رد: سوْال عن زوجة الابن
 

المشكلة مو اني أفكر ايش يظنوا او اتعب حالي بالتفكير ..
المشكلة انهم ما ينعطوا وجه .. ( و سامحوني على كلامي )

بس حاليا محترمين معايا ..
و بادرس كل خطوة معاهم ..

.
.

اهل زوجي عكس الناس ..
الي قوية معاهم .. يحترموها ..
و الي طيبة معاهم .. يهينوها و يتمادوا في كل شوي ..

.
.

يعني فيه ناس تعرف حدودها و ما تتجاوزها
و فيه ناس العكس .. انت لازم ترسمي لهم الحدود و تحدديها لهم
و المواقف و الشواهد كثيرة

رد: سوْال عن زوجة الابن
 

الموضوع مو فلوس ..

لكن ليه افتح باب مقفل !؟
و هي أصلا الحركة هذه .. ماهي من طبائعهم

ايش الحكمة في اني أعطي فلوس للام و الأب في العيد !؟
من متى صارت !؟

رد: سوْال عن زوجة الابن
 

ابوه يعطيني و يعطي لحريم أولاده ..
عيدية 100 ريال في العيد ..

من زمان قلت ابو زوجي ما شفت منه شي .. و يعاملني كويس ..
بس ما صرت دحين أكلمه و لا اجلس معاه كثير ..
حماتي تغار و تتضايق و تنقلب و تتغير ..

رد: سوْال عن زوجة الابن
 

ام زوجي حالة خاصة يا طعن ..

كم مرة جابت أوراق من البنك او من شركة سيارات و تبغى تورطني في قروض او كفالة او ديون
او استقطاع من راتبي باي حجة ..

و تحرجني او تحطني امام الامر الواقع .. و اضطر اني ارفض بذوق و تقوم تتغير و تنقلب علي ..
و تقلب الكل علي .. و يعني فاهمة ماشاءالله عليها و ذكية ..
و تحرض زوجي علي .. بس الحمدلله ما يسمع لها ؛ لكن أكيد يتاثر ..

انا صرت كذا .. بسببها
امي كانت تقول ( ردي عليها )

اقولها يا ماما ربيتينا نحترم الكبار .. و ماقدر
كانت تقول لي ( مع هذولي ما ينفع .. ردي و خذي حقك بنفسك و خلي وجهك معاهم؛ قاسي مثلهم )

لولا الله ثم امي الله يرحمها ..
كان وضعي دحين مثل سلفتي المسكينة

.
.

فما ينفع اعطيهم هدية فلوس ..
و حتى لو من جيب ولدهم و باسمي .. لانه وقتها راح يتمادوا اكثر ..

لكن فهمتهم زمان .. اني انسانة ..
ما اعطي ديون و لا ادخل حالي في قروض و لا أكفل احد ..
و انه ولدها يصرف علي و عالبيت و الاولاد .. لانه كانوا يطفشوني مررة و يبغوني اصرف عليه ويضايقوني
و هو يعبوا راْسه .. خذ من زوجتك فلوس .. و من حقك و ماعرف ايش ..

زعلت طبعا و قلبت علي و ماعرف ايش ..
لكن بالاخير عرفوا انا ايش .. و لا يحاولوا يلفوا و يدوروا معايا بعد كذا ..

.
.

عرفتي ليش مترددة في الهدية !؟

رد: سوْال عن زوجة الابن
 

يعني الامر محسوم عندك

اجل ليش التردد؟

رد: سوْال عن زوجة الابن
 

.
.

ملكة الإحساس ..
قرأت عن ام زوجك .. و عن اخر موقف عملته معاكم ..

.
.

شوفي لو اتكلم عن ( حاليا ) ..
امورنا تمام الان و الحمدلله ..

بس اخاف نرجع من جديد لنقطة الصفر ..
عشان كذا .. أتجنب الأمور الي كانت تؤدي للخلاف بيني و بينهم .. قدر المستطاع ..

