رد: ضربني فضربته ..
 

ماعتقد انة راح يندم لانك استفزيتية وهددتي بالقتل
ولكن انتي ابدى بالاعتذار منة برسالة نصية
والا الموضوع بيطول وماهو من صالح الطرفين

رد: ضربني فضربته ..
 

منفردة الموضوع لسة صار
ما بيدك تسوي شيء
غير أنك تنتظري تفاهمه مع أمك.
أتوقع سيأتي لك و يعتذر

رد: ضربني فضربته ..
 

رد: ضربني فضربته ..
 

انا هددته بالقتل ؟؟؟؟ استغفر الله بس ههههه هذا انا ضحكت غصبا عني

ما اعتذر انا .. انضرب واعتذر ؟؟ فين عايشين

إشراقه .. كلامك نفس كلام اخويا وامي
يقولوا لي أخذتي حقك وجايه تشتكي وتطلبي الحق !
امي تنتظره علشان تفهمه انه بغض النظر عن اي شي بنتي اخذتها من بيتي
لو غلطت رجعها ليا مو تضربها احنا ما عندنا بنات ينضربوا الا اذا لاسمح الله شايف عندها رجال وقتها تنضرب
وأول شروط امي قدر الضغط يطلع من بيتي تقول بقوله ان قصرت بوقت غداك حاسبها بس شي ما تبغاه ما تفرضه عليها

رد: ضربني فضربته ..
 

اذا انت حابة تفهميه غلطه
افهمي غلطك أولا..
الاحترام سيد الموقف اختي ..

رد: ضربني فضربته ..
 

مقهووووره 😕

رد: ضربني فضربته ..
 

فهمت غلطي ...
بس ما كنت حاسه بنفسي
والله احاول أوقف كلام ماني قادره
أساسا ما شفتي كيف لميت كل شي بغرفتي بدقائق

رد: ضربني فضربته ..
 

طيب إذا أنتِ تبغي حقك عشان ضربك وشد شعرك وتبغيه يعتذر... وهذا من حقك طبعاً

هو وين حقه لما تقولي ماخليت كلمة ماقلتها له... وتقولي له .......... أليس له حق كذلك في الإعتذار


يا أختي
نحن نبغى لك الخير ومثل ماقلت لكِ سابقاً ... لكِ الحق في أن تشرطي عليه عدم الضرب... ولكن كذلك ليني وأعتذري عن ألفاظك


بارك الله فيك

رد: ضربني فضربته ..
 

رد: ضربني فضربته ..
 

انا غلطت صح بس هو وصلني لهذي المرحلة
اعتذاري راح يكون بعد اعتذاره وزيارته لبيتنا

واعتذاري حيكون انا اسفه على كلمة انت .......... ما كان قصدي
بس انقهرت لما انا اطلع وانزل والبنت معايا والأغراض وانت بالسياره .. وخلصنا

صدقني لو جا بوقت قريب وتم الاعتذار بعتذر بس ما راح ارجع بيتي معاه لانه قلبي مليان واخاف ارجع لنفس الدائره
انا برتاح فتره
وعلى فكره قبل شهر يمكن طلبت منه ارتاح ببيت امي لاني تعبت منه وبريح مخي وبريحه مني شوي
قال طلبك مرفوض

رد: ضربني فضربته ..
 

مدري ايش الحل بس انا برتاح منه تعبني
واحس اني شايله حمل اكبر مني

قلة النوم مسببه ليا صداع
أوقات احس اني مو طايقه نفسي

رد: ضربني فضربته ..
 

رد: ضربني فضربته ..
 

بنتي اول ما تشوف العبايه تحرك يدينها ورجولها
وإذا رحت بس اخذ شي من غرفتي تبكي فمابالك انزل وأتركها ؟

رد: ضربني فضربته ..
 

رد: ضربني فضربته ..
 

لا الومك حين تقولين مثل هذا الكلام
فلا أحد يرضى بالضرب لابنته أو أخته
لأنه شيء مهين ومؤلم للنفس
واقول للزوجة احترمي زوجك ولا تستفزيه بكلمات أو تصرفات جارحة
وللزوج كذلك احترم زوجتك واصبر عليها وراع حالتها النفسية ولا تتدخل في الاشياء الخاصة بالنساء كالطبخ والرضاعة وغيرها

رد: ضربني فضربته ..
 

منفردة كيف ترين حياتك الزوجية بعد خمس او عشر سنين؟

هل ستكونين متزوجة من نفس الرجل!

ام مطلقة ام معلقة ام متزوج عليكي!

