رد: راتب الزوجة
 

اما تعطيه راتبها و تعوض طلعتها كأنها رايحة الملاهي
او تتعامل حقوق وواجبات
و ماهي المشكلة لو تشاركا معا في القوامة

رد: راتب الزوجة
 

والله انت صادق ما يمشي معهم الا حقوق و واجبات ghg
و احسن شي واحد يتزوج ربة بيت و لا يدوخ راسه و يمارس دور سي السيد
على كل شغلة تقول حقي و مو واجبي و الشرع يقول كذا و كانهم في ظيفة رسمية
و بعدين يقولون ليه ما يعاملني كويس ليه يعاملني برسمية!

رد: راتب الزوجة
 

لحظة..

مامعنى القوامة؟

رد: راتب الزوجة
 

رد: راتب الزوجة
 

شيء جمييييييل
عن نفسي ما أمانع ان أشارك زوجي في مصروف البيت
وحتى في بناء فيلا
وهذا يعني اننا لم نسير على مسألة حقوق وواجبات لان الواجب ان ينفق
عموما وبما اننا سنسير على هذا النهج نتبعه في جميع أمور حياتنا بناء على اتفاق وتراضي

مثلا بعض الازواج يطالب بحق الطاعة في الطالعة والنازله
اذا فلا تلمني لو أوكلت النفقة كلها عليك لو جيوبي تكب ذهب

يرضيكم كذا ؟

رد: راتب الزوجة
 

الا الطاعة لا تجيسيها

رد: راتب الزوجة
 

انا عند رايي
اذا كنس معاي البيت ونظف وغسل المواعين
شاركته مالي
لكن ادفع فلوس
واكرف واتعب
لا

رد: راتب الزوجة
 

رد: راتب الزوجة
 

من يطلب الطاعة في كل صغيرة و كبيرة سواء ا كانت ربة بيت او موظفة فهو يعاملها كعبدة تحت يده(جارية) و ليست كشريكة في الحياة
انا عن نفسي لا احب كلمة طاعة و الاوامر و نواهي الامور هذا الامر ينفع فقط مع الاطفال و الذين لم يصلوا لسن المراهقة
فيجب الامور ان تتم بالتراضي و التنازل من كلا الطرفين
يعني مثلا هي حابة تروح للسوق اليوم و هو مو راضي, يسايرها و يقبل
في المرة القادمة هي تتنازل و ما تروح السوق و هكذا
المهم ان يكون تنازل و تراضي وليس راي خلاص هو اللي يمشي او هي تصر ان تعمل اللي براسها دوما
اما الطاعة في كل الامور فهذه ليس حياة زوجية سعيدة هذه حرب باردة nhg

رد: راتب الزوجة
 

لا موجودين بعض الرجال حتى في قص السعر يلزمها بتصديق منه !! ،وبعضهم يطالبها بالاستئذان لمشوار بقالة قريبة من البيت
اذا كانت الزوجة ستساهم في التفقة بالمناصفة وكانت قد اشترطت على الزوج قبل الزواج ان تتوظف
فليسمح لي ، لما اطيعة
سأحترمه لانه حقاً للجميعنا الاحترام
ويعني اوضح لك اكثر سنكون اقرب مايكون بالاخوة محد يلزم الثاني على شيء ، وما احلا الاتفاق

رد: راتب الزوجة
 

تاملوها فقط
وجعل بينهم موده ورحمه
ترى ماهي شركه
موده ورحمه ياناس

رد: راتب الزوجة
 

دعوني احكي لكم نموذجين والدي و عمي, كلاهما متزوجين من موظفة و نفس الدخل تقريبا, والدتي كانت تشارك ابي و ساعدته في بناء فيلا و لله الحمد و كتب لها ثلث البيت(بناء على نسبة مشاركتها) و قلما تحدث مشاكل بينهما , بينما زوجة عمي كان دوما هناك خلافات بينهما و السبب الرئيس المادة و هذا راتبي و مالك علاقة فيه و انت المسؤول و وو, و النتيجة بنى بيت متواضع و ما تهنوا في حياتهم و في الاخير حصل الطلاق بينهما
فالحالة الاولة راتب الزوجة ساهم في رفع الحالة المعاشية و تطوير الاسرة بينما في الثانية كان وبال عليهم

+1

رد: راتب الزوجة
 

اخي البناء هذا مافيه كلام
لانه مشروع ضخم يختاج اي ريال تندفع فيه
ووقت حرج الزوجين يتشاركوا فيه
واكيد امك ابوك ماكان عينه على راتبها
ولا سوى زيك
الفاكهه عليك و بعض الايجار
شافته عزيز نفس وعطته
وماندري عن ظرف عمك
يمكن معاملته مو كويسه لزوجته
حست فيه طمع فتباخلت
حست انه ما يستاهل

رد: راتب الزوجة
 

أخ أحمد..

