|
رد: التغيير ..لماذا نتزوج ، مه
صباح الخير ... بعد اخر حوار صار بينا ... الوضع هدأ .. وماصار يجيب سيرة اخواني ... وقبل يومين. .. كنا نسولف عادي ... والوالده دقت علي ... رديت عليها وكلمتها عادي وقالت هذا فلان يسلم عليك ويقولك لا تبطين علينا ... قلت لها الله يسلمه وان شاء الله قريب ... وقفلت ... قام سالني مين ذا اللي يسلم عليك ... قلت له اخوي فلان .. قام يتأفف .. وانا ساكته ... قال يعني بتزوريهم الخميس ذا ... قلت له لا .. قال احسن .. قلت له ليه وش سووا لك ... قال ولا شي .. بس كذا ... قلت له طيب براحتك .. قام اخذ جوالي .. ويقرا المحادثات ... حاولت اخذ جوالي وماقدرت ... قال لي اشوف وش تقولون قلت له اخواني ذولا مالك حق تقرا اللي بيني وبينهم ... قال لا شنو مالي حق اقرا محادثات فيها رجال ! ... لستغربت من كلامه .. قلت له ليه يعني في شي بينك وبين خواتك ؟ ورد علي نفس كل مره ... انتي غير وانا غير ... قلت له هذولا اخواني مو رجال ... كان قصدي انهم اخواني مو غريبين ... اخذ جواله وارسل للقروب ... اختكم قالت عنكم انكم مانتم برجال وارسل ضحكه .. ويرجع يرسل قسم بالله قالت عنكم مانتم برجاجيل ... انقهرت مدري ايش اسوي ومنحرجه منهم ... اتصلت على الوسطاني .. كنسل ولا رد ... ورجعت ارسلت لهم ان ماكان قصدي ... قاال لي شنو تقولين حق زوجك كذا ... وفهمتهم الموضوع بس حسيت انهم زعلوا مني ... اتصلت على عمي وقلت له كل شي .. قال لي خليه يوديك عند اهلك واذا مارضى قولي لي ... الحين انا في بيت اهلي والله اني منحرجه من اخواني ... مع انهم مافتحوا معي الموضوع ...والحين الموضوع بيد عمي قال بيكلمه ..
|
رد: التغيير ..لماذا نتزوج ، مه
انا ارى انك تشرحي النقاط الرئيسية فقط لاخوانك
لكي تضلي في المنتصف لأنه للأسف كلا الطرفين ( زوجك و اخوانك) اثبتت مواقفهم السابقة انهم ليس جديروا بالثقة المطلقة فكل طرف منهم يعاني خلل ما زوجك عنده مشكلة او مشاكل نفسية مستفحلة واخوانك عندهم مشكلة اخلاقية ( لانهم ارادوا اكل اموالك الحلال بالباطل) وبالتالي انتي بين نارين لذا شوفي منهم من هو اقل حرارة منهما على المدى البعيد وتقرّبي له واستندي عليه |
رد: التغيير ..لماذا نتزوج ، مه
اخي لماذا .. مين هو اللي اقل حراره على المدى البعيد ... هل قصدك أخواني او زوجي ؟
وبعدين يا أخي ... انت قلتها انه في السابق ... يعني اخواني في السابق كانوا طمعانين ... اما الحين تغيروا للأفضل ... زوجي تكلم عن اخواني كلام مو زين ابدا ... زعلت عليهم ليش يقول عنهم كذا وانا ماشفت منهم شي ... زوجي يا أخي على العين والراس ... بس يجي يتكلم عن اخواني بكلام يسيء لسمعتهم ويطعن فيهم ويقذف فيهم هذا اللي خلاني اتصل بعمي عشان يوقفه عند حده ... مع اني ماقلت لعمي شي غبر انه حاط دوبه بدوب أخواني ومانعني عنهم حتى من السوالف معهم ومن زيارة اهلي وبحاول يخرب علاقتي فيهم ... ممكن اعرف مين قصدك استند عليه ؟ شاكره لك اخي ويعطيك الف عافيه |
رد: التغيير ..لماذا نتزوج ، مه
يتحدد اللي تستندي عليه حسب المعطيات
والمعطيات هذه مختلفة فيه منها المؤثر وفيه من يكون اقل تأثير في الحكم في النهاية انتي اللي تحددي مين اللي تستندي عليه |
رد: التغيير ..لماذا نتزوج ، مه
ان شاء الله .. جزاك الله خير ... ويعطيك العافيه ... شكرا لك اخي ......
