|
|
شوبارد
فيه واحد دخل على بنت وشافها ....بعد كذا ما جازت له لانه حس انها افضل منه في شغلات هو مو قدها رفضها.....راح لواحد من زملاه وقله عليها وليش رفضها وعلى شكلها لما شافها زميله استأذن مباشره منه وقام وعلم امه عليها وهم الان متزوجين الثاني لما دخل يشوف زوجته الشوفه الشرعيه وعنده خبر ان فيه ما لا يقل عن ثلاثه شباب شافوها قبله بس ما صار نصيب....كان خايف انه يكون الرابع اول ما شافها ارتاح لها في يوم الملكه.....قال لها ايش اللي ما اعجبهم فيك؟ احد يخلي وحده مثلك ويدور غيرها اكيد فيك شي مميز وحفظك الله لي ولا يسرك لهم.... وهو الان متزوج بها ومخلف ومتمسك بها تقولين سبيكة ذهب القصتين واقعيه وصارت لناس نعرفهم.....لا تشدين على نفسك ابد فعلا شوفي اخوانك تعجبهم ممثلات وفنانات في التلفزيون ما يعجبونك انتي....صح؟ انا اشوف اخواني....عليهم ذوق احيانا مدري كيف صاير مرات تعجب الرجل مرأه تنفر منها النساء والعكس صحيح هي كلها ارزاق ونصيب حبيبتي دمتي في حفظ الله |
بصرااااااااااااااااااحه ..
أنا أحس ان الاسلوب المتبع .. يذذذذذذذذذذذذذذذذذبح البنت ! ليش ..ما يكون في اسلوب يرحم حالها وما يعرضها لها لمواقف كلها !!!!!! بصراحه حبيباتي .. في مجتمعنا ..ماعدنا هالطريقه البنت ..تنشاف من قبل الأهل بأي طريقة ( وبدون علمها غالبا).. ولما يصير القبول ..(وبدون ما تدري البنت ) .. يبدأ الأمر مع الشاب بأن يشوف لها كذا صورة .. فإذا صارت الموافقه المبدئية من قبله ..ممكن بعدها تكون الرؤيه الشرعيه.. أما الوضع الحالي .. كل يوم ريال يشوف .. وكل يوم أستعرض نفسي جدام شاب من الشباب ..وبعدها انرفض! يذذذذذذذذذذذذذذذذبح لذلك الرحمة باخواتنا .. ليش ما تتغير هالطريقة .. ويشوفها أول شي من خلال صور ..(وبدون زينه أو مكياج ..وصور تكون واضحة وواقعيه ) وبعدين ممكن تكون الرؤيه الشرعيه .. وبعدين حتى لما يشوف صورها ..واااااااااااااااايد نفضل ان البنت ما تدري بالأمر ..ويكون بالتعاون مع أمها أو اختها عشان ما تنجرح .. لكن الوضع الحالي..:29: :29: :29: :29: |
اللهم ارزق اخواتنا ازواج صالحين يارب واسعدهم وبارك لهم في حياتهم
اخواتي اكثرن من الاستغفار والدعاء ليلا ونهارا والفرج باذن الله قرررررررررررررررررررررريب |
حبيبتي شوبارد تبين اهون عليج انزين سمعي
شرايك بالبنت اللي يتقدمون لها وايد وتصير المقابله الشرعيه والمتقدم وهله كلهم ينعجبون بالشكل وبطريقة الكلام والاسلوب وغيره و يمدحون ليما يتعبون ، انزين والبنت من اول ما يطلعون تحس بانها مب مرتاحه او مختنقه او ان لا لا مب اهو المطلوب مالها الا ترجع حق رب العباد الكريم وتصلي استخاره وطبعا ما تحس بشي غير انها ما تبيه لا مب اهو. وبعدين الموقف المحرج اللي ينحطون في الاهل للرد على اهل المتقدم بالرفض وتانيب الضمير اللي تحسه البنت والكلام اللي ناس تقوله بانها ما تبي اتزوج او يمكن عندها احد معين مع اني الحمد الله ينضرب فيني المثل بالاخلاق بس الناس لازم تسبب هالامر لانه مب طبيعي انا ما لوم احد شرايك بهالاحاسيس وامها كله اتصيح وتقول بيضيع عمرج وانا لازم احصل حل لان اللي انتي فيه مب طبيعي اكيد سحر او عين (معذوره لان العدد مب طبيعي) تصوري ان هذه البنت اهي انا تعبت صرت اخاف ان احد يتقدم لي ما ابي احد يتقدم لي لان الصراع اللي اعيشه مع نفسي علشان اضغط عليها علشان اوافق والصراع والمناقشات اللي مع هلي وبعدين الاحراج اللي اوضع هلي فيه وتانيب الضمير على احساس الشخص اللي متقدم لي والكلام اللي صار وبيصر حولي . انا اعيش صراع نفسي والله مب هين الله لا يكتبه حق احد . لا تفهمون من كلامي السابق اني انا رافضه الزواج بالعكس انا ابي اتزوج واكون اسره وعائله وكل يوم احلم بهذي الشي ما تصورين واتم احسب اشكثر فرق بالسن بيصير بيني وبين ابني وا بنتي اذا الله كتب واعطاني الذرية والزوج . بس ارجع اصبر روحي واقول الله دائماً كاتب لنا الاحسن وهو الكريم لا يحمد على مكروه سواه. حبيبتي حبيت اقولك قصتي بس علشان تهونين على روحج يقولج من يسمع مصيبت غيره تهون عليه مصيبته والله يكتب لج اللي فيه الصلاح ويرزقج بالزوج الصالح (وماتدرين يمكن نكون من حور الجنان) الله كريم والحمد الله على كل حال وامر |