لما هي تدفع وتشارك..

هل تشارك اتقاء لشره؟

أم تشارك بطيب نفس؟

أم تشارك بالغصب رضت ولا مارضت؟

في فرق بين الثلاث..

في حالة تزوجت موظفة شارطة عليك الوظيفة بالعقد وقالت لك ماراح ادفع ريال.. ايش ردة الفعل اللي بتتخذها انت؟ -لاحظ عدم تعديها على الشرع-

رد: راتب الزوجة
 

في المجتمع الغربي لا يوجد مصطلاحات مثل نفقة طاعة و قوامة و الكل يعمل و يشارك
ولكن على الرغم من ذلك تجدين الزوجة تحترم زوجها و تستأذنه ايضا وله دور كرجل في البيت و يستمرون مع بعض
و يحصل ايضا مثل ما لدينا مشاكل و لا يستمر الزواج اكثر من بضع سنين


ههه بالنسبة للفاكهة و الخضار مو قصدي انه يحاصصها في كل صغيرة و كبيرة مو حلوة ابد و انما ضربت مثال لكثرة طلب التفصيل, و الرجل يجب ان يكون العبأ الاكبر عليه, فحتى في الدول الغربية و على الرغم من كون المراة عامل وتشارك و لكن الرجل يتحمل نصيب الاسد

رد: راتب الزوجة
 

تامين المسكن واﻻيجار على الزوج واكلها وشربها على الزوج اما يطلبها تشارك معليش كنا قاعدين ببيوت اهالينا ﻻ عمرنا دفعنا ايجار وﻻ حطينا حق اكلنا معززات مكرمات
اما تقول انا ادفع 1500 وهى 500 ماهى ملزومة ترا وانت تجيب اللحم والرز وهى الخضروات ماهى ملزومة بعد اﻻساسيات الرجل ملزوم فيها ومايجبرها وﻻ يطلبها حتى ان هى عرضت تشارك من نفسها فبركة من الله اما انة ينقص عليها ويقلب الوجة ويجيب مشاكل عشان ماحطت من راتبها فهذا قليل اصل ومايعرف الدين وﻻ اﻻصول وﻻ الكرم
وياكثرهم هالشاكلة
حبيباتي الحريم فلوسكن ابسطن نفسكن بها اخرجن تسوقن تصدقن بس ﻻتحطنها بيدين رجالكم والى بتحط تعبها وش

رد: راتب الزوجة
 

فين قلت انا تعطيه راتبها
انتو مو تقولو راتبها حقها وحق النفقه لها واجب وهذا صحيح
خلاص يمشوها في كل شي
ولاتبغوها على المزاج اشياء حقوق و واجبات وشياء موده ورحمه

رد: راتب الزوجة
 

مافي نفقة طاعة ولا غيره..

مع ان المقارنة بالمجتمع الغربي غلط..

بس بناء عليها..

الرجال يتقاسم معاها شغل البيت كله نص بالنص.. والعلاقة ندية 100٪

وبحال الطلاق الاملاك نص بالنص..

مايصير الطلاق وتلاقي الزوجة نفسها بالشارع :)

رد: راتب الزوجة
 

اذا كان الامر قبل الزواج, ادور وحده غيرها سواء موظفة او ربة بيت
راتبي و مو ادفع ريال هذه وحده شايفه نفسها و راح تعبني معاها و حتى اذا شاركت مستقبلا ستعطي بالمن
عدم المشاركة مع التمكن تعني انها انانية او طماعة او لا تحب زوجها (هذه طريقة تفكيري)
.