|
رد: التغيير ..لماذا نتزوج ، مه
اقتباس:
حابة توضحين هالنقطة وتقولين لي شو قال عن اخوانج؟ وهل دار حوار بينكم قبل ما يوصلج عند أهلج؟ |
رد: التغيير ..لماذا نتزوج ، مه
قال عنهم كلام مره شين ... أنهم حقين بنات وسهرات ... لا صلاه ولا عباده ... يدفعون مبالغ بالهبل للحريم ... وغيره كلام كثير ... وهالكلام ماهو بصحيح ... واحد من اخواني انحرف شوي ورجع الله تاب عليه بفتره قصيره ... مدري ليه يقول عنهم كذا ... وحصل بينا شد بالكلام ... وقلت له ماحصدق اي كلمه تقولها ... تبي تخرب علاقتي فيهم ماحتقدر ... وبالطريق لما وداني بيت اهلي ... قام يعتذر وأنه مايقصد شي .. وقال لي انسي اللي قلته واعتبريه من ابليس ومدري ايش ... فمارديت عليه ...
|
رد: التغيير ..لماذا نتزوج ، مه
يمكن خاف تقولين لاخوانج مثل ما صغّر عقله وراح يقول لهم إنج تقولين عنهم مب رياييل!!
على كل حال .. احتمال الآن يخفّ ضغطه عليج بعد الكلام الكبير اللي قاله بحق اخوانج .. وبعد ما أبوه عرف بالموضوع. شكثر ناوية تقعدين عند أهلج؟ . . . تعقيباً على كلام أخي لماذا نتزوج .. فأحب أوضح نقطة: كل كلامي السابق بخصوص علاقتج باخوانج مب لأنهم أفضل من زوجج أو أنهم هم الأكثر حرصاً عليج (وفي الحقيقة بعض التفاصيل السابقة رايحة عن بالي مثل جزئية طمعهم السابق في حصتج إنتي واختج من الميراث اللي ذكرني بها أخوي لماذا نتزوج) .. لكن كلامي كان انطلاقاً من أنهم اخوانج إنتي .. وإنتي صاحبة الحق في تحديد إطار علاقتج معاهم. وأتفق مع أخي لماذا نتزوج .. انتي اللي تقدرين تحددين أكثر شخص ممكن تثقين فيه وتعتمدين عليه .. ويمكن الأصلح إنج لا تستندين على زوج ولا على إخوان بل على طرف آخر تماماً مثل عم أو خال مثلاً. |
رد: التغيير ..لماذا نتزوج ، مه
صحيح مهره ... لأن علاقته فيهم ممتازة من غيري ... وخايف اقولهم انه قال عنهم كذا ...