والله شي يقهر ويفطس قلة الزواج يا جماعة .... ما تستغربون احيانا ابكي وابكي وابكي لاني مش متزوجة .. خاصة طبعا لما اشوف الصديقات والقريبات متزوجات بعيالهم .. اشي اصغر مني واشي من عمري :29: انا ما تقدملي احد الى حد الان .. لكن اتمنى يتقدم احد وحتى لو ما صار نصيب مو مشكلة مبدئياً ... على الاقل يقولون تقدم لها فلان وما صار نصيب .. أحسن من لا شي :( واحنا عاد مجتمع يقدر العوانس :23: يعني حتى اللي ناسية يذكرونها ... الله يسهل عليا وعليك يا شوبار وعلى كل بنت نفسها تتزوج قولو اااااااااااااااااااااااااااااااااااااااااااااااااا امين يارب أختكم عذراء حزينة العمر فقط 30 سنة |
حبيبتى شوبارد
بالنسبة لموضوع ان البنت تعجب النساء ولا تعجب الرجال؟ فاعتقد هذا الموضوع صحيح .. لان مقياس الجمال يختلف من شخص لاخر .. يعنى ممكن انا اشوف جميلة كتير حلوة وواحدة تانية تشوفها ولا فيها شى من الجمال .. وهيدا واحنا بنات مثل بعض .. فما بالك بالرجال اكيد مقياس الجمال عنده بيختلف وبيكون له مواصفات تانية .. ومثل ما حكوا الاخوة ياما بنات مالهم صلة بالجمال لكن ما شاء الله متزوجين رجال ما شاء الله عليهم .. وهنا هو رأى فيها ما لم يراه احد غيره وميزها عن غيرها من الفتيات اجمعين .. فما تشغلين بالك باللى يتراجع هيدا اصلاً ما عنده شخصية ولا يقدر يتحمل مسئولية واعتقد انك تريدى رجال بمعنى كلمة رجال وانه يقدر يتحمل نتيجة كلامه ويكون كلامه فى موضعه .. الله يرزقنا جميعاً بالازواج الصالحين والذرية الصالحة عاجلاً غير اجلاً |
يا حبيبتي يا شو بارد
شوفي شو صار مع اخو زوجي ما شاء الله عليه شهاده ودين واخلاق ومال وجمال وعمره 31 سنه تقدم لخطبه 10 بنات وتم الرفض من قبل البنات مع ان الاهل لما نذهب للخطبه يعطوا موافقه مبدئيه عليه بعدها البنت ترفض فطلع الشباب ايضا بيعانوا مثل البنت حين يتم الرفض والله يوفقك ويبعث لك الزوج الصالح بأسرع وقت ممكن |
حبيبتي شو بارد
انا يمكن اكثر وحدة احسست بإحساسك لأني مررت بنفس تجربتك يالغالية واني تقريبا بنفس مواصفاتك على الاقل من ناحية الطول الكل يقولون طويلة وجذابة وجميلة واسلوبك رائع ومعاملتك حسنة و ...و ... و .../////هذا طبعا في معشر النساء لكن الرجال .......... لا شيئ لكن آمنت بأن كل شيء نصيب تصوري احيانان يتعدى الموضوع النظرة الشرعية وعنج الاتفاق على برنامج الخطوبة يتعطل كل شيء زكأن شيئا لم يحصل واحيانا بعد النظرة الشرعية فورا ينتهي الأمر بودون سابق انذار وهكذا هي الحياة فلو كان في احد ممن سبقو لي فيه نصيب لما تأخر في اكمال الموضوع فلربما يكون من نصيب وحدة اخرى عموما اخيتي وغاليتي ..........تمسكي بربك ودينك ودعاؤك وتضرعي لله فما اصابك لم يكن ليخطئك وما اخطأك لم يكن ليصيبك الله يرزقنا جميعاً بالازواج الصالحين والذرية الصالحة عاجلاً غير اجلاً |
شوبارد
انا ما قلت الا الصح وما احب المجامله انا بتكلم لك بصراحه انا بنت عمري 19 سنه وعلى صغر سني الا ان عندي خبرةعاااااااااااااااااااااااليه في الحياة الزوجيةلدرجة (وما ابالغ) ان اخواتي المتزوجات يرجعون لي في مشاكلهم ومثقفه وواعيه ومستقيمه ما امدح نفسي لكن هذه صفاتي وانا واثقه ثقة تامة ان قادرة اني اسعد شريك حياتي فلو قدر الله وتعرضت لخطبه وانسحب المتقدم راح اقول في نفسي اللي قلته لك لانه هو لو داري اش في نفسي كان ماراح وخلاني بس حظه ردي ماله داعي اتحطم وافقد ثقتي بنفسي بسبب نظرة الناس لكل عين نظرة ابغى احد يوافقني الرأي اللي اقوله اشوف انه صحيح |
حبيتي شوبارد ..أنا أشوف في المرة اليايه بإذن الله أصري انه يشوف الصورة أول شي ..فإذا كان في موافقه مبدئيه تكون الرؤيه ..
