|
رد: افيدوني وما هو رايكم بقراري؟
اقتباس:
موفق ,, |
رد: افيدوني وما هو رايكم بقراري؟
اقتباس:
هو رافض انه يروح يقرأ ويقول انا مافيني شي .. ويقول انتي من تحتاجين للقرآه انتي فيك جني لازم يطلع.. وقال لامي هذا الكلام قال بنتكم مريضه داخله جني عالجوها بس تجلس بالحمام ... !!! امي خافت وصدقته وجت تسألني ... حاولت افهمها انه عشان قلت له روح اقرأ رفض... طول ذيك الايام اهلي مايصدقوني ويقولون انتي تتدلعين توهم يادوب شافوه بعيونهم ... ابوي شاف زوجي يحاول يصدمني بالسياره وانا طالعة من بيت اهلي للمسجد امام منزل اهلي لاصلي التراويح. . وكان صوته عالي بالشارع وركبني بالسياره غصب عني ... كل هذا ابوي شافه وكان متخبي خلف احد السيارات عشان لايشوفه... ابوي من يومها انغث وتضايق مره وعرف ان كلامي صح... وحدث نقاش بيني وبينه والسياره تمشي بالحاره لين فقدت اعصابي وفتحت باب السياره احول انتحر .. وهو بدأ يصارخ ويسحبني ... ورماني اما المسجد وراح انا مادخلت المسجد ورحت بيت اهلي وانا ابكي فتحت اي اختي وانا ابكي ذهبت لغرفتي وكملت بكائي بقوه وكأني طفله ... وبعدين نزلت عند اهلي ولابينت لهم شي وماكنت ادري ان ابوي شايف الموقف بأكمله... |
رد: افيدوني وما هو رايكم بقراري؟
للذلك هو شخص صعب الإقناع والتفاهم معاه بدون نتيجه
|
رد: افيدوني وما هو رايكم بقراري؟
ايش اخبارك ياااخت مجروحه في شي جديد
|
رد: افيدوني وما هو رايكم بقراري؟
اقتباس:
والله مافي جديد لا زال يحاول يتصيد اخطائي .. وانا احاول اهدئ من نفسي لاني في حال لايعلمه الا الله براكييين بداخلي .. والعبره دائماً تخنقني من الضيقه... اتمنى اتمنى الانفصال عنه.. ولاكن اهلي يحاولون الصلح دائماً... ولم استطيع ان اقول اريد الانفصال عنه خايفه يقلبون علي ويضعون الخطاء علي ... وانا مافرحت على الله يفهموني ويقفون معي.. واقول لنفسي الله يختار لي الي فيه الخير يارب .. ان كان هناك لك رأئ في ما افعل اكون لك شاكره ... اكرر شكري لكم وردودكم بمثابة وقفه معي ... الله يرزقك من حيث لا تحتسبghg |
رد: افيدوني وما هو رايكم بقراري؟
حبيبتي جربتي تقرين سورة البقرة يوميا
جربي تقرينها يوميا ...فرصة هاللحين العشر الاواخر قلتي ان ام زوجك مطلقه وبناتها راحن للمحكمه وطلعن انفسهن من ذمة ابوهن ذولي يرجى منهن شئ ..كذا سواتهن بابوهن !!! مهما كان هذا ابوهن !!! ليش كذا ؟ استغفر الله يارب لاتبلانا بس احس هالشئ كله من تحت راس امهن.. الله يصبرك حبيبتي طحتي بيد ناس مايخافون الله .. اللي بقولك دامنا بالعشر الاواخر روحي كلك للخالق ..فرصة هالايام ماتنعاد خلي زوجك وخلي امه وخواته وسوي لك جو روحاني بعيد عنهن نفسك لها حق ..يكفي اللي جاها |
رد: افيدوني وما هو رايكم بقراري؟
اقتباس:
