اختي الحبيبه اريد مساعدتك،لكن لا اعرف ، اساليه عنه واكثري من الاستخاره

صدقت أخوي الكبير ليت أنظمة المنتدى تسمح بمثل هذا الشي وطبعا يكون تحت إشرافهم والله كان وحده مثل شوبارد بنت ملتزمة وشخصيتها مميزه كان أنا أول من يخطبها والله لو اعرف بيت اهلها كان ماترددت ولا دقيقه (لأن بصراحة أتمنى اني مااتزوج إلا وحده أكون عارف أفكارها وأسلوبها لأني لو خطبت اي بنت وشفتها ممكن يعجبني شكلها لكن الشي المهم اللي هو افكارها ومعاملتها ماراح أعرفه من النظرة) وماأقول الا الله يكتب لها ماكان فيه الخير والله يعافي امها ويشفيها ويكتب لها طولة العمر وتشوف أولاد أولاد شوبارد.

اختي شوبارد والله مو عارفه وش انصحك فيه بس راح اقولك شي
انا قبل اتزوج كنت مستحيل راح ارتبط في انسان متزوج او مطلق المهم خطبوني ناس كثيروكان الوالد يرفض ليش يقول ماارتاح لهم بعدين جا خطبني واحد لكن مطلق قلت مستحيل ابوي يوافق سألوا عنه قالوا انه كويس مره وانه طلق لانه تزوج وحده أهله من زمان كان الواحد يقول فلان لفلانه من يوم همه صغار تزوجها بس ماكان فيه اتفاق استمر الزواج سته شهور وطلقها استخرت وارتحت وتزوجته والحين عايشه الحمدلله في ثبات ونبات ومخلفه ولد وحامل وهوه طيب متعاون حنون وعلى فكره اكره التدخين وكان يدخن والحين بيبطل لانه خايف على نفسه وعلى الصغار وسلامتك
الله يوفقك ان شاءالله

اخوي الله لايهينك ممكن تذكر لي أمثلة من المضايقات؟


صدقتي والله. فعلا كلامك مهم جدا. الله يجزاك الجنة مراقبتنا البتول

اخواني اخواتي مشكورين جميعا ماقصرتو الله يوفقكم ويسهل اموركم يارب



صح البنت مع امها الحين لكن هذي تعتبر مشكلة بعد.. ماراح تجيني مثلا الا اذا كبرت ووقتها اتعذب عشان اتأقلم عليها وتتأقلم علي ويمكن ماتتقبل مني أي شي مثلا!!

لكن لو تجيني صغيرة بتصير تحت يدي الوضع بيتغير تماما صح!!

انا الحمدالله حنونة ومحبوبة اللهم لك الحمدلكني اعترف انا ماعندي حلم وعصبية واذا هديت ورضيت ماكأني اللي من قبل شوي عصبت

اخاف اظلمها .الحين لما يكون عندي حصة وطالبة تسوي شوشرة بالفصل أهزأها لدرجة اني احطمها واشوفها تتفشل عند صديقاتها

وبصراحة افرح أحسن عشان تتأدب وماتزعجني تصدقون مااحس بالذنب ولايهتز فيني شعرة اكون وقتها معصبة واشوف نظرات الزعل بعيونها وعادي

بس مجرد مااطلع من الحصة واهدا اتذكرها واحس بتأنيب الضمير هي تستاهل اللي صار لها بس المفروض اراعي مرحلتها العمرية! والله اذا جا بكرة ودخلت عليهم

ابتسم بوجهها وكل شوي اطلعها في المشاركة وامدحها وساعات اطبطب على اكتافها الين اشوفها مبسوطة يعني اعتذر بطريقة غير مباشرة

لكن هذي طالبة وانا معلمتها.. وهذيك بنت وفاقدة امها وانا البديل راح تحس بالظلم صح!

افرضو انه مثلا يرحمها لأنها بدون ام ويخليني اعاملها معاملة خاصة ويمسك علي كل حركة اسويها لها! شغلانة صراحة

لكن لو تجيني من صغر انا اربيها وخلاص اخليها تتلعق فيني وبتصير كنها بنتي. << وبنفس الوقت احسها انها بتحرمني في بداية حياتي!!