وبيكون أحلى وأحلى لو تخبرين أمج بالأمر ويكون الأمر بينها وبينهم بدون ما تدرين لحد ما تكون الموافقه .. حبيبتي ..لولو .. يعلم ربي اشكثر كنت أفكر فيج ونفسي أتطمن على حالج .. وأنتظر بفارغ الصبر المفاجأة الحلوة ..لكن قدر الله وما شاء فعل .. القلب ينجرح صح ..لكن ..بالرضا نزين قلوبنا وبإذن الله الفرج قريب .. عسى الله يفرحنا فيج عن قريب.. |
لا تخافي يا شوبارد ترى الكل مر نفس موقفك واكثر ... كثثثثثثثثثثثثثثثثثثثثثثثثثثير ذيك واتزوجوا وخلفوا بعدها واهو ماشالله عليهم مبسوطين فلا تنقهري سبحان الله يمكن انتى شايفة العريس جدا كول ومميزاته تعجب كل بنت بس لو عشتى معاه حتكرهي اليوم الا فكرتى تتزوجه ...
انا مرة من المرات جانى دكتووووووووووور يا عالم كنت اتمناه تمنى الدكاترة يخطبونى وبعد الشوفه رفضنى علشان انا قلت ما ابغى اعيش بعيد عن اهلى تخيلي التخلف انا قلت بس ما اصريت يوم الشوفة قلتله اناموافقه خلاص وبعدها ما اتصل ولا شيء ولا اهله وخلاص بكيت لحالى في الليل و خلاص بعدها نسيت الموضوع وطنشت وماما كانت ترفع ضغطي بس تقلي انتى وحشه علشان كذا وكل البنات الا قدك اتزوجوا وانتى جالسة ومن هذا الكلام الا يقهر والحمدلله على كل حال |
اقتباس:
زي تماما اكثر من واحده تكلمني وتقول في واحد بييدور على عروس وتاخذ رقم اهلي وبعدين لاحس ولاخبر QUOTE=الريم 80 حبيبتي شوبارد تبين اهون عليج انزين سمعي شرايك بالبنت اللي يتقدمون لها وايد وتصير المقابله الشرعيه والمتقدم وهله كلهم ينعجبون بالشكل وبطريقة الكلام والاسلوب وغيره و يمدحون ليما يتعبون ، انزين والبنت من اول ما يطلعون تحس بانها مب مرتاحه او مختنقه او ان لا لا مب اهو المطلوب مالها الا ترجع حق رب العباد الكريم وتصلي استخاره وطبعا ما تحس بشي غير انها ما تبيه لا مب اهو. وبعدين الموقف المحرج اللي ينحطون في الاهل للرد على اهل المتقدم بالرفض وتانيب الضمير اللي تحسه البنت والكلام اللي ناس تقوله بانها ما تبي اتزوج او يمكن عندها احد معين مع اني الحمد الله ينضرب فيني المثل بالاخلاق بس الناس لازم تسبب هالامر لانه مب طبيعي انا ما لوم احد شرايك بهالاحاسيس وامها كله اتصيح وتقول بيضيع عمرج وانا لازم احصل حل لان اللي انتي فيه مب طبيعي اكيد سحر او عين (معذوره لان العدد مب طبيعي) تصوري ان هذه البنت اهي انا تعبت صرت اخاف ان احد يتقدم لي ما ابي احد يتقدم لي لان الصراع اللي اعيشه مع نفسي علشان اضغط عليها علشان اوافق والصراع والمناقشات اللي مع هلي وبعدين الاحراج اللي اوضع هلي فيه وتانيب الضمير على احساس الشخص اللي متقدم لي والكلام اللي صار وبيصر حولي . انا اعيش صراع نفسي والله مب هين الله لا يكتبه حق احد . لا تفهمون من كلامي السابق اني انا رافضه الزواج بالعكس انا ابي اتزوج واكون اسره وعائله وكل يوم احلم بهذي الشي ما تصورين واتم احسب اشكثر فرق بالسن بيصير بيني وبين ابني وا بنتي اذا الله كتب واعطاني الذرية والزوج . بس ارجع اصبر روحي واقول الله دائماً كاتب لنا الاحسن وهو الكريم لا يحمد على مكروه سواه.[/QUOTE] نفس الشي حصل معاي ومره واحد شافني وبعدها لاحس ولاخبر مع اني عارفه نفسي وواثقه من نفسي بس زعلت لانه شخص غريب شافني تمنيت زيك مايشوفني الا زوجي وبس بس بعدين حمدت ربي لانه بجد مايستاهلني شوبارد لسه ماجاء اللي يستاهلك ويعرف قيمتك لاتزعلي على اللي راح وباذن الله بيجيك اللي احسن منه ا |
