|
رد: نوعية ردود الزوج
العلاقة صارت باردة جدا ،، سافر أمس ورجع اليوم طبعا للعمل وكنت اسأل عنه واتطمن ،، وكنت تعبانة لي يومين واعطيته خبر وكان يسأل أمس ،، توقعته أول مايصحى يطمن علي بس للاسف مو مهتم ،، عموما جاء واخذني من عند أهلي سلمت عليه ورد وقلت له الحمدلله على سلامتك قال الله يسلمك ،، سألني وش الاخبار قلت الحمدلله ،، وسكتنا ،، فينصف الطريق تفاجات فيه يقولي الله يسلمك الحمدلله بخير ،، قلت كيف يعني!! قال ابد سلامتك ،، شكله زعلان لاني ماسألته عن سفرته ،، عموما سكتنا ودخلنا البيت وعلطول رحت غرفة النوم لاني تعبانة ومافكر ابد يطمن ،، نمت شوي وقمت صليت العصر وسألني كذا بشكل مدري كيف : فيك شيء؟ قلت لا ،، ورجعت على السرير واخذت مسكن ولا يفكر ابد يطمن علي،، وجالس لحاله وتاركني لحالي،،
ياجماعة انا تعبانة وهو غير مهتم ولايراعي نفسيتي مع اني قلت له امس خايفة يكون فيني شيء ،، لان اخر مرة لما كنت عند الدكتورة ان عندي كيس دموي مقاسه 2ونص ،، وحاليا خايفة الكيس كبر أو فيني شيء لاسمح الله وهو بعيد عني لايفكر يهون علي ولا حتى يسألني عن صحتي ،، ولا حولولا قوة الا بالله |
رد: نوعية ردود الزوج
اقتباس:
يااختي موضوع مرضك لايصح لك كتمانه عن زوجك مهما كانت الضروف يينكم وزوجك لايعلم الغيب لذالك يجب عليك مبادرته في الموضوع وابراء الذمة فهو مسؤل عنك وقد يلومك ويلوم نفسة اذا تطور المرض اسئل الله السلامه |
رد: نوعية ردود الزوج
اقتباس:
|
رد: نوعية ردود الزوج
طيب انتي بادري بالسؤال اسألي عنه يمكن حتى هو ماخذ نفس الموقف انك باردة وماتهتمي اذا فيه شي ولا لا..
قوليله انت فيك شي؟ شلون كانت السفرة ؟ ومثل هذي الأسئلة يعني بيني اهتمامك فيه.. |
رد: نوعية ردود الزوج
عاتبته وقلت له تمر من جنبي ولا حتى تطمن علي ،، قال : الله يعينك على نفسك (هذي دايم ردوده) ،، قلت ويعيني عليك وعلى قل اهتمامك ،، قال اذا صرتي مثل الحريم تكلمي ولا انكتمي،،
|
رد: نوعية ردود الزوج
بصراحة خلاص قفلت منه ،، كتبت له: بدال ماتكون بجانبي وتسأل عني وانا اعاني وخايفة وشايلة هم يكون فيني شيء خطير تسمعني كلام مثل السم وتمر من قدامي ولا كأني اعنيك ولا كأنك مسؤول عني أمام الله ،، إذا إني ماني عاجبتك فأنت منت ملزوم فيني وتخليني على ذمتك ،، لكن تقعد تجرح فيني وتسفهني وتعاملني بدونية ولا كأني شيء فالله يتولاك وحسبي الله وبس
وطلبت منه ينسى المستشفى لاني ماراح اروح إن شاءالله أموت بمكاني ماعاد بروح |
رد: نوعية ردود الزوج
فيه كذا نقطة مهم
التعامل بين الزوجين يخضع لكذا شيء أولا طبيعة الشريك نفسه... بعضهم عصبي واي كلمة تنرفزة... وبعضهم العكس ثانيا.. العمر... ممكن تجدين زوج اول العمر قليل الكلام لكن في منتصف العمر يبدأ يفك شوي ثالثا طبيعة الزوجة بعض الزوجات تكون ماتدقق على الكلام وماتحمله الخطأ ويكون رأيها سديد فالزوج يحب يفضفض لها همومه نجي لسؤالك هل الرد بعصبية يعني عدم الاحترام؟ لا طبعا... لاننا بشر والحياة لاتخلو من المشاكل ... موفقة اختي |
رد: نوعية ردود الزوج
اقتباس:
|
رد: نوعية ردود الزوج
اقتباس:
أفكر أقوله مايرضيني اجلس مع انسان مايشوفني مثل باقي الحريم ولا أنت ملزوم فيني لاتجبر نفسك على شيء ماتبيه،، بصراحة جرحني حيل وجرح من الصعب يبرأ،، |
رد: نوعية ردود الزوج
اتمنى مساعدتي وتوجيهي كيف اتصرف الان معه ،، ماعاد لي رغبة اظل معه في بيته،، اتمنى انه ينقرص عشان ماعاد يجرحني بكلامه السم بس كيف!!!