والله خنقتني العبره ... ماباليد حيله .. اشكرك على النصيحه .. وجزاك الله خير. . بإذن الله راح اعمل بنصيحتك انشاالله. .. الله يوفقك ويرزقك من حيث لاتحتسيبين. ..jyh |
رد: افيدوني وما هو رايكم بقراري؟
السلام عليكم
ارجوكم قولو ايش الحل....? انا كنت تعبانه وكنت عن اهلي ارسلت لزوجي رساله اني تعبانه وأبي انام عند اهلي ... رد بالرسالة لا بعدين اتصل ... رديت عليه قال امشي معي هالحين هالحين قلت ليش انا تعبانه مره وابي انام قال انا عازم رجال... >>طبعاً بالعاده الرجال يجونه بيت امه ولا عمره عزم بالشقه... سألته وين عازمه بيت امك قال ايه.. قلت له خلاص مرني بكرى العصر تلقى اغراضك والمه ... وفجأه انفجر فيني وبدأ يقول اهلك ماأخذ منهم شي لو اموت مالهم منه علي تسمعين ... وهالحين تجين تروحين معي تزينن الي ابي وغصبن عليك والا طلاقك ياصلك .. قلت انتي تهددني بالطلاق طلق ... ودام ماتبي لاهلي منه رح لمك توجب لك الرجال بيته انا مالي دخل .. قال: " انتي ماتشرفيني ولا تشرفن اهلي " وتصلحين الي ابي وغصبن عليك ... والا ورقتك بتاصلك... قلت له شكراً. . وسكرت التلفون و قفلته ورحت لم اهلي وخبرتهم بالي حصل ... وفجأه جاء بيت ااهلي وعلق في جرس البيت وبدأ يصارخ على اخوي الصغير وماكان يعرف شي وقاله اخوي انا مو اصغر عيالك عشان تخانقن. . واصر اني اطلع من البيت يكلمني رفضت اكلمه نهائي .. اتصل علي اخوي الكبير قال وش السالفه داق علي ويقول ابيك ضروري.. قلت لاخوي السالفه وراح اخوي يتفاهم معه!!!!!!! فجأه دق اخوي على امي منقلب علي ويقووول بنتك وبنتك الغلطانه.. يقول انه جاب المصحف يحلف انه كلام صدق .. واني انا الي ما احترمه واطول صوتي عليه واني ما اسمع كلامه واني بس زعلانه اربع وعشرين ساعه زعلانه واني غلطت على اهله كثيييير وووووو................ فهمت اخوي انه كذب وقالي احلفي وحلفت بالله... اخوي يحاول ينصحني وانه اذا خرب بيتي بيتشتتن بناتي وشلون ترضيين و و و و ... امي زعلت على اخوي وقالت له ليش تاقف مع ولد الناس ضد اختك ... وزعل اخوي وسكر التليفون بوجه امي معصب .. انا هنا انقهرت زياده وكلمت اخوي وقلت له لاتخليه يسبب مشكله بينك وبين امي .. قال انا مالي دخل بحياتك وحياتوه .. سوي الي تبيين .. انا تعبانه فوق ماتتصورون .. ايش رايكم عندي شعور خوف وقلق واشياء كثييييره مو قادره اوصفها ... ماني عارفه وش اقول ؟؟؟؟؟؟؟ علموني انا صح والا غلط والطلاق خايفه منه خايفه اندم مع اني ماحبه وابي الطلاق ... واعترفت لاخوي واهلي بهالشي اهلي ماعلقو ... لاكن اخوي من يوم جاء من زوجي انقلب ضدي ... وينصحني ويقول لامي بنتك غلطانه.. |
رد: افيدوني وما هو رايكم بقراري؟
انتي في بيت اهلك صح
|
رد: افيدوني وما هو رايكم بقراري؟