أختي شوبادر
لاتحزني إن الله معنا والزواج هو رزق من الله مو من عند الناس يعني لو شافوك 10 رجال وأعجبوا بك وربي مو كاتب مايتزوجونك أكثري من الدعاء وأحسني الظن بالله ولا تتعبي نفسيتك (وفي السماء رزقكم وما توعدون ) |
اختي كوني تايقة في نفسك ورزقك راح يوصلك بادن الله
|
اختي شوبارد
مهما اشتكيتي الناس ما راح ينفعونك بشي ما نافعك الا ربك اللي خلقك ورزقك وكلنا مرينا بهالشي يعني قليل من تتزوج من اول واحد يخطبها اقرعي باب السماء وقوي علاقتك بربك واستغفري وادعي الله ليل نهار ان يرزقك ويحطك فيما يسرك وفي الليل صلي لك ركعتين وادعي في سجودك وطووولي في الدعاء وابكي لربك وتضرعي والله سبحانه وتعالى قال (واذا سالك عبادي عني فاني قريب اجيب دعوة الداعي اذا دعان) تاملي في الايه وطبقيها وتذكري اية(امن يجيب المضطر اذا دعاه) وانا وانا اختك اذا ضاقت علي الوسيعه اتذكر هالايتين وينشرح صدري والجا الى ربي حتى بعد الزواج لاتتوقعين ان الدنيا صفت لك خلاص وانك انزح عنك الهم خلي الايات هذي قدام عيونك وتذكريني وادعي لي ان ربي يفرج همي واوعدك ان شاء الله اني اذا رحت اعتمر باذن الله الاسبوع الجاي ادعي لك انتي وكل الاخوات بالازواج الصالحين وبخلي خالد واخوانه يدعون بعد توهم صغار ماعليهم ذنوب ان شاء الله ربي يتقبل منهم والله اني حابتك وعندي احساس اني اعرفك وانك من اقاربي بعد دعواتي لك اختي |
أريد أن أقول كلاما كثيرا جدا ولكن سأكتفي حاليا بجملة صغيرة وربما لي عودة لأقول ما في نفسي , الجملة الصغيرة قالها لي زوجي والحمد لله من قبل ومن بعد قال : ( عندما رأيتك على ما أنت فيه من الصفات قلت الشباب عميان ! )
شوبارد لقد أعجبتني جملة أخونا الكبير جدا والفرس الأصيلة مالها إلا خيالها . واللهم أرزق أختي في الله شوبارد وأخواتي في المنتدى واللاتي لم يتزوجن أزواج صالحين يقولون لهم هذه الجملة لأنهم فعلا يستحقونها . |
شوبارد
الرؤية الشرعية حكمة من الله عز وجل لرضا كلا الطرفين ببعض ليس الرضا بالجمــــــــــال لاياغالية وانما هي الراحة النفسية فالحب يولد بين الشخصين في تلك اللحظة شوبـــــــــــارد سهام الليل لاتخطيء فلاتغفلي عنها فلما ضاقت واستحكمت حلقاتها ................ فرجت وكنت أظنها لاتفرج اسأل الله لك ولبنات المنتدى الخيرة من عنده سبحانه أكثري من الاستغفار ومن الصدقة فهي دافعة للبلاء تعمدي اخراج الصدقة بنية رفع ما بتليتي به من لدن القادر سبحانه تحياتي عقوداللؤلؤ |
اختي شوبار ,,,,,,,,,,اولا الزواج قسمه ونصيب ومومعنى ان اي بنت تأخرت بالزواج ان فيها عيب
ماشالله من متابعتي لمشاركاتك ,ايقنت بأنك جوهره من الجواهر والجواهر لا يستطيع اي رجل ان يمتلكها ...............الا اذا كان قادرا وكفوا لها يا خيتي خلي ثقتك بنفسك كبيره ................. وتذكري دائما انك جوهره أسأل الله العظيم رب العرش العظيم أن يرزقكِ الزوج الصالح ولكل بنات المسلمين عاجلا غير آجل بفضله ورحمته ومنه وكرمه |