رد: راتب الزوجة
 

يا اخي الصدق اذا سمحت
تنصيف النفقه بين الزوجين هذا يعني تنازل المرأة عن حق النفقه
في مقابل حق الزوج بالطاعة هل لديك استعداد ايها الزوج في المقابل ان تتنازل عن هذا الحق
التنازل عنه لا يعني ان زوجتك ستركب راسها وتهمشك ،
بل المسألة ستكون متعادلة جدا جدا
حينما تذهب انت للاستراحة لن تتصل تطلب الاذن من زوجتك لحضور وليمة عشاء لصديقك عصام
الذي للتو عاد من روما
في المقابل زوجتك لن تتصل لتطلب اذنك في سهرتها الليلة مع صديقاتها بمناسبة ان صديقتها مرام توها طالعة من النفاس ، ستتصل بك فقط لاعطاءك خبر ( ترا ماراح نتعشى في البيت ). .
وصحيح ان اغلب استأذان الزوجات الحاليات بطريقة اعطاء خبر ( ترا بروح )، لكن هنا لك والان لك حق الاعتراض والمنع
اما برأيي ان شاركتك في النفقة فهي سواء ( لما ترى انها لك عليها حق طاعتك ولم تقم بحقها عليك بالنفقة) .

هل تقبل بذلك ؟

رد: راتب الزوجة
 

طيب انا امس غسلت المواعين
وزوجتي ربة بيت ماهي موظفه ماينفع اتعاون معاها
علشان ماراح احصل شي لانها بدون راتب
والله يالمنتدى هذا بيكره الناس في الجواز
وصلت اساعد في النفقه بس مافي طاعه

رد: راتب الزوجة
 

الحياه الحين اصعب من اول..

فيحتاج مشاركه من المرأه اذا كانت موظفه..
لكن يجب عليها حفظ حقوقهااا... بدون استغلال..
لان الحوادث كثيره.. واكثر من يتضرر المرأه..

في حولي كثير متزوجين موظفات و الحالاات تختلف.. لكن اعتقد امورهم ماشيه..
..
يعني عندها تقصير بالبيت.. تكون الشغاله عليهااا..
و الباقي يتشاركون فيه يتناسب.. حسب رواتبهم..

اول كنت افكر لازم ابحث عن موظفه.. والحين غيرت رايي.....

رد: راتب الزوجة
 

صاحب الموضوع

موضوعك يرفع الضغط ﻻي انثى والله يعين زوجتك الى حاط عينك على الراتب حقها

للمعلومة يابنات الرجل يحط هيبة للحرمة الطيبة والسنعة معة مو مقصرة بحقة بس وتحتها ميتين خط مستقلة متوظفة وعندها دخل ليش ﻻنو بة وبدونة تدبر نفسها ﻻيقدر يضغط عليها ﻻ بطﻻق وﻻ غيره ﻻنها مو محتاجتة
والى تبي تعمر بيت بالمشاركة فيكون بحفظ الحقوق وكتابتها وهالشي بالقران
ﻻشفنا الرجل يغسل ويكنس ويغير ﻻطفالة رحمة ومودة
اكيد معشر الحريم بيشاركن بالمصاريف رحمة ومودة كمان
اما تطلبون من الحريم من باب الرحمة والمشاركة لمصلحتكم يالرجال وانتم ماعندكم ﻻ رحمة وﻻ مساعدة فمعليش

رد: راتب الزوجة
 

علاقة ندية 100% لا يوجد و ان وجدت كما ذكرت يحدث انفصال
اما قوانين الطلاق مختلفة في الدول الغربية
ولكن بشكل عام عند الطلاق يتم حساب الحالة و الممتلكات بعد الزواج
يعني مثلا بعد الزواج امتلكوا منزل بناءً على الاموال المكتسبة في تلك الفترة يتم التناصف بالممتلكات بين الطليقين
و ارى انها حالة عادلة فليس معقول بعد الطلاق تشوف نفسها بالشارع او تلجأ للسكن عند احد آخر وتكون عالة على الآخرين

رد: راتب الزوجة
 

شايفة نفسها او ماشافت نفسها..

مع ان الاسلوب جاف.. الا انها الى الان ماقالت شي غلط ولازال الشرع معها.. بينما الزوج اللي يطلب ويضغط على زوجته تنفق وهي ماتبي والشرع هنا مو معاه

ليش ما اعتبرت المطالبة بمشاركة الزوجة انانية من الزوج قبل ذلك؟ ولا احد هنا ايد قياس الاخوات على تنازل الرجل عن حق من حقوقه؟

رد: راتب الزوجة
 

سيجاوبوك ان خدمة الزوجة في بيتها و حتى لربة المنزل ليس واجبة عليها mhm
او مقابل مساعدتها في الغسيل احرمها من الكماليات!