هم كانوا طمعانين اما الحين لا ... اخر مره واحد منهم طلب مني سلف مبلغ مره كبير فاعتذرت له .. بعدين ماقد فتحوا معي الموضوع ... واكتشفت بعدين انه تسلف من اختي اكثر مره من زمان اما الحين ما عاد يتكلموا معها بالسلف ... والى الحين مارجعوا لها المبلغ ... المهم بصراحه ثقتي بالكل تزعزعت ... بس هما فيهم خير والله ... بس زوجي نظرته سيئه لهم ... اخواني كل شهر يعطونا انا واختي مبلغ ... ولما قلت لزوجي انهم طيبين وكذا ... يقول على بالك من جيبهم ؟ هذا حقكم اصلا ... مابغى ادخل في هالموضوع ولا ابي الفلوس ... بس ابي اعرف ليه هو ينظر لهم انهم مو كويسين ..انا يهمني تعاملهم معي وحبهم لي .. مايهمني غيره ... اذكر مره الصغير طلب مني سلف ... وانا قلت له حاضر ... وبصراحه كنت ناويه اعطيه ... وكلمت زوجي ... قال لي لا تعطيه .. اذا تبين تعطيه قولي له انك بتتسلفين من زوجك وبتسلفينه له من فلوس ززوجك لأن فلوسك مخبيتها عند عمك ... لما قلت له كذا قال لي لا خلاص مابي بدبر نفسي عند اي أحد ثاني ... واذا قلت لزوجي حرام ليه كذا .. يقول معهم فلوس مايحتاجون سلف ... لو بيرجعونه كانوا رجعوا حق اختك ... دايم ظنه سيء فيهم ... ... مدري كم بقعد ... يدق علي ولا ارد ... مادري وش اقوله اساسا ... كلمت عمي يقول لي لا تردين عليه ... وانه كلمه ... ومخاصم له ... والحين هو معصب ... الواتس مو فاتحته .. خايفه من ردة فعله .. ويرسل نصيه .. انه ماتوقع مني اكلم أبوه وليه المشاكل تطلع للغير ومدري ايش ... قلت له اخواني تقول عنهم كذا ليش ... وليش تقول لهم اني قايله عنهم ماهم برجاجيل ... يقول انا امزح !! تخيلي هذا رده !! ... وانا تأسفت لك وقلت لك تنسين الموضوع و و و .. مارديت عليه ... |
رد: التغيير ..لماذا نتزوج ، مه
اللي يقهرني اكثر ... انه هو يتسلف مني عادي !! .. بس اخواني لا لا تسلفيهم ... عجزت افهمه .. احيانا مابي أسأل ولا ابي افتح على نفسي ابواب ماحتتسكر ... لأني شاريه راحة بالي ... ومابي وجع راس ...
وبرضو يحلف لي يمين بالله ان اللي تسلف من اختي ماحيرجع لها !! ةاذا سالته وش عرفك وليه كذا تحلف وواثق ... يقول اساليني عن اخوانك اعرفهم اكثر منك ! نظرته لهم مررره سيئه ولا اعرف السبب |
رد: التغيير ..لماذا نتزوج ، مه
في اشيا تصير بحياتنا ... واتجاهلها قد ماقدر .. ولا كأنها صارت ... واحيانا اكذبها ... مو عشان شي .. بس عشان لاني ادري بنفسي مو قد الحمل في مواجهتها ... ولا ابي أدخل نفسي بمتاهات ولا مشاكل مالها نهايه .. دايما ابعد نفسي عن اي شي يخص اهلي من اخواني واختي وحتى اعمامي ... اقول اللي علي بيتي هذا اللي اقدر اتحمله .. هل شخصيتي فيها خلل ؟؟ انا من زمان وانا كذا من لما كنت صغيره ... ياما كنت اشوف اشيا تصير قدامي .. أتم سااكته ولا اسال ولا أتدخل ولا كأني شفت ولا سمعت ... او اكذب اللي ااشوفه بعيني واسمعه بإذني ! كثير احداث تمر بذاكرتي ... واحطها بخانة الخيال عشان اعيش حياتي ... وعشان صورة اللي احبهم ماتتشوه عندي
ادري كثرت هرج بس حبيت افضفض .. وارتاح اذا تكلمت .. وفي اشيا كثيره كاتمتها مادري هل هي اللي اثرت على شخصيتي ولا لا |
رد: التغيير ..لماذا نتزوج ، مه
طيب بعد المواقف العديدة وبعد عشرتك لزوجك لفترة من الزمن
ماهي الاجابة (الحقيقية) التي تتوقعيها للسؤال : ليش تكره اخواني؟ |
رد: التغيير ..لماذا نتزوج ، مه
الى الحين ماتأكدت وش الاجابه الحقيقيه ! ... بس توقعاتي انه يكون خايف يأثرون علي واعطيهم اذا طلبوا مني فلوس ... او انه خايف اني انخرب مثلهم على حسب كلامه انهم خربانين ومدري ايش ..
ممكن اعرف وجهة نظرك ليش يكرههم ويكره تواصلي معهم ؟ قبل لايوديني بيت اهلي ... حلف لي انه يعتبرهم مثل اخوانه ويحبهم ويخاف عليهم !! تناقض !!! |
رد: التغيير ..لماذا نتزوج ، مه
شكرراا لك حبيبتي مهره ... وشكرا لك اخي لماذا ... جزاكم الله كل خير ... واعتذر اخذت من وقتكم 🌹🌹 ...