الله يجزاكم خير ويوفقكم مشكورين على اهتمامكم جميعا بس احس انكم أخذتو فكرة غلط لما قلت غرور
افهموني ارجوكم مثلا طالباتي بعد مرور شهر من تدريسي لهم يقولون استاذة اول ماشفناك واول مادخلتي علينا قلنا شكلها مغرورة وشايفة حالها بس بعد مادرستينا وعرفناك تغيرت النظرة جدا متواضعة معنا وحدة بزواج شافتني أسلم على وحدة من اقاربي.. قالت لي والله وانا اشوفك تمشين قلت شايفة نفسها هذي لكن يوم شفتك تسلمين على قريبتك شفتك مباشرة تبتسمين بوجهها وتسولفين عادي جدا حسيت بفرق وانت تمشين عن وانت تسلمين كأنها شخصيتين متناقضتين فهموتني؟؟ يمكن طولي يعطيهم هالاحساس او لأني دايم امشي وانا ارافعة راسي لأني انحرج من نظراتهم وهالشي ماأثر علي كثير ..يعني اللي يراقبني شوي يعرف شخصيتي مباشرة ومنظري هذا بس يشووفونه الحريم وأثناء الشوفة الشرعية شكلي ومشيتي غيييييييير تماما خوف وحيا وربكة وحالتي حالة |
قسمة ونصيب
وقد يكون تاديب من رب العالمين لعبد توكل على الاسباب (جاه منصب جمال مال واسطه ال....خ) ونسي خالق الاسباب فكان توكله على الاسباب لا على الله فقوي ايمانك بالله ولنعلم جميعا ان الامر كله بيد الله يعطي من يشاء ويمنع من يشاء ويعز من يشاء ويذل من يشاء ويرزق من يشاء ويحرم من يشاء ولكل شي اسبابه ولا يظلم الله عباده ولا ننسى ان العبد يحرم النعم, ويرد دعائه, بسبب ذنوبه اعانكي الباري ورزقك ما تتمنين وبإذن الله سيوفقك الكريم العليم بامور عباده بزوج صالح يتقي الله فيكي |
اقتباس:
آسفة حبيبتي والله حاسة فيج.. بس أخاف اللي تسوينه غلط فسألت وجبت لج الفتوى.. وسامحيني إذا ضيقت صدرج.. بس نصيحة.. مو كل من قال يبغي يشوفج على طول تطلعين له.. أولا خلي أهله يشوفونج.. ويوصلون له مواصفاتج الشكلية وأخلاقج.. إذا وافق.. يشوف صورتج.. وإذا شفتوا إنهم جادين.. ممكن تقعدين معاه في الشوفة الشرعية.. لا تخلين الخجل اللي فيك بمنعك من الابتسامة.. (أقصد في كل مكان وجميع الأوقات كالفرح والعزايم..) لأن فعلا.. البنت اللي دايما ساكته ماتبتسم مع الناس يشوفونها مغرورة.. http://www.66n.com/forums/showthread.php?t=87586 والله يوفقج... |
شوبارد
رزقك الله الزوج الصالح عاجلا غير اجل ابغى اقولك شي بخصوص انك مغرورة وسلامتك من الغرور يمكن الناس تشوف النت كله كذب في كذب ونفاق , والبعض مايحس بالامان فيه ويشك بالي جالس يكلمه لكن انا بقولك شي عزيزتي من ردودك واااااااااااااااضح جدا اني انسانة حبوبه حنونه محترمة ورفيعة المستوى صريحة ماشاء الله عليكي وردود تدل على مدى وعيك واحساسك المرهف ولا اشوف انك مغرورة شوبارد انا مين بالنسبة لكي او انتي مين بالنسبة لي انا وانتي وكل البنات هنا جمعنا سبب واحد وان شاء الله يكون الخير فانا مااعرف غير شوبارد الي معانا هنا فلا تتوقعي اني اجاملك او اقول هالكلام عشان اطيب خاطرك بالعكس اقوله ورب العباد يشهد علي اني ان شاء الله صادقة شوبارد فيكي اشياء مشابه لي وحتى ظروفك وقصتك واحيان ملامح الانسان تدل على غروره او دلعه لكن وبالعكس يمكن تدل على ثقته بنفسه وانتي عارفه ايش حلاوة الثقة بالنفس اما