|
رد: زوجي عزم اصدقائه ، ورفضت الطبخ لهم
هههههههههههههههههههههههههه
تبين الصراحة انتي مو مقصرة الله يجزاك خير ليتك كملتي جميلك او تناقشتي معاه اني بصلح الحلا وانت جب العشاء من برا ساعدني واساعدك بشكل عام اشوف ان الواحد متى ماشاف زوجته كرف وشغل وتعب يتهاون معاها خلاص ماراح تخرب الدنيا لو جبت نص ذبيحة وحلا من برا وسهرت مع ربعك ( شلة الأنس ) اقل شئ فكر بصوت عالي ودي اعزم فلان علشان ترقيته وانا اعزه وقد عزمني بمناسبة كذا ودي اردها له شرايك ؟ متى يناسبك تكرفين بالمطبخ وتوقفين على قدم وساق هههههههههههههههههههه |
رد: زوجي عزم اصدقائه ، ورفضت الطبخ لهم
سبحان الله
صار نادر نجد مرأة تطبخ وان فعلت ياويله أومن جابته منها طال الزمان او قصر وتطبخ له سنة سنتين وخلاص جمل الله حالها أقول يازين الشغالة أخر حل توصلت له المطاعم بنقالة وعمالة وقرف والبيت زوجة كانت أميرة في قصر والدها (المهلهل) و تصرف على روسنا كيف كان نقش الحنا ومالنا الا ان نتظاهر انو فعلا انتي اميرة ابقي اميرة وليتني ما اخذت هالاميرة تدرين وين المشكلة انو كثير من الرجال صار مايكثر لانو لو قلت ترى اهلك حالتهم حاله وواجهتها بالحقيقة بتفتح بيبان زيادة وتعقد القضايا والسالفة اصلا فقط طبخ يعني كثرة هالمطاعم وسر نجاحها بالله يرجع لمن بالكريفات السنعات اللي تكتض بها البيوت؟؟؟؟ ياشيخه ع كثر المقاطع اللي نشوفها بالواتس من لحم قرود وكلاب وبساس وقرف ومازلنا ناكل من المطاعم وكل يوم نشهد افتتح مطعم مطعمين شفي شغاله نوعا ما نظيفة وحتى لو ابو كلب ترا عاااااادي صرنا نشوف البنقالي وغيرة برائحة خايسة وايدي خايسة ووجه خايس ونقول والله طبخهم جبار رغم ان المطعم بكبرة خايس بالله ذا كلة ليش من السنع اللي يطغى في البيوت صح تحياتي دراما الاسرة والمجتمع |
رد: زوجي عزم اصدقائه ، ورفضت الطبخ لهم
يعني مثل اللي كارفته زوجته في السوق
بشتري فستان طلع ضيق بنرجعه طلع كبير بنضيقه بنروح الخياط ابي محل جزم بعيد مو هنا فيه موديلات روعه طلعت الالوان مو متناسقه مع الشنطه برجعه لا خلاص باخذه مالقيت غيره ثاني يوم بروح للسوق بشتري ...... مافيه روحه معليش خلاص تعبت ومالي خلق اسوق او اطلع مو لازم تشترين شئ للمناسبة مو لازم تحضرين فكينا <<< هنا مشكله مقصر مايوديني ولا يجيبني نفس اللي ماطبخت لرجلها ههههههههههههههههههه علشان العزيمه |
رد: زوجي عزم اصدقائه ، ورفضت الطبخ لهم
بالضبط يا اخي الكريم تحملتك كفاية
تشبيهك صائب والآن ما ذَا قررت اشغلتني الدنيا؟؟ |
رد: زوجي عزم اصدقائه ، ورفضت الطبخ لهم
اقتباس:
هتقولي طيب هي تشتغل اقول هي ليش تشتغل عندها احد تصرف عليه ولا فشخرة خليها تجلس في بيتها وتهتم فيه ابدا كلامك غير منطقي وبتفكيرك هذا راح تخلي الحريم يركبوا ظهرك ويستغلوك |
رد: زوجي عزم اصدقائه ، ورفضت الطبخ لهم
مو من واجبك والمفروض
يريحك ويجيب برا واذا مرا إلا يتعبك يخليك تسوي الحلا والمالح بس حلوه ذي أصحابه وبعد يتشرط بس فيه نقطه انتبهي لها أن جو أهلك أو صاحباتك بيشوفك كيف تهتمين وتسوين وقتها بيعيد ويزيد ايه عشان صاحباتك سويتي وسويتي! !!الله يعينك ونقطه لاحظتها في الرجال اللي أعرفه أن النساء يكفرن العشير طلع الرجال فيهم من هالصفه لأنهم مجرد شيء واحد ترفضه الزوجه ماعاد يشوفون ولاشي جميل مايحبون يحملون جميل أحد أبد الله يكون في عوننا نحن النساء |
رد: زوجي عزم اصدقائه ، ورفضت الطبخ لهم
اقتباس:
اذا فرضنا ان كلهم يودون ويجيبون..😁 |
رد: زوجي عزم اصدقائه ، ورفضت الطبخ لهم
الحل انك تطلبي اكل من المطعم و تزبطيه باواني منزلية و عملي،شوية مقبلات ،، لا تتعبي حالك منك مجبورة و بنفس الوقت لا تخجلي زوجك قدام صحابو ،، يمكن هو تباهى فيكي
|
رد: زوجي عزم اصدقائه ، ورفضت الطبخ لهم
الرجال اللي كاتبين كان طبختي (((وش فيها ))) ؟!