طيب اخوك الكبير ليه ما ناداه في بيتكم. وتفاهم معه
وشاف ويش عندك عنده من حجج وشكوى لا أؤيد الطلاق إطلاقا في حالة وجود الأطفال واعتبره اخر. الحلول وابغضها |
رد: افيدوني وما هو رايكم بقراري؟
اقتباس:
اللحين بعد هذا الموقف وأبوك ماحرك ساكن !!!!! الله يعينها الا بدون عزوة وسند والمشكلة انهم احياء ليتهم ميتين .... زوجك يا مريض نفسي يا ممسوس او مسحور والله يحميك لا تكون النهاية مؤلمة اصلا مثل هذا كيف باقي في التدريس المفروض يحول لإداري خوفا على عيال الناس |
رد: افيدوني وما هو رايكم بقراري؟
كثير مدرسين مدرسات يفرغوا عقدهم على طلابهم
|
رد: افيدوني وما هو رايكم بقراري؟
اقتباس:
بعد كل الي صار والكلام الي قاله له ابوي وانصحه ومافيه فايده... الان انا بحالة قلق ماد ايش اسوي خايفه اندم بعدين مع اني عطيته فرص وعطيت نفسي فرص... مع العلم اني ولا مره جلست زعلانه في بيت اهلي .. والسبب اهلي يرغموني للذهاب... وارجع معاه وافتج صفحه جديده |
رد: افيدوني وما هو رايكم بقراري؟
اقتباس:
واهلي مكتميين على الموضوع ولما اتكلم يحاولون مايكون فيه احد غيرنا .. للذلك اخوي راح لمه يتفاهم معاه... يقول ماسكتت له وقلت له ليش تمد يدك وتهيين اختي ... لاكن زوجي احضر له المصحف وحلف بالله هو صائم والناس 10 اواخر انه ماصار هذا الشي ... لذلك اخوي مصدقه ... انا انقهرت وماخاف من ربه يحلف بالمصحف ... صراحة قلت الاهلي موطبيعي شلون يحلف كذب يمكن يتخيل اشياء. .. اخوي قالي : انه هو يقول انا ابيها واحطها بعيوني واحبها بس ابيها تحشمني وتسمع كلمتي ولا ترفع صوتها علي وتكلمني بأسلوب زين.. انا قلت لاخوي انا حشيمته الي يقصد ما اعرفها ... لاني سويت كل شي حاولت ارضيه بالي اقدر عليه... ومالقيت منه غير الاهانه والشتم... قالي اخوي يعني انتي ماتبينه.. قلت ايه مابيه قال تبين طلاقك قلت ايه قال فكري بناتك وانا ابي لك الزين وبدأ ينصحني |
رد: افيدوني وما هو رايكم بقراري؟
اقتباس:
لاكن ماتتخيل كيف يعامل الناس ماتتخيل لاي درجة محبوب بين اهله واصدقائه... حتى في عمله محبوب ومع طلابه جدآ محبوب ومحترم... والغريب معي لالالا.. للذلك قلت السبب يأنه مريض او مسحور او السبب امه واخواته ... والله في حيره انا.. |
رد: افيدوني وما هو رايكم بقراري؟
اقتباس:
محبوب من طلابه جدآ جدآ يحضر لهم الهدايا دائماً. .. اذا كان هنا محتاج من طلابه يتصدق عليه.. قلت له مره اتمنى تتعامل معي مثل ماتتعامل مع الناس فهو اذا جلس مع اصدقائه كثييير المزاح والضحك واللعب هذا الي اشوفه ... |
رد: افيدوني وما هو رايكم بقراري؟
اريد ان ضيف شي زوجي له علاقه بين اعمامي يدخل نفسه معهم لين صار يطلع معهم ويعزمهم وكانه يحاول يكسبهم ... وليس عمامي بل وخوالي وابناء خالتي ...