موضوع الطالبات فانت عارفة سنهم حرج لازم ندخل عليهم مشدودين شوي ونخلق حاجز بينهم من كدا يخافون ويفسرون هالشي بالغرور لكن عااااااااااااادي الله يفرج عنا ياقمر ويرزقنا بالطيب الصالح الحنوووووون الي يعوضنا عن كل شي والله ياشوبادر امس اجتمعت بزميلات وصديقات الجامعة كلهم ماشاء الله ( الله يوفقهم ) متزوجات وعندهم اولاد الا انا لدرجة اني ضعت بينهم سارت احلامهم غير احلامي وسوالفهم غير سوالفي وانا مكانك سر ياشوبارد خاطري احد يدق باب بيتنا بس احس اني انسانة مرغوبة يتجمعوا الناس حوالينك وماشاء الله يبدؤ يعددوا فرح فلانة يوم ..... وشبكة فلانة يوم ....... ويكملوا كلامهم ايوا يالحب والحبيب فلانة مو اصغر منك ؟؟؟؟؟ ولا انتي اصغر , وامي المسكينة اطاااالع وتسكت ااااااااااااه ياشوبارد الله كريم وان شاء الله بيكون اخر صبرنا خير ويعوضنا ان شاء الله |
سؤالي يا أخت شو بارد
هل قد ظلمتي احد في حياتك ؟ ... تذكري يمكن يكون احد أسباب عدم توفيقك في الخطبة إنك ظالمة أحد ترى دعوة المظلوم لا ترد الله يكفينا الظلم أو عقوبة في أهلك .... يمكن مستهزئين في أحد ..... ترى هثرقت " ثرثرة " الحريم واجدة ذا اليومين . .. المشكلة أنها هثرقت على قل سنع أو منظولة " الله يبعد عنك الشر " والله ما تدرين ......... أنتي شوفي الأسباب وتأكدي .. |
الله يوفقك اختي شوبارد -فيه بنت مثلك طويلة وخلوقة ومتعلمة كلما دق بابهم الخاطب ذهب ولم يرجع بعد وهكذا استمر بها الوضع على الرغم من ان الفتاة من عائلة كريمة وبنت فيها كامل المواصفات اشتهر الامر عند اقاربها فقام اخوها وسأل احد الرقاة عن حالها فقال (يمكن انها محسودة او معيونة -او معمول لها عمل اي سحر ) واوصاها ان تقرأ في بيتها سورة البقرة بشكل مستمر وخاصة وقت الخطبه وعليها ان تغتسل بالماء المقروء به سورة البقرة وترش بباقي الماء جميع زوايا البيت من أول عتبة الباب الى اخر زواية في البيت وفعلا طبقت نصيحة ذلكم الشيخ والحمد الله تزوجت مع اول خاطب بعد هذه النصيحة حيث ان الخاطب واصل المسيرة مع خطيبته حتى تم الزواج 0 كذلك عند العطارين وصفة تسمى الوصفه الرومية تنفع ضد العين والحسد والسحر حفظك الله اختي شوبارد والله يدلك على طريق الخير0
|
يقال ايضا ان البعض من الخادمات يعملن اسحار وغير ذلك اذا سافرت لبلدها وخاصة اذا كانت الخادمة حاقدة على الاسرة واخص بالذكر الخادمات الاندنوسيات على وجه الخصوص
|
اقتباس:
اقتباس:
او احيانا بعد اختبار سكون صعب على الكسالى اتوقع بيحسو في قرارة أنفسهم بالظلم مع اني اخاف الله وضميري الحمدالله صاااااحي كل مابغيت انام افكر وش سويت خلال يومي أهلي ايه والله امي لما كنت ادرس كل بنت تتزوج تطنز عليها تقول ماتستحي تبي رجل!! والله امي ياعمري تغليني وتشوف كثرة المتقدمين لي كثار وتحسب الدنيا على كيفها الله يفرح قلبها بزواجي منظولة.. كنت من فترة اروح لشيخ وكأنه لمح لي يمكن نفس متعلقة الله يفرجها بس من جد خوفتيني بصراحة كثير اخوي الثعالبي ايه قد سمعت فيها الرومية بس مادري عن صحتها ومرة شيخ قالي عن خلطات بس خفت استخدمها بصراحة وسالفة سحر الخادمات انا بحياتي ماصارت لي مشاكل مع الخادمات ابدا مع ذلك اهلي يشكون مثل كلامك الله يستر |