أدري أشغلتكم وعورت روسكم .. بس من لي غيركم أشكي له وآخذ الرأي السديد الا منكم

والله استفدت من كلامكم كثير نورتوني الله ينور لكم حياتكم واذا عندكم زيادة اتمنى ومالكم الا دعوة بظهر الغيب

حبيبتي شوبارد راح أكتب لك برنامجي المكثف الذي اعتمدته لنفسي لمدة سنة كاملة بدون انقطاع صباحا ومساء بنية أن يفرج الله عز وجل عني ويرزقني بالزوج الصالح , إن شاء الله والحمد لله كما ينبغي لجلال وجهه وعظيم سلطانه ,

والصراحة فترة السنة ليست بالطويلة ولكن حينما تكونين لا تعرفين متى الفرج كل يوم يصبح فيها كالسنة ولكنني كنت أصبر نفسي بقول ( أخاف إن وقفت عن قول تلك الأدعية ( اليوم) أن يكون في ( الغد) الفرج فلأستمر حتى لا أندم تعبت أشهر وأعجز عن يوم !! )

وأذكر أنني عندما شارفت على ستة أشهر قلت أكملت الستة أشهر ولم يأتِ الفرج فاستمريت وقلت لا تتوقفي ربما غدا هو الفرج .

المهم إن أردتي فقولي صباحا ومساء وبتركيز شديد لا تنشغلي بأمور أخرى أثناء الدعاء وتوكلي على الله أولا وأخيرا :

الله الله ربي لا أشرك به شيئا ( قوليها 7 مرات )
ربي إني مسني الضر وأنت أرحم الراحمين ( 3 مرات )
إنا لله وإنا إليه راجعون اللهم أجرني في مصيبتي واخلفني خيرا منها ( مرة )
وأفوض أمري إلى الله وهو أرحم الراحمين ( مرة )

ادعي لنفسك ومن بعدها قولي اللهم ارزقني الزوج الصالح أعلى المراتب في الدنيا والآخرة كما تحب وترضى .

اشربي ماء زمزم - كما فعلت - بنية أن يذهب عنك الله عز وجل أي عين أو سحر وترتاح منك أم الزوج وتعجبي الزوج إن شاء الله ويزيدك جمالا في عينيه .


هذا وأسأل الله عز وجل لك فرجا قريبا قريبا ولجميع فتيات المنتدى وشباب المنتدى .

^
^


هلا والله بعروستنا الحلوة والله ماخليت سدر ماغسلت فيه.. موية قراية وزمزم وعسل

من جد انا بحال عجيبة والله لو اقولكم كم عدد اللي تقدمو لي بتقولون كذابة لكن الغريب فعلا عدم التوفيق

اكيد فيه شي بطريقي بس مدري وشو حسبي الله ونعم الوكيل

الله يتمم زواجك على خير ويسعدك يالغاالية

الحمد لله على كل حال لا نعلم الخير أين هو ولكن أفضل أن تستمري على الأدعية التي ذكرتك بها فهي لن تأخذ منك ثواني معدودة بالإضافة إلى ورود فضل لها بالقرآن والسنة في كشف الكرب بإذن الله .

وإن أردت فزيدي عليها ما أقدمت على فعله في آخر الأيام قبل أن أعلم أنني سأخطب نويت قراءة سورة البقرة يوميا لمدة شهرين وفعلا حسب معرفتي أنه لم تعمل فيها فتاة إلا خطبت في أقرب وقت حتى تكاد لا تكمل أياما فتخطب وليس شهرين كما حدث معي والله يوفق الجميع

كما أنني بالإضافة إلى ذلك منذ تلك الفترة ( إلى اليوم ) ملتزمة بتشغيل سورة البقرة في منزلنا يوميا أو على الأقل كل 3 أيام .

وكذلك عودت لساني على أن ينطلق بالدعاء في كل لحظة اللهم ارزقني الزوج الصالح تفاؤلا بمرور ملك فيقول ( وجب ) .

لدرجة أنني وحتى بعد الزواج لاحظت نفسي أحيانا أقول اللهم ارزقني الزوج الصالح فأنتبه لنفسي بعد الدعاء وأقول ولكنني متزوجة فأضحك , أدمني على الدعاء .

ماشاءالله تبارك الرحمن كلامك روعة يالؤلؤ وان شاءالله بمشي عليه. اكثر شي عجبني سالفة انك تدعين الزواج وانت متزوجة ههههههههههه

الله يوفقك ويهنيك ويسعدك يارب ويفرح قلبك اكثر واكثر تسلمييييييييييييييين

وحفظت كلامك عندي وسميته فرح لؤلؤ مكنون

أجمعين يارب ونفررح فيكم جميعا :)

ولا أنسى طبعا دعاؤكم لي بظهر الغيب وإن شاء الله ملتزمين به نحن كذلك .

