زوجك تأثر بزعل والدته منك وغير تعامله معك بناء على ذلك هل تغير زوجك الأخير طرأ بعد إشكالك الحالي مع والدته ؟ |
رد: الجفاف العاطفي .. أخي في الله / أبو حكي
اتوقع بعد الموقف
اصلا .. اللي صار امس و فتح الموضوع انه سألني .. شو استوى هاك اليوم و هل رديتي على أمي قلتله اللي صار و اني رديت رد عادي لكن بصوت شوي مرتفع لكن تذكرت الحين انه رحت المطبخ احط ثلج و اكلم بنتي محد زعلان عليج الا جدتج وقلت بيت كله مشاكل محد يقدر يرتاح افكر اطرش له هالكلام قبل ليوصله من حد و يحط فباله اني تعمدت اغطي على نفسي واذكر انه اخته كلمت امها تهدى وماله داعي و امه تقول لو انكسرت ايدها لو صار شي باسنانها |
رد: الجفاف العاطفي .. أخي في الله / أبو حكي
و يقولي .. أمي ما تردين عليها
قلتله هي مالها نفس تكلمني ولا تطالع وجهي . براحتها وانا 2 يوم كلمتها لكن ما ردت هو يعرف انه أمه اذا زعلت من حد تحقره ... و يعرف انها المرة الاولى زعلت من لاشي السبب ما كان مستدعي ( اني مااهتم بولدها لاني ما غطيته وهو نايم) |
رد: الجفاف العاطفي .. أخي في الله / أبو حكي
تذكرت . هو قالي انتي كله مشاكل
و كان قصده . مشاكل اهله لاني باخر فترة قمت اخبره شو يصير .. لاني ما بتم اكتم و بالمقابل هو من ابسط شي من اهلي يزعل و ما ينزل يسلم |
رد: الجفاف العاطفي .. أخي في الله / أبو حكي
اقتباس:
أي موقف الذي سألك عنه .. عندما سقطت بنتك من حافة الكنبه أم موقف غيره ؟ |
رد: الجفاف العاطفي .. أخي في الله / أبو حكي
نعم عندما سقطت
لانه يومها فالليل رويته العوار و قلتله شو صار |
| الساعة الآن 12:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©