|
السلام عليكم..
كيفكم أخواتي..عندي مداخله .. يمكن تقولون مالك مكان عندنا ..بس أنا ماني قادرة أقتنع بالبوصلة الشخصية.. القضية ممكن نقول طبيعة وأخلاق.. بالنسبة للموضوع هذا أنا قرأت إلى الصفحة 7.. ووقفت!!! والإختبار ماهو مقياس,, لأن اللي ينطبق علي في وقت .. ماينطبق في وقت ثاني.. مثلا طريقة الكلام.. أنا عند أهلي يميل صوتي للصوت العالي.. عند زوجي يكون صوتي هادي إلى الدلع الحلو .. عند الناس الرسميين أكون هاااااااااادية..ورزينه واللي يشوفني يحسوني حكيمة زماني.. عند صديقاتي أكوووووووووون رجة .. وماودهم يتجمعون بدوني!!!! وهكذا بالنسبة للقيادة والحركة وطريقة الأكل والوقت والمدح والتشجيع والقرارات والأحاسيس والمشاعر .. كلها إذا أنطبقت علي في وقت قد لاتنطبق علي في وقت أخر!!!! |
اقتباس:
كلنا بلا استثناء ليس مع كل البشر نفس التعامل فى حكمه تقول (( لكل مقام مقال )) بالتأكيد كلنا بنطبقها لكن الفكره أن شخصيتك ليس تتغير بمعنى القيادى تأكدى أنه دائما ادارى شاطر حتى مع صحابه تجديه هو الذى يتحكم فى كل شيئ وتشعرين بشخصيته القويه لكن العكس ذلك ايضا مع كل الناس حتى مع اطفاله شخصيته اضعف منهم لى عوده لأنى مستعجله |
ماشاء الله عليكم
ناني .. والكل ... بصراحه انا اليوم متنرفزه حدي صمت لكن فطرت على عصير برتقال من صنعي وبعدين تزاعلت مع زوجي على سبب تافه كان ينرفزني ويقول ولدك احسن من وجهك قلت انا عادي افتخر لانه ولدي ...رغم الناس يقولون ولدك حلو لكنك احلا منه بعدين جلس يحلف ... وكل شوي يتكلم بشيء ويضحك يقول تخيلي اخوك يطلق ززوجته واتزوجها انا طبعا اخوي متزوج2 تنقهرين؟ قلت لا قال الا تنقهرين قلت وانت تنقهر لو خذت غيرك؟ قال لا قلت وانا مثلك قال لا اكيد تنقهرين قلت دام انقهر اجل اكيد انت تنقهر مثلي وجلس يماطل وبعدين قال بتزوج صغيره بزر وووو الخ قلت انا روح تزوج .. وانا بتزوج غيرك يحبني ويدلعني قال محد ياخذ مطلقه ماخذو البنات بياخذونك انتي قلت له : كل ماصار خلاف بيننا جاءو يتأكدون .. وكان لي خطاب قال ايه حتى السياره لازم يسومونها انا قلت ماراح اقول لك شي عارفتك تبي تسحب الكلام مني قال كلام كثير بعدين قال يلا جيبي اكل من تحت الشغاله مسويه غداء وانا كنت توي جايه من الكليه معه قلت تعبت من الصعود والنزول ... لانه علطول يصعدني وينزلني وانا بالدور الثالث قال هذا وانتي بزر توك اجل اذا كبرتي وش تسوين؟ انا انقهرت يعني دوم اسلوبه كذا يقول خلصيني فكيني روحي او يسكر التلفون بوجهي بحجه ان كلامي فاضي قلت انا بزر؟؟ توك تقول بتاخذ بزر واصغر مني تكبرني وتصغرني على كيفك؟ بعدين لبست عباتي بجيب الاكل وقلت له بو بطن ههههههههههههههههههه قلت ليش ماتحترمني دوم تقطع كلامي وتتأمر علي شغالتك انا؟ قال اجل من شغالته؟ قلت مو شغالة احد وعصب قال لاتجيبي اكل حاولت فيه وراضيته وتاسفت وبسته وهو يوخرني عنه ويهاوشني يقول وخري عني لاتشوفي شي ماشفتيه قلت خلاص انا شغالتك بس سامحني وحاولت معه وصارت نقاشات وطفشت منه مدري اذا انتي يالمصريه تعرفين له... انا ماعرفت اتصرف محترق دمي هددته اروح لاهلي قال بذبحك قلت دامك تتصرف زي البزران الصغار انا اولى منك ما انلام لو رحت لاهلي |
فعــلا موضوع مفيـــــد جـــدا ..:)
متــــــــــــابعه .. |
اقتباس:
أختى زوجك لما بيستفزك لا تحاولين تقفين أمامه ند بالند يقولك سأتزوج لا تردى عليه حتى لا يتمادى بمعنى إن وجدك صامته سينكسف من نفسه ويشعر بتفاهته فى الحديث . ثانيا لما يقولك أبنك أجمل منك قولى بيشبهنى الحمد الله ماطلع وجه مثلك بس لا تطولى بالكلام ثالثا مهما كنتى تعبانه خدمة الزوج واجبه يعنى انزلى جيبى الطعام بدون مناهده ومطاوله فى الحديث الذى غالبا يجلب المشاكل ولا تقولى له خادامتك لانك بذلك تقللى من قيمة العمل الذى تقومى به وهو خدمة الزوج لأن المرأه عندما تخدم زوجها فهى مالكه وليس خادمه لان أجرها من الله وليس من عبد ذليل رابعا : زوجك باينله وقت فراغه كبير لذلك بيحب التقريض يعنى بيحب يفتش عن المشاكل بمعنى اصح يشوف ايه ينرفزك ويعمله لذلك أفضل الطرق لتهذيب زوجك هو الطناش واخذ موقف بحكمه يعنى عند تكرار الموقف لا تردى عليه لكن خدى موقف بمعنى اجلسى مع ابنك شاهدى التلفاز اى شيئ بعيد عنه صدقينى هو بيشعر أنك تتجنبيه لذلك مع الوقت يخاف يستفزك لأن شخصيه مثلك غامضه بينخاف منها أحيانا الرجل يخاف من الصمت ولا يخيفه الكلام فأجعلى صمتك هو أكبر عقاب على تطاول لسانه :22: |
اقتباس:
هلا فيج عزيزتي البوصله تتكلم عن الطبع المتأصل و الغالب بالشخصيه لكن اللي تتكلمين عنه انتي هو شي يفرضه عليج موقف معين كلنا مع ازواجنا كيوت واشحلاتنا ومع صديقاتنا فرفشه و اووووبن ومع الاغراب رزانه ورزه ... فهل نحن متشابهون؟؟ لأ طبعا!! |
ملاك يونا تذكرين مسلسل (درس خصوصي)
مريم الصالح (مرايم) اللي كله تخطط وتحرش اختها سعادعبدالله على زوجها عبدالحسين عبدالرضا انا الحين بمثل عليج دور مرايم شوفي حبيبتي زوجج الله يسلمه عرف نقطة ضعفج في هالمواضيه (اتزوج عليج او شوفي زوجة فلان ولا ولدج مو حلو طالع عليج) وللاسف انتي بردة فعلك المبالغ فيها والتعصيب الي ماله داعي خليتيه يستانس على هالوضع وكل ما بغا ينرفزك ويطلع لج قرووون تكلم بنفس السوالف السابقه المفروض انتي تردين عليه بس ماتطولين يعني صكي عليه الطريق يعني لما يقول بتزوج عليج قوليله الله يوفقك بس قبل لاتتزوج ابي ورقة طلاقي ( انا شخصيا اتبع هالطريقه في مثل هاذي الحوارات الاستفزازيه مع زوجي) اخليييه يغير الموجه!! اتوقع زوجك يبي يخلق حوار بينكم لكن طريقته غلط!! اما لما قالك جيبي لي اكل ماله داعي تقولين له انا مو خدامتك مو حلوه مااحب هالطريقه بحياتي مهما تزاعلت مع زوجي ما توصل فيني اني مااطبخ له او مااجيبله شي اطلبه مني بالعكس اسوي له كل شي والزعل مبين على (زوجي يعرفني اذا سكت( يعرف اني زعلانه بس ما اقصر بخذمته حتى لوكنت زعلانه لان هالشي ماله علاقه لاتخلطييين الامولر في بعض روحي تسامحي منه واتبعي طريقتي اللي ذكرتها والله ماراح تشوفين منه الا كل شي حلو هاااا مارضيتي للحييين!؟ |
اقتباس:
أوكي أختي.. أنا أدري ـأنكم بتطلعوني برة القائمة:29: بس ميخالف تحملوني شوي.. أنت قلتي البوصلة تتكلم عن الطبع المتأصل والغالب باشخصية.. ألحين لما يجيك الخيار بالنسبة لطريقة الكلام.. يقولك صوتك عالي وتبدأين بالصراخ إذا غضبتي........ صوتك هادي وتزداد الحدة إذا غضبتي. شنو تختارين!!!! أو على أي أساس أخترتي واحد منهم!!!! يعني ألحين الواحد إذا غضب .. بعرف أول شي منو هذا اللي قدامي.. إذا وحدة بسني أو أكبر مني بشوي أو أصغر بشوي بأصرخ وألجلج وممكن أسب!!!! لكن لو كان اللي قدامي كبير مثلا بسن أمي وغضبت بحاول أني أتمالك نفسي,, راح تزداد حدة صوتي بس ماراح يكون موقفي نفس اللي قبل!!! فـ شلون أحكم هذا شمالي ولا جنوبي!!!!!!؟؟ وعندي أمثلة كثيرة ياليت تتناقشون معاي شوي.. |
اقتباس:
اتوقع عقب ماشرحتلج المثال السابق راح تقيسين باقي الامثله عليه واذا استصعب عليج شي دقي علي:d:29: |
اقتباس:
اشجاب البصل للموضوع:29::d بوصله مو بصل في فرق ترا شكلك مشتهيه بصل:23::23: |
| الساعة الآن 12:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©