اقتباس:
عزيزتي شوبارد وكل بنات المنتدى واللي تحس انها معيونه هذه الطريقه اللي قال عليها اخونا الثعالبي اختي جربتها وماشاء الله تزوجت وانا جربتها وتقدم عريس بس للاسف ماحصل نصيب بس الرفض كان من ناحيتي تجيبي ماء زمزم او ماء عادي وتقراي فيه سورة البقره والمعوذات وءايه الكرسي 3 مرات هذه للعين وسورة يس بغرض تفريج الكرب وسورة الواقعه للرزق وتشربي منه وتمسحي على جسدك وبعدين ترشي في ارجاء البيت وعتبه بابكم وان شاء الله ربي يرزقك ويرزقني ويرزق جميع بنات المنتدى وجميع بمات المسلمين الزوج الصالح عاجلا غير اجل لاتهملي الموضوع اهم شي اليقين وان شاء الله ربي يفرجها عليك من اوسع ابوابه ونسمع المره الجايه خبر زواجك |
خوفتيني = قوية يا شو بارد أنا ولد مو بنت هههه
المهم نرجع الى موضوعنا من كلامك تبين لي أنك ما ترضين الظلم على الاخرين ومراقبة ضميرك ... وتحاسبين نفسك قبل ما تنومين .... ومن مواضيعك وردودك واضح انك إنسانة حبوبة وحساسة جدا يعني إن شاء الله أنتي بعيدة كل البعد عن الظلم (يعني ماظلمتي أحد) بالنسبة ل هثرقت الحريم والكلام في الناس<اللي ما احبها> اللي اهي الغيبة والحسد من كلامك اخشى ان يكون احد اسباب عدم توفيقك ..... دورك هنا ان تحاولي مع امك في ان تقلع عن هذا الشيء وتذكريها بانها ربما هي السبب في عزوف الخطاب عنك لا تتهمينها بطريقة مباشرة تحسسينها بالذنب وتحزن عليكي يعني بطريقة غير مباشرة (تلميح) بإسلوب لطيف ما يزعلها أنتي أدرى مني في أمك بحيث ما تكون النتيجة عكسية وإن شاء الله ما تكون هي السبب .... النقطة الاخيرة العين و الحل مع هذي القراءة عند الشيخ .... وإن شاء الله أنك غير منظولة في الختام : والله يا شو بارد ما أردت أني أخوفك و السبب اللي خلاني أذكر الامور هذي أني متعجب و مذهول ليش الخطاب ما يوافقون عليك على الرغم من انك تمتلكين مقومات الجمال و الكل يشهد لك بذالك ~خطرت في بالي الامور هذي وقلت ممكن تكون هي السبب وذكرتها هنا لانك والله كاسرة خاطري والله يكتب لك اللي فيه خير~ والسلام عليكم |
^
^ آسفة أخوي.. بصراحة ساعات احس انه عقوبة لأني كنت ارفض لما كنت طالبة طبعا باقناع من اهلي ورجاء مابغى احد يلومني ايام وراحت وهذا نصيب وصعب جدا ألمح لأمي وماراح استفيد لما ألمح لها الا أنكد عليها.. اصلا انا متأكدة انها عارفة ودايم احس بردة فعلها بشكل غير مباشر مشكر على اهتمامك أخوي المقنع على مااعتقد! أشكركم جزيل الشكر اخواني اخواتي.. كار الرياضيات almojaded ريم المدينة مشكلتي أصدق بسمة رضا لحظة وداع الريم عذراء حزينة ahlam2002e المثابرة شيخة الحور حنتوشة لامير MCS قمر الحجاز صفاء أم خالد لؤلؤ مكنون عقد الؤلؤ سنيوري اخو فهدة بحرينية ولكن الحب والحبيب اقتباس:
وانا وضحت في السابق ان شكلي عند الرجل مايوحي بالغرور أبدا ابدا وأيضا ذكرت في كلامي ان شكلي ماهو جميل أكثر من اللازم ابدا انا ماني ملكة جمال أبداااااا أنا قلت فيني مواصفات حلوة ماهو شرط اني اكون خطيرة وأطيح الطيور من السما من شكلي!! |
هوني على نفسك ..... مو أنتي أول بنت ترفض الزواج وهي توها تدرس.....