رد: ضربني فضربته ..
 

متزوجة نفس الرجل .. بإذن الله طبعا

ولكن أحس حتكون حياة ممله

رد: ضربني فضربته ..
 

اللي يعرفوني من زمان هنا ممكن يهدوا لي ثلاثه عيوب وثلاثه حسنات استنتجوها من خلال ما اكتب ؟!

راح اهتم بإجاباتكم كثير واحطها بعين الاعتبار..


على فكره انا تغيرت معاملتي له صرت أتجنبه كثير لكن الظاهر انها تتجمع وتتراكم وتطلع مرا وحده

سبحان الله زعلي من زوجي قبل ننولد بنتي كان يأثر فيني اكثر من الان
الان احس وقتي لها واليوم يروح اما معاها او مع امي ومرتاحه محد يناقرني ولا احد يتأمر عليا

رد: ضربني فضربته ..
 

بالنسبه لبنتي صح انا ادلعها وحتى بكا ما اخليها تبكي كثير
أراقبها حتى وهي نايمه واهتم بوقت رضعاتها .. لكن

يجي ببالي شي ما اضطهرته لاي احد يا روح الطير
أغار شوي لما يدلعها ويغني لها ويقولها كلام حلو
ههههه مدري يمكن لاني فاقده هالشي منه من لما جات بنتي ع الدنيا
مرا كان يلعبها قلت لها هاتها برضعها قال لها غارت ماما وليت اضحك قلت أغار من بنتي ؟
بس صدقا جا بداخلي نقطة غيره منها عليه بس تجاهلتها

رد: ضربني فضربته ..
 

تجاهلوا الأغلاط مافيني اعدل كل شويا

رد: ضربني فضربته ..
 

حبيبتي طبعا محد يقدر يبرر ردة فعله بس انت جدا مستفزة اي احد في مكانه يمكن يمد يده اذكر وانا صغيرة انضربت كذا مرة من اخواني مع انهم اصغر مني بس صراحة كان لساني طويل وانا ماكنت حاسة في نفسي حتى وانا كبيرة اخواني الكبار والصغار يعزوني ويقولولي اسرارهم وانا اكتر وحدة اعصب عليهم بس لمصلحتهم ويقولوا لماما اختنا اطيب وحدة بس عصبية بس مجرد الصوت العالي يستفزهم. انا الحمدلله مهما اعصب مااتلفظ ..
الشاهد بطلي ندية واحترمي جوزك والعناد انا جد من كلامك حسيت انو بتتعاملي مع واحد من اخوانك مش جوزك واذا جاء اعتذري منو ٩٠% الغلط غلطك وامسكي اعصابك مرة تانية انتِ ام ولسا ماشفتِ شيء من الحياة لسا حتخلفي كمان اطفال وحتكبري بالعمر ومع طريقتك دي في التعامل حتكون حياتك مستحيلة...ربنا يهدي سركم..

رد: ضربني فضربته ..
 

ما اعرفك كثير حتى موضوعك السابق ما اتذكر تفاصيله كاملة
لكن قد يتشابه فيه اشياء مع موضوعك هذا..

اشوف من اهم حسناتك انك تسعين للتغيير وتحاولين بجد
_ تقولين كللل اللي حصل بشفافية عن اخطائك واخطاءه
_ما تنكرين حسنات زوجك حتى وانتِ في قمة غضبك منه

السلبيات
لسانك ي منفردة يحتاج كنترول مندفعة جدا وبتهور
لما تكونين مضغوطة يصير مزاجك كارثي وتخربين كل شي
حساسة جدا
[/COLOR]

رد: ضربني فضربته ..
 

- من ناحية زوجج :
انسان مستفز بطريقة مو طبيعية ، ويتدخل بأمور ما تعنيه
اتذكر مرة زوجي حاول يغصبني ان افتح عود جبريت او كبريت مثل ما تسمونه
قلت له اخاف .. واعرف ان برتبك وبرميه على اي مكان ونحترق
لاني سبق وجربت حاول يلح علي...
قلت له بأسلوب مؤدب .. حبيبي انت تبيني اكون جريئة وشجاعة
بس من غير ما اخاطر بنفسي وانتهى الامر
اكره تدخل الرجال بأمور النساء واساسا هالشيء مو صح
كل واحد له مهمه الثاني ما يتدخل فيها
ولو فرضا فرضا غلطتي ما له حق يمجع شعرج
وين قاعدين!