+1
صدقا انا ايضا غيرت رأي فاذا كان اغلب النساء يكفرن بمثل ما يوجد في هذا المنتدى
فالحياة مع موظفة متعبة و ستكون مليئة بالمشاكل

عرفت سينظر لي بعد هذا الموضوع اني بخيل و عيني على القرش
لكن انا ولله الحمد مقتدر ماديا و الفلوس ما اعطيها اهمية فمثلا عندما اسافر مع الاصدقاء الكثير من الامور ادفعها وحدي و لا انتظر منهم المناصفة في كل صغيرة و كبيرة

رد: راتب الزوجة
 

على اي اساس حكمت انه انفصال طيب؟ الحقوق القضائية متساوية مئة بالمئة وعلى ذلك قلنا ندية..

مافي شيلي قشك وروحي اهلك ببلاش هناك :)

انا لا اقارن.. بل اذكر الجانب اللي ماقلته لنت وتجاهلته الا وهو تقاسم كل شيء بما فيها مسؤوليات البيت..

رد: راتب الزوجة
 

ياكثرهم الموظفات الا دفعت دم قلبها في بيت العمر وزوجها يعطيها من ذا الكلام انا وانت واحد ويكتب البيت بإسمة وبس يكمل البيت طلقها وسكن غيرها فيه او تزوج عليها واجبرها تسكن معها في البيت الا تعبت فيه وهي عارفة انها لو رفضت بتخرج بلاحمص لا إثبات ولا شئ ..او تشتري له سيارة ويكتبها بإسمه او تطلع له قروض وفي الاخير يجحدها والقانون لا يحمي المغفلين ...

رد: راتب الزوجة
 

الشرع لا يلزمني اخذ وحدة موظفة و يعطيني الحق بان اختار ما يناسبني
تفكر بهذه الطريقة حقها و هي حرة و انا هذا الشيء ما يناسبني
البعض هنا يتحدث عن الشرع و كأنه سيف مسلط بينما هو اعطانا قدر كبير من المرونة و ليست قوانين صارمة ثابتة لا نحيد عنها قيد انمله
بالنسبة لمساعدة الزوج فاتفق معك يجب ان يساعدها في البيت و ليس كل العمل عليها

رد: راتب الزوجة
 

اكثر شئ يضحكني في رجال مجتمعنا لما يحارب الموظفة وكلامهم المرأة مكانها البيت وهذا وقتي وهو لو احتاجت زوجته المستشفى يطلب طبيبة واذا مافية شوفي الشكاوى كيف مستشفى مافيه طبيبة !!!!
وبناته عشان يتعلمون يحتاجون معلمات ولو يبغى الاحوال او الجوازات يحتاج موظفات حريم عشان زوجته .. وفي الاخير يجي بكل قواة وجه يعارض ليش تتوظفي اجلسي في بيتك وزوجك احق بوقتك وغيره من الكلام الا أساسا سببه انه يبغى كم قرش عشان يسكت ...

واذا استشهدنا بالغرب قالوا كفار وفي الامور الا تخدم مصالحهم قالوا شوفوا المرأة الغربيه تشارك ووو

رد: راتب الزوجة
 

الحقوق القضائية ندية بل تعطي افضلية للزوجة خصوصا لو كان هناك اطفال و لكن كل ذلك بعد الطلاق, اثناء الحياة الزوجية لا توجد ندية الزوج تبقى له كلمة على زوجته و اذا كانت ندية معه في كل صغيرة و كبيرة فسيحصل انفصال هذا ما قصدته
اتكلم عن تجربة و احتكاك بالمجتمع الغربي لاكثر من 3 سنوات و ليس كلام انترنت او افلام

رد: راتب الزوجة
 

حتى المرأة الشرع اعطاها الحق في الشرط على الزوج في عقد النكاح وهو مخير بالقبول او الرفض..

خلاص اذن فين المشكلة !!!
كل واحد يختار الا يناسبة ....
اما لو توظفت وهي في بيتك ولم تشترط عليك الوظيفه هنا الشرع معاك اذا تبغى ترفض او توافق بمقابل ...
واذا ساعدني في البيت وشاركني في قرارتنا العائلية اكيد انا بشارك معاه من غير منه ولا بخل .. وعلى قد مايساعدني ويشاركني راح اكون له بالمثل ... اما يستغلني تحت مسمى الشراكة هنا يحق لي الاعتراض..