لين صار الكل يمدح فيييه.. بداية زواجي كان يهدي امي وابوي هدايا كثيير يحاول يكسبهم ... الى ان الكل اصبح معجب فيه حتى جدي يمدحه كثييير .. وانا صامته ماهم عارفين ايش يسوي معي.. للذلك اهلي لم يصدقوني في البداية. .. وزوجي صار يطلع مع اخوي واصدقائه ويروح له للاستراحة لين صار يطلع ويدخل معاه.. |
رد: افيدوني وما هو رايكم بقراري؟
خايفه لما اتطلق كل الناس تضع لومها علي..
وموعارفين الحقيقية. . خايفه اصغر بعيون عمامي وقرايبي .. ما ادري والله شعور غريب بداخلي و( قهر ) بداخلي والله اعلم |
رد: افيدوني وما هو رايكم بقراري؟
رغم كل شي ... يكذب ويقول الملابس لها 6 شهور ماتغسل ملابس البنات وانا يوميا اغسل ملابس حتى قبل لا اطلع يشوفني اطلع الملابس من الغساله...
الكذب يكرهرني فيييه اكثر واكثر ... ليه الكذب طيب .. اشيلء كثيره كذبها علي ... يغلط علي ويقول كلام لايحتمل ... واذا واجهه اهلي يحلف بالله انه ماقاله...!!!!! انا الان عند اهلي ... ورفضت ارجع معاه... |
رد: افيدوني وما هو رايكم بقراري؟
زوجك مو طبيعي ابد
يتخيل اشياء غير حقيقه ويحلف انه صادق مع الناس اجمل الاخلاق وافضلها ومعك اسواء الاخلاق واخسها تصرفاته معك بعيدة تماما عن العقلانيه . احس الموضوع فيه سحر ومهما كانت امه وخواته يانبونه عليك ماياصل لهالدرجه .. جربي مره وهو موجود تشغلين رقية سحر التفريق شوفيها باليتيوب ويوميا شغليها بالغرفه وهو نايم |
رد: افيدوني وما هو رايكم بقراري؟
اقتباس:
حتى امي شكت انه فيه سحر ولمحت لي بهالشي... انا لما اشغل القرآن يسكره ولما اقوله لاتسكره انا ابيه يقصر الصوت لدرجه ياله تسمعينه ... واطول ويقصر واطول ويقصر ... غير اني شفت حلم وكأنه حقيقية وواقع ومو قادره انساه هالحلم واحس ان فيه دلاله على سحر ... لاكن مالقيت احد يفسر لي هالحلم وقلت عساه خير . . بالنسبه لامه وخواتة هو شخص جدآ قنوع بكلامهم وخاصة امه... الي انا اعرفهم انه ممكن يخلونه يسوي اكثر من كذا.. لانه حتى امامي يقولون له شوف مايأدب المرأة إلا المرأة حط فوقها مرأه وخلاص تمشي معك على الصراط المستقيم. .. وهو كل يوم والثاني والله لا اتزوج عليك يحلف بالله انه ماراح يجي الشهر الجاي الا وهو متزوج.. قلت له : الشرع حلل لك اربع الله يقويك .. ... حتى لو مسحور انا ايش بيدي انا حاولت انه يقرأ امي قالت له روح انتي وياه و اقرأ عن شيخ. . ويقول انشاالله ولا يسوي شي .. اقترحت عليه نسافر المدينه يومين ونصلي في الحرم ونروح لشيخ يقرأ علينا ورفض وصارت مشكلة. .. ...... حتى امه مرأه ماهي مثل الخلق والناس وبدال ماتدور مصلحت ولدها تخربها.. وبدل ماتنصحه وتكون وسيط خير بيني وبينه صارت عدو حتى لولدها ... |
رد: افيدوني وما هو رايكم بقراري؟
انا عمري الان 28 وهو يمكن 37