اتمنى ينغلق الموضوع وشاكره لكم 🌹 |
رد: التغيير ..لماذا نتزوج ، مه
اقتباس:
التناقض على ماذا يدلنا غالباً؟ اللي اعرفه انه يدلنا على : 1- ان احد الموقفين المتناقضين كذب والثاني صحيح. او 2- الموقفين كلاهما صحيح (لكل تصرّف ظروفه الخاصة). او 3- كلا الموقفين كاذبين ولايعكسو مابداخل زوجك (اما على طول واما حسب الوقت الذي قيلت فيه). انا صراحة ارجّح الحالة رقم 2 ولكن مع تعديل بسيط انه صادق جداً في اخر موقف قاله (يحبهم وانهم اجاويد والخ...) وانه صادق في الصفات السيئة التي نعتهم بها ولكن بشكل مبالغ فيه جداً (ممكن الصدق يمثل 15٪ في هذا الموقف والباقي (المبالغة في النعوت السيئة وفرض الحصار عنهم )عمله وزاده لتغطية عيوبه وتأمين مخاوفه)) |
رد: التغيير ..لماذا نتزوج ، مه
سمورة حبيبتي.. مهما بذلنا من جهد ما بنقدر نعرف السبب الحقيقي ورا تصرفات زوجج. لكن ما دام تصرفاته متطرفة ومبالغ فيها فهذا يعني إن في شي غلط .. إما أن هدفه مب بريء تماماً .. أو عنده مشكلة نفسية مع نفسه. يعني مهما كان ما توصل إنه يقذفهم في شرفهم .. وحتى لو افترضنا في أسوأ الاحتمالات أن كلامه صحيح .. بعد مب من حقه يحاصرج ويفرض عليج ما تتواصلين معاهم بهالشكل. صحيح هو اعتذر .. وهذه الجزئية ممكن تستغلينها عشان تحطين حد للي يسويه .. يعني خلاص ممنوع يتكلم في علاقتج مع اخوانج أو يتدخل في أي شي يخصكم مع بعض .. وانتهزي أي فرصة عشان تبينين له خيبة أملج فيه وإنج ما توقعتي إن السالفة توصل لقذف رياييل هم أهله وعيال عمه في النهاية. وخلاص يا سمورة .. لا تسألينه مرة ثانية عن السبب .. لأن في الحقيقة ما في سبب منطقي أو مقبول يعطيه هالحق. فقط أعطي كل طرف حقه من الاهتمام والواجب. |
رد: التغيير ..لماذا نتزوج ، مه
اقتباس:
ما دام الثقة تزعزعت في الجميع .. فمثل هالمواقف إذا احترتي فيها لا تشاورين زوجج. شاوري طرف محايد يغلب على ظنج إنه عقله كبير وحقاني وما بيستفيد منج .. أمج .. عمج .. خالج. |
رد: التغيير ..لماذا نتزوج ، مه
اقتباس:
التجاهل والتكذيب ما يفيد دائماً يا سمورة .... يمكن مقبول في بعض الأمور اللي ما تمسّج بشكل مباشر .. لكن في المواقف اللي تكونين طرف فيها لازم تشوفينها وتقيمينها صح .. عشان تصرفج يكون صح. أكيد حلو إن اللي نحبهم تكون صورتهم حلوة في عيونا .. لكن إن كانوا هم اللي يشوهون صورتهم بأفعال أو مواقف سيئة فما ينفع نعمل نفسنا مب منتبهين. |
رد: التغيير ..لماذا نتزوج ، مه
اقتباس:
إنتي تحملتي كثير .. وكلامه الأخير عن اخوانج هو القشة .. طبيعي تنفجرين في النهاية. ويمكن خيرة من الله عشان المهزلة اللي هو عاملها تنتهي. |
رد: التغيير ..لماذا نتزوج ، مه
اقتباس:
يعطيك الف عافيه اخي ... اخواني مو سيئين مثل ماهو قال ... وكل انسان مو معصوم عن الخطا ... هم صحيح فيهم اشيا مو كويسه .. بس ماتوصل انهم سيئين مثل ماهو ذكر ... مثل ماقلت انت انه بالغ كثير ... شكراا لك |
رد: التغيير ..لماذا نتزوج ، مه
اقتباس:
ادري يامهره ... فعشان كذا طلبت اغلاق الموضوع ... لاني حتعبكم علعالفاضي ... الحين هو ووعدني مارح يفتح موضوع اخواني ... من ببعد ماتأكد اني ما قلت شي حق أخواني ... وعمي قال لي لو قال لك شي او منعك من شي اقوله ... وزوجي يقول لي بلاها تطلع مشاكلنا لابوه ... الله يجزاك خير حبوبه .. |
رد: التغيير ..لماذا نتزوج ، مه
اقتباس:
ان شآء الله 🌹 والله صرت متخوفه من الطرفين ان شاء الله ربي بيعين اقتباس:
ان شاء الله اغير من نفسي ... جد محتاجه اتغير في هالنقطه .. لاني تضررت كثير بشخصيتي هذي ... تسلمين يامهره 🌹 |
رد: التغيير ..لماذا نتزوج ، مه
اقتباس:
|
رد: التغيير ..لماذا نتزوج ، مه
ربي يصلح حالكم.