احتاج آراءكم وتوجيهاتكم ،، |
رد: نوعية ردود الزوج
اقتباس:
انصحك بكتاب الرجال من المريخ والنساء من الزهرة حملية من النت وبأذن الله بتتغير طريقة معاملتك لنفسك قبل زوجك يا اختي قلتها لك مرة وبقولها لك مليون ارحمي نفسك اتقي الله بنفسك وصحتك استغلي شبابك وفراغك بشي ينفعك غير التصيّد على زوجك لو هرب منك صراحة انا ما ألومة إنتي لو صديقتي قطعت علاقتي فيك بعد ماتقرائين الكتاب ارجعي افتحي مواضيعك وشوفي كيف بتخسرين شريك حياتك ............ |
رد: نوعية ردود الزوج
اقتباس:
.............. ،، جزاك الله خير |
رد: نوعية ردود الزوج
اقتباس:
الله يشفيك ويشفيني وقلبي متقطع لأَنِّي مقدر أخذ ولدي معاي ولا هلكت زوجي عشان يهتم فيني بس قبل النوم يقول ها كيفك اليوم وأقوله الحمدلله ولا احتاج شفقة من احد الله يشفينا جميع |
رد: نوعية ردود الزوج
اقتباس:
بعدين الزوجة من لها غير زوجها يسأل عنها ويهتم فيها اذا طاحت مريضة !!! ولا يبونها بس وقت الصحة ووقت المرض مايسألون!!! اللهم اشفي كل مريض يارب العالمين،، |
رد: نوعية ردود الزوج
حبيبتي احبه توكم وش زينكم مع بعض وش صار …!!
يا احبه هذي مو المرة الاولى اللي زوجك ما يسال و انت تعبانة و قلت لك ( هذا طبعه ) حتى لو حبيتي تغيرينه ما ينفع التوجيه المباشر في كل مسأله فيه ناس تسمع و تتغير و ناس ما يتغيرون الا بطرق اخرى و بعد مدة و بطريقة ( التأثير الذكي و الإقناع بالتصرفات أو الكلمات و اقتناص اللحظات) بحيث تكون عندك رسالة غير مباشرة و هذي يبغالها صبر … و فيه ناس لازم تتأقلمين لأنها ما تتغير إلا بإذن ربي … ما ألومك بحاجتك للكلمة الطيبة من زوجك وقت تعبك و رغبتك بهالشي بس هذا طبعه … هو مش من النوعية اللي تعبر أو تعرف توقف معك … مشي الموضوع يا أحبه روحي المستشفى و لا تنتظرين بكل مرة تتعبين سؤاله حاولي تتأقلمين … لأن جربتي تعاتبينه على سؤاله مرة و مرتين و ثلاث … لا تعاندين نفسك و روحي المستشفى … و الله يجعل أمورك بخير |
رد: نوعية ردود الزوج
اقتباس:
|
رد: نوعية ردود الزوج
انا تعبت من تجريحه وكلامه اللي مثل السم،، والله تعبت
|
رد: نوعية ردود الزوج
اقتباس:
انا اعصب بسببه هو بعد ان يكون اهانني وفضحني وضربني... الخ ومع هذا يزيد بعصبيته علي لاني عصبت بعد كل هذا. يعني لازم بعد كل اللي يحصل لي اضل ساكتة ومبتسمة واقول له حاضر. واخر نقطة ذكرتيها انه لازم يقعدوا مع بعض ويتفاهموا ويشرحوا لبعض اسباب العصبية وغيره. هذه كمان انا مستحيل انعم بها، لاني لي من اول الزواج اترجى فيه يسمعني ويحاورني.. والمرة او المرتين اللي وافق يسمعني ... سكتني بعدها باقل من دقيقة لانه ما عجبه كلامي.. واكثر من هذا عصب وطردني.. والله المستعان. |
رد: نوعية ردود الزوج
اقتباس:
دراما بطريقة غير طبيعية احمدي ربك على الصحة والعافية غيرك بالمستشفيات مايقدروا يتحركوا ولا احد يسأل فيهم مين اللي يوديك المستشفى ويطلع بنص حر اغسطس يطلعك من الدوام يا اختي هذا زوجك حبيبك يبغا يضحك ينبسط معاك ليش تحولين حياتك دراما تبغين ردود تطبلك انا مو قادرة اطبلك الله يعينك ويشفيك |
رد: نوعية ردود الزوج
اللهم أشفي مرضى المسلمين
|
رد: نوعية ردود الزوج
اقتباس:
* طيب بجد انت و انت تعاتبين شنو كنت متوقعة يرد عليك؟ هدي نفسك و انشغلي بترتيبات الخاصة للمستشفى و حاولي تلهين بأي شي … استغفري و اذكري ربك و الله يهدي قلبك |
رد: نوعية ردود الزوج
اقتباس:
اقتباس:
|
رد: نوعية ردود الزوج
وقفي عتب احبه
لا تعاتبي |
رد: نوعية ردود الزوج
انتوا مشكلتكم
انه عصبي و انت حساسة و مرهفة … و الشخصيتين ممكن يتعايشون لكن ان استمروا بدون تغيير ولو بسيط غالبا يستمر الشد و الجذب بينهم … الحساسية أحيانا تنرفز العصبيين بالذات ان العصبي احيان يرمي كلام جارح و يندم عليه و الحساسة تنزعج من الكلام و تاخذه على محمل الجد و تدقق فيه … لازم ترخون شوي لبعض و بما انك انت الطرف المستشير فلازم شوي تتقوين على كلماته … حاولي تتجنبين الموقف اللي بيخليه يرد عليك كذا حاولي تقللين العتاب على المواقف (المتكررة) و حاولي تكون عندك ( مناعة ) ضد الكلمات اللي يقطها عليك … خاصة و أنك شايفة زوجك … ترى بعدك عنه بيتعبك لأنك تحبينه مهما عصبتي عليه |
رد: نوعية ردود الزوج
اقتباس:
اذا ماعاتبت ماراح ينتبه ،،، وبنفس الوقت إذا عاتبت ماراح يهتم وراح انجرح زيادة!!! يعني نعيش زوجين في بيت واحد وكل واحد بجهة عن الثاني !!!! ابدا ماهي حياة هذي،، وانا تعبت وليش الواحدة تتزوج مو لانها تحتاج الاهتمام والكلام الحلو والغزل !!! وين تلاقيه اذا مالقته عند زوجها وين!!!! |
رد: نوعية ردود الزوج
بعدين احبه ترى حتى هو يحس لا تحسبين هالبرود وراه قلب بارد و الدليل يوم ركبتوا السيارة قال بخير الحمد لله … فقد منك لطفك و سؤالك و اهتمامك لو ما ضايقه هالشي ما كان عبر عنه بطريقته هذا دليل انه يتاثر حتى لو ( بدا لك غير ذلك )
|
رد: نوعية ردود الزوج
اقتباس:
يعني اذا ما عاتبتيه خلاص توقفت سبل التواصل؟ ^^ تقدرين يا أحبه تعاتبين بس العتاب بجو كله شحنات ماله مكان و لا له تأثير … هذي هوشة بطريقة ناعمة و عاطفية … و العصبي ما يتقبل العتاب بوقت ضيقته قربيه و عاتبيه وهو مشحون تشوفين منه الكنز الهائل من الكلمات الجميلة تنهال عليك 😁 |
رد: نوعية ردود الزوج
اقتباس:
|
رد: نوعية ردود الزوج
يعني شايفه العتاب نفع
مااشوف الا انه زاد الخلاف بينكم |
رد: نوعية ردود الزوج
اقتباس:
|
رد: نوعية ردود الزوج
اقتباس:
العصبية تحرق حتى صاحبها و تغيير الطبع ما هو سهل لا عليك و لا عليه ^^ بس اذا بتشدين وهو يشد بتعانون من بعض … لا هو بيتغير و لا انت اللي بتعدين … فكري فيها كويس يا أحبه … ياما عاتبتي و النتيجة؟ تغير؟ هو يمكن ما يفهم انك تفضفضين بالعكس انت قربتي الدائرة الخطيرة عنده مثل الازرار عندك زر فتح و زر اغلاق تتوقعين انك لاضغطتي على الاغلاق بيفتح لك؟ هو كذا اعتبريها زر خطر ( ضيقة و عتاب و ما تمشي لي بيشوفك ضغطتي على شي مزعج فيه و يسمعك الكلام الجارح) |
