|
السلام عليكم و رحمة الله و بركاته
أنا مهري 30000 و ما كفاني...كملت عليه 15000 تقريبا.... أكثر شيء ضايقني غلاء الأسعار ... الذهب ناااااااااااااااااار... أسعار الملابس أصبحت ناااار خصوصا بعد زيادة الرواتب... و بعدين الفتاة من فين لها تجهز نفسها إذا الرجل الخاطب ما يدفع...يعني مو كل الأباء قدراتهم المالية تسمح... يعني الشاب مسكين و الفتاة مسكينة أيضا...الله يعين الجميع... |
اخوي احس انها تكفي ، اذا اقتصدت البنت
وبتكفي اكيد وزيادة اذا انت فعلا ناوي تحطها في عيونك ، وتدللها طول العمر!!!! (البنت ما تبي اكثر من كذا) انا يوم قرأت ردود زميلاتي!!! ، بصراحه خجلت:o حنا مهورنا غااااااااااااااااااااااااااليه بس اقولك من وحده مجربه ، طريقة صرفنا للمهر قمة الغباء!!!!!!!!! نكثر ملابس ، وتكون هالملابس مالها داااااااااااااااعي!!!!!! الله المستعان عموما ، الله يوفقك ويكتب لك اللي فيه الخير |
اقتباس:
بالله ياليت تقولون لربعنا اللي مايبون يفهمون ابد يعني الحين يااختي ...... مو الزوجة بتروح ويا زوجها لبيتهها .......صح ؟؟؟ طيب لي راحت هناك ان شاء االله لو يروحون نيجيريا يشتروووووووون جلد نمر ... بس خلوا الشباب يعفون انفسهم يعني احنا ملاقينها من الاغراء كل يوم بالسوق ....... بالطريق ... ولا من ناس . قلنا نبي نتزوج ........... مد براطمه مترييييييييييييييييين وسوا لي فيها الدوق فلاااااااان :29: :26: :26: :26: :26: تشتري اللي تلبسه يوم زواجها .......... وبعدين يسوون اللي يبوووووووون :29: :29: :( |
اقتباس:
والله ثم والله ثم والله ..انه رزقك راح يجيك لحد بابك (((( لانه معروف ومافيها اي نقاش ....لأن الله تعالى يسهل للمتزوج واللي يبغى الحلال يسهل له امره)) ... ويأخي الله يجزاك خير ..مافي دابه ومخلوق على وجه الارض الا على الله تعالى رزقها... تأمل معي الله يجزاك خير قول الله تعالى((( وفي السمآء رزقكم وما توعدون)))...إذا الرزق بيد الله تعالى فليش الخوف من المستقبل..... انتهى |
هههههههههه
ضحكتني اخوي تركي على سالفة جلد النمر!! ، كلنا عارفين ومقتنعين ان التوفيق هو المهم لكن من يسمع؟؟!!! مالنا غير الدعاء ، والله لا يخيب رجائنا |
اخي الفاضل
توكل على الله فهو كافي وانت ان شاء الله بتغيها عن كل متاع الدنيا |
نعم يكفي وزياده
لو ان العروس حطت في بالها ان الاسواق ما راح تسكر ابوابها اللي يخلي البنات ما يكفيهم المهر انهم يشترون اللازم وغير اللازم ولو انهم اقتصروا على اللي يستفيدون منه وبس اعتقد ما راح تتعدى 10000ريال والباقي تحطه بالبنك تستعمله وقت الحاجه |
اقتباس:
يكفي جداً وزيادة مع التصرف الحكيم في الشراء والتسوق |
والله لو عندي بنت في سن الزواج كان أنا أدفع لك مهرها
لله درك وبوركت في زوجك ومالك وبدنك 30000 وتسأل قليل أم أزيد ولا راتبك على قده قويه والله بس خذ اقو منها زوجي غنييييي ومهري أقل مما ذكرت والذهب ونصف أغراض المطبخ علينا أقول 25000اذا كان عليك الذهب كافيه. بعدين هي ايش بتشتري غير الملابس والملابس المفروض تكون قليله لان بعد كم شهر بتحمل وبتشتري غيرها بعدين أخوي تقدر تعوضها بعد الزواج ان كانت والله يجعلها طيبه وتستاهلك أخوي ترى عمري مامدحت أحد غير زوجي ولكن حين رأيت حرصك على بنت الناس قلت كلمة حق يجب أن تقال والله يبارك لك ويوفقك وعلى نياتكم ترزقون |
بسم الله الرحمن الرحيم
ثلاثين الف ريال في البحرين تكفي المهر بالذهب ,, وجميع مستلزمات العروس ,, لكن في السعوديه الله يعينكم يا الشباب تحياتي |
والله اخوي انا باكلمك لوكانت البنت بديرتي بلمدينه المنوره
اكيد بتكفيها بس والله مااعرف كيف الاسواق بلرياض يعني لو مثلنا خير وبركه مع اني الي اعرفه ان فيها الغالي والرخيص وتقبل تحياتي |
[COLOR="Indigo"][B]مو معقوله تكون المهور لهدرجه كثير ما بعرف السبب
|
الله يعينكم.. بس انا الصراحة تقريبا ما اخذت ولا شي من عند زوجي..