لا اعرف فارق السن بيني وبين زوجي مناسب ام لا .. زواجي كان تقليدي بحت ... يعني ماشفته الا لليلة العرس بس ... والي شافني بالخطبه امه وخواته..!!! ولا كان فيه اي اتصال قبل الزواج.. |
رد: افيدوني وما هو رايكم بقراري؟
اقتباس:
ولان زوجك رافض العلاج وقاعد يماطل وانتي ماالومك مابيدك حيله برغم اتك حاولتي تقنعيه وماراح؟ بالنسبه لرفض زوجك العلاج بيرجع لعدة اسباب اولها ان حياته خارج البيت طبيعيه جدا لذالك ماتأثرت حياته الخارجيه لافي شغلة ولاعند اصحابه وعايش حياته طبيعي جدا ثانيا عندما يجي عندك تبتدء المشاكل واكيد راح يتعجب كيف مانا مرتاح معى زوجتي ولانك انتي فقط من ترينه مريض دون غيرك تلاقيه بيروح يسأل امه ويشكي لها منك ولانها ماهي شايفه شي بولدها بتقوم تمارس عليه امومتها وتواسيه وتقله والله ياولدي انك مافيك شي وان زوجتك نكديه ومنغصه عليك عيشتك ومن هذا الكلام وهذا يفسر انقلاب اهل زوجك عليك وخصوصا والدته طبعا مانقدر نلومها هي بالاساس ماهي شايفه شي في ابنها وقد ذكرتيلنا انه طائع لامه وعشرته خارج المنزل طيبه وطبيعيه في كل مكان حتى عند طلابه اذا من له تأثير على زوجك ومن يقدر يقنعه بالعلاج ويتابعه ويهتم بالموضوع ومن راح يصدقك هذا الي قاعد افكر فيه واتمنى من الله ان يلهمك لايجاده نصيحتي لك حاليا يااختي وخصوصا انك ذكرتي في بعض ردودك ان زوجك عشرته جيده معى الناس وطيب ومحبوب ان تصبري عليه لان لوكتب له الله الشفاء راح تلاقين فيه خير وتعويض لاوجاعك وصبرك وتابعي الردود ولاحضي ان كلها بترجح ان زوجك مصاب بسحر او عين اوحسد وللاسف انتي الوحيده الي راح تعاني من الاعراض |
رد: افيدوني وما هو رايكم بقراري؟
اقتباس:
ثانيآ . ارى تحليلك مقنع جدآ جدآ ... فربما كلامك صحيح ..لا ادري .. ولاكن ما افكر به هو هل سوف تكون له كانه بقلبي بعد ذلك ام لا.. لانني اكرهه.. هل اقدر ارجع احبه .. والا بيكون حالي اني امثل الحب عليه طول عمري... وان صلح زوجي ولم استطيع تقبله لاهانته لي الباقية في ذاكرتي ..!! هل اصبر واتحمل وامثل الحب عليه من اجل بناتي ...!? .... بعدها لن استطيع ان اجرئ على تركة واطلب الطلاق.. ............... والاهم من هذا كله.. من الشخص الذي ربما يقنع بكلامه ويعالج نفسه ... هل ارسل له والدي ؟؟؟ ام اخي ؟؟؟ فهو دائماً يقول لي انه يحب والدي حبآ شديد ... فما عندي غيره .? |
رد: افيدوني وما هو رايكم بقراري؟
اقتباس:
اعتقد ان والدك مناسب للمهمه لانه راح يستحي منه طالما انه يحبه وبعدين ابغى اقلك شي لاتزم تفضفضي لوالدك واهلك بمشاكلك وهم راح يوجدو لك حلول اهم شي انك تشكين لهم وتذكري لهم انك صابره على زوجك وعلى كل مابدرمنه لانه ليس له ذنب بحكم مرضه وانك بتتمني انه يروح يتعالج او من يفتح له هذا الباب عشان تكسبي عطفهم ويقومو بمساعدت زوجك اسئل الله العضيم في هذه الايام ان يشفي زوجك ويعصم قلبك ويحببكم الى بعض ويعوضكم عن مافات وتقبلي مروري |
رد: افيدوني وما هو رايكم بقراري؟