واضح مايعرفون اش يعني طبخ لعزيمه لو تعرفون ان طبخ الذبيحة اسهل من الاطباق الجانبيه اللي تهلك ولا تملى العين حتى ! واحد منكم يجرب يتولى طبخ لعزيمه بعدين يبدي رأيه بموضوعيه .. اتعجب من الزوج اللي يبي يكرف زوجته للداخل والطالع .. ماتكرمها وتشتري جاهز اهون عليها التعب بلا تحرجها .. ترا مثل لما تقولك بيجوني صديقاتي وانت خلك عند الباب تجيب لنا الضيافه ولا ابي احد غيرك والا بزعل ولا حتى توصيل المطعم |
رد: زوجي عزم اصدقائه ، ورفضت الطبخ لهم
اقتباس:
بعدد المطاعم والشغالات سواقين اجانب ليه لان معظم الجيل متعود عالترف ولا احد يبي يتحمل مسؤوليات وقفت ع الحريم ! |
رد: زوجي عزم اصدقائه ، ورفضت الطبخ لهم
المشكله مو برفضك انما باسلوب الرفض وتوقيته
وعندي قناعه تزداد مع الايام ان الحرمه الي تكرف نفسها وماترحم نفسها بشي ولاتحشم روحها زوجها يكرفها زياده مو بس الزوج هذا تعامل عام مع كل الناس والي ترحم نفسها ومو كل شي تسويه كذلك زوجها يتبرمج على اسلوبها فحكاية استهلاكك لطاقتك بكل الشغل وبالمقابل ماتطلبين من زوجك لاطلبات ولامشاوير ولاصرف هذا شي ضدك وليس معك يعني الرجال بيقول هذا طبعها ولاجبرتها تضحي ارحمي نفسك علشان تلقين الي حولك بيعاملك مثل معاملتك لنفسك وموقفك هذا خير شاهد |
رد: زوجي عزم اصدقائه ، ورفضت الطبخ لهم
يا جماعه صلوا على النبي
أكلتوني بقشروني! صراحه جاني احبااااااط من الردود وترسخت عندي الفكرة انه المجتمع يعتبر المرأة آله مو بشر وان أهم شي ان الآله هذي تكون مبرمجه على الطبخ بس على فكره مدري ليه الاصرار على اني مقصره في حق زوجي بخصوص الطبخ؟؟!! وخصوصا رد دراما بانوراما خلاني ما أسوى وكأني جيت وقلتلكم مابطبخ لزوجي أبيه يجيب كل يوم أكل من برا!! يا جماعة ركزوا الله يخليكم فيه فرق بين لما أرفض أطبخ لزوجي وبين أني أرفض أطبخ في العزايم وخصوصا ان هذا الرفض يجي بعد عدد من العزايم مو من أول مره ما ألومكم في ردة فعلكم يمكن لأن اسلوبي استفزازي والعنوان بعد التغيير زاد الطين بله بس أحب أوضح لكم ان زوجي باقي ماعزم صاحبه هي مجرد فكره قالها لي.. لو انه خلاص كلم الرجال مستحيل أفشله (بس مع ذلك راح أعطيه كلمتين) والحوار بيني وبينه ما كان بذاك السوء يعني ما تخلله رفع صوت وتجريح بالكلام (مع اني أحس انه هو اللي جرحني لما قالي ان