حابة نستمر حبايب على طول ..
و يكون الاحترام بيني و بينهم ..

.
.

أعطيت نبذة عنهم .. عشان ممكن احصل على نصيحة تفيدني مستقبلا ..

رد: سوْال عن زوجة الابن
 

اوك خليك زي ماكنتي اخر سنتين لان هذا الي نفع معاهم

مالهم حق عندك

جيبي صحن حلا للعيد في بيتهم

واعملي لاطفالك توزيعات الانستقرام مليان شوفي كيف اشكالها واعملي زيها
واعملي عليها طوابع عليها عبارات جميله وباسمائهم

وهم يوزعوها بانفسهم وماتكلف

احترميهم حبيهم اكرميهم اذا جوك ضيوف
بس مبلغ لا

اصلا 250 لعمك مرره فششله هذا سلام من حرمه لحرمه

قفلي ع نفسك باب اصلا مقفل له سنتين وارتاحي

لاتفتحين الباب وتتعبين

رد: سوْال عن زوجة الابن
 

بخصوص الهدية .. غير محسوم الصراحة ..
و هما كويسين دحين؛ ما شفت شي منهم ..

شي يقول لي ( اعطي مثل زمان )
و شي يقول لي ( لا تعطي و طنشي )

شي يقوللي لو اعطيتي ( بتفتحي أبواب مقفلة )

و شي بداخلي يقوللي مثل الي قالته مبتعثة و الي انت قلته
( خليك الاحسن و سوي عشان ربنا و عشان زوجك )

زوجي يحب امي الله يرحمها .. و عينه تدمع اذا افتكرها و أفتكر مواقفها معاه ..
و قبل كم يوم .. عمل فعل خير لامي الله يرحمها و ما قالي ايش هو بالضبط ..
قال عشان لا يروح الأجر و يصير رياء .. و حبيت افرحك

لو ضغطت عليه اكثر .. كان حيقول لي ايش عمل
و اعرف لما يكذب او يكون صادق


بس زوجي أصلا يبغاني أكون بعيدة عنهم .. و يعرف انه طبائعهم صعبة شوي
و نفس الوقت ما يبغاني اقصر معاهم ..
عشان لا احد يلاقي فرصة يتكلم عني قدّامه او يتكلم عنه

رد: سوْال عن زوجة الابن
 

اجل سوي اللي يعجبك

ولكن حطي ببالك صعب انه يجتمع الاثنان

اجر الدنيا واجر الاخرة

فإذا اردتي اجر الاخرة فحسابك في الاخرة مو دحين

اما اذا اردتي اجر الدنيا فلاتضحكي على نفسك وتقولي ترى ماسويته الا لوجه الله!

رد: سوْال عن زوجة الابن
 

اما بخصوص الآنسة منشن

فسبب التسمية كان للتشابه الكبير بينكما

- ....

- صارمة في المنتدى (خاصة بعد كلامك عن جميل الهدب هذيك الايام وانك انتي اللي بلغتي عنه)

- حدتك (خاصة بعد ماقلتي انه اللي تقول عن نفسها مدري ايش مجاغه)

- مهاوشاتك في احد المواضيع السابقة

- عندك درجة اكاديمية مثلها

- تعتقد نفسها انها مظلومة ومسكينة لدرجة انها بكت في اخر حلقة، وهذا نفس اعتقادك

لهذه الاسباب متخيلك الانسة منشن (النسخة السعودية)

بس حبيت اشرح لك سبب التسميه

..........

وسوف لن اناديكي بالانسة منشن ان كان يضايقك ذلك

رد: سوْال عن زوجة الابن
 

اول مرة اشوف ناس بهالجشع والطمع ..
الحمدلله الذي عافانا منا ابتلاهم به ..

رد: سوْال عن زوجة الابن
 

هي بدأت بالسلام ..
و ما حبيت ( أصد ) ..