شوفي ياشوبارد ............... من واقع تجربتي ....انا بس مملكة ........... انا ماخذه واحد مطلق. مرتين.........يعني اتزوج مرتين ومطلقهم .. وانا الثالثه .........وياليتني مااملكت على هذا الانسان ... اقولك ليش!!!!!!! لأني ما سألت عنه ولا عن سبب الطلاق .... واكتشفت الان بعد ماوقع الفاس بالراس سبب الطلاق .. انه لعاب وحق حريم ,..... يعني مايكفيه الحلال .....وانا الان على مشارف الطلاق....
يعني نصيحتي لك .... انك تسألي كويس عن سبب الطلاق ......يمكن منه .. ويمكن من طليقته........... ولو كان منها ......... فصلي الاستخاره وااتوكلي ............



ولاتقولو الرجال المطلق يخوووف ...اصابع اليد مو وحده ........ مثل مافي نساء طيبين يوجد رجال طيبين ويدورون على الحرمه الصالحه....


مثل خالي الطيب جدا جدا جداالمطلق ..... ومثل طليقي الخبيث جدا جدا جدا .......<<<<<<<<<<<<<شفتي اصابع اليد مو وحده

شوبارد




اهلك مكبرين الموضوع اكبر من حجمه ترى الموضوع مايستاهل وانصحك لا

تجاملينهم على حساب نفسك يعني كل البيوت مليانة والله اني اعرف واحد بيته

في تسع بنات وعادي عمره ماجرح وحده منهن وانا شخصيا كان عندي اخت

مطلقة واهلي حاولوا يسون ضغط عليها وقفت معها ضدهم وقلت اختي ماراح

تتزوج الا اللي تبيه لو تجلس قرن كامل فالبيت وهي عندها اطفال قالوا

تحمد ربها من يرضى بها لازم تزوج قلت مالكم علاقة هي اللي ترفض وهي اللي

توافق وجاها فوق العشرين خطاب وترفض والحمد لله تزوجت رجل افضل من

كل اللي خطبوها كلهم تدرون ليش لانه زوجها الاول.


اصبري وفهميهم انك لن تتعجلي في الزواج ابداً واذا تعجلتي الله يعوض عليك

محد راح يرحمك ابد يعني الضغط راح يكون اكثر وراح تتحول الحياة الى تجارب

بعدين بصراحة اللي عنده اطفال صعب انا ولد عمي مطلق زوجته الاولى والثانية

تطرد عياله والله انه موديهم عند امهم في ليلة الساعة 2 صباحا بسبب رفض الزوجة

اتقي الله في نفسك قبل لا ترضين اهلك مجتمعنا مايرحم المطلقة ابد وخصوصا الاهل

ينظرون انها سوت اللي محد سواه.

بصراحة ليست لدي خبرة لاساعدك لاكن انصحك بالاستخاره والدعاء ثم الدعاء في اخر الليل


تمنياتي ودعواتي القلبية لك بالتوفيق

شوبارد حبيبتي لا تتسرعين
هذي حياتك انتي...انتي وبس
اسألي عن سبب طلاقه
ومادام انه يدخن
أنا أقول يمكن (عصبي)
وبالنسبة للبنت
إذا انتي ماراح تغارين من اهتمامه فيها
فهذي مو مشكلة
شوبارد
ترا أنا كنت في نفس مكان البنت
وعانيت من غيرة مرت أبوي
بس الحمدلله تربيت عند جدتي وارتحت من نظرات الشر اللي بعيونها
بس كنت بعيدة من ابوي واهتمامه فيني
...فكري ياشوبارد..لا تستعجلين وتتعسين نفسك أو تتعسين البنية
الله يوفقك يارب

شوبارد
اعانك الله اختي
عذرا لم انتبه للموضوع الا اليوم
لا اريد ان اتفاول بوجهك
بس من كتابتك للموضوع وطريقة عرضك احس انك مو مرتاحة
وانا جلست افكر كثيييير احاول اساعدك
شوبارد جيبي ورقة وقلم
1- اكتبي كل المعلومات الي تعرفيها عن الخاطب والي ماتعرفيها
2- اكتبي سلبيات زواجك منه
ابدئي بالسلبيات
3- واكتبي الايجابيات

شوبارد عندك شيئين لازم تفكري فيهم وتقرري كيف تتصرفي معاها
1- سبب طلاقه الاول لازم تعرفيه حااااولي بايها طريقة لو اضطريتي تكلمي اخته من غير علم اهلك ( هذه مصلحتك اسمحي لي ولا تستعجلي مثل ما نصحتك اختنا البتول)
وشوفي هل هالسبب ممكن يسير معاكي ولا لا , او كيف ممكن تتفادي حدوث