كل شي مايهمني أهم شي تبيضين وجهي قدام الرياجيل!) بس شسوي هذا هو الرجل وهذا تفكيره العقيم.. مهما تفتحت عقليته ومهما وصل أعلى المراتب وأخذ أعلى الشهادات يهمه الهياط قدام أخوياه ويهمه ينقال له "بيض الله وجهك ع العزيمة وكثر الله خيرك ع العشاء" واللي قالوا اطبخي من باب اكرام الضيف.. طيب اكرام الضيف ممكن يتحقق بأكل من برا مو لازم طباخ بيت! واذا على الأجر الحمدلله أنا من النوع اللي يطبخ ويرسل ويضيف في رمضان عشان أكسب أجر افطار صائم بعض الردود أنصفتني اللي قالت مو لازم تطبخين لأحد غير زوجك وانه الزوجة مو آله بس كان ودي الانصاف يجي من الرجال مو بس من الحريم طيب أنا مو ملزومه بعد أطبخ لزوجي كل يوم أشكال وألوان وأسوي (لاحظوا كل يوم) حلى مع القهوة ومالح مع الشاي ومساج له يوميا وأشاركه في المصاريف.. يحمد ربه اني شايله عنه مصاريفي ومريحته حتى من المشاوير.. السوق يمكن أطبه مره وحده في الشهر اتركوكم الحين من عزيمة زوجي لصاحبه الزوجة الموظفة مايحق لها ترتاح في حياتها؟ الشقا تلقاه في الدوام وفي البيت بعد؟! يعني مافي أمل أرتاح في حياتي؟! مافي أمل ألقى أحد يهمه راحتي؟! ممكن أحد يقول اتركي الوظيفة عشان تتفرغين.. أنا زوجي أخذني وأنا موظفة وراضي بوظيفتي ووظيفتي يمكن هي أكثر قرار سليم اتخذته في حياتي أختم ردي هذا بتذكيركم ان اللي مزعلني أكثر هو تكرار العزائم مو "مبدأ" ان زوجي يعزم أصحابه عندي زوجي ماشاء الله اجتماعي وكل ماتعرف على واحد عزمه يا على عشاء يا على قهوة وشاي الظاهر اني بستقدم طباخة وقهوجية عشان أرتاح من الهم! |
رد: زوجي عزم اصدقائه ، ورفضت الطبخ لهم
عفوا تو انتبه لخطأ في ردي السابق وانتهى وقت التعديل
أكلتوني بقشوري* من العصبية صرت ماعاد أشوف الكيبورد :d |
رد: زوجي عزم اصدقائه ، ورفضت الطبخ لهم
من اهم الامور عند الرجال اذا عزم ضيوف
زوجته تطبخ و تقدم ما لذ و طاب احنا كبنات نفرح بالزوج المتعلم او اللي عنده مال لو كان مش و لا بد وهم بالمثل لكن يحبون الطباخة اكثر ، زوجك ما عزم الا انه يبي يقدر صاحبه و يتباهى بطبخك في نفس الوقت ، من جد و الله ليتك كملتي جميلك و طبختي له و بعد المناسبة قولي له اللي بخاطرك و لا عاد يعزم mhm لأن وقتك كان غلط ، |
رد: زوجي عزم اصدقائه ، ورفضت الطبخ لهم
أستغرب من اللي يقولوا وقتي كان غلط!!!