و تصرفها هذا يتحسب لها و مقدرة الشي هذا لها ..
عشان كذا ما احاول ازعلها دحين ..
نفس الوقت مابغى نرجع مثل زمان و نختلف و بادرس خطواتي
لانه هي الي تبدأ و تغلط علي لو لقيت فرصة او مجال ..

رد: سوْال عن زوجة الابن
 

كيف أعاملهم بمثل ما يعاملوني !؟
و فعلا احاول انه خطواتي تكون محسوبة جدا معاهم ..

زمان كنت احاول اكسب محبتهم .. و قالولي بصريح العبارة ( مستحيل تكوني مثل بنتنا )
دحين بس أبغى اتقي شرهم .. عشان مصلحة الاولاد

رد: سوْال عن زوجة الابن
 

قلت لزوجي .. انا اعرف ابوك ..
لو عرف .. بيتضايق و ما يرضاها على حاله ..
لانه ما يصير .. و انت اعطيهم من عندك ..


و حركات التوزيعات هذه و الأشياء الجديدة ..
ما تعجب زوجي و لا اهل زوجي و لا لها قيمة عندهم ..
و تعجبهم الأمور التقليدية و المادية فقط ..

ممكن أسويها مع اهلي ..

رد: سوْال عن زوجة الابن
 

ما فهمت الصراحة اخر سطر ..

كيف لا اضحك على نفسي و اقول ما سويته لوجه الله !؟

ترى ماني مستفيدة منهم - دنيويا - :)
و لا في شي يجبرني عالتواصل معاهم ..

و مين قال القاعدة هذه .. انه ما يجتمع اجر الدنيا و الآخرة !؟ :)
ليه تعقد أمور الآخرة !؟

رد: سوْال عن زوجة الابن
 

.
.

ليه اعتقد نفسي مظلومة و مسكينة !؟

هي الوحدة يا تكون ضعيفة و مسكينة و مظلومة و مكسورة ،.
او اذا تعرف تاخد حقها .. تصير ظالمة و قوية و شريرة !؟

.
.

..........

و عادي روحي رياضية ..

رد: سوْال عن زوجة الابن
 

اكتفيت بالردود ..
الله يجزاكم خير ..

و ما رجعنا فتحنا الموضوع من جديد خلاص ..
و عرفنا ايش المفترض و الصح

رد: سوْال عن زوجة الابن
 

افتكرت ..

استنى رد الأخت شوك ..

و خلاص بأعطي الهدية لام زوجي ..

و راح اعتبر حالي اتعامل مع انسانة عاشت في ظروف صعبة ..
عشان اشيل اي مشاعر سلبية تجيني بداخلي ..

و اتخيلها امي الله يرحمها ..
مع انه فرق شاسع .. بس راح احاول ..

امي كانت مرات تقسى علي..
و ارجع اضحك لها و ابتسم لها و امزح معاها ..

.
.

دحين يجي الأخ شرشبيل و يقول لي اعملي حالك مظلومة .. hgh

رد: سوْال عن زوجة الابن
 

......
. اقصد تحط حرتها فيا من كثر الميانة

كانت امي تقول
( الام لما ترتاح لأكثر واحد من اولادها او بناتها .. تحط حرتها فيه لانها تكون عارفة انه ما راح يزعل منها )

المهم ..
ليتها ترجع للدنيا و تزعلني كل يوم ..


دحين يجي و يقول تعمل حالها مسكينة jytt

بانتظار شوك ..

رد: سوْال عن زوجة الابن
 

لماذا سوف تهدين ام زوجك (سواء اعتبرتيها مثل امك او لا)؟

رد: سوْال عن زوجة الابن
 

شوف .. و انا جالسة اقرأ الردود
و اكتب ردي ..

أفتكرت امي الله يرحمها ..
و جلست اتخيل حالي لو سألتها و استشرتها ؟!
ايش كانت راح تقول لي !؟
و ايش راح تنصحني !؟
و غمضت عيوني شوي ..

.
.