2- البنت وهذه اصعب نقطة في الموضوع
على فكرة دام انها عايشة مع امها تراه شي حلو بتمتعي انتي ببداية زواجك وبلبسك وبدلعك وبتحسي انك اول وحده في حياة زوجك , افضل من وجود بنته معاكي طول الوقت صديقيني لو كانت معاكم اهتمامك بها راح يطغى على اهتمامك بزوجك , ويوم ماتجيكي البيت اعتبريها اختك الصغيرة اعتقد جربتي احساس انك تكون اخت كبيرة, ترا هالبنت اذا انتي احسنت معاملتها بتكون اغلى من اخواتك ويمكن توصل لمرتبت بنتك

لكن كلامي مو معناه انك ترفضي وانه مطلق ينخاف منه وانك راح تفشلي معاه لا قدر الله

انا اعرف وحده اتزوجت بمن اهو اكبر منهاااااااا هي في سننا تقريبا وهو 45 ومطلق مرتين وفرحها ماشاء الله يوم الاحد الله يسعدها ومبسوطة معاه وفترة ملكتهم كانت من احلى فترات حياتها

فكري واستخيري واتجاااااااااااااااهلي ايها ضغط خارجي هذا زوااااااااااج حياة


اما موضوع الدخان اعتبريه تحدي لك وخليه يتركه واعتقد انك قدرها اثري فيه وان شاء الله بيترك الدخان


( شوشو مو اقولك انا وانتي متشابهين كثير انا اكره الدخان وان شاء الله ربنا يرزقني بانسان مايدخن)

امانة شو بارد طمنينا عليكي ابي اعرف اخبارك
الله يفرج عنك

شوبارد 0000 وينك طمنينا عليك

شوبارد 0000 وينك طمنينا عليك

ما شاء الله تبارك الله .......................اخيرا جاكي خاطب

شوفي يا شو بارد

أنا معك في تخوفك ( مطلق وعنده بنت ) بس نصيحتي لا تستعجلين بإتخاذ القرار بعدين تندمين

أولا شيء أصري على أهلك في أن تعرفين سبب فشله في زواجه الأول ... حاولي بكل الطرق معهم قولي لهم " كانكم تبوني أتزوج أسئلوه عن سبب طلاقه الأول انا ما أبي أتخذ قرار وبعدين أندم ... أنتوا أسئلوا وبعدين خذوا رأيي " حيث ستكونين حينها قد أمسكتي زمام الأمور ووجهتي سهامكي نحوهم


اما بالنسبة لبنته ... فمن رأيي أن لا توسوسي وتتوقعي أسواء الاحتمالات ..... تفائلي بعدم حدوث شيء

أما بالنسبة للدخان فنصيحتي لكي بأن تنسيه و لا تجعليه سببا في رفضه " لا تنسي أنه تقدم لك كم شخص وتم رفضه , و لا تنسي همكي بسبب هذا الموضوع وهم أمك بالدرجة الاولى "



أكرر لا بد لكي أن تعرفي سبب طلاقه الأول فبه ستتضح الصورة أمامكي اما الأسباب الأخرى لا تكترثي لها لأنها مع الوقت والعشرة سيتغير الحال و ستعرفين وقتها مايجب فعله



وفقك الله لما يحبه ويرضاه

والله والله والله اني فرحت لك من كل قلبي اختي شوبارد

ربي يوفقك

اتذكر قصتك انك تزوجتي مثل كذا يعني ماله شهر تقريباً قاريها لك

بجد كثر ماني فرحان إنك نخطبتي كثر ماني حيران

اختي انتي على اسلوبك في المنتدى قلبك حنون والبنت بإن الله إذا حصل نصيب راح تتعلق فيك

لكن قبل كل شي حاولي تعرفي اسباب الطلاق وإذا عرفتيها وحصل نصيب

حاولي تشرطين عليه انه يترك التدخين وإذا كان شاريك وميت فيك راح يتركه

ربي يوفقك وإن شاء الله نسمع الخبر الي يفرح قبل لا يطلع الأسبوع هذا

اختى الحبيبه شوبارد
طمنينا عليكى
اخبارك ايه
ربنا يكرمك اختنا الحبيبه
تخيلى كنت اتحدث مع واحده صديقتى عرفتها على المنتدى
وهى متابعه جيده لمواضيعك
وكنا نتحدث اننا نحبك فى الله
اكرمك الله ووفقك