ترا مو أول مره يعزم أصحابه وصاحبه هذا بالذات اللي ترقى اللي يفرق الحين هو نوعية المناسبة انها "احتفال بترقية" |
رد: زوجي عزم اصدقائه ، ورفضت الطبخ لهم
آآآآه وين حريم زمان ... موب أشباه الحريم >>> أول مرة أظن تسمعوها <<< أمزح
على العموم فاهمينك أختي أنه ليس بلازم عليك الطبخ لغير زوجك حتى لو مرة واحدة وليس مرات ولكن .. هناك أمور تدخل ضمن حسن العشرة وخدمة كل طرف للآخر ... حتى لو أخدم أحد آخر ... ولكن من أجل شريكي وخاطر عيونه بارك الله فيك |
رد: زوجي عزم اصدقائه ، ورفضت الطبخ لهم
احضروا من مطعم تثقون بطعم و جودة اكله و فرغوه بأطباق و بايركس و هذا ليظهر بأنه طبخ من المنزل
سؤال لو كانوا اهلك هل ستطبخين؟ |
رد: زوجي عزم اصدقائه ، ورفضت الطبخ لهم
حبيبتي اشغلتني .. بداية موضوعك ماكان واضح .. قلت بخاطري مسكين عازم صاحبه وتقولين لا وتحرجينه ..
بعدين وضحتي تفاصيل اكثر .. انها اصلا مجرد فكرة للحين ماعزمه .. والشي الثاني ان عزايمه وايد .. انا توقعت انه نادر يعزم .. وايضا فهمت في بداية موضوعك اعزمه في مطعم ومايجيبه البيت نهائي .. وبعدين فهمت انك ماتمانعين يعزمه لس الاكل من برا .. وايضا ظنيت انك شديتي معاه في الكلام وحواتيها هوشة .. بصراحة معاك حق ماقصرتي .. الله يعطيك العافية .. |
رد: زوجي عزم اصدقائه ، ورفضت الطبخ لهم
اقتباس:
الله يرحمهن والحمد لله انها ايام لن تعود و كلامك صح بالنسبة للعشرة و لا يكلف الله نفسا الاوسعها اطلبي منه ان ينظف معك المواعين و المطبخ اذا خروجوا أصحابه وإذا رضى بتكون المهمة اسهل👍 |
رد: زوجي عزم اصدقائه ، ورفضت الطبخ لهم
اقتباس:
ما يطلعوا من بيت بنتهم المتزوجة الا و هم منظفين معاها البيت و المواعين و المكان لكن هو بيطلع أصحابه و ينام بعد ما يبوسها فوق رأسها. |
رد: زوجي عزم اصدقائه ، ورفضت الطبخ لهم
والله اشغلتني دنياي بالرغم من انها زوجة موظفة الا انها كاملة والكامل الله يعني يمكنها تقوم باشياء بعض الجالسات بالبيت يمكن تكسل عنها واللي بعاتبها عشان مالبت طلب زوجها ترى الحرمة طقت كبدها من كثر العزايم اقرو كلامها بين الردود بعد من حقها ترتاح ترى كثرة الضغط يولد الانفجار... وبصراحة لا اظن ان حريم اول افضل منها على هالكفاح والمراعاة لزوجها
|
رد: زوجي عزم اصدقائه ، ورفضت الطبخ لهم
بعضهم من حقدهم وحسدهم على الموظفة يصور كأن ربة البيت قايمة بكل شئ على سنقة عشره ياما قرأنا هنا في المنتدى ازواج يشتكون من زوجاتهم انها متبطحة حتى الظهر لا غداء ولا اهتمام والا كلامي خطأ يادراما بنوراما ....