كنت اتخيل امي .. و انا جالسة قدامها و افضفض لها و اسألها
مثل ايام زمان ..

فلو امي موجودة .. كانت راح تقول لي ..
نفس الي قالته مبتعثة متفائلة و الي انت قلته ..

.
.

امي الله يرحمها ؛ صح قاسية من الخارج بسبب انها عاشت ارملة و ربت أيتام وسط اهل زوج ما في بقلوبهم رحمة ..
لكنها عزيزة نفس و كريمة جدا مع الآخرين ماشاء الله تبارك الرحمن .. و الكل يفتكرها بالخير ..

و كانت دايم تخرج صدقات لأبوي الله يرحمه و لأبو أبوي و أمه و لابوها و أمها الله يرحمهم ..
و مع انها ما كانت غنية بعد وفاة الوالد الله يرحمه .. بس الي عندها كانت تتصدق به ..
و زاهدة في الدنيا و عيونها شبعانة الحمدلله .. و تعطي و ما تنتظر مقابل ..
حتى كانت ترفض تاخد مننا

و اخوي الكبير كان يعطيها دائماً من راتبه و جمعت له المهر حقته و فلوس الزواج
من غير ما يدري و من الفلوس الي كان يعطيها و لما تزيد عندها كانت ترفعها لاخوي الكبير ..
و كان توه متوظف و أبوي متوفي الله يرحمه ؛ و وقت تزوج اخوي ..
ما احتاج ديون و لا قروض و لا مساعدات .. بسبب امي الله يرحمها ..

كانت انسانة عظيمة و بشهادة اهل أبوي حاليا
و شهادة حريم اخواني و أزواج اخواتي و زوجي و اهل زوجي و جيران امي الله يرحمها
مع انه امي ما كملت تعليمها و درست لحد الصف الرابع ..

عكس حماتي ؛ متعلمة ماشاء الله ..

و امي تسامح الي يغلط عليها و ما عمرها انتقمت لنفسها و لا حقدت على احد ..
و دايم تفكرنا بالله و تنسى الاساءة و قلبها طيب مرررررة ..
بس لا احد يدوس على كرامتها ولا على عيالها ..

عشان كذا .. كانوا اهل أبوي يستقووا عليها .. و يتكبروا عليها و يشوفوا حالهم عليها ..
يحسبوا طيبتها وتسامحها - ضعف و خوف منهم - .. و فيهم الكبر و الغرور طبع و وراثة ..

( عشان كذا .. راح اعمل بأصلي و اقدم هدية بالعيد و خاصة اني اخترته و اشتريته خلاص )
احس صعبة على نفسي .. اني أردها بعد ما نويت .. ( طبعي مو كذا و ما أرضاها على حالي )
و كلام مبتعثة متفائلة و كلامك .. خلاني ارجع - لأصلي - و لتربية امي الله يرحمها ..

.
.

هذا السبب في اني راح اقدم هدية العيد لهم ..

.
.

و لا تقول لي هدف دنيوي و ماعرف ايش ..
لاني ما احتاج منهم لا شكر و لا مقابل ..

و الانسان الجبان في نظري .. هو الي يخلي أهدافه دنيوية و ينتظر المقابل من الناس ..

.
.


بس برضو حز في نفسي لما أولد و مافي احد منهم يتصل و يتحمد بالسلامة ..
يشوفوا انه ما يصير ؛ و تقليل من شانهم

أكون صريحة ..
انا ماقدر أصير طيبة بزيادة مثل امي .. و لا ارضى بتقليل الآخرين من شأني .. و اسكت عن حقي ..
ممكن أسامح و انا في موضع قوة ؛ مو موضع ضعف و خوف ..

حماة اخت زوجي .. عملت لها سابع لما ولدت و على حسابها ..
و فرحوا اهل زوجي .. و انا ما طلبت غير تلفون او رسالة
بس هذه اسمها ( قلة أدب ) و عيب منهم ..