بالعكس رفضك للزواج أيام الدراسة كان قرار صائب لا تلومي نفسك على رفضك للخطاب ذيك الايام لانك أصلا لم تكوني مهيئة للزواج بسبب الدراسة أمسحي دموعك وتعوذي من الشيطان أذكري الله تفائلي بالخير تجديه وإعلمي أن ما أصابكي لم يكن ليخطأكي وما أخطأكي لم يكن ليصيبكي لا تقنطي من رحمة الله أنسي الايام السابقة وفكري بالايام القادمة بتفائل |
اقتباس:
يختي معليه الغرور حلو والثقة الزايدة برضو حلوة.. لا تخلي الموضوع هذا يأثر فيكي فتهتز تقتك بنفسك.. فيه نساء يدوروا على اللي مثلك صحبة ماما لمن جات تخطب تدور في الأفراح على وحدة ما رقصت أو أقل وحدة رقصت.. تبغاها ثقيلة وفعلا خطبت لابنها وحده بهاذي المواصفات وتزوجت وما شاء الله حامل.. كله مرغوب الثقيلة والخفيفة والذكية والمهفوفة وست البيت والمدلعة ووووو لكن لكل وحدة تاريخ محدد يوم كذا شهر كذا سنة كذا.. والله المستعان. تأخر الزواج موجود عند المسلمين وغير المسلمين.. وكل أمر البشر بيد الله عز وجل.. نسأله الرحمة والتوفيق. |
صباح الخير شوبارد
اختي رفض للعرسان ايام الدراسو ان شاء الله انه مو سبب لعقوبتك بعدم الزواج شوبارد طيب انتي رفضت خطاب بسبب الدراسة , وانا ؟؟؟؟؟ عمري 26 سنة ولا عمره تقدم لي احد بشكل رسمي مجرد كلام واشاعات يوصل من شخص لشخص عزيزتي كلها ارزقاء بس الله يفرج عننا ويرزقك الطيب الصالح الحنون قولي امين |
اقتباس:
حتى زوجها لما شاف صورتها بعد الملجة قال لها بعد الزواج لما شقت صورتك ماراتحت لك وقلت هذي شايفة نفسها حيل لكن بعد الزواج يقول اكتشفت انك عكس الصورة اللي رسمتها لك لان اختي طيبة حيل وعلى نياتها وتدخل القلب بسرعة لما تسولف بس شكلها ظالمها واعتقد انك مثل مشكلتها |
بيجيج اللي يستاهلج ياشوبارد قريبا ..
يارب لاتحرمها يارب |
السلام عليكم
هذي قسمه ونصيب الله مب كاتبه لك .. يعني الشكل ماله دخل .. هذا نصيب لو سويتي كل شي اذا الله مب كاتبه لك ماراح تتزوجينه واذا الله كاتبه لك راح تأخذينه بعدين ليش انتي مضيقه صدرك الله يهديك صدقيني الوقت ذا قل به الرجال .. يعني صفات الرجوله الحقيقه مثل الطيب والكرم والوفا والتضحيه والغيره نادره بالوقت هذا ... وسعي صدرك وعيشي حياتك لاطحين بشبه رجال يكرهك بشي اسمه زواج أفرحي .. وعيشي حياتك واطلبي الله التوفيق وتأكدي ان نصيبك راح يجيبك لحد بابك اذا الله كاتبه اتمنى لك التوفيق رجل |
حبيبتي لا يضيق خلقج خليها على الله .. والله كل شي قسمه و نصيب و ياما بنات كانوا يسوون المستحيل عشان ياخذون انسان معين ويدعون الله ليل و نهار عشان ياخذونه بس مايقولون اذا في صالح لي اخذه .. و عاشوا حياه تعييييييييييسه و نهايتها ياطلاق ياتظل معلقه !! ..
وبالنسبه للجمال و الطول .. انا اقولج اياها وايد رياييل يبون بنات قصار ماادري ليش !! .. انا طويله يعني بين البنات و بين امي و خواتي دايما اكون اطول وحده من غير كعب .. و ابيض وحده فيهم و كل من يشوفني يقول حق امي سبحان الخالق صوره مو بنت !!!! والله العظيم مع هذا صار اللي صار مع خطيبي السابق !! و ماتقدم لي واحد عقبه والكل كانوا يتقدمون لي بس بالكلام .. او سوالف انه الام تقول ابيها !! زين تفضلي خطبي لا ماتقدم !! .. و مره خطيبي قال لي لمن كنا طالعين مع بعض و شفنا صديقه .. قال انه صديقه قال له انت ليش ماخذ وحده الكل يطالعها !! مالهم امان !!!! .. يعني كل وحده حلوة بتكون رايحه فيها !! معقوله هذا راي الشباب !! .. يعني كل واحد وتفكيره ناس يحبونها ضعييفه و قصيره ناس يحبونها متينه و طويله و شعر كشه او ناعم يعني الناس اذواااق فماعليج بيي يوم و بييج اللي يحبج و ياخذج و بتحمدين ربج عليه :) بس المهم لا يضيق خلقج و لا توافقين على اي واحد مجرد اسمج تتزوجين !! .. اوعدينا كلنا اخوانج انج تفكرين باي واحد يتقدم لج عدل .. ولا تحسبين عمرج او انج بس تبين تتزوجين .. قعدي ابيت اهلج بكرامتج ولا تاخذين اي واحد .. |
يغلق الموضوع للأكتفاء بالردود وفق الله الجميع احترامي |
| الساعة الآن 05:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©