كانت ظروفه صعبة وكنا ناويين نتزوج.. يعني كل اللي اشتريته كان المهم وبس حتى ذهب ما اشتريت لي بس عشانه.. ووالله ما نقصني شي كنت طول ايام زواجي ستايل وكشخة وفي نفس الوقت ما ذبحت زوجي من الصاريف.. والحين تغير الوضع وزوجي اخذ لي كل اللي ما اخذته وعوضني بأكثر من الل فاتني... ما في احلىى من القناعة.. وما في احلى من انه الشخص يعيش مع حلم وحب حياته.. |
10 الف دولار !!!! و تسأل تكفي ولا لا ؟؟؟
تعرف مهري حوالي 600 دولار (واعطيت منها 300 لامي .. هبالة مادريت كيف اصرفها) و قبل فترة بسيطة اعطاني خطيبي 2000 دولار) اشتريت منها فستان الزفاف و حجزت القاعة و شريت البخور و العطور و شوية ملابس فقط لاننا متفقيين اي شي ينقص نطلع السوق و نشتريه سوا بعدين (عشان نحس بشهر العسل ) يعني باختصار تكفي و تغطي و تزيد بس مع الي عقلها براسها و ربي يرزقك بوحدة طيبة و قنوعة |
السلام عليكم
أخوي .. طبعا مسألة يكفي مايكفي هذه مسأله نسبيه تختلف من عائله لعائله اخرى وحسب اعراف كل عائله .. انا عن نفسي احس انه المتوسط هو هذا المهر .. 30000 ألف.. واحسها كافيه بس اهم الشي البرررررركه وحسن التصرف , وفي ناس تكفيهم بزياده وفي ناس يزودا من جيبهم الخاص .. لكن ارجع اقول حسب العائله واعرافهم .. في عائله ترجعلك نصف المهر وتقولك احنا نجهز بنتنا .. خاصه اذا كانوا مقتدرين ماديا وفي عيله تعطيهم المهر الفلاني ويجيبولك بنتهم ماهي مجهزه ماعندها فستان سهره اذا صار عندها مناسبه بعد الفرح الله يعينك تروح تشتريلها فستان .. ( وهذه حاله شفتها بعيني ) انا عن نفسي .. مهري كان 40 ألف .. وصراحه صرفتها في كل مااحتاجه وعملت منه فستان الملكه والفرح واخذت كل لوازمي الضروريه ... لكن ليه من يوم تزوجت سنه وشويه وانا ألبس واكشخ من أغراضي اللي اخذتها من مهري وزوجي ماقد طلبت منه شي لأنه الحمدلله مجهزه نفسي صح ... .. وبصراحه مهري زاد منه مبلغ بسيط أودعته في حسابي .. اخي توكل على الله واشوف انه المهر مناسب .. لأنه في صرفيات كثيره كثيره راح تندم عليها العروسه وتقول لنفسها بعدين والله ماكان لها داعي .. وربي يوفقك |
والله رأيي أن على الشاب السعودي بالذات يبحث له عن عوائل غير سعودية ترضى باليسير
وتقدر الرجل وتثمنه بدينه وخلقه مو بجيبه , لأنه لا يجب على الرجل أن يتدين علشان زواج وفي عوائل ترضى بالقليل لعلمهم بأن بنتهم ليست سلعة تباع وتشترى . |
اقتباس:
ومايهونون الباقين اخوي اذا انت حكمت على العوائل السعوديه على عينه بسيطه مرت عليك تأكد في كثيرررر مو مثلهم بعدين العوائل السعوديه تشتري الرجال مو هي اللي تبيع بناتها واذا حصل العكس فهي قله وتلقاها بكل المجتمعات واذا تشوف ان الافضل السعودي يتزوج غير سعوديه ,, والسعوديات كيف ؟ اذا الشباب خذوا غيرهم ياخذون هم اجنبي بعد؟:rolleyes: اخوي والله مانقزت عشان سعوديه وبس بس اشوف ابوي واشوف اهلي واشوف اهل صديقاتي مافينا ولله الحمد واحد باع بنته او قدر الرجال بجيبه مو باخلاقه الفلوس تروح وتجي .. بس اخلاقه هي الباقيه والله وابوي واحد منهم زوج خواتي وماطلب منهم ولا ريال كانوا يقدمون مهر 50 الف خذا عشره وعطاها اختي ورجع الباقي للرجال بنفس الوقت وابوي جهزها ملابس او شبكه او اي شي ينقصها يعني دفع دبل اللي قدمه الرجال الاهل يبون الستر لبناتهم والسعاده المستمره مو المبنيه على ديون وطمع اخوي رجل طيب 30 الف من غير شبكه احسها مناسبه والله يعطيك العافيه عليهم صدق ماتكفي هالايام بما ان كل شي نار وشرار بالاسواق بس هذي مو مشكلتك يعني حتى لو البنت ماراح يكفيها فأهلها هم المفروض يكملون جهازها اما اذا اهلها ما يقدرون فمفروض تكيف نفسها على الميزانيه هذي اغلب اللي ماتكفيهم ال30 الف مو عن اسراف بس البنت