بس خلاص .. مابغى منهم شي ..
بس لا احد يغلط علي منهم ؛ لاني راح أتحول وقتها فعلا - آنسة منشن و شرشبيل
و كل شياطين و جينات اهل أبوي ؛ راح تطلع فيا ..

.
.

و الهدية بس في العيد و خلاص كفاية كذا ..
و هي مرة وحدة في السنة .. و نجرب المرة هذه ..

.
.

حكاية اني اعتبرها مثل امي .. مستحيل طبعا و مافي اي مجال للمقارنة
مثل ماهي تشوف انه زوجة الابن مستحيل تكون مثل بنتها ؛
انا برضو امي ارقى من اني اساويها بأي احد في العالم ..

و امي لو عايشة
ما راح ترضى اني أساوي مكانتها بأحد ..

بس اقصد اني مثل ما كنت مرات أتجاهل و أتغاضى عن قسوة امي علي لما تعصب ..
و اقنع نفسي باي شي و أحط لها اعذار ..
راح احاول ( اضحك على مخي ) .. و اعمل نفس الشي مع ام زوجي ..


وصل !؟

رد: سوْال عن زوجة الابن
 

معليه تفصلت كثير في الحديث عن امي الله يرحمها
و مافي مجال للتعديل .. انتهى الوقت

رد: سوْال عن زوجة الابن
 

روح الموضوع بسيط
أنت ماقدروا عليك وانت طيبة مابيقدروا عليك الحين وانت اوعى
خذي الامور بسلاسة
والهدية مش شي مستغرب من زوجة الابن
كلنا نهدي أمهات إزواجنا
ولكن الفلوس صعبة شوي


أذكر لما زوجي كان يعطي أمه مبلغ كل شهر
كان يطلب مني أنا أعطيها وكنت أرفض وفهمته سبب رفضي
وإحط نفسي مكانها ماراح أقبلها من زوجة ولدي
بس بقبلها من ولدي عادي

رد: سوْال عن زوجة الابن
 

انتي مجروحه منهم
الله يهديهم
عشان كذا نقول لك اعملي باصلك

رد: سوْال عن زوجة الابن
 

عضو عندك اخطاء لغويه تهدم المضمون

رد: سوْال عن زوجة الابن
 

كل موضوع تفتحيه ضروري تعملين مقارنة بين أهلك وأهل زوجك أيا كان الموضوع
في كل مرة تعطين انطباع عن اهلك هم الارقى والافضل واهل زوجك هم الهمج والأسوأ
خلاص اعملي ماترتاحين له واجرك عند الله وليس عند الناس

رد: سوْال عن زوجة الابن
 

طيّب؟!

فينها؟!

خلينا نلحق نصححها قبل الاغلاق

رد: سوْال عن زوجة الابن
 

مس ايميلي ..

مو لازم إثبات .. او اني اتكلم .. :)
و الحمدلله .. ارض الواقع يثبت الشي هذا ..

و لو اهلي مو ارقى و افضل من اهله ..
ما كانت ام زوجي و اهله ضحكوا علينا عشان نوافق على الزواج من ولدهم و مثلوا علينا انهم شيوخ
و لا كلموا جيرانهم الي يعرفوا امي .. و قالوا لهم ( لو سألوا عننا .. امدحوا فينا )

و ما راح اخد من عندكم في المنتدى - شهادة حسن سيرة و سلوك - ..
و لا احتاج مديح و تصفيق .. عندي الي يكفيني الحمدلله

و ماني محتاجة الحمدلله لعقول ناس ( ضيقة ) تفهم الأمور بمزاجها ..

محتاجة لعقول ناس ناضجة ..
تدلني و تنصحني بتجنب التصادم مع العينة هذه من البشر ..