موفقة حبيبتي. |
رد: التغيير ..لماذا نتزوج ، مه
امين يارب ... تسلمين حبوبه وربي يعطيك ألف عافيه 💓
|
رد: التغيير ..لماذا نتزوج ، مه
صباح الخير ... حبيبتي مهره واخي لماذا ... ممكن تعطوني رايكم اذا انا ماشيه صح ولا لا ... والموقف اللي بذكره الحين .. تصرفي وتعاملي صحيح ولا لا ... وجزاكم الله خير ....
اولا .. الحمد لله احس نفسي مرتاحه ومافي مشاكل الا هالموقف ... ثانيا ... حصل موقف قبل امس ... بعد مارجع من صلاة التراويح دخل الغرفه ... وطلب مني عصير ... ولما جبت له ... قلت له وانت نازل نزله معك لان عمتي الحين تبيني ... وانتبه الولد نايم لا يصحى ... وكان مركز عالجوال وقال طيب ... وانا نزلت اخلص شغل مع عمتي ... وشوي نزل وجلس معنا ... ولما خلصت قلت بطلع اصحي ولدي ... حصلته قاعد عالارض كله زجاج من الكاسه اللي طاحت وانكسرت ورجله مليانه دم ويصيح ... والاخ حضرته شرب شوي وحطه بالكومدينه اللي جنب السرير .... وهو اكيد لما صحى شاف العصير ويبي يشرب وطاح عليه ... ناديت زوجي يجي ياخذه المستشفى ... قعد يصرخ علي قدام امه ... انتي مهمله شلون تحطين الكاسه قدامه وانتي تدرين انه شيطان مايخلي شي ... قلت له خلنا نوديه المستشفى بدل الكلام اللي مامنه فايده ... ولبست عباتي بسرعه ونزلت ماحصلته ... اخذ ولدي وراح .. وتاركني محروقه ... قلت معليه شوي وادق عليه يطمني.... نص ساعه ورجعت ادق عليه ... جواله مغلق ... هو متعمد يسوي هالحركه ومو اول مره ... يبي اعصابي تنفلت ... وعمتي كل شوي تقول لي دقي خليه يطمنا على الولد ... واقولها مغلق .. بالاخير قلت لها بعصبيه ... ولدك مسكر جواله افهمي ياعمه يبي يحرق اعصابي ..، وطلعت غرفتي وجلست ابكي احس نار بقلبي ... وكل شوي اتصل ومغلق ... بعد ساعتين رجعوا ... دخل الغرفه وقال لي انزلي شوفي ولدك ونتيجة اهمالك ... نزلت من غير ما ارد عليه ... والحمد تطمنت عليه .. سووا له تنظيف الجرح من الزجاج وخيطوا له رجله ... اعتذرت لعمتي ... قالت معذوره وولدي ماكان لازم يسكر الجوال ... جلست شوي معها ومع ولدي ... جوالي يرن قاعد يتصل فيني زوجي ... اخذته وحطيته سايلنت .. وهو نزل معصب ... ساعه ادق ماتردين ... قلت له مانتبهت جوالي كان صامت ... قال صامت ولا ماتبين تجين ... عارفه انك غلطانه وتتهربين ... قلت له تعال فوق نتكلم ...