|
رد: زوجي عزم اصدقائه ، ورفضت الطبخ لهم
اقتباس:
انا كذا فهمت بالبداية ما قصرتي اشغلتني |
رد: زوجي عزم اصدقائه ، ورفضت الطبخ لهم
تنكح المرأة لأربع :
" لمالها ولجمالها ولحسبها ولدينها" ما أعتقد الطبخ له علاقة بـ الموضوع يا ذكوور |
رد: زوجي عزم اصدقائه ، ورفضت الطبخ لهم
ما تنلامون حبيباتي اللي مافهموا الموضوع زين
فيه شغلات كان لازم أوضحها من البداية لي عودة للتعليق على بعض الحلول المقترحة |
رد: زوجي عزم اصدقائه ، ورفضت الطبخ لهم
انا ما اشوف ان الوحدة ملزومة انها ترهق نفسها عشان الناس وفلان وعلان
خاصة اذا كانت الزوجة فعلا تعبانة أو مرهقة لكن يجي الدور على الزوجة كيف توصل انها رافضة تطبخ هذي المرة ! 99% بالمية من الرجال مستحيل يتقبل اسلوبك بالرفض ، حيشوفها عناد ويمسكها على الزوجة سنة قدام واحتمال يكنسل مشاوير لها مستقبلا بحجة انها مش ضرورية ! عاد تخيلي لو بعد كم يوم طلبتت منه يجيب ضيافة لصاحباتها !! لكن مع شوية اسلوب لين تقدر الوحدة تمشي اللي براسها .. مثلا ( والله يا قلبي نفسسسسي اطبخلك بنفسي وامد احلى سفرة كمان صاحبك يستاهل وعيب مانعزمه لكن اليوم تعبانة لو تأجلها أو تجيب من برى ) طبعا اذا عابط .. اتكلمي ب شوية حزم انه ما يمديك نهائيا تقومين بالعزومة! لو جابهم وطبختي ازعلي بعدها أنه ما قدرك وما حيكررها ثاني اذا كنتو متفاهمين ، |
رد: زوجي عزم اصدقائه ، ورفضت الطبخ لهم
اقتباس:
اذا انتوا تسوون كذا مو كل الناس مثلكم تصدقين ان الزوجة تتصل على زوجها وتقوله جيب معاك عشاء لاهلي |
رد: زوجي عزم اصدقائه ، ورفضت الطبخ لهم
اقتباس:
وصاحباتي صعبه أقولهم ساعدوني في الطبخ |
رد: زوجي عزم اصدقائه ، ورفضت الطبخ لهم
اقتباس:
المهم. يحصل ايضا اني اطلب منه عشاءلاهلي و ما شاء الله يكرمني و سواء كان من البيت او المطبخ. اخواتي يرتبوا و ينظفوا معاي😐ان شاء الله ما يكون هذا شيء غريب وانا ايضا لما اروح عند اخواتي المتزوجات يعني نريحها و نكون رفعنا السفرة و غسلنا الصحون |
رد: زوجي عزم اصدقائه ، ورفضت الطبخ لهم
اقتباس:
وملاحظة ان الرجل تستفزه المرأة اللي تذكر له جمايلها! يموت ولا تمن عليه حرمه! مدري ليه مايعتبره تذكير بالفضل مو منه عليه :) |
رد: زوجي عزم اصدقائه ، ورفضت الطبخ لهم
اقتباس:
لكن هذا خلق الله وهذا مافطر عليه الرجال والنساء كل له مهامه تحسب شغل البيت والطبخ والاطفال شئ سهل انا اكلمك وانا مطلق والله ان مسؤولية البيت اكبر من الشغل والوظيفة الوظيفة ممكن تغيب وتكتب اجازة وتريح شغل البيت ومطارد العيال مافيه اجازة غصب عنك تداوم وتلاحقهم وتنتبه لهم الحين انت بنفسك تفحط تبي تتزوج وراتبك 3 الاف واغلب اللي ردوا عليك قالوا خذ موظفة تساعدك وانا رديت انه مو واجبها تصرف معك على بيت او عيال الان انت تفكر تاخذ موظفة او ربة منزل ايضا زمان اول تحول المرأه الان الموظفة متمسكة بوظيفتها لاسباب كثيرة منها امان للمستقبل خصوصا اذا كان زوج سيئ مصروف وتعز نفسها اذا كان الزوج بخيل تساعد وماتخلي نفسها بشئ اذا كان راتب الزوج قليل خلاص ياسي السيد حسن حتى العاطلة تنتظر متى تتوظف بعض الرجال الان مسجل زوجته سعودة او حافز وياخذها بعد مايعطيها ويقول انتي كلك لي يرجعون الرجال مثل زمان اولا علشان الحريم يرجعون مثل زمان |
رد: زوجي عزم اصدقائه ، ورفضت الطبخ لهم
بالنسبة للي اقترحوا اني أجيب أكل من المطعم وأضعه في أواني منزليه وكأنه شغل بيت