من ناحيتج :
كان المفروض تكونين اكثر حكمة لما شفتيه مو راضي يقوم
رحتي بساكت وسويتي الغدى في جدر عادي وكان الله غفور رحيم
والكلام اللي تلفظتي به عليه مو صح أبدا
مهما غلط معاج .. مو حلوة بحقج انتي .. مو حلوة بحق ترتبيتج ولا بحق اهلج
عشانج انتي قبل لا يكون عشانه
تحتاجين لنضوج اكثر


الخلاصة ...
اثنينكم غلطتوا
و كان الحق معاج لحد ما تلفظتي عليه صار الحق عليج

رد: ضربني فضربته ..
 

حبيبتي انتي وزوجك مثل توم وجيري
حتى انا اذا ضربني ضربته بس مو كل شوي اذكره انه مد يدة
وبعدين في مزح يعني انا احيان امزح معه بس اوجعه بالتالي يردها لي
واكيد هو بتكون ضربته اقوة لانه رجال واحنا نسوان
وبعدين مافيها شيء اذا يبي يجلس مع بنته ويلعبها
بس انتي عندك سوء تصرف كان كبرتي الوسادة ونمتي
واذا هو بدا يتمحرش فيك تعوذي من ابليس وروحي اي غرفة وابعدي عنه
وانا اشوف انه معاه حق رجال شاريك لو غيره كان قال لك قشي عفشك والباب يفوت جمل بس انتي صعدتي الموضوع وكبرتيه وسالفة انه مشال معاك الاغراض زوجيك ويبيك
واذا على البنوته سوي اللي يبغاه قدامه رضعيه واذا تبي تنام وهو ما يبيها تنام خليه هو يلعبها لين يطفش منها
واذا على قدر الضغط مدري ليش يخافون منه البعض ونصيحه اشتري قدر الضغط الاتوماتيك او الكهربائي سهل الاستخدام و أمن

رد: ضربني فضربته ..
 

منفردة
الصمت قوة
وضبط النفس قوة
عندما يُخطيء عليك اصمتي و اضبطي أعصابك ودعيه يتحمل الخطأ كاملا
كوني ذكية ولاتشاركيه في الخطأ ولاتجعلي له حجة عليك
دائما كوني في أي مشكلة انت الطرف البريء من اي خطأ تماما ليكون موقفك أقوى وزوجك يخجل من نفسه

الآن موقفك جدا ضعيف

رد: ضربني فضربته ..
 

منفردة

راجعي اول موضوع لك كتبتيه واقري موضوعك الحالي هذا مرة ثانية

بدال ماتتعبين نفسك بالكتابة

ولا شي تغير فيك يا منفردة.. ولا شي

الطبخ والسناعة والخدمات اللي تسوينها وحكيتي مطوولا عنها اي انسانة بعيلة اي رجل تقدر توفرها امه اخته بنته...الخ

ترا في ازواج عايشين بدونها ومايطلبونها حتى من زوجاتهم.. وميتين عليهم موووت وعسل على قلوبهم

ليه برايك؟!

رد: ضربني فضربته ..
 

صح ماله حق يضربك
بس انتي كمان مستفزه ومتطاوله ونديه
ولاموقف احتويتيه صح ..
زي موقف الصاله مرادد رغم انه حذرك
ومع هذا مستمره ..!!
وصدقا لو انا مكانه مديت يدي..
تصرفات زوجك هي ردة فعل لتصرفاتك انتي ..
اضبطي نفسك ينضبط هو ..
وبطلي تتفاهمي معاه بالصراخ والتطاول ..
هذبي نفسك غيري اسلوبك ..

اذا اصلحتي نفسك راح يصلح هو نفسه
تلقائيا وبعدها انتقلي للعيوب اللي مضايقتك
منه وناقشيه بهدووووووء ..

وبصراحه لاتنتظري منه اعتذار
ضربك وضربتيه ..
اذا اعتذرتي انتي سيعتذر هو ..
وان اعتذر لك فعتذري له ..
الله يصلح شأنكم ..

رد: ضربني فضربته ..
 

قال تعالى : ما يلفظ من قول إلا لديه رقيب عتيد

سؤال ما الفائدة المرجوة للأخت الفاضلة منفردة من هذا التوقع (الخارج عن نطاق التغطية)

إلا أن الوساوس ستزداد و المشاكل ستزداد و البعد و النفور سيزداد و أنتِ ستكونين مخببة في هذه الحالة

نصيحة للكل اتقوا الله قبل أن تكتبوا

فقولوا خيرا أو أصموتوا

ما أعتقده أن زوجك يحبك لكن غير ذلك لما تراجع و طلب منك إرجاع ملابسك و رده للسلام و و و

أنتم عائلة جميلة حافظوا على بعض بالتغافل وحسن المعاشرة و تطوير الذات وقبل هذا كله الدعاء الدعاء


اللهم فرج الهموم واستر العيوب و اشرح الصدور و يسر الأمور

رد: ضربني فضربته ..
 