الله يجزاكم خير ماقصرتو

وشاكرة اهتمامكم

الموضوع على حطة ايديكم ماصار شيئ الى الآن

ادعو لي

الله يسعدك يارب
ويكتبلك الي فيه الخير

اسأل الله الكريم ان يرزقك بالزوج الذي تتمنين عاجلاً غير آجل

أعانك الله ياغالية ورزقك ما تتمنينه واسعدك دنيا وآخرة

شوبارد حبيبتي طمنينا عليك اول باول الله يوفقك
تحياتي

شوبارد اسعد الله صباحك
واسعد ايامك
ولياليك وعمررررررررك كله
طمنينا عليكي واذا مافيها كلافة
ترا الي يفرحك يفرحنا

ان شاء الله نسمع منك وعنك اخبار حلوة
الله يفرج عنك همومك ويسر لك امورك ويرزقك بالزوج الصالح الحنون العطوف الطيب الذي يخاف الله فيكي غير ضال ولا مضل
امييييييييين

شوبارد اسعد الله صباحك
واسعد ايامك
ولياليك وعمررررررررك كله
طمنينا عليكي واذا مافيها كلافة
ترا الي يفرحك يفرحنا

ان شاء الله نسمع منك وعنك اخبار حلوة
الله يفرج عنك همومك ويسر لك امورك ويرزقك بالزوج الصالح الحنون العطوف الطيب الذي يخاف الله فيكي غير ضال ولا مضل
امييييييييين

شكل شوبارد مشغوله بترتيبات الخطوبة:14:

ان شاء الله تكون الامور تمام ياشوبارد

شوبارد يالغالية

فرحت والله وانا اقراكاتبة الموضوع

اسال الله لك الخيرة

حاولي السؤال عنه من اي طريقة

لاتتعجلي فأنا لاأسيء الظن في شخص لاأعرفه لكن من اجل ان ترتاحي له

فليس كل مطلق احب طليقته

الدخان يهون فربما تحاولي تغييره


اللهم اسعدها فانت سبحانك من بيدك الخير كله

وجنبها الشر فأنت العالم وحدك

أسأل الله لك ولجميع بنات المسلمين حياة زوجية هانئة


أتخيــــــــــلك الحين هم وغم وضيقه

رددي في سجودك " ربنا هب لنا من أزواجنا ودرياتنا قرة أعين وجعلنا للمتقين اماما "


أختك عقود اللؤلؤ

شوباااااااااااارد وينك
حرام عليكي
ايش اخر اخبارك طمنينا

شاكرة للجميع اهتمامكم

الغالية على قلبي الحب والحبيب شايلة همي الله يسعد قلبك قولي آمين


تصدقين لو اقولك مادري وش صار!!

بلحظة غضب قلت لأهلي انا ماعندي جواب لأنكم ماجبتو سبب الطلاق خلاص سوو اللي تبون

ومن بعدها ماجابو لي خبر!! أشوف اتصالات الخاطب مع ابوي.. أشوف اتصالات امه لأمي

ولأدري عن أي شي!!

امي اول اذا حرمة دقت تخطب وانا بالدوام تدق علي هناك تصوري!! والحين ولاكلمة تنطقها!! << اول مرة يمكن عصبت علي

الله يستر من اللي جاي

والله يفرجها

الله يعينك يا شو بارد لو طار الخطيب من يدك ماتدرين يمكن خيرة

الله يكتب لك اللي فيه خير ... ويسعد أيامك

^
^

صراحة انا ودي يطير

بس اذا ضاق صدري من اهلي اقول بتوكل على الله واوفق

لكن الجد الجد الجد ماني مرتاحة ابد للموضوع خايفة مررة اخاف تتغير حياتي للأسوأ

من حقك تخافي , أنا الليلة اللي قبل ملجتي قعد أبجي وأصيح وأمي تهدي فيني وأقولها خايفة يكون مو نفس اللي في بالي خايفة اتفاجأ بأطباعه و...مخاوف طبيعية والحمد لله على كل حال والحين تم الزواج وتعرفت عليه وعسى ان تكرهوا شيئا وهو خير لكم :)

ياحياتــــــــــــــــــــــــــي ياشوبارد الله يكتب لك الخير اللهم امين
لاتنسين الدعاء
تحياتي

شوبارد يا البايخه (مطيحه الميانه)
لا تنسينا من التطورات
اعلمينا باللي يصير
وياليت موافقتك او رفضك تكون بناء على الاستخاره

الخوف ضعف وفشل فلا تتركي الخوف يتملكك قدر ما استطعتي ودا شعور بيتمالك كل بنت لانه تغير حياتها تصرف اهلك عادي محتاريني مو عارفيين يتصرفوا اسالي الي بيعرفوه
وربنا يوفقك ان شاء الله ونسمع عنك كل خير