أحسه مره راح يبين انه مو طبخ بيت غير كذا زوجي يقول ان أصحابه اعجبهم طباخي المرات اللي فاتت والظاهر حاب يتفاخر فيه مره أخرى أمامهم مدري هو صادق وللا يقولي كذا عشانه يكره الأكل الجاهز |
رد: زوجي عزم اصدقائه ، ورفضت الطبخ لهم
تحملتك كفايه تو أدري انك رجل :d
عجبتني جميع تعليقاتك على الموضوع وأراها منصفه للمرأة لله درك وكثر الله من أمثالك |
رد: زوجي عزم اصدقائه ، ورفضت الطبخ لهم
أهلي لما يجوني يدهم بيدي يريحوني الله يريحهم بالعافية
وغير كذا ما أنحرج منهم أطلب منهم يسوون كذا وكذا لأن مافي بينا ميانه فرق بين الوحده لما يجيها أهلها وبين لما يجيها ضيوف آخرين |
رد: زوجي عزم اصدقائه ، ورفضت الطبخ لهم
وصلت لقناعة اني ماغلطت برفضي اني اطبخ لكن غلطت بأسلوبي التهكمي ويمكن الاستفزازي
وش الحل؟ اليوم كله ماتناقشنا في الموضوع أسكت وأريح نفسي وأخليه فعلا يعزم صاحبه في مطعم؟ ولا أعتذر له عن أسلوبي بس ما أرجع في قراري وأحاول أقنعه بهدوء بوجهة نظري؟ وللا أعتذر له وأرجع في قراري وأطبخ يوم العزيمة؟ علما بأني هذي الأيام مالي خلق العزايم والطباخ ودي أرتااااح.. من حقي وللا لا؟! |
رد: زوجي عزم اصدقائه ، ورفضت الطبخ لهم
مافي احد مو مستقيد من وظيفه زوجته
على الاقل شايله نفسها والي متضرر من الوظيفه يقعدها ويصرف عليها صح وبلا هالحرب الهوجاء على الموظفه ماقوم بيوتكم وبنى وحط لك الخير الا رواتب المعلمات الضعيفات وبالاخر لا الموظفه لازم تدفع ضريبه خروجها من المنزل ماهي خارجه تتفسح على الكورنيش كلها مدرسه اخر الدنيا ولجه وصجه وطلايب الطلبه والمديره و المعلمات وترجع قال ايش مقصره بييتها نصيحه اتركوا وظايفكم واقعدو عله على قلوبهم وخلونا نشوف البيوت شلون تنبني والمصاريف شلون تتضبط |
رد: زوجي عزم اصدقائه ، ورفضت الطبخ لهم
لاتزعلي مني
بس كل اللي بتسويه كثير بيسووه وهذا الطبيعي اللي مو طبيعي اللي ماتسوي هالشيء سواءا كانت موظفة او لا ولما يكون عندك شغالة فبيكون الشغل اخف اكيد عموما احس بنقاشك معاه نسفتي ف صورتك عنده كل اللي بيضتي فيه وجهه زمان وحس انك منانة... انتي ليه ماخذتها انو جالسه تتفضلي عليه وع ضيوفه.. هذول ضيوفك انتي كمان ، ولو احتسبتيه اطعام الطعام واكرام الضيف وطاعة الزوج كان افضل... هذا مايمنع انو اذا كنتي تعبانه او ماعندك استطاعه انك تعتذريله باسلوب لطيف مثلا والله ضيوفك ع عيني وراسي وانتا تستحق تبييض الوجه لكن عشان خاطري وراحتي هالمرا اعزمهم برا او جيب اكل من برا لاني مرا تعبانه وما أقدر ... |
رد: زوجي عزم اصدقائه ، ورفضت الطبخ لهم
صدقتي والله يا مبتعثة
المشكلة بعد اذا الموضوع فيه طبخ وتنظيف يساوون الموظفة بغير الموظفة.. أبد مايعذرون الموظفة لو حصل منها تقصير واذا الموضوع فيه نفقة وفلوس قالوا لا الموظفة غير ربة المنزل.. الموظفة لازم تدفع ضريبة خروجها وتصرف على نفسها مالكم كيف تحكمون |
رد: زوجي عزم اصدقائه ، ورفضت الطبخ لهم
بس اشغلتتي
تكريم الضيف من عاداتنا الجميله لا تخلين زوجك يمسك عليك ممسك |
رد: زوجي عزم اصدقائه ، ورفضت الطبخ لهم
قلب مطمئن
أنا صراحه كثير موظفات أعرفهم مقصرين وباعترافهم هم وبالنسبة لغير الموظفات فيه كثير بعد مقصرات يرجعون أزواجهم من الدوام وهم باقي نايمين أو باقي ماطبخوا الغداء بعض زوجات اخواني الله يهديهن من هالنوعية |
| الساعة الآن 02:24 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©