يا بنت الحلال كل الحريم قاعدات ينضربون بشكل او باخر
في النهاية كلها ضربات توجع القلبhg

اللي ما تنضرب باليد تنضرب بالاهمال واخذ راتبها فوق هذا
واللي تنضرب بالخيانه واللي تنضرب باللسان والكلام الجارح وووووو

في النهااااايه كلها ضربات وكلهم ينضربون بشكل او باخر ف كبري راسك وعديها
وامسكي لسانك تراه هو اللي ضربك

زوجك يحبك وكلنا شايفين هذا الشي من اوووول مواضيعك
بس امسكي لسانك ولا تجلسيله على الوحده وبتشوفين كيف يخليك اميرة قلبه لانه يحبك ووجد عندك ما كان مفتقده عند زوجته لكن انتييييي الله يهديك تخربين حياتك ولا امورك صدقيني تمااااام التمام

رد: ضربني فضربته ..
 

ينقصنا الانصاف والرد بعيدا عن ماهية الساءل وظروفه وبعيدا عن الحقد لامور شخصية بحياتنا الواقعية لكن مع الاسف!!

وعلى فكره المتابع لمواضيع منفرد يتاكد ان زوجها يموت فيها لكن لسانها الله يهديها وعصبيتها
ولا واحد يبوس رجل زوجته علشان تسامحه تتوقعين يكرها؟ryy

وعلى فكره والله العظيم لست زوجه ثانيه لكن الحق حق.

رد: ضربني فضربته ..
 

ماله علاقة الضرب بالحب. للأسف
فيه اللي يحب و يضرب. لانه عصبي و ما يمسك أعصابه و في اللي طبعه كذا و ووو.

رد: ضربني فضربته ..
 

مع مسز داني ماله علاقة الضرب بالحب ..
فيه اللي يضرب زوجته وهو يمووت فيها .. والاسباب كثيرة ..

رد: ضربني فضربته ..
 

^
صحيح
وفيه الذي لايمد يده عليها أبدا ويكرهها ويود الخلاص منها ولايربطه بها سوى الأطفال

رد: ضربني فضربته ..
 

.............
ومنفرده من الزوجات اللي ازواجهم يحبوهم لكن عليها ملاحظات لو تجتازها بتصير ملكه بعينه
لهذا تقهرني لما تخرب حياتها بيدها

ولا مالي اي مصلحه الله يخليلي شايبيyjuf

رد: ضربني فضربته ..
 

لاتخاف عليها يامحب السنة

هي لو تشك 1٪ ان زوجها مايحبها ومتمسك فيها ماكان رمت نفسيتها عليه الرمية هذي

ولكن الطريق اللي ماشية فيه مايبشر بخير

لأنها مغلقة عينها واذنها عن تحذيراتنا

فيه ناس ماتتعظ وتصدق الا لما تجرب بنفسها وتاكل الضربة على راسها

تقول لها الأكل هذا فيه فلفل (مثلاً) ماتصدقك وتروح تاكل بنفسها عشان تتأكد

فإن ارادت تنعم بحياتها الزوجية (واشك في ذلك والدليل انها بعد كل اللي قلناه في مواضيعها كلها ، تقول ابحث عن طريقة اؤدبه فيها!) عليها الثقة بالمستشارين

افيقي يامنفردة

يامنفردة الرأي (لاترين الا رأيك)

يامنفردة الثقة ( لاتثقين الا بنفسك)

يامنفردة الخبرة (لاتعترفين الا بخبرتك)

ستسقطي لامحالة اذا استمريتي على نفس فكرك ومنهجك

الحقي نفسك ونفسيتك قبل ماتنكسر وقت لاينفع الندم

رد: ضربني فضربته ..
 