رد: نوعية ردود الزوج
اقتباس:
|
رد: نوعية ردود الزوج
زوجي زي زوجك قطعة ثلج
وتأخر حملي 3 سنوات وعانيت من كيس على المبيض مثلك لكني ما سويت سواتك بصراحة شديدة ! أصلاً طول زواجي ماعمري عاتبت زوجي ع برودة مشاعره الا مرة واحدة فقط وهي عند حفلة تخرجي من الجامعة ولا كانت الرسالة عتاب بقد ماهي كانت توضيح لاحتياجاتي .. يعني 1 و 2 و 3 انا احتاج انك تحبني واحتاج رجل يحبني واحتاج رجل يسفرني ورجل يدلعني عندك المقدرة لهالشيء تمام ماعندك اتركني لشخص يعوضني . وكنت فعلاً صادقةبرسالتي شعور اني اتخرج واشوف الجميع من صديقاتي ازواجهم يساركونهم الفرحة وازعجوني يبغوني اصورهم كل دقيقة بيرسلون الصور لازواجهم وانا صمت مطبق 😐👊 فكسرت خاطر نفسي بصراحة 😥 وفعلا ارست الرسالة وبعدها تحسن لمدة اسبوعين او ثلاثة ورجعت حليمة لعادتها القديمة 😂 بس تقبلت الموضوع حمدلله .. وخير يا طير ما باسني كل يوم او ضمني كل يوم .. واروح لاهلي انام عندهم وما يفكر يكلم او يرسل ..صرت انا ادق او اراسله واتس وشلت فكرة انه لازم يكون هو المبادر ! ما اقول لك مايضيق خلقي لا والله الكذب شين ، احيانًا اكون محتاجة انه هو يبادرني هو يضمني يجي الشيء منه هو .. بس ماتجي الدنيا ع هوانا .. |
رد: نوعية ردود الزوج
اقتباس:
ما عمره احتواك ابدا في حالة ضيقتك أو حزنك؟ |
رد: نوعية ردود الزوج
اقتباس:
|
رد: نوعية ردود الزوج
رد الزوج بعصبية لا يعني انه لا يحترم ولا يحب زوجته...
قد تكون العصبية طبع متأصل فيه ويعامل من حوله من الاقارب بهذا الشكل غالباً ( زوجي من هذا النوع وان كان يزودها معي بكثير) او قد يكون ضغوطات الحياة او مشاكل تعلميها او لا تعلميها واخيرا قد يكون نفور وموقف يتخذه ضد الزوجة لسبب ما ولا يجيد طريقة اخرى للتعبير سوى العصبية. لهذا لا يوجد سبب واحد يمكننا تحديده للعصبية وكل حالة لها اسبابها الخاصة. |
رد: نوعية ردود الزوج
اليوم حصلت رسالة واتس منه طويلة عريضة مفادها إنه اذا ماتعدلت في المعاملة معه بيتزوج علي واحدة تحبه وتدلعه ،، قلت له الله يوفقك ويسعدك الحريم كثير وأنا من اليوم ورايح ماراح اهتم الا بنفسي وصحتي وبس،،
يعني بعد هذا الحب والدلع يهددني كذا !!! حسبي الله ونعم الوكيل |
رد: نوعية ردود الزوج
هوا نفسه يتزوج من جد
ولا كنوع من التهديد فقط وماراح يسويها لانه يحبك |
رد: نوعية ردود الزوج
اقتباس:
رد علي : انا مااعرف اجامل فقلت له وانا مايرضيني اعيش مع انسان مايبيني والله يوفقك |
رد: نوعية ردود الزوج
عارفة نفسك مقصرة في ايش ?
|
| الساعة الآن 02:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©