رد: راتب الزوجة
 

يا اختي صدقا وبشكل واقعي اذا اتزوجت موظفة لا اطلب منها مباشرة بان تشاركني بمالها فنفسي تأبى ذلك و انا ولله الحمد و كما ذكرت مقتدر و من عائلة مقتدرة, و لكن ان فعلت و شاركت سأعلم انها تشاركني في كل شيء وانها تحبني و تثق في اما ان لن تفعل فسأعلم انها تفكر بنفسها فقط او تشخى ان اظلمها اي لا تثق في
المسألة مسألة مبدأ بالنسبة لي قبل ان تكون مادة

رد: راتب الزوجة
 

حلو لحد هنا تمام وما أخالفك.... لكن هي ماراح تبدأ تشاركك الا لما تشوفك كرررررريم معاها ومتعاون وما تبخل بشئ وراح تشوف ترفعك عن راتبها في هذي الحالة انا اجزم لك انها بتشاركك بنفس راضية ومن نفسها من غير طلب ...

انا ليش عندي بعض الخطوط الحمراء في اموري الماليه لاني شفت الطمع في تصرفات زوجي اول ماتوظفت البطاقة بجيبه ولا يفوتك كان يتمدح عند زملاؤه انها بجيبه وهو المتحكم واذا احتجت ملابس من السوق ما اتهنى هذا غالي هذا لا ونسي مصاريفي وصار هو يستنزفني ماليا لدرجة اول ثلاث سنوات ماقدرت اجمع ريال بعد كذا صحصحت زين وحطيت حدود والحمدلله اني ماتورطت في قروض له وغيرها صرت اشارك بحدود وبدون استغلال حتى هو اصبح مايمد يده على ريال مايسحب الا اذا طلبته... واكيد انه ادا احتاج بساعدة انا اولى من الغريب

رد: راتب الزوجة
 

صاجه .. معاج بكل كلمة

انه مو مع الشراكة
اذا زوجي احتاج ساعتها بعطيه
اما ان انه وبشكل دوري استقطع من راتبي واسدد قسط السيارة
ولا اقساط مدارس العيال او او او لا طبعاً
هذي مسؤولياته هو - الا اذا انه بكيفي ومن طيب خاطر سويتها
ولو يوم من الايام وقفت الامر ما يجي يسالني ليش
ولا يحاسبني

شكثر يطيح من عيني الرجال اللي يرضاها على نفسه انه ياخذ من راتب زوجته غير في الحالات الاستثنائية

رد: راتب الزوجة
 

عليييك نوووور..

وكلمتي المعتادة الحياة اختيارات!

لك الحرية ماتتزوج موظفة او حتى ماتتزوج ربة منزل..

اكثر من يتحدث عن الشرع ومن حقي ومن حقي هم الرجال اخي الكريم..

لكن لاتتحدث عن الموظفة التي لاتساعد كانها مجرمة ولاتحب زوجها و و و و.. مثلها مثل الرجال الذي لا يجرم لانه لايساعد باعمال المنزل..

رد: راتب الزوجة
 

الفلووووس غير فيها سحر

بس اتخيلت الرجال يعاتبوا الرجل اللي عنده اجازة وًلا يساعد بأعمال البيت😅
مثل رمضان هالكم سنة صار الشهر من ضمن اجازة الصيف و كل موظفي الحكومة
اجازة

رد: راتب الزوجة
 

وبكذا نقدر نصنف ان الرجال اللي مايساعد زوجته باعمال المنزل لانه مو ملزوم..

بانه مايحب زوجته وشايف نفسه عليها 😁😜

وشكرا 👌

رد: راتب الزوجة
 

هل تغسلها يوميا
نقصد بالمشاركه المشاركه لدائمه
ان اراد الرجل ان تشاركه المراه بصوره دائمه في مصاريف المنزل

رد: راتب الزوجة
 

طيب الرجل ممكن يجيب شغالة ويدفع لها راتب من جيبه وتقوم بكل اعمال المنزل وبهذه الحالة يعتبر مساند ومشارك بأعمال المنزل .

والموظفة نفسها ممكن تجيب لها شغالة او اثنين وهذا الحاصل وترمي كل اعمال المنزل على الشغالة ، يعني اعمال المنزل ما اصبحت حجة على الرجل هذه الايام لان الموظفة نفسها في كثير من الاحيان تركن على الشغالة فيها .