تحيات :
ابنة انسانة عظيمة .. :)

رد: سوْال عن زوجة الابن
 

شكراً يا روح لأنك ما اغلقتي الموضوع بانتظار ردي

تدرين ليه تأخرت كثير إني أكتب
لأني بين نارين مثلك ، لكن في النهاية حسمت أمري وألحين حتى رسايلهم ومعايداتهم ما أرد عليها !!
ومن أسبوع أرسلت أم زوجي اعتذار على شكل قصيدة تبرر سبب عدم حضورهم لزيارة حفيدهم لما ولدت !!
لكن ما قدرت اسامح
دائماً أقول لكم الحمولة أرض صبخه ما يثمر فيها أي زرع تزرعونه!!
والحمولة تعلمنا حتى كيف نكون " قليلين أصل" أحياناً لنثأر لأنفسنا!!!
لا تشترين حب أحد بالفلوس ، حتى لو اخوانك وخواتك فكيف بالحمولة
صديقك وحبيبك في الحياة هي بطاقة صرافتك وبس
لولاها بعد الله ما كنت بهالقوة والقدرة على مواجهة كل هالظروف ولوحدك ، لأنك مو بحاجة أحد
الهدية والمبلغ المادي هذا كان ممكن بأول زواجك قبل لا تشين الأنفس
لكن ألحين وبعد ما الكل صار عارف الثاني فما له داعي تخسرين أي ريال فيهم وعشانهم
باختصار ما يستاهلون ف لا تجاملين !!

رد: سوْال عن زوجة الابن
 

وصلني انك راح تهديها عادة وليس عبادة

وصلني انك تحبي امك وتعودتي منها عادات طيبة وحابه تنفذيها لأنك متخيلة ان امك موجودة وان هذا الفعل سيرضيها وبالتالي ضميرك سيرتاح من تأنيب الضمير من تقصيرك تجاه امك لما كانت عايشه الله يرحمها

وصلني ان حقك اهم شيء

اذن الخلاصة :

اهداوءك لها هدفها دنيوي (مو شرط انك تتمصلحي معاها وانما انتي بتتمصلحي مع نفسك وبتشتري راحة دماغك) اقرب من انه هدف اخروي

ليس علماً بالغيب وليس دخولاً داخل نيتك

وانما هذا تحليل احساسي المتعمق في الكلام اللي كتبتيه

فهمي يقول :

اللي يبغي الاخرة دائماً يسأل نفسه : ماذا يقول الشرع في الحالة الفلانيه؟

اللي يبغى الدنيا دائماً يسأل نفسه : ماذا تقول البقيه (غير الشرع( الوالدة - الناس - العرف - المجتمع - الحق والمحقوق - الخ)) في الحاله الفلانيه ؟

والله اعلم

رد: سوْال عن زوجة الابن
 

روح..

حتى لو رجعتي لنقطة الصفر.. ولنفرض حصل

والله ماينخاف عليك 👌

ولو برضو حصل.. تكونين تعلمتي درس جديد..

انتي من الناس اللي الصدمات تقويك ماتكسرك..

الله يسخر زوجك لك ويسخركم اثنينكم لعيالكم قولي امين 💜

رد: سوْال عن زوجة الابن
 

الي يقولوا امدح في اهلي و أذم اهله

ما جيت و اشتكيت عن صدمتي بيوم من الأيام باخواتي !؟
ما عمري قلت اني احب آبو زوجي و ما شفت منه اي أذية !؟
ما عمري قلت انه اخوات زوجي كويسين و حالهم حال نفسهم !؟

ما عمري مدحت في سلفتي !؟ و معروف السلايف ما يتفقوا أبدا !؟
ما يدل الشي هذا على - نفس طيبة و نظيفة !؟

اخر مشكلة حصلت بيني و بين زوجي !؟ و وصلت للمحاكم !؟
ايش سببها !؟

تربيتي و تربية زوجي !؟
و الفرق بيني و بينه !؟
على ايش تدل !؟
و مو لازم اشرح انا مين و هو مين !؟

من غير أصلا ما اتكلم ..
واضح وضوح الشمس

و ام زوجي كانت تعمل الحركات السابقة و تاذيني ..
عشان تحاول تغطي عيوب ولدها ( الي خبوها عني ) و ترميها علي .. و تمسك علي ذلة ..