بزواجها بتجهز من الى , كل حاجه , شي يخطر على بالك وشي يطلع لك بدون لاتحسب حسابه لانه أول زوجها مستحيل تطلب من الرجال يوديها السوق عشان ناقصها شي بكره تجي وتقول عندي زواره وماعندي فستان وتعالي اشتري لي .. ترى حتى ناقصني شامبو صعب تقوله تلقاها حاسبته من ايام الجهاز ارجع واقول مو قصدي من اللي قلته انها ماتكفي لا ان شاءالله بتكفيها والله بيبارك فيها بس كنت ابين انه مو اسراف كثر مو يكون هو حياء البنت في أول زواجها وممكن عائله عن عائله تفرق .. حسب مستوى المعيشه اللي كانت فيه البنت بالاخير اقول .. 30 الف مناسب جدا وفيهم الخير والبركه الله يوفقك ويسعدك ويسر لك امورك ويرزقك البنت الصالحه والحموله الصالحه والمسلمين اجمعين |
المهر يختلف حسب الدولة وحسب العادات السائدة
احنا مهورنا اغلبهم 70 الف ولا تاخذ 30 الف الا المطلقة او الارملة او اللي تتزوج من متزوج و70 الف نصفها مخصص لشراء الذهب وما ادراك ما الذهب يعتبر هم للعروس لان عندنا يوم لعرض الذهب ( يأتون الناس ليباركون للعروس واعطائها هدية الزواج قبل العرس بكم يوم وهذا اليوم يكون لعرض الذهب الذي يجب ان يكون من النوع الثقيل والغالي والا تفشلت العروس وسمعت كلمات /ثل ( ذهبكم مو شي- خفيف - الدقة مو حلوة - ليش الذهب شوية - ليش ما كثرتم من المسابح ومن هالسوالف) ويخصص 20 الف فأكثر لشراء فستان الزفاف والناس اهم شي عندهم فستان الزفاف الذي يجب ان يكون من المحلات الغالية ويسألون عن اسم المحل وبكم وبعضهم استغفر الله من كثر ما تهمه هالسالفة يروح يشوف الفستنا في المحل قبل ان ينتهي ليتأكد فعلا فصلته عند هالمحل الراقي او عند محلات رخيصة اما اللي تقوم بتأجير الفستان ؟؟؟ فشلة ولا تنسى ماكياج العروس والله انه 200 ريال فأكثر والمصورة اللي ترافق العروس وتصور لقطاتها لازم مصورة معروفة وهذي سعرها لا يقل عن 400 ريال مع تصوير الفيدو وفيه دخلة العروس وهذي عاد يبالغون فيها العرايس لان الناس يهتمون فيها حيييل عندنا وسعرها يترواح ما بين 1500 الى 3000 ولازم العروس تشتري اكبر عدد من الدراعات ما اعرف شنو تسمونها (_ جلابيات) وهذي اقل وحدة وعادية تكلف 400 ريال تخيل لو تشتري فقط 10 دراعات يعني 4000 ريال غير الملافع والعبايات الغالية اقل عباية وكشخة فوق 300 ريال والملافع اسعارها ما بين 100 الى 200 الى 400 ريال هذا غير العطورات والماكياج اللي لازم تشتريه كله ماركات ومن النوع الغالي لانها راح تحطها على التسريحة ويشوفونها الناس اذا زاروها لتهنئتها في البيت غير البنطلونات والاحذية والحقائب والبوديات وصبغ الشعر وبرنامج العناية ببشرة العروس والله احنا عندنا تعقيد بالمهر حتى لو العروس قبلت بمهر 30 الف تتضطر انها تاخذ سلف من اهلها لتكمل تجهيزها وتسكت الناس لكن 30 الف تكفي العروس اللي راح تتحمل كلام الناس وتقوم بتجهيز نفسها بأرخص الاسعار وتقلل عدد المشتروات وتنسى شي اسمه كشخة وماركات ادري عقدتكم لكن هذا اللي يصير بالمهر عندنا:22: |
اقتباس:
من راقب الناس ..مات هما :21: :21: :21: :21: :21: |
يعني 2400 كويتي صح ؟
|
اعتتقد بان هذا المبلغ يكفي .. فقط يلزمك شراء وتجهيز كل ماتحتاجينه دون اسراف .. المهم في النهاية الزواج وفق الشريعة الاسلامية دون تبذير .. والله يوفقك
|
يكفي وبالزياده بعد وعلى حسب المراه وكيف تحكم عقلها
اختي مهرها 30 خلصت اشياء وواودعت بعد بحسابها والحمدالله الحين عايشه ومستأنسيه ومو ناقصها شي تحيتي |
يكفي ان شاء الله
انا مهري 30 الف ريال والحمد لله انه كفى ومانقصني شي فيه بنات يكثرون من الملابس واشياء مالها داعي فيروح المهر بسهولة اهم شي ان الوحدة تشتري بالمعقول |
| الساعة الآن 05:02 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©