لانه اخته وامه قاعدات بالصاله ... قال كنت ادق عليك عشان نتفاهم فوق بس دامني نزلت بنتفاهم هنا ... انا اخذت ولدي وطلعت الغرفه ..،من غير ما ارد عليه ... وهو جا ... وقعد يصرخ ويعصب ماتحترميني قدام اهلي تتركيني وتطلعين شنو انا طرطور ومدري شنو ... قلت له انا محترمتك ولا تركتك ومشيت ... انا عشاني محترمه وجودهم ومابي يحسون بالحرج طلعت ... سكت شوي ... ورجع قال انا ماقد شفت اهمال مثل اهمالك ... قلت له .. هذي كاسة مين مين اللي شرب فيها ! قال المفروض تتفقدين اذا في شي بالغرفه خطير تاخذينه ... وشلون تتركين الولد ينام لوحده و.....《 سيل من عرض اغلاطي 》... قلت له خلصت ! قال لو اقعد من اليوم لبكره ماحخلص ... قلت له طيب ... انا ان شاء الله اذا شربت شي بنزل كاستي معي ... غلطه وتعلمت منها ... واذا جبت لك شي تشربه ... بطنش عمتي اللي تنتظرني اساعدها واقعد انتظرك تخلص واخذ الكاسه معي ..، تبي شي ثاني ؟ قال ايه تتمسخري وتاخذيني على قد عقلي يلا انقلعي ... وامس مايكلمني ... وانا اتكلم معه عادي ... ومايرد علي واذا رد يكون من طرف خشمه ... عمي امس لاحظ قال وش صار في شي ... قلت له مافي شي بس زعلان على ولده ... قال عمي ان شاء الله يومين ويصير بخير ... زوجي قال له بس الاهمال من الام وعدم المسؤليه مستمره ... انا ساكته وعمي قال استهدي بالله ربي كاتب يصير هالشي ... الحين هو محملني مسؤولية اللي صار ... وانا ساكته ... اكمل كبت وقهر ولا انفجر ؟ |
رد: التغيير ..لماذا نتزوج ، مه
وعليكم السلام ورحمة الله وبركاته
الحمد لله على سلامة الولد الله يحفظه ويحميه لكم بالنسبة للموقف: ماهو فرق تصرّف زوجك في هذا الموقف عن موقف ضياع الولد في السوق؟! اليس التصرّف هو نفسه ! يهمل + يلقي باللوم عليكي + ينتظر اعتذار منكي + ثم يتصاعد الموقف بينكما صح ولا لأ؟ |
رد: التغيير ..لماذا نتزوج ، مه
انا مدري ليه يخاف يتكلم ويعترف ... او عالاقل يسكت مايرجع غلطه علي ... وانا والله مابذبحه مابضربه مابسجنه ... ليه كذاااا ؟؟؟ ودي اسأله انت ليه كذا ... وش هالشخصيه اللي عندك ... اذا ماتبي تعترف اوك عادي مابقولك اعترف غصب بس لا ترمي غلطك علي ... طيب هوو ايش يبي لما يرمي اغلاطه علي ؟ ... هو استعباط او عدم احساس او شنوو ...