و عشان كذا لما انكشفت كل الأوراق و رحت المحكمة ..
ما قدروا يحطوا عينهم في عيني ..


و رجاء لا احد يجي يتفلسف ..
مو ناقصني نفس الطينة في الواقع و في المنتدى كمان ..

رد: سوْال عن زوجة الابن
 

روح..

مو مهم احد يعرف انتي مين..

اهم شي انتي تعرفين

رد: سوْال عن زوجة الابن
 

خلاص باْذن الله ..

بس ما حبيت اهديها شي و في نفسي حاجة ..

ابغى نفسي تكون صافية .. و باحاول قدر الإمكان اني اتحكم بمشاعري ..
و باخرج المشاعر السلبية حتى أنسى .. و احاول استبدلها بافكار إيجابية حتى أتعايش معهم ..

رد: سوْال عن زوجة الابن
 

يعني انتي غدا اذا تزوج ولدك أرض صبخة لايثمر فيك معروف ؟!
ولا انتي غير؟

رد: سوْال عن زوجة الابن
 

بادرب حالي على اُسلوب التطنيش و التجاهل و التغافل ..
و انا في تحسن الحمدلله ..

بالبداية لما زرتهم .. جبت هدية صح ..
لانه فعلا كانت نفسي صافية .. و مافي شي بداخلي ..

لكن شفت بعدين تصرفات و مؤشرات .. خلتني اخد حذري و اقول لنفسي
( استوب ) لحد هنا .. و بالتحديد من أمه .. و خلينا كذا حبايب افضل ..

.
.

اما الجرح .. فالواحد ممكن ينجرح من شخص عزيز ..

لكن هما ..
ابغى بس ربي يكفيني شرهم .. كفاية كذا علي ..
و يستمر الاحترام بيني و بينهم ..

رد: سوْال عن زوجة الابن
 

ردي كان عادي
لكن ردك أخذ ردي بشكل آخر وحمله أكثر مما يحتمل

رد: سوْال عن زوجة الابن
 

ليه مازاروكم لما ولدتوا
هل كان فيه قطيعه
السؤال لك ولشوك

رد: سوْال عن زوجة الابن
 

ماشاء الله شوك .. كويس فيه احساس و اعتذروا ..
بس غريبة بجد و غريبين !؟
كيف وحدة ما تشوف حفيدها و ما تكون متحمسة لشوفته !؟

.
.

انت جربي و اعطي فرصة ..
طالما ارسلت اعتذار لك ..

.
.

حماتي اول مرة تشتري شي لأولادي و جابت ملابس لهم
بصراحة استغربت بداخلي ؛ و أخدت الموضوع بطيبة نفس و حسن نية ..
و شكرتها و صورتهم و ارسلت لها صورتهم و هما لابسينه

و اشوف المرة هذه ..
يمكن تكون تغيرت خلال سنة كاملة !؟

رد: سوْال عن زوجة الابن
 

روح الله يسعدك تعجبيني يوم تعصبين 😂😂
من زمان متابعتك وحبيت أسلوبك

المهم انا أقولك الصدق لاتعطينها شيء
اعطيها احد صديقات امك العزيزات او قريبه كبيرا لك متاكده بتقابليها في العيد
او احد المحتاجات في عملك بدايه الدوام وقولي هذه عيديتك مني تكسبين الدعاء ع الأقل ..

ام زوجك اشوف مو حلوه تنتظر كل عيد تشوف انت آيش جايبها لها كأنه شيء إلزامي
خاصه انك مو مقصرا من قبل عنهم ..
عيد اعطيها وعيدين لا ، لان النوعيات هذه مهما سويتي مابتحترممك اذا ماحبتك من اساسه ..

الله يوفقك ياعسل ويكتب لك الأجر ، كفايه موضوعك حاسه انك حابه ترضيهم وخايفه يصدمومك..