اقتباس:
الله يجزاك خير الجزاء يارب.. انا الآن في بيت اهلي الظاهر اني راح اجلس طوال ايام العشر من رمضان. . انا مالي الا يومين عند اهلي واشعر براحه عجيبه حتى النوم احس براحه في نومي بعكس ماكنت في بيت اهلي... ..... فكرت كثيرا كثيرا بكلامك واعتقد انه لو قاله الوالد بيوافق لجله فقط... لا اعتقد انه سيوافق ويستمر بالعلاج لاني بحثت عن علاج المسحوور .. وجدته انه يبغاله صبر و يطوووول وانه ليس من السهل شفاءه ... ان صبرت انا .. هل سوف يصبر ويداوم على القراءة. .. غير انه لايقتنع بكلامي وماعندي احد يساعدني على علاجه ... أمه وعارفين ايش قلت لكم عنها لا اعتقد انها راح تسىاعدني على علاح ابنهاhfhhfh شي صعب علي لحالي.. وان صبرت ولم يتشفى وبدأو اهلي يضعون لومهم علي !!!!? انا اخبرته قبل ذلك انه من الضروري تتعالج وجن جنووونه علي وقال انتي من يحتاج علاج والا انا كان عندي اكتئاب وتشافيت منه والحمدلله وبدأ يدعي علي بالمرض ويقول انشاالله اشوفك تتعالجين عند نفس الدكتور الي رحت لمه ... خصوصاً اني لما كنت عنده وبعد ما جاء ابوي وتكلم وانا انظر له وهو بقلق وكانه وده يذبحني بس موقادر وينظرلي نظرات وكأنه يتوعدن ويهز برجله وينظر لي بنظرات حقد... ويردد هذا الكلام ... يصير خير يصير خير ..!! والله خايفه يجي يوم ماالاقي احد جنبي خايفه يجي يوم ويضعون اللوم علي.. انا انظلمت فيما فيه الكفايه خايفه انظلم اكثر واكثر ... والفرص هي مره وحده بالعمر ... غير ان اهلي يعاتبوني الان ويقولون اذا كان بينكم مشاكل من شهر العسل اليش ماخبرتينا .... ليش صابره .... وانا كنت خايفه منهم وهم الي يضعون لومهم علي .... زبدة كلامي...** اخاف ارجع معاه واخبر اهلي اني اريد علاجه و و و .. واخاف زوجي لم يرضى بالعلاج وان رضى ولم يستمر وان رضى ولم يتشافى .. حينها ان قلت ل اهلي لا اريده واريد الطلاق. . !!! اخاف يضعون اللوم علي ويقولون انتي من اراد منه ان يتعالح... اصبري وتحملي......... وانا الان صبري نفذ... |
رد: افيدوني وما هو رايكم بقراري؟
سلام عليكم وخواتم مباركه كيف نفسيتك الحين وكيف اوضاعك عند اهلك هل من جديد وبالنسبه لردك الاخير بصراحه ولاتزعلي مني شفت فيه يأس كبير وتوقعات خاطئة وعلمها بالغيب عند الله وفي الاخير لاحضت استسلامك والتفكير في الطلاق
طيب يأختي انا معى ضعفك وقلت حيلتك ومااستبعد اي شي من ماذكرتيه والقرار بيدك فهل مكوثك في بيت اهلك بعد الطلاق اهون لك من عند زوجك وهل يوجد لديك وضيفه او راتب يغطي احتياجاتك وخصوصا ان لديك اطفال اتمنى ذالك |
رد: افيدوني وما هو رايكم بقراري؟
اقتباس:
أبدا لن ازعل منك ..... اشكرك لردك جزيل الشكر والله ادعي لتفاعلك معي انا بحاجه لمن يساعدني... انا بينت للك شخصية زوجي فهو عنييييييد ولا يقتنع بكلامي وان كان صحيح وهو يعرف فهو لايريد ان يكون لي قرار يراى قراراتي فاشلة. .. غير انه الاحداث الاخيرة منه هي التي خلتني اصر على طلاقي منه لانه يريد مذلتي فقط ... اتصل وقال انا عازم رجال وتجين معي ورجلك فوق راسك وتطبخين ...... وقلت له بكرى تعال وتلقى الفطور جاهز ... وتكلم على اهلي وقال انا مابغى منة اهلك ولادخل علي من بيت اهلك حبة تمره ... قلت اذا ماتبي لاهلي منه رح ل امك وخواتك يوجبون ضيوفك الرجال انت عازمه بيت امك فاماهو واجب علي انا الي اطبخ .... قال انتي ماتشرفيني ولا تشرفين اهلي وبدا يتكلم علي ورفضت اصلح له شي .... واتصل على اخوي يشكي له مني بعد... وجاء واخذ البنات واتصل على اخوي وقاله اخوي ليش ماتصلت على امهن وقلت باخذهن .... قال انا المره الي ماتحشم زوجها مالي كلام معها .... لازلت في نظره مقصره ولا احشمه ... حتى ما خجل من اهلي ولازال يحط اللوم علي ... ويكذب علي اهلي يقول انا معطيها 4 الاف ويحلف بالله انه اعطاني مصروف 4 الاف .... وانا الي اصرف على نفسي من حافز والله الشاهد.. واخذ البنات عنده يومين واهلي قالو لاتتصلين عليه لو يجلس شهر ... اهلي يقولون قصده بيذلك ببناتك... انا قلت لهم مستحيل يصبر اكثر منيوميين انا اعرف امه وخواته مايتحملون ... وفعلا جاب بناتي وجايب لهن شنطة ملابس وحفايظ وحليب.... ولا على باله ... ليش ما افكر بالطلاق ... انا مرتاحه على الاقل مافيه مشاكل يوميه ولا اهانه ولا ذل ... مستعده اعيش خدامه لامي وابوي واعيش بكرامتي ... الوظيفه ماجت انتظرها يارب يرزقني... غير ان ابوي الايام هاذي يعطيني فلوس واخوي يسألني اذا محتاجه شي الحمدلله الى الان الامور تمام مع اهلي ... وبناتي متعلقين باهلي كثيييير .... ولايبون اهلهم .. الحمدلله على كل حال ... افكر اني اتطلق دامني خفيفه ومعي بنتين ولا اتطلق وانا معي اربع او خمس اطفال ونص عمري راح.. هاذي الصراحه والله الي بداخلي .. وماهو رائيك انت؟؟ |
رد: افيدوني وما هو رايكم بقراري؟
شوفي يااختي
اعطي نفسك حاليا المجال وخذي لك فتره عند اهلك شهر ولاشهر ونصف وراجعي نفسك واحاسيسك فاذا مازلتي متمسكه بالطلاق وقتها صلي ركعتين استخاره وبعدها امسكي والدك على انفراد واجلسي واشرحيله كل مابخاطرك وبعمق ابلغيه بقرارك واتوكلين على الله والله يعوضك المهم انك ترجعين لوالدك بالموضوع هو سندك ورزاحة ضهرك وحمولتك للايام القادمه انا مااملك لك يااختي الى الدعاء اسئل الله ان يفرج همك ويشرح صدرك ويعوضك عوض الصابرين ويحقق امنياتك |
رد: افيدوني وما هو رايكم بقراري؟
اقتباس:
ورزقك السعاده من حيث لا تحتسب يارب ... بإذن الله سوف اعمل بنصيحتك انشاالله. . وبعد كلامك والله بدئت افكر واحاول اعطي نفسي فرص.. انشالله بحاول والله يعوضن يارب العالمين. . واتبع رأئ اهلي .. والله يكتب لي الي فيه الخير يارب يارب.. اكرر شكري وتقديري لك..🌷 |
| الساعة الآن 11:35 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©