مرحبا منفرده. ردي في عيوبك وحسناتك يشبه رد سحابه رغم انا مادري ايش التلفظ اللي تلفظتيه. لكن انتي فعلا مضغوطه وهو مستفز انتي قلقه ومصغوطه لانك ماتبين حياتكم تتغير عن بدايه زواجكم تخافين زوجك يمل منك وممكن يبحث عن بديل وهالشي خلاك تضغطين على نفسك اكثر كلنا كذا مع اول طفل ولكن لنفسك عليك حق يعني لاتضغطين على نفسك في تدليله علشان بس ماتتغير حياتكم مثل حكايه ماخذتي كفايتك من النوم وطلعتي له هالصاله هالشي بيخليك متوتره. لا حبيبتي خليك ريلاكس وحطي في بالك طبيعي بتتغير حياتكم لكن للافضل بيزيد ترابطكم في بعض وبتهملينه قليلا خاصه ان البنت ماكلمت سنه وبيتحمل تقصيرك وحياتكم مستحيل تكون ممله كل مرحله ولها حلاوتها واذا كبرت البنت اشوي بترجعين تتفرغين له اكثر اكلمك من تجربه. ايضا اراك مدلله وطفله لكن زوجك حابب هالشي ونعم انتي تجتهدين على نفسك ولكن لكل جواد كبوه ومو غلط بس حاولي تتحكمين بردود افعالك ونهائيا لاتغيرين الطبع الطفولي فيك هو غلطان بضربه وبيعتذر مادري اذا زوجك عنده ام او اب علشان يتعهد قدام اهلك واهله مايكررها لايصغر موضوع الضرب بعينك مهما قالوا الاعضاء لان مايحس باهانه الضرب الا اللي جربه ونهائيا ماتشبه قصتك اي قصه ثانيه بالمنتدى لان تصرفاتك طفوليه وزوجك عارف ومقدر وحابب هالشي لكن اكيد يكره الملاسن والمرادد وهذا اللي انتي بتشتغلين عليه

رد: ضربني فضربته ..
 

الضرب مو دليل للحب والكره

في بعض الزوجات هي اللي تجبر الزوج على مد يدة اما بلسانها الطويل او استفزازه له الافعال
ما فية زوج من الباب للطاقة يضرب زوجته
لكل فعل ردت فعل

رد: ضربني فضربته ..
 

وش مايكررها
هي غلطت عليه وضربه لها نتيجه لاستفزازه
هي ماقدرت تمسك لسانها وغلطت عليه
وهو نفس الشي ماقدر يمسك نفسو
منفرده..
الحق بدل مايكون لك اصبح عليك
فيك حسنات نعم بس عدم احترام الزوج
اكبر سلبيه مدمره لحياتك الزوجيه...
لاتنتظري يجي يعتذر
ماراح يجي ... فلا تفكري تأدبيه ماراح تلحقي هو ترا نفس الشي مجروح ومقهور وممكن الشيطان راكبه زيك ويفكر يأدبك
جرحتيه واخذتي حقك منو كفايه..
لاتفكري تأدبيه لا تأخذك العزه بالاثم
ترا من صباح الله خير من يوم طردتيه هو وبنته وهو متحملك وكملتيها بحركات الدلع
استفزييتيه الين طق وضربك..
وماشالله عليك بعد الضرب المفروض تكوني مجروحه وهاديه
ماشالله عليك تناقرين ولسى تدورين شر
كويس انو تحملك الحمدلله ع سلامتك
كويس انو صبر عليك
مو عشانه غلطان وضربك لاا والله عشانه يحبك ...
منفرده افهمي
زوجك ع عيوبه بس يضل يحبك ويعشقك وهاذي اكبر نعمه...
لاتخسرينه
..
يختي تعلمي من دهاء الحريم شوي
وشوفي سياستهم بعضهم ابشر وتأمر امر
وماتنفذ فعليا له بس اقلها تظهر له احترام رغباته ...
انتبهي منفرده..
برأيي اهدي حاليا واعطيه مساحه وانتي بعد هدي نفسك ولا يكبرها الشيطان براسك..

رد: ضربني فضربته ..
 

منفردة أنا أتفق مع المستشارين الحكيمين ولا نزكي على الله أحد الرسمي و مثابر

إعملي بنصائحهم ولا تخرجي عنها قيد أنمله

واسعي للصلح ولا تفكري في الإنتقام

وطوري من نفسك في التعامل في مواقف الزعل بتذكر السنة في الغضب من تغيير الهيئة و الإستعاذة من الشيطان
وتذكري حديث لا تغضب لا تغضب لا تغضب

وكوني أنت الحنونة ولا تأخذك العزة بالأثم

إتق الله في زوجك و بنتك

اللهم فرج الهموم واستر العيوب واشرح الصدور و يسر الأمور

رد: ضربني فضربته ..
 

اكتبي عند قسم الاستشارات الصائمة لله