|
رد: التغيير ..لماذا نتزوج ، مه
اقتباس:
يفرق اني هالمره ماراددته ولا قلت له انت الغلطان ..ولا دخلت معه بنقاش ... |
رد: التغيير ..لماذا نتزوج ، مه
المطلوب منك انك :
1- تفهمي شخصيته (بالملاحظة والقراءة ) 2- تسلّمي وتقبلي هذه الشخصية 3- تغيري من نفسك كي تتعاملي مع هذه الشخصية بأفضل شكل ان عملتي الخطوات السابقة ودعوتي الله التوفيق فسوف تحصل الخطوة الرابعة 4- سوف تتغير شخصيته بمشيئة الله تعالى وياريت (وهذا الاهم) قبل عمل الخطوة رقم 1 انك : 0- تفهمي شخصيتك انتي بالأول. |
رد: التغيير ..لماذا نتزوج ، مه
طيب شو تتوقعين اللي بيصير لما تنفجرين؟!! . . . يا سمورة قلت لج لا تطولينها وهي قصيرة. إلقاء اللوم عليج حفظ لماء وجهه .. لأن إذا مب إنتي اللي غلطانة فهذا معناه إنه هو الغلطان .. وزوجج ما يبغي يفشل نفسه جدامج .. ولا جدام أي حد ممكن يعرف باللي حصل. وكل هالبربرة اللي يبربرها فوق راسج وجدام أهله هي تعزيز للكذبة اللي كذبها ولازم الكل يصدقها. التصرف الصحيح هو: (حقك علي أنا آسفة) بكل هدوء .. ثم السكووووووووت. رجع فتح الموضوع والتأنيب مرة ثانية؟ .. قولي: أنا آسفة .. ثم السكووووووووت. إن شاء الله يأنب فيج أسبوع. إنتي عارفة إنج ما غلطتي .. وعارفة إنج نبهتيه ينزل الكاس معاه وهو طالع من الغرفة .. وهو بعد عارف. وانتو الاثنين عارفين إنها حركات. يعني إنتي مب محتاجة تناقشينه وتثبتين من اللي غلط ومن اللي ما غلط .. ولا حتى له داعي تقولين المرة الياية بانتبه وأرفع أي شي ممكن يأذي اليهال. . . . ما يشوف شر ولدج وحمدلله على سلامته. |
رد: التغيير ..لماذا نتزوج ، مه
اقتباس:
انا شخصيتي عارفتها فاهمتها ... واحس انا االصح فكيف اغيرها ... اانا اقدر اتغاضى ... واسكت .. بس ودي هو يتغير لان انا عايشه معه لاني اشوف هو الغلط لاني احبه وماحب اشوفه كذا ... ماحب اشوف الناس يستغلوا سذاجته هالشي يقتلني رمي اغلاطه علي تهون ياخي ... بس احس ذا تراكمات بسبب شخصيته ... يحاول يخفف من اللي داخل قلبه ويبرز نفسه علي ... طيب هو ليه مايتغير .... تدري ان أكثر شي قاتلني ... ان كثير كثير كثير يصيراشيا وزوجي يتحمل الغلط مع انه مش غلطه هو ... طيب هو لما يغير شخصيته ويوقف بوجيهم وويقولهم انا مو غلطان ... ماكان يرمي اغلاطه علي .... هو قاعد ينفس على روحه فيني ... استسلم يعني وواخليه ملطشه للناس ويرجع يفرغ قهره فيني ...؟ |
رد: التغيير ..لماذا نتزوج ، مه
اقتباس:
الشر مايجيك حبيبتي تسلمين .... انا هذا اللي مسويته ... والله اعتذرت له ... ولحد اليوم يلومني .... اليوم عالسفره غصب عني ضحكت وماقدرت أوقف ضحك ... تخيلي متجمعين كلنا يقول قدامهم ... وش شعورك لما تشوفين ولدك مايقدر يلعب ويركض بسببك ؟ من جده ذا؟ مو بصاحي والله ... غصب انفجرت ضحك ... وبنفس الوقت وربي اني راحمته ... واعتذرت له قلت له الجرح مو عميق كلها كم يوم يفكوا الغرز وبيرجع لشطانته ... يقول بالله ضميرك مايأنبك !!! مدري هو يستعبط او ان وده يقول هالكلام لنفسه او وده يقول للاشخاص اللي غلطوا وهو اللي تحمل اغلاطهم .... يامهره انا مستعده اتحمل اغلاطه واسكت ... واذا لامني اقوله اسفه واسكت ... بس ابيه يتغير .. شكله مابه أمل 😔 ... ربي يفرجها من عنده يعطيكم اللف عافيه ... وجزاكم الله كل خير ... واعتذر اخذت من وقتكم ... مشكورين 🌹🌹🌹🌹🌹 .... |
رد: التغيير ..لماذا نتزوج ، مه
هل تكلمتي معاه سابقاً بخصوص أسلوبه ورضوخه وانسياقه للآخرين؟ |
رد: التغيير ..لماذا نتزوج ، مه
اقتباس:
|
